Author: Editor

(006SV) အာဏာသိမ်းစစ်ကော်မရှင်က ဒီဇင်ဘာလ နှင့် ဇန်နဝါရီလအတွင်း ကျင်းပခဲ့သော ရွေးကောက်ပွဲများသည် တရားဝင်မှု မရှိကြောင်း ချင်းပြည်နယ် လွှတ်တော်ကိုယ်စားပြုကော်မတီအပါအဝင် ပြည်နယ်နှင့်တိုင်း/ ဖက်ဒရယ်ယူနစ် လွှတ်တော်များနှင့် လွှတ်တော်ကိုယ်စားပြုကော်မတီများက ဇန်နဝါရီလ ၂၉ ရက် ပူးတွဲကြေညာသည်။ စစ်ကော်မရှင်က အပိုင်း သုံးပိုင်းခွဲ၍ ပြုလုပ်ခဲ့သော ရွေးကောက်ပွဲသည် တရားဝင်မှု မရှိကြောင်း၊ လွတ်လပ်၍ တရားမျှတ‌စွာ ကျင်းပခဲ့သော ၂၀၂၀ ပြည့်နှစ် ရွေးကောက်ပွဲတွင် လူထုက တခဲနက် ထောက်ခံဆန္ဒမဲဖြင့် ရွေးချယ်တင်မြောက်ခဲ့သော သမ္မတဦးဝင်းမြင့်နှင့် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသား အားလုံးကို ခြွင်းချက်မရှိ လွှတ်ပေးရန် ပူးတွဲကြေညာချက်တွင် တောင်းဆိုထားသည်။ စစ်ကော်မရှင်၏ တရားမဝင် ရွေးကောက်ပွဲသည် နည်းမျိုးစုံ ခြိမ်းခြောက်အကြပ်ကိုင်းမှုဖြင့် လူထုကို မဲပေးရန် ဆောင်ရွက်သည့်ကြားမှ မဲပေးသူ လွန်စွာနည်းပါးသော်လည်း ရွေးကောက်ပွဲ အောင်မြင်သည်ဟု နိုင်ငံတကာကို လိမ်ညာထုတ်ပြန်နေသည်ဟု ထုတ်ပြန်သည်။ ၂၀၂၀ ရွေးကောက်ပွဲမှ ရွေးကောက်ခံ ပြည်သူ့ကိုယ်စားလှယ်များသည် ပြည်သူတို့ အပ်နှင်းလိုက်သော အာဏာကို ဆက်လက်ကျင့်သုံးပြီး ပြည်ထောင်စု လွှတ်တော်ကိုယ်စားပြု ကော်မတီအပါအဝင် ပြည်နယ်နှင့်တိုင်း/ ဖက်ဒရယ်ယူနစ် လွှတ်တော်ကိုယ်စားပြုကော်မတီများ ဖွဲ့စည်းကာ လွှတ်တော်လုပ်ငန်းစဉ်များ ယနေ့အထိ ဆက်လက် လုပ်ကိုင်ဆောင်ရွက်နေဆဲဖြစ်သည်ဟု သိရသည်။ အဆိုပါလွှတ်တော်တို့သည် နိုင်ငံတကာ ရပ်ဝန်းနှင့်လည်း တရားဝင် ချိတ်ဆက် လုပ်ကိုင်ဆောင်ရွက်လျက်ရှိပြီး လွတ်မြောက်နယ်မြေအများစုတွင် တိုင်းရင်းသား ပြည်သူတရပ်လုံး၏ လူမှုအကျိုးစီးပွားအလို့ငှာ ကြားကာလ အုပ်ချုပ်ရေးစနစ်ကို အကောင်အထည်ဖော် ဆောင်ရွက်နေသည်ဟု သိရသည်။ စစ်ကော်မရှင်၏ လက်ရှိရွေးကောက်ပွဲများကို ကမ္ဘာ့ကုလသမဂ္ဂ၊ ဥရောပသမဂ္ဂနှင့် အာဆီယံအပါအဝင် နိုင်ငံတကာမှလည်း…

(005MK) အိန္ဒိယ-မြန်မာနယ်စပ်တစ်လျှောက် ခြံစည်းရိုးခတ်မည့်စီမံကိန်းနှင့်ပတ်သက်၍ မီဇိုရမ် နှင့် ချင်းပြည်နယ် နယ်စပ်မှာ အိန္ဒိယဗဟိုအစိုးရတာဝန်ရှိသူများက မြေပြင်ကွင်းဆင်းတိုင်းတာမှုများ ဆောင်ရွက်နေသည်ဟု သိရသည်။ အိန္ဒိယဗဟိုအစိုးရဘက်က နယ်စပ်လမ်းအဖွဲ့အစည်း ( Border Road Organization – BRO ) အရာရှိများနှင့် အာသံ ရိုင်ဖယ်ခေါင်းဆောင်တချို့သည် မီဇိုရမ်ပြည်နယ်နှင့် ချင်းပြည်နယ် နယ်စပ် တီအိုချောင်းအနီးအနားကို ဇန်နဝါရီလ ၂၈ ရက်နေ့ကစ၍ ကွင်းဆင်း လေ့လာမှုများပြုလုပ်ခဲ့ကြသည်။ ယခုကွင်းဆင်းစစ်ဆေးသည့်နေရာသည် မီဇိုရမ်ပြည်နယ်၊ Hnahthial ခရိုင်ထဲမှ တစ်ခုတည်းသော နယ်စပ်ဝင်/ထွက် ပေါက် Thingsai ကျေးရွာ နှင့် အနီးတဝိုက်ကို ကွင်းဆင်လေ့လာခြင်းဖြစ်သည်။ မြေပြင်ကွင်းဆင်းလေ့လာမှုကို ၅ ရက်ပြုလုပ်မည်ဖြစ်ပြီး BRO နှင့် အာသံရိုင်ဖယ်က တာဝန်ရှိသူများက ဦးဆောင်ကြ သည်ဟု သိရသည်။ ယခုကဲ့သို့ မြေပြင်ကွင်းဆင်းတိုင်းတာမှုများစတင်ဆောင်ရွက်နေပြီဖြစ်သော်လည်း မီဇိုရမ်ပြည်နယ်က အင်အားကြီး အရပ်ဖက်အဖွဲ့ အစည်းများဖြစ်သည့် CYMA၊ MZP နှင့် ZORO အဖွဲ့တို့က နယ်စပ်ခြံစည်းရိုးခတ်မည့်အစီစဉ်ကို ဆန့်ကျင်ကန်ကွက်ထားကြသည်။

(005MK) မီဇိုရမ်ပြည်နယ်တွင် အကြီးဆုံးသောအရပ်ဖက်အဖွဲ့အစည်းဖြစ်သည့် ဗဟိုမီဇိုးလူငယ်အသင်း (CYMA) က အိန္ဒိယ-မြန်မာ နှစ်နိုင်ငံကြား ခြံစည်းရိုးခတ်မည့်အစီစဉ်ကို ၎င်းတို့အနေဖြင့် မလိုလားကြောင်း အိန္ဒိယဗဟိုအစိုးရ ပြည်ထဲရေး ဝန်ကြီးဌာမှ တာဝန်ရှိသူများနှင့်တွေ့ဆုံစဉ်ပြောကြားခဲ့သည်ဟု သိရသည်။ ဗဟိုမီဇိုးလူငယ်အသင်း(CYMA) ဥက္ကဌ Pu R.Lalngheta၊ ဒုဥက္ကဌ Prof. Lalnuntluanga, အတွင်းရေးမှူး Prof. Malsawmliana နှင့် ဘဏ္ဍာရေးမှူး H Duhkima တို့သည် ဗဟိုအစိုးရပြည်ထဲရေးဝန်ကြီးဌာန အတွင်းရေးမှူး Govind Mohan နှင့် နယူးဒေလီမြို့မှာ ဇန်နဝါရီလ ၂၇ ရက်နေ့က တွေ့ဆုံကာ နယ်စပ်ခြံစည်းရိုးခတ်မည့်အစီစဉ်ကို ဆွေးနွေးခဲ့ကြသည်ဟု Vanglaini သတင်းစာမှာဖော်ပြသည်။ အိန္ဒိယ-မြန်မာနယ်စပ် အထူးသဖြင့် မီဇိုရမ်ပြည်နယ် နှင့် ချင်းပြည်နယ်အကြား