Author: Editor

(005MK) ကလေးမြို့မြောက်ပိုင်း ပျဉ်းတောဦး (Tuingo) ကျေးရွာတွင် စစ်ကောင်စီတပ်ဖွဲ့မှ ပစ်ခတ်လိုက်သော လက်နက်ကြီးကျည်ကျရောက်ပေါက်ကွဲမှုကြောင့် အရပ်သားတစ်ဦးထပ်မံသေဆုံးပြီး တစ်ဦးမှာပြင်းထန်ဒဏ်ရာရရှိကြောင်းသိရသည်။ ယနေ့ဧပြီလ ၂၅ ရက်နေ့လည်ပိုင်းတွင် ပျဉ်းတောဦးကျေးရွာထဲ စစ်ကောင်စီ၏ လက်နက်ကြီး ၂ ကြိမ် ကျရောက်ပေါက်ကွဲခဲ့ပြီး ပထမအကြိမ်ပေါက်ကွဲမှုတွင် ဆိုင်ကယ်စီးနေသောအမျိုးသားနှစ်ဦးထိမှန်ကာ တစ်ဦးမှာသေဆုံးသွားပြီး ကျန်တစ်ဦးမှာလည်း စိုးရိမ်ဒဏ်ရာအပြင်းအထန်ရရှိကြောင်း ဒေသခံများထံမှသိရသည်။ “မနေ့က ရွာထဲမှာလက်နက်ကြီးကျပြီး သေဆုံးမှုတွေကြောင့် တရွာလုံးဝမ်းနည်းပူဆွေးနေကြတဲ့အချိန်မှာ ဒီကနေ့မှာလည်း ရွာထဲကို လက်နက်ကြီး ၂ နေရာမှာထပ်မံကျလာတယ် တစ်ယောက်ကတော့သေသွားတယ်၊ ကျန်တဲ့တစ်ယောက်တော့ အသက်ကယ်လို့အချိန်မီနိုင်မယ်လို့မျှော်လင့်ရတယ်’’ ဟု ပျဉ်းတောဦးဒေသခံတစ်ဦးက သူ၏လူမှုကွန်ယက်စာမျက်နှာတွင်ဖော်ပြထားသည်။ ဒုတိယအကြိမ်ကျရောက်ပေါက်ပွဲမှုတွင် လူထိခိုက်မှုမရှိသော်လည်း လူနေအိမ်တစ်လုံးထိမှန်ကာ မီးလောင်ပြာကျခဲ့ရသည်ဟုသိရသည်။ ကလေးမြို့မှ ၁၂ မိုင်ခန့်ကွာဝေးသော ပျဉ်းတောဦးကျေးရွာတွင် ယမန်နေ့ညနေပိုင်း ၄ နာရီခန့်က လက်နက်ကြီး ၃ ကြိမ်ကျရောက်ပေါက်ကွဲခဲ့ပြီး ၁၀ နှစ်အရွယ်ကလေးငယ် ၂ ဦးနှင့် အဘိုးအိုတစ်ဦး သေဆုံးခဲ့သည်။ စစ်ကောင်စီတပ်ဖွဲ့သည် ယခုဧပြီလဆန်းပိုင်းကစ၍ ကလေးမြို့မြောက်ပိုင်းဒေသ ကလေး-လက်ပံချောင်း ကားလမ်းမပေါ်ရှိ ကျေးရွာများဘက်သို့ စစ်ကြောင်းထိုးဝင်ရောက်ခဲ့ပြီး ပျဉ်းခုံကြီး၊ ယောက်ချိုကွင်း၊ မိုင်နွဲ စသည့်ကျေးရွာများကို မီးရှို့ဖျက်စီးခဲ့သည်။ ဒေသခံပြည်သူများသည် နီးစပ်တောတောင်များ၊ ကလေးမြို့ပေါ်နှင့် အိန္ဒိယ-မြန်မာနယ်စပ်ဘက်တို့တွင် ထွက်ပြေးတိမ်းရှောင်နေကြရသည်ဟု သိရသည်။

(005MK) အိန္ဒိယဗဟိုအစိုးရ ပြည်ထဲရေးဝန်ကြီးဌာန၏ အမိန့်အရ အိန္ဒိယ-မြန်မာ နှစ်နိုင်ငံကြား နယ်စပ်ဖြတ်ကျော် ဝင်/ထွက်သွားလာခွင့်ကို မေလ ၁ ရက်နေ့ကစ၍ တင်းတင်းကြပ်ကြပ်ဖြင့် ပိတ်ပင်တော့မည်ဟု အာသံရိုင်ဖယ်တပ်ဖွဲ့ကပြောသည်။ အာသံရိုင်ဖယ်တပ်ဖွဲ့မှတာဝန်ရှိသူများသည် ယမန်နေ့ဧပြီလ ၂၃ ရက်နေ့က မီဇိုရမ်ပြည်နယ် ကျန်ဖိုင်းမြို့ရှိ ၎င်းတို့ ဌာနချုပ်တွင် နယ်စပ်အနီးကျေးရွာများဖြစ်ကြသော