Author: Editor

ချင်းပြည်နယ်၊ ဟားခါးမြို့နယ် ဟားခါး- ဂန့်ဂေါ်ကားလမ်းမပေါ်တွင်ရှိသော သီနမ်းကျေးရွာမှ လူနေအိမ် ၇ လုံး နှင့် ပြည်သူပိုင်အဆောက်အဦး ၂ လုံး စုစုပေါင်း ၉ လုံးကို စစ်ကောင်စီတပ်ဖွဲ့က ယနေ့ မတ်လ ၂၈ ရက် မနက်ပိုင်း ၁၀ နာရီခန့်က မီးရှို့ဖျက်ဆီးခဲ့သည်ဟု သိရသည်။ “ဒီနေ့တနင်္လာမှာ သူတို့ လမ်းသုတ်ဘက်ဆင်းတာနဲ့ သူတို့ဆင်းခါနီးမှာပဲ ကျနော်တို့ရွာကို မီးရှို့တာအိမ်ခြေ ၉ အိမ်လောင်သွားတယ်၊ ၇ အိမ်က လူထုအိမ် ၂ အိမ်က ကျနော်တို့ရွာပိုင်အိမ် အစည်းအဝေးလုပ်ဖို့ ဆောက်ထား တဲ့ဟာ” ဟု သီနမ်းကျေးရွာဒေသခံတစ်ဦးကပြောသည်။ အင်အား ၁၅၀ ခန့်ရှိသည့် စစ်ကောင်စီတပ်ဖွဲ့သည် မတ်လ ၂၆ ရက်နေ့က သီနမ်းကျေးရွာသို့ဝင်ရောက်လာပြီး နှစ်ခြင်းဘုရားကျောင်းနှင့် ယုံကြည်သူများအသင်းတော်ဘုရားကျောင်းတွင် ၂ အိပ်ကြပြီးနောက် ယနေ့မတ်လ ၂၈ ရက်နေ့တွင် လာမ်သုတ်ကျေးရွာဘက်သို့ ပြန်လည်ထွက်ခါနီးတွင် လူနေအိမ်များကိုမီးရှို့ဖျက်ဆီးခဲ့ခြင်း ဖြစ်သည်။ ဟားခါးမြို့မှ ၃၆ မိုင်ခန့်ဝေးသော သီနမ်းကျေးရွာသည် အိမ်ခြေ ၁၀၅ အိမ်ရှိပြီး လူဦးရေ ၇၀၀ ဝန်းကျင်ခန့်နေ ထိုင်ကြသည်။ ၎င်းတို့ကျေးရွာသို့ စစ်ကောင်စီတပ်ဖွဲ့များ မဝင်ရောက်ခင်ကတည်းက သတင်းရရှိကြသည့် အတွက် တရွာလုံးတောထဲသို့ ထွက်ပြေးတိမ်းရှောင်နေကြရသည်ဟု သီနမ်းဒေသခံကပြောသည်။ “တောထဲမှာ ပုန်းကျတာ တဲတွေဆောက်တာနဲ့ တစ်နေရာထဲမနေကြဘူး ၆ ဖွဲ့လောက်ရှိတယ် ချောင်းဘက်မှာ နေတဲ့သူရှိတယ်၊ ကြာပြီတစ်ပတ်လောက်ဖြစ်သွားပြီ သူတို့အခြေအနေဘယ်လိုဖြစ်မလဲဆိုတာမသိသေးတော့ လူငယ်တွေကလည်း မပြန်နဲ့ဦး ဒီမှာပဲနေကြပါဦးဆိုပြီး ကျနော်တို့တောထဲမှာပဲ လူနာတွေလည်းရှိတယ် လူနာ က ၅…

အိန္ဒိယနိုင်ငံတွင် ခိုလုံနေကြသည့် စစ်ဘေးဒုက္ခသည်များအား လူသားချင်းစာနာမှုနှင့် အကာအကွယ်ရရှိရေးအတွက် နယူးဒေလီမြို့ရှိ ကုလသမဂ္ဂဒုက္ခသည်များဆိုင်ရာ မဟာမင်းကြီး (UNHCR) ရုံးရှေ့တွင် ယနေ့ မတ်လ ၂၈ ရက်နေ့က မြန်မာနိုင်ငံသား လူဦးရေ ၅၀၀ ကျော်က ဆန္ဒပြတောင်းဆိုခဲ့ကြသည်။ မြန်မာ့နိုင်ငံရေး၊ စစ်ရေးအခြေအနေကြောင့် အိန္ဒိယနိုင်ငံသို့ စစ်ဘေးဒုက္ခသည် အဖြစ် ထွက်ပြေးတိမ်းရှောင်လာသူဦးရေ တနေ့ထက်တနေ့တိုးများလာနေပြီး ယင်းစစ်ဘေးဒုက္ခသည်များအား ကာကွယ်မှုပေးရန်နှင့် လူသားချင်းစာနာမှုဆိုင်ရာ အထောက်အပံ့များပေးအပ်ရန်အတွက် ဆန္ဒပြတောင်ဆိုခဲ့ကြခြင်းဖြစ်သည်ဟု နယူးဒေလီအခြေစိုက် Myanmar Refugee Demand Committee အဖွဲ့မှတာဝန်ရှိသူ မစင်ဒီက ပြောသည်။ “အဓိက ရည်ရွယ်ချက်က (၃) ချက်ပါ။ နံပါတ် (၁) အိန္ဒိယရောက်မြန်မာ Refugee တွေအတွက် resettlement (ပြန်လည် နေရာချထားရေး) ရရှိဖို့ဖြစ်တယ်။ နံပါတ် (၂) အခု ယာယီကဒ်ရတဲ့သူကို RSD အင်တာဗျူးအမြန်ဆုံးလုပ်ပြီးတော့ စမတ်ကဒ် ထုတ်ပေးဖို့ဖြစ်တယ်။ နံပါတ် (၃) အသစ်ရောက်လာတဲ့ Refugee တွေကို ယာယီကဒ်၊ Blue card, Asylum Seeker card အမြန်ဆုံး ရဖို့ဖြစ်တယ်။ အဲဒီ (၃) ချက်အပြင် Refugee တွေကို ကာကွယ်မှုနှင့်လူသားချင်းစာနာမှုဆိုင်ရာ အထောက်အပံ့တွေ အမြန်ပေးဖို့ စသည့်အချက်များကို တောင်းဆိုခဲ့တာဖြစ်တယ်။” ဟု မစင်ဒီကပြောသည်။ နယူးဒေလီမြို့အခြေစိုက် UNHCR ရုံးရှေ့တွင် ယနေ့ပြုလုပ်သော ဆန္ဒပြပွဲတွင် လူဦးရေ ၅၀၀ ခန့်ပါဝင်ပြီး အနက်ရောင် ဝတ်စုံဝတ်ဆင်ခဲ့ကြသည်ဟု သိရသည်။ လက်ရှိတွင် အိန္ဒိယနိုင်ငံ နယူးဒေလီတွင် စစ်ဘေးဒုက္ခသည်…

ချင်းပြည်နယ် ကန်ပက်လက်မြို့တွင် မတ်လ(၂၆)ရက်နေ့ နံနက် ၁ဝး၃၀ ဝန်းကျင်ခန့်က မြို့တွင်းကင်းပုန်းဝတ်နေရာယူထားသော CDF – Kanpetlet ရဲဘော်များနှင့် စစ်ကောင်စီတပ်အကြား ထိတွေ့တိုက်ပွဲဖြစ်ပွားခဲ့သည်။ ထိုတိုက်ပွဲတွင် စစ်ကောင်စီ ရဲတပ်သားတစ်ဦး သေဆုံးပြီး တစ်ဦးပြင်းထန် ဒဏ်ရာရရှိခဲ့သည်ဟု CDF-Kanpetlet ကထုတ်ပြန်သည်။ ယင်းတိုက်ပွဲတွင် မြို့မရဲစခန်းနှင့်အ.ထ.က ကျောင်းတွင်တပ်စွဲထားသောစစ်ကောင်စီတပ်များမှ လက်နက်ကြီး၊လက်နက်ငယ်ပစ်ကူခဲ့သောကြောင့် မြို့တွင်းနေအိမ်အချို့နှင့် မြို့နီးနားရှိကျေးရွာများတွင်လက်နက်ကြီးကျရောက်မှူကြောင့်ပြည်သူနေအိမ်အချို့ထိခိုက်ပျက်စီးခဲ့ပြီး CDF-Kanpetlet ရဲဘော်များအထိခိုက်မရှိဆုတ်ခွာနိုင်ခဲ့သည်ဟု သိရသည်။

