မီဇိုရမ်ပြည်နယ် အိုင်ဇောလ်မြို့တွင် မြန်မာနိုင်ငံသားတစ်ဦးထံမှ ရူပီးသိန်း ၉၀၀ ကျော်ခန့် တန်ဖိုးရှိသော စိတ်ကြွဆေးပြား Methamphetamine အလုံး ၄ သောင်းနီးပါးကို ယမန်နေ့က မီဇိုရမ်ရဲတပ်ဖွဲ့က ဖမ်းဆီးရမိခဲ့သည်ဟု သိရသည်။ မီဇိုရမ်ရဲတပ်ဖွဲ့အနေနှင့် သတင်းပေးချက်အရ အိုင်ဇောလ်မြို့ Armed veng ရပ်ကွက်အတွင်းရှိ လဘ္လရည်ဆိုင်အတွက် ငှါးရမ်းထားသောဆိုင်ထဲကို ရှာဖွေရာမှာ ပလပ်စတစ်အိတ်ဖြင့်ထုတ်ထားသော စိတ်ကြွဆေးပြားအထုတ်ပေါင်း ၃၈ ထုတ် (တစ်ထုတ်တွင်အလုံးတစ်သောင်းပါရှိသည်) ကို ဖမ်းဆီးရမိခဲ့ခြင်းဖြစ်သည်ဟု မီဇိုရမ်ရဲတပ်ဖွဲ့က ထုတ်ပြန်သည်။ ယင်းမူးယစ်ဆေးဝါးနှင့်အတူ မြန်မာနိုင်ငံသား အသက် ၅၂ နှစ်အရွယ် Laldika ကိုဖမ်းဆီးပြီး ပစ္စည်းထားရှိသည့် လဘ္လရည်ဆိုင်ပိုင်ရှင် ဒသေခံအမျိူးသား Laldinsanga ကိုလည်း ဖမ်းဆီးခဲ့ကြောင်း သိရသည်။ နိုင်ငံတကာပေါက်ဈေးအရေ အဆိုပါဆေးပြားများသည် အိန္ဒိယ ရူပီးငွေ သိန်း ၉၅၀ ခန့်တန်ဖိုးရှိသည်ဟု မီဇိုရမ်ရဲတပ်ဖွဲ့က ဖော်ပြထားသည်။
Author: Editor
ချင်းပြည်နယ်တောင်ပိုင်း ပလက်ဝမြို့နယ်မှာ ရက္ခိုင့်တပ်တော် (AA) နဲ့ စစ်ကောင်စီတပ်ဖွဲ့တို့ ယခု စက်တင်ဘာလဆန်းပိုင်းကဖြစ်ပွားတဲ့ တိုက်ပွဲကြောင့် ဒေသခံပြည်သူ ၅၀ဝ ကျော်ဟာ တဖက်အိန္ဒိယနိုင်ငံ မီဇိုရမ်ပြည်နယ် လောင်တလိုင်မြို့နယ်ထဲကို ထပ်မံထွက်ပြေးခိုလုံကြရတယ်လို့ သိရပါတယ်။ အိန္ဒိယနယ်စပ်အနီးမှာတည်ရှိတဲ့ ပလက်ဝမြို့နယ် မြိတ်ဝကျေးရွာက စစ်ကောင်စီတပ်စခန်းကို စက်တင်ဘာလ ၁ ရက်နေ့က ရက္ခိုင့်တပ်တော်က သွားရောက်တိုက်ခိုက်ခဲ့ရာကနေတိုက်ပွဲစတင်ဖြစ်ပွားခဲ့ကြပြီး စစ်ကောင်စီတပ်ဖွဲ့က တိုက်လေ ယာဉ်နဲ့တိုက်ခိုက်မှုတွေရှိလာတာကြောင့် မြိတ်ဝဒေသခံပြည်သူတွေဟာ မီဇိုရမ်ပြည်နယ် လောင်တလိုင်းမြို့နယ်ထဲကို ရွာလုံးကျွတ် ထွက်ပြေးတိမ်းရှောင်လာခဲ့ကြတာလို့ စစ်ဘေးရှောင်တွေကိုကူညီပေးနေသူတစ်ဦးက ပြောပါတယ်။ “သူတို့ရွာမှာတိုက်ပွဲတွေဖြစ်တယ် အဲဒါကြောင့်ထွက်ပြေးလာကြတာ စစ်လေယာဉ်နဲ့ဗုံးတွေ ၂ ခေါက်လာကျဲတယ် အခု တော့ သူတို့နီးစပ်တဲ့ဆွေမျိုးအိမ်မှာပဲတည်းခိုနေကြတယ်” လို့ သူကပြောပါတယ်။ စစ်ဘေးရှောင်ပြည်သူတွေဟာ လောင်တလိုင်မြို့နယ်ထဲက Zochachhuah ကျေးရွာမှာ ၁၁၅ ဦး၊ Hmawngbuchhuah ရွာမှာ ၂၁၀ ဦး၊ Laitlang ရွာမှာ ၁၂၇ ဦး နဲ့ Dumzautlang ရွာမှာ ၁၃၇ ဦး စုစုပေါင်း ၅၈၉ ဦးရှိတယ်လို့ လောင်တလိုင်ခရို င်စစ်ဘေးရှောင်ကော်မတီအဖွဲ့ရဲ့ စာရင်းအရ သိရပါတယ်။ လောင်တလိုင်းခရိုင်အတွင်း စစ်ဘေးရှောင်ထပ်မံဝင်လောက်လာတဲ့ကိစ္စနဲ့ပတ်သက်ပြီး Lawngtlai District Level Committee on Myanmar Refugees ကလည်း အစည်းအဝေးတရပ်ခေါ်ယူပြီး စစ်ဘေးရှောင်ပြည်သူတွေ ကူညီထောက်ပံ့ရေးအတွက် ဆွေးနွေးခဲ့ကြတယ်လို့ သိရပါတယ်။ ယခု အသစ်ထပ်မံရောက်ရှိလာတဲ့ စစ်ဘေးရှောင်ပြည်သူတွေနေထိုင်ဖို့ ယာယီစစ်ရှောင်စခန်းအတွက် မိုးကာတွေပေးအပ်ဖို့၊ ကျန်းမာရေးစောင့်ရှောက်ဖို့အတွက် Doctors without Borders အဖွဲ့နဲ့ လိုအပ်ရင်လက်တွဲလုပ်ဆောင်ဖို့နဲ့ စစ်ဘေးရှောင်တွေအတွက် စောင်…
မြန်မာ့နိုင်ငံရေးအခြေအနေကြောင့် မီဇိုရမ်ပြည်နယ်ကို ထွက်ပြေးခိုလုံလာကြတဲ့ မြန်မာနိုင်ငံကစစ်ဘေးရှောင်တွေအတွက် မီဇိုရမ်ဟာ အမြဲတခါးဖွင့်ထားပြီး ယခုလက်ရှိမှာလည်း အစိုးရအနေနဲ့ဖြစ်စေ၊ အသင်းတော်အနေနဲ့ဖြစ်စေ၊ အရပ်ဖက်အ ဖွဲ့အစည်းတွေအနေနဲ့ဖြစ်စေ အကူအညီတွေပေးအပ်နေတယ်လို့ မီဇိုရမ်ပြည်နယ် ပညာရေးဝန်ကြီး ပူးလာလ်းချန့်ဒမ်မာရာလ်သဲက ပြောဆိုလိုက်ပါတယ်။ အမေရိကန်နိုင်ငံ မြောက်ကယ်ရိုလိုင်းနားပြည်နယ်မှာ Chin Community USA (CCUSA) ရဲ့ ဦးဆောင်မှုနဲ့ စက်တင်ဘာလ ၂ ရက်ကနေ ၄ ရက်နေ့အထိ ကျင်းပပြုလုပ်တဲ့ ချင်းနှစ်သစ်ကူးပွဲတော်အခါသမယမှာ ဧည့်သည်တော်ကြီးအဖြစ် တက်ရောက်ခဲ့တဲ့ မီဇိုရမ်ပြည်နယ်အစိုးရအဖွဲ့ ပညာရေးဝန်ကြီးက မီဇိုရမ်ပြည်နယ်အတွင်း မြန်မာနိုင်ငံက စစ်ဘေးရှောင်အရေးနဲ့ပတ်သက်လို့ ပြောဆိုခဲ့တာဖြစ်ပါတယ်။ မီဇိုရမ်ပြည်နယ်မှာ ရောက်ရှိလာကြတဲ့ စစ်ဘေးရှောင်ပြည်သူတွေ ဘေးကင်းလုံခြုံစွာနေထိုင်နိုင်ဖို့ စစ်ဘေးရှောင်စခန်းတွေ ဖွင့်လှစ်ပေးခဲ့သလို ယခုဆိုရင် စစ်ဘေးရှောင်ကလေးငယ်အယောက် ၆၀၀၀ နီးပါးကိုလည်း ပညားရေး မဆုံးရှုံးစေဖို့ ပညာသင်ကြားခွင့်ပြုခဲ့ပြီး ဒါတွေလုပ်ဆောင်ရတာဟာ တခြားကြောင့်မဟုတ်ဘဲ ကျနော်တို့တွေဟာ ညီအကိုတွေဖြစ်ကြလို့ပါပဲလို့ မီဇိုရမ်ပညာရေးဝန်ကြီးကပြောပါတယ်။ “ဒီကနေ့မှာ တချိူ့ဆိုရင် သူတို့နေထိုင်ဖို့ နေရာတွေပြင်ဆင်ပေးတယ်၊ စားဝတ်နေရေးအတွက်ကူညီပေးနေပါတယ်၊ ဒီနေရမှာ ပညာရေးဝန်ကြီးဖြစ်တဲ့ ကျနော့်အနေနဲ့ပြောချင်တာက မြန်မာနိုင်ငံကနေ စစ်ဘေးရှောင်လာတဲ့ ကျောင်းနေရွယ် ကလေးငယ်အားလုံးကို ကျောင်းပညာသင်ကြားပေးနေပါတယ် အခုလက်ရှိမှာလည်း မီဇိုရမ်ပြည်နယ်အစိုးရအနေနဲ့ ကျောင်းနေရွယ်ကလေးငယ် ၆၀၀၀ နီးပါးကိုကြည့်ရှု့စောင့်ရှောက်နေပါတယ် ကျောင်းဝတ်စုံတွေ၊ ကျောင်းသုံးစာအုပ်တွေ၊ နေ့လည်စာတွေပါ ကျွေးမွေးကြပါတယ် အဲဒါတွေအားလုံးကို ဘာကြောင့်လုပ်ရတာလဲလို့ မေးရင် ကျနော်တို့တွေဟာ ညီအကိုတွေဖြစ်လို့ပါပဲ၊ ကျောင်းပညာရေးတွေဆုံးရှုံးနေရတဲ့အကြောက်တရားနဲ့နေနေကြရတဲ့ ကျနော်တို့ညီအကိုတွေ ဘေးကင်းလုံခြုံစွာနဲ့ကျောင်းပညာရေးသင်ကြားနိုင်ဖို့ မီဇိုးလူထုတွေ၊ မီဇိုရမ်အစိုးရတွေက ခင်ဗျားတို့အတွက် တံခါးဖွင့် ထားပါတယ် တတ်နိုင်သမျှနဲ့ဆက်လက်ပြီးလုပ်ဆောင်သွားမယ်ဆိုတာ ဒီနေရာမှာပြောချင်ပါတယ်” လို့ မီဇိုရမ် ပညာရေးဝန်ကြီး ပူးလာလ်းချန့်ဒမ်မာရာလ်သဲက ပြောပါတယ်။ ရှည်လျားတဲ့သမိုင်းကြောင်းအရ…
