Author: Editor

(004SS) ချင်းပြည်နယ်၊ မြို့တော် ဟားခါးမြို့ပေါ်တွင် ခွေးမွေးသူများအနေဖြင့် ဩဂုတ်လ ၁ ရက်နေ့ နောက်ဆုံးထားကာ မိမိခွေးများကို ရောင်းချရန်နှင့် ရောင်း၍မရပါက သတ်ကြရန် CDF-Hakha က ယနေ့ ဇူလိုင် ၃၀ ရက်နေ့တွင် ထုတ်ပြန်သည်။ ခွေးရှိခြင်းကြောင့် တော်လှန်ရေးလုပ်ငန်းများ အနှောက်အယှက်ဖြစ်စေသည်သာမက မိမိနှင့် သက်ဆိုင်ရာလူပိုဂ္ဂိုလ်များ၊ တော်လှန်ရေးတပ်ဖွဲ့များအား နစ်နာစေနိုင်သည့်အတွက်ကြောင့် ထုတ်ပြန်ရခြင်းဖြစ်သည်ဟုဆိုသည်။ “မြို့ပေါ်က ခွေးတွေဟာ သူများကို ကြောက်လန့်စေသလို တော်လှန်ရေးအတွက်လည်း တော်တော်ကို အနှောက်အယှက်ပေးတဲ့အတွက် လာမဲ့ ဩဂုတ်လ ၁ ရက်နေ့ နောက်ဆုံးထားပြီး မိမိမွေးထားတဲ့ခွေးတွေ ရောင်းရင်ရောင်း၊ မရောင်းရင် သတ်ကြဖို့ ကြေညာလိုက်ပါတယ်။ ခွေးဟောင်လို့ ဟောင်တဲ့ဘက်ကို စစ်ကောင်စီတပ်က ရမ်းသမ်းပစ်ခတ်တာတွေ လုပ်နိုင် တယ်။ အဲလိုချိန်ကျရင် မိမိရပ်ကွက်၊ အိမ်နီးနားချင်းများအတွက် အခက်အခဲတွေ ကြုံတွေ့စေနိုင်တယ်။ ပြီးတော့ တော်လှန်ရေးသမားတွေလည်း ဒုက္ခရောက်နိုင်တယ်” ဟု CDF Hakha ၏ ထုတ်ပြန်ချက်တွင်ဖော်ပြထားသည်။ ထို့အပြင် အိမ်ပြင်ထွက်လာသော ခွေးများအား မည်သူမဆို သတ်ပိုင်ခွင့်ရှိမည်ဖြစ်ပြီး ခွေးပိုင်ရှင်များကိုလည်း ပြစ်ဒဏ်ပေးမည်ဖြစ်သည်ဟု CDF-Hakha က ဆိုသည်။ စစ်အာဏာရှင်လက်အောက်မှ လွတ်မြောက်ရန် အချိန်နီးကပ်‌လာပြီဖြစ်သောကြောင့် ၂၀၂၄ ခုနှစ်အတွင်း တော်လှန်ရေး အောင်မြင်မှုရရှိနိုင်ရန် ဆုတောင်းခြင်းနှင့် လှူဒါန်းပေးကမ်းခြင်းအား လက်မနှေးစေဘဲ အတူတကွ ပါဝင်ကြရန်လည်း CDF-Hakha က တိုက်တွန်းထားပါသည်။

ရေး – Salai Van Lian Thang ∎ ကွပ်ကဲမှုဖွဲ့စည်းပုံနှင့် စစ်ကောင်စီ၏ စစ်ဗျူဟာအဖွဲ့ အခြေချ (စဗခ) မြန်မာစစ်တပ်သည် တိုင်းစစ်ဌာနချူပ်တစ်ခု၏ အရေးပါသော နယ်မြေများကို အခြေချစစ်ဗျူဟာနယ်မြေ (စဗခ) အဖြစ် အသေသတ်မှတ်ပြီး ကျန်နေရာများကို ပြုပြင်ပြောင်းလွယ်သည့် လှုပ်ရှားစစ်ဗျူဟာနယ်မြေ (စဗဟ) အဖြစ် သတ်မှတ်သည်။ ပုံသေမဟုတ်သော်လည်း စစ်တိုင်းတစ်ခုတွင် စဗခ နှစ်ခု၊ စဗဟ နှစ်ခုခန့် ထားရှိသည်။ မုံရွာမြို့အခြေစိုက် အနောက်မြောက်ပိုင်းတိုင်းစစ်ဌာနချုပ် (နမခ) ၏ ကွပ်ကဲမှုအောက်တွင် ချင်းပြည်နယ်မြောက်ပိုင်း၌ ဟားခါးမြို့ကို အခြေပြု၍ စစ်ဗျူဟာအဖွဲ့ (အခြေချ) ဟားခါးနှင့် ချင်းပြည်နယ်တောင်ပိုင်း၌ မတူပီမြို့ကို အခြေပြု၍ စစ်ဗျူဟာအဖွဲ့ (အခြေချ) မတူပီ ဆိုပြီး အခြေချစစ်ဗျူဟာနှစ်ဖွဲ့ (Tactical Operation Commands –TOC) ကို အသေသတ်မှတ်ထားရှိပါသည်။ မင်းတပ်တိုက်ပွဲတွင် စစ်ကောင်စီတပ်များ အထိနာဆုံးရှုံးခဲ့ပြီးနောက် မင်းတပ်မြို့ကို အခြေပြု၍ စစ်ဗျူဟာ အဖွဲ့ အသစ် (TOC) ကို ချထားသည်ဟု ရေးသားမှု အချို့ရှိသော်လည်း ထိုကဲ့သို့ ဖွဲ့စည်းပါက လှုပ်ရှားစစ်ဗျူဟာ (စဗဟ) ဖြစ်ဖို့များပြီး၊ စစ်ဗျူဟာအခြေချ (စဗခ) မဟုတ်လောက်ပေ။ စဗဟ ကို လှူပ်ရှား အမှတ် (၁) စစ်ဗျုဟာအဖွဲ့ စသဖြင့် အမည်သတ်မှတ်ပါသည်။ ထို့ကြောင့် ဤ တပ်ကွပ်ကဲမှုဖွဲ့စည်းပုံတွင် “အခြေချ” သို့မဟုတ် “အထိုင်တပ်ရင်း၊ အထိုင်ဗျုဟာကုန်း၊ အထိုင်စခန်း” စသည့် အသုံးအနုန်းသည် အဓိပ္ပါယ်ရှိပါသည်။ အခြေချစစ်ဗျူဟာအဖွဲ့ (စဗခ)…

(002MG) ချင်းပြည်နယ် ဖလမ်းမြို့ပေါ်တွင် အထိုင်ချတပ်စွဲထားသည့် ခလရ ၂၆၈ တပ်ရင်းက ယမန်နေ့ညက လက်နက်ကြီး အနည်းဆုံး ၈ ကြိမ်ခန့် ပစ်ခတ်မှုကြောင့် မြို့ပေါ်ရပ်ကွက်နှင့် အနီးနားကျေးရွာများတွင် ကျရောက်ပေါက်ကွဲကာ အရပ်သားနှင့် လူနေအိမ်များ ထိခိုက်မှုရှိခဲ့ကြောင်း သိရသည်။ ဖလမ်း မြို့ခံတဦးက “မနေ့ညက တပ်ကုန်းကနေပစ်တာက အနည်းဆုံး ၈ လုံးလောက်ရှိတယ်။ Thanhniar ရွာမှာကျတာ အိမ်တလုံးပျက်တယ် Congthe ရွာမှာကျတယ် အိမ်ပျက်တယ်၊ ကလေးတစ်ယောက်ထိတယ်၊ ဖလမ်းကနေ ဟားခါးသွားတဲ့လမ်း လုံးပီးရပ်ကွက် စိုက်သိပ္ပံကျောင်းမှာ လက်နက်ကြီး ၂ လုံးကျတယ်၊ လုံပီးရွာမှာပဲ မီးသတ်ရုံးမှာကျတာ အိမ်တလုံးပျက်တယ်၊ Zalai ရွာမှာ ၂ လုံးကျပြီး လူကြီးတစ်ဦးထိတယ်” ဟု ပြော သည်။ လက်နက်ကြီးကြောင့် Zalai ကျေးရွာက အသက် ၃၆ နှစ်အရွယ် အမျိုးသားတဦးနှင့်၊ Congthe ကျေးရွာက ကလေးငယ်တဦးတို့သည် မစိုးရိမ်ရဒဏ်ရာရရှိကြသည်ဟု သိရသည်။ ဖလမ်းမြို့တွင် အခြေစိုက်တပ်စွဲထားသော