ချင်းပြည်နယ်တောင်ပိုင်း မတူပီမြို့နယ် ငလိုင်ကျေးရွာတွင် စစ်ကောင်စီတပ်နှင့် CDF-Matupi တပ်ဖွဲ့အကြားဖြစ်ပွားသည့် တိုက်ပွဲတွင် CDF-Matupi က ရဲဘော်တစ်ဦးကျဆုံးပြီး သေနတ် ၄ လက်နှင့် ကျည်ဆံအမြောက်များ ဆုံးရှုံးခဲ့ရသည်ဟု သိရသည်။ ယမန်နေ့ ဇန်နဝါရီလ ၁၅ ရက်နေ့ မနက်ပိုင်း ၉ နာရီခန့်က မတူပီ-ဟားခါးလမ်းမပေါ်ရှိ ငလိုင်ကျေးရွာကို အင်အား ၁၀၀ ခန့်ရှိသော စစ်ကောင်စီတပ်ဖွဲ့က ဝင်ရောက်စီးနင်းခဲ့ရာတွင် CDF-Matupi တပ်ဖွဲ့နှင့် တိုက်ပွဲဖြစ်ပွားခဲ့ကြခြင်းဖြစ်သည်။ ယင်းတိုက်ပွဲတွင် CDF-Matupi မှ ရဲဘော်တစ်ဦးကျဆုံးခဲ့ပြီး မောင်းပြန် (M4) သေနတ် ၂ လက်၊ ခါးချိူးသေနတ် ၂ လက်၊ မော်တော်ဆိုင်ကယ် ၁၁ စီး၊ လက်ကိုင်ဖုန်း ၇ လုံး၊ မောင်းပြန်ကျည် အမြောက်အများနှင့် မြန်မာကျပ်ငွေ ၁၅ သိန်း လက်လွှတ်ဆုံးရှုံးခဲ့ရသည်ဟု CDF-Matupi က ယနေ့ဇန်နဝါရီလ ၁၆ ရက်နေ့တွင် ထုတ်ပြန်သည်။ “ကျွန်တော်တို့ထက် သာလွန်အင်အား အလုံးအရင်းနဲ့ စစ်ကြောင်းထိုးလာတဲ့အတွက်ကြောင့် ကျွန်တော်တို့ရဲ့ ဒီရှေ့တန်း Post ကို နည်းနည်းလေး ပြန်ပြီးတော့ ဆုတ်ခွာလိုက်ရတယ်” ဟု CDF- Matupi တပ်ဖွဲ့ ပြန်ကြားရေးတာဝန်ခံ အာရွန်က ပြောသည်။ စစ်ကောင်စီတပ်ဖွဲ့သည် ငလိုင်ကျေးရွာက လူနေအိမ်များကိုလည်း ဖောက်ထွင်းကာ ယနေ့ဇန်နဝါရီလ ၁၆ ရက်နေ့မနက် ပိုင်း ၇ နာရီခန့်တွင် အိမ်သုံးလုံးကို စက်ကြီးနှင့်ဖြိုခွင်း၍ နှစ်လုံး မီးရှို့ဖျက်ဆီးခဲ့သည်ဟု CDF-Matupi က ဆိုသည်။ ငလိုင်ကျေးရွာတိုက်ပွဲတွင် စစ်ကောင်စီဘက်ကလည်း…
Author: Editor
စစ်ကောင်စီက တိုက်လေယာဉ်ဖြင့် အိန္ဒိယလေပိုင်နက်ထဲကို ပျံသန်းလာပြီး အိန္ဒိယပိုက်နက်နယ်မြေထဲကို ဗုံးနှစ်ကြိမ် ကြဲချခဲ့သည့် လုပ်ရပ်နှင့်ပတ်သက်၍ အိန္ဒိယပြည်ထဲရေးဝန်ကြီးထံသို့ စာရေးသားတင်ပြသွားမည်ဟု မီဇိုရမ်ပြည်နယ်က အင်အားကြီး အရပ်ဖက်အဖွဲ့အစည်း ၅ ဖွဲ့ကပြောဆိုလိုက်သည်။ မီဇိုရမ်ပြည်နယ်ထဲက အင်အားကြီးအရပ်ဖက်အဖွဲ့အစည်း ၅ ဖွဲ့ဖြစ်သည့် Central Young Mizo Association (CYMA), Mizo Upa Pawl (MUP), Mizo Hmeichhia Insuihkhawm Pawl (MHIP), Mizo Zirlai Pawl (MZP) နှင့် Mizo Student Union (MSU) တို့မှ ခေါင်းဆောင်များသည် ယမန်နေ့ ဇန်နဝါရီလ ၁၃ ရက်နေ့က CYMA ရုံးတွင် တွေ့ဆုံခဲ့ကြပြီး စစ်ကောင်စီ၏ လုပ်ရပ်အပေါ် ကန့်ကွက်ရှုတ်ချကာ အိန္ဒိယပြည်ထဲရေးဝန်ကြီးထံ စာရေးသားပေးပို့ရန် ဆုံးဖြတ်ခဲ့ကြသည်ဟု ၎င်းတို့၏ ထုတ်ပြန်ချက်တွင် ဖော်ပြထားသည်။ “မြန်မာစစ်တပ်က အိန္ဒိယလေပိုင်နက်ထဲကို ပျံသန်းလာပြီး အိန္ဒိယပိုင်နက်နယ်မြေထဲမှာ ဗုံး ၂ ကြိမ် လာကြဲချတာဟာ အိန္ဒိယရဲ့ လုံခြုံရေး၊ တည်ငြိမ်ရေးကို ခြိမ်းခြောက်လာတာဖြစ်ပြီး ယင်းအတွက်စိုးရိမ်မကင်းဖြစ်ရပြီး ပြင်းထန်စွာ ကန့်ကွက်သည်” ဟု ၎င်းတို့၏ ထုတ်ပြန်ချက်တွင်ဖော်ပြထားသည်။ အိန္ဒိယနိုင်ငံ၏ လုံခြုံရေးနှင့် ဂုဏ်သိက္ခာအား ထိန်းသိမ်းကာကွယ်နိုင်ရေးဆောင်ရွက်ရန် အိန္ဒိယအစိုးရကို တိုက်တွန်းတောင်းဆိုပြီး ယင်းကိစ္စကိုအကောင်အထည်ဖော်ဆောင်ရွက်ရန် အိန္ဒိယပြည်ထဲရေးဝန်ကြီးထံ စာရေးသားပေးပို့သွားမည်ဟု မီဇိုရမ်ပြည်နယ်ထဲက အင်အားကြီးအရပ်ဖက်အဖွဲ့အစည်း ၅ ဖွဲ့က ဆိုသည်။ ၎င်းတို့အနေဖြင့် မကြာခင်ရက်ပိုင်းအတွင်းမှာ မီဇိုရမ်ပြည်နယ်အုပ်ချုပ်ရေးမှူး Governor ထံမှတဆင့် အိန္ဒိယပြည်ထဲရေးဝန်ကြီးထံ စာရေးသားပေးပို့သွားမည်ဟု သိရသည်။…
စစ်ကောင်စီက တိုက်လေယာဉ်ဖြင့် အိန္ဒိယ-မြန်မာနယ်စပ် မီဇိုရမ်ပြည်နယ်ပိုင်နက်အတွင်း ဗုံးကြဲချမှုအပေါ် အပြင်းအထန် ကန့်ကွက်ရှုတ်ချကြောင်း ယင်းကိစ္စအပေါ် ကိုင်တွယ်ဖြေရှင်းပေးရန် မီဇိုးလူငယ်အသင်း (YMA) က အိန္ဒိယဗဟိုအစိုးရကို တောင်းဆိုလိုက်သည်။ အိန္ဒိယ-မြန်မာနယ်စပ် ချင်းပြည်နယ် ထန်တလန်မြို့နယ်အတွင်း တည်ရှိသော ချင်းအမျိုးသားတပ်ဦး