Author: Editor

#Unicode Civil Disobedience Movement- CDM လှုပ်ရှားမှုတွင်ပါဝင်ပြီး မီဇိုရမ်ပြည်နယ်သို့ ထွက်ပြေးတိမ်းရှောင်သည့် ကျောင်းဆရာမတစ်ဦးနှင့် တွေ့ဆုံမေးမြန်းခြင်း မဝတ်ရည်စိုး (အမည်လွဲ) သည် ကရင်ပြည်နယ် ဘားအံမြို့နယ်က ကျေးလက်ဒေသရှိ ကျေးရွာတစ်ရွာမှာ မူလတန်းပြ ကျောင်းဆရာမတစ်ဦးဖြစ်ပြီး ၂၀၂၀ ခုနှစ်နိုဝင်ဘာလ ၈ ရက်နေ့က ကျင်းပပြုလုပ်သော ပါတီစုံအထွေထွေရွေးကောက်ပွဲ မဲရုံဝန်ထမ်းအဖြစ်တာဝန်ထမ်းခဲ့သူတစ်ဦးလည်းဖြစ်သည်။ ၂၀၂၀ ရွေးကောက်ပွဲရလဒ်ကို တပ်မတော်က လက်မခံသည့်အတွက် ဖေဖော်ဝါရီလ ၁ ရက်နေ့မှာ နိုင်ငံတော်အာဏာသိမ်း ယူလိုက်ပြီးနောက် တစ်နိုင်ငံလုံးအတိုင်းအတာဖြင့် မြန်မာပြည်သူလူထုများသည် “လှဲနေလှေအောင်းမြင်းစောင်းမကျန်” လမ်းမပေါ်ထွက်ပြီး စစ်အာဏာရှင်စနစ်ဆန့်ကျင်ဆန္ဒဖော်ထုတ်မှု ဆင်နွှဲခဲ့ကြပြီး မဝတ်ရည်စိုးသည်လည်း စစ်အာဏာရှ င်ဆန့်ကျင်သည့် CDM လှုပ်ရှားမှုတွင် ဖေဖော်ဝါရီလ ၉ ရက်နေ့ကစတင်ပါဝင်ခဲ့သည်။ စစ်အာဏာရှင်ဆန့်ကျင်လှုပ်ရှားမှုတွင် ပူးပေါင်းပါဝင်သည့်အတွက် လုံခြုံရေးအခြေအနေစိုးရိမ်ရသောကြောင့် အိန္ဒိယနိုင်ငံ မီဇိုရမ်ပြည်နယ်အိုင်ဇောလ်မြို့သို့ ထွက်ပြေးခိုလုံလာသည့် မဝတ်ရည်စိုးကို ခိုနူမ်းသုန်သတင်းဌာနက တွေ့ဆုံမေးမြန်းထား သည်။ မေး။ ။ ကျောင်းဆရာမတစ်ယောက်အနေနဲ့ စစ်အာဏာရှင်ဆန့်ကျင်တဲ့ CDM လှုပ်ရှားမှုမှာ ဘယ်လိုဖြစ်ပြီးတော့ ဝင်ပါဖြစ်သွားလဲ။  ဖြေ။ ။ ပထမကတော့ ဘာမှမသိဘူး ဒါပေမဲ့ အာဏာသိမ်းပြီးတဲ့နောက်ပိုင်းမှာ ဖုန်းအဆက်အသွယ်တွေ ဖြတ်လိုက်တယ်ပေါ့နော် နောက်ပြီးတော့ မဲခိုးတယ်လို့ပြောတဲ့အတွက် ဆရာမတွေ မဲခိုးတယ်လို့ပြောရင် အသေစိတ်ပေါက်တယ် ဘာဖြစ်လို့လဲဆိုတော့ ကိုယ်ကိုတိုင်ပင်ပန်းခဲ့တယ် မဲရုံမှာ ဘယ်လိုတာဝန်ထမ်းဆောင်ခဲ့လဲ အကုန်လုံးသိတယ် သိတဲ့အတွက် မဲခိုးတယ်လို့စွတ်စွဲမခံနိုင်ဘူး လက်မခံနိုင်ဘူး ဆရာမတွေအကုန်လုံးအတွက်လည်း လက်မခံနိုင်ဘူး သူတို့အားလုံးကိုယ်စားလည်း ကိုယ်ကသည်းမခံနိုင်ဘူး ဖြစ်တယ်လေ အဲလိုမျိုးဆိုတော့ ဆန္ဒတွေကအလိုလိုပြချင်လာတယ် ဖြစ်လာတယ် အဲလိုမျိုးနဲ့ ပါဝင်လာတာပါ။ မေး။ ။…