စစ်ကောင်စီ၏ ခြေလျင်တပ်ရင်း ၂၆၈ ကို ချင်းကာကွယ်ရေးတပ်ဖွဲ့များက တိုက်ခိုက်တော့မည်ဟု သတင်းများထွက်ပေါ်ခဲ့ပြီးနောက် မြို့ခံပြည်သူများအကြား စိုးရိမ်ပူပန်မှုမြင့်တက်လာကာ မြို့ပေါ်လူဦးရေ ၆၀ ရာခိုင်းနှုန်းမှာ မြို့ကိုစွန်ခွါတိမ်းရှောင်နေကြသည်ဟု သိရသည်။ ယမန်နေ့ည လက်နက်ကြီးပစ်ခတ်မူကြောင့် မြို့ပေါ်တွင် ကျန်ရှိနေသည့် ပြည်သူများသည် ယနေ့တွင် စစ်ဘေးတိမ်းရှောင် ရန် ပြင်ဆင်လာကြကာ မြို့တွင်း စျေးဆိုင်များလည်း ပိတ်သိမ်းမှုများလာကြောင်း မြို့ခံက ဆက်ပြောသည်။ “စားသောက်ဆိုင်တွေလည်းပိတ်လာတာများလာပြီ။ ဒီနေ့ဆိုရင် ဒီဇယ်၊ဓာတ်ဆီဝယ်စရာတောင်မရှိတော့ ဘူး။ ကားတွေ လည်း…

ချင်းပြည်နယ် ဖလမ်းမြို့နယ်တွင် စစ်ဘေးရှောင်များလိုက်ပါသည့် မော်တော်ယာဉ်တစ်စီး ယနေ့ညနေပိုင်းက တိမ်းမှောက်ပြီး အမျိုးသမီးတစ်ဦး သေဆုံးခဲ့ကြောင်း သိရသည်။ ယနေ့ ဇူလိုင် ၃၀ ရက်နေ့မှာ ဖလမ်းမြို့မှ ကလေးနယ်စပ် Pahmunchaung ကျေးရွာဘက်သို့ စစ်ဘေးတိမ်းရှောင်ရန် သွားနေစဉ်မှာ ဖလမ်း-ဝေဘူလ ကားလမ်းမပေါ်က Hmunli ကျေးရွာမရောက်ခင် ညနေပိုင်း ၄ နာရီခန့်တွင် မတော်တဆ တိမ်းမှောက်မှုဖြစ်ပွားခဲ့ခြင်းဖြစ်သည်ဟု ဖလမ်းမြို့ဒေသခံတစ်ဦးက ပြောသည်။ “သူတို့က စစ်ဘေးရှောင်ဖို့သွားကြတာ လမ်းအတက်မှာ ကားက စက်ရပ်သွားလို့ နောက်ပြန်လိမ့်လာပြီး ကျောက်ကမ်းပါးထဲကို ပြုတ်ချသွားတာ” ဟု ဖလမ်းမြို့ဒေသခံတစ်ဦးက ပြောသည်။ အဆိုပါကားထဲမှာ စစ်ဘေးတိမ်းရှောင်ကြမည့်ကလေးငယ် ၃ ယောက်အပါအဝင် ပြည်သူ ၈ ဦး လိုက်ပါသွားပြီး မတော်တဆမှုကြောင့် သေဆုံးသွားသူမှာ ဖလမ်းမြို့ Cinmaul ရပ်ကွက်နေ အသက် ၆၀ အရွယ် Nu Khen Rem ဖြစ်သည်ဟု သိရသည်။ ကားသမားအပါအဝင် ကျန် ၇ ဦးမှာ ထိခိုက်ဒဏ်ရာများရရှိခဲ့ကြသည်ဟုသိရသော်လည်း အသေးစိတ်မသိရပေ။ ဖလမ်းမြို့တွင် မြို့သိမ်းတိုက်ပွဲဖော်ဆောင်တော့မည်ဟုသတင်းထွက်ပေါ်ခဲ့ပြီးနောက် ဇူလိုင်တတိယပတ်လောက်ကစ၍ မြို့ပေါ်နေပြည်သူထက်ဝက်ကျော် ခန့်မှာ ကျေးရွာများ၊ နီးစပ်ရာမြို့များ၊ ပြည်မဘက်နှင့် အိန္ဒိယနယ်စပ်ဘက်သို့ ကားငှါး၍ဖြစ်စေ၊ ဆိုင်ကယ်ဖြင့်ဖြစ်စေ စစ်ဘေးတိမ်းရှောင်နေကြဆဲဖြစ်သည်။