CNF ဌာနချုပ် ဝိတိုရိယစခန်းကို ပြီးခဲ့သည့် ဇန်နဝါရီလ ၁၀ ရက်နှင့် ၁၁ ရက်နေ့က စစ်ကောင်စီက တိုက်လေယာဉ်ဖြင့် ၂ ရက်ဆက်တိုက် ဗုံးကြဲတိုက်ခိုက်ခဲ့ပြီး စစ်ကောင်စီက ကြဲချလိုက်သည့် ဗုံးတစ်လုံးသည် မီဇိုရမ်ပြည်နယ် Farkawn နယ်မြေထဲသို့ ကျရောက်ပေါက်ကွဲခဲ့သည်။ ယင်းကိစ္စနှင့်ပတ်သက်၍ မီဇိုရမ်ပြည်နယ် Tuipuiral Group YMA က ဇန်နဝါရီလ ၁၂ ရက်နေ့က ကြေညာချက်တစ်စောင်ထုတ်ပြန်ကာ စစ်ကောင်စီက ချင်းအမျိုးသားတပ်ဦး CNF ဗဟိုဌာနချုပ် ဝိတိုရိယစခန်းအား တိုက်လေယာဉ်ဖြင့် ဗုံးကြဲတိုက်ခိုက်မှုအပေါ် ကန့်ကွက်ရှုတ်ချကြောင်း၊ မီဇိုရမ်ပိုင်နက်ထဲတွင်လည်း ဗုံးကြဲချသည့်အပြင် နယ်စပ်ချောင်းတွင် သဲတင်ကားတစ်စီးလည်း ပျက်စီးခဲ့သည်ဟု ဆိုသည်။ စစ်ကောင်စီသည် ယခင်ကလည်း လေးစားမှုတစုံတရာမရှိပဲ အိန္ဒိယပိုင်နက်အတွင်းသို့ တိုက်လေယာဉ်များ မကြာခဏ ပျံသန်းခဲ့ပြီး ယခုတကြိမ်တွင် ဗုံးကြဲချလာခြင်းဖြစ်သည်ဟု Tuipuiral Group YMA က ဆိုသည်။ ဗုံးကြဲတိုက်ခိုက်မှုကြောင့် နယ်စပ်ရှိ အိန္ဒိယနိုင်ငံသား တောင်သူလယ်သမားများနှင့် သဲလုပ်ငန်းလုပ်ကိုင်သူများ အထိတ်တလန့်ဖြစ်ကြရပြီး လက်ရှိအချိန်ထိ ၎င်းတို့၏လုပ်ငန်းခွင်များသို့ ပြန်မဝင်ရဲကြသေးပဲ စွန့်ခွာထွက်ပြေးခဲ့ရသည်ဟု ဆိုသည်။ စစ်ကောင်စီ၏လုပ်ရပ်သည် နိုင်ငံတကာဥပဒေအား ချိူးဖောက်ရာရောက်ပြီး အိန္ဒိယပိုင်နက်အတွင်း တိုက်လေယာဉ်များ ပျံသန်းကာ ဗုံးကြဲချမှုကို ကိုင်တွယ်ဖြေရှင်းပေးရန် အိန္ဒိယအစိုးရကို အလေးအနက်တောင်းဆိုသည်ဟု ၎င်းတို့၏…
ချင်းပြည်နယ် ထန်တလန်မြို့နယ် အိန္ဒိယ-မြန်မာနယ်စပ်အနီးတည်ရှိတဲ့ ချင်းအမျိုးသားတပ်ဦး CNF/CNA ဗဟိုဌာနချုပ် ဝိတိုရိယစခန်းကို စစ်ကောင်စီတပ်က ဇန်နဝါရီလ ၁၀ ရက်နဲ့ ၁၁ ရက်နေ့တွေမှာ တိုက်လေယာဉ်နှင့်ဗုံးကြဲတိုက်ခိုက်ခဲ့ပြီး ချင်းအမျိုးသားတပ်မတော်က ရဲမေ ၂ ဦးအပါအဝင် ၅ ဦးကျဆုံးခဲ့ပါတယ်။ CNF/CNA ဗဟိုဌာနချုပ် တိုက်ခိုက်ခံရမှုနဲ့ပတ်သက်ပြီး ချင်းအမျိုးသားတပ်ဦး CNF ပြောရေးဆိုခွင့်ရှိသူ ဆလိုင်းထက်နီကို ဆက်သွယ်မေးမြန်းထားပါတယ်။ မေး။ ။ CNF ဗဟိုဌာနချုပ် ဝိတိုရိယစခန်းကို စစ်ကောင်စီက တိုက်လေယာဉ်နဲ့ ဗုံးကြဲတိုက်ခိုက်ခဲ့တဲ့ ဖြစ်စဉ်အခြေအနေအသေးစိတ်ကို ပြောပြလို့ရမလား။ ဖြေ။ ။ စစ်ကောင်စီက ကျွန်တော်တို့ ဗဟိုဌာနချုပ်ကို နှစ်ကြိမ် ဗုံးလာကြဲတာပေါ့နော်။ ပထမတစ်ကြိမ်က ညနေ ၄ နာရီပေါ့၊ ဒုတိယအကြိမ်ကတော့ ညနေ ၅ နာရီခန့်မှာပေါ့။ ဒီပထမတစ်ကြိမ်တုန်းကတော့ ဗုံးကြဲလေယာဉ် ၅ စီးလာပြီး တော့မှ ၅ ကြိမ်ကြဲတယ်၊ အဲ့ဒီမှာ တစ်လုံးကတော့ အိန္ဒိယဘက်ကျသွားတာပေါ့နော်။ အဲဒီနေ့ဖြစ်စဉ်မှာ ကျွန်တော်တို့ ရဲမေ နဲ့ ရဲဘော် ၅ ဦးကျသွားတာပေါ့၊ အဆောက်အအုံတစ်ချို့လည်းပျက်စီးတယ်၊ ဒုတိယ တစ်ကြိမ်ကတော့ တိုက်လေယာဉ် ၃ စီးလာတယ် ဒါပေမဲ့ ၂ စီးကပဲ ဗုံးကြဲတယ်ပေါ့နော်။ တစ်စီးကတော့ ပြန်ခေါက်သွားတယ်။ ဒုတိယအကြိမ်ကတော့ ဒီ အရ ပ်ဘက်ပြည်သူတွေနေတဲ့ ဆေးရုံ ဆေးခန်းက အဆောက်အုံတစ်ချို့ပျက်စီးသွားတာပေါ့နော်။ ကျွန်တော်တို့ဘက်က မနေ့ ကတော့ အထိခိုက်တော့မရှိဘူးပေါ့။ အားလုံး ဗုံးကြဲလေယာဉ်က ၈ စီးလာပြီးတော့ ဗုံးအလုံးကျတဲ့နေရာက ၉ နေရာ…
တရားဝင်အစိုးရဖြစ်ရေးအတွက် စစ်ကောင်စီက ဦးဆောင်ကျင်းပပြုလုပ်မည့် ရွေးကောက်ပွဲကို ချင်းပြည်နယ် ဖလမ်းမြို့နယ်နှင့် အထက်ချင်းတွင်းဒေသအတွင်း ကျင်းပပြုလုပ်ခြင်းမရှိစေရန် ချင်းအမျိုးသားအဖွဲ့ချုပ် CNO/CNDF က လုံးဝတားမြစ်ထားသည်ဟု ယနေ့ဇန်နဝါရီလ ၁၁ ရက်နေ့စွဲဖြင့် ကြေညာချက် ထုတ်ပြန်လိုက်သည်။ ချင်းအမျိုးသားကာကွယ်ရေးတပ်ဖွဲ့ (CNDF) စစ်ဌာနချုပ်ရုံး (War Office), Camp Rihli, Chinram ၌ ဇန်နဝါရီလ (၆) ရက်မှ (၉) ရက်နေ့အထိ (၄) ရက်တိုင်တိုင် ကျင်းပပြုလုပ်သော ချင်းအမျိုးသားကာကွယ်ရေးတပ်ဖွဲ့၏ ဒုတိယအကြိမ်မြောက် ညီလာခံအစည်းအဝေးအပြီးတွင် စစ်ကောင်စီ၏ ရွေးကောက်ပွဲနှင့်ပတ်သက်၍ ထိုကဲ့သို့ သဘောထားထုတ်ပြန်လာခြင်းဖြစ်သည်။ “လက်နက်မဲ့ပြည်သူလူထုများကို အကြမ်းဖက်သတ်ဖြတ်၊ ပြည်သူ့အိုးအိမ်များကို အကြောင်းမဲ့မီးရှို့ဖျက်စီး၊ ပြည်သူ့ကာကွယ်ရေးတပ်ဖွဲ့များအပေါ် စစ်ကြောင်း အဆမတန်ဖြင့် တိုက်ခိုက်နေသည့်အပြင် လေကြောင်းဖြင့်ပါ တိုက်ခိုက်နေသည့် အကြမ်းဖက်စစ်ကောင်စီ၏ တရားဝင်အစိုးရဖြစ်ရေးအတွက် ဦးဆောင်ပြုလုပ်မည့် ရွေးကောက်ပွဲအား ချင်းပြည်နယ်၊ ဖလမ်းမြို့နယ်နှင့် အထက်ချင်းတွင်းဒေသအတွင်း ပြုလုပ်ခြင်းမရှိရန် CNO/CNDF မှ လုံးဝတားမြစ်သည်။ တားမြစ်သည့်ကြားမှ ထိုရွေးကောက်ပွဲအထမြောက်အောင် ကူညီမည့် မည်သည့်ပုဂ္ဂိုလ်မျိုးမဆို CNO/CNDF မှ ပြင်းထန်စွာ အရေးယူသွားမည်ဖြစ်သည်” ဟု CNO/CNDF ၏ ကြေညာချက်တွင်ဖော်ပြထားသည်။ CNO/CNDF အနေဖြင့် အာဏာရှင်စနစ်အမြစ်ပြတ်ချေမှုန်းရေး၊ ချင်းအမျိုးသားတည်ဆောက်ရေးနှင့် ဖက်ဒရယ် ဒီမိုကရေစီပြည်ထောင်စုပေါ်ပေါက်ရေးအတွက် တော်လှန်ရေးအင်အားစုများနှင့်အတူ ဆုံးခန်းတိုင်အောင် ဆက်လက် တိုက်ပွဲဝင်သွားမည်ဟုလည်း ဆိုပါသည်။ ၄ ရက်ကြာကျင်းပပြုလုပ်သော ထိုညီလာခံ အစည်းအဝေးတွင် ကိုယ်စားလှယ်(၆၀)ဦးနှင့် စောင့်ကြည့်လေ့လာသူ (၃၀) ဝန်းကျင်ခန့်၊ စုစုပေါင်း (၉၀) ဦးခန့် တက်ရောက်ခဲ့ကြပြီး ချင်းအမျိူးသားကာကွယ်ရေးတပ်ဖွဲ့ရှိ ဌာနအသီးသီးနှင့် တပ်မဟာ၊…
ချင်းအမျိုးသားတပ်ဦး CNF/A ဗဟိုဌာနချုပ် ဝိတိုရိယ (Camp Victoria) စခန်းကို စစ်ကောင်စီက ယနေ့ ညနေပိုင်း ၅ နာရီဝန်းကျင်ခန့်က လေကြောင်းကနေ ထပ်မံ ဗုံးကြဲတိုက်ခိုက်ခဲ့တယ်လို့ သိရပါတယ်။ စစ်ကောင်စီဟာ တိုက်လေယာဉ် ၂ စီးနဲ့ CNF ဗဟိုဌာနချုပ်က မဟာဗျူဟာကုန်းနဲ့ ပြင်ပလူနာဌာနဆေးခန်း၊ ဆေးဂိုဒေါင်ကို ပစ်မှတ်ထား တိုက်ခိုက်ခဲ့ပြီး ဗုံး ၂ ကြိမ် ကြဲချခဲ့တယ်လို့ ခိုင်လုံတဲ့သတင်းရင်းမြစ်က