စစ်ကောင်စီနှင့် ချင်းညီနောင်တို့ နှစ်ဖက်တိုက်ပွဲများ ဆက်လက်ပြင်းထန်နေ (006SV) ချင်းပြည်နယ်၊ မင်းတပ်မြို့နှင့် ဖလမ်းမြို့ရှိ စစ်ကောင်စီစစ်စခန်းများကို တပြိုက်နက် ထိုးစစ်ဆင်တိုက်ခိုက်နေသည့် စစ်ရေးသတင်းများနှင့်ပတ်သက်၍ မဟုတ်မမှန်ရေးသားဖြန့်ဝေခြင်း မပြုလုပ်ရန် ချင်းညီနောင်အဖွဲ့က သတင်းထုတ်ပြန်သည်။ နိုဝင်ဘာလ ၉ ရက်မှစတင်၍ မင်းတပ်မြို့နှင့် ဖလမ်းမြို့ပေါ်တို့က စစ်ကောင်စီအခြေပြု စစ်စခန်းများကို ချင်းညီနောင် စစ်ဆင်ရေးအဖြစ် တပြိုက်နက် ထိုးစစ်ဆင်တိုက်ခိုက်လျက်ရှိရာ လက်ရှိအချိန်အထိ နှစ်ဖက်တိုက်ပွဲများ ပြင်းထန်လျက်ရှိသည်ဟု ချင်းညီနောင်အဖွဲ့က ယနေ့နိုဝင်ဘာလ ၁၃ ရက်က ထုတ်ပြန်သည်။ လက်ရှိအချိန်တွင် ချင်းညီနောင် စစ်ဆင်ရေးသတင်း၊ တိုက်ပွဲသတင်းများနှင် ပတ်သက်၍ မဟုတ်မမှန် ရေးသားဖော်ပြခြင်း၊ သတင်းမှား/တုများ ရေးသားဖြန့်ဝေနေခြင်းတို့ တွေ့ရှိနေရပြီး ယင်းသို့ ရေးသားဖြန့်ဝေခြင်း မပြုလုပ်ကြရန် ချင်းညီနောင်အဖွဲ့က မေတ္တာရပ်ခံချက် ထုတ်ပြန်သည်။ “အဓိကက ပြည်သူတွေပေါ့လေ။ စစ်ကောင်စီဘက်က သတင်းကြေညာတဲ့ဟာတွေကို ကိုးကားပြီးမှ ဒါမှမဟုတ်၊ ထင်ရာမြင်ရာ သိရာကို သတင်းမမှန်တဲ့ဟာတွေ ရေးသားဖော်ပြတာတွေ၊ ကိုယ်ပိုင်အကောင့်မှာ၊ မီဒီယာတွေမှာပေါ့။ ပြီးတော့ ချင်းမှာလည်း CC (ချင်းလန်းကောင်စီ) နဲ့ CB (ချင်းညီနောင်) ကွဲနေတဲ့အခါကြတော့ အတုအယောင်၊ အမှားတွေ မဖော်ပြပေးဖို့ပါပဲ” ဟု ချင်းအမျိုးသားကာကွယ်ရေးတပ်ဖွဲ့ – CNDF မှ ပြောရေးဆိုခွင့်ရှိသူ ဆလိုင်းတင်မီက ပြောသည်။ တိကျမှန်ကန်သော သတင်းများနှင့် အောင်ပွဲရသတင်းများကို အချိန်နှင့်တပြေးညီ ဆက်လက် ထုတ်ပြန်သွားမည်ဟု သိရသည်။ မင်းတပ်နှင့် ဖလမ်းမြို့တို့က စစ်စခန်းများကို ထိုးစစ်ဆင်တိုက်ခိုက်မှုများတွင် ချင်းညီနောင်အဖွဲ့၏ အကူအညီတောင်းခံမှုကြောင့် မဟာမိတ်အဖွဲ့အစည်းတချို့သည် မိတ်ဖက်အဖွဲ့အစည်း အိမ်နီးချင်းကောင်းပီသစွာဖြင့် ပူးပေါင်းတိုက်ပွဲဝင်လျက်ရှိကြောင်း သိရသည်။…
