ချင်းပြည်နယ်တောင်ပိုင်း၊ ကန်ပက်လက်မြို့နယ်ဘက်မှာ စစ်ကောင်စီတပ်နဲ့ ချင်းပြည်နယ် ပြည်သူ့ကာကွယ်ရေးတပ်ဖွဲ့တို့ ဒီရက်ပိုင်းအတွင်းမှာ တိုက်ပွဲဆက်တိုက်ဖြစ်ပွားနေပြီး စစ်ကောင်စီဘက်က အနည်းဆုံးအယောက် ၂၀ သေဆုံးခဲ့တယ်လို့ သိရပါတယ်။ စစ်ကောင်စီတပ်ဟာ မကွေးတိုင်း၊ ဆောမြို့နယ် လောင်းရှည်ကျေးရွာဘက်ကနေ ကန်ပက်လက်မြို့နယ် ကျင်ဒွေးမြို့ ဘက်ကို စစ်အင်အား အလုံးအရင်နဲ့ စစ်ကြောင်းထိုးလာတာကြောင့် ဖေဖော်ဝါရီလ ၁၉ ရက်ကစပြီး ယမန့်နေ့ ဖေဖော်ဝါရီ လ ၂၂ ရက်နေ့အထိ ချင်းပြည်သူ့ကာကွယ်ရေးတပ်ဖွဲ့တွေနဲ့ နေ့စဉ်ရက်ဆက်တိုက်ပွဲဖြစ်ပွား ခဲ့ကြတာဖြစ်ပါ တယ်။ လောင်းရှည်ကျေးရွာဘက်ကနေ စစ်ကား ၁၆ စီးနဲ့ အင်အား ၃၀၀ နီးပါးလောက်ရှိတဲ့ စစ်ကောင်စီတပ်ဖွဲ့တွေဟာ ကျင်းဒွေး မြို့မှာ စစ်အင်အားဖြည့်တင်းဖို့တက်လာကြတာဖြစ်ပြီး CDF-Kanpetlet၊ CDF-Dai, Saw-PDF နဲ့ CNA ပူးပေါင်းတပ်ဖွဲ့တို့က ကြားဖြတ်တိုက်ခိုက်ခဲ့တာကြောင့် စစ်ကောင်စီဘက်က အနည်းဆုံးအယောက် ၂၀ လောက်သေဆုံးခဲ့တယ်လို့ CDF-Kanpetlet တပ်ဖွဲ့က တပ်မမှူးကပြောပါ တယ်။ “ကျင်ဒွေးကို သူတို့မရမကအရောက်သွားဖို့ ပြင်ဆင်ကြတယ် လမ်းတစ်လျှောက်လုံးမှာတိုက်ပွဲဖြစ်တာတော့ ၁၉ ရက်နေ့ ကတည်းကဖြစ်တာ မနေ့ကအထိပေါ့ ၁၉ ရက်နေ့မှာ မနက်ပိုင်းတစ်ခါ ညနေပိုင်းတစ်ခါပေါ့ မနက်ပိုင်းမှာ ၂ ယောက်ကျ တယ် ညနေပိုင်းမှာတော့ ၄ ယောက်ကျတယ် ၂၁ ရက်နေ့မှာ ကျနော်တို့တိုက်ပွဲထပ်ဖြစ်တယ် သူတို့ ၃၊ ၄ ယောက်တော့ ကျတယ် သူတို့အင်အားအလုံးအရင်းဆိုတော့ ကျနော်တို့က နောက်တဆင့်ပြန်ဆုတ်ပေးတယ် ၂၂ ရက်နေ့မနေ့ကတော့ တနေ့ကုန်နီးပါးတော်တော်လေးပြင်းထန်ခဲ့တယ် ၁၁ ယောက်ကတော့အနည်းဆုံးသေချာတယ် ဒဏ်ရာရတဲ့ဟာလည်း များနိုင်သေးတယ် ဒီနေ့ ၂၃ ရက်နေ့အထိတော့…
Author: Editor
အိန္ဒိယနိုင်ငံ မီဇိုရမ်ပြည်နယ်မှာ ရောက်ရှိနေကြတဲ့ မြန်မာတက်ကြွလူငယ်တစ်စု Youth for Myanmar အဖွဲ့က စစ်ဘေးရှောင်ပြည်သူတွေကိုကူညီထောက်ပ့ံနိုင်ဖို့ ပြည်နယ်ရဲ့မြို့တော် အိုင်ဇောလ်မြို့က Millennium Centre ကုန်တိုက်ရှေ့မှာ ဖေဖော်ဝါရီလ ၂၂ နေ့ (၂) ခြောက်လုံးတော်လှန်ရေးနေ့ အထိမ်းအမှတ်အနေနဲ့ စျေးရောင်းပွဲတော်ကျင်း ပပြုလုပ်ခဲ့ကြပါတယ်။ အဲဒီစျေးရောင်းပွဲတော်နဲ့ပတ်သက်ပြီး Youth for Myanmar အဖွဲ့က တာဝန်ရှိသူ မဝါဝါကခုလိုပြောဆိုပါတယ်။ “ ၂ ခြောက်လုံးအထိမ်းမှတ်နေ့မှာပဲ စျေးရောင်းပွဲတော်ကို စပြီးဆောင်ရွက်ကြမယ်ဆိုတဲ့စဉ်းစားချက်ဖြစ်လာတယ် ဒုက္ခသည်တွေကို ကူညီနိုင်ဖို့ဆိုတဲ့ရည်ရွယ်လည်းပါတယ် မီဇိုရမ်ပြည်နယ်မှာရောက်နေတဲ့ တခြားအဖွဲ့ေ တွနဲ့ပူးပေါင်းပြီးတော့မှ စျေးရောင်းပွဲတော်လေးကိုလုပ်လိုက်မယ် အဲဒီကရလာတဲ့ ရန်ပုံငွေကို မီဇိုရမ်ပြညနယ်မှာရောက် နေတဲ့ ဒုက္ခသည်တွေကို သွားရောက်လှူဒါန်းနိုင်မယ်ဆိုတဲ့စဉ်းစားချက်နဲ့ကျမတို့ပေါ်လာတယ် အဲဒီအပြင် ၂ ခြောက်လုံးနဲ့လည်းအံဝင်ဂွင်ကျဖြစ်တယ်ဆိုတဲ့စဉ်းစားမှုနဲ့ ၂ ခြောက်လုံးစျေးရောင်းပွဲတော်ကို ကျမတို့စီစဉ်ဖြစ်ခဲ့တာဖြစ်ပါတယ်’’ လို့သူမကပြောပါတယ်။ ယနေ့ကျင်းပတဲ့ ၂ ခြောက်လုံးတော်လှန်ရေးနေ့အထိမ်းအမှတ် စျေးရောင်းပွဲတော်မှာ မြန်မာအစား အစာမျိုးစုံဖြစ်တဲ့ အကြော်စုံ၊ မာလာရှမ်းကော၊ ဝတ်သားဒုတ်ထိုး၊ ကြာဇံကြော်၊ ဆာဗူသီး၊ မုန့်လက်ကောက်၊ ငါပိကြော်၊ ပုဇွန်ကြော်၊ ကုန်ခြောက်မျိုးစုံရောင်းချခဲ့ကြပြီး မီဇိုရမ်မှာရောက်ရှိနေကြတဲ့ မြန်မာနိုင်ငံသားတွေအပါဝင် ဒေသခံမီဇိုးလူမျိူး တွေကလည်း အားပေးပါဝင်ခဲ့ကြပါတယ်။ အဲဒီစျေးရောင်းပွဲတော်အစီစဉ်မှာ ဒေသခံမီဇိုးအဆိုတော်များနဲ့အတူ မြန်မာနိုင်ငံက နာမည်ကြီးချင်းအဆိုတော် ထွဏ်းခမ် ကလည်း ပါဝင်သီဆိုဖျော်ဖြေခဲ့တယ်လို့သိရပါတယ်။ မီဇိုရမ်ပြည်နယ်မှာ မြန်မာနိုင်ငံက စစ်ဘေးရှောင်ပြည်သူ ၄ သောင်းနီးပါးခန့်ဝင်ရောက်ခိုလုံနေကြပြီး မီဇိုရမ်အစိုးရ၊ မီဇိုးလူငယ်အသင်း၊ မီဇိုးကျောင်းသားသမဂ္ဂ၊ အင်ဂျီအိုအဖွဲ့ွအစည်းတွေက ကူညီပ့ံပိုးဆောက်ရွက်နေကြတယ်လို့ သိရပါတယ်။ အိန္ဒိယနိုင်ငံ နယူးဒေလီမှာတော့ ၂ ခြောက်လုံးနေ့မှာ စစ်အာဏာရှင်စနစ်ဆန့်ကျင်တဲ့နေနဲ့ နယူးဒေလီရောက်မြန်မာနိုင်ငံသားတွေက ဆန္ဒဖော်ထုတ်ခဲ့ကြတယ်လို့သိရပါတယ်။
