ချင်းပြည်နယ် ထန်တလန်မြို့အဝင်တွင် ယနေ့ညနေပိုင်း ၆ နာရီခန့်က ဟားခါးမြို့မှပြန်လာသော ထန်တလန် မြို့မိ/မြို့ဖများစီးလာသော အိမ်စီးကားကို စစ်ကောင်စီတပ်ဖွဲ့က သေနတ်ဖြင့်ပစ်ခတ်မှုကြောင့် အသက် ၇၃ နှစ်အရွယ် ဦးရာလ်သူ (Pu Ral Tu) ကျည်ဆံထိမှန်ပြီး သေဆုံးခဲ့ကြောင်း သိရသည်။
ထန်တလန်မြို့မိ/မြို့ဖများသည် စက်တင်ဘာလ ၂၉ ရက်နေ့တွင် ဟားခါးမြို့ရှိ မြို့မိမြို့ဖများ၊ ခရစ်ယာန်ပါစတာများနှင့် တွေ့ဆုံဆွေးနွေးကြပြီးနောက် ဟားခါးမြို့မှ ထန်တလန်သို့အပြန် မြို့အဝင်တွင် စစ်ကောင်စီတပ်က ၎င်းတို့စီးလာသောကားကို သေနတ်ဖြင့်ပစ်ခတ်မှုကြောင့် ထန်တလ န်မြို့မိမြို့ဖ ဦးရာလ်သူ သေဆုံးသွားခြင်းဖြစ်သည်။
ဦးရာလ်သူးသည် ပြည်သူ့ကောင်စီခေတ်က ထန်တလန်မြို့နယ် တရားသူကြီးတာဝန် ထမ်းဆောင်ခဲ့သူဖြစ်ပြီး လက်ရှိတွင်လည်း ထန်တလန်မြို့တွင် ကြည်ညိုလေးစားခံရသော မြို့မိမြု့ဖတစ်ဦးဖြစ်သည်။
