အရပ္ဘက္မဲဆႏၵရွင္တြင္ မဲမသမာမႈမရွိခဲ့ဟု ခ်င္းျပည္နယ္ေရြးေကာက္ပြဲေကာ္မရွင္ေျပာ

0

#Unicode

ချင်းပြည်နယ် ဟားခါးမြို့နယ်တွင် မဲသမာမှုပြုနိုင်သည့် မဲစာရင်းပေါင်း ၆၀၀၀ ကျော်ရှိသည်ဟု တပ်မတော်သတင်းမှန်ပြန်ကြားရေးအဖွဲ့က ဇန်နဝါရီလ ၃ ရက်နေ့က ထုတ်ပြန်ခဲ့သည့်ကိစ္စနှင့်ပတ်သက်၍ အရပ်ဘက်မဲဆန္ဒရှင်တွင် မဲမသမာမှု မရှိခဲ့ကြောင်း ချင်းပြည်နယ်ရွေးကောက်ပွဲကော်မရှင် အတွင်းရေးမှူး ဦးလင်းကျော်ကပြောသည်။

“မသမာမှုဖြစ်နိုင်ခြေရှိတယ်ဆိုတဲ့စကားရပ်ကို ကြည့်မယ်ဆိုရင် ကျနော်တို့ချင်းပြည်နယ်မှာဖြစ်တဲ့ဟာက ချင်းလူမျိူးတွေ ဖြစ်တာတစ်ကြောင်းရယ်၊ လူဦးရေနည်းပြီးတော့ တစ်ယောက်နဲ့တစ်ယောက်သိနေကြတာ၊ ချင်းလူမျိူးအများစုနေထိုင်တာ ဖြစ်တဲ့အတွက် တစ်ယောက်နဲ့တစ်ယောက်သိတော့ ရပ်ကျေးကော်မရှင်ကလည်း ကိုယ့်ရပ်ကွက်ထဲက လူတွေအားလုံး သိနေတယ်၊ သိနေတော့ သူ ၂ ခါလာပေးတာနဲ့ မသမာမှုကပေါ်မှာပေါ့ ဒီလိုထပ်နေတဲ့စာရင်းကတော့ ဘယ်နေမှာဘဲ ဖြစ်ဖြစ်မသမာမှုကတော့ဖြစ်နိုင်တယ်၊ သို့သော်ဒီမှာတော့ အရပ်ဘက်မဲဆန္ဒရှင်တွေထဲမှာ မတွေ့ရဘူး၊ မရှိဘူးပေါ့နော်၊ ရှိခဲ့ရင်တောင်မှ တန်းပေါ်မှာ” ဟု ဦးလင်းကျော်ကပြောသည်။

တပ်မတော်သတင်းမှန်ပြန်ကြားရေးအဖွဲ့အနေဖြင့် ၂၀၂၀ ရွေးကောက်ပွဲတုန်းက တပ်မတော်သားများဆန္ဒမဲပေးခဲ့သော မြို့နယ်များနှင့်စပ်လျဉ်း၍ မဲစာရင်းစီစစ်မှုများကိုပြုလုပ်လျက်ရှိပြီး ဇန်နဝါရီလ ၃ ရက်နေ့က သတ္တမအကြိမ်ထုတ်ပြန်ချက် တွင် ချင်းပြည်နယ် ဟားခါးမြို့နယ်၊ မဲစာရင်းပုံစံ (၁) တွင် မဲမသမာမှုပြုနိုင်သည့် ထပ်နေသော မဲစာရင်း ၃၈၅၅၊ မဲမသမာမှု ဖြစ်နိုင်သည့် အခြားမဲစာရင်းပေါင်း ၃၀၉၀ စုစုပေါင်း ၆၉၄၅ ရှိသည်ဟု ဖော်ပြထားသည်။