ဆိုပါတယ်။ “ဒီနေ့ နှစ်လုံးထပ်ပစ်တာ မဟာဗျူဟာကုန်းမှာပစ်တာ ပြီးတော့ ပြင်ပလူနာဌာန ဆေးခန်းတွေ၊ ဆေးဂိုဒေါင်တွေက တော်တော်ပျက်သွားတယ်” လို့ ခိုင်လုံတဲ့သတင်းရင်းမြစ်က ဆိုပါတယ်။ ယနေ့ ထပ်မံဗုံးကြဲတိုက်ခိုက်ခံရမှုမှာ လူထိခိုက်ဒဏ်ရာရရှိတာ မရှိဘူးလို့ သူက ဆက်ပြောပါတယ်။ စစ်ကောင်စီဟာ ယမန်နေ့ ဇန်နဝါရီလ ၁၀ ရက်နေ့ ညနေပိုင်း ၄ နာရီခွဲလောက်မှာ CNF/A ဗဟိုဌာနချုပ်ကို လေကြောင်းကနေ ဗုံး ၅ လုံးနဲ့ ပစ်ခတ်တိုက်ခိုက်ခဲ့တာကြောင့် ချင်းအမျိုးသားတပ်မတော် တပ်သား ရဲမေ ၂ ဦးအပါအဝင် ၅ ဦး ကျဆုံးခဲ့ရပါတယ်။
ချင်းအမျိုးသားတပ်ဦး CNF/A ဗဟိုဌာနချုပ် ဝိတိုရိယစခန်း ဗုံးကြဲတိုက်ခိုက်ခံရမှုအပေါ် ပြင်းထန်စွာရှုတ်ချပြီး စစ်ကောင်စီ ကို အမြစ်ပြတ်ချေမှုန်းလိုသည့် ချင်းလူမျိုးများ၏ နာကြည်းမှုနှင့် သန္နိဌာန်ကို ပိုမိုအားသစ်လောင်းပေးရာရောက်သည်ဟု ကြားကာလချင်းအမျိုး သားအတိုင်ပင်ခံကောင်စီ ICNCC ပြောဆိုလိုက်သည်။ ဝိတိုရိယစခန်းအပါအဝင် ချင်းပြည်အတွင်း စစ်ကောင်စီတပ်ဖွဲ့၏ လေကြောင်းမှပစ်ခတ်တိုက်ခိုက်မှုများသည် နိုင်ငံရေးအရ အလွန်ပင် မှားယွင်းသည့်လုပ်ရပ်ဖြစ်ပြီး၊ လူမျိုးရေး အရလည်း ပြန်လည်ဖြေဆည်ရာခက်ခဲသည့် စိတ်ဒါဏ်ရာများကို ပိုမိုနက်ရှိုင်းခိုင်မာသွားစေမည်ဖြစ်သည်ဟု ICNCC ၏ ဇန်နဝါရီလ ၁၀ ရက်နေ့စွဲဖြင့်ထုတ်ပြန်သောကြေညာချက်တွင် ဖော်ပြထားသည်။ “ဤကဲ့သို့ ပြုမူခြင်းအားဖြင့် စစ်ကောင်စီကို အမြစ်ပြတ်ချေမှုန်းလိုသည့် ချင်းလူမျိုးများ၏ နာကြည်းမှုနှင့် သန္နိဌာန်ကို ပိုမိုအားသစ်လောင်းပေးရာ ရောက်ပေသည်။ ချင်းလူမျိုးများအနေဖြင့် စစ်ကောင်စီ ၏ ဖိနှိပ်တိုက်ခိုက်မှုများကို ဆက်၍ တွန်းလှန်ခုခံသွားမည်သာဖြစ်သည်” ဟု ICNCC ၏ ကြေညာချက်တွင်ဖော်ပြထားသည်။ “လေကြောင်းမှ ဗုံးကြဲတိုက်ခိုက်မှုသည် လူမဆန်သောလုပ်ရပ်ဖြစ်သည်သာမက၊ နိုင်ငံတော်အာဏာကို