• Home
  • Featured
  • English
  • Headline
Facebook Twitter Instagram
Khonumthung Media Group
Khonumthung Ad
  • Home
  • Featured
  • English
  • Headline
Khonumthung Media Group
You are at:Home»Headline»စစ်ကောင်စီက မီဇိုရမ်ပြည်နယ်ထဲ ဗုံးကြဲချမှု ကိုင်တွယ်တားဆီးရန် အိန္ဒိယအစိုးရကို YMA တောင်းဆို

စစ်ကောင်စီက မီဇိုရမ်ပြည်နယ်ထဲ ဗုံးကြဲချမှု ကိုင်တွယ်တားဆီးရန် အိန္ဒိယအစိုးရကို YMA တောင်းဆို

0
By Editor on January 13, 2023 Headline

စစ်ကောင်စီက တိုက်လေယာဉ်ဖြင့် အိန္ဒိယ-မြန်မာနယ်စပ် မီဇိုရမ်ပြည်နယ်ပိုင်နက်အတွင်း ဗုံးကြဲချမှုအပေါ် အပြင်းအထန် ကန့်ကွက်ရှုတ်ချကြောင်း ယင်းကိစ္စအပေါ် ကိုင်တွယ်ဖြေရှင်းပေးရန် မီဇိုးလူငယ်အသင်း (YMA) က အိန္ဒိယဗဟိုအစိုးရကို တောင်းဆိုလိုက်သည်။

အိန္ဒိယ-မြန်မာနယ်စပ် ချင်းပြည်နယ် ထန်တလန်မြို့နယ်အတွင်း တည်ရှိသော ချင်းအမျိုးသားတပ်ဦး CNF ဌာနချုပ် ဝိတိုရိယစခန်းကို ပြီးခဲ့သည့် ဇန်နဝါရီလ ၁၀ ရက်နှင့် ၁၁ ရက်နေ့က စစ်ကောင်စီက တိုက်လေယာဉ်ဖြင့် ၂ ရက်ဆက်တိုက် ဗုံးကြဲတိုက်ခိုက်ခဲ့ပြီး စစ်ကောင်စီက ကြဲချလိုက်သည့် ဗုံးတစ်လုံးသည် မီဇိုရမ်ပြည်နယ် Farkawn နယ်မြေထဲသို့ ကျရောက်ပေါက်ကွဲခဲ့သည်။

ယင်းကိစ္စနှင့်ပတ်သက်၍ မီဇိုရမ်ပြည်နယ် Tuipuiral Group YMA က ဇန်နဝါရီလ ၁၂ ရက်နေ့က ကြေညာချက်တစ်စောင်ထုတ်ပြန်ကာ စစ်ကောင်စီက ချင်းအမျိုးသားတပ်ဦး CNF ဗဟိုဌာနချုပ် ဝိတိုရိယစခန်းအား တိုက်လေယာဉ်ဖြင့် ဗုံးကြဲတိုက်ခိုက်မှုအပေါ် ကန့်ကွက်ရှုတ်ချကြောင်း၊ မီဇိုရမ်ပိုင်နက်ထဲတွင်လည်း ဗုံးကြဲချသည့်အပြင် နယ်စပ်ချောင်းတွင် သဲတင်ကားတစ်စီးလည်း ပျက်စီးခဲ့သည်ဟု ဆိုသည်။

စစ်ကောင်စီသည် ယခင်ကလည်း လေးစားမှုတစုံတရာမရှိပဲ အိန္ဒိယပိုင်နက်အတွင်းသို့ တိုက်လေယာဉ်များ မကြာခဏ ပျံသန်းခဲ့ပြီး ယခုတကြိမ်တွင် ဗုံးကြဲချလာခြင်းဖြစ်သည်ဟု Tuipuiral Group YMA က ဆိုသည်။

ဗုံးကြဲတိုက်ခိုက်မှုကြောင့် နယ်စပ်ရှိ အိန္ဒိယနိုင်ငံသား တောင်သူလယ်သမားများနှင့် သဲလုပ်ငန်းလုပ်ကိုင်သူများ အထိတ်တလန့်ဖြစ်ကြရပြီး လက်ရှိအချိန်ထိ ၎င်းတို့၏လုပ်ငန်းခွင်များသို့ ပြန်မဝင်ရဲကြသေးပဲ စွန့်ခွာထွက်ပြေးခဲ့ရသည်ဟု ဆိုသည်။

စစ်ကောင်စီ၏လုပ်ရပ်သည် နိုင်ငံတကာဥပဒေအား ချိူးဖောက်ရာရောက်ပြီး အိန္ဒိယပိုင်နက်အတွင်း တိုက်လေယာဉ်များ ပျံသန်းကာ ဗုံးကြဲချမှုကို ကိုင်တွယ်ဖြေရှင်းပေးရန် အိန္ဒိယအစိုးရကို အလေးအနက်တောင်းဆိုသည်ဟု ၎င်းတို့၏ ထုတ်ပြန်ချက်တွင် ဖော်ပြသည်။

Share. Facebook Twitter Pinterest LinkedIn Tumblr Email
Editor
  • Website

Related Posts

ဟားခါးမြို့တွင် စစ်ကောင်စီက အရပ်သားပြည်သူ ၁၃ ယောက်ကို ဖမ်းဆီးပြီး ၇ ယောက် ပြန်လွှတ်ပေး

တမူးမြို့နယ်က လူငယ် ၃ ဦး စစ်ကောင်စီတပ်ဖွဲ့က သတ်ဖြတ်

စစ်ကောင်စီက မင်းတပ်မြို့နယ်တွင် တိုက်လေယာဉ်ဖြင့် ဗုံးကြဲတိုက်ခိုက်၊ ဘုန်ကြီးကျောင်းနှင့် လူနေအိမ်များ ထိခိုက်ပျက်စီး

Leave A Reply Cancel Reply

  • Featured Article
January 31, 2023

“၉ မြို့နယ်စလုံးရဲ့ ၇၀ ရာခိုင်နှုန်းကို CNF နဲ့ CDF တပ်ဖွဲ့တွေက ထိန်းချုပ်ထားတယ်ဆိုတော့ သူတို့ရွေးကောက်ပွဲလုပ်ရင်တော့ ကျန်နေရာလောက်ပဲ လုပ်နိုင်ပါလိမ့်မယ်” ဆလိုင်းထက်နီ (ပြောခွင့်ရသူ၊ CNF)

January 30, 2023

ရခိုင်ပြည်နိုင်ငံရေးနဲ့ မတူကွဲပြား‌တဲ့ လူမျိုးအုပ်စုတွေရဲ့ အခန်းကဏ္ဍ

January 27, 2023

ပလက်ဝနှင့် ရက္ခိုင့်တပ်တော် – နိဂုံး

January 20, 2023

ပလက်ဝနှင့် ရက္ခိုင့်တပ်တော် – အပိုင်း (၄)

Covid19 – Stay Safe
Leaderboard Ad
Archives
–
Leaderboard Ad
Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.