ယင်းအထဲတွင် နိ်ုင်ငံသားစိစစ်ရေးကဒ်ပြား(နိ်ုင်ကဒ်)မရှိဘဲ မဲစာရင်းတွင် ပါဝင်နေသူအများဆုံးဖြစ်ပြီး ၃၀၂၆ ဦး၊ နိုင်ကဒ်အ မှတ်တူသော်လည်း ကျန်အချက်အလက်အားလုံးလွဲသူ ၂၉၃၈ ဦး၊ နိုင်ကဒ်တူ၊ အမည်တူ၊ အသက်တူ၊ မိဘတူ (အားလုံး တူသူ) ၆၆ ဦးနှင့် အသက် ၁၀၀ နှစ်အထက် ၄၅ ဦးရှိသည်ဟု ဖော်ပြထားသည်။

တပ်မတော်သတင်းမှန်ပြန်ကြားရေးအဖွဲ့ ထုန်ပြန်သကဲ့သို့ မဲစာရင်းတွင် အချက်အလက်တူထပ်နေမှုများရှိ နေနိုင်သော် လည်း အရပ်ဘက်မဲဆန္ဒရှင်များထက် တပ်ဘက်မဲဆန္ဒရှင်များတွင် မဲမသမာမှုပိုဖြစ်နိုင်သည်ဟု ချင်းပြည်နယ်ရွေး ကောက်ပွဲကော်မရှင်အတွင်းရေးမှူးဦးလင်းကျော်ကယခုလိုထောက်ပြသည်။

“နှစ်ပိုင်းခွဲပြီးတော့ပြောရင်တော့ အရပ်ဘက်မဲဆန္ဒရှင်တွေက ကျနော်တို့ချင်းလူမျိူးဘက်မှာတော့ တစ်ယောက်နဲ့ တစ်ယောက်သိနေတဲ့အတွက်ကြောင့် နှစ်ခါပေးဖို့လာလို့ရှိရင်လည်းပေါ်မှာ မိမှာ၊ တပ်ဖက် (တပ်မတော်) လူတွေ လာလို့ရှိရင်တော့ မသိနိုင်ဘူး၊ ဘာဖြစ်လို့လည်းဆိုတော့ ကျနော်တို့ရပ်ကျေးကော်မရှင်က သူတို့ကိုမသိဘူး၊ မသမာမှုဖြစ် နိုင်ခြေရှိတာကတော့ တပ်ဖက်ကတော့အများဆုံးပဲလို့ ကျနော်တို့ကတော့ သူတို့ရဲ့ကိန်းကဏန်းတွေအ ရတွေ့ရတယ်တ ပ်ဘက်က မဲစာရင်းနဲ့ပတ်သက်ရင်တော့ သူတို့လူတွေကို ကျနော်တို့မသိဘူး မသိတဲ့အတွက် အဲဒီဘက်က မသမာမှု လုပ်နိုင်ခြေရှိတဲ့ဟာလည်းကျနော်တို့တွေ့တယ်၊ ဒါပေမယ့် အဲဒီဟာသည် ကျနော်တို့က လူတွေမသိတဲ့အတွက်မပေါ်ပြန် ဘူး”ဟု ဦးလင်းကျော်ကပြောသည်။

ဟားခါးမြို့နယ်တွင် ပြီးခဲ့သည့် ရွေးကောက်ပွဲတုန်းက ရှေ့တန်းထွက်မည့် တပ်မတော်သား ၂၉ ဦးကသာကြိုတင်မဲတောင်း ခဲ့ကြပြီး ရှေ့တန်းမထွက်ဘဲ နောက်တန်းမှာရှိနေသည့် တပ်ခွဲမှူး၊ ဒုအရာခံဗိုလ်စသည့်ပုဂ္ဂိုလ်များကလည်း ကြိုတင်မဲ တောင်းခဲ့ကြသည်ဟု သိရသည်။

ချင်းပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဌ ဒေါက်တာမှုထန်ကတော့ တပ်မတော်သတင်းမှန်ပြန်ကြားရေးအဖွဲ့ရဲ့ ထုတ်ပြန်ချက်ဟာ ဖြစ်နိုင်ခြေရှိပြီး သူ့မဲဆန္ဒနယ်မြေ ထန်တလန်ဘက်မှာလည်း အလားတူဖြစ်ရပ်မျိူး နိုဝင်ဘာ ၈ ရက်နေ့ရွေးကောက်ပွဲတုန်းက ဖြစ်ပွားခဲ့ကြောင်းပြောဆိုသည်။