စစ်တပ်က မတရားလုယူပြီးနောက်ပိုင်းဖြစ်ပေါ်လာသော ချင်းလူမျိုးများအပါအဝင် တိုင်းရင်းသား ပြည်သူလူထုတစ်ရပ်လုံး၏ သဘောထားနှင့် လိုလားချက်များကို ပြောင်ပြောင်တင်းတင်း မျက်ကွယ်ပြုကာ နိုင်ငံရေးနည်းလမ်းဖြင့် အဖြေမရှာလိုသော စစ်ကောင်စီ၏ သဘောထားအမှန်ကို အတိအလင်း ဖော်ပြချက်လည်းဖြစ်သည်” ဟု ICNCC က ဆိုသည်။ ထို့အပြင် စစ်ကောင်စီအနေဖြင့် ၂၀၂၃ ခုနှစ်ကုန်အထိ အပစ်အခတ်ရပ်စဲမည်ဟု ထုတ်ဖော်ပြောဆိုချက်သည်လည်း အလိမ်အညာသက်သက်သာဖြစ်ကြောင်း ၎င်းတို့ကိုယ်တိုင် ဝန်ခံနေခြင်းပင်ဖြစ်သည်ဟု ICNCC က ပြောဆိုသည်။ ချင်းပြည်နယ် ထန်တလန်မြို့နယ် အိန္ဒိယ-မြန်မာနယ်စပ်အနီးတွင်တည်ရှိသော CNF/A ဗဟိုဌာနချုပ်ကို ယမန်နေ့ ဇန်နဝါရီ ၁၀ ရက် ညနေပိုင်း ၄…
ချင်းပြည်နယ် ထန်တလန်မြို့နယ် အိန္ဒိယ-မြန်မာနယ်စပ်အနီးတွင်တည်ရှိသော ချင်းအမျိုးသားတပ်ဦး CNF/CNA ဗဟိုဌာန ချုပ် ဝိတိုရိယစခန်းကို စစ်ကောင်စီတပ်က ယနေ့ညနေပိုင်း ၄ နာရီခန့်က တိုက်လေယာဉ်နှင့်ဗုံးကြဲတိုက်ခိုက်မှုတွင် ချင်းအမျိုးသားတပ်မတော်မှ ရဲမေ ၂ ဦးအပါအဝင် ၅ ဦးကျဆုံးခဲ့သည်ဟု သိရသည်။ စစ်ကောင်စီတပ်ဖွဲ့၏ လေကြောင်းတိုက်ခိုက်မှုကြောင့် ကျဆုံးသွားသော ချင်းအမျိုးသားတပ်မတော် CNA ရဲဘော် ၅ ဦးမှာ ဆလိုင်းဗန်ရိုပြန်၊ ဆလိုင်းဒုသင်၊ ဆလိုင်ကီလ်မန်၊ မိုင်ငွန်လှေပါရ်နှင့် မိုင်ရွှေလဲန်ပါရ်တို့ဖြစ်ကြသည်။ စစ်ကောင်စီ၏ တိုက်လေယာဉ်သည် ဝိတိုရိယစခန်းကို အနည်းဆုံး ၅ ကြိမ်ခန့်ဗုံးကြဲတိုက်ခိုက်ခဲ့ပြီး အိန္ဒိယပိုက်နက် မီဇိုရမ်ပြည်နယ်ဘက်သို့လည်း ဗုံးကျရောက်ပေါက်ကွဲခဲ့သည်ဟု သိရသည်။ Photo Crd