(004SS) ချင်းပြည်နယ် မြောက်ပိုင်း၊ ဖလမ်းမြို့တွင် မြို့သိမ်းတိုက်ပွဲဖြစ်ပွားမည်ဟုသတင်းထွက်ပေါ်လာပြီးနောက် မြို့ပေါ်ဒေသခံ ထက်ဝက်ကျော်သည် နေရပ်စွန့်ခွာထွက်ပြေးနေကြကြောင်း ဒေသခံများထံမှ သိရသည်။ ဖလမ်းမြို့တွင် အခြေစိုက်တပ်စွဲထားသော စစ်ကောင်စီ၏ ခြေလျင်တပ်ရင်း ၂၆၈ ကို ချင်းကာကွယ်ရေးတပ်ဖွဲ့များက တိုက်ခိုက်တော့မည်ဟု သတင်းများထွက်ပေါ်ခဲ့ပြီးနောက် မြို့ခံပြည်သူများအကြား စိုးရိမ်ပူပန်မှုမြင့်တက်လာသောကြောင့် မြို့ကိုစွန်ခွါထွက်ပြေးသူ တရက်ပြီးတရက်ပိုများလာပြီး ယခုအခါ မြို့ပေါ်လူဦးရေ၏ ၆၀ ရာခိုင်နှုန်းခန့်မှာ စစ်ဘေးတိမ်းရှောင်ကြပြီဟု သိရသည်။ “စစ်ဘေးရှောင်တာက အခု တော်တော်များများ ၆၀ ရာခိုင်နုန်းလောက်ကတော့ ပစ္စည်းဥစ္စာ‌တွေ အကုန်လုံး သယ်သွားကြပြီ။ တချို့က ရွာဘက်မှာပဲ တချို့က ကလေးမြို့ဘက်မှာပဲ၊ တချို့ဆိုင်ကြီးတွေဆိုလို့ရှိရင် သူတို့ ပစ္စည်းတွေကို ကလေးမြို့ဘက် ပို့ကြပြီ။ ဒီတပါတ်ဆိုရင်တော့ အားလုံး နီးပါတော့ ပြေးကုန်မှာ သေချာလောက်ပြီ။ ခန့်မှန်းချက်အရပေါ့နော်” ဟု ဖလမ်းမြို့ဒေသခံ အမျိုးသားတစ်ဦးက ပြောသည်။ ဖလမ်းမြို့ဒေသခံများသည် နေ့စဉ်နှင့်အမျှ ‌ဘေးကင်းလုံခြုံရာသို့ ကား၊ ဆိုင်ကယ်များဖြင့် ထွက်ပြေးနေကြရာ လက်ရှိ ဖလမ်းမြို့ပေါ်တွင် ဒေသခံ အနည်းစုသာ ကျန်ရှိနေပြီး ဈေးဆိုင်အများစုမှာလည်း ဖွင့်လှစ်ထားခြင်းမရှိတော့ကြောင်း သိရသည်။ “မြို့ပေါ်မှာ အနည်းစုလောက်ပဲ၊ အခုက ဖုန်းဆိုင်တို့၊ အီလက်ထရောနစ်ဆိုင်တို့ ဆိုင်ကြီးတွေ ဆိုလို့ရှိရင်လဲ ဝယ်ဖို့တောင် မရှိတော့ဘူးဖြစ်နေတယ်။ ထမင်းဆိုင်တွေတောင်မှ သူတို့ကလေးမြို့ကို ဆင်းနေကြပြီ။ အရေးကြီးတဲ့ပစ္စည်းတွေဆိုရင်တော့ သူတို့သယ်ကုန်ကြပြီ။ မြို့ပေါ်မှာ တော့ အနည်းစုပဲကျန်နေသေးတယ်” ဟု ဒေသခံအမျိုးသားတစ်ဦးက ပြောသည်။ ပြီးခဲ့သည့် သောကြာနေ့က အခြခံကျောင်းများတွင် ကျောင်းတွင်းစစ် စာမေးပွဲဖြေဆိုခြင်း ပြီးဆုံးသွားပြီဖြစ်သောကြောင့် ကျောင်းသူ၊ ကျောင်းသားများသည် ရွာဘက်သို့ ပြန်ကုန်ကြပြီဖြစ်သလို…