“ကျနော်တို့ ထန်တလန်မှာတောင်မှ သေချာမစိစစ်ဘူး ရွာတစ်ရွာမှာတောင်မှ အဲဒါမျိူး မှတ်ပုံတင်မရှိတာ အမည်ထပ်တာတို့ အသက် ၁၂၅ ဖြစ်တဲ့လူက မဲပေးတာတို့ ဒါတွေက ရွာတစ်ရွာအတွင်းမှာတောင်မှ တော်တော်ရှိတယ် ဖြစ်နိုင်ခြေရှိပါ တယ်’’ ဟု ဒေါက်တာမှုထန်ကပြောသည်။

ပြီးခဲ့သည့် ၂၀၂၀ ခုနှစ်အထွေထွေရွေးကောက်ပွဲတွင် တစ်နိုင်ငံလုံးအတိုင်းအတာဖြင့် အမျိူးသားဒီမိုကရေစီအဖွဲ့ချူပ် NLD ပါတီက အပြတ်အသတ်အနိုင်ရရှိခဲ့သော်လည်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက တရားမျှတမှုမရှိဟုဆိုကာ ကန့်ကွက်ပြီး ပြည်ထောင်စုရွေးကောက်ပွဲကော်မရှင်နှင့် တပ်မတော်ပေါင်း၍ ရွေးကောက်ပွဲပြန်ကျင်းပရန်တောင်ဆိုမှုလည်း ရှိခဲ့သည်။

#Zawgyi

ခ်င္းျပည္နယ္ ဟားခါးၿမိဳ႕နယ္တြင္ မဲသမာမႈျပဳႏိုင္သည့္ မဲစာရင္းေပါင္း ၆၀၀၀ ေက်ာ္ရွိသည္ဟု တပ္မေတာ္သတင္းမွန္ျပန္ ၾကားေရးအဖြဲ႔က ဇန္နဝါရီလ ၃ ရက္ေန႔က ထုတ္ျပန္ခဲ့သည့္ကိစၥႏွင့္ပတ္သက္၍ အရပ္ဘက္မဲဆႏၵရွင္တြင္ မဲမသမာမႈ မရွိခဲ့ေၾကာင္း ခ်င္းျပည္နယ္ေရြးေကာက္ပြဲေကာ္မရွင္ အတြင္းေရးမွဴး ဦးလင္းေက်ာ္ကေျပာသည္။ 

“မသမာမႈျဖစ္ႏိုင္ေျခရွိတယ္ဆိုတဲ့စကားရပ္ကို ၾကည့္မယ္ဆိုရင္ က်ေနာ္တို႔ခ်င္းျပည္နယ္မွာျဖစ္တဲ့ဟာက ခ်င္းလူမ်ဴိးေတြ ျဖစ္တာတစ္ေၾကာင္းရယ္၊ လူဦးေရနည္းၿပီးေတာ့ တစ္ေယာက္နဲ႔တစ္ေယာက္သိေနၾကတာ၊ ခ်င္းလူမ်ဴိးအမ်ားစုေနထိုင္တာ ျဖစ္တဲ့အတြက္ တစ္ေယာက္နဲ႔တစ္ေယာက္သိေတာ့ ရပ္ေက်းေကာ္မရွင္ကလည္း ကိုယ့္ရပ္ကြက္ထဲက လူေတြအားလံုး သိေနတယ္၊ သိေနေတာ့ သူ ၂ ခါလာေပးတာနဲ႔ မသမာမႈကေပၚမွာေပါ့ ဒီလိုထပ္ေနတဲ့စာရင္းကေတာ့ ဘယ္ေနမွာဘဲ ျဖစ္ျဖစ္မသမာမႈကေတာ့ျဖစ္ႏိုင္တယ္၊ သို႔ေသာ္ဒီမွာေတာ့ အရပ္ဘက္မဲဆႏၵရွင္ေတြထဲမွာ မေတြ႕ရဘူး၊ မရွိဘူးေပါ့ေနာ္၊ ရွိခဲ့ရင္ေတာင္မွ တန္းေပၚမွာ” ဟု ဦးလင္းေက်ာ္ကေျပာသည္။ 