ကလေးမြို့၊ တာဟန်းရပ်ကွက်တွင် တပ်စွဲထားသော စစ်ကောင်စီတပ်ဖွဲ့က သေနတ်ရမ်းသမ်းပစ်ခတ်မှုကြောင့် အနီးရှိ နေအိမ်အတွင်းမှ ပြည်သူတစ်ဦး ကျည်ဆံထိမှန် သေဆုံးခဲ့သည်ဟု သိရသည်။ တာဟန်းရပ်ကွက် ဝယ်စလီဆေးရုံလမ်းထောင့်တွင် တပ်စွဲထားသော စစ်ကောင်စီတပ်စခန်းကို ဇန်နဝါရီလ ၉ ရက်နေ့ မနက်ပိုင်း ၁၁ နာရီခန့်တွင် PDF (Kalay) တပ်ဖွဲ့၏ မြို့ပြပျောက်ကြားစစ်ဆင်ရေးတပ်ဖွဲ့ (Operation MoMo) က ရုတ်တရက် ဝင်ရောက်တိုက်ခိုက်ခဲ့ရာတွင် စစ်ကောင်စီတပ်ဖွဲ့က သေနတ်ရမ်းသမ်းပစ်ခတ်မှုကြောင့် အနီးနားရှိနေအိမ်အတွင်း နေထိုင်နေေသာပြည်သူတစ်ဦး ကျည်ဆံထိမှန်သေဆုံးခဲ့ခြင်းဖြစ်သည်ဟု PDF (Kalay) က ထုတ်ပြန်သည်။ ယင်းတိုက်ခိုက်မှုတွင် စစ်ကောင်စီတပ်ဖွဲ့ဘက်က သေဆုံးမှုရှိနိုင်သော်လည်း အတည်မပြုနိုင်ကြောင်း၊ ကာကွယ်ရေးတပ်ဖွဲ့ဘက်က အထိခိုက်မရှိပြန်လည်ဆုတ်ခွါနိုင်ခဲ့သည်ဟု ဆိုသည်။ အလားတူ ဇန်နဝါရီလမနက်ပိုင်းကလည်း PDF-Kalay မြို့ပြပျေက်ကြားစစ်ဆေးရေးတပ်ဖွဲ့ (Operation MoMo) မှ တာဟန်းရပ်ကွက်၊ ဒိုးဝန်းချောင်းလမ်းတွင် ကင်းလှည့်သွားလာသော စစ်ကောင်စီတပ်ဖွဲ့များကို အသင့်တပ်ဆင်ထားသောမိုင်းဖြင့် ဖောက်ခွဲတိုက်ခိုက်မှုကြောင့် စစ်ကောင်စီတပ်သား ၃ ဦးထက်မနည်း ထိခိုက်သေဆုံးမှုရှိနိုင်သည်ဟု သိရသည်။
ဟားခါးမြို့၊ ချင်းဦးစီးရပ်ကွက်တွင် ယနေ့ ဇန်နဝါရီလ ၁၀ မနက်ပိုင်းတွင် နေအိမ် ၃ လုံး မီးလောင်ပြာကျသွားပြီး လူထိခိုက်သေဆုံးမှုမရှိကြောင်း ဟားခါးမြို့ခံတစ်ဦးက ပြောသည်။ “ကျမတို့သိတဲ့အချိန်က ၁၂ နာရီအကျော်မှာ ၃ အိမ်လောက်လောင်နေပြီ။ လျှပ်စစ်မီးကြောင့်လို့ပြောကြတယ်။ အိမ်ကတိုင်ပဲကျန်တော့တယ်။ လူကပြေးတယ် ပစ္စည်းတွေကဘာမှထုတ်လို့မရဘူး။ မီးသတ်ကားမလာရင် ၄ အိမ်လောက်လောင်မယ်” ဟု ဟားခါးမြို့ခံတစ်ဦးက ပြောသည်။ မီးလောင်မှုဖြစ်ပွားပြီးနောက် မီးငြိမ်းသတ်ရန် မီးသတ်ကား (၃) စီးရောက်လာကာ (၄) အိမ်မြောက်နေအိမ်အား မကူးစက်မှီငြိမ်းသတ်နိုင်ခဲ့သည်ဟု သိရသည်။ အဆိုပါမီးလောင်သည့်နေအိမ်မှာ ဦးဒန်မန်း၊ ဦးဇမ်ဘိတ်နှင့် ဦးမန်းဟရင်တို့နေအိမ်ဖြစ်ကြပြီး စစ်ကောင်စီတပ်က ဖမ်းဆီးခေါ်ဆောင်သွားသည်ဟု သိရသည်။