ချင်းပြည်နယ်တောင်ပိုင်း၊ ကန်ပက်လက်မြို့နယ် ကျင်ဒွေးမြို့ဘက်ကိုဦးတည်ကာ မကွေးတိုင်းဘက်ကနေ စစ်ကောင်စီ တပ်ဖွဲ့က စစ်အင်အားအလုံးအရင်းနဲ့ စစ်ကြောင်းထိုးလာတာကြောင့် ဖေဖော်ဝါရီလ ၁၉ ရက်နေ့ကတည်းက တိုက်ပွဲဖြစ်ပွားခဲ့တယ္လို့ ချင်းပြည်သူ့ ကာကွယ်ရေးတပ်ဖွဲ့ CDF-Kanpetlet ပြောရေးဆိုခွင့်ရှိသူကပြောပါတယ်။ “မကွေးတိုင်းကိုကျော်လာပြီ ကျင်ဒွေးကိုထိုးစစ်ဆင်ဖို့ပေါ့နော။အဲ့တာနဲ့ ကျွန်တော်တို့အဖွဲ့ကလည်းစောင့်တယ်။ တိုက်ခို က်တာတွေတော့ရှိတယ် မနေ့ကမရှိဘူး တနေ့ကရှိတယ်။ သူတို့ဖက်က အရမ်းအင်အားများတယ်။ အခုက သူတို့က ကျင်ဒွေးမြို့ကို ဦးတည်ပြီးမှ တောက်လျှေက်ကို တက်လာနေတယ် မနက်ဖြန်၊တဖက်ခါ လောက်ဆိုရင် ကျင်ဒွေးကို ဝင်မယ်။”လို့ CDF-Kanpetlet ပြန်ကြားရေးတာဝန်ခံကပြောပါတယ်။ စစ်ကောင်စီတပ်ဖွဲ့တွေဟာ မကွေးတိုင်း လောင်းရှည်ကနေ မဆာတွီ- ကျင်ဒွေးလမ်းကြောင်ကနေ ထိုးစစ်ဆင်လာ တာကြောင့် ချင်းပြည်သူ့ကာကွယ်ရေးတပ်ဖွဲ့တွေနဲ့ ထိတွေ့တိုက်ခိုက်မှုဖြစ်ပွားတဲ့အပြင် လမ်းကြောင်းတလျှောက်မှာလည်း လက်နက်ကြီး၊ လက်နက်ငယ်တွေနဲ့ ရမ်းသမ်းပစ်ခတ်တာကြောင့် အနီးအနားရှိကျေးရွာပြည်သူများ ဘေးလွတ်ရာထွက် ပြေးတိမ်း ရှောင်နေကြရကြောင်း သိရသည်။ စစ်ကောင်စီတပ်ဖွဲ့တွေရဲ့ စစ်ကြောင်းထိုးလာမှုကြောင့် ကန်ပက်လက်မြို့နယ် မဆာတွီ၊ မောချောင်း၊ လှိိုင်ဒုတ်ရွာ၊ ထန်းကုန်းကျေးရွာတွေမှာနေထိုင်တဲ့ ပြည်သူတွေဟာ ရွာလုံးကျွတ်ထွက်ပြေးတိမ်ရှောင်နေကြရသလို နေထိုင်စားသောက် ရေးမှာလည်း အခက်ခဲကြုံနေကြရတယ်လို့ သိရပါတယ်။ “အခုချိန်ကတော့ သူတို့က အိမ်တွေဘာတွေအကုန်လုံးစွန့်ပြီးမှ တောထဲကို သွားပြီးမှ ရှောင်နေရတာဖြစ်တဲ့ အတွက် လတ်တလော သူတို့မှာ နေစရာ၊ ထိုင်စရာတွေ မိုးကလည်းရွာတယ် မနေ့တနေ့က မုန်တိုင်းပုံစံ အရမ်းရွာနေတော့ သူတို့မှာ တာလပတ်လိုတယ်၊ အခက်အခဲတွေတော့ အများကြီးပဲ စားနပ်ရိက္ခာပိုင်းရော တောထဲမှာ ခက်ခဲနေကြတာပေါ့ အခုချိန်မှာ” လို့ CDF-Kanpetlet ပြန်ကြားရေးတာဝန်ခံက ပြောပါတယ်။ စစ်ကောင်စီတပ်ဖွဲ့တွေဟာ ကန်ပက်လက်မြို့နယ် ကျင်းဒွဲမြို့ဘက်ကို စစ်ကြောင်းထိုးလာတဲ့အခါ မောချောင်းကျေးရွာက…
မီဇိုရမ်ပြည်နယ်ရောက် မြန်မာတက်ကြွလူငယ်တစ်စု Youth for Myanmar အဖွဲ့က မနက်ဖြန်ကျေ ရာက်မည့် (၂) ခြောက်လုံး(၂၂ ရက် ၂ လ ၂၀၂၂) တော်လှန်ရေးနေ့အထိမ်းအမှတ် စျေးရောင်းပွဲတော်ကို ဖေဖော်ဝါရီ ၂၂ ရက်နေ့တွင် အိုက်ဇောလ်မြို့ Millennium Centre ကုန်တိုက်ရှေ့တွင် ကျင်းပပြုလုပ်သွားမည်ဟု သိရသည်။ ယင်းစျေးရောင်းပွဲတော်တွင် မြန်မာအစားအစာများ ရောင်းချကာ ရရှိလာသောငွေကြေးများကို မီဇိုရမ်ပြည်နယ်ရှိ လိုအပ်နေသော စစ်ဘေးရှောင်များကို ကူညီထောက်ပံ့ ပေးသွားမည်ဖြစ်ကြောင်း Youth for Myanmar က ပြောရေးဆိုခွင့်ဆိုသူ တစ်ဦးက ယခုလို ပြောပါသည်။ “အဓိကတော့ မီဇိုရမ်ပြည်နယ်မှာ စစ်ဘေးရှောင်ပြည်သူတွေများစွာရှိတယ်။ စစ်ဘေးရှောင်တွေကို မီဇိုရမ်အစိုးရ၊ NGO အဖွဲ့အစည်းများရယ်၊ အသင်းတော်ရယ်၊ ပြည်သူလူထုတွေက ယနေ့အချိန်အထိ ကူညီဆောင်ရွက်ပေးလာတာဟာ တစ်နှစ်ကျော်နေပြီဖြစ်တယ်။ အဲဒါကြောင့် ကျနော်တို့ မီဇိုရမ်ပြည်နယ်ရောက် စစ်ဘေးရှောင်လူငယ်တွေအနေနဲ့ လည်း ရံပုံငွေတွေရှာပြီး စစ်ဘေးရှောင်ပြည်သူတွေကို ကူညီရင်ကောင်းမယ်ဆိုတဲ့ရည်ရွယ်ချက်ဖြင့် ယခုလို (၂) ခြောက်လုံးတော်လှန်ရေးနေ့အထိမ်းအမှတ် စျေးရောင်းပွဲတော်ကို ကျင်းပရခြင်းဖြစ်တယ်။” ဟု ၎င်းကပြောသည်။ (၂) ခြောက်လုံးတော်လှန်ရေးနေ့အထိမ်းအမှတ် စျေးရောင်းပွဲတော်နေ့တွင် မြန်မာအစားအစာမျိုးစုံ အကြော်စုံ၊ မာလာရှမ်းကော၊ ဝတ်သားဒုတ်ထိုး၊ ကြာဇံကြော်၊ ဆာဗူသီး၊ မုန့်လက်ကောက်၊ ငါပိကြော်၊ ပုဇွန်ကြော်၊ ကုန်ခြောက် မျိုးစုံ ရောင်းချသွားမည်ဖြစ်ပြီး မီဇိုရမ်ပြည်နယ်ရောက် မြန်မာနိုင်ငံသားများ အနေဖြင့် လာရောက်အားပေးကြဖို့လည်း Youth for Myanmar အဖွဲ့က ဖိတ်ခေါ်ထားသည်။
ဖေဖော်ဝါရီလ ၂၀ ရက်နေ့မှာ ကျရောက်တဲ့ ၇၄ နှစ်မြောက် ချင်းအမျိုးသားနေ့အခမ်းအနားကို ထန်တလန်မြို့ကလွဲပြီး ချင်းပြည်နယ် ၈ မြို့နယ်မှာ စစ်ကောင်စီရဲ့ဦးဆောင်မှုနဲ့ ကျင်းပခဲ့ကြပြီး ပြည်သူတွေအနေနဲ့ပူးပေါင်း ပါဝင်မှုမရှိခဲ့ တာ ကြောင့် ဒီနှစ်ချင်းအမျိုးသားနေ့ကတော့ တိတ်ဆိတ် ခြောက်ကပ်နေခဲ့ပါတယ်။ ချင်းပြည်နယ်ရဲ့မြို့တော် ဟားခါးမြို့မှာတော့ ချင်းအမျိုးသားနေ့အခမ်းအနားကို ပြည်နယ်စစ်ကောင်စီရုံးမှာပဲ အစိုးရဝ န်ထမ်းတွေနဲ့သာ ကျင်းပခဲ့ကြပြီး ဟားခါးမြို့ပြည်သူတွေကတော့ ပူးပေါင်းပါဝင်မှု မရှိကြဘူူးလို့ ဟားခါးဒေသခံ တစ်ဦး ကပြောပါတယ်။ “မနေ့ကတော့ ဟားခါးမြို့ပေါ်ဆိုရင် တိတ်ဆိတ်နေတာပဲ Hakha Campaign for Justice ကလည်း မနေ့ကတော့ ၁၀ နာရီကနေ ၄ နာရီအထိအပြင်မထွက်ဖို့တောင်းဆိုထားတာလေ တိတ်ဆိတ်နေတာပဲ မနေ့ကတော့ တပ်တွေကတော့ လမ်းတိုင်းမှာနေရာတိုင်းမှာရှိတယ်’’ လို့ ဟားခါးဒေသခံတစ်ဦးကပြောပါတယ်။ ဟားခါးမြို့စစ်ကောင်စီရုံးမှာ ကျင်းပတဲ့ ချင်းအမျိုးသားနေ့အခမ်းအနားမှာ နေပြည်တော်က စစ်ကောင်စီခန့် ကာကွယ်ရေးဝန်ကြီး ဗိုလ်ချုပ်ကြီးမြထွန်းဦးနဲ့ ကောင်စီဝင် ဦးမောင်းဟာတို့ တက်ရောက်ခဲ့တယ်လို့ သိရပါတယ်။ ချင်းပြည်နယ်တောင်ပိုင်း မတူပီမြို့မှာတော့ ချင်းအမျိုးသားနေ့အခမ်းအနားကို ဘုံတလာခန်းမဆောင်မှာ မြို့နယ်ထွေအုပ်ရဲ့ ဦးဆောင်မှုနဲ့ အကျဉ်းရုံးကျင်းပခဲ့ကြတယ်လို့ မတူပီမြို့ရပ်မိရပ်ဖတစ်ဦးကပြောပါတယ်။ “ကျနော်တို့ချင်းအမျိုးသားတွေရဲ့ နေ့ထူးနေမြတ်ကြီးဆိုတော့ သဘောလောက်တော့ ကျင်းပကြတယ်မနေ့က ထွေအုပ်က ဦးဆောင်ပြီးပြီးတော့ ခရိုင်လည်းပါတယ် ဌာနဆိုင်ရာအကြီးအကဲတော့အားလုံးပါတယ် တက်ရောက်တဲ့သူကတော့ ၁၀၀ လောက်ပဲရှိတယ် ဌာနဆိုင်ရာအကုန်လုံး မြို့မိမြို့ဖ၊ ဂိုဏ်းပေါင်းစုံပါစတာတွေပေါ့နော’’ လို့ ရပ်မိရပ်ဖကပြောပါတယ်။ မတူပီမြို့နယ်မှာ လူငယ်လူရွယ်တွေမရှိတော့တာကြောင့် ချင်းအမျိုးသားနေ့အခမ်းအနားမှာ ရိုးရာယဉ်ကျေးမှုတွေနဲ့ ကပြဖျော်ဖြေမယ့်သူမရှိခဲဲ့ဘူးလို့ သူကဆက်ပြောပါတယ်။ “လူတွေကမရှိတော့ဘူး လူငယ်တွေမရှိတော့ဘူး မြို့ပေါ်က အမျိုးသားယဉ်ကျေးမှုတွေကပြမယ်ဆိုရင် လူငယ်တွေအများကြီးလိုတာပေါ့နော လူငယ်တွေလည်းမစုံနိုင်ဘူး အဲဒါကြောင့်…
ချင်းပြည်နယ်မြို့တော် ဟားခါးမြို့ပေါ်တွင် စစ်ကောင်စီတပ်ဖွဲ့ဝင်များမှ မြို့ဝင်၊မြို့ ထွက်ဂိ တ်များတွင် စစ်ဆေးရေး တင်းကြပ်လျှက်ရှိပြီး ဖုန်းတွင် VPN (Virtual Private Network) ဆော့ဝဲတွေ့ရှိပါက ဖမ်းဆီးကာ ဒဏ်ငွေေ ဆာင်ခိုင်း မှုလည်း ပိုမိုလုပ်ဆောင်လာနေကြောင်း ဟားခါးဒေသခံတစ်ဦးကပြောသည်။ “တချို့တွေက VPN က တမျိုးထဲမဟုတ်ဘဲနဲ့ ၃ မျိုးလောက်ရှိတယ်လေ တကယ်လို့များ ၁ မျိုးကိုတွေ့ရင် ၅ သောင်းယူ တာ။ ဒဏ်ငွေအရိုက်ခံရတာ ၄-၅ ယောက်တော့အနည်းဆုံးရှိတယ်။ VPN ပဲအဓိက။ ပြီးတော့ တချို့ တွေ ကျတော့ Facebook ကြည့်ပြီးအဖမ်းခံရတဲ့သူတွေလည်းရှိတယ် မသင်္ကာတဲ့အနေနဲ့၊ အဲ့ကိစ္စနဲ့ အဖမ်းခံ ရတာများပြီ။ တချို့ကို ၅ နာရီလောက်ဆိုပြန်လွတ်ပေးတယ်။ အဲ့ထဲက တယောက်ဆိုရင် ၁ ပတ်လောက်ကြာပြီ ပြန်မလွတ်သေးဘူး။ သူက ဖုန်းထဲမှာလည်း အပြစ်တော့မရှိပါဘူး။ ဒါပေမယ့် အပြစ်ရှာတာပေါ့ ဟားခါးမှာတော့ မလွယ်ဘူး အပြင်ထွက်ရင် တော့” ဟု ဟားခါးမြို့ခံတစ်ဦးက ပြောသည်။ ပြီးခဲ့သည့်ဖေဖော်ဝါရီလ ၁၆ ရက်နေ့ကလည်း ဟားခါးမြို့မှ ရန်ကုန်မြို့သို့ပြေးဆွဲသည့် ဟားခါးမန်းခရီးသည်တင်ကား တစ်စီး ဟားခါးမြို့အထွက်တွင် စစ်ကောင်စီတပ်ဖွဲ့က စစ်ဆေးရာတွင် ကားပေါ်မှပါလာ သည့် လူငယ် ၃ ဦး၏ ဖုန်းကို စစ်ဆေးကာ ဖမ်းဆီးသွားခဲ့သည်ဟု သိရသည်။ မြန်မာနိုင်ငံတွင် စစ်အာဏာသိမ်းမှုဖြစ်ပွားပြီးနောက်ပိုင်း Facebook လူမှုကွန်ရက် ပိတ်ထားခံရပြီး VPN အသုံးပြုပြီးမှသာ သတင်းအချက်အလက်များကို ကြည့်ရှုနေရသည့်အနေအထားဖြစ်ကာ စစ်ကောင်စီတပ်ဖွဲ့မှ ဖုန်းတွင် VPN ဆော့ဝဲ စစ်ဆေးဖမ်းဆီးခြင်းများတင်းကြပ်လာနေသောကြောင့်…
စစ်ကိုင်းတိုင်း၊ ကလေးမြို့နယ်တောင်ပိုင်း ကလေး- ဂန့်ဂေါ်လမ်းပေါ်တွင်ရှိသော ရန်ကြီးအောင်ကျေးရွာတွင် တပ်စွဲထားသည့် စစ်ကောင်စီတပ်ဖွဲ့များကို CDF- KKG/CDF-Hakha ပူးပေါင်းတပ်တို့မှ ဖေဖော်ဝါရီလ ၁၆ ရက်နေ့ ညနေ ၄ နာရီက အလစ်ငိုက်ဝင်ရောက်တိုက်ခဲ့ပြီး စစ်ကောင်စီတပ်သား ၆ ဦးသေဆုံးခဲ့သည်ဟု သိရသည်။ အဆိုပါတိုက်ပွဲမှာ ၁ နာရီခန့်ကြာမြင့််ခဲ့ခြင်းဖြစ်ပြီး CDF ပူးပေါင်းတပ်ဖွဲ့ဘက်က ထိခိုက်ကျဆုံးမှုမရှိပဲ ပြန်လည်ဆုတ်ခွာနိုင်ခဲ့ ကြောင်း CDF-KKG ထုတ်ပြန်ချက်တွင်ဖော်ပြထားသည်။ စစ်ကောင်စီတပ်ဖွဲ့သည် ဖေဖော်ဝါရီလ ၁၅ ရက်က ရန်ကြီးအောင်ကျေးရွာရှိ လူနေအိမ်များကို တကြိမ် မီးရှို့ဖျက်ဆီးခဲ့သည့်အပြင် ယမန်နေ့က ထပ်မံတကြိမ် မီးရှို့ခဲသည့်အတွက် လူနေအိမ် ၈ အိမ် မီးရှို့ပျက်ဆီး သွားပြီး စစ်ကောင်စီတပ်ဘက်မှ လက်နက်ကြီးများဖြင့် ရမ်းသမ်းပစ်ခတ်ခြင်း၊ ဒေသခံ ပြည်သူများကို ခြ်ိမ်း ခြောက် အကြပ်ကိုင်မှုများ ပြုလုပ်ခဲ့သည်ဟု သိရသည်။ ပြီးခဲ့သည့် ဖေဖော်ဝါရီလ ၁၄ ရက်နေ့ကလည်း CDF-KKG/ CDF-Hakha ပူးပေါင်းတပ်ဖွဲ့မှ စစ်ကောင်စီ တပ်စခန်းကို အလစ်ငိုက်တိုက်ခိုက်ခဲ့ပြီး စစ်ကောင်စီတပ်ဖွဲ့ဝင် ၅ ဦးသေဆုံးခဲ့ပြီးဖြစ်သည်။
ချင်းပြည်နယ်၊ ဖလမ်းမြို့မှ စစ်ကား ၂၃ စီးဖြင့် ကလေးမြို့သို့ ဆင်းလာသည့် စစ်ကောင်တပ်ဖွဲ့များကို ယနေ့မွန်းလွဲ ၁ နာရီခွဲခန့်က CDM-Siyin နှင့် PDF Zoland ပူးပေါင်းတပ်ဖွဲ့က မိုင်းဆွဲတိုက်ခိုက်ခဲ့ပြီး စစ်ကောင်စီတပ်သား ၁၀ ဦးထက်မနည်း အလောင်းကောက်ယူ၍ မရအောင် ကြေမွသေဆုံးသွားသည်ဟု CDM-Siyin မှ ပြောရေးဆိုခွင့်ရှိသူတစ်ဦးက ပြောသည်။ “စကစဖက်က စစ်သားတွေက အင်အား ၁၀၀ ကျော်တယ် သူတို့က မိုင်းရှင်းတဲ့လူရော၊ တောလမ်းဖက်ကနေ လိုက်လာတဲ့သူတွွေကိုလည်း တောလမ်းဘက်နေ ကျွန်တော်တို့က မိုင်းတွေထောင်ထားပြီးတော့ သူတို့ကို စောင့်နေတာ။ မိုင်းခွဲလိုက်တာနဲ့ ချက်ခြင်းပွဲခြင်းပြီး ၁၀ ယောက်ထက်မနည်း လုံးဝ ကောက်လို့မရအောင်ကို သူတို့က တစစီဖြစ်သွားတယ်၊ ဒဏ်ရာရသူလည်းအမြောက်အမြားပဲ” ဟု CDM-Siyin မှ ပြောရေး ဆိုခွင့်ရှိသူတစ်ဦးက ပြောသည်။ စစ်ကောင်စီတပ်သားများသည် ဖလမ်းမြို့မှ ကလေးမြို့ဘက်သို့ဆင်းလာသည့်အချိန် ဖလမ်း-ကလေးကားလမ်းမပေါ် ဗားရ်လုံကျေးရွာနှင့် သိုင်းငင်ကျေးရွာအကြား မိုင်းဆွဲတိုက်ခိုက်ခံရခြင်းဖြစ်ပြီး CDM-Siyin/ PDF- Zoland ပူးပေါင်း တပ်ဖွဲ့များ အထိအခိုက်မရှိ ပြန်လည်ဆုတ်ခွာနိုင်ခဲ့သည်ဟု သိရသည်။
ချင်းပြည်နယ်နှင့် နယ်နိမိတ်ချင်းထိစပ်နေသော မီဇိုရမ်ပြည်နယ်တွင် ကိုရိုနာဗိုင်းရပ်စ်မျိုးကွဲ အိုမီခရွန် (Omicron) ဗိုင်းရပ်စ် ကူးစက်ခံရသူ ၆၂ ဦး စတင်တွေ့ရှိကြောင်း သိရသည်။ မီဇိုရမ်ပြည်နယ် ကိုဗစ်-၁၉ ရောဂါနှင့်ပတ်သက်၍ ပြောဆိုခွင့်ရှိသူ Lalmalsawma Pachuau က မီဇိုရမ်တွင် ကိုဗစ်ရော ဂါပိုး ကူးစက်ခံသူထဲမှာ အိုမီခရွန် ပိုင်းရပ်စ်ရောဂါပိုးရှိမရှိ ဆေးစစ်ချက် ရလဒ် ၁၂၂ ခုထွက်လာသည့်အနက် ၆၂ ဦးမှာ အိုမီခရွန်ပိုင်းရပ်စ်ရောဂါပိုးကူးစက်ခံထားရသည်ဟုပြောဆိုခဲ့သည်။ အဆိုပါ အိုမီခရွန်ပိုင်းရပ်စ်ရောဂါပိုး ကူးစက်ခံရသူ ၆၂ ဦးစလုံးမှာ မီဇိုရမ်ပြည်နယ် မြို့တော်အိုက်ဇောလ်က ဖြစ်ကြသည်ဟု The Aizawl Post သတင်းစာတွင် ဖော်ပြသည်။ မီဇိုရမ်ပြည်နယ်တွင် ကိုဗစ်-၁၉ ရောဂါပိုး စတင်တွေ့ရှိသည့်အချိန်ကစပြီး ယနေ့လက်ရှိအချိန်ထိ ကိုဗစ်-၁၉ ရောဂါ ကူးစက်ခံထားရသူ ၁၉၉၀၁၉ ဦးရှိပြီး၊ သက်သာပျောက်ကင်းသူဦးရေ ၁၈၆၅၀၄ ဦးရှိသည်။ လက်ရှိတွင် ကိုဗစ်-၁၉ ရောဂါ ကူးစက်ခံရပြီး ကုသဆဲလူနာ ၁၁၈၇၈ ဦးရှိပြီး ကိုဗစ်-၁၉ ကြောင့် သေဆုံးသူ ၆၃၇ ဦးရှိနေပြီဖြစ်သည်။ မီဇိုရမ်ပြည်နယ်သည် မြန်မာနိုင်ငံတွင် စစ်အာဏာသိမ်းမှုဖြစ်ပွားနောက်ပြီး မြန်မာနိုင်ငံသားအများစု သွားရောက်ခိုလုံ နေသည့်ပြည်နယ်တစ်ခုဖြစ်ပြီး ယခုလက်ရှိတွင် စစ်ဘေးရှောင်ပြည်သူ ၄ သောင်းနီးပါးခန့်ရှိနေပြီဖြစ်သည်။
အိန္ဒိယ-မြန်မာနယ်စပ် မီဇိုရမ်ပြည်နယ်ကိုဖြတ်ကျော်ပြီး အိန္ဒိယပြည်မကို ရောင်းချမည့် မြန်မာနိုင်ငံမှ သယ်ဆောင် လာသော ရူပီး သိန်း ၆၀၀ ကျော်တန်ဖိုးရှိ Methamphetamine ခေါ် စိတ်ကြွဆေးပြားကို မီဇိုရမ်တွင် ဖေဖော်ဝါရီ ၁၁ ရက်နေ့က ဖမ်းဆီးခဲ့ကြောင်း သိရသည်။ အဖမ်းခံရသည့် မူးယစ်ဆေးဝါးမှာ အလေးချိန် (၁၂ ကီလိုနှင့် ဂရမ် ၈၀၀) ရှိကာ အကဒ်ပေါင်း ၁၃၀၄၉၂ ရှိပြီး ပိုင်ရှင်ဟုယူဆရသူနှစ်ဦး ဖလမ်းမြို့နယ် Khawmawi ကျေးရွာနေ Solomon Zonummawia (၃၅) နှင့် အိန္ဒိယလူမျိုး Shamir Deb (49) တို့ကိုလည်း ဖမ်းဆီးထားသည်ဟု The Aizawl Post သတင်းတွင်ဖော်ပြသည်။ အဆိုပါ မူးယစ်ဆေးဝါးများကို အိန္ဒိယ-မြန်မာနယ်စပ်မှတဆင့် မီဇိုရမ်ပြည်နယ်ကိုဖြတ်ကျော်ကာ အိန္ဒိယပြည်မဘက်သို့ ရောင်းချရန် ကားဖြင့်သယ်ဆောင်သွားစဉ် မီဇိုရမ်ပြည်နယ် Kolasib ခရိုင် North Chhimluang တွင် မီဇိုရမ်မူးယစ်ဆေးဝါတိုက်ဖျက်ရေး အဖွဲ့ Excise & Narcotics Department နှင့် Border Security Force (BSF) Silchar, Assam တို့က ဖမ်းဆီးခဲ့ကြခြင်းဖြစ်ပြီး ၎င်းတို့နှစ်ဦးကို The Narcotic Drugs & Psychotropic Substances Act 1985 ဖြင့် အမှုဖွင့်ဆိုထားကြောင်းသိရသည်။