Tlangsam, Zote, Ngur, Ruantlang နှင့် Hmunhmeltha ကျေးရွာများမှ ရပ်ရွာလူကြီးများ၊ ကျန်ဖိုင်းမြို့မီဇိုးလူငယ်အသင်း၊ ရပ်ကျေး အုပ်ချုပ်ရေးမှူးအဖွဲ့များအား ခေါ်ယူတွေ့ဆုံခဲ့ ကြသည်ဟု သိရသည်။ ယင်းတွေ့ဆုံဆွေးနွေးပွဲတွင် ဗဟိုအစိုးရပြည်ထဲရေးဝန်ကြီးဌာန၏ အမိန့်အရ ပြည်သူ့လွှတ်တော်ရွေးကောက်ပွဲကြောင့် နယ်စပ်ပိတ်ထားခဲ့ရကြောင်း၊ ဆက်လက်ပိတ်ပင်သွားမည်ဖြစ်သည့်အတွက် ယခုဧပြီလမကုန်ခင်အထိ နားလည်မှုဖြင့် နှစ်နိုင်ငံသားများ နာရီပေါင်း ၇၂ နာရီကြာ သုံးရက်အတွင်း နယ်စပ်ဖြတ်ကျော်နေထိုင်ခွင့်ပြုမည်ဟု အာသံရိုင်ဖယ် တပ်ဖွဲ့ ကပြောဆိုကြောင်း မီဇိုရမ်သတင်းမှာ ဖော်ပြထားသည်။ အကယ်၍ အခြေအနေအမျိုးမျိုးကြောင့် ၇၂ နာရီထက်ကျော်လွန်ပြီး နေထိုင်မည်ဆိုပါက သက်ဆိုင်ရာတာဝန်ရှိသူများထံ ခွင့်တောင်းရမည်ဖြစ်ပြီး ခွင့်ပြုချက်တောင်းခံခြင်းမရှိသူများကို အရေးယူသွားမည်ဟု ပြောဆိုကြောင်း မီဇိုရမ်သတင်းမှာ ဖော်ပြထားသည်။ မေလ ၁ ရက်နေ့ကစ၍ အိန္ဒိယ-မြန်မာနယ်စပ်က လမ်းကြောင်းများအားလုံး ပိတ်ပင်သွားမည်ဖြစ်ပြီး အကယ်၍အရေး ပေါ်အခြေအနေများရှိခဲ့ပါက စနစ်တကျဖြင့်စာရင်းမှတ်တမ်းများပြုစုကာ သွားလာခွင့်ပြုမည်ဟု ဆိုသည်။ ယခုကဲ့သို့ လုပ်ဆောင်ရခြင်းသည် မြန်မာနိုင်ငံသားများက နယ်စပ်မှတဆင့် မီဇိုရမ်ပြည်နယ်ကိုဖြတ်သန်း၍ မူးယစ်ဆေးဝါး အလုံးအရင်းတင်သွင်းနေမှုအား တားဆီးနိုင်ရန်ရည်ရွယ်ခြင်းဖြစ်သည်ဟု အာသံရိုင်ဖယ်တပ်ဖွဲ့ ကပြောဆိုသည်။ အိန္ဒိယနိုင်ငံမှာ ပြည်သူ့လွှတ်တော်ရွေးကောက်ပွဲကျင်းပမှုကို အကြောင်းပြကာ အိန္ဒိယ-မြန်မာအမှတ် ၂ နယ်စပ်ကုန် သွယ်ရေးစခန်း တည်ရှိရာ ရိဒ်-ဇိုခေါထာရ် ချစ်ကြည်ရေး တံတားကို…

(005MK) ကလေးမြို့မြောက်ပိုင်း ပျဉ်းတောဦး (Tuingo) ကျေးရွာတွင် ယနေ့ညနေပိုင်း ၄ နာရီခန့်က စစ်ကောင်စီတပ်ဖွဲ့က ပစ်ခတ်လိုက်သော လက်နက်ကြီးကျည် ကျရောက်ပေါက်ကွဲမှုကြောင့် ကလေးငယ် ၂ ဦးအပါအဝင် အရပ်သားပြည်သူ ၃ ဦး သေဆုံးခဲ့သည်ဟု သိရသည်။ ယနေ့ ဧပြီလ ၂၄ ရက်ညနေပိုင်း ၄ နာရီခန့်တွင် ပျဉ်းတောဦးကျေးရွာထဲ လက်နက်ကြီးကျည် ၂ နေရာတွင် ကျရောက်ပေါက်ကွဲကာ အသက် ၁၀ နှစ်ဝန်းကျင်ခန့်ရှိသော ကလေးငယ် ၂ ဦးနှင့် အသက် ၆၅ နှစ်အရွယ်ခန့်ရှိသော အမျိုးသားတစ်ဦးတို့ သေဆုံးခဲ့ခြင်းဖြစ်သည်။ နောက်ထပ်ကလေးငယ်တစ်ဦးမှာလည်း