မီဇိုရမ်ပြည်နယ် Mamit ခရိုင် Kanhmun ရဲစစ်ဆေးရေးဂိဒ်အနီးတွင် မြန်မာနိုင်ငံမှ သယ်ဆောင်လာသော ရူပီး သိန်း ၁၅၀ ကာလတန်ဖိုးရှိ Methamphetamine အလုံးရေ ၅ သောင်းကို မတ်လ ၂၅ ရက်နေ့က ဖမ်းဆီးရမိကြောင်း သိရသည်။ အဆိုပါ ဆေးပြားကို Mamit ခရိုင် Zawlnuam Police Outpost နှင့် Kanhmun ရဲစစ်ဆေးရေးအဖွဲ့တို့ ပူးပေါင်းဖမ်းဆီးခဲ့ခြင်းဖြစ်ပြီး ဆေးပြားသယ်ဆောင်လာသော ကားသမားနဲ့နောက်လိုက်တို့မှာ မဖမ်းဆီးမှီ ထွက်ပြေးသွားခဲ့တယ်လို့ မီဇိုရမ်ညစဉ်သတင်း Zonet တွင် ဖော်ပြသည်။ ယင်းဆေးပြားများမှာ မြန်မာနိုင်ငံမှသယ်ဆောင်လာခြင်းဖြစ်ပြီး မီဇိုရမ်ပြည်နယ်ကို ဖြတ်ကျော်ကာ တီးပူရားပြည်နယ်ကို တင်သွင်းမည့် ဆေးပြားများဖြစ်ကြောင်းသိရသည်။

Gyus from Chin အဖွဲ့က သီချင်းဖျော်ဖြေခြင်းအားဖြင့် ရရှိသော ရံပုံငွေ ရူပီး ၁၂ သိန်းကို မီဇိုရမ်ပြည်နယ်ရှိ အကူအညီလိုအပ်နေသော စစ်ဘေးရှောင် (၄) ခုထံ သွားရောက် ကူညီခဲ့ကြကြောင်း သိရသည်။ Guys From Chin အဖွဲ့မှ နိုင်ငံကျော် အဆိုတော် ဒေးဗစ်လိုင်နှင့် ယောကီးတို့ ကိုယ်တိုင် သွားရောက်ကူညီခဲ့သော စစ်ဘေးရှောင်စခန်းမှာ မီဇိုရမ်ပြည်နယ် ဆိုင်းဟားခရိုင်အတွင်းရှိ Hawhrei, Chapi, Lopu, Khaikhy ကျေးရွာရှိ စစ်ဘေးရှောင်စခန်းများဖြစ်သည်။ အဆိုတော် ဒေးဗစ်လိုင်နှင့် ယောကီးတို့သည် CDMs၊ စစ်ဘေးရှောင် ပြည်သူများ တွေ့ဆုံပွဲ အခမ်းအနားကိုလည်း ပြုလုပ်ခဲ့ကြပြီ အားပေးစကားပြောကြားခြင်း၊ စစ်ဘေးရှောင်များကို ဖျော်ဖြေပေးခြင်းများလည်း ပြုလုပ်ခဲ့ကြသည်။

#Fact Check ထိုသတင်းအမှားကို သတင်းနှင့်ခံစားချက်ရင်ဖွင့်သံများ ဆိုတဲ့ Facebook အကောင့်မှာ မတ်လ ၁၇ ရက်နေ့က ဖော်ပြထားတာဖြစ်ပြီး “PDF အကြမ်းဖက်လူသတ်သများရဲ့ ရွာများအားမီးရှို့ဖျက်ဆီးမှုဟာ မြန်မာနိုင်ငံအနှံ နေရာပေါင်း ၂၀၁ နေရာထိရှိလားပြီး မတ်လ ၁၅ ရက်နေ့အထိ PDF အကြမ်းဖက်လူသတ်သမားအုပ်စုမှ မီးရှို့ဖျက်ဆီးခံရတဲ့ လူနေအိမ်ခြေ ပျက်စီးဆုံးရှုံးမှုမှာ… စစ်ကိုင်းတိုင်းဒေသကြီးတွင် အိမ်ခြေ ၄,၄၂၆ လုံး၊ မကွေးတိုင်းတွင် အိမ်ခြေ ၁,၁၄၈လုံး၊ ချင်းပြည်နယ်တွင် အိမ်ခြေ ၁,၁၂၁လုံး၊ ကယားပြည်နယ်တွင် အိမ်ခြေ ၃၅၇ လုံးတို့ ပျက်စီးဆုံးရှုံးမှုများ ဖြစ်ပေါ်ခဲ့တယ်။ ၂၀၂၁ ခုနှစ်၊ ဒီဇင်ဘာလမှာ လူနေအိမ် ၉၆၁ လုံး၊ ၂၀၂၂ ခုနှစ်၊ ဇန်နဝါရီလတွင် လူနေအိမ် ၁,၀၅၉ လုံး၊ ၂၀၂၂ ခုနှစ် ဖေဖော်ဝါရီလတွင် လူနေအိမ်၂,၈၈၂ လုံး၊ ၂၀၂၂ ခုနှစ် မတ်လတွင် လူနေအိမ် ၁၁၂၁ လုံးတို့ ဖြစ်တယ်လို့”ရေးသားဖော်ပြထားတာဖြစ်ပါတယ်။ တကယ်တော့ မြန်မာနိုင်ငံမှာ စစ်ကောင်စီတပ်နဲ့ လက်အောက်ခံအဖွဲ့အစည်းတွေက လူနေအိမ်မီးရှို့တဲ့ စာရင်းမှတ်တမ်းကို ပြုစုပြီး ထုတ်ပြန်လေ့ရှိတဲ့ Data for Myanamar မှာရေးသားဖော်ပြထားတဲ့ အချက်အလက်များကို အဲဒီအကောင့်ပိုင်ရှင်က ပြန်လည်ကူးယူရေးသားပြီး စာဖတ်သူများအနေနဲ့ PDF တပ်ဖွဲ့ကို အထင်မြင်လွဲမှားစေရန် တမင်သက်သက်ပုံမှားရိုက်ရေး သားထားခြင်း သာဖြစ်ပါတယ်။ Data for Myanmar ဟာ မြန်မာနိုင်ငံမှာ စစ်ကောင်စီတပ်နဲ့ လက်အောက်ခံအဖွဲ့အစည်းတွေက လူနေအိမ်မီးရှို့တဲ့ စာရင်းမှတ်တမ်းကို ပြုစုပြီး ထုတ်ပြန်လေ့ရှိတဲ့ အဖွဲ့ဖြစ်ပါတယ်။…

ချင်းပြည်နယ်၊ ကန်ပက်လက်မြို့နယ်ထဲမှာ ပြီးခဲ့တဲ့ ရက်ပိုင်းအတွင်းတိုက်ပွဲဖြစ်ပွားမှုကြောင့် အနည်းဆုံး ကျေးရွာ ၁၀ ရွာက ဒေသခံ ပြည်သူ တစ်ထောင်ဝန်းကျင်လောက် တောထဲကို ထွက်ပြေးတိမ်းရှောင်နေကြရပြီး အကူအညီလိုအပ်နေတယ်လို့ ကန်ပက်လက်မြို့နယ် ကြက်ခြေနီအဖွဲ့ထံကနေ သိရပါတယ်။ အင်အား ၃၀၀ ဝန်းကျင်လောက်ရှိတဲ့ စစ်ကောင်စီတပ်ဖွဲ့တွေဟာ CDF-Kanpetlet တပ်မဟာဌာနချုပ်ရှိရာဘက်ကို မတ်လ ၁၁ ရက်နေ့ကစပြီး စစ်ကြောင်း ၃ ကြောင်းနဲ့ ထိုးစစ်ဆင်တိုက်ခိုက်လာရာမှာ လက်နက်ကြီးပစ်ခတ်မှုတွေကြောင့် ကန်ပက်လက်တိုက်နယ် အမှတ် (၅) ဘက်မှာရှိတဲ့ စမ္မသား၊ စံအိမ်နူး ခီတော် မကြား စတဲ့ ကျေးရွာတွေဟာ တောထဲကို ထွက်ပြေးထွက်တိမ်းရှောင် နေကြရတာဖြစ်ပါတယ်။ “ကန်ပက်လက်မှာ တိုက်ပွဲဖြစ်ကတည်းကပဲထွက်ပြေးကြတာ တချို့ကျတော့ ကိုယ့်ရွာ အနီးအနားမှာဖြစ်တဲ့အခါကြတော့ ထွက်ပြေးတဲ့ဟာရှိတယ်။ သူတို့ ရွာတွေမှာ ရွာတလျှောက်စစ်ကြောင်းထိုးသွားတော့ တိုက်ပွဲဖြစ်တဲ့ အချိန်မှာ ပြေတဲ့သူ တွေ၊ တောထဲရှောင်တဲ့သူတွေက ထောင်ကျော်လောက်ရှိမယ်။ အဓိက သူတို့ဟာ စစ် ကြောင်းထိုးတဲ့ စစ်ကောင်စီဖက်က လမ်းကြောင်းတစ်လျှောက် ရွာထဲဖြစ်ဖြစ်၊ ရွာပတ်ဝန်းကျင်၊ လူနေအိမ် မုဦးအနီးအနားတွေမှာ လက်နက်ကြီးတောက် လျှောက်ထုတာနဲ့ မနေရဲဘူး” ကန်ပက်လက်ကြက်ခြေနီအသင်းမှ အဖွဲ့ဝင်တစ်ဦးကပြောပါတယ်။ ယခု ထွက်တောထဲကို ထွက်ပြေးတိမ်းရှောင်တဲ့ ပြည်သူတွေထဲမှာ အမျိုးသမီး၊ ကိုယ်ဝန်သည်နဲ့ ကလေးငယ်လည်းပါဝင်ပြီး ကိုယ်ဝန်သည် ၂ ဦးမှာ ထွက်ပြေးတိမ်းရှောင်ရင်း ကိုယ်ဝန်ပျက်ကျခဲ့တယ်လို့ သူက ဆက်ပြောပါတယ်။ “အမျိုးသမီး၊ ကိုယ်ဝန်သည်၊ ကလေးငယ် အကုန်လုံးပေါင်းရင်တော့ ဒီရှောင်နေတဲ့ သူတို့ဟာ ၄၀၀ လောက်ရှိမယ်။ တချို့ဆိုရင်တော့ ပြေးရင်းနဲ့ ကိုယ်ဝန်ပျက်ကျတာ နှစ်ယောက်ရှိတယ်”…

ကလေးမြို့ တော်ဖီလာရပ်ကွက် နယ်စပ်ရေးရာဝန်ကြီးဌာန၊ အိမ်တွင်းမှုသင်တန်းကျောင်းအနီးတွင် ယနေ့နံနက်ပိုင်းက စစ်ကောင်စီတပ်ဖွဲ့နှင့် PDF (Kalay) တပ်ဖွဲ့တို့ ပစ်ခတ်မှုဖြစ်ပွားကာ စစ်ကောင်စီတပ်သား ၁ ဦးသေဆုံးပြီး ၂ ဦး အပြင်းအထန် ဒဏ်ရာရရှိခဲ့သည်ဟု သိရသည်။ ယနေ့နံနက်ပိုင်းက တာဟန်းရပ်ကွက်ဘက်မှ တောင်သာဘက်သို့ တောင်ဖီလာလမ်းမကြီးအတိုင်း မော်တော်ဆိုင်ကယ် ၃ စီးဖြင့် မောင်းနှင်လာသော စစ်ကောင်စီတပ်သား ၆ ဦးသည် အိမ်တွင်းမှုသင်တန်းကျောင်းအနီးသို့ ရောက်ရှိလာစဉ် အသင့်စောင့်ဆိုင်းနေရာယူထားသော PDF (Kalay) တပ်များက ၃ မိနစ်ခန့် တရစပ်ပစ်ခတ်တိုက်ခိုက်ခဲ့ခြင်းဖြစ်သည်။ ယင်းပစ်ခတ်မှုတွင် စစ်ကောင်းစီဘက်က ၁ ဦးပွဲချင်းသေဆုံးကာ ၂ ဦးအပြင်းအထန်ဒဏ်ရာရရှိပြီး ၎င်းတို့တပ်ဖွဲ့ဘက်ကတော့ အထိအခိုက်မရှိ ပြန်လည်ဆုတ်ခွာခဲ့သည်ဟု PDF(Kalay) က ထုတ်ပြန်သည်။ အဆိုပါဖြစ်စဉ်ကြောင့် စစ်ကောင်စီတပ်သားများသည် သေနတ်ရမ်းသမ်းပစ်ခတ်ကာ အနီးပတ်ဝန်းကျင်မှ ပြည်သူ ၁ ဦး ခြေထောက်ကျည်ထိမှန် ဒဏ်ရာရရှိခဲ့သည်ဟု သိရသည်။