Author: Editor
(004SS) အိန္ဒိယနိုင်ငံ၊ နယူးဒေလီမြို့ရှိ ချင်းဒုက္ခသည်ကော်မတီ CRC ဦးဆောင်မှုဖြင့် ချင်းစစ်ဘေးရှောင်များအားလုံးပါဝင်သော ဆောင်းရာသီအားကစားပွဲကို နယူးဒေလီမြို့ Raghubir Singh sports complex အားကစားကွင်းတွင် ၅ ရက်ကြာ ကျင်းပနေကြောင်း သိရသည်။ ယင်းဆောင်းရာသီအားကစားပြိုင်ပွဲကို နိုဝင်ဘာ ၁၁ ရက်မှ ၁၅ ရက်နေ့အထိ ၅ ရက်ကြာကျင်းပပြုလုပ်လျှက်ရှိကြပြီး ချင်းမျိုးနွယ်စုအချင်းချင်းကြား ချစ်ကြည်ရေးကို တည်ဆောက်နိုင်ရန် ရည်ရွယ်ချက်ဖြင့် ကျင်းပနေခြင်းဖြစ်ကြောင်း CRC မှ တာဝန်ရှိသူတစ်ဦးက ပြောသည်။ “ကျွန်တော်တို့ CRC အောက်မှာ ကော်မတီ ၁၂ ခု ရှိတယ်။ ဒီ ၁၂ ခုက လူတွေဆိုရင် တစ်ယောက်နဲ့ တစ်ယောက် မတွေ့ဖူး ကြဘူး၊ တကွဲတပြားနေကြတယ်၊ ပြီးတော့ အများစုက အလုပ်လုပ်ကြတယ်၊ ဘုရားကြောင်းလဲမတူကြဘူး၊ ဘာသာ စကားလဲမတူကြဘူးဆိုတော့ ကျွန်တော်တို့ ချင်းလူမျိုးတွေ အချင်းချင်း မိတ်ဆွေဖွဲ့လို့ရအောင် အဓိက ချစ်ကြည်ရေးတည်ဆောက်ဖို့ကို ရည်ရွယ်ပြီးတော့ ကျင်းပတာဖြစ်ပါတယ်” ဟု ၎င်းကပြောသည်။ အားကစားပွဲတွင် အမျိုးသားနှင့် အမျိုးသမီး ဘောလုံး၊ ဘော်လီဘော၊ ချင်းလုံးခတ်ပြိုင်ပွဲများပါဝင်ပြီး CRC အနေဖြင့် ယခုကဲ့သို့ ဆောင်းရာသီအားကစားပွဲများကို နှစ်စဉ်နှစ်တိုင်း စည်စည်ကားကား ကျင်းပလေ့ရှိကြောင်း သိရသည်။ Chin Refugee Committee (CRC) အောက်တွင် ချင်းမျိုးနွယ်စုအသီးသီး၏ ဒုက္ခသည်ကော်မတီပေါင်း ၁၂ ခု ရှိသည်ဟု သိရသည်။ အိန္ဒိယနိုင်ငံ၊ ဒေလီးမြို့တွင် ချင်းပြည်နယ်မှ နှစ်စဉ် ဒုက္ခသည်များ ထပ်မံရောက်ရှိလာနေပြီး လက်ရှိတွင် စာရင်းအတိအကျ…
