(002MG) စစ်ကိုင်းတိုင်း တမူးခရိုင် ခမ်းပတ်မြို့နှင့် စော်ဘွားရေရှင်ကျေးရွာကို စစ်ကောင်စီက ယနေ့မနက်ပိုင်းတွင် တိုက်လေယာဉ်ဖြင့် ဗုံးကြဲတိုက်ခိုက်မှုကြောင့် အမျိုးသမီး ၂ ဦးအပါအဝင် ဒေသခံ ၃ ဦး သေဆုံးခဲ့သည်ဟု သိရသည်။ ကလေး-တမူး ကားလမ်းမပေါ်တွင်တည်ရှိပြီး ပြည်သူ့ကာကွယ်ရေးတပ်ဖွဲ့များက သိမ်းပိုက်ထိန်းချုပ်ထားသော ခမ်းပတ်မြို့နှင့် စော်ဘွားရေရှင်ကျေးရွာကို စစ်ကောင်စီတပ်က ယနေ့မနက်ပိုင်း ၂ နာရီခန့် အိပ်မောကျချိန်တွင် တိုက်လေယာဉ်ဖြင့် ဗုံးကြဲခဲ့ခြင်းဖြစ်သည်။ “ခမ်းပတ် အမှတ် (၁) မှာ ပြည်သူ (၂) ဦးသေတယ်၊ ဒဏ်ရာရတဲ့သူတွေလည်းရှိတယ် တယောက်က စိုးရိမ်ရတယ်၊ တယောက်ကျတော့ ပေါင်ကျိုးသွားတယ် အပြင်းအထန်ဒဏ်ရာရတယ် အသက်အန္တရာယ်တော့ မစိုး ရိမ်ရဘူး၊ စော်ဘွားဖက်မှာက ပြည်သူတယောက်သေတယ်၊ လေးယောက်စိုးရိမ်ရတယ်၊ သုံးယောက်ကတော့ မစိုးရိမ်ရ ဒဏ်ရာရထားတယ်” ဟု ဒေသခံသတင်းရင်းမြစ်တစ်ဦးက ပြောသည်။ စစ်ကောင်စီ၏ လေကြောင်းတိုက်ခိုက်မှုကြောင့် သေဆုံးသွားသူများမှာ ခမ်းပတ်မြို့က အသက် (၁၇) နှစ်အရွယ်အမျိုး သမီးတစ်ဦး၊ အသက် (၂၀) နှစ်အရွယ် အမျိုးသားတစ်ဦးတို့ဖြစ်ပြီး အသက် (၅၀) ဝန်းကျင်အမျိုးသမီးတစ်ဦး၊ အသက် (၄၀) ဝန်းကျင်အမျိုးသား၂ ဦးတို့ စိုးရိမ်ရဒဏ်ရာရရှိခဲ့ကြသည်ဟု သိရသည်။ စော်ဘွားရေရှင်ကျေးရွာတွင်လည်း အသက် (၄၆) နှစ်အရွယ် အမျိုးသမီးတစ်ဦးသေဆုံးကာ စိုးရိမ်ရသည့် ထိခိုက်ဒဏ်ရာရရှိသူ ၄ ဦးနှင့် မစိုးရိမ်ရသည့် ထိခိုက်ဒဏ်ရာရရှိသူ (၃) ဦးရှိသည်ဟု သိရသည်။စစ်ကောင်စီတပ်ဖွဲ့သည် ခမ်းပတ်မြို့အမှတ်(၁) ရပ်ကွက်ထဲကို ပေါင် ၅၀၀ ဗုံးအပါအဝင် တိုက်လေယာဉ်ဖြင့် အနည်းဆုံး ဗုံး ၃ ကြိမ်…
Author: Editor
(004SS) ချင်းပြည်နယ်ရှိ ဒေသဆိုင်ရာ လက်နက်ကိုင်အဖွဲ့အစည်းများအကြား စည်းလုံးညီညွှတ်မှု မထိခိုက်စေရန် နယ်မြေခံ ကာ ကွယ်ရေးအဖွဲ့၏ အကူအညီတောင်းခံခြင်း၊ သဘောထားတူညီမှု တစ်စုံတစ်ရာမရှိဘဲ နယ်မြေဖြတ်ကျော် စစ်ရေးဖော် ဆောင်မှုများမပြုရန် စီးယင်းရေးရာဗဟိုကော်မတီ CCSA က ဧပြီလ ၂၁ ရက်နေ့က သဘောထားထုတ်ပြန်သည်။ ချင်းကာကွယ်ရေးတပ်ဖွဲ့တစ်ခုဖြစ်သည့် ZFU/PDF-Zoland ထိန်းချုပ်နယ်မြေ တီးတိန်မြို့ပေါ်တွင် ချင်းအမျိုးသားတပ်ဦီး CNF က တိုက်ပွဲဖော်ဆောင်ရန်ပြင်ဆင်နေမှုကို PDF-Zoland က ကန့်ကွက်ကြောင်း CNF ထံပေးပို့သည့်ပေးစာ တစ်စောင် ဧပြီလ ၁၇ ရက်ကအွန်လိုင်းပေါ်ထွက်လာသည့်နောက်ပိုင်းတွင် စီးယင်းရေးရာဗဟိုကော်မတီကလည်း ယခုကဲ့သို့ ထုတ်ပြန်လာခြင်းဖြစ်သည်။ ချင်းပြည်နယ်တွင် မြို့နယ်ဒေသတစ်ခု၏ စစ်ရေးအကူအညီတောင်းဆိုခြင်းမရှိဘဲ အခြားဒေသမှ လက်နက်ကိုင်အဖွဲ့က ဝင်ရောက်ကာ နယ်မြေဖြတ်ကျော်စစ်ရေးဖော်ဆောင်မှုသည် နွေဦးတော်လှန်ရေးနှင့် ချင်းတမျိုးသားလုံးစည်းလုံးညီညွတ် ရေးအတွက် ကောင်းကျိုးထက်ဆိုးကျိုးများစေမည်ဟုသုံးသပ်သည့်အတွက် နယ်မြေဖြတ်ကျော်စစ်ဆင်ရေးဖော်ဆောင်မှုအား မပြုလုပ်အပ်ကြောင်း CCSA ၏ ထုတ်ပြန်ချက်တွင်ဖော်ပြထားသည်။ စီးယင်းရေးရာဗဟိုကော်မတီ CCSA တွဲဖက်အတွင်းရေးမှူးက “အဓိကပြောချင်တာတော့ တီးတိန်ကိစ္စပေါ့နော်၊ တာဝန်ခံ ထားတာက PDF-Zoland ပေါ့၊ သူတို့ရဲ့ ခွင့်ပြုချက်မပါဘဲနဲ့ ကျွန်တော်တို့ Chinland Council ကနေ သွားတိုက်မယ်၊ သိမ်းမယ်ပြောတဲ့အခါကျတော့ နယ်မြေခံတွေက သဘောမတူဘဲနဲ့ ဇွတ်လုပ်တယ်ဆိုရင် ကျွန်တော်တို့ တော်လှန်ရေး သမားအချင်းချင်း ပြဿနာတက်သွားနိုင်တယ်။ ကျွန်တော်တို့က ချင်းတစ်မျိုးသားလုံး စည်းလုံးဖို့ အဓိက ဦးတည်တား တဲ့အတွက် အဲဒါကိုမလိုလားဘူးပေါ့နော်၊ ပြီးရင် ညှိညှိနှိုင်းနှိုင်းဆွေးနွေးပြီးမှ အတူတကွ ပူးပေါင်းတိုက်ခိုက်မယ်ဆိုရင်တော့ ကျွန်တော်တို့ သဘောတူတယ်။ အခုက အဲပေါ်မှာ အကုန်လုံးညှိနှိုင်းမှု မရှိသေးဘဲနဲ့ တဇွတ်ထိုးတိုက်ထုတ်မယ်ဆိုတာတော့…
NLD အစိုးရလက်ထက် ဒုသမ္မတ ဦးဟင်နရီဗန်ထီးယူကို ကျန်းမာရေးအရ တာဝန်မှ အနားယူခွင့်ပြုလိုက်သည်ဟု စစ်ကောင်စီက ယနေ့ထုတ်ပြန်ကြေညာသည်။ နိုင်ငံတော်စီမံအုပ်ချုပ်ရေးကောင်စီသည် ဖွဲ့စည်းပုံအခြေခံဥပဒေပုဒ်မ ၄၁၉ အရ ဒုတိယသမ္မတ ဦးဟင်နရီဗန်ထီးယူကို ကျန်းမာရေးအရ တာဝန်မှအနားယူခွင့်ပြုလိုက်သည်ဟု ယနေ့ ဧပြီလ ၂၂ ရက်ညတွင် စစ်ကောင်စီက ကြေညာခဲ့ခြင်းဖြစ်သည်။ ဦးဟင်နရီဗန်ထီးယူသည် ၂၀၁၅ ခုနှစ်ရွေးကောက်ပွဲတွင် ချင်းပြည်နယ်ထန်တလန်မြို့နယ်မှာ ရွေးကောက်ခံရပြီးနောက် နိုင်ငံတော် ဒုတိယသမ္မတအဖြစ် ခန့်အပ်ခံခဲ့ရသူဖြစ်သည်။ ၂၀၂၁ ခုနှစ် စစ်တပ်က နိုင်ငံတော်သိမ်းယူခဲ့သည့်နောက်တွင် ဦးဟင်နရီဗန်ထီးယူသည် စစ်ကောင်စီက နေအိမ်အကျယ်ချုပ်သဘောဖြင့်ထိန်းသိမ်းထားပြီး စစ်အာဏာသိမ်းမှုအရေပေါ်ကာလသက်တမ်းတိုးသည့် ကာလုံအစည်း အဝေးတွင် ၂ ကြိမ်တိုင်တိုင် တက်ရောက်ခဲ့သည်။
