ပလက္ဝတြင္ အင္တာနက္လိုင္းသုံးလို႔ မရေသး

0

#Unicode

ချင်းပြည်နယ်တောင်ပိုင်း ပလက်ဝမြို့နယ်တွင် ဆက်သွယ်ရေးအင်တာနက်လိုင်းများကို သြဂုတ်လ (၁) နေ့ညကစ၍ ပြန်လည်ဖွင့်ပေးလိုက်ပြီဟု သတင်းများထွက်ပေါ်လာသော်လည်း ယနေ့ချိန်ထိ အင်တာနက်များသုံးစွဲ၍ မရသေးကြောင်း ပလက်ဝဒေသခံများကပြောသည်။

ယင်းကိစ္စနှင့်ပတ်သက်၍ ပလက်ဝမြို့ဒေသခံတစ်ဦးဖြစ်သည့် ကိုအိုက်ထွန်းမင်းက “လောလောဆယ်ထိတော့မရသေးဘူးနော်၊ ရတယ် ဆိုတာက တချို့ဖုန်းတွေမှာ မက်ဆေ့ နဲ့ပို့့ပြီးတော့ အင်တာနက်လိုင်းပြန်ရပြီ ပြန်သုံး လို့ရပြီဆိုတဲ့ မက်ဆေ့ရောက်တာရှိတယ်၊ တချို့ဖုန်းတွေမှာမရောက်ဘူး ကျွန်တော် တို့ဖုန်းတွေဆိုရင်မရောက်ဘူးပေါ့နော် ရောက်တဲ့ဖုန်းတွေကိုလည်း အင်တာနက်သုံး ကြည့်တော ့အင်တာနက်လိုင်းမတက်ဘူး၊ ကျောက်တော်တို့ဖက်မှာလည်းမေးကြည့် တော့ မရဘူးလို့ပြောတယ်၊ အင်တာနက်သုံးလို့ရတဲ့ အခြေ အနေအဆင့်မှာမရှိဘူးပဲ Messenger / Viber တို့စာပို့လို့သုံးလို့မရဘူးဆိုတော့ အင်တာနက်ရတယ်ဆိုတာ ကတော့လက်ခံလို့မရတဲ့အခြေအနေမှာရှိပါတယ်’’ ဟု ပြောသည်။

မြန်မာ့တပ်မတော်နှင့် ရက္ခိုင့်တပ်တော်(AA) တပ်ဖွဲ့တိုက်ပွဲဖြစ်ပွားရာဒေသ ရခိုင်ပြည်နယ် ၈ မြ်ို့နယ် နှင့် ချင်းပြည်နယ် ပလက်ဝမြို့နယ်တွင် ပြီးခဲ့သည့် ၂၀၁၉ ခုနှစ် ဇွန်လ ၂၁ ရက်နေ့ကစ၍ ဆက်သွယ်ရေး အင်တာနက်လိုင် းများကို အစိုးရက ပိတ်ပင်ခဲ့ခြင်းဖြစ်သည်။

ပလက်ဝမြို့နယ်သည် မြန်မာ့ဆက်သွယ်ရေးလုပ်ငန်း MPT အော်ပရေတာကတ်များကို အဓိကအသုံးပြုနေကြပြီး အင်တာနက် 4G ကွန်ယက်အပြည့်အဝမရရှိဘဲ 2G ကွန်ယက်အဆင့်သာရှိသောကြောင့် သုံးစွဲ၍မရကြောင်း ပလက်ဝဒေသခံအမျိူးသမီးတစ်ဦးကပြောသည်။

“အင်တာနက်သုံးလို့မရသေးဘူး 2G ပဲ ဖွင့်ပေးတာဆိုတော့အဝိုင်းပဲလည်နေတာ၊ Facebook / Messenger/ Viber အကုန်လုံး သုံးလို့မရဘူး။ သတင်းလည်းဖတ်လို့ မရဘူး။ အင်တာနက်ဖွင့်ပေးတယ်ဆိုရုံပဲ ခုလောလောဆယ် ဘာမှသုံးလို့မရဘူး အရင်အတိုင်း မဖွင့်တာနဲ့မထူးခြားဘူးအပိတ်ခံနေရဆဲပဲ ”ဟု အဆိုပါဒေသခံအမျိူသမီးကပြောသည်။