|| လေးလအတွင်း စစ်ကောင်စီတပ်ဖွဲ့ဝင် ၁၇ ဦး အလင်းဝင်ခဲ့ပြီး ၅၀ ကျော် သေဆုံး (006SV) ချင်းပြည်နယ်၊ ဟားခါးမြို့နယ်တွင် စစ်ကောင်စီနှင့် CDF – ဟားခါးတို့ကြားက တိုက်ပွဲ ၄ လအတွင်း စစ်ရဟတ်ယာဉ် ၁ စင်းကို ပစ်ခတ်ဖျက်ဆီးနိုင်ခဲ့ပြီး စစ်ကောင်စီတပ်ဖွဲ့ဝင် ၅၀ ကျော် သေဆုံးခဲ့ကြောင်း CDF – ဟားခါးထံမှ သိရသည်။ ၂၀၂၄ ခုနှစ် ဇူလိုင် ၁၂ ရက်မှ နိုဝင်ဘာလ ၁၂ ရက်အထိ ၄ လအတွင်း ဟားခါးမြို့နယ်မှာ စစ်ရေးလှုပ်ရှားမှု များနှင့် ပတ်သက်၍ CDF – ဟားခါးက ယမန်နေ့က ထုတ်ပြန်ရာတွင် အသိပေးလာခြင်းဖြစ်သည်။ အောက်တိုဘာလ ၁၀ ရက် မနက်ပိုင်းတွင် ဟားခါးမြို့မှ အပြန် ကလေးမြို့ဘက်အဆင်းတွင် Mi – 17 ရဟတ်ယာဉ်အမြီးပိုင်းကို ပျက်စီးသည်အထိ ပစ်ခတ်ဖျက်ဆီးနိုင်ခဲ့ကြောင်း CDF – ဟားခါးမှ တာဝန်ရှိသူ တစ်ဦးက ပြောသည်။ “ကျနော်တို့ ပစ်ခတ်တာတော့ ကလေးနဲ့ ဟားခါးကြားမှာပါ။ ဟားခါးဘက်မှာ ရဟတ်ယာဉ်စောင့်တဲ့ ကျနော်တို့အဖွဲ့တွေ ရှိတယ်။ စစ်မှူးထမ်းကိစ္စနဲ့ လာတော့မယ်လို့ သတင်းကြားပြီးတော့ ကျနော်တို့ တပ်ဖွဲ့တွေ ၃ ပတ်လုံးလုံး ရဟတ်ယာဉ် စောင့်ထားတာရှိ တယ်။ အဲဒီ ၁၀ လပိုင်း ၁၀ ရက် မနက်ပိုင်းကတော့ ကျနော်တို့ ပစ်တုန်းက ထိခိုက်တာ ဖုန်းနဲ့ မှတ်တမ်းရိုက်ထားတာတွေ ရှိတယ်”…
(006SV) ချင်းပြည်ကောင်စီ ဦးဆောင်ကော်မတီသည် ၈ ကြိမ်မြောက် အစည်းအဝေးကို ကျင်းပခဲ့ပြီး ချင်းအင်အားစုအားလုံး စုစည်းညီညွတ်ရေးအပါအဝင် အချက် ၃ ချက်ကို ဆွေးနွေးခဲ့ကြောင်း ချင်းပြည်ကောင်စီ ဦးဆောင်အဖွဲ့ အတွင်းရေးမှူး ဆလိုင်းပေါလ်က ပြောသည်။ ၈ ကြိမ်မြောက်အစည်းအဝေးကို အောက်တိုဘာလ ၃၀ ရက်မှ နိုဝင်ဘာလ ၁ ရက်အထိ ချင်းလုံမြို့တွင် ကျင်းပခဲ့ပြီး အစုအဖွဲ့ ၃ ခုမှ ကိုယ်စားလှယ်စုစုပေါင်း ၂၂ ဦးတက်ရောက်ခဲ့ကြောင်း သိရသည်။ ပထမအချက်မှာ ချင်းပြည်နယ်အတွင်း တိုက်ပွဲဖော်ဆောင်နေသည့် စစ်ရေးနှင့်ပတ်သက်ပြီး လက်ရှိထက် ပို၍ စုစုစည်းစည်းနှင့် စစ်ရေးအောင်နိုင်ရေးကို ဆွေးနွေးခဲ့ကြကြောင်း ဆလိုင်းပေါလ်က ပြောသည်။ ဒုတိယအချက်မှာ ချင်းပြည်နယ်အတွင်း တရားဥပဒေစိုမိုးရေးနှင့် အုပ်ချုပ်ရေးကဏ္ဍ ပိုမိုကောင်းမွန်စွာ လည်ပတ်နိုင်ရေးကို လိုအပ်သည့် မူဝါဒများချမှတ်ကာ ဆက်လက်အကောင်အထည်ဖော်ရန် တာဝန်အသီးသီးခွဲဝေမှုများ ပြုလုပ်ခဲ့ကြောင်း သိရသည်။ တတိယအချက်မှာ ချင်းပြည်တည်ဆောက်ရေးတွင် ချင်းတော်လှန်ရေးအင်အားစုများ အားလုံး စုစုစည်းစည်း သွားနိုင်ရေး၊ စစ်ကောင်စီကို ချင်းအင်အားစုတွေ တစုတစည်းထဲ တော်လှန်နိုင်ရေး စသည့် ချင်းအင်အားစု စုစည်းညီညွတ်ရေးကို ဆွေးနွေးခဲ့ကြောင်း ဆလိုင်းပေါလ်ကပြောသည်။ “၈ ကြိမ်မြောက်အစည်းအဝေးမှာ ဒီအချက်တွေကို ဆက်လက်အကောင် အထည်ဖော်နိုင်ရေးအတွက် သက်ဆိုင်ရာ မဏ္ဍိုင် အသီးသီးကနေ တာဝန်ခွဲဝေမှုတွေ လုပ်ပြီးတော့ ဒီဟာတွေကို ဆက်ပြီးတော့မှ ချင်းပြည်အရေး၊ ချင်းအမျိုးသားရေးကို အလေးထားဆက်လက်ဆောင်ရွက်သွားဖို့ပဲ သွားနေတာဖြစ်ပါတယ်” ဟု ချင်းပြည်ကောင်စီ ဦးဆောင်အဖွဲ့ အတွင်းရေးမှူး ဆလိုင်းပေါလ်က ပြောသည်။ ယင်းအစည်းအဝေးတွင် ၂၀၂၃ ချင်းပြည်ဖွဲ့စည်းပုံကို လေ့လာသုံးသပ်နိုင်ရေးကို အကောင်အထည်ဖော်နိုင်ရန်…
ရေး – သြသနီရယ်လ် တင်မ်ပို (၁) ၁၊ ဖေဖော်ဝါရီ ၂၀၂၄ တွင် ချင်းပြည်ကောင်စီ (CC) သည် ချင်းပြည် ဖွဲ့စည်းပုံအခြေခံဥပဒေ (၂၀၂၃) အရ ချင်းပြည်အစိုးရ (Chinland Government) ကို ဖွဲ့စည်းခဲ့ပြီး၊ ယင်းထက်စော၍ ၂၇၊ ဇန်နဝါရီ ၂၀၂၄ တွင် ကြားကာလ ချင်းအမျိုးသားအတိုင်ပင်ခံကောင်စီ (ICNCC) သည် NUCC ကထုတ်ပြန်သော ဖက်ဒရယ်ဒီမိုကရေစီ ပဋိညာဥ် (Federal Democracy Charter) အစိတ်အပိုင်း (၂)၊ အခန်း (၈)၊ အပိုဒ် (၅၂) ပါ ပြဌာန်းချက်ကို ကိုးကား၍ ချင်းပြည်သူ့အုပ်ချုပ်ရေးကော်မတီကို ဖွဲ့စည်းခဲ့ပြီး၊ ချင်းပဋိညာဥ် (Chin Charter) ပြင်ဆင်ပြီးစီးလျှင် ချင်းပြည်အစိုးရကိုဖွဲ့စည်းသွားမည်ဖြစ်ကြောင်း