နယ်စပ်စပ်တံတိုင်း ခြံစည်းရိုးခတ်မည့် အစီစဉ်နှင့်ပတ်သက်၍ CYMA ၏ သဘောထားကို မေးမြန်းတောင်းခံရာမှာ နယ်စပ်ခြံစည်းရိုးခတ်ခြင်းသည် ချင်း(ဇို) မျိုးနွယ်စုညီအကိုများ၏ သွေးစည်ညီညွတ်မှု၊ ချစ်ကြည်ရင်းနှီးမှုအား ထိခိုက်စေနိုင်သည့်အတွက် ခြံစည်းရိုးခတ်ခြင်းကို မလိုလားကြောင်း တင်ပြခဲ့ကြသည်ဟု သိရသည်။ ထို့အပြင် မီဇိုရမ်ပြည်နယ်လွှတ်တော်မှာလည်း အိန္ဒိယ-မြန်မာနယ်စပ် ခြံစည်းရိုးခတ်မည့်အစီစဉ်ကို ကန့်ကွက်သည့်အဆိုကို သဘောတူဆုံးဖြတ်ခဲ့ကြပြီးဖြစ်သည့်အပြင် မီဇိုရမ်ပြည်နယ် နှင့် ဘင်္ဂလားဒေရှ့်နယ်စပ်ခြံစည်းရိုးခတ်သည့်အနေအထားကိုကြည့်လျှင် မီဇိုရမ်ပြည်နယ်ဘက်က နယ်မြေအမြောက်အများဆုံးရှုံးမှုရှိခဲ့ကြောင်း CYMA က အိန္ဒိယ ဗဟိုပြည်ထဲရေးဝန်ကြီးဌာန အတွင်း ရေးမှူးထံ တင်ပြပြောဆိုခဲ့ကြသည်ဟု သိရသည်။

(005MK) အိန္ဒိယနိုင်ငံ မီဇိုရမ်ပြည်အတွင်း နေထိုင်ကြသော မြန်မာစစ်ဘေးရှောင်များ ကူညီစောင့်ရှောက်ရေးအတွက် ဗဟိုအစိုးရ ထံ ရူပီးငွေ ၅ သန်းတောင်းဆိုထားကြောင်း မီဇိုရမ်ပြည်နယ်အစိုးရပြည်ထဲရေးဝန်ကြီးကပြောသည်။ မီဇိုရမ်ပြည်နယ်အတွင်း နှစ်ရှည်လများနေထိုင်လာကြသော မြန်မာနိုင်ငံမှ စစ်ဘေးရှောင်များအတွက် လိုအပ်သော ကူညီစောင့်ရှောက်မှုမျာပေးနိုင်ရန် အိန္ဒိယဗဟိုအစိုးရထံ ရူပီးငွေ ၅ သန်းတောင်းဆိုထားဆဲဖြစ်သည်ဟု ပြည်ထဲရေး ဝန်ကြီး Pu K. Sapdanga ကပြောဆိုကြောင်း All india Radio News ကဖော်ပြသည်။ ၎င်းတို့အစိုးရတက်လာသည့်နောက်ပိုင်းတွင် ဗဟိုအစိုးရက မြန်မာစစ်ဘေးရှောင်များအတွက် ရူပီး ၅ သန်းခန့်တန်ဖိုးရှိ သော ဆန် နှင့် ငွေသားဖြင့် ရူပီး ၅ သန်းခန့် ကူညီထောက်ပံ့ပေးခဲ့ပြီးဖြစ်သည်ဟု ပြည်ထဲရေးဝန်ကြီးကပြောသည်။ မြန်မာနိုင်ငံမှာ ၂၀၂၁ ခုနှစ် စစ်အာဏာသိမ်းမှုဖြစ်ပွားသည့်နောက်ပိုင်းကစ၍ စစ်ရေး နဲ့ လုံခြုံရေးအခြေအနေကြောင့် သောင်းနှင့်ချီသော မြန်မာပြည်သူများသည် မီဇိုရမ်ပြည်နယ်ထဲသို့ ထွက်ပြေးခိုလုံခဲ့ကြရာမှာ ယခုဆိုလျှင် ၅ နှစ်ခန့်ရှိ လာခဲ့ပြီဖြစ်သည်။ မြန်မာစစ်ဘေးရှောင်ပြည်သူများကို