ယင်းကဲ့သို့ အင်တာနက်အသုံးပြုမှုကို ပိတ်ထားသောကြောင့် ဒေသအတွင်း ၊စီးပွားရေး၊ လူမှုရေး ၊ပညာရေး အဘက်ဘက်မှ ထိခိုက်နှစ်နာမှုများရှိသည့်အပြင် အထူးသဖြင့် ကိုဗစ်နိုင် တင်းကာလဖြစ်သည့်အတွက် ကျန်းမာရေးသတင်းများသိရှိရန် အခက်အခဲကြုံတွေ့နေကြရသည်ဟု သိရသည်။

ရခိုင်ပြည်နယ် နှင့် ချင်းပြည်နယ် ပလက်ဝမြို့နယ်တွင် ဆက်သွယ်ရေး အင်တာနက်လိုင်းပိတ်ပင်မှုသည် တစ်နှစ်ကျော် ကြာမြင့်ပြီဖြစ်၍ ကမ္ဘာ့အရှည်ကြာဆုံး အင်တာနက်ပိတ်ပင်မှုအဖြစ် စံချိန်တင်ခဲ့ရပြီး ပြည်တွင်းပြည်ပ အဖွဲ့အစည်းများက အင်တာနက်လိုင်းပြန်ဖွင့်ပေးရန် အကြိမ်ကြိမ်တောင်းဆိုခဲ့ကြသည်။

#Zawgyi

ခ်င္းျပည္နယ္ေတာင္ပိုင္း ပလက္ဝၿမိဳ႕နယ္တြင္ ဆက္သြယ္ေရးအင္တာနက္လိုင္းမ်ားကို ၾသဂုတ္လ (၁) ေန႔ညကစ၍ ျပန္လည္ဖြင့္ေပးလိုက္ၿပီဟု သတင္းမ်ားထြက္ေပၚလာေသာ္လည္း ယေန႔ခ်ိန္ထိ အင္တာနက္မ်ားသုံးစြဲ၍ မရေသးေၾကာင္း ပလက္ဝေဒသခံမ်ားကေျပာသည္။

ယင္းကိစၥႏွင့္ပတ္သက္၍ ပလက္ဝၿမိဳ႕ေဒသခံတစ္ဦးျဖစ္သည့္ ကိုအိုက္ထြန္းမင္းက “ေလာေလာဆယ္ထိေတာ့မရေသးဘူးေနာ္၊ ရတယ္ ဆိုတာက တခ်ိဳ႕ဖုန္းေတြမွာ မက္ေဆ့ နဲ႔ပို႔့ၿပီးေတာ့ အင္တာနက္လိုင္းျပန္ရၿပီ ျပန္သုံး လို႔ရၿပီဆိုတဲ့ မက္ေဆ့ေရာက္တာရွိတယ္၊ တခ်ိဳ႕ဖုန္းေတြမွာမေရာက္ဘူး ကၽြန္ေတာ္ တို႔ဖုန္းေတြဆိုရင္မေရာက္ဘူးေပါ့ေနာ္ ေရာက္တဲ့ဖုန္းေတြကိုလည္း အင္တာနက္သုံး ၾကည့္ေတာ ့အင္တာနက္လိုင္းမတက္ဘူး၊ ေက်ာက္ေတာ္တို႔ဖက္မွာလည္းေမးၾကည့္ ေတာ့ မရဘူးလို႔ေျပာတယ္၊ အင္တာနက္သုံးလို႔ရတဲ့ အေၿခ အေနအဆင့္မွာမရွိဘူးပဲ Messenger / Viber တို႔စာပို႔လို႔သုံးလို႔မရဘူးဆိုေတာ့ အင္တာနက္ရတယ္ဆိုတာ ကေတာ့လက္ခံလို႔မရတဲ့အေျခအေနမွာရွိပါတယ္’’ ဟု ေျပာသည္။