ထုတ်ပြန်ခဲ့သည်။ ယခုအခါ ချင်းပြည်နယ်အဆင့် ယင်းအုပ်ချုပ်မှုအဖွဲ့အစည်းနှစ်ခုစလုံးသည် ဖွဲ့စည်းတည်ရှိမှု ၁၀ လ တာကာလထဲသို့ ရောက်ရှိလာခဲ့ပြီဖြစ်သည်။ ICNCC ဘက်က ၎င်းတို့ထုတ်ပြန်ထားသည့်အတိုင်း ဆောင်ရွက်မှု မည်မျှပြီးစီးကြောင်း မသိရှိရသော်လည်း ချင်းပြည်ကောင်စီ၊ ချင်းပြည်လွှတ်တော်ကမူ ချင်းပြည် ဒေသန္တရအုပ်ချုပ်ရေးဥပဒေကို ယခုလအတွင်းပြဌာန်းမည်ဟုသိရသည်။ ဤဆောင်းပါးတွင် ချင်းပြည်နယ်အတွင်းရှိ မြို့နယ်များ၏ တော်လှန်ရေးကာလ အုပ်ချုပ်ရေးဆိုင်ရာ အဖွဲ့အစည်းများ ဖွဲ့စည်းဖြစ်ပေါ်မှုနှင့် စိန်ခေါ်မှုများကို အကျဥ်းတင်ပြသွားပါမည်။ (၂) ၂၂၊ ဖေဖော်ဝါရီ ၂၀၂၁ တွင် ပြည်ထောင်စုလွှတ်တော်ကိုယ်စားပြုကော်မတီ (CRPH) က ကြားကာလ ပြည်သူ့အုပ်ချုပ်ရေးအစီအစဥ်ကို ထုတ်ပြန်ခဲ့သည်။ ရည်ရွယ်ချက်မှာ စစ်ကောင်စီ၏ အုပ်ချုပ်ရေး ယန္တရားကို အစားထိုးဆောင်ရွက်ဖို့ဖြစ်သည်။ ယင်းထုတ်ပြန်ချက်ကို ကိုးကား၍…
(005MK) မီဇိုရမ်ပြည်နယ် လောင်တလိုင်ခရိုင်အတွင်း ဝင်ရောက်ခိုလုံနေကြသော စစ်ဘေးရှောင်များအတွက် ဆန်ထောက်ပံ့ရေး အစီစဉ်ကို ယနေ့စတင်လိုက်ပြီး လောင်တလိုင်မြို့က ကာနန်စစ်ဘေးရှောင်စခန်းတွင် စတင်ပေးအပ်ခဲ့သည်ဟု သိရသည်။ လောင်တလိုင်မြို့ Chandmary ရပ်ကွက် ကာနန်စစ်ဘေးရှောင်စခန်းတွင် ယနေ့ ကျင်းပပြုလုပ်သော ဆန်ထောက်ပံ့ရေး အစီအစဉ်အခမ်းအနားကို လောင်တလိုင်ခရိုင်အုပ်ချုပ်ရေးမှူး Pu Cheemala Siva Gopal Reddy က ဖွင့်လှစ်အပ်နှံခဲ့သည်ဟု The Lawngtlai Post က ဖော်ပြသည်။ ယခုလက်ရှိလောင်တလိုင်ခရိုင်ထဲတွင် မြန်မာ၊ ဘင်္ဂလားဒေ့ရှ်နိုင်ငံနှင့် မဏိပူရ်ပြည်နယ်တို့မှ စစ်ဘေးရှောင်ပြည်သူ ၈၀၂၀ ဦးရှိနေပြီး အများစုမှာ လောင်တလိုင်မြို့ပေါ်မှာနေထိုင်ကြသည်ဟု သိရသည်။ စစ်ဘေးရှောင်အားလုံးအတွက် ရူပီးငွေ ၁၅ သိန်းတန်ဖိုးရှိသော ဆန်တန်ချိန် ၁၅၂၀.