မီဇိုရမ်အစိုးရ၊ ဘာသာရေး၊ အရပ်ဖက်အဖွဲ့အစည်း နှင့် ပြည်သူလူထုတို့မှ ခက်ခက်ခဲခဲဖြင့် တတ်နိုင်သည့်ဖက်မှ ကူညီပံပိုးပေးခဲ့ကြပြီး မည်သည့်အချိန်ထိ ဆက်လက်ပံ့ပိုးနိုင်မည်ကို ပြောဆို၍မရဘဲ ဗဟိုအစိုးရ၏ အကူအညီများအထူးလိုအပ်သည်ဟု ပြည်ထဲရေးဝန်ကြီးကပြောသည်။ ယခုလက်ရှိ မီဇိုရမ်ပြည်နယ်တွင် မြန်မာစစ်ဘေးရှောင် ၃ သောင်းဝန်းကျင်ခန့်ရှိနေသည်ဟု မီဇိုရမ်ပြည်စာရင်းအရ သိရပြီး စစ်ဘေးရှောင်များ ဝင်ထွက်သွားလာမှုအမြဲရှိသည့်အတွက် စာရင်းမှာအပြောင်းအလဲအမြဲရှိနေသည်ဟု သိရသည်။

(005MK) စစ်ကိုင်းတိုင်း ကလေးမြို့မှ အိန္ဒိယ-မြန်မာနယ်စပ် ရိခေါ်ဒါရ်မြို့သို့ ခရီးသွားလာစဉ် ၂၀၂၅ ခုနှစ် ဒီဇင်ဘာလ ၁၉ ရက် နေ့ကတည်းက ပျောက်ဆုံးသွားသည့် ကယ်တင်ခြင်းတပ်အသင်းတော် (Salvation Army) ပါစတာ ဇနီးမောင်နှံကို ယနေ့ချိန်ထိ ရှာမတွေ့ကြသေးကြောင်း သိရသည်။ ကလေးမြို့နယ် လက်ပံချောင်းကျေးရွာမှာ တာဝန်ထမ်းဆောင်နေကြသော ကယ်တင်ခြင်းတပ်အသင်းတော် ပါစတာ Maj. Lalthanmawia နဲ့ ဇနီးဖြစ်သူ Maj. Rualthanpuii တို့သည် မီဇိုရမ်ပြည်နယ်သို့ ခရစ္စမတ်အသုံးပြုရန် ဒီဇင်ဘာ လ ၁၉ ရက်နေ့က ကလေးမြို့မှ ဆိုင်ကယ်ဖြင့်ထွက်ခွါလာခဲ့ရာ ပျောက်ဆုံးခဲ့ကြခြင်းဖြစ်သည်။ မိသားစုဝင်များကလည်း လက်လှမ်းမှီသရွေ့ လိုက်လံစုံစမ်းခဲ့ကြသော်လည်း ယနေ့ ချိန်ထိ မည်သည့်သတင်းအစအနမှ မသိရှိကြကြောင်း သိရသည်။ ပါစတာဇနီးမောင်နှံပျောက်ဆုံးမှုနှင့်ပတ်သက်၍ မီဇိုရမ်ပြည်နယ်ရဲတပ်ဖွဲ့ကလည်း မြန်မာနိုင်ငံက စစ်ကော်မရှင်တာဝန် ရှိသူများထံ ဆက်သွယ်မေးမြန်းကာ စစ်တပ်ဘက်က ထိုကဲ့သို့ဖမ်းဆီးမှုမျိုးမရှိကြောင်း တုန့်ပြန်ခဲ့သည်ဟု မီဇိုရမ် ဒေသတွင်း သတင်းမှာဖော်ပြသည်။ ချင်းပြည်နယ်ဘက်က တော်လှန်ရေးတပ်ဖွဲ့များထံတွင်လည်း မီဇိုရမ်ရဲတပ်ဖွဲ့က စုံစမ်းမေးမြန်းခဲ့သော်လည်း အဆိုပါ ဖြစ်စဉ်နဲ့ပတ်သက်၍ သိရှိထားခြင်းမရှိကြောင်း ပြောဆိုခဲ့ကြသည်ဟု မီဇိုရမ်ရဲတပ်ဖွဲ့ကပြေသည်။ ခရစ်ယာန်ပါစတာဇနီးမောင်နှံသည် အိန္ဒိယ-မြန်မာနယ်စပ် ရိခေါ်ဒါရ်မြို့ကို ကလေး-သိုင်းငင်းလမ်းအတိုင်း ဆိုင်ကယ် ဖြင့် တက်လာခဲ့ပြီး စစ်တပ်က ဖမ်းဆီးထားခြင်းဖြစ်နိုင်သကဲ့သို့ လမ်းခရီးတွင် ဆိုင်ကယ်မတော်တဆမှုကြုံရခြင်းလည်းဖြစ်နိုင်သည်ဟု နီးစပ်သူများကယူဆနေကြသည်။

(006SV) ချင်းပြည်နယ်မြောက်ပိုင်း၊ ဖလမ်းမြို့သို့ ထိုးစစ်ဆင်နေသော စစ်ကြောင်းများအတွက် စစ်ကူးပေးရန်တက်လာသော စစ်ကော်မရှင်တပ်နှင့် ချင်းတော်လှန်ရေး ပူးပေါင်းတပ်တို့ တိုက်ပွဲပြင်းထန်ပြီး စစ်ကော်မရှင်တပ်မှ ထိခိုက်သေဆုံးမှုများ ရှိနေသည်ဟု သိရသည်။ ဇန်နဝါရီလ ၂၀ ရက်မှစတင်၍ ကလေး- သိုင်းငင်းလမ်းကြောင်းမှတဆင့် စစ်ယာဉ်တန်းနှင့် အင်အား ၂၀၀ မှ ၃၀၀ ကြား စစ်ကူလာနေသော စစ်ကော်မရှင်တပ်နှင့် ချင်းပူးပေါင်းတပ်တို့ ဇန်နဝါရီလ ၂၆ ရက်က ဗာလုံရွာနှင့် Zawngkawng ကျေး ရွာအကြားတွင် တိုက်ပွဲအပြင်းအထန်ဖြစ်ပွားသည် သိရသည်။ “သူတို့စစ်ကြောင်းကို ကျနော်တို့ဘက်ကနေ တိုက်တာပါ၊၊ Zawngkawng ကျေးရွား အနီးမှာပါ။ သူတို့ဘက်က သေဆုံး၊ ဒဏ်ရာရတာတော့ များတယ် ။ တိကျတော့ မသိရဘူး။ တနေ့ကတော့ တိုက်ပွဲပြင်းထန်ပါတယ်။ မနေ့ကတော့ မရှိပါဘူး။ ဒါပေမယ့် တိုက်ပွဲတွေက အချိန်မရွေး ဖြစ်နိုင်တဲ့ အခြေအနေ ရှိတယ်” ဟု ချင်းလဲန်းကောင်စီ၊ ချင်းပြည်အစိုးရ၊ ကာကွယ်ရေးဌာနမှ ပြောရေးဆိုခွင့်ရှိသူ ဆလိုင်း Nai John Kim က ပြောသည်။ စစ်ကော်မရှင်တပ်ကို Zawngkawng ကျေးရွာအနီးတွင် ချင်းပူးပေါင်းတပ်က မိုက်ဆွဲတိုက်ခိုက်ခြင်းအပါအဝင် ကြားဖြတ် တိုက်ခိုက်ခြင်းဖြစ်ပြီး စစ်ကော်မရှင်တပ်မှ ထိခိုက်မှု၊ သေဆုံးမှုများ ရှိသော်လည်း လတ်တလောမှာ အရေအတွက်အတိအကျ မသိနိုင်သေးကြောင်း ဆလိုင်း Nai John Kim နှင့် CNO/ CNDF ပြောရေးဆိုခွင့်ရှိသူ ဆလိုင်းတင်မီက ပြောသည်။ အဆိုပါတိုက်ပွဲတွင် စစ်ကော်မရှင်တပ်သည် ဒရုန်းတိုက်ခိုက်မှု ပိုမိုအသုံးပြုလာပြီး စစ်ကော်မရှင်တပ်သည်…