လက်နက်ကြီးကျည်ကြောင့် ပြင်းထန်ဒဏ်ရာရရှိပြီး စိုးရိမ်ရသည်ဟု သိရသည်။ ကလေး-လက်ပံချောင်း ကားလမ်းမပေါ်တွင်တည်ရှိသော ပျဉ်းတောဦးကျေးရွာသည် ကလေးမြို့မှ ၁၂ မိုင်ခန့်ကွာဝေးပြီး ချင်းလူမျိုးများနေထိုင်သည့် ကျေးရွာဖြစ်သည်။ ကလေးမြို့မြောက်ပိုင်း နန်းချောင်းကျေးရွာအနီးတွင် ယနေ့မနက်ပိုင်းက စစ်ကောင်စီတပ်ဖွဲ့နှင့် ပြည်သူ့ကာကွယ်ရေးပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့ပြီးနောက် စစ်ကောင်စီတပ်က ကလေးမြို့ပေါ်မှ လက်နက်ကြီး များဖြင့် အဆက်မပြတ်ပစ်ကူခဲ့သည်ဟု သိရသည်။ စစ်ကောင်စီတပ်ဖွဲ့သည် ယခုဧပြီလဆန်းပိုင်းကစ၍ ကလေးမြို့မြောက်ပိုင်းဒေသ ကလေး-လက်ပံချောင်း ကားလမ်းမပေါ်ရှိ ကျေးရွာများဘက်သို့ စစ်ကြောင်းထိုးဝင်ရောက်ခဲ့ပြီး ပျဉ်းခုံကြီး၊ ယောက်ချိုကွင်း၊ မိုင်နွဲ စသည့်ကျေးရွာများကို မီးရှို့ဖျက်စီးခဲ့သည်။ ဒေသခံပြည်သူများသည် နီးစပ်တောတောင်များ၊ ကလေးမြို့ပေါ်နှင့် အိန္ဒိယ-မြန်မာနယ်စပ်ဘက်တို့တွင် ထွက်ပြေးတိမ်းရှောင်နေကြရသည်ဟု သိရသည်။

(002MG) ချင်းပြည်နယ် ၊ မတူပီမြို့နယ်တွင် စစ်ကောင်စီမှ အထူးအစီစဉ်တရပ်အနေဖြင့် ပြန်လည်ကျင်းပမည့် တက္ကသိုလ်ဝင် စာမေးပွဲဖြေဆိုရန် ကျောင်းသူ၊ကျောင်းသား (၄၅) ဦး စာရင်းပေးသွင်းထားပြီဟု ချင်းပြည်နယ် ပညာရေးမူးထံမှ သိရသည်။ ၂၀၂၄ ခုနှစ်၊ တက္ကသိုလ်ဝင်တန်းစာမေးပွဲကို မတ်လ ၁၁ မှ ၁၉ ရက်နေ့အတွင်း ကျင်းပပြီးစီးခဲ့ပြီးဖြစ်သော်လည်း အချို့‌ေဒသများတွင် လုံခြုံရေးအရ စာမေးပွဲဖြေဆိုခွင့်မရရှိခဲ့သည့် ကျောင်းသူ/ကျောင်းသားများအတွက် အထူး အစီအစဉ်ဖြင့် ပြန်လည် ကျင်းပရန် စစ်‌ေကာင်စီက စီစဉ်ခြင်းဖြစ်ပြီး ချင်းပြည်နယ် မတူပီမြို့တွင်လည်း ကျင်းပ ကြမည်ဖြစ်သည်။ ချင်းပြည်နယ် ပညာရေးမူး ဆရာဘီးကူးဒူးက “စာမေးပွဲက ပြန်လုပ်မှာ မတူပီ အ.ထ.က (၂) မှာပဲ၊ အခု ဒီနေ့အထိ (၄၅) ယောက် သတင်းပို့ပြီ ပလက်ဝကရော၊ လိုင်လင်းပီဖက်ကရော၊ (၂၆) ရက်နေ့အထိ ဝန်ကြီးက လက်ခံခိုင်း တယ်ဆိုတော့ လူဦးရေက တိုးရင်လဲတိုးမယ်၊ ပြောလို့မရဘူးနော်၊ နိုင်ငံတော်က အကြောင်းအမျိုးမျိုးကြောင့် မဖြေဆိုနိုင်တဲ့သူတွေကို အထူးအစီစဉ်နဲ့လုပ်ပေးတာပါ” ဟု ပြောသည်။ တက္ကသိုလ်ဝင်စားမေးပွဲကို ဧပြီလ ၂၉ ရက်မှ မေလ ၆ ရက်နေ့အထိ ကျင်းပပေးမည်ဖြစ်ပြီး မတူပီမြို့တွင် ဖြေဆိုရန် စာရင်းပေးသွင်းသူများမှာ ပလက်၀၊ ဆမီး၊ လိုင်လင်းပီမြို့မှ ကျောင်းသူ၊ ကျောင်းသားအများစုဖြစ်သည်ဟု သိရသည်။ တက္ကသိုလ်ဝင်စာမေးပွဲဖြေဆိုရန် သွားရောက်သော ကျောင်းသူ ကျောင်းသားတချို့ကို မတူပီမြို့အဝင်တွင် တော်လှန် ရေးတပ်ဖွဲ့တချို့မှ ဝင်ခွင့်မပြုသည့်အတွက် ပြန်လှည့်ခဲ့ရသူများလည်းရှိသည်ဟု ဆမီးမြို့တစ်ဦးကပြောသည်။ ဆမီးမြို့ခံတဦးက “လွတ်လွတ်လပ်လပ်သွားလို့ရတယ်လို့ ပြောတော့ သွားတာ၊…

(006SV) ချင်းပြည်နယ်၊ မင်းတပ်မြို့နယ်အခြေစိုက်၊ CDF – မင်းတပ်၏ တော်လှန်ရေး ၃ နှစ်တာကာလတွင် မင်းတပ်မြို့နယ်၏ ၈၀ ရာခိုင် နှုန်းကို သိမ်းပိုက်ထိန်းချုပ်ထားနိုင်ပြီး တပ်မဟာမှူး ဆလိုင်းထန်းတိတ်မာန်အပါအဝင် ရဲဘော် ၆၅ ဦး ကျဆုံးခဲ့ရကာ ၂၀၀ ကျော် ထိခိုက်ဒဏ်ရာရရှိခဲ့ကြောင်း သတင်းရရှိသည်။ တော်လှန်ရေး ၃ နှစ်တာကာလအတွင်း မင်းတပ်မြို့နယ်မှာ တိုက်ပွဲပေါင်း ၂၅၂ ကြိမ်ဖြစ်ပွားခဲ့ပြီး စစ်ကောင်စီတပ်ဖွဲ့ဝင် ရာချီလည်း သေဆုံးခဲ့ကြောင်း CDF – မင်းတပ်၊ သတင်း၊ ပြန်ကြားရေးနှင့် မှတ်တမ်းဌာနမှူး ဇလပ်သွေးက ပြောသည်။ “မင်းတပ်မြို့နယ်အတွင်း ပြည်သူများနဲ့ မြန်မာနိုင်ငံတဝန်းက ပြည်သူများကို နည်းမျိုးစုံဖြင့် အကြမ်းဖက်နှိပ်စက် သတ်ဖြတ်နေတဲ့ စစ်ကောင်စီကို ကျနော်တို့ ချင်းကာကွယ်ရေးတပ်ဖွဲ့ – မင်းတပ်မှ ချေမှုန်းနေသည့်နည်းတူ အာဏာရှင်စနစ်ကို တော်လှန်နေသည့် မည်သည့်အဖွဲ့နဲ့မဆို လက်တွဲဆောငရွက်လျက်ရှိပြီး ချင်းတော်လှန်ရေးအင်အားစုများအကြား စည်းလုံးညီညွတ်ရေး အားကောင်းလာစေရန် တိုက်ပွဲအရှိန်အဟုန် မြှင့်တင်နိုင်ရန်ကြိုးစားဆောင်ရွက်လျက်ရှိပါတယ်” ဟု ကိုဇလပ်သွေးက ပြောသည်။ မင်းတပ်မြို့နယ်တွင် တော်လှန်ရေးနှင့်ပတ်သက်သည်ဟူ၍ စွပ်စွဲမှုဖြင့် ပြည်သူ တစ်ရာကျော်ကို စစ်ကောင်စီကဖမ်းဆီးခဲ့ပြီး အခုချိန်ထိ ပြန်လွှတ်ပေးခြင်း မရှိသေးကြောင်း CDF – မင်းတပ်၏ ယနေ့ ၃ နှစ်ပြည့်အခမ်းအနားတွင် ပြောသည်။ ၃ နှစ်အတွင်း စစ်ကောင်စီ၏ လေကြောင်းတိုက်ခိုက်မှုကြောင့် တိုက်ပွဲနှင့် မသက်ဆိုင်သည့် ကလေးငယ် အပါအဝင် ပြည်သူ ၅၆ ဦး ထိခိုက်ဒဏ်ရာရရှိခဲ့ပြီး ဘုရားကျောင်း ၈ လုံး၊ ဘုန်းကြီးကျောင်း ၄…