စစ်ကိုင်းတိုင်း၊ တမူးမြို့နယ်၊ ခမ်းပတ်မြို့၊ အမှတ် (၂) အထက်တန်းကျောင်းဝန်းတွင် ယမန်နေ့ ည ၁၀ နာရီဝန်းကျင်တွင် ဗုံးပေါက်ကွဲမှု ဖြစ်ပွားခဲ့သည်ဟု ဒေသခံများထံမှ သိရသည်။ ဗုံးပေါက်ကွဲမှုကြောင့် တစ်စုံတစ်ရာ ထိခိုက်မှု မရှိဘူးဟု သိရသည်။ “မနေ့ည ဗုံးပေါက်ကွဲမှုကြောင့် လူတေ ထိခိုက်တာမရှိဘူး၊ ကျောင်းဆောင်လဲ ပျက်ဆီးတာ မရှိဘူး၊ အဲကျောင်းကတော့ ဗုံးပေါက်ကွဲမှု မဖြစ်ခင်က ကျောင်းတက်တဲ့သူရှိတယ်၊ အခုတော့ ကျောင်းမတက်ရဲကြတော့ဘူး။ ကျောင်းမဖွင့်ခင်တုန်းက ကျောင်းမတက်ဖို့ ဝေစာတေလဲ အဲကျောင်းမှာ ကပ်တာတွေရှိတယ်။” ဟု ဒေသခံတစ်ဦးက ပြောသည်။ ဗုံးပေါက်ကွဲမှု ဖြစ်ပွားခဲ့သည့် ခမ်းပတ်မြို့ အမှတ်(၂) ခြေခံအထက်တန်းကျောင်းသည် ကျောင်းတက်နှုန်း ၁၀၀% မှာ ၃၀% အထိ ရှိခဲ့တယ်လို့ သိရသည်။ ဗုံးပါက်ကွဲမှုနှင့်ပတ်သက်ပြီး ဘယ်အဖွဲ့မှ လာရောက်ဖောက်ခွဲကြောင်း သီးခြားအတည်ပြုနိုင်တာ မရှိသေးပါဘူး။
ရေး – Salai Vakok စစ်တပ်၏ အာဏာသိမ်းမှုကို လက်နက်ကိုင်တော်လှန်နေသော ဆလိုင်းဗန်ဆဲမွန်(အမည်လွှဲ)တစ်ယောက် ဤနေရာကို ရောက်နေသည်မှာ ၃ လကျော်လာပါပြီ။ တိုက်ပွဲတစ်ခုတွင် စစ်တပ်၏ လေယာဉ်မှ ပစ်သော လက်နက်ကြီးကြောင့် နားမကြားရမှုကို ကုသနေတာပါ။ ချင်းတောင်တန်းဆီက လက်နက်ကိုင်တော်လှန်သော လူငယ်ထောင်ပေါင်းများစွာထဲ ဆလိုင်းဗန်ဆဲမွန်လည်း ပါဝင်နေပြီး သူ၏ ကျောင်းဆရာအိမ်မက်မှာ စစ်အာဏာသိမ်းမှုကြောင့် ပျက်ပြယ်ခဲ့ရသည်။ စစ်ကိုင်းတိုင်းထဲက တိုင်းရင်းသားဖွံ့ဖြိုးရေးတက္ကသိုလ်မှာ BE.d တတိယနှစ် တက်ရောက်နေသူတစ်ဦးဖြစ်ခဲ့ပြီး ခုတော့ စာသင်ခန်းကို ကျောခိုင်းကာ သေနတ်ကိုင်၊ တိုက်ပွဲဝင်နေသည်။ စစ်တပ်၏ မတရားအာဏာသိမ်းပြီးနောက် ၂၀၂၁ နှောင်းပိုင်းတွင် ချင်းအမျိုးသားတပ်မတော် (CNA) ကို ဝင်ရောက်ခဲ့ပြီး စတင်လက်နက်ကိုင်ခဲ့သည်။ ၂၀၂၂ ခုနှစ် ဧပြီလတွင် ဆလိုင်းဗန်ဆဲမွန်နှင့် တပ်ဖွဲ့ဝင်အချို့ကို CNA က