(006SV) ချင်းတော်လှန်ရေးအင်အားစုများ ထိန်းချုပ်ထားသည့် မတူပီမြို့တွင် အုပ်ချုပ်ရေးလုပ်ငန်းများ ဆောင်ရွက်နိုင်ရန် မတူပီမြို့နယ် ပြည်သူ့အုပ်ချုပ်ရေးအဖွဲ့ကို ပြန်လည်ဖွဲ့စည်းကြောင်း CDF – မတူပီ၊ တပ်မဟာ -၁၊ ပြည်သူ့အုပ်ချုပ်ရေးအဖွဲ့ထံမှ သိရသည်။ “ပြည်သူလူထုတွက် အဓိက လိုအပ်ချက်ဖြစ်တဲ့ အခြေခံစားသောက်ကုန်များ၊ မြို့တွင်းရေ ရရှိနိုင်ရေးတို့တွက် ဆက်လက်လုပ်ဆောင်နေဆဲပါ။ မကြာခင် စစ်ရှောင်တွေ ဝင်ရောက်နေထိုင်နိုင်အောင် လုပ်ဆောင်နေဆဲပါ။ စစ်ဘေးရှောင်တွေ ပြန်လည်နေထိုင်ဖို့က စာနဲ့ ထုတ်ပြန်သွားမှာပါ။ အမြန်ဆုံး နေထိုင်နိုင်အောင် ကြိုးစားနေပါတယ်” ဟု မတူပီမြို့ ပြည်သူ့အုပ်ချုပ်ရေးအဖွဲ့၊ ပြောရေးဆိုခွင့်ရှိသူက ပြောသည်။ လူထုအတွက် လိုအပ်သော အုပ်ချုပ်ရေးဆိုင်ရာ လုပ်ငန်းများ ဆက်လက်အကောင်အထည်ဖော်ဆောင်ရန် ဇူလိုင်လ ၂၀ ရက်က မတူပီမြို့နယ် ပြည်သူ့အုပ်ချုပ်ရေးအဖွဲ့ကို ပြန်လည်ဖွဲ့စည်းခဲ့ခြင်းဖြစ်ကြောင်း သိရသည်။ CDF- မတူပီ၊ တပ်မဟာ – ၁ ထိန်းချုပ်နယ်မြေဖြစ်သည့် မတူပီမြို့အပါအဝင် တိုက်နယ် (၄) ခုတွင် အုပ်ချုပ်ရေးလုပ်ငန်းများကို ဖော်ဆောင်သွားမည်ဖြစ်ကြောင်း သိရသည်။ မတူပီမြို့နယ်ပြည်သူ့အုပ်ချုပ်ရေးအဖွဲ့တွင် CDF – မတူပီ၊ တပ်မဟာ- ၁ မှ တာဝန်ရှိသူများ၊ တိုက်နယ် ၄ ခုမှ တာဝန်ရှိသူများနှင့် အရပ်ဖက်အဖွဲ့အစည်းမှ တာဝန်ရှိသူများစုစုပေါင်း ၄၀ ကျော်ဖြင့် ဖွဲ့စည်းထားကြောင်းသိရသည်။ မတူပီမြို့ကို ချင်းညီနောင် စစ်ဆင်ရေးအဖြစ် ချင်းညီနောင်နှင့် မဟာမိတ်ပူးပေါင်းတပ်များက သိမ်းပိုက်ပြီး ရက်ပေါင်း ၂၀ ကျော်တွင် မြို့နယ်ပအဖအဖွဲ့ကို ပြန်လည်ဖွဲ့စည်းခဲ့ခြင်းဖြစ်သည်။ CDF- မတူပီ၊ တပ်မဟာ – ၁ ၊ မတူပီမြို့နယ်ပြည်သူ့အုပ်ချုပ်ရေးအဖွဲ့သည် ချင်းညီနောင်နှင့်…

(005MK) မီဇိုရမ်ပြည်နယ် ခရိုင် ၅ ခုထဲတွင် မြန်မာနိုင်ငံက စစ်ဘေးရှောင် ၁၅၀၀ ခန့် ယခုရက်ပိုင်းအတွင်း ထပ်မံဝင်ရောက်လာပြီးနောက် လက်ရှိ မီဇိုရမ်ပြည်နယ်တွင် မြန်မာစစ်ဘေးရှောင် ၃၅၀၀၀ ကျော်ရှိသွားပြီဟု သိရသည်။ ယခုရက်ပိုင်း မီဇိုရမ်ပြည်နယ်ထဲ ဝင်ရောက်လာသည့် မြန်မာစစ်ဘေးရှောင်များသည် ကျန်ဖိုင်းခရိုင်ထဲတွင် အများဆုံးဖြစ်ပြီး လူဦးရေ ၁၂၉၃ ဦးရှိသည်ဟု သိရသည်။ ကျန်ဖိုင်းခရိုင်တောင်ဖက် East Tuipui ကျေးရွာတာဝန်ရှိသူများ၏ ပြောဆိုချက်အရ စစ်ဘေးရှောင်များသည် တခါတည်း အလုံးအရင်းဖြင့်ဝင်ရောက်လာခြင်းမျိုးမဟုတ်ဘဲ နည်းနည်းချင်းစီ ဝင်ရောက်လာနေသည်ဟုသိရကြောင်း All India Radio News က ဖော်ပြသည်။ ကျန်ဖိုင်းခရိုင်အပြင် လောင်တလိုင်ခရိုင်ထဲတွင် လူဦးရေ ၁၀၈ ဦး၊ ရှာဟာခရိုင်ထဲတွင် လူဦးရေ ၇၇ ဦး၊ Serchhip ခရိုင်ထဲတွင် ၁၄ ဦးနှင့် အိုင်ဇောလ်ခရိုင်ထဲတွင် တစ်ဦးဝင်ရောက်လာကြသည်ဟု ဖော်ပြသည်။ ယခုရက်ပိုင်းအတွင်း ချင်းပြည်နယ်ဘက်တွင် ချင်းကာကွယ်ရေးတပ်ဖွဲ့နှင့် စစ်ကောင်စီတပ်ဖွဲ့တို့အကြား တိုက်ပွဲများ ပြန်လည်ပြင်းထန်လာသောကြောင့် စစ်ဘေးရှောင်များ ပြန်လည်တိုးလာခြင်းဖြစ်နိုင်သည်ဟု ဆိုသည်။ လက်ရှိ မီဇိုရမ်ပြည်နယ်တွင် မြန်မာနိုင်ငံက စစ်ဘေးရှောင်ပြည်သူလူဦးရေ ၃၅၁၂၅ ရှိနေပြီး ၁၇၀၀၄ ဦးတို့မှာ စစ်ဘေးရှောင်စခန်း ၁၃၃ ခုတွင် နေထိုင်ကြပြီး ကျန်လူဦးရေ ၁၈၁၂၁ တို့မှာ ရပ်ကွက်၊ ကျေးရွာထဲ အိမ်ငှါး (သို့မဟုတ်) ဆွေမျိုး၊ အသိမိတ်ဆွေများထံ နေထိုင်ကြရသည်ဟု သိရသည်။ တချိန်းတည်းမှာပဲ ဘဂ်လားဒေရှ့်နိုင်ငံ စစ်တကောင်းတောင်တန်းဒေသမှ ထွက်ပြေးတိမ်းရှောင်လာကြသော ချင်းမျိုးနွယ်စုများမှာ လူဦးရေ ၂၀၀၀ ကျော်ရှိပြီး လောင်တလိုင်ခရိုင်ထဲတွင်…

(005MK) မီဇိုရမ်ပြည်နယ် Hnahthial ခရိုင် Cherhlun ကျေးရွာ စစ်ဘေးရှောင်စခန်းတွင်နေထိုင်ကြသော မြန်မာစစ်ဘေးရှောင်များအတွက် ဗဟိုမီဇိုးလူငယ်အသင်း (CYMA) က စားနပ်ရိက္ခာများ ထောက်ပံ့ခဲ့သည်ဟု သိရသည်။ Cherhlun ကျေးရွာ စစ်ဘေးရှောင်စခန်းတွင် နေထိုင်ကြသော စစ်ဘေးရှောင်များ စားနပ်ရိက္ခာအကူအညီလိုအပ်နေကြောင်း Network for Unity Association (N.U.A) က CYMA အဖွဲ့ထံသို့ အရေးဆိုတင်ပြခဲ့ပြီးနောက် ယနေ့ ဇူလိုင် ၂၉ ရက်တွင် ရူပီးတစ်သိန်းထောက်ပံ့ကာ Cherhlun YMA အဖွဲ့က လိုအပ်သော စားနပ်ရိက္ခာများ ဝယ်ယူထောက်ပံ့ပေးခဲ့သည်ဟု သိရသည်။ ပထမသုတ်အနေဖြင့် ရူပီး