(002MG) ချင်းပြည်နယ် ဟားခါးမြို့၊ မြို့သစ်ရပ်ကွက်အတွင်းရှိ ဈေးဆိုင်ခန်းများအားလုံး ဖွင့်လှစ်ခြင်းမရှိရန်နှင့် ဘုရားကျောင်း များတွင် လူ ၅ ဦးနှင့်အထက်ပိုမစုရအမိန့်ကို ယနေ့ဧပြီလ ၂၂ ရက်နေ့တွင် စစ်ကောင်စီကထုတ်ပြန်ထားသည်ဟု သိရသည်။ ချင်းပြည်နယ် ဟားခါးမြို့၊ မြို့သစ်ရပ်ကွက်အတွင်းရှိ ဈေးဆိုင်ခန်းများအားလုံးကို စစ်ကောင်စီက ပိတ်ခိုင်းထားပြီး ဘုရားကျောင်းထဲမှာလည်း လူ ၅ ဦးနှင့်အထက်ပိုမစုရ အမိန့်ကို ယနေ့ ဧပြီလ ၂၂ ရက်နေ့တွင် ထုတ်ပြန်ထားသည်ဟု သိရသည်။ ပြီးခဲ့သည့် ဧပြီလ ၁၂ ရက်နေ့က စစ်ကောင်စီလက်အောက်ခံ ဝန်ကြီးများ၏ VIP ယာဉ်တန်းကို CDF တပ်ဖွဲ့ဝင်များက ရပ်ကွက်အတွင်းရှိနေအိမ်များ၊ ဆိုင်ခန်းများနှင့် ဘုရားကျောင်းများအား အကာအကွယ်ယူ ပစ်ခတ်တိုက်ခိုက်ခြင်း ကြောင့် ဟုဆိုကာ ထိုကဲ့သို့အမိန့်ထုတ်ပြန်လိုက်ခြင်းဖြစ်သည်။ ဟားခါးမြို့ခံတဦးဆရာတော်တပါးက ”ဒီနေ့မနက်မှာ လော်စပီကာနဲ့အော်တယ်၊မြို့သစ်တခုပဲမဟုတ်ဘူး၊ ဈေးသစ်ထဲက နေအိမ်တချို့လည်းပါတယ်။ (၂) လပိတ်ခိုင်းတယ်၊ မပိတ်ရင်ဆိုင်တွေရော အိမ်တွေရော ချိတ်ပိတ် မယ်လို့ပြောတယ်။ လူကတော့ သွားလာလို့ရပါတယ်” ဟုပြောသည်။ ယခုကဲ့သို့ ဈေးဆိုင်ခန်းများပိတ်ခိုင်းသည့်အပြင် ဘုရားကျောင်းအတွင်း လူ ၅ ဦးနှင့်အထက်ပိုမစုရဟု အမိန့်ထုတ်ပြန် ခြင်းကြောင့် ဝတ်ပြုကိုယ်းကွယ်မှုမှာ အဟန့်အတားဖြစ်လာစေနိုင်သည်ဟု ၎င်းကဆက်ပြောသည်။ “ဝတ်ပြုရေး ဘယ်လိုလာမလဲ မသိရသေးဘူး စိတ်ထဲမှာ စိုးရိမ်နေရတယ်၊ အခုလိုလုပ်ရခြင်းက ဟိုဖက်ကလက်နက် ကိုင်အဖွဲ့တွေ စိတ်ကိုစွသလိုဖြစ်သွားနိုင်တယ် အဲ့ဒါကြောင့် စိတ်ထိတ်လန့်လန့်နဲ့နေနေရပါတယ်” ဟု ဟားခါးမြို့ခံ ဆရာတော်တစ်ပါးကပြောသည်။ စစ်ကောင်စီ၏ အဆိုပါအမိန့်ထုတ်ပြန်ချက်သည် လာမည့်ဇွန်လ ၂၀ နေ့အထိ နောက်ထပ်တစ်စုံတစ်ရာ မထုတ်ပြန် မချင်း အတည်ဖြစ်သည်ဟု သိရသည်။…
စစ်ကောင်စီတပ်ဖွဲ့၏ ထိုးစစ်ဆင်တိုက်ခိုက်မှုကြောင့် တောထဲသို့အိုးအိမ်စွန့်ခွါထွက်ပြေးနေသော ကလေးမြို့နယ်က စစ်ဘေးရှောင် အမျိုးသမီးတစ်ဦးသည် စစ်ကောင်စီ၏လက်နက်ကြီးကြောင့် ယနေ့မနက်ပိုင်းကသေဆုံးခဲ့သည်ဟု သိရသည်။ ကလေးမြို့မြောက်ပိုင်းဒေသကို စစ်ကြောင်းထိုးဝင်ရောက်နေသော စစ်ကောင်စီတပ်ဖွဲ့သည် ဧပြီလ ၁၉ ရက်နေ့က ယောက်ချိုကွင်းကျေးရွာထဲဝင်ရောက် မီးရှို့မှုကြောင့်နေအိမ်အမြောက်အများမီးလောင်ခဲ့ရပြီး ဒေသခံပြည်သူများသည် တောထဲသို့ ထွက်ပြေးတိမ်းရှောင်ခဲ့ကြသည်။ ထိုကဲ့သို့ တောထဲသို့ထွက်ပြေးတိမ်းရှောင်နေစဉ် ယောက်ချိုကွင်းကျေးရွာက အသက် ၆၇ နှစ်အရွယ် Pi Awi Khan Cing ခေါ် Pi Neu သည် ယနေ့မနက်ပိုင်းက စစ်ကောင်စီတပ်ဖွဲ့၏ လက်နက်ကြီးကျည်ထိမှန်မှုကြောင့် သေဆုံးသွားခဲ့သည်ဟု ဒေသခံများထံမှသိရသည်။ Pi Neu ၏ ရုပ်အလောင်းကို တောထဲတွင် အကျဉ်းရုံးဖြင့်သဂြိုလ်ခဲ့ကြပြီး အခြေအနေတည်ငြိမ်းမှုရှိလာပြီးနောက်တွင် ခရစ်ယာန်ထုံးတမ်းစဉ်လာအရ ဈာပန အခမ်းအနားဖြင့် ပြန်လုပ်မည်ဟု သိရသည်။ ယခုလက်ရှိတွင် ကလေးမြို့မြောက်ပိုင်းတကျော ကလေး-လက်ပံချောင်းကားလမ်းမပေါ်နှင့်အနီးပတ်ဝန်းကျင်ကျေးရွာများကို စစ်ကောင်စီတပ်ဖွဲ့က ဝင်ရောက်ထိုးစစ်ဆင်နေပြီး ပြည်သူ့ကာကွယ်ရေးပူးပေါင်းတပ်ဖွဲ့များနှင့် နေ့စဉ်တိုက်ပွဲ ဖြစ်ပွားနေကာ ဒေသခံအမြောက်အများ တောတောင်တွေထဲစစ်ဘေးရှောင်နေကြရသည်။ ယနေ့မနက်ပိုင်း ၁၁ နာရီဝန်းကျင်ခန့်ကလည်း ပြည်တော်သာကျေးရွာသားတစ်ဦးသည် ရွာထဲသို့ ပစ္စည်းများသွားယူနေစဉ် လက်နက်ကြီးကျည်ထိမှန်မှုကြောင့် ဒဏ်ရာရရှိခဲ့သည်ဟု သိရသည်။ စစ်ကောင်စီတပ်ဖွဲ့သည် ကလေးမြို့နှင့် ချင်းပြည်နယ်အစပ် မိုင်နွဲကျေးရွာကိုလည်း ယနေ့မနက်ပိုင်းက ဝင်ရောက်မီးရှို့ သွားပြီး ဖြစ်စဉ်အသေးစိတ်အခြေအနေကို မသိရသေးပေ။
(005MK) အမေရိကန်ပြည်ထောင်စုအခြေစိုက် Chin Baptist Association North America (CBANA) မှ တာဝန်ရှိ သူ များသည် မီဇိုရမ်ပြည်နယ် ပညာရေးဝန်ကြီး Dr. Vanlalhlana ကို သူ၏ ရုံးခန်းတွင် ယနေ့ဧပြီလ ၂၀ ရက်၌ သွားရောက်တွေ့ဆုံကာ မီဇိုရမ်အစိုးရအနေဖြင့် မြန်မာနိုင်ငံကစစ်ဘေးရှောင်ပြည်သူများအား