ျမန္မာ့တပ္မေတာ္ႏွင့္ ရကၡိဳင့္တပ္ေတာ္(AA) တပ္ဖြဲ႕တိုက္ပြဲျဖစ္ပြားရာေဒသ ရခိုင္ျပည္နယ္ ၈ ျမ္ို႔နယ္ ႏွင့္ ခ်င္းျပည္နယ္ ပလက္ဝၿမိဳ႕နယ္တြင္ ၿပီးခဲ့သည့္ ၂၀၁၉ ခုႏွစ္ ဇြန္လ ၂၁ ရက္ေန႔ကစ၍ ဆက္သြယ္ေရး အင္တာနက္လိုင္ းမ်ားကို အစိုးရက ပိတ္ပင္ခဲ့ျခင္းျဖစ္သည္။

ပလက္ဝၿမိဳ႕နယ္သည္ ျမန္မာ့ဆက္သြယ္ေရးလုပ္ငန္း MPT ေအာ္ပေရတာကတ္မ်ားကို အဓိကအသုံးျပဳေနၾကၿပီး အင္တာနက္ 4G ကြန္ယက္အျပည့္အဝမရရွိဘဲ 2G ကြန္ယက္အဆင့္သာရွိေသာေၾကာင့္ သုံးစြဲ၍မရေၾကာင္း ပလက္ဝေဒသခံအမ်ိဴးသမီးတစ္ဦးကေျပာသည္။

“အင္တာနက္သုံးလို႔မရေသးဘူး 2G ပဲ ဖြင့္ေပးတာဆိုေတာ့အဝိုင္းပဲလည္ေနတာ၊ Facebook / Messenger/ Viber အကုန္လုံး သုံးလို႔မရဘူး။ သတင္းလည္းဖတ္လို႔ မရဘူး။ အင္တာနက္ဖြင့္ေပးတယ္ဆို႐ုံပဲ ခုေလာေလာဆယ္ ဘာမွသုံးလို႔မရဘူး အရင္အတိုင္း မဖြင့္တာနဲ႔မထူးျခားဘူးအပိတ္ခံေနရဆဲပဲ ”ဟု အဆိုပါေဒသခံအမ်ိဴသမီးကေျပာသည္။

ယင္းကဲ့သို႔ အင္တာနက္အသုံးျပဳမႈကို ပိတ္ထားေသာေၾကာင့္ ေဒသအတြင္း ၊စီးပြားေရး၊ လူမႈေရး ၊ပညာေရး အဘက္ဘက္မွ ထိခိုက္ႏွစ္နာမႈမ်ားရွိသည့္အျပင္ အထူးသျဖင့္ ကိုဗစ္နိုင္ တင္းကာလျဖစ္သည့္အတြက္ က်န္းမာေရးသတင္းမ်ားသိရွိရန္ အခက္အခဲၾကဳံေတြ႕ေနၾကရသည္ဟု သိရသည္။

ရခိုင္ျပည္နယ္ ႏွင့္ ခ်င္းျပည္နယ္ ပလက္ဝၿမိဳ႕နယ္တြင္ ဆက္သြယ္ေရး အင္တာနက္လိုင္းပိတ္ပင္မႈသည္ တစ္ႏွစ္ေက်ာ္ ၾကာျမင့္ၿပီျဖစ္၍ ကမၻာ့အရွည္ၾကာဆုံး အင္တာနက္ပိတ္ပင္မႈအျဖစ္ စံခ်ိန္တင္ခဲ့ရၿပီး ျပည္တြင္းျပည္ပ အဖြဲ႕အစည္းမ်ားက အင္တာနက္လိုင္းျပန္ဖြင့္ေပးရန္ အႀကိမ္ႀကိမ္ေတာင္းဆိုခဲ့ၾကသည္။

Share.

About Author

Leave A Reply