မစ်ရှင်တစ်ခု တာဝန်ပေးသည်။ ထိုမစ်ရှင်က ကချင်လွတ်မြောက်ရေးတပ်မတော်ဆီသို့ သွားရောက်၍ ပစ္စည်းသယ်ဆောင်ရန်ဖြစ်သည်။ ထိုမစ်ရှင်တွင် စစ်အာဏာသိမ်းတပ်က အင်အားအလုံးအရင်ဖြင့် စစ်ကြောင်းထိုးခဲ့ပြီး နောက်ပိုင်းတွင် လေယာဉ်ပစ်ကူများ ပါလာခဲ့သည်။ လေယာဉ်ဖြင့် ပစ်သော လက်နက်ကြီးကြောင့် ဆလိုင်းဗန်ဆဲမွန်၏ နားနှစ်ဖက်မှာ လုံးဝမကြားရတော့ပေ။ ထိုတိုက်ပွဲအပြီး နောက်တစ်လအကြာတွင် ဤနေရာကို ရောက်ရှိလာပြီး ဆေးကုသနေရခြင်း ဖြစ်သည်။ “ဒီမှာ ဆေးလာကုနေတာ ၃ လလောက်ရှိပါပြီ။ ခွဲစိတ်ကုသမှုကတော့ ပြီးသွားပြီ။ အနားယူဖို့ တစ်လ လောက်ပဲ လိုတော့တယ်။ ပြီးရင်တော့ တာဝန်ပြန်ထမ်းဆောင်မယ်။ CNA မှာ ရှေ့တန်းထွက်မှာပါ” ဟု အသက် ၂၃ နှစ်အရွယ် ဆလိုင်းဗန်ဆဲမွန်က ပြောသည်။…
ကလေးမြို့အနောက်တောင်ဘက် အင်ဒိုင်းကုန်းရပ်ကွက် (ယခင်မွန်ထာရွာ) တွင် ယနေ့ညနေပိုင်း ၄ နာရီကျော်ကျာ်ခန့်က စစ်ကောင်စီတပ်ဖွဲ့မှ သေနတ်ရမ်းသမ်းပစ်ခတ်မှုကြောင့် အရပ်သားတစ်ဦး ကျည်ဆံထိမှန်သေဆုံးပြီး တစ်ဦးဒဏ်ရာရရှိခဲ့သည်ဟု သိရသည်။ စစ်ကောင်စီတပ်ဖွဲ့သည် ယနေ့မွန်းလွဲပိုင်းက ကလေးမြို့အနောက်တောင်ဘက် အင်ဒိုင်းကုန်း၊ မြို့လှရပ်ကွက်မှ စက္ကန့်နှင့် လက်ပံခုံကျေးရွာဘက်သို့သွားသည့် လမ်းခွဲတွင် စစ်ဆေးမှုများပြုလုပ်ပြီးနောက် အပြန်လမ်းတွင် ၎င်းတို့ယာဉ်တန်း မိုင်းဆွဲတိုက်ခိုက်ခံရမှုကြောင့် သေနတ်များရမ်းသမ်းပစ်ခတ်ခဲ့သည်ဟု ဒေသခံများထံမှ သိရသည်။ ထိုကဲ့သို့ သေနတ်ရမ်းသမ်းပစ်ခတ်မှုကြောင့် အင်ဒိုင်းကုန်းရပ်ကွက် (ယခင်မွန်ထာရွာ) မှ အသက် ၅၀ အရွယ်ခန့်ရှိသော ချင်းအမျိုးသားတစ်ဦးသည် ဘုရားကျောင်းထဲသို့ ပြေးဝင်နေစဉ်တွင် ကျည်ဆံထိမှန်သေဆုံးခဲ့ပြီး မြို့လှရပ်ကွက်မှ အသက် ၂၈ နှစ်အရွယ် အမျိုးသားတစ်ဦးလည်း ကျည်ဆံထိမှန်ကာ ဒဏ်ရာရရှိ (မစိုးရိမ်ရ) ခဲ့သည်ဟု ဒေသခံများထံမှ သိရသည်။ ယနေ့ညနေပိုင်း ၅ နာရီခန့်ကလည်း တာဟန်းရပ်ကွက်နေကြာတိုက်အနီးတဝိုက်တွင် သေနတ်ပစ်ခတ်သံများကြားရသည်ဟု သိရသည်။ စစ်ကောင်စီတပ်ဖွဲ့သည် ယခုရက်ပိုင်းအတွင်း ကလေးမြို့နေရာအနှံ့တွင် လုံခြုံရေးတင်းကြပ်ကာ စစ်ဆေးမှုများ ပိုမိုလုပ်ဆောင်လာနေကြောင်း သိရသည်။
ချင်းအမျိုးသားအဖွဲ့ချုပ် (CNO) ဦးဆောင်မှုဖြင့် ကျင်းပပြုလုပ်သော ချင်းပြည်သူ့ရဲတပ်ဖွဲ့ အခြေခံရဲသင်တန်းအမှတ်စဉ် ၁ ကို ယနေ့စက်တင်ဘာလ ၃ ရက်နေ့တွင် အောင်မြင်စွာပြီးမြောက်ခဲ့သည်ဟု ချင်းအမျိုးသားအဖွဲ့ချုပ်က ထုတ်ပြန်သည်။ အခြေခံရဲသင်တန်းကို သြဂုတ်လ ၂၂ ရက်နေ့မှ စက်တင်ဘာလ ၃ ရက်နေ့အထိ ချင်းအမျိုးသားကာကွယ်ရေးတပ်ဖွဲ့ သင်တန်းကွင်းတွင် ပြုလုပ်ခဲ့ကြပြီး သင်တန်းသား ၇၁ ဦးထံ သင်ကြားပို့ချခဲ့သည်ဟု CNO က ဆိုသည်။ အဆိုပါသင်တန်းတွင် စစ်ရေး၊ ဥပဒေနှင့် အမှုစစ်နည်းများကို အဓိကပို့ချခဲ့ကြပြီး သင်တန်းသင်ယူပြီးမြောက်သည့် ပြည်သူ့ရဲတပ်ဖွဲ့ဝင်များသည် ဖလမ်းမြို့နယ်အတွင်းရှိ ချင်းအမျိုးသားအဖွဲ့ချုပ်၊ ချင်းအမျိုးသားကာကွယ်ရေးတပ်ဖွဲ့ (CNO/CNDF) စိုးမိုးနယ်မြေတွင် ရပ်ရွာအုပ်ချုပ်ရေးမှူးများနှင့် ပူးပေါင်းကာ ဥပဒေအတိုင်းလုပ်ငန်းများကို တာဝန်ခွဲဝေ ထမ်းဆောင်သွားကြမည်ဟု CNO ၏ ထုတ်ပြန်ချက်တွင် ဖော်ပြထားသည်။
အိန္ဒိယ- မြန်မာနယ်စပ် ကျန်ဖိုင်းခရိုင်၊ ဇိုခေါထာရ်ကျေးရွာတွင် မြန်မာနိုင်ငံသားတစ်ဦးထံမှ ရူပီး ၇၉ သိန်းကျော်တန်ဖိုးရှိသော ဘိန်းဖြူကို ယမန်နေ့စက်တင်ဘာလ ၂ ရက်နေ့က ဒေသတွင်းရဲတပ်ဖွဲ့က ဖမ်းဆီးခဲ့ကြောင်း သိရသည်။ ဇိုခေါထာရ်ရဲတပ်ဖွဲ့နှင့် အာသံရိုင်ဖယ်တပ်ဖွဲ့တို့ ပူပေါင်းပြီး ဇိုခေါထာရ်ကျေးရွာ အောက်ရပ်ကွက်တွင် ယမန်နေ့က စစ်ဆေးမှုပြလုပ်ရာတွင် နေအိမ်တစ်အိမ်မှ ဘိန်းဖြူ ၁၅၉ ဂရမ်နှင့်အတူ မြန်မာနိုင်ငံသား ချင်းအမျိုးသမီးတစ်ဦး အသက် ၄၀ အရွယ် Tial Duh Rem ကို ဖမ်းဆီးခဲ့သည်ဟု မီဇိုရမ်ရဲတပ်ဖွဲ့က ထုတ်ပြန်သည်။ ယင်းဘိန်းဖြူ၏တန်ဖိုးမှာ နိုင်ငံတကာဈေးကွက်တွင် ရူပီးငွေ ၇၉ သိန်းကျော်တန်းဖိုးရှိသည်ဟု သိရသည်။
စစ်ကိုင်းတိုင်း၊ ကလေးမြို့ ရထားဘူတာ သံလမ်းအနီးတွင် မူးယစ်ဆေးအသုံးလွန်၍ သေဆုံးနေသော အသက် ၁၇ နှစ်အရွယ် ချင်းလူငယ်တစ်ဦး၏ ရုပ်အလောင်းကို ယနေ့ တွေ့ရှိခဲ့ကြသည်ဟု သိရသည်။ သေဆုံးသူသည် ချင်းပြည်နယ် တီးတိန်မြို့နယ် Tauleng ရွာမှ ယခုကလေးမြို့နယ် အိတ်စွတ်ကျေးရွာတွင်နေထိုင်သူ မောင်ဆုမ်ရှန်းမုန်ဟုသိရပြီး သူ၏လက်မောင်းတွင် ဆေးထိုးအပ်တန်းလန်းစိုက်ထားသည်ဟု သိရသည်။ “အနာဂတ်အတွက် အားကိုးရမယ့် လူငယ်လေးတွေ ဒီလိုမူးယစ်နွံထဲမှာ နစ်မြုပ်သွားတာ တကယ်ရင်နာဖို့ကောင်း၊ ခေတ်ကိုက မကောင်းတော့၊ အာဏာသိမ်းမှုဖြစ်ပွားတဲ့နောက်ပိုင်းမှာ ပိုပိုဆိုးလာတယ်ဗျာ၊ တကယ်စိတ်မကောင်းဘူး” ဟု ကလေးမြို့ဒေသခံတစ်ဦးက ပြောသည်။ ရုပ်အလောင်းကို ယနေ့နံနက်ပိုင်းက Zomi Youth Association – Headquarter မှ လူနာတင်ကားဖြင့် သွားရောက်သယ်ယူကြပြီး ယနေ့မွန်းလွဲပိုင်း ၂ နာရီခန့်က သဂြိုလ်ခဲ့ကြသည်ဟု သိရသည်။
ချင်းပြည်နယ်၊ ဖလမ်းမြို့နယ်နှင့် စစ်ကိုင်းတိုင်း ကလေးမြို့နယ်တွင် ချင်းအမျိုးသားကာကွယ်ရေးတပ်ဖွဲ့နှင့် စစ်ကောင်စီတပ်ဖွဲ့တို့ နှစ်လတာအတွင်းဖြစ်ပွားသည့် တိုက်ပွဲအတွင်း စစ်ကောင်စီဘက်က ၁၀၀ ကျော် သေဆုံးခဲ့သည်ဟု ချင်းအမျိုးသားကာကွယ်ရေးတပ်ဖွဲ့ (CNO/CNDF) ယနေ့ ထုတ်ပြန်သည်။ ပြီးခဲ့သည့် ဇူလိုင်လနှင့် ဩဂုတ်လအတွင်း စစ်ကောင်စီတပ်နှင့် ပစ်ခတ်တိုက်ခိုက်မှုပေါင်း (၁၆) ကြိမ် ဖြစ်ပွားခဲ့ပြီး စကစဘက်မှ သေဆုံးသူ (၁၃၃) ဦးခန့်ရှိသည်ဟု CNO/CNDF က ဆိုသည်။ ယင်း ၂ လတာတိုက်ပွဲအတွင်း ချင်းအမျိုးသားကာကွယ်ရေးတပ်ဖွဲ့ (CNDF) မှ ရဲဘော် ၂ ဦး ကျဆုံးခဲ့ပြီး (၅) ဦး ဒဏ်ရာရရှိခဲ့သည်ဟု သိရသည်။