ငါးသောင်းခန့်တန်ဖိုးရှိသော ဆန်၊ ပဲ၊ ဆီနှင့် ကြက်ဥများကို ပေးအပ်ခဲ့ကြပြီး ဒုတိယသုတ်ကိုလည်း မကြာခင်ရက်ပိုင်းအတွင်း ဆက်လက်ပေးအပ်သွားမည်ဟု သိရသည်။ Cherhlun ကျေးရွာက စစ်ဘေးရှာင်စခန်းတွင် အိမ်ထောင်စု ၁၃ စု လူဦးရေ ၅၀ ကျော်နေထိုင်ကြပြီး၊ ရွာထဲအိမ်ငှါး၍ နေထိုင်သူများမှာ အိမ်ထောင်စု ၈ စုခန့်ရှိသည်ဟု သိရသည်။ ၎င်းတို့သည် ချင်းပြည်နယ် ထန်တလန်မြို့နယ် Lungler နှင့် Tlangpui ကျေးရွာကဖြစ်ကြသည်ဟု သိရသည်။ Cherhlun ကျေးရွာက မြန်မာစစ်ဘေးရှောင်များသည် ငါးဖမ်းခြင်း၊ ကြုံရာကျပန်းအလုပ်များ လုပ်ကိုင်ကာ နေ့စဉ်စားဝတ်နေရေး ဖြေရှင်းနေကြရပြီး အကူအညီများ လိုအပ်လျှက်ရှိကြသည်။ စစ်ဘေးရှောင်များထဲတွင် CDM ရဲတပ်သားများလည်း ပါဝင်သည်ဟုသိရသည်။

– တောတောင်ထဲ ၁ လခန့် ထွက်ပြေးနေစဉ် လသားကလေးငယ်နှင့် သက်ကြီးရွယ်အိုအပါအဝင် ၅၀ ကျော် သေဆုံး (006SV) ချင်းပြည်နယ်၊ မတူပီမြို့သိမ်းတိုက်ပွဲအတွင်း တောတောင်များထဲ ထွက်ပြေးနေသည့် စစ်ကောင်စီ ဗျူဟာမှူးများအပါအဝင် အရာရှိ ၁၀ ဦးကျော်အပြင် စစ်ကောင်စီတပ်ဖွဲ့ဝင် ၁၀၀ ကျော်ကို စစ်သုံ့ပန်းအဖြစ် ဖမ်းဆီးရမိခဲ့ကြောင်း သတင်းရရှိသည်။ မတူပီမြို့ရှိ ခမရ – ၃၀၄၊ ခလရ – ၁၄၀ နှင့် မတူပီအခြေချ စစ်ဗျူဟာတို့ကို ချင်းညီနောင်နှင့် မဟာမိတ်တပ်ဖွဲ့ များက ထိုးစစ်ဆင်တိုက်ခိုက်ရာ ဇွန်လ ၂၉ ရက်က အပြီးသတ်သိမ်းပိုက်ချိန်တွင် စစ်ကောင်စီတပ်ဖွဲ့ဝင်နှင့် မိသားစုဝင်များ၊ Non- CDM များ ရာချီသည် တောတောင်ထဲသို့ ထွက်ပြေးသွားခဲ့ကြသည်။ ထိုကဲ့သို့ တောတောင်ထဲထွက်ပြေးသွားကြသော စစ်ကောင်စီတပ်သားနှင့် တပ်မိသားစုဝင်၊ Non-CDM များအပါအဝင် စုစုပေါင်း အယောက် ၂၀၀ ကျော်ကို ဇူလိုင်လ တတိယပတ်နှင့် နောက်ဆုံးပတ်တွင် အသုတ်လိုက်ဖြင့် ပြန်လည်ဖမ်းဆီးရမိခဲ့ခြင်းဖြစ်သည်။ “ကျနော်တို့ ဒီ ၂၀၀ ကျော် ဆိုတာက အားလုံးကို ခြုံပြီးပြောတာပါ။ စစ်သားတွေလည်း ပါဝင်သလို၊ သူတို့ မိသားစုဝင်တွေလည်း ပါပါတယ်။ လက်နက်ကိုင်သီးသန့်ကိုပဲ ဖမ်းမိတာက အဲဒီ ၂၀၀ ကျော်ထဲက တစ်ဝက်လောက်ပဲပေါ့နော်။ ကျန်တစ်ဝက်က စစ်သားတွေရဲ့ မိသားစုဝင်တွေ၊ ပြီးတော့ Non – CDM တွေက ဒီတိုက်ပွဲဖြစ်တာနဲ့ ဒီစစ်ခွေး (စစ်ကောင်စီ) ထံကို သွားရောက်ခိုလှုံကြသူတွေ ဖြစ်ပါတယ်” ဟု…