(004SS) ချင်းပြည်နယ်၊ ပလက်ဝမြို့နယ်မှ ရန်ကုန်မြို့သို့ သွားရောက်မည့် ခူမီးချင်းအမျိုးသမီးငယ် ၆ ဦးကို အာရက္ခတပ်‌ ULA/AA မှ ဖမ်းဆီးကာ ၎င်းတို့အနက် ၅ ဦးမှာ ထွက်ပြေးလွတ်မြောက်လာကြပြီး ကျန် ၁ ဦးမှာ ယနေ့တိုင် ဖမ်းဆီးခံထားရဆဲဟု လွတ်မြောက်လာသူများထံမှ သိရသည်။ ဖြစ်စဉ်မှာ ၂၀၂၅ ခုနှစ် အောက်တိုဘာလ ၁၄ ရက်နေ့က ပလက်ဝမြို့နယ် ကျေးရွာ ၄ ရွာမှ လူငယ်အမျိုးသမီး ၆ ဦးသည် ရန်ကုန်သို့ သွားရောက်ရန် ပလက်ဝမြို့ ရိက္ခာရပ်ကွက်နေ ဦးအောင်လင်းနှင့် ဦးလင်းဆန်းအောင်တို့က တစ်ဦးလျှင် ငွေကျပ် ၂ သိန်းစီဖြင့် တာဝန်ယူပို့ဆောင်ပေးခဲ့ရာမှာ မတူပီမြို့နယ်အစပ်ရှိ ULA/AA ဂိတ်တစ်ခုအရောက်တွင် ဖမ်းဆီးခံခဲ့ရခြင်းဟု သိရသည်။ ဖမ်းဆီးခံခဲ့ရသူများမှာ ကျီးလေရွာမှ မရွှေခင် (၁၆ နှစ်)၊ မဝင်းပ (၂၁ နှစ်)၊ မခင်မင်ဦး (၁၇ နှစ်)၊ ကြွေသောင်ရွာမှ မကိုးဝင်း (၂၂ နှစ်)၊ ကင်လွဲ့ရွာမှ မနန်းလုံး (၁၇ နှစ်) နှင့် အဘောင်သားရွာမှ မဟန်နာ (၂၂ နှစ်) တို့ ဖြစ်ကြသည်။ ထိုသို့ ဖမ်းဆီးခံရခြင်းမှာ အရက္ခတပ်တော် AA တပ်ဖွဲ့တွင် စစ်မှုထမ်းဆောင်ရန် ဖမ်းဆီးခံရခြင်းဟု သိရသည်။ ဖမ်းဆီးခံရသူ ၆ ဦးအနက် ၅ ဦးမှာ AA တပ်စခန်းတနေရာမှ တောလမ်းအတိုင်း ထွက်ပြေးလာကြပြီး လမ်းတွင် ၂ ရက် ထမင်းငတ်ခဲ့ရကြောင်း၊ လက်ရှိမှာ…

(002MG) ဟားခါးလူထုသပိတ်ခေါင်းဆောင်း CDF-Hakha တွဲဖက်အတွင်းရေးမှူး ဆလိုင်းငွန်ဆန်းအောင် ရုတ်တရက်ကွယ်လွန် သွားခြင်းအပေါ် ကျန်ရစ်သူမိသားစုဝင်များ၊ တပ်ဖွဲ့ဝင်များနှင့်အတူ ထပ်တူဝမ်းနည်းရကြောင်း (CDF-Paletwa ) က ယနေ့ ဇန်နဝါရီလ ၂၇ ရက်နေ့တွင် ထုတ်ပြန်သည်။ ဆလိုင်းငွန်ဆန်းအောင်သည် တက္ကသိုလ်ကျောင်းသားဘဝကတည်းက ချင်းအမျိုးသားရေးတွင် တက်ကြွစွာ ဦးဆောင်ဦးရွက်ပြု ကြိုးပမ်းခဲ့သူတစ်ဦးဖြစ်သည့်အပြင် နွေဦးတော်လှန်ရေးကာလတွင်လည်း ဟားခါးလူထုသပိတ်တပ်ဦးမှ ဦးဆောင်ခဲ့သူတစ်ဦးဖြစ်သည်ဟု အဆိုပါ ထုတ်ပြန်ချက်ထဲတွင် ဖော်ပြထားသည်။ ကွယ်လွန်ချိန်အထိ ချင်းအမျိုးသားရေးနှင့် လူထုတော်လှန်ရေး လမ်းကြောင်းပေါ်တွင် မမှိတ်မသုန် ရပ်တည်နေသူတစ်ဦးဖြစ်သောကြောင့် ချင်းအမျိုးသားတစ်ရပ်လုံးအတွက် ကြီးမားသည့် ဆုံးရှုံးမှုတစ်ခု ဖြစ်ကြောင်း CDF Paletwa က ထုတ်ပြန်သည်။ ဆလိုင်းငွန်ဆန်းအောင်သည် ဇန်နဝါရီလ ၂၅ ရက်နေ့ နေ့လယ်ပိုင်းတွင် ရုတ်တရက်မူးလဲရာမှ ဆေးရုံသို့ ပို့ဆောင်ခဲ့သော်လည်း ညနေပိုင်းအချိန်တွင် ကွယ်လွန်ခဲ့ခြင်းဖြစ်သည်။ ဆလိုင်းငွန်ဆန်းအောင်သည် စစ်တပ်အာဏာသိမ်းမှုမဖြစ်ပွားခင်တွင် သတင်းသမားတစ်ဦးဖြစ်ခဲ့ပြီး ဟားခါးမြို့အခြေစိုက် The Chinland Post သတင်းဌာနတွင်လည်း အယ်ဒီတာ တာဝန်ထမ်းဆောင်ခဲ့သည်။ ထို့အပြင် ၂၀၂၀ ခုနှစ် ပါတီစုံ ဒီမိုကရေစီရွေးကောက်ပွဲတုန်းကလည်း ချင်းအမျိုးသားဒီမိုကရေစီအဖွဲ့ချုပ် CNLD ပါတီ၏ ဟားခါးမြို့ လူငယ်ဥက္ကဌတဦးဖြစ်သည်။

(004SS) စစ်ကိုင်းတိုင်း၊ ကလေးမြို့ရှိ အထင်ကရနေရာတစ်ခုဖြစ်သော Carmel တောင် (ဆုတောင်းတောင်) ပေါ်တွင် ဇန်နဝါရီလ ၂၅ ရက် (တနင်္ဂနွေနေ့) က တောင်တက်လူငယ်တစ်စုနှင့် တောင်စောင့်မှူးတို့ အငြင်းပွားရာမှ ဓားခုတ်မှု ဖြစ်ပွားခဲ့ပြီး နှစ်ဖက် စလုံးတွင် ပြင်းထန်သည့် ဒဏ်ရာများ ရရှိခဲ့ကြောင်း ဒေသခံများပြောပြချက်အရ သိရသည်။ ဖြစ်စဉ်မှာ တနင်္ဂနွေနေ့ မနက်ပိုင်းတွင် လူငယ် ၄၊ ၅ ယောက်ခန့် Carmel တောင်ပေါ်သို့ တက်ရောက်ခဲ့ကြရာ တောင်ထိပ် မရောက်မီ နားနေဆောင်အရောက်တွင် တောင်စောင့်မှူးနှင့် အချေအတင် စကားများရာမှ ထိုကဲ့သို့ ဖြစ်ပွားခဲ့ခြင်း ဟု ဆိုသည်။ “ တနင်္ဂနွေနေ့မှာ လူငယ်တွေကတောင်တက်တော့ တောင်စောင့်တဲ့ဦးလေးက နင်တို့ဘာလို့ တနင်္ဂနွေနေ့ကြီး တောင်လာ တက်ကြတာလဲ။ ဘုရားကျောင်းမသွားကြဘူးလားလို့မေးတယ်တဲ့။ ဒါနဲ့ လူငယ်တွေနဲ့ စကားများကြပြီး အဲလူငယ်တွေက တောင်စောင့်ဦးလေးကို ဝိုင်းရိုက်ကြတော့ အဲဒီဦးလေးကလဲ သူ့ဓါးထုတ်ပြီး ခုတ်မိရာခုတ်လိုက်တာနဲ့ အဲလိုဖြစ်သွားကြ တာ။” ဟု ကလေးမြို့ ဒေသခံ အမျိုးသမီးတစ်ဦးက ပြောသည်။ ဖြစ်စဉ်နှင့် ပတ်သက်၍ လူမှုကွန်ရက်စာမျက်နှာတွင် လူငယ်များဘက်မှ ထွက်ဆိုချက်အရ တောင်စောင့်အမျိုးသားသည် ဆေးသုံးထားသလားဟုပင် ယူဆကြောင်း၊ ၎င်းက ဓားဖြင့် ခုတ်ခဲ့ကြောင်း၊ လူငယ်တစ်ဦးမှာ ပါးစောင်းတွင် ၆ ချက်နှင့် လက်တွင် ဓားဒဏ်ရာများ ရရှိခဲ့ပြီး၊ အမျိုးသမီးတစ်ဦးမှာ ဦးခေါင်းတွင် ဓားဒဏ်ရာ ၅ ချက်ခန့် ရရှိခဲ့ကြောင်း ဆိုသည်။ သို့သော် တောင်စောင့်မှူးနှင်း နီးစပ်သူများ ဖော်ပြချက်အရ အချင်းချင်း…