COVID-19 ဗိုင်းရပ် (စ်) ဟာ တစ်ကမ္ဘာလုံးမှာသာမက အခုဆိုရင်မြန်မာနိုင်ငံမှာလည်း ပြန့်နှံ့မှုက လျှင်မြန်လာပါတယ်။ ဒီလိုအခါမျိုးမှာ မိသားစုလိုက်ဂရုစိုက်ဖို့လိုအပ်ပါတယ်။ ဒီလိုမျိုးဂရုစိုက်နေတဲ့ကြားက မိဘနှစ်ပါးလုံးရောဂါပိုးရှိတဲ့သူတွေနဲ့ထိတွေမိပြီး ကူးစက်နိုင်ခြေရှိလို့ quarantine ဝင်ရတဲ့အခြေနေမျိုးတွေကြုံလာတဲ့အခါ မိမိအိမ်မှာ ကိုယ့်ရဲ့သားသားမီးမီးပဲကျန်ခဲ့မယ်ဆိုရင် ဘယ်လိုဖြေရှင်းကြမလဲ။ ကလေးတွေနားလည်အောင် ဘယ်လိုရှင်းပြမလဲ။ ကိုယ်နဲ့ ဝေနေစဉ်ကာလအတွင်းမှာကြုံရမယ့်အခက်ခဲတွေကိုရင်ဆိုင်ဖြေရှင်းတတ်အောင် ဘယ်လိုကူညီပေးရမလဲဆိုတာနဲ့ပတ်သက်တဲ့ လမ်းညွှန်ချက်တစ်ချို့ကိုဝေမျှခြင်ပါတယ်။ ၁) ကိုယ့်ကလေးတွေက မူကြိုနဲ့ မူလတန်းရွယ်ကလေးတွေဖြစ်မယ်ဆိုရင် ဖေဖေမေမေတို့က သားသားမီးမီးတို့ အအေးမိမှာဆိုလို့ ရက် ၁၄ ခွဲနေကြောင်းပြောပြပါ။ အဲ့ဒါအပြင် ဖေဖေမေမေတို့ဆီကနေ ဘယ်သူကိုမှအအေးမိတာမကူးစက်စေချင်လို့ခွဲနေရကြောင်းသေချာရှင်းပြပါ။ ၂) ကျောင်းနေအရွယ်ကလေးတွေဖြစ်မယ်ဆိုရင် ဒီထက်ပိုတိကျစွာရှင်းပြပါ။ ကိုယ်တိုင်နဲ့ ကိုယ့်မိသားစုအတွက် ပြီးတော့ဒီလိုခွဲနေခြင်းဟာ လူမှုအဖွဲ့စည်းပေါ်မှာလည်းအကျိုးပြုကြောင်း၊ ကောင်းတဲ့လုပ်ရပ်ဖြစ်ကြောင်း နားအောင်ရှင်းပြပါ။ ရောဂါနဲ့ပတ်သက်တဲ့အရေးကြီးတဲ့အချက်တွေကိုလည်းဝေမျှပေးပါ။ ၃) အဓိကပြောရမှာက ဖေဖေမေမေတို့က ဆိုးဆိုးရွားရွားဖျားနာတာမဟုတ်ဘူး။ ဖေဖေမေမေတို့ဆီကနေ တခြားသူတွေမကူးစက်အောင်သီးသန့်ခွဲနေတာဖြစ်ကြောင်းသေချာရှင်းပြပါ။ ရက် ၁၄ ပြီးရင်အရင်လိုအတူတူပြန်နေမယ်၊ အခုတော့ ဘိုးဘိုးဖွားဖွား၊ ဘဘ ဒေါ်လေးတို့နဲ့ခဏနေရမယ်၊ ဖေဖေမေမေတို့ကိုလွမ်းရင် ဗီဒီယိုကောလ်ခေါ်ပြီးစကားပြောကြမယ် ဆိုတာတွေကို နားလည်အောင်ရှင်းပြသင့်ပါတယ်။ မိဘများအနေနဲ့လည်း ကိုယ်တိုင်စိုးရိမ်ထိတ်လန့်မှုတွေ၊ ကလေးများအတွက်ပူပန်မှုတွေရှိနေမှာဖြစ်ပါတယ်။ ဒါပေမယ့်ဒီလိုခွဲနေခြင်းဟာ အကောင်းဆုံးဖြစ်တယ်ဆိုတာကို လက်ခံရပါမယ်။ ကို်ယ်တိုင်လည်း သားသမီးတွေကိုလွမ်းစွတ်ဒဏ်ကိုခံနိုင်ရည်ရှိရပါမယ်။ မတော်တဆ တစ်သက်လုံးမခွဲရဖို့ အခုခွဲနေခြင်းဟာ ယာယီပဲဖြစ်တယ်ဆိုတာ စိတ်ထဲဆွဲမှတ်ထားမယ်ဆိုရင် ကလေးတွေခွန်အားရှိအောင်ကိုယ်တိုင် လက်တွေ့ကျကျကူညီပေးနိုင်မှာဖြစ်ပါတယ်။ ခွဲနေပြီး ၁၄ ရက်ပြည့်ရင် ပျော်ပျော်ရွှင်ရွှင်ပြန်ဆုံကြရမှာဖြစ်လို့ စိတ်ဓာတ်မကျပဲလက်တွေ့ကျကျလုပ်ဆောင် သင့်ပါတယ်။ တချို့ကလေးတွေဟာမိဘနဲ့ခွဲနေရလို့ မကျေနပ်ဖြစ်ပြီးနည်းနည်းအစွန်းရောက်တဲ့တုန့်ပြန်မှုတွေဖြစ်တဲ့ ကြောက်စိဝင်တာ၊ စိတ်ဓာတ်ကျတဲ့လက္ခာတွေ၊ တစ်ယောက်တည်းငြိမ်နေပြီး ကုပ်ခြစ်နေမယ်၊ ခဏခဏငိုမယ်၊ အစားမစားဘူး၊ အိပ်လည်းမအိပ်ဘူး၊ စိတ်တိုနေမယ်၊ တွေ့ရာနဲ့ကောက်ပေါက်နေမယ်၊ လူကြီးတွေထိန်းရခက်လာမယ်ဆိုရင် ကလေးစိတ်ပညာရှင်တွေနဲ့ပြပြီးကုသမှုခံယူရမှာဖြစ်တယ်။ သူတို့တွေဟာသင့်ကလေးကိုဘယ်လိုကိုင်တွယ်ရမလဲဆိုတာနဲ့ပတ်သက်ပြီး အကြံဉာဏ်တွေပေးနိုင်…

Benezer- ချင်းလူ့အခွင့်ရေးအဖွဲ့ (CHRO)အနေဖြင့် ပြည်ထောင်စုလွှတ်တော်ကိုယ်စားပြုကော်မတီ၏ ဦးဆောင်မှုဖြင့် ဖွဲ့စည်းလိုက်သည့် အမျိုးသားညီညွတ်ရေးအစိုးရ (NUG) အား ကြိုဆိုထောက်ခံကြောင်း ဧပြီလ ၁၇ ရက်နေ့က ထုတ်ပြန်ကြေညာခဲ့သည်။ “အဓိကတော့ ပြည်သူလူထုရဲ့ ရွေးချယ်မှုကနေ ထွက်ပေါ်လာတဲ့သူတွေဖြစ်တယ်၊ တစ်ဘက်မှာက ဥပဒေမဲ့နဲ့တက်လာတဲ့ စစ်တပ်က အစိုးရဆိုပြီးခံယူတဲ့အဖွဲ့ရှိတယ်၊ အဲဒီနှစ်ဖွဲ့ထဲမှာမှ ပြည်သူတွေအတွက် အလုပ်လုပ်ပြီးတော့ လူအခွင့်အရေး၊ ဒီမိုကရေစီနှင့် ဖက်ဒရယ်အရေးတွေအားလုံး ဖော်ဆောင်နိုင်မယ့်အစိုးရဖြစ်တယ်လို့ NUG ကို ကြိုဆိုထောက်ခံတာဖြစ်တယ်”ဟု ချင်းလူ့အခွင့်ရေးအဖွဲ့၏ လက်ထောက်အမှုဆောင်ဒါရိုက်တာ Salai Za Uk Ling မှ ပြောသည်။ CHRO အနေဖြင့် အမျိုးသားညီညွတ်ရေးအစိုးရတွင် ရွေးကောက်တင်မြှောက်ခံရသော အဖွဲ့ဝင်များအားလုံးကို ချီးကျူးဂုဏ်ပြုပြီး ပဋိပက္ခများ၊ သွေးချောင်းစီးမှုများနှင့် ဝမ်းနည်းပူဆွေးမှုများအကြားမှ ဒဏ်ရာများနှင့်ပြည့်နှံ့နေသော မိမိတို့နိုင်ငံအတွက် သစ်လွင်သောဦးဆောင်မှုပေးရန် ကြိုးပမ်းမည့်သူများအတွက် CHRO အနေဖြင့် အကောင်းဆုံးဆန္ဒပြုလိုကြောင်း ထုတ်ပြန်ချက်ထဲတွင် ရေးသားထားသည်။ Salai Za Uk Ling မှ “ဒါပေမယ့် NUG အနေနဲ့ စဉ်းစားဖို့လိုတာက အရင်အစိုးရအဆက်ဆက်က လူနည်းစုအပေါ် ဖိနှိပ်ထားတာတွေရဲ့ အရင်းမြစ်ကို သေချာဆန်းစစ်ပြီးတော့ ပြင်ဆင်ဖို့ မလုပ်ဆောင်ခဲ့ကြဘူး၊ အပေါ်ယံဘဲလုပ်ခဲ့ကြတယ်၊ အဲလိုမျိုးတွေ မလုပ်ခဲ့လို့လည်း အခုလိုမျိုး စစ်တပ်ကအာဏာပြန်သိမ်းတာလည်းဖြစ်တယ်၊ ဒါကြောင့်မို့လို့ အခုအစိုးရအနေနဲ့ သေချာလေ့လာပြီး အရင်ကမှားခဲ့တဲ့အမှားတွေကို ပြင်ဆင်ဖို့ အခွင့်ရေးအရမ်းကောင်းတဲ့အချိန်ဖြစ်တယ်လို့ ကျနော်တို့အနေနဲ့မြင်တယ်” ဟု ပြောသည်။ CHRO ၏ ထုတ်ပြန်ချက်ထဲတွင် လူမျိုး၊ ဘာသာ၊ နိုင်ငံရေးသက်နွယ်မှုများမည်သို့ပင်ရှိစေကာမူ မြန်မာနိုင်ငံသားအားလုံးသည် NUG ၏နောက်တွင် ညီညွတ်စွာရပ်တည်သင့်ကြောင်းနှင့် မတရားသောနည်းလမ်းများ အကြမ်းဖက်မှုနည်းလမ်းများအသုံးပြု၍…

By လားနွန် – ချင်းပြည်နယ်တောင်ပိုင်း ပလက်ဝမြို့နယ်အတွင်းရှိ စစ်ဘေးရှောင်ပြည်သူ အများဆုံးနေထိုင်ကြသည့် ပလက်ဝမြို့နှင့် ဆမီးမြို့ရှိ စစ်ဘေးရှောင်ယာယီစခန်း (IDPs Camp) များကို အချိန်မီပြုပြင်နိုင်ခြင်းမရှိပါက မိုးတွင်းကာလအတွင်း ကြီးမားသည့် အခက်အခဲကြုံရနိုင်သည်ဟု အရပ်ဘက်အဖွဲ့အစည်းများကပြောသည်။ ပလက်ဝမြို့နယ် ဆမီးမြို့ရှိ စစ်ဘေးရှောင်ပြည်သူများနေထိုင်ကြသည့် ဝါးများဖြင့်ဆောက်လုပ်ထားသော စစ်ရှောင်စခန်း (IDPs Camp) သည် ဝါးပိုးထိုးကာ ဟောင်းနွမ်းဆွေးမြေ့နေပြီဖြစ်သောကြောင့် အချိန်မီပြုပြင်ရန် အရေးတကြီးလိုအပ်နေကြောင်း စစ်ဘေးရှောင်ပြည်သူများ အနီးကပ်ကူညီဆောင်ရွက်ပေးနေသည့် People Hope အဖွဲ့ဒါရိုက်တာ ဦးဇော်လီအောင်ကပြောသည်။ “တကယ်လို့များ ပလက်ဝနဲ့ ဆမီးက တိုက်ပွဲရှောင်ပြည်သူများ ဆက်နေမယ်ဆိုရင်ကျနော်တို့မှှာ ပြီးခဲ့တဲ့ ဧပြီပထမပတ်တွင်းမှာလေပြင်းမုန်တိုင်း တိုက်တဲ့အခါမှာ မနှစ်ကဆောက်တဲ့ဝါးခင်း ၀ါးကာ အမိုးတို့က လုံးဝအဆင်မပြေဘူး အမိုးတွေလန်သွားတယ် ပြီးတော့ ဟောင်းနွမ်းနေပြီ ဝါးဆိုတာက ခုပ်တဲ့အချိန်ရှိတယ် ကျနော်တို့က ခုပ်တဲ့ချိန်မှာမခုပ်တဲ့အတွက် ၀ါးပိုးထိုးတယ် အဲဒါကြောင့် သူတို့နေဖို့လုံးဝလုံးဝ အဆင်မပြေဘူး သူတို့နေဖို့အိမ်ကတော့ ဒီနှစ်မိုးရွာမယ်ဆိုရင်တော့ ကျနော်တို့ တခုခု ဆောင်ရွက်ပြီးစီးမှုမရှိဘူးဆိုရင်တော့ သူတို့အတွက်ကတော့ အကြီးမားဆုံးစိန်ခေါ်မှုတော့ရင်ဆိုင်မယ်ထင်တယ်” ဟု ဦးဇော်လီအောင်ကပြောသည်။ ဆမီးမြို့တွင် စစ်ဘေးရှောင်စခန်း ၅ ခုရှိပြီး အိမ်ခြေ ၈၀၀ ကျော်ရှိကာ စစ်ဘေးဒုက္ခသည်ပြည်သူ ၃၀၀၀ ကျော်ခန့်ရှိသည်။ စစ်ဘေးရှောင်ပြည်သူများအတွက် ကမ္ဘာ့စားနပ်ရိက္ခာအစီစဉ် WFP မှ လစဉ် အခြေခံစားသောက်ကုန်များဖြစ်သည့် ဆန် ဆီ ဆား ထောက်ပံ့မှုရှိနေသော်လည်း ကျန်းမာရေးစောင့်ရှောက်မှုပိုင်းတွင်အားနည်းမှုရှိသည်ဟု ဦးဇော်လီအောင်ကပြောသည်။ ပလက်ဝမြို့ပေါ်ရှိ စစ်ဘေးရှောင်စခန်း (IDPs Camp) များသည်လည်း အခင်းအကာများအား ဝါးဖြင့်ဆောက်လုပ်ကြသည့်အတွက် ဝါးပိုးထိုးကာ နေထိုင်ရန် အဆင်မပြေတော့ကြောင်း…