(004SS) ချင်းပြည်နယ် ဟွာလ်းငိုးရမ်းဒေသအတွင်းရှိ လုံခြုံရေးစစ်ဆေးရေးဂိတ်များတွင် ည ၉:၀၀ နာရီမှ နံနက် ၆:၀၀ နာရီအချိန်အတွင်း ဖြတ်သန်းသွားလာခွင့်မပြုကြောင်း CDF-Hualngoram က ဇူလိုင်လ ၂၈ ရက်တွင် သတင်းထုတ်ပြန်သည်။ “အဓိက လုံခြုံရေးဂိတ်တွေမှာကျတော့ လာချင်တဲ့ချိန်လာ၊ သွားချင်တဲ့ချိန်သွားတဲ့အခါကျ‌တော့၊ လောလောဆယ်မှာ ကျွန်တော်တို့ဘက်က လုံခြုံရေးအရ တင်းကြပ်ထားတာတွေရှိတယ်၊ ပြီးရင် မူးယစ်ဆေးဝါးကိစ္စတွေကအစ၊ ခုချိန်မှာ ပြောပြလို့မရတဲ့ အခြေအနေလေးတွေရှိလို့၊ ညနက်အချိန်မှာလဲ မူးရူးပြီးတော့ ပြသာနာရှာတဲ့သူတွေလဲရှိတယ်။ အဓိကကတော့ ကျွန်တော်တို့ ဂိတ်တွေကို လေးစားမှုရှိစေချင်တဲ့သဘောပါ။ အဲဒါတွေ ကြောင့် ကျွန်တော်တို့ ညမှာ ဖြတ်သန်းခွင့် ပိတ်လိုက်ရခြင်းဖြစ်ပါတယ်” ဟု Hualngoram People Organization- HPO မှ တွဲဘက် အတွင်းရေးမှူး – ၁ လာလ်ဗဲင်ပွီးအားက ပြောသည်။ ထိုကဲ့သို့ ညအချိန် ဖြတ်သန်းခွင့်ကို ပိတ်ပင်ထားသော်လည်း အရေးပေါ်ကိစ္စရပ်များရှိပါက သက်ဆိုင်ရာ စစ်ဆေးရေးဂိတ် တာဝန်ရှိသူများထံ သတင်းပို့ခွင့်တောင်းပြီးမှ ဖြတ်သန်းသွားလာခွင့်ရှိ‌ကြောင်း ၎င်းက ဆက်လက်ပြောသည်။ ဟွာလ်းငိုးရမ်းဒေသအတွင်း ပြေးဆွဲသွားလာနေသော ယာဉ်မောင်းများအနေဖြင့်လည်း လုံခြုံရေးစစ်ဆေးရေး ဂိတ်များဖြတ်သန်းမည့်အချိန်တွင် မိမိတို့ကားများအား လုံး၀ (လုံးဝ) မိုးကာ အုပ်မိုးခြင်းမပြုကြရန် ထုတ်ပြန်ထားသည်။ အလားတူ ခရီးသည်တင်ကားများအနေဖြင့်လည်း စစ်ဆေးရေးဂိတ်များတွင် မိမိတို့ ခရီးသည်များ၏ ကိုယ်ရေး အချက် အလက်များ၊ မှတ်ပုံတင်နံပါတ်များအား သေချာစီစစ်သတင်းပို့ရန်နှင့် ခရီးသွားမိဘပြည်သူများအနေဖြင့် လုံခြုံရေးအရ ရှောင်တခင်စစ်ဆေးမှုပြုလုပ်ရန် လိုအပ်လာပါက ကြည်ဖြူစွာ စစ်ဆေးမှုခံယူကြရန်လည်း ထုတ်ပြန်ချက်တွင် ပါရှိသည်။ ထို့အပြင် ဟွာလ်းငိုးရမ်းဒေသအတွင်း ကြိုတင်သတင်းပို့ခြင်း၊ ခွင့်ပြုချက်မရှိပဲ…