(004SS) အာဏာသိမ်းစစ်ကော်မရှင်က အပိုင်း ၃ ပိုင်းဖြင့် ကျင်းပခဲ့သော ၂၀၂၅ ခုနှစ် ရွေးကောက်ပွဲအပြီးတွင် ချင်းပြည်နယ်လွှတ် တော်ရုံးအား လာမည့်မတ်လအတွင်း ပြန်လည်ဖွင့်လှစ်နိုင်ရန် ဟားခါးမြို့ရှိ လွှတ်တော်အဆောက်အအုံတွင် ကြိုတင်ပြင် ဆင်မှုများ စတင်လုပ်ဆောင်နေပြီဟု သိရသည်။ ဇန်နဝါရီ ၂၃ ရက် မွန်းလွဲပိုင်းက စစ်ကော်မရှင်ခန့် ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန်နှင့်အဖွဲ့သည် ဟားခါး မြို့ရှိ ပြည်နယ်လွှတ်တော်ရုံးသို့ သွားရောက်ခဲ့ပြီး လွှတ်တော်အစည်းအဝေးခန်းမ၊ ဥက္ကဋ္ဌနှင့် ဒုဥက္ကဋ္ဌရုံးခန်းများအပြင် လွှတ်တော်ပိုင်မန်းထားရိပ်သာ၏ အဆင်သင့်ဖြစ်မှု အခြေအနေများကို ကြည့်ရှုစစ်ဆေးခဲ့သည်ဟု စစ်ကော်မရှင် လက်အောက်ခံ ပြန်ကြားရေးဝန်ကြီးဌာနက ဇန်နဝါရီလ ၂၄ ရက်နေ့တွင် ထုတ်ပြန်ခဲ့သည်။ ယခုကဲ့သို့ လွှတ်တော်ရုံး ပြင်ဆင်မှုများနှင့် ပတ်သက်၍ ဟားခါးမြို့ဒေသခံ အမျိုးသားတစ်ဦးက “ပြင်ဆင်မှုတွေ ဘာလို့ လုပ်တာလဲဆိုတော့ ဒီမတိုင်ခင်ကဆို တခြားဌာနက အထက်အရာရှိတွေ အဲဒီလွှတ်တော်ရုံးမှာ ရုံးတက်တယ်၊ နေခဲ့တယ် ပေါ့နော်။ အခုကျတော့ သူတို့ရွေးကောက်ပွဲက အနိုင်ရလို့ အသစ်ခန့်မယ့်ဝန်ကြီးတွေ/အမတ်တွေ ရုံးတက်ရ တော့မှာမို့လို့ ပြန်ပြီးဖွင့်လှစ်ဖို့ ပြင်ဆင်တဲ့သဘောပါ” ဟု ပြောသည်။ ယခင်က ကုန်းလမ်းပို့ဆောင်ရေးညွှန်ကြားမှုဦးစီးဌာန (ကညန) နှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာန (ပြန်ဆက်)ကဲ့သို့သော အချို့ဌာနဆိုင်ရာမှ အထက်အရာရှိများသည် ၎င်းတို့လုံခြုံရေးအကာအကွယ်ယူရန်အတွက် လွှတ်တော်ရုံးအတွင်း နေထိုင်ခြင်း၊ ရုံးတက်ခဲ့ခြင်းများ ရှိခဲ့သည်ဟုသိရသည်။ ကညနရုံးကဲ့သို့သော အချို့ရုံးမျာတွင်မူ စစ်ကော်မရှင်တပ်သားများက နေရာယူတပ်စွဲထားမှုကြောင့် ဝန်ထမ်း များသည် ခရိုင်စုပေါင်းရုံးတွင် ပြောင်းရွှေ့ရုံးတက်နေရခြင်းများလည်း ရှိသည်။ ချင်းပြည်နယ်တွင် စစ်ကော်မရှင်သည် ပြီးခဲ့သည့် ဒီဇင်ဘာ ၂၈ ရက်နေ့က ဟားခါးနှင့်…