#Unicode မာဂရက် – ချင်းပြည်နယ်၊ ဖလမ်းမြို့တွင် အာဏာသိမ်းစစ်ကောင်စီတပ်ဖွဲ့ဝင်များက ဧပြီလ ၁၅ ရက်နေ့ ယမန်နေ့ညအချိန်တွင် ရှောင်တခင် ဧည့်စာရင်း စစ်ဆေးကာ ဆန္ဒပြရာတွင်အသုံးပြုသော ပစ္စည်းများကို တွေ့ရှိသောကြောင့် လူငယ်တစ်ဦး ဖမ်းဆီးခံရသည်ဟု သိရသည်။ “မနေ့ည သူ့အိမ်မှာပဲ ရှောင်တခင် ဧည့်စာရင်းစစ်ရင်းနဲ့ ဆန္ဒပြတဲ့ ဦးထုပ်တို့၊ အကာတို့ နောက်ပြီးတော့ ကျည်ခွံ ၄၀ တွေ့တာဆိုတော့ အခုက အမှုမဖွင့်သေးပေမဲ့လည်း ကျည်ခွံကိစ္စကြောင့်ပဲ စွဲချက်တင်ခံရမယ်နဲ့တူတယ်၊ ကျွန်တော်တို့ မထုတ်နိုင်တော့ဘူး၊ သက်သေခံ ပစ္စည်းတွေကို လက်ဝယ်တွေ့မှုပေါ့” ဖလမ်းမြို့ခံတစ်ဦးက ပြောသည်။ အဖမ်းခံရသူမှာ ဖလမ်းမြို့၊ ကျင်မွာလ်ရပ်ကွက်တွင်နေထိုင်သော အသက် ၂၄ နှစ်အရွယ် Salai Cung Lian Mang ဖြစ်ပြီး ဖလမ်းမြို့ရဲစခန်းတွင် ထိန်းသိမ်းလျက်ရှိကာ ဘာသာရေးခေါင်းဆောင်များက သွားရောက်ညှိနိုင်းနေကြောင်း သိရသည်။ ပြီးခဲ့သည့် ဖေဖော်ဝါရီလ ၂၈ ရက်နေ့ကလည်း စစ်ကောင်စီဖက်မှ ဆန္ဒပြသူများကို ဖြိုခွင်းခဲ့ပြီး လူငယ် (၃) ဦးကို ဖမ်းဆီးခံခဲ့ရသည်။ #Zawgyi မာဂရက္ – ခ်င္းျပည္နယ္၊ ဖလမ္းျမဳိ႕တြင္ အာဏာသိမ္းစစ္ေကာင္စီတပ္ဖြဲ႔ဝင္မ်ားက ဧျပီလ ၁၅ ရက္ေန႔ ယမန္ေန႔ညအခ်ိန္တြင္ ေရွာင္တခင္ ဧည့္စာရင္း စစ္ေဆးကာ ဆႏၵျပရာတြင္အသုံးျပဳေသာ ပစၥည္းမ်ားကို ေတြ႔ရွိေသာေၾကာင့္ လူငယ္တစ္ဦး ဖမ္းဆီးခံရသည္ဟု သိရသည္။ “မေန႔ည သူ႔အိမ္မွာပဲ ေရွာင္တခင္ ဧည့္စာရင္းစစ္ရင္းနဲ႔ ဆႏၵျပတဲ့ ဦးထုပ္တုိ႔၊ အကာတုိ႔ ေနာက္ျပီးေတာ့ က်ည္ခြံ ၄၀ ေတြ႔တာဆုိေတာ့ အခုက အမႈမဖြင့္ေသးေပမဲ့လည္း…

#Unicode မီဇိုရမ်အခြေစိုက် NGO United for Democratic Myanmar အဖွဲ့ဥက္ကဌ ပူးလောမ်မာနှင့် မေးမြန်းခြင်း Benezer – မြန်မာနိုင်ငံမှာ လက်ရှိဖြစ်ပွားနေတဲ့နိုင်ငံရေးအခြေအနေကြောင့် အိန္ဒိယနိ်ုင်ငံအရှေ့မြောက်ဒေသ မီဇိုရမ်ပြည်နယ်ကို CDM ဝင်တဲ့ အစိုးရဝန်ထမ်းတွေအပါအဝင် မြန်မာနိုင်ငံသားအထူးသဖြင့် ချင်းလူမျိူး ၁၀၀၀ ကျော်ခန့် ထွက်ပြေးတိမ်းရှောင်နေ ကြရပါပြီ။ အိန္ဒိယနိုင်ငံသို့ ခုလိုထွက်ပြေးတိမ်းရှောင်နေကြတဲ့ မြန်မာနိုင်ငံသားတွေအပေါ် အိန္ဒိယအစိုးရရဲ့ သဘောထားက ဘယ်လိုရှိပါသလဲ။ ဒီကိစ္စနဲ့ပတ်သက်ပြီး စစ်ဘေးရှောင်ပြည်သူတွေကိုကူညီပေးနေတဲ့ မီဇိုရမ်အခြေစိုက် NGO United for Democratic Myanmar အဖွဲ့ဥက္ကဌ ပူးလောမ်မာကို