ကလေးမြို့တောင်ပိုင်း ကလေး-ဂန့်ဂေါ်လမ်းမပေါ်ရှိ နတ်ချောင်းကျေးရွာတွင် ယနေ့နံနက်ပိုင်းကစ၍ စစ်ကောင်စီတပ်နှင့် ပြည်သူ့ကာကွယ်ရေးပူးပေါင်းတပ်ဖွဲ့များတိုက်ပွဲဖြစ်ပွားရာ စစ်ကောင်စီဘက်က လေကြောင်းအသုံးပြုတိုက်ခိုက်ခဲ့သည့်အပြင် လူနေအိမ်များကို မီးရခဲ့သည်ဟု သိရသည်။
ယနေ့နံနက်ပိုင်း ၁၀ နာရီခန့်ကစ၍ နတ်ချောင်း ကျေးရွာတွင် စစ်ကောင်စီတပ်ဖွဲ့နှင့် ပြည်သူ့ကာကွယ်ရေးတပ်(ပ.က.ဖ)၊ CNDF ၊ PDF-Kalay ပူးပေါင်းတို့ဖြစ်ပွားခဲ့ခြင်းဖြစ်ပြီး စစ်ကောင်စီဖက်မှ မွန်းလွဲပိုင်းတွင် Mi35 အမျိုး အစား တိုက်ခိုက်ရေး ရဟတ်ယာဉ်ကို အသုံးပြုကာလေကြောင်းမှ တဆင့်ပစ်ခတ်တိုက်ခိုက်ခြင်း ဖြစ်သည်။
အဆိုပါတိုက်ပွဲတွင် စစ်ကောင်စီဘက်က ၂ ဦးသေဆုံးခဲ့သည်ဟု CNDF မှတာဝန်ရှိသူတစ်ဦးက ပြောသည်။
“ စဖြစ်တာက အ.ထ.က ကျောင်းနားမှာ၊ ကျွန်တော်တို့ဖက်ကတော့ ထိခိုက်မရှိဘူး။ သူတို့ဖက်ကေ တာ့ စနှိုက်ပါနဲ့ ၁ယောက်ကျတယ်။ နောက် ၁ယောက်ထပ်ကျတယ် နှစ်ယောက်ကျ တယ်လို့သိရ တယ်။ လောလောဆယ်အထိ။ သူတိို့ကတော့ ရဟတ်ယာဉ် ၂ စီးနဲ့ ၂ ကြိမ် ဆက်တိုက်ပ စ်နေ တာတော့ရှိတယ်။ ” CNDF တာဝန်ရှိသူကပြောသည်။
စစ်ကောင်စီတပ်ဖွဲ့ဝင်များသည် ညနေ ၅ နာရီအချိန်ကစပြီး နတ်ချောင်းကျေးရွာရှိ လူနေအိမ်များ ကိုမီးရှို့ခဲ့ကြပြီး ရွာထဲ တွင်ပိတ်မိနေသော ပြည်သူများလည်းရှိသည်ဟု သိရသည်။
ယမန်နေ့ ဒီဇင်ဘာလ ၂၂ ရက်နေ့က နတ်ချောင်းကျေးရွာမှ ဒေသခံအမျိုးသမီး ၁ ဦးအပါအဝင် အမျိုးသား (၃) ဦးကိုလည်း စစ်ကောင်စီတပ်ဖွဲ့က ဖမ်းဆီးခေါ်ဆောင်သွားသည့်အပြင် ယနေ့ တွင်လည်း နတ်ချောင်းစာသင်ကျောင်းရှေ့ဆိုင်ကယ်ဖြစ်ဖြတ်မောင်းသော အမျိုးသမီးတစ်ဦးကိုလည်း သေနတ်ဖြင့် ပစ်ခတ်သတ်ဖြတ်ခဲ့သည်ဟု Voice oF Kalay သတင်းက ရေးသားဖော်ပြ ထားသည်။