ချင်းအမျိုးသားတပ်ဦး CNF ပြောရေးဆိုခွင့်ရှိသူ ဆလိုင်းထက်နီနှင့် ဆက်သွယ်မေးမြန်းချက် မတ်လ ၂၀ ရက်နေ့သည် စစ်အာဏာရှင်စနစ်နှင့် အာဏာရှင်မှန်သမျှကို အမြစ်ပြတ်ချေမှုန်း၍ လွတ်လပ်မှု၊ တန်းတူမှုနှင့် ကိုယ်ပိုင်ပြဌာန်းခွင့် အာမခံချက်အပြည့်အဝရှိသည့် ချင်းပြည်ထောင် ပြည်လည်ထူထောင်ရေးနှင့် ဖက်ဒရယ်ဒီမိုကရေစီ ပြည်ထောင်စုတည်ထောင်ရေးအတွက် ချင်းအမျိုးသားတပ်ဦး CNF ကို ဖွဲ့စည်းပြီး လက်နက်ကိုင်တော်လှန်ရေး စတင်ခဲ့သည့် ၃၄ နှစ်ပြည့် ချင်းတော်လှန်ရေးနေ့ဖြစ်သည်။ စစ်အာဏာရှင်တို့၏ အကြမ်းဖက်မှုကြောင့် ချင်းပြည်သူများဆုံးရှုံးနေသော လူမှုဘဝပြန်လည်ထူထောင်ရေးနှင့် ချင်းလဲန်းပြန်လည်ထူထောင်ရေးအတွက် ဒေသကာကွယ်ရေးတပ်ဖွဲ့များ၊ ညီနောင်မဟာမိတ်များနှင့်လက်တွဲကာ စစ်ရေးအ ရှိန်ကို ဟန်ချက်ညီညီမြင့်တင်ပြီး စစ်ကောင်စီကို တိုက်ခိုက်ချေမှုန်းသွားမည်ဟု ချင်းအမျိုးသားတပ်ဦး CNF က ၃၄ နှစ်ပြည့် ချင်းတော်လှန်ရေးနေ့မှာ ကြေညာချက်ထုတ်ပြန်ခဲ့သည်။ ယင်းကိစ္စအပါအဝင် လက်ရှိချင်းပြည်နယ်၏ စစ်ရေးအခြေ အနေနှင့်ပတ်သက်၍ CNF ပြောရေးဆိုခွင့်ရှိသူ ဆလိုင်းထက်နီကို ဆက်သွယ်မေးမြန်းထားသည်။ မေး- CNF ရဲ့ ၃၄ နှစ်ပြည့် ချင်းတော်လှန်ရေးနေ့ထုတ်ပြန်ချက် ချင်းလဲန်ပြန်လည်ထူထောင်ရေးအတွက် ဒေသကာကွယ်ရေးတပ်ဖွဲ့၊ ညီနောင်မဟာမိတ်တွေနဲ့ လက်တွဲပြီး စစ်ရေးအရှိန် ဟန်ချက်ညီညီမြင့်တင်ပြီး စစ်ကောင်စီကို တိုက်ခိုက်ချေမုန်းမယ်ဆိုတာ တွေရပါတယ်။ အဲဒီကိစ္စကို နည်းနည်းရှင်းပြပါဦး။ ဖြေ- ကျွန်တော်တို့ထုတ်ပြန်ချက်မှာပါထားသလိုပဲ ကျွန်တော်တို့ ချင်းပြည်ပြန်လည်တည်ဆောက်ဖို့နဲ့ ပြန်လည်ထူ ထောင်ဖို့ဆိုတာ ဒီနေ့စစ်ကောင်စီအာဏာသိမ်းမှုကြောင့် ကျွန်တော်တို့ ချင်းပြည်သူတွေ ရစရာမရှိတော့အောင် နိုင်ငံရေးအရပျက်သုန်းပြီ တချို့က စစ်ရေးကြောင့်နေစရာတွေ ပျက်စီးကုန်ပြီ အဲဒါတွေ ပြန်လည်ထူထောင်ဖို့ ၊နေရာချထားဖို့စသဖြင့် အဲ့တာတွေလုပ်ဖို့က စစ်ရေးအရပထမဆုံးအနေနဲ့ လုံခြုံမှရတာပါ။ အဲ့ဒီလိုမျိုး လုံခြုံဖို့အတွက် ကျွန်တော်တို့က ဒီလိုမျိုးတိုက်ပွဲဝင်နေတာဖြစ်တယ်။ တဆက်တည်းမှာပဲ လုံခြုံဖို့နဲ့ နောက်ဆုံးစစ်အာ ဏာရှင်ကိုဖြုတ်ချ…

Chinland Defense Force – Hakha ပြောရေးဆိုခွင့်ရှိသူ ဆလိုင်းငွန်ဆန်းအောင်နှင့် ဆက်သွယ်မေးမြန်းချက် အပိုင်း (၂) ခိုနူမ်းသုန်သတင်း၊ ၁၉ မတ် ၂၀၂၂ မြန်မာနိုင်ငံမှာ ဖေဖော်ဝါရီလ ၁ ရက်နေ့ စစ်တပ်က အာဏာသိမ်းပြီး မြန်မာနိုင်ငံတစ်ဝန်းလုံးမှာ စစ်အာဏာရှင်စနစ်ကို ဆန့်ကျင်တဲ့ နွေဦးတော်လှန်ရေးစတင်လာသည့်အချိန်မှာ ချင်းပြည်နယ်၏ မြို့တော် ဟားခါးမြို့မှာလည်း ဖေဖော်ဝါရီလ ၈ ရက်နေ့ကစ၍ ထောင်နှင့်ချီသောဒေသခံပြည်သူများက လမ်းမပေါ်ထွက် ဆန့်ကျင်ဆန္ဒဖော်ထုတ်ခဲ့ကြသည်။ ဟားခါးမြို့ ဆန္ဒဖော်ထုတ်မှုကို အဓိကဦးဆောင်သူများတွင် တက္ကသိုလ်ကျောင်းသားတစ်ဦးဖြစ်သည့် ဆလိုင်းငွန်ဆန်းအောင် လည်းပါဝင်သည်။ စစ်အာဏာသိမ်းပြီးနောက်ပိုင်း ဟားခါးမြို့မှာ စစ်အာဏာရှင်စနစ် ဆန့်ကျင်ဆန္ဒဖော်ထုတ်မှုကို ဦးဆောင်သူထဲက ထင်ရှားတဲ့လူငယ်တစ်ဦးဖြစ်သည့် ဆလိုင်းငွန်ဆန်းအောင်ကို စစ်ကောင်စီက ဖမ်းဝရမ်းထုတ်ခဲ့ပြီးနောက် တော်လှန်ရေးနယ် မြေထဲရောက်ရှိသွားပြီး ယခုလက်ရှိမှာ Chinland Defense Force – Hakha တပ်ဖွဲ့ရဲ့ ဦးဆောင်သူတစ်ဦး လည်ဖြစ်သည်။ ဆလိုင်းငွန်ဆန်းအောင်နှင့် ဆက်သွယ်မေးမြန်းထားသည့် အပိုင်း (၂) ကို ဖော်ပြလိုက်သည်။ မေး- လက်နက်တော်လှန်ရေးစကတည်းက ဒီချင်းပြည်နယ်မှာ အကြီးမားဆုံးအောင် မြင်မှုရခဲ့တဲ့ အဖြစ်အ ပျက်တွေရှိခဲ့လား။ ဖြေ- ဒီလိုအကြီးမားဆုံးလို့ပြောလို့မရဘူး ဒါပေမယ့် ကျွန်တော်တို့ တိုက်ပွဲတိုင်းမှာတော့ အောင်မြင်မှုတော့ ရပါတယ်။ ပြီးတော့ အသက်ဆုံးရတဲ့အခြေအနေလည်း ရှိခဲ့ပါတယ်။ ကိုယ့် လူမျိုးနဲ့ ကိုယ့်တိုင်းပြည်အတွက် အသက်စွန့်ရ တာကျေနပ်ပါတယ် အဲ့တော့ တိုက်ပွဲတိုင်းကို အောင်မြင်မှုလို့ ကျွန်တော်တို့က ဒီကနေ့အထိ ခံယူပါတယ်။ အကြီးမားဆုံးရယ်မရှိဘူးပေါ့။ မေး- ဒီတော်လှန်ရေးကာလမှာ ပေးဆပ်ခဲ့ရတာတွေတော့ အများကြီးရှိမှာပေါ့လေ၊ အကြီးမားဆုံးပေးဆပ်ခဲ့ရမှုလို့ ပြောနိုင်မယ့်အရာက…