ဆက်သွယ်မေးမြန်းထားပါတယ်။ မေး။ ။ ပထမဆုံးအနေနဲ့ ဆရာတို့အဖွဲ့အစည်းကို ဘယ်လိုရည်ရွယ်ချက်နဲ့စတင်ဖွဲ့စည်းဖြစ်သွားတာပါလဲ။ ဖြေ။ ။ ကျနော်တို့ စဖွဲ့စည်းတာကတော့ စစ်အာဏာရှင်ကိုမကြိုက်လို့ ဆန့်ကျင်တဲ့အနေနဲ့ မီဇိုရမ်ပြည်နယ် အိုင်ဇောလ်မြို့မှာ ဒေသတွင်းအဖွဲ့အစည်းတွေနဲ့ပူးပေါင်းပြီး Seat in Demonstration လုပ်ကြတယ်၊ ဆန္ဒပြခြေ တက်လမ်းလျှောက်ပွဲတွေလုပ်ဖြစ်ခဲ့ကြတယ်၊ အဲဒီကနေပြီးမှ ကျနော်တို့က ဒီအဖွဲ့ကို ဖွဲ့စည်းတာဖြစ်တယ် ဆိုလိုတာကတော့ ကျနော်တို့က အာဏာရှင်စနစ်ကိုဆန့်ကျင်တယ်၊ ဒီမိုကရေစီကိုလိုလားတယ် အဲဒီအတွက်ဖွဲ့ထားတဲ့ အဖွဲ့အစည်းဖြစ်ပါတယ်။ ဒုက္ခသည်တွေကူညီတယ်ဆိုတာကတော့ ဒီ CDM ကြောင့်ပြေးလာတဲ့သူတွေကတော့ ဒီမိုကရေစီဘက်တော်သားအနေနဲ့ ကျနော်တို့က ကူညီတာဖြစ်ပါတယ် ဒုက္ခသည်အတွက် သီးသန့်ဖွဲ့စည်းထားတာ တော့မဟုတ်ပါဘူး ဒီမိုကရေစီအောင်မြင်ဖို့အတွက်ဖွဲ့စည်းတာဖြစ်ပါတယ်။ မေး။ ။ ခုဆိုရင် လက်ရှိမြန်မာ့နိုင်ငံရေးအခြေအနေကြောင့် မီဇိုရမ်ပြည်နယ်ကို အမြောက်အများ ထွက်ပြေး လာကြ တာတွေ့ရပါတယ်၊ သူတို့တွေကို ဆရာတို့အဖွဲ့အနေနဲ့လည်း ကူညီပံ့ပိုးတာတွေလုပ်ကြတယ်၊ ဘယ်လိုပုံစံနဲ့ ကူညီကြ တာလဲ။ ဖြေ။ ။…

Benezer – ချင်းပြည်နယ်နှင့် ချင်းလူမျိုးတွေရဲ့ နိုင်ငံရေးဆိုင်ရာလုပ်ငန်းတွေကို တာဝန်ယူဆောင်ရွက်နိုင်ရန်အတွက် ပြည်တွင်းပြည်ပရှိ ချင်းအဖွဲ့စည်းများအကြား ညှိနှိုင်းအစည်းအဝေးများ ပြုလုပ်ခဲ့ကြပြီးနောက် ကြားကာလ ချင်းအမျိုးသားကောင်စီ (ICNCC) ကို ဖွဲ့စည်းလိုက်ကြောင်း ဧပြီလ ၁၃ ရက်နေ့က ကြေညာချက်ထုတ်ပြန်ခဲ့သည်။ ICNCCအား ချင်းအမျိုးသားတပ်ဦး (CNF) ၊ ချင်းပြည်နယ်လွှတ်တော်ကိုယ်စားပြုကော်မတီ (CRCH)၊ ပြည်သူလူထုအခြေခံတဲ့ CDM Supporting Team များ နှင့် နိုင်ငံရေးပါတီ စတဲ့အစုအဖွဲ့လေးဖွဲ့ကို အခြေခံပြီးဖွဲ့စည်းလိုက်တာဖြစ်ကြောင်း ICNCC မှ ကိုပါထန်းကပြောသည်။ ICNCC အနေနဲ့ အာဏာရှင်စနစ်ကို အဆုံးတိုင်ဆန့်ကျင်တော်လှန်ပြီး ကိုယ်ပိုင်ပြဌာန်းခွင့် အာမခံချက်ရှိသည့် ချင်းပြည်နယ်တည်ဆောက်ရေးနှင့် တန်းတူရေး အာမခံချက်ရှိသည့် ဖက်ဒရယ်ဒီမိုကရေစီပြည်ထောင်စုနိုင်ငံ တည်ဆောက်ရေးအတွက် ကြိုးပမ်းဆောင်ရွက်သွားမည်ဟု ထုတ်ပြန်ချက်ထဲတွင် ထည့်သွင်းထားသည်။ ထို့ပြင် ICNCC အ​နေနဲ့ ပြည်ထောင်စုအမျိုးသားညီညွတ်​ရေးအစိုးရဖွဲ့စည်းရာတွင် ချင်းအမျိုးသားများကိုယ်စား ပူး​ပေါင်းပါဝင်သွားမည်ဖြစ်ကြောင်းနဲ့ ချင်းပြည်နယ်အတွင်း၊ အပြင်ရှိ ဒီမိုကရက်တစ်အင်အားစုများနဲ့ ပူး​ပေါင်းညှိနှိုင်းကာ ကြားကာလချင်းပြည်နယ်အုပ်ချုပ်​ရေးကိုလည်း ဖွဲ့စည်း​ဆောင်ရွက်သွားမည်ဖြစ်​ကြောင်း ဖော်ပြထားသည်။