၂၂ ကို ဖြန့်ဝေသွားမည်ဟု သိရသည်။ အဆိုပါဆန်များကို စစ်ဘေးရှောင်စခန်းများအားလုံးတွင် စောလျင်စွာ ရောက်ရှိနိုင်ရေးအတွက် အစီအစဉ်များ ချမှတ်ထားပြီးဖြစ်သည်ဟုလည်း သိရသည်။ ယခုအစီစဉ်သည် အိန္ဒိယဗဟိုအစိုးရနှင့် မီဇိုရမ်ပြည်နယ်အစိုးရတို့မှ ပူးပေါင်း ဆောင်ရွက်သည့်အစီစဉ်ဖြစ်သည်ဟု သိရသည်။ မီဇိုရမ်ပြည်နယ်ထဲတွင် မြန်မာ၊ ဘင်္ဂလားဒေ့ရှ်နိုင်ငံနှင့် မဏိပူရ်ပြည်နယ်တို့မှ စစ်ဘေးရှောင် ၄၅၀၀၀ ခန့်ရှိပြီး ယင်းအနက် မြန်မာစစ်ဘေးရှောင်များသည် လူဦးရေအများဆုံးဖြစ်ကာ ၃၅၀၀၀ ဝန်းကျင်ခန့်ရှိသည်ဟု သိရသည်။
(005MK) အိန္ဒိယနိုင်ငံ မဏိပူရ်ပြည်နယ် အင်ဖာမြို့အကျဉ်းထောင်ထဲမှာ မတရားဖမ်းဆီးချုပ်နှောင်ခြင်းခံနေရသော မြန်မာနိုင်ငံက စစ်ဘေးရှောင်များအား မီဇိုရမ်ပြည်နယ်ဘက်ကို လွှဲပြောင်းရယူနိုင်မည့်နည်းလမ်းရှာပေးရန် ဗဟိုမီဇိုးလူငယ်အသင်း (CYMA) က မီဇိုရမ်ပြည်နယ်အစိုးရထံ တင်ပြတောင်းဆိုကြောင်းသိရသည်။ CYMA ဥက္ကဌ Pu Lalhmachhuana ဦးဆောင်သော ဗဟိုမီဇိုးလူငယ်အသင်းတာဝန်ရှိသူတချို့သည် မီဇိုရမ်ပြည်နယ် ပြည်ထဲရေးဝန်ကြီး Pu K. Sapdanga ကို ယနေ့မနက်ပိုင်းတွင် သွားရောက်တွေ့ဆုံခဲ့ကြရာမှာ မဏိပူရ်ပြည်နယ် အကျဉ်းထောင်ထဲက ဖမ်းဆီးချုပ်နှောင်ခံရသော မြန်မာစစ်ဘေးရှောင်များအရေးကို ထည့်သွင်းတင်ပြခဲ့ကြခြင်း ဖြစ်သည်။ ဗဟိုမီဇိုးလူငယ်အသင်း၏ တင်ပြတောင်းဆိုချက်နှင့်ပတ်သက်၍ မီဇိုရမ်ပြည်နယ်ရဲတပ်ဖွဲ့တာဝန်ရှိသူများနှင့်အတူ ဆွေးနွေးတိုင်ပင်သွားမည်ဟု ပြည်ထဲရေးဝန်ကြီးက ပြောဆိုခဲ့ကြောင်း မီဇိုရမ်ဒေသတွင်းသတင်းဌာနတစ်ခုမှာဖော်ပြထားပါတယ်။ ယခုလက်ရှိ မဏိပူရ်ပြည်နယ် အင်ဖားမြို့အကျဉ်းထောင်ထဲမှာ မတရားဖမ်းဆီးချုပ်နှောင်ခံထားရသူ ၁၅၀ ကျော်ခန့်ရှိ နေသေးပြီး ထောင်ကကျွေးသည့် အဟာရမပြည့်သောအစားအသောက်များစားသောက်ခြင်း၊ သန့်ရှင်းမှုမရှိသော