တြန္းဇံၿမိဳ႕နယ္တြင္ အသက္ ၆ ႏွစ္ရြယ္ က​ေလးငယ္တစ္ဦးထံ ကိုဗစ္-၁၉ ပိုးေတြ႔ရွိ

0

#Unicode

ချင်းပြည်နယ် တွန်းဇံမြို့နယ်တွင် အိန္ဒိယနို်င်ငံမှ နေရပ်ပြန်လာသူ အသက် (၆) နှစ်အရွယ် ကလေးငယ်တစ်ဦးထံ ကိုဗစ်-၁၉ ရောဂါပိုးတွေ့ရှိကြောင်း ပြည်ထောင်စုကျန်းမာရေးဝန်ကြီးဌာနက ယနေ့နံနက်ပိုင်း ၈ နာရီက ထုတ်ပြန်ကြေညာခဲ့သည်။

တွန်းဇံမြို့နယ် ဟိုင်ကျင်းကျေးရွာဇာတိဖြစ်သည့် အဆိုပါလူနာအမှတ် (၃၁၈) သည် မိခင်နှင့်တူတဖက်အိန္ဒိယနိုင်ငံ မဏိပူရ်ပြည်နယ် Churachandpur (Lamka)မြို့မှ ဇွန်လ ၂၉ ရက်နေ့က နေရပ်ပြန်လာပြီး ဟိုင်ကျင်းကျေးရွာတွင် Facility Quarantine ဝင်ထားသူဖြစ်သည်ဟုသိရသည်။

ဟိုင်ကျင်းသည် ချင်းပြည်နယ်နှင့် မဏိပူရ်ပြည်နယ် နယ်စပ်တွင်တည်ရှိသည့်ကျေးရွာဖြစ်ပြီး တွန်းဇံမြို့မှ (၈၅) မိုင်ခန့်ကွာ ဝေးသည်။ ယခုလက်ရှိ ဟိုင်ကျင်းကျေးရွာတွင် တဖက်အိန္ဒိယနိုင်ငံမှ ပြန်လာပြီး Facility Quarantine ဝင်ထားသူ (၂၂) ဦးရှိသည်ဟု တွန်းဇံမြို့မှ CHRO-တွဲလက် တာဝန်ခံ မ Ruthte ကပြောသည်။

အဆိုပါကိုဗစ်-၁၉ ပိုးတွေ့လူနာကို ယနေ့တွင် တီးတိန်မြို့ပြည်သူ့ဆေးရုံသို့ ပို့ဆောင်ရန်အတွက် တွန်းဇံမြို့မှ ကားဖြင့်သွားကြိုနေကြပြီ ဟုသိရသည်။

ချင်းပြည်နယ်တွင် ကိုဗစ်-၁၉ ပိုးတွေ့လူနာ ယခင်က (၁၀) အထိရှိခဲ့ပြီး ၎င်းတို့အားလုံးသည် ဓာတ်ခွဲစစ်ဆေးမှုအဖြေ နှစ်ကြိမ်စီ Negative ပြသည့်အတွက် ဆေးရုံမှဆင်းသွားကြပြီဖြစ်သည်။

ထို့ကြောင့် ဇူလိုင်လ ၆ ရက်နေ့ကစ၍ ချင်းပြည်နယ်တွင် ကိုဗစ်-၁၉ ပိုးတွေ့လူနာကင်းစင်ပြီဖြစ်သော်လည်း ယနေ့တွင် လူနာသစ်တစ်ဦးထပ်မှန်တွေ့ရှိခဲ့ကြခြင်း ဖြစ်သည်။

#Zawgyi

ခ်င္းျပည္နယ္ တြန္းဇံၿမိဳ႕နယ္တြင္ အိႏၵိယနို္င္ငံမွ ေနရပ္ျပန္လာသူ အသက္ (၆) ႏွစ္အရြယ္ ကေလးငယ္တစ္ဦးထံ ကိုဗစ္-၁၉ ေရာဂါပိုးေတြ႕ရွိေၾကာင္း ျပည္ေထာင္စုက်န္းမာေရးဝန္ႀကီးဌာနက ယေန႔နံနက္ပိုင္း ၈ နာရီက ထုတ္ျပန္ေၾကညာခဲ့သည္။

တြန္းဇံၿမိဳ႕နယ္ ဟိုင္က်င္းေက်းရြာဇာတိျဖစ္သည့္ အဆိုပါလူနာအမွတ္ (၃၁၈) သည္ မိခင္ႏွင့္တူတဖက္အိႏၵိယနိုင္ငံ မဏိပူရ္ျပည္နယ္ Churachandpur (Lamka)ၿမိဳ႕မွ ဇြန္လ ၂၉ ရက္ေန႔က ေနရပ္ျပန္လာၿပီး ဟိုင္က်င္းေက်းရြာတြင္ Facility Quarantine ဝင္ထားသူျဖစ္သည္ဟုသိရသည္။

ဟိုင္က်င္းသည္ ခ်င္းျပည္နယ္ႏွင့္ မဏိပူရ္ျပည္နယ္ နယ္စပ္တြင္တည္ရွိသည့္ေက်းရြာျဖစ္ၿပီး တြန္းဇံၿမိဳ႕မွ (၈၅) မိုင္ခန႔္ကြာ ေဝးသည္။ ယခုလက္ရွိ ဟိုင္က်င္းေက်းရြာတြင္ တဖက္အိႏၵိယနိုင္ငံမွ ျပန္လာၿပီး Facility Quarantine ဝင္ထားသူ (၂၂) ဦးရွိသည္ဟု တြန္းဇံၿမိဳ႕မွ CHRO-တြဲလက္ တာဝန္ခံ မ Ruthte ကေျပာသည္။

အဆိုပါကိုဗစ္-၁၉ ပိုးေတြ႕လူနာကို ယေန႔တြင္ တီးတိန္ၿမိဳ႕ျပည္သူ႔ေဆး႐ုံသို႔ ပို႔ေဆာင္ရန္အတြက္ တြန္းဇံၿမိဳ႕မွ ကားျဖင့္သြားႀကိဳေနၾကၿပီ ဟုသိရသည္။

ခ်င္းျပည္နယ္တြင္ ကိုဗစ္-၁၉ ပိုးေတြ႕လူနာ ယခင္က (၁၀) အထိရွိခဲ့ၿပီး ၎တို႔အားလုံးသည္ ဓာတ္ခြဲစစ္ေဆးမႈအေၿဖ ႏွစ္ႀကိမ္စီ Negative ျပသည့္အတြက္ ေဆး႐ုံမွဆင္းသြားၾကၿပီျဖစ္သည္။

ထို႔ေၾကာင့္ ဇူလိုင္လ ၆ ရက္ေန႔ကစ၍ ခ်င္းျပည္နယ္တြင္ ကိုဗစ္-၁၉ ပိုးေတြ႕လူနာကင္းစင္ၿပီျဖစ္ေသာ္လည္း ယေန႔တြင္ လူနာသစ္တစ္ဦးထပ္မွန္ေတြ႕ရွိခဲ့ၾကျခင္း ျဖစ္သည္။

Share.

About Author

Leave A Reply