တပ္မေတာ္သတင္းမွန္ျပန္ၾကားေရးအဖြဲ႔အေနျဖင့္ ၂၀၂၀ ေရြးေကာက္ပြဲတုန္းက တပ္မေတာ္သားမ်ားဆႏၵမဲေပးခဲ့ေသာ ၿမိဳ႕နယ္မ်ားႏွင့္စပ္လ်ဥ္း၍ မဲစာရင္းစီစစ္မႈမ်ားကိုျပဳလုပ္လ်က္ရွိၿပီး ဇန္နဝါရီလ ၃ ရက္ေန႔က သတၱမအႀကိမ္ထုတ္ျပန္ခ်က္ တြင္ ခ်င္းျပည္နယ္ ဟားခါးၿမိဳ႕နယ္၊ မဲစာရင္းပံုစံ(၁) တြင္ မဲမသမာမႈျပဳႏိုင္သည့္ ထပ္ေနေသာ မဲစာရင္း ၃၈၅၅၊ မဲမသမာမႈ ျဖစ္ႏိုင္သည့္ အျခားမဲစာရင္းေပါင္း ၃၀၉၀ စုစုေပါင္း ၆၉၄၅ ရွိသည္ဟု ေဖာ္ျပထားသည္။ 

ယင္းအထဲတြင္ ႏိ္ုင္ငံသားစိစစ္ေရးကဒ္ျပား(ႏိ္ုင္ကဒ္)မရွိဘဲ မဲစာရင္းတြင္ ပါ၀င္ေနသူအမ်ားဆံုးျဖစ္ၿပီး ၃၀၂၆ ဦး၊ ႏိုင္ကဒ္အ မွတ္တူေသာ္လည္း က်န္အခ်က္အလက္အားလံုးလြဲသူ ၂၉၃၈ ဦး၊ ႏိုင္ကဒ္တူ၊ အမည္တူ၊ အသက္တူ၊ မိဘတူ (အားလံုး တူသူ) ၆၆ ဦးႏွင့္ အသက္ ၁၀၀ ႏွစ္အထက္ ၄၅ ဦးရွိသည္ဟု ေဖာ္ျပထားသည္။ 

တပ္မေတာ္သတင္းမွန္ျပန္ၾကားေရးအဖြဲ႔ ထုန္ျပန္သကဲ့သို႔ မဲစာရင္းတြင္ အခ်က္အလက္တူထပ္ေနမႈမ်ားရွိ ေနႏိုင္ေသာ္ လည္း အရပ္ဘက္မဲဆႏၵရွင္မ်ားထက္ တပ္ဘက္မဲဆႏၵရွင္မ်ားတြင္ မဲမသမာမႈပိုျဖစ္ႏိုင္သည္ဟု ခ်င္းျပည္နယ္ေရြး ေကာက္ပြဲေကာ္မရွင္အတြင္းေရးမွဴးဦးလင္းေက်ာ္ကယခုလိုေထာက္ျပသည္။

“ႏွစ္ပိုင္းခြဲၿပီးေတာ့ေျပာရင္ေတာ့ အရပ္ဘက္မဲဆႏၵရွင္ေတြက က်ေနာ္တို႔ခ်င္းလူမ်ဴိးဘက္မွာေတာ့ တစ္ေယာက္နဲ႔ တစ္ေယာက္သိေနတဲ့အတြက္ေၾကာင့္ ႏွစ္ခါေပးဖို႔လာလို႔ရွိရင္လည္း ေပၚမွာ မိမွာ၊ တပ္ဖက္(တပ္မေတာ္)လူေတြ လာလို႔ရွိရင္ေတာ့ မသိႏိုင္ဘူး၊ ဘာျဖစ္လို႔လည္းဆိုေတာ့ က်ေနာ္တို႔ရပ္ေက်းေကာ္မရွင္က သူတို႔ကိုမသိဘူး၊ မသမာမႈျဖစ္ ႏိုင္ေျခရွိတာကေတာ့ တပ္ဖက္ကေတာ့အမ်ားဆံုးပဲလို႔ က်ေနာ္တို႔ကေတာ့ သူတို႔ရဲ႕ကိန္းကဏန္းေတြအ ရေတြ႕ရတယ္တ ပ္ဘက္က မဲစာရင္းနဲ႔ပတ္သက္ရင္ေတာ့ သူတို႔လူေတြကို က်ေနာ္တို႔မသိဘူး မသိတဲ့အတြက္ အဲဒီဘက္က မသမာမႈ လုပ္ႏိုင္ေျခရွိတဲ့ဟာလည္းက်ေနာ္တို႔ေတြ႕တယ္၊ ဒါေပမယ့္ အဲဒီဟာသည္ က်ေနာ္တို႔က လူေတြမသိတဲ့အတြက္မေပၚျပန္ ဘူး”ဟု ဦးလင္းေက်ာ္ကေျပာသည္။