(004SS) ချင်းပြည်နယ် ဟားခါးမြို့ရှိ စစ်ကောင်စီခန့်ဝန်ကြီးများသည် လုံခြုံရေးအခြေအနေကြောင့် ဝန်ကြီးများအိမ်ယာတွင် မနေရဲကြတော့ဘဲ ချင်းဦးစီးရပ်ကွက်ရှိ တိုက် ၉ လုံးတွင် ပြောင်းရွှေ့နေထိုင်နေကြကြောင်း သတင်းရရှိသည်။ ဧပြီလ ၁၂ ရက်နေ့က ဝန်းကြီးများအိမ်ယာမှ ဟားခါးမြို့ထဲသို့ရုံးတက်ရန်ထွက်လာစဉ် ၎င်းတို့ယာဉ်တန်းကို CDF-Hakha တပ်ဖွဲ့က ကြားဖြတ်တိုက်ခိုက်ခဲ့ပြီးနောက် ယခုကဲ့သို့မြို့ထဲသို့ပြောင်းရွှေခဲ့ကြခြင်းဖြစ်သည်ဟု ဒေသခံများထံမှသိရသည်။ “ဟိုတစ်ခါ ဝန်ကြီးတွေ အပစ်ခံရတယ်လေ၊ စစ်ခွေးတွေက သူတို့အိမ်ရာမှာ မနေရဲကြတော့ဘူးနဲ့ တူတယ်။ ခုဒီဘက်မြို့ထဲ ပြောင်းလာကြပြီလေ၊ တိုက် ၉ လုံးမှာ၊ သိပ်မကြာသေးဘူး အခု တစ်ပါတ်မပြည့်သေးဘူး” ဟု ဟားခါးမြို့ဒေသခံတစ်ဦးက ပြောသည်။ တိုက် ၉ လုံးအိမ်ယာသည် ၂၀၁၀ ခုနှစ်တုန်းက ယခုဝန်ကြီးများအိမ်ယာ မပြီးစီးသေးခင်က ချင်းပြည်နယ်ဝန်ကြီးများ နေထိုင်ခဲ့သည့် အိမ်ယာဖြစ်ပြီး နောက်ပိုင်းတွင် ဌာနဆိုင်ရာအရာရှိများ နေထိုင်ကြသည်။ တိုက် ၉ လုံးအိမ်ယာတွင် နေထိုင်နေသော ဌာနဆိုင်ရာဝန်ထမ်းများအား မြန်မာ့စီးပွားရေးဘဏ်ရုံးအရှေ့ သုံးထပ်တိုက် ဝန်ထမ်းကွာတာနှင့် ခရိုင်စုပေါင်းရုံးနောက်ဖေးရှိ ဝန်ထမ်းကွာတာများသို့ ပြောင်းရွှေ့ခိုင်းထားကြောင်း ဒေသခံများထံများထံမှ သိရသည်။ ယမန်နေ့ ဧပြီလ ၂၃ ရက်နေ့တွင် စစ်ကောင်စီ ဟတ်စကီးတစ်စင်း ဟားခါးမြို့ပေါ်သို့ဆင်းသက်ကာ ဧပြီလ ၁၂ ရက်နေ့က တိုက်ခိုက်ခံရခြင်းကြောင့် ဒါဏ်ရာရရှိသူများအား ခေါ်ဆောင်သွားကြောင်း သိရသည်။ ချင်းကာကွယ်ရေးတပ်ဖွဲ့ CDF-Hakha သည် ဟားခါးမြို့တစ်ခုလုံး ထိန်းချုပ်နိုင်ရေးအတွက် ရုန်းတောင်စစ်ဆင်ရေးကို ဖော် ဆောင်လျှက်ရှိပြီး ဧပြီလ ၁၂ ရက်နေ့က စစ်ကောင်စီခန့်ဝန်ကြီးများစီးလာသောယာဉ်တန်းကို ဒရုန်းတွေနှင့် တိုက်ခိုက်မှုတွင် လူမှုရေးနှင့် စီးပွားရေးဝန်ကြီးအပါအဝင် ၆ ဦး…

(006SV) ချင်းပြည်နယ်က ချင်းတော်လှန်ရေးအင်အားစုများအကြား သဘောထားကွဲလွဲမှုကြောင့် နောက်ဆက်တွဲ ဖြစ်ပေါ်လာသော အခြေအနေများကို ကြားဝင်ညှိနှိုင်းကူညီပေးရန် အဆင်သင့်ရှိကြောင်း အမျိုးသား ညီညွတ်ရေး အတိုင်ပင်ခံကောင်စီ (NUCC) က ယနေ့မှာ ပြောကြားလိုက်သည်။ ယနေ့ ဧပြီလ ၂၄ ရက်တွင် ကျရောက်သည့် ချင်းကာကွယ်ရေးတပ်ဖွဲ့ – မင်းတပ်၏ တော်လှန်ရေး (၃) နှစ်ပြည့်အခမ်းအနားကို တက်ရောက်လာသည့် အမျိုးသားညီညွတ်ရေး အတိုင်ပင်ခံ ကောင်စီ (NUCC) ကိုယ်စားလှယ်က ပြောကြားခဲ့ခြင်းဖြစ်သည်။ လက်ရှိ ချင်းပြည်အနေအထားသည် ညီညွတ်ရေးအရ၊ တော်လှန်ရေးအရ စိုးရိမ်းစရာများ ရှိနေပြီး ယင်းအတွက် တော်လှန်ရေးကို မျက်နှာမူ၊ ချင်းပြည်ကို မျက်နှာမူ၊ ပြည်သူကို မျက်နှာမူ၍ မဖြစ်သင့်၊ မဖြစ်ထိုက်မှုများ မဖြစ်ကြရန် အဖက်ဖက်က သဘောထား ကြီးကြီးဖြင့် ဝိုင်းဝန်းထိမ်းသိမ်းရမည်ဟု NUCC မှ ဦးတိုးကျော်လှိုင် (ခ) ကိုတိုး က ပြောသည်။ “ဒီအတွက်ကြောင့်လည်း အမျိုးသားညီညွတ်ရေးအတိုင်ပင်ခံ ကောင်စီအနေနဲ့လည်း အဲဒီလို ညှိနှိုင်းမှုတွေမှာ လိုအပ်ခဲ့တယ်ဆိုရင် လိုအပ်တဲ့နေရာမှာ ဝင်ပြီးတော့ ကျနော်တို့ ညှိနှိုင်းကူညီပေးဖို့ အဆင်သင့် ရှိတယ်ဆိုတာကို ဒီကနေ့ CDF – မင်းတပ်ရဲ့ တော်လှန် ရေး ၃ နှစ်ပြည့်အခမ်းအနားကနေ ချင်းပြည်မှာ ရှိသော တော်လှန်ရေးအင်အားစုများ အားလုံးအပြင် တနိုင်ငံလုံးမှာ ရှိတဲ့ တော်လှန် ရေးအင်အားစုအသီးသီးကိုလည်းပဲ ဒီသတင်းစကားလေး ပါးချင်ပါတယ်” ဟု ဦးတိုးကျော်လှိုင်က ပြောသည်။ ချင်းပြည်နယ်တွင် ချင်းလဲန်းကောင်စီ၊ ချင်းပြည်အစိုးရအဖွဲ့လက်အောက်မှ တော်လှန်ရေးအင်အားစုများနှင့် ICNCC ၊…

(005MK) ကမ္ဘာလုံးဆိုင်ရာ ချင်းအဖွဲ့အစည်း (Global Chin(Falam) Organization) သည် မီဇိုရမ်ပြည်နယ်အတွင်းရှိ ဩဇာကြီးသောအရပ်ဖက်အဖွဲ့အစည်းများနှင့် တွေ့ဆုံကာ စစ်ဘေးရှောင်များအရေး ဆွေးနွေးခဲ့ကြသည်ဟု သိရသည်။ အမေရိကန်၊ ဆွစ်ဇာလန်နှင့် စင်ကာပူနိုင်ငံတို့မှ လာကြသော (Global Chin(Falam) Organization) အဖွဲ့အစည်းက ခေါင်းဆောင်များသည် ဧပြီလ ၂၂ ရက်နေ့ ညနေပိုင်းမှာ ဗဟိုမီဇိုးလူငယ်အသင်း(CYMA ) ခေါင်းဆောင်များနှင့် တွေ့ဆုံ ခဲ့ကြပြီး စစ်ဘေးရှောင်များအား ကူညီထောက်ပံ့ရေးအတွက် ရူပီးငွေ ၂ သိန်းပေးအပ်ခဲ့ကြသည်ဟု သိရသည်။ အဆိုပါတွေ့ဆုံတွေမှုတွင် CYMA အထွေအထွေအတွင်းရေးမှူး Prof. Malsawmliana ၊ ဘဏ္ဍာရေး အတွင်းရေးမှူး MS Ralte ၊CYMA ဥက္ကဌဟောင်း R.Lalngeta နှင့် CEC အဖွဲ့ဝင်တချို့တို့ပါဝင်ကြသည်။ နှစ်ဖက်တွေ့ဆုံမှုမှာ ယခုလက်ရှိ မီဇိုရမ်အတွင်း ခိုလုံနေကြသောစစ်ဘေးရှောင်များ၏ အခြေအနေများ၊ နယ်စပ်က တဆင့် မီဇိုရမ်ထဲ မူးယစ်ဆေးဝါး မှောင်ခိုတင်သွင်းမှုတိုက်ဖျက်ရေးနှင့် စည်းလုံးညီညွတ်မှုတည် ဆောက်ရေး အကြောင်း အရာများဆွေးနွေးခဲ့ကြသည်ဟု သိရသည်။ အလားတူ (Global Chin(Falam) Organization) အဖွဲ့သည် မီဇိုးကျောင်းသားသမဂ္ဂ (MZP) ခေါင်းဆောင်များနှင့် တွေ့ဆုံခဲ့ကြပြီး စစ်ဘေးရှောင်များကူညီထောက်ပံ့ရေးအခြေအနေများဆွေးနွေးခဲ့ကြသည်ဟုသိရသည်။ အမေရိကန်အခြေစိုက် ချင်းနှစ်ခြင်းအသင်းတော် CBANA ကလည်း မီဇိုရမ်ပြည်နယ် အတွင်းရှိစစ်ဘေးရှောင်များအား မီဇိုရမ်ပြည်နယ်အစိုးရက ကောင်းမွန်စွာစောင့်ရှောက်ပေးသည့်အပေါ် ကျေးဇူးတင်သည့်အနေဖြင့် ဧပြီ ၂၀ ရက်နေ့က မီဇိုရမ်ပညာရေး ဝန်ကြီး ဒေါက်တာ Dr.Vanlalthlana ထံ ရူပီး ၈ သိန်း ၅ သောင်းပေးအပ်ခဲ့ကြသည်။

မြန်မာ့နွေဦးတော်လှန်ရေး ၃ နှစ်ကျော်လာချိန်တွင် ချင်းတော်လှန်ရေးအင်အားစုများအတွင်း စစ်ရေးအောင်မြင်မှုများ အတိုင်း အတာတစ်ခုအထိရရှိလာသော်လည်း နိုင်ငံရေးပိုင်းတွင် သဘောထားမတူညီမှု၊ အကွဲအပြဲအက်ကြောင်းများ ပိုမိုကြီးမာလာနေပြီး စစ်ရေးအရ ထိတွေ့မှုများ၊ သတိပေးထုတ်ပြန်မှုများအထိ ရှိလာနေပါသည်။ မြန်မာ့နွေဦးတော်လှန်ရေးမှာ စစ်အာဏာရှင်ကို တူမီးစွဲကိုင်ပြီး အစောဆုံးဆန့်ကျင့်တော်လှန်ခဲ့သော ချင်းအင်အားစုများသည် အနာဂါတ်ချင်းပြည်တည်ဆောက်ရေးအတွက် ခုခံတော်လှန်ရေး ၃ နှစ်ရှိလာချိန်မှာ ချင်းလဲန်းကောင်စီ (CC) နှင့် ကြားကာလ ချင်းအမျိုးသားအတိုင်ပင်ခံကောင်စီ (ICNCC) အဖြစ် နှစ်ခြမ်းကွဲသွားခဲ့သည်။ ယခုအခြေအနေအတိုင်း ရှေ့ဆက်သွားကြမည်ဆိုပါက ချင်းပြည်သူများ မျှော်လင့်နေကြသော အနာဂတ်ချင်းပြည်ထောင် တည်ဆောက်ရေးက မည်ကဲ့သို့ရှိလာနိုင်သလဲ၊ လက်ရှိချင်းတော်လှန်ရေးတပ်ဖွဲ့များအကြား အကွဲအပြဲ အက်ကြောင်းများ ပိုမိုကြီးထွား မလာစေရန် မည်ကဲ့သို့ ဆောင်ရွက်သင့်ပါသလဲ၊ ယင်းကိစ္စနှင့်ပတ်သက်၍ ချင်းလူငယ်နိုင်ငံရေးလေ့လာသုံးသပ်သူ တစ်ဦးလည်းဖြစ် India for Myanmar တည်ထောင်သူ ဆလိုင်းဒိုခါရ်ကို ခိုနူမ်းသုန်သတင်းထောက် Salai Vakok က ဆက်သွယ်မေးမြန်းထားသည်။ မေး – လက်ရှိကာလဟာ ပြည်မအပါအဝင် ချင်းပြည်နယ်မှာ စစ်အာဏာရှင်ကို တော်လှန်မှု ၃ နှစ်ကျော်လာပါပြီ။ ၃ နှစ်တာကာလမှာ ချင်းတော်လှန်ရေးအင်အားစုတွေ ဘယ်လောက်အတိုင်းအတာအထိ ခရီးပေါက်လာပါပြီလဲ။ ဖြေ – ချင်းပြည်နိုင်ငံရေးကို ကြည့်မယ်ဆိုရင် ၃ နှစ်တာအတွင်း စစ်ရေးအောင်မြင်မှု အတိုင်းအတာ တစ်ခုထိ ရောက်တယ်။ ဒါပေမဲ့ နောက်ဆုံး နိုင်ငံရေးမှာ သဘောထား ကွဲလွဲမှုတွေ ရှိတဲ့အခါ၊ စစ်ရေးရလဒ်ကို စီမံခန့်ခွဲဖို့ လုပ်တဲ့အခါမှာ အုပ်ချုပ်ရေးကဏ္ဍ သဘောထား ကွဲလွဲမှုတွေ၊ နယ်မြေ လုမှုတွေကြောင့် အချင်းချင်း သဘောထား ကွဲလွဲမှု…