ကူညီစောင့်ရှောက်မှုအပေါ် ကျေးဇူးတင်သည့်အနေဖြင့် ရူပီးငွေ ၈ သိန်း ၅ သောင်းပေးအပ်ခဲ့သည်ဟု သိရသည်။ မြန်မာ့နိုင်ငံရေးအခြေအနေကြောင့် မြန်မာနိုင်ငံက ချင်းလူမျိုးအမြောက်အများသည် မီဇိုရမ်ပြည်နယ်သို့ မိမိအသက်လုံခြုံ ရေးအတွက် လာရောက်ခိုလုံကြရပြီး ၊ ထိုကဲ့သို့ခိုလုံလာကြသည့်အချိန်တွင် နိုင်ငံ၏တည်ဆဲဥပဒေများအရ အထောက် အထားများလိုအပ်မည်ဖြစ်သော်လည်း မီဇိုရမ်ပြည်နယ်အစိုးရအနေဖြင့် မည်သည့်အထောက်အထားမျှ တောင်းဆို ခြင်း မရှိသည်သာမက နွေးထွေးစွာလက်ခံကြိုဆိုသည့်အပေါ် လှိုက်လှိုက်လှဲလှဲဝမ်းသာကြောင်း ဖော်ပြသည့်အနေဖြင့် ယင်းငွေကြေးများအားပေးအပ်ခြင်းဖြစ်သည်ဟု CBANA ခေါင်းဆောင်များကပြောသည်။ အဆိုပါငွေကြေးများကို မီဇိုရမ်ပြည်နယ်အစိုးရအနေဖြင့် လိုအပ်သည့်နေရာများတွင်အသုံးပြုရန် မီဇိုရမ်ပြည်နယ် ပညာရေးဝန်ကြီးထံ ပေးအပ်ခဲ့ကြခြင်းဖြစ်သည်။ မီဇိုရမ်ပြည်နယ် ပညာရေးဝန်ကြီး Dr.Vanlalhlana ကလည်း မိမိတို့သည် သွေးသားတော်စပ်ကြသည့် ညီအကိုများဖြစ် ကြသည့်အတွက် လူတွေကသတ်မှတ်ထားသော နယ်နိမိတ်မျဉ်းများက ပိုင်ခြားနိုင်မည်မဟုတ်ကြောင်း၊ ယခင်အစိုးရ လက်ထက်ကလည်း ညီရင်းအကိုလိုကောင်းမွန်သောဆက်ဆံမှုရှိခဲ့သည့်အတိုင်း မိမိတို့အစိုးရအနေဖြင့်လည်း ထိုကဲ့သို့ ဆက်လက်ဆောင်ရွက်သွားမည်ဖြစ်ကြောင်း ပြောဆိုခဲ့သည်။ ယခုလက်ရှိမီဇိုရမ်ပြည်နယ်တွင် မြန်မာစစ်ဘေးရှောင် ၃ သောင်းကျော်၊ ဘဂ်လားဒေရှ့်နိုင်ငံက စစ်ဘေးရှောင်တစ်ထောင် ကျော် နှင့် မဏိပူရ်ပြည်နယ်က စစ်ဘေးရှောင် တစ်သောင်းကျော် ခိုလုံလျှက်ရှိကြောင်း မီဇိုရမ်ပြည်နယ်အစိုးရ၏ မှတ် တမ်းအရသိရသည်။
(005MK) အိန္ဒိယ-မြန်မာ နှစ်နိုင်ငံ နယ်စပ်ဖြတ်ကျော် ဝင်/ထွက်သွားလာခွင့်ကို အာသံရိုင်ဖယ်တပ်ဖွဲ့က ဧပြီလ ၁၉ ရက်နေ့က စတင် ပိတ်ပင်လိုက်ပြီး မြန်မာဘက်ခြမ်းမှ အိန္ဒိယဘက်သို့ မည်သူမျှ ဝင်/ထွက်သွားလာ၍မရတော့ကြောင်း သိရသည်။ ယမန်နေ့ကစ၍ အိန္ဒိယ-မြန်မာအမှတ် ၂ နယ်စပ်ကုန်သွယ်ရေးစခန်းတည်ရှိရာ ရိ-ဇိုခေါထာရ် ချစ်ကြည်ရေးတံတားကို ပိတ်ပင်လိုက်သည့်အပြင် အခြားသော တရားမဝင်လမ်းကြောင်းမှတဆင့် မီဇိုရမ်ပြည်နယ်ဘက်သို့ ဝင်ရောက်နိုင်သော လမ်းကြောင်းအားလုံးကိုလည်း အာသံရိုင်ဖယ်တပ်ဖွဲ့က