မာဂရက် – ချင်းပြည်နယ်တောင်ပိုင်း ပလက်ဝမြို့နယ် လောင်းကဒူးရွာသား အသက် ၄၅ နှစ်အရွယ် ဦးအောင်မြင့်မြတ်သည် တောထဲသို့ ဝါးခုတ်သွားစဉ် ယနေ့နံနက်ပိုင်း ၈ နာရီခွဲဝန်းကျင်က မြေမြုပ်မိုင်းနင်းမိ၍ ဘယ်ဖက်ခြေထောက်ပြတ် သွားသည်ဟုသိရသည်။ “သူက လောင်းကဒူးရွာက သမဝါယမ ဝန်ထမ်းပါ၊ သူက ရွာနဲ့ အနီးတဝိုက်မှာ သစ်ခုတ်၊ ဝါးခုတ်သွားရင်း မိုင်းနင်းမိလို့ ဘယ်ဖက်ခြေထောက်ခြေမျက်စိကနေ ပြတ်ထွက်သွားတာ’’ ဟု ပလက်ဝဒေသခံတစ်ဦးကပြောသည်။ လောင်းကဒူးကျေးရွာသည် ပလက်ဝမြို့မှ ၂ မိုင်ခန့်ကွာဝေးပြီး ကုလားတန်မြစ်၏ အနောက်ဘက်ကမ်း ၂၈၉ တပ်ရင်း မျက်စောင်းထိုးတွင်တည်ရှိသည့်ကျေးရွာဖြစ်သည်။ ဦးအောင်မြင့်မြတ်ကို ပလက်ဝမြို့ပြည်သူ့ဆေးရုံသို့ ကုသမှုခံယူလျက်ရှိပြီး အသက်အန္တရာယ်အတွစိုးရိမ်ရသည့်အခြေ အနေမရှိကြောင်း အဆိုပါဒေသခံကပြောသည်။ ပလက်ဝမြို့နယ်သည် အာဏာသိမ်းစစ်ကော်စီတပ်နှင့် ရက္ခိုင့်တပ်တော် (AA) တို့ စစ်မက်ဖြစ်ပွားရာဒေသဖြစ်ပြီး မြေမြုပ်မိုင်းကြောင့် ဒေသခံပြည်သူအမြောက်အများသေဆုံးမှုရှိခဲ့သည်ဒေသတစ်ခုဖြစ်သည်။

မာဂရက် – ကလေးမြို့၊ စမ်းမြို့ရပ်ကွက်ရှိ ကမ္ဘောဇ ဘဏ် (၂) ရှေ့တွင် ယမန်နေ့ည ၈း၃၀ အချိန်တွင် အရေးပေါ်လူနာအတွက် အောက်ဆီဂျင်ပို့ပေးသည့် ပြည်သူတစ်ဦးသည် အာဏာသိမ်းစစ်ကောင်စီ၏ တပ်ဖွဲ့များက သေနတ်ဖြင့် ပစ်ခတ် သောကြောင့် ဝမ်းဗိုက်တွင် ထိမှန်ပြီး စစ်ဆေးရုံတွင် ဆေးကုသမှုခံယူနေသည်ဟု သိရသည်။ “ သူ့ သူငယ်ချင်းရဲ့အမေက မန္တလေးကို ဆင်းပြီးမှ ဆေးသွားကုရမှာ အောက်ဆီဂျင်ဗူးက မပါလို့ မဖြစ်ဘူး၊ ယူထားတာတော့ရှိတယ် ဒါပေမယ့် မလောက်မှာဆိုးလို့ လမ်းမှာ ပျက်သွားမှာကြောင့်လို့ အပိုဆောင်အနေနဲ့ အောက်ဆီဂျင်ဗူးကို သွားယူပြီးအိမ်ကိုပို့ပြီးတော့ အပြန်မှာ ဖြစ်သွားတာ၊ တာဟန်း KBZ (2) နားမှာ၊ သူ့ သူငယ်ချင်းအိမ်က အဲ့နားမှာမို့လို့၊ အခု အခြေအနေတော့ ကောင်းပါတယ်၊ စစ်တပ်ဆေးရုံမှာ” ဟု ပစ်ခတ်ခံရသူ၏ အကိုကပြောသည်။ သေနတ်အပစ်ခံရသူမှာ တောင်ဇလပ်ရပ်ကွက်၊ နယ်မြေ (၂) တွင်နေထိုင်သော ကို အောင်မြင့်ဆွေ ဖြစ်ပြီး သေနတ်ပစ်ခံရခြင်းကြောင့် ဝမ်းဗိုက် ညာဖက်ခြမ်း အစာအိိမ်နားကို ထိထားပြီး စကားပြော ဆိုနိုင်ပေမယ့် ရေသောက်ရန် နှင့် အစာစားရန်အတွက် အခက်အခဲဖြစ်ပြီး စိုးရိမ်ရသည့်အခြေအနေတော့မရှိကြောင်း ၎င်းကဆက်ပြောသည်။ ယနေ့မနက်တွင် ကိုအောင်မြင့်ဆွေကို ပြုစုရန်အတွက် မိခင်ဖြစ်သူကို ဆေးရုံတွင် ပို့ထားပြီး၊ မိသားစုဝင်များနှင့်လည်း တွေခွင့်ရသည်ဟု သိရသည်။

Benezer- ချင်းပြည်နယ်ဟားခါးမြို့ Hakhathar ရပ်ကွက်ရှိ အောင်ဓာတ်ဆီဆိုင်အနီးတွင် ယမန်နေ့(ဧပြီ ၁၃) ည ၉ နာရီ ဝန်းကျင်ခန့်က ကင်းလှည့်နေသည့် အာဏာသိမ်း စစ်ကောင်စီကားနှင့် ပြည်သူပိုင်ကားတစ်စီးတို့ ယာဉ်တိုက်မှုဖြစ်ပွားခဲ့ပြီး ပြည်သူပိုင်ကားအား ရိုက်နှက်ဖျက်စီးကာ ပိုင်ရှင်ကိုပါ တစ်ညချုပ်ထားသည့်အပြင် ကားအတွင်းရှိ ငွေကျပ် ၁၃ သိန်းကိုလည်း ယူဆောင်ထားကြောင်း သိရသည်။ “မနေ့ညက ဂေါက်ကွင်းကို ဖိတ်စာကိစ္စနှင့်သွားပြီးအပြန် အောင်ဓာတ်ဆီဆိုင်နား အကွေ့မှာ သူတို့ကားနဲ့တိုက်မိတယ်၊ တိုက်မိတာနဲ့ ချက်ချင်းဘဲ ကျနော့်ကားကိုဝိုင်းပြီး ရိုက်နှက်ဖျက်ဆီးတယ်၊ ကျနော်လည်း သူတို့ကိုတောင်းပန်တယ်၊ ဒူးထောက်ပြီးတော့ကိုတောင်ပန်တာ၊ အဲမှာ ကျနော့်ကို ခြေတောက်တွေနဲ့ ကန်ကြတယ်၊ အဲနောက်ကျနော့်ကို ဖမ်းသွားပြီးတော့ ဒီနေ့မနက်မှာပြန်လွှတ်ပေးလိုက်တယ်၊ ကျနော့်ကားထဲမှာ ထားထားတဲ့ ငွေကျပ် ၁၃ သိန်းကို ကြည့်တော့ မရှိတော့ဘူး၊ သူတို့ကို မေးကြည့်တော့ တာဝန်မယူနိုင်ဘူးလို့ပြန်ပြေတယ်” ဟု ရိုက်နှက် အဖမ်းခံရသည့် ကိုညီမှပြောသည်။ ထို့ပြင် ကိုညီအား ပြန်လွှတ်ပေးလိုက်ပြီးနောက် စစ်ကောင်စီဘက်မှ ပျက်ဆီးသွားသည့် ၎င်းတို့ကားအား ပြန်ပြင်ပေးရန် ပြောဆိုခဲ့ပြီး ကားတွင်းမှ ငွေကျပ် ၁၃ သိန်းအား ပြန်ပေးမှ ပြန်ပြင်ပေးနိုင်မည်ဟု အကြောင်းပြန်ခဲ့ပြီး စစ်ကောင်စီဘက်မှ ငွေများအား တာဝန်ယူဆောင်ရောက်ပေးနိုင်မည်မဟုတ်ဘဲ ကြိုက်သလို ဆောင်ရွက်ရန် ပြန်လည်ဖြေကြားခဲ့ကြောင်း သိရသည်။ ဟားခါးမြို့တွင် အာဏာသိမ်းစစ်ကောင်စီမှ ပြည်သူများအား အတင်းအဓမ္မဖမ်းဆီးခြင်း နေအိမ်များထိဝင်ရောက်ကာ ဖျက်ဆီးခိုးယူခြင်းများ ဆက်တိုက်ဆောင်ရွက်နေပြီး ယမန်နေ့ တစ်ရက်တည်းတွင် အနည်းဆုံး ငါးဦးခန့် ဖမ်းဆီးခံရကာ နေအိမ်နှစ်အိမ်သို့ အတင်းအဓမ္မဝင်ရောက်ဖျက်ဆီးခဲ့ကြောင်းသိရသည်။