ဟားခါးၿမိဳ႕နယ္တြင္ ၿပီးခဲ့သည့္ ေရြးေကာက္ပြဲတုန္းက ေရွ႕တန္းထြက္မည့္ တပ္မေတာ္သား ၂၉ ဦးကသာႀကိဳတင္မဲေတာင္း ခဲ့ၾကၿပီး ေရွ႕တန္းမထြက္ဘဲ ေနာက္တန္းမွာရွိေနသည့္ တပ္ခြဲမွဴး၊ ဒုအရာခံဗိုလ္စသည့္ပုဂၢိဳလ္မ်ားကလည္း ႀကိဳတင္မဲ ေတာင္းခဲ့ၾကသည္ဟု သိရသည္။

ခ်င္းျပည္နယ္ ျပည္ေထာင္စုၾကံ့ခိုင္ေရးႏွင့္ဖြံ႔ၿဖိဳးေရးပါတီ ဥကၠဌ ေဒါက္တာမႈထန္ကေတာ့ တပ္မေတာ္သတင္းမွန္ျပန္ၾကား ေရးအဖြဲ႔ရဲ႕ ထုတ္ျပန္ခ်က္ဟာ ျဖစ္ႏိုင္ေျခရွိၿပီး သူ႔မဲဆႏၵနယ္ေျမ ထန္တလန္ဘက္မွာလည္း အလားတူျဖစ္ရပ္မ်ဴိး ႏို၀င္ဘာ ၈ ရက္ေန႔ေရြးေကာက္ပြဲတုန္းက ျဖစ္ပြားခဲ့ေၾကာင္းေျပာဆိုသည္။ 

“က်ေနာ္တို႔ ထန္တလန္မွာေတာင္မွ ေသခ်ာမစိစစ္ဘူး ရြာတစ္ရြာမွာေတာင္မွ အဲဒါမ်ဴိး မွတ္ပံုတင္မရွိတာ အမည္ထပ္တာ တို႔ အသက္ ၁၂၅ ျဖစ္တဲ့လူက မဲေပးတာတို႔ ဒါေတြက ရြာတစ္ရြာအတြင္းမွာေတာင္မွ ေတာ္ေတာ္ရွိတယ္ ျဖစ္ႏိုင္ေျခရွိပါ တယ္’’ ဟု ေဒါက္တာမႈထန္ကေျပာသည္။

ၿပီးခဲ့သည့္ ၂၀၂၀ ခုႏွစ္အေထြေထြေရြးေကာက္ပြဲတြင္ တစ္ႏိုင္ငံလံုးအတိုင္းအတာျဖင့္ အမ်ဴိးသားဒီမိုကေရစီအဖြဲ႔ခ်ဴပ္ NLD ပါတီက အျပတ္အသတ္အႏိုင္ရရွိခဲ့ေသာ္လည္း ျပည္ေထာင္စုၾကံ့ခိုင္ေရးႏွင့္ဖြံ႔ၿဖိဳးေရးပါတီက တရားမွ်တမႈမရွိဟုဆိုကာ ကန္႔ကြက္ၿပီး ျပည္ေထာင္စုေရြးေကာက္ပြဲေကာ္မရွင္ႏွင့္ တပ္မေတာ္ေပါင္း၍ ေရြးေကာက္ပြဲျပန္က်င္းပရန္ေတာင္ဆိုမႈလည္း ရွိခဲ့သည္။

Share.

About Author

Leave A Reply