အစောင့်များချထားကာ ပိတ်ပင်ထားသည်ဟု သိရသည်။ မီဇိုရမ်ပြည်နယ် Serchhip မြို့မှ အာသံရိုင်ဖယ် (Assam Rifle) အရာရှိတစ်ဦး ဇိုခေါထာရ်သို့ ရောက်ရှိလာပြီးနောက် ထိုအမိန့်ကို ထုတ်ပြန်ခြင်းဖြစ်သည်ဟု ဇိုခေါထာရ်ကျေးရွာက မီဇိုးလူငယ်အသင်း (YMA) အတွင်းရေးမှူးကပြောသည်။ “အာသံရိုင်ဖယ် အရာရှိတစ်ဦးရောက်ရှိလာတယ် သူပြောတာက ဗဟိုအစိုးရထံကနေ အမိန့်ကျလာပြီး ခုလို နယ်စပ်ဖြတ်ကျော်သွားလာခွင့်ကိုပိတ်ပင်ရတာလို့ပြောပါတယ်၊ ဒီ ၁၀ ရက်အတွင်းမှာ လူအဝင်/အထွက်လုပ်လို့မရဘူး၊ နေ့စဉ်မဖြစ် မနေလိုအပ်တဲ့ အခြေခံစားသောက်ကုန်တွေကိုတော့ နားလည်မှုနဲ့ရဦးမယ်၊ အရင်တုန်းကလို ဟိုဘက်ဒီဘက် ကြိုက် သလိုဝင်လို့မရတော့ဘူး ကုန်ပစ္စည်းတွေသယ်လို့မရတော့ဘူး၊ နောက်ပိုင်းမှာဘယ်လိုဖြစ်လာမလဲတော့ ကျနော်တို့ လည်းမသိရဘူး၊ ပိုပြီးတင်းကြပ်လာမလားတော့ မပြောတတ်ဘူး” ဟု ၎င်းကပြောသည်။ ယခုလက်ရှိတွင် ချင်းပြည်နယ် ရိခေါဒါရ်မြို့မှ မီဇိုရမ်ပြည်နယ် ဇိုခေါထာရ်ကျေးရွာသို့ နေ့ချင်းပြန် ကျောင်းတက်နေကြ သော ကျောင်းသူ၊ ကျောင်းသားများနှင့် ကျန်းမာရေးဆိုင်ရာအရေးပေါ်အခြေအနေများကိုသာ ခြွင်းချက်အဖြစ် နယ်စပ် ဖြတ်ကျော်ခွင့်ပြုထားသည်ဟု သိရသည်။ ရိ-ဇိုခေါထာရ်ကုန်သွယ်ရေးသည် အိန္ဒိယ-မြန်မာ နှစ်နိုင်ငံနယ်စပ်ကုန်သွယ်ရေးတွင် အဓိကအရေးပါသောစခန်းဖြစ်ပြီး နေ့စဉ်နှင့်အမျှ မြန်မာ-အိန္ဒိယ ထွက်ကုန်ပစ္စည်းများ အပြန်အလှန်သယ်ယူပို့ဆောင်သည့်လမ်းကြောာင်းဖြစ်သည်။ ယခုကဲ့သို့ နယ်စပ်ချစ်ကြည်ရေးတံတားနှင့် အခြားဝင်ပေါက်များအားလုံး…
ရေး – Salai Vakok တောတောင်ထူထပ်၊ လမ်းပန်းဆက်သွယ်ရေးခက်ခဲတဲ့ဒေသကို ဖုန်းလိုင်းနဲ့ အင်တာနက်လိုင်းတွေ ၃ နှစ်ကျော် ဖြတ်တောက်ထားမှုက စစ်ပွဲတွေထဲ ရောက်နေတဲ့ ဒေသခံတွေနဲ့ စစ်ဘေးရှောင်တွေအတွက် ဘယ်လိုလူမှုဒုက္ခတွေနဲ့ ရင်ဆိုင်နေရသလဲဆိုတာ တွေးကြည်ဖူးပါသလား။ ၂၀၂၁ စစ်အာဏာသိမ်းပြီး စစ်ကောင်စီက ဖုန်းလိုင်းနဲ့ အင်တာနက်လိုင်းတွေကို ဖြတ်တောက်ထားမှုကြောင့် ချင်းပြည်နယ်က ပြည်သူလူထုတွေထဲ လူမှုစီးပွားဒုက္ခတွေ တစ်နေ့ထက်တစ်နေ့ ဆိုးဝါးလာနေသူတွေ ဒုနဲ့ဒေး ရှိလာနေပါတယ်။ ချင်းပြည်နယ်မြောက်ပိုင်း ဖလမ်းမြို့နယ်က ဒေသခံ ဆလိုင်းဝီလီယံ (အမည်လွှဲ) ဟာ အင်တာနက်လိုင်းမရရှိတဲ့ အခက်အခဲနဲ့ ရင်ဆိုင်နေရပါတယ်။ မြို့ပေါ်မှာသာ ဖုန်းလိုင်းနဲ့ အင်တာနက်ရနေပြီး 4G အဆင့်တက်နေပေမယ့် ဘာမှ ဖွင့်လို့မရကြပါဘူး။ တချို့က အင်တာနက်လိုင်း ရ, တစ်ရက်၊ မရ, နှစ်ရက် ပုံစံနဲ့မို့ လူမှုရေး၊ စီးပွားရေး၊ ဘာသာရေးစတဲ့ လုပ်ငန်းအသီးသီးမှာ အားလုံးခက်ခဲနေကြတယ်လို့ ဒေသခံတွေက ပြောပါတယ်။ “အခုလက်ရှိတောင် ဖွင့်နေတာ 4G သာတက်နေတာ ဘာမှကြည့်လို့မရဘူး။ ရှိတယ်ဆိုတဲ့သဘော၊ ဖွင့်တယ်ဆိုတဲ့သဘော ဘာမှလုပ်ကိုင်စားလို့ မရဘူး။ ၁၀၀ မှာ ၈၀ ရာခိုင်းနှုန်း ထိခိုက်တယ်” လို့ ဖလမ်းမြို့ခံ ဆလိုင်းဝီလီယံ (အမည်လွှဲ) က ပြောပါတယ်။ ဖလမ်းမြို့ပေါ်က ဒေသခံအနည်းငယ်ကတော့ WiFi နဲ့ အင်တာနက် သုံးနိုင်ကြပါတယ်။ ဒါပေမယ့် လိုင်းမကောင်းကြဘူးလို့ ဆိုပါတယ်။ ဒေသခံတွေဟာ စစ်ကောင်စီရဲ့ အချိန်မရွေး၊ ဖုန်းလိုင်းဖြတ်တောက်မှုကိုလည်း မကြာခဏ ခံရပါတယ်။ ဖလမ်းမှာ ဖုန်းလိုင်းနဲ့ အင်တာနက်လိုင်းတွေ ဖြတ်တောက်ခံလိုက်ရပြီဆိုရင်…
(006SV) ချင်းပြည်နယ်၊ ကန်ပက်လက်မြို့နယ်၊ ကျင်ဒွေးဘက်ကို ဦးတည်လာသော မကွေးဘက်မှ စစ်ကောင်စီ မြေပြင်စစ်ကြောင်းကြောင့် ဒိုလောင်ရွာမှ ဒေသခံပြည်သူအားလုံး စစ်ဘေးရှောင်နေရပြီး အရေးပေါ်အကူအညီများ လိုအပ်နေကြောင်း သတင်းရရှိသည်။ မကွေးတိုင်း၊ ဆောမြို့နယ်၊ လောင်ရှည်ဘက်မှ တက်လာသော စစ်ကောင်စီ မြေပြင်စစ်ကြောင်းကြောင့် ဧပြီလ ၁၈ ရက်တွင် မှန်တောင်ကျေးရွာအုပ်စု၊ ဒိုလောင်ရွာမှ ဒေသခံအားလုံး အိုးအိမ်စွန့်ခွာပြေးရကြောင်း ကန်ပက်လက်မြို့နယ် လူသားစာနာဌာနမှ ပြောရေးဆိုခွင့်ရှိသူက ပြောသည်။ “လောင်ရှည်ဘက်ကနေ မြေပြင်စစ်ကြောင်းတစ်ကြောင်း တက်လာတယ်လို့ သတင်းကြားတယ်။ အဲစစ်ကြောင်းက ဒိုလောင်ရွာဘက်ကနေ ကျင်ဒွေးဘက်ကို သွားချင်တယ်လို့ ခန့်မှန်းရတယ်။ အရင်က အဲလမ်းကြောင်းကနေ သွားဖူးတယ်” ဟု ၎င်းက ပြောသည်။ ဒိုလောင်ရွာတွင် အိမ်ထောင်စု ၂၄ စုခန့် ရှိပြီး ဒေသခံအားလုံးသည် နီးစပ်ရာ ကျေးရွာများနှင့် တောတောင်များတွင် စစ်ဘေးရှောင်နေရကြောင်း သိရသည်။ ဒိုလောင်ရွာမှ စစ်ဘေးရှောင်များသည် ဆန်၊ ဆီ၊ ဆား အပါအဝင် အခြေခံစားနပ်ရိက္ခာများ၊ အမိုးအကာအတွက် တာလပတ်မိုးကာများ လိုအပ်နေကြောင်း သိရသည်။ စစ်ကောင်စီ၏ မြေပြင်စစ်ကြောင်းတွင် အင်အားမည်မျှ ပါဝင်နေသည်ကို လတ်တလောတွင် မသိရသေးပေ။ ဒိုလောင်ကျေးရွာသည် ကန်ပက်လက်မြို့နယ် အစွန်ဆုံးကျေးရွာတစ်ခုဖြစ်ပြီး မကွေးတိုင်း၊ ဆော၊ လောင်ရှည်အစပ်တွင် တည်ရှိကြောင်း သိရသည်။ ကန်ပက်လက်မြို့နယ်၊ ကျင်ဒွေးမြို့တွင် စစ်ကောင်စီတပ်ဖွဲ့နှင့် ချင်းကာကွယ်ရေးပူးပေါင်းတပ်များအကြား တိုက်ပွဲဖြစ်ပွားနေသည်မှာ ၄ လခန့်ကြာမြှင့်နေပြီး တိုက်ပွဲများ ပြင်းထန်နေဆဲဖြစ်ကြောင်း သိရသည်။
(006SV) ချင်းပြည်နယ်၊ ကန်ပက်လက်မြို့နယ်ထဲက ကျေးရွာ ၃ ရွာကို စစ်ကောင်စီက လေယာဉ် ၄ စီးဖြင့် ပေါင် ၅၀၀ ဗုံးများအပါအဝင် လေကြောင်းတိုက်ခိုက်မှု ပြုလုပ်ခဲ့ရာ ကလေးငယ်အပါအဝင် အရပ်သားပြည်သူ ၃ ဦး ထိခိုက်ဒဏ်ရာများရရှိခဲ့ကြောင်း သတင်းရရှိသည်။ ဧပြီလ ၁၇ ရက် နေ့လည် ၂ နာရီခန့်က ကန်ပက်လက်မြို့နယ်၊ အောက်ကန့်အုပ်စု၊ အုံရွာအနီးဝန်းကျင်ကို စစ်ကောင်စီက ရဟတ်ယာဉ်ဖြင့် တပ်ဖွဲ့ဝင်များ ချရန် ပြင်ဆင်နေစဉ် ချင်းကာကွယ်ရေးတပ်ဖွဲ့က ပစ်ခတ်သောကြောင့် ပြန်သွားရကြောင်း ကန်ပက်လက်မြို့နယ်၊ လူသားစာနာဌာနမှ ပြောရေးဆိုခွင့်ရှိသူက ပြောသည်။ ထို့နောက် မကြာမီတွင် စစ်ကောင်စီက လေယာဉ် (၄) စီးဖြင့် အုံရွာနှင့် အနီးဝန်းကျင်က လွီးစုံရွာ၊ ကောက်ဆောင်းရွာတို့ကို ဝဲပတ်၍ ပျံသန်းပြီး အုံရွာကို ပေါင် ၅၀၀ ဗုံး ၂ လုံးဖြင့် တိုက်ခိုက်ခဲ့ကြောင်း၊ လွီးစုံကျေးရွာကို စစ်သေနတ်ကြီးများဖြင့် လှည့်ပတ်ပစ်ခတ်ခဲ့ပြီး ကောက်ဆောင်းကျေးရွားကိုလည်း ဗုံးကြဲတိုက်ခိုက်ခဲ့ကြောင်း သိရသည်။ “အုံတို့ လွီးစုံတို့ ထိပ်ဘက်မှာ ပစ်ကြတယ်ဆိုတော့ ဒီရွာတွေမှာ လူငယ်တွေ ခိုအောင်းနေတယ်လို့ သူတို့က ခန့်မှန်းပြီးတော့ အဆောက်အဦးကြီးတွေကို ပစ်ချသွားတဲ့ သဘောပဲ။ အုံမှာ ပျက်စီးတဲ့ အိမ်တွေကလည်း အိမ်အကြီးကြီးတွေ၊ စာသင်ကျောင်း ဆောင်နဲ့ ဆရာနေအိမ်တွေကလည်း ကြီးတယ်။ အဆောက်အဦးကြီးတွေထဲမှာ လူများများ ရှိလောက်တယ်ဆိုပြီး မှန်းပစ်တယ်လို့ ခန့်မှန်းတယ်” ဟု ကန်ပက်လက်မြို့နယ်၊ လူသားစာနာဌာနမှ ပြောရေးဆိုခွင့်ရှိသူက ပြောသည်။ အုံကျေးရွာတွင် စာသင်ကျောင်းဆောင် ၁…