(005MK) မီဇိုရမ်ပြည်နယ် ကျန်ဖိုင်းမြို့အခြေစိုက် မီဇိုးကျောင်းသားသမဂ္ဂ (MZP) က ၎င်းတို့ဒေသတွင်းနေထိုင်ကြသော မြန်မာစစ်ဘေး ရှောင်များ လိုက်နာရမည့် စည်းကမ်းများကို ယနေ့ ထုတ်ပြန်လိုက်သည်။ မြန်မာ့နိုင်ငံရေးအခြေအနေကြောင့် မြန်မာနိုင်ငံက မိမိတို့ညီအကိုအမြောက်အများ မီဇိုရမ်ပြည်နယ်သို့ စစ်ဘေးရှောင် ခိုလုံလာကြပြီး ၎င်းတို့အနက် အိန္ဒိယနိုင်ငံသားများသာ ပိုင်ဆိုင်ခွင့်ရှိသော စာရွက်စာတမ်း သက်သေအထောက်များ ပိုင်ဆိုင်သူများနှင့် ပိုင်ဆိုင်ရန်ကြိုးစားနေသူများရှိသည်ဟု Mizo Zirlai Pawl(MZP), Headquarters Champhai ၏ ထုတ်ပြန်ချက်တွင် ဖော်ပြထားသည်။ ယင်းကိစ္စသည် မိမိတို့နိုင်ငံ လူမျိုးအတွက် နောင်အနာဂတ်တွင်ဆိုးကျိုးများဖြစ်လာစေနိုင်သည့်အတွက် ယခုကဲ့သို့ အသိပေးထုတ်ပြန်ခြင်းဖြစ်သည်ဟု ဆိုသည်။ စစ်ဘေးရှောင်များသည် အိန္ဒိယနိုင်ငံသားများမဟုတ်ကြသည့်အတွက် အိန္ဒိယနိုင်ငံသားများသာ ပိုင်ဆိုင်ခွင့်ရှိသော Voter ID, Aadhaar Card, Birth Certificate, Ration Card စသည့်စာရွက်စာတမ်း သက်သေအထောက် အထားများ ပိုင်ဆိုင် ခွင့်မရှိဟု MZP Headquarters Champhai ကဆိုသည်။ ထို့အပြင် အစိုးရကပိတ်ပင်ထားသော မူးယစ်ဆေးဝါးနှင့်ကူးသန်းရောင်းဝယ်ခြင်းများမပြုရန်၊ ဆိုင်ခန်း၊ အိမ်ခြံမြေ၊ ဝယ်ယူပိုင်ဆိုင်ခွင့်မရှိကြောင်း နှင့် စစ်ဘေးရှောင်များဖြစ်ကြသည့်နည်းတူ စစ်ဘေးရှောင်ကဲ့သို့ပြုမူနေထိုင်ကြရန်လိုအပ်ကြောင်း၊ မိမိတို့ ညီအကိုအချင်းချင်းကြား စည်းလုံးညီညွတ်မှုအားကောင်းလာစေရေးအတွက် မပြုအပ်သောအရာများအား သိလျှက်နှင့်ကျူးလွန်းခြင်းမပြုကြရန် အသိပေးအပ်သည်ဟု MZP, Headquarters Champhai ၏ ထုတ်ပြန်ချက်တွင် ဖော်ပြထားသည်။ ထုတ်ပြန်ချက်ပါအကြောင်းအရာများအား လက်တွေ့အကောင်အထည်ဖော်ဆောင်ရွက်နိုင်ရေးအတွက် ဆက်လက်လုပ်ဆောင်သွားမည်ဟုဆိုသည်။ ကျန်ဖိုင်း(Champhai) သည် မီဇိုရမ်ပြည်နယ်၏ နယ်စပ်မြို့တစ်မြို့ဖြစ်ပြီး ချင်းပြည်နယ်နှင့် ထိစပ်လျှက်ရှိကာ အိန္ဒိယ-မြန်မာ နယ်စပ်ကုန်သွယ်ရေးလမ်းကြောင်းပေါ်တည်ရှိသော စီးပွားရေးအရအချက်အချာကျသောမြို့ဖြစ်သည်။ ယခု လက်ရှိ ကျန်ဖိုင်းခရိုင်ထဲတွင် မြန်မာနိုင်ငံက စစ်ဘေးရှောင်…