ရေများသောက်သုံးနေရသည့်အတွက်လည်း ရုပ်ပိုင်းဆိုင်ရာ၊ စိတ်ပိုင်းဆိုင်ရာ ကျန်းမာရေးများထိခိုက်ကာ စိတ်ဆင်းရဲမှုများရင်ဆိုင်နေကြရသည်ဟု သိရသည်။ ဗဟိုမီဇိုးလူငယ်အသင်းခေါင်းဆောင်များနှင့် မီဇိုရမ်ပြည်နယ် ပြည်ထဲရေးဝန်ကြီးတို့ ယနေ့တွေ့ဆုံမှုတွင် မီဇိုရမ်ပြည် နယ်ထဲက စစ်ဘေးရှောင်စခန်းအသစ်တည်ဆောက်ရေးလည်း ဆွေးနွေးခဲ့ကြသည်ဟု သိရဿည်။ မီဇိုရမ်ပြည်နယ် ကျန်ဖိုင်းခရိုင်အတွင်းရှိ မြန်မာစစ်ဘေးရှောင်များနေထိုင်သောအဆောက်အဦးတစ်ခုသည် အစိုးရက ပြန်လည်အသုံးပြုတော့မည်ဖြစ်သည့်အတွက် စစ်ဘေးရှောင်များနေထိုင်မည့် Relief Camp စစ်ရှောင်စခန်း အသစ် တည်ဆောက်ရန်လိုအပ်သည်ဟု CYMA က ဆိုသည်။ ယင်းစစ်ရှောင်စခန်းအသစ်တည်ဆောက်ရန်အတွက် ကုန်ကျစရိတ်များကို မီဇိုရမ်အစိုးရထံတင်ပြတောင်းဆိုခဲ့ကြပြီး ပြည်ထဲရေးဝန်ကြီးကလည်း အမြန်ဆုံးအကောင်ထည်ဖော်နိုင်ရန် အစည်းအဝေးတစ်ရပ်ခေါ်ယူသွားမည်ဟု ပြောဆိုခဲ့ကြောင်း သိရသည်။
(006SV၊ MG) ချင်းပြည်နယ်၊ မင်းတပ်မြို့တွင် စစ်ကောင်စီတပ်နှင့် CDF – မင်းတပ် ၊ ချင်းညီနောင် ပူးပေါင်းတပ်တို့ကြား ၃ ရက်ဆက် တိုက်ပွဲများအပြင်းအထန်ဖြစ်ပွားနေကြောင်း မင်းတပ်မြို့နယ်-ပအဖမှ ကိုယောမာန်နှင့် ဒေသခံများက ပြောသည်။ နိုဝင်ဘာလ ၉ ရက်မှစတင်၍ မင်းတပ်မြို့ပေါ်က စစ်ကောင်စီစခန်းများကို ချင်းကာကွယ်ရေး ပူးပေါင်းတပ်များက ထိုးစစ် ဆင်တိုက်ခိုက်ခဲ့ရာ ယနေ့ နိုဝင်ဘာလ ၁၁ ရက်အထိ တိုက်ပွဲများ ပြင်းထန်နေပြီး စစ်ကောင်စီက လက်နက်ကြီးပစ်ကူများ၊ လေကြောင်းတိုက်ခိုက်မှုများဖြင့် အပြင်းအထန် ခုခံနေသည်။ “မင်းတပ်မြို့ပေါ်မှာ တိုက်ပွဲတွေ တောက်လျှောက်ဖြစ်နေတယ်။ တိုက်ပွဲဖြစ်နေတာ ၃ ရက်ရှိသွားပြီ။ စစ်ကောင်စီက နေ့တိုင်း လာဗုံးကြဲနေတယ်။ စစ်ကောင်စီက နေအိမ်တွေကို မီးရှို့တာတွေ ရှိနေတယ်” ဟု မင်းတပ်မြို့နယ် ပြည်သူ့အုပ်ချုပ်ရေးအဖွဲ့မှ ကိုယောမာန်က ပြောသည်။ မင်းတပ်မြို့ပေါ်က နေအိမ်များကို စစ်ကောင်စီက မီးရှို့ဖျက်စီးမှုများကြောင့် အိမ်ခြေ ၃၀ ခန့် ပျက်စီးသွားသည်ဟု ခန့်မှန်း ရကြောင်း ကိုယောမာန်က ပြောသည်။ မင်းတပ်မြို့စစ်ဆင်ရေးနှင့် ပတ်သက်၍ ချင်းညီနောင်အနေဖြင့် ပြည့်ပြည့်စုံစုံ စာထုတ်သွားရန် ရှိကြောင်းသိရသည်။ မင်းတပ်မြို့ပေါ် တိုက်ပွဲများသည် ခလရ – ၂၇၄ တပ်ရင်းနှင့် ရဲစခန်းအပါအဝင် စစ်ကောင်စီ ထိန်းချုပ်ရာ နေရာတဝိုက်တွင် ဖြစ်ပွားနေပြီး Y- 12 ဗုံးကြဲလေယာဉ်ဖြင့် မင်းတပ်မြို့ပေါ်နေရာများကို ၄ လုံး တစ်တွဲ ဗုံးများနှင့် အလုံး ၃၀ ကျော် ကြဲချတိုက်ခိုက်သွားကြောင်း ဒေသခံများက ပြောသည်။ “စောစောကပဲ…
ချင်းပြည်နယ် ဖလမ်းမြို့မှာ ချင်းညီနောင်တပ်ဖွဲ့များက မြို့သိမ်းစစ်ဆင်ရေး ဆက်လက်ဖော်ဆောင်နေပြီး ယနေ့မှာလည်း စစ်ကောင်စီတပ်နှင့် တိုက်ပွဲများ ဆက်လက်ဖြစ်ပွားလျှက်ရှိကာ လေကြောင်းဗုံးကြဲတိုက်ခိုက်မှုများလည်း ရှိနေသည်ဟု သိရသည်။ ဖလမ်းမြို့တွင် နိုဝင်ဘာလ ၈ ရက်နေ့ကစ၍ စစ်ကောင်စီတပ်နှင့် ချင်းညီနောင်တပ်ဖွဲ့များအကြား တိုက်ပွဲများပြန်လည်ဖြစ်ပွားခဲ့ပြီး စစ်ကောင်စီဘက်က လေကြောင်းအပြင် လက်နက်ကြီးများဖြင့် အပြင်းအထန်ခုခံနေသည်ဟု မြေပြင် သတင်းရင်းမြစ်များထံမှ သိရသည်။ ယမန်နေ့ နိုဝင်ဘာလ ၁၀ ရက်နေ့ကလည်း စစ်ကောင်စီက Y-12 လေယာဉ်ဖြင့် အကြမ် ၂၀ ခန့်ဗုံးကြဲခဲ့သည့်အပြင် ယနေ့မှာလည်း တိုက်လေယာဉ်ဖြင့် အနည်းဆုံး ၃ ကြိမ်ခန့် ထပ်မံဗုံးကြဲတိုက်ခိုက်ခဲ့သည်ဟု သိရသည်။ ယခုလက်ရှိတွင် ဖလမ်းမြို့ပေါ်တွင် ဒေသခံပြည်သူအနည်းကျဉ်းသာကျန်တော့ပြီး ၉၀ ရာခိုင်နှုန်းကျော်ကတော့ ဘေးလွတ်ရာကို ထွက်ပြေးတိမ်းရှောင်ခဲ့ကြပြီး ဖုန်းလိုင်းများလည်း ပြတ်တောက်နေသည့်အတွက် မြေပြင်အခြေအနေကို အသေးစိတ် စုံစမ်းမေးမြန်း၍ မရသေးပေ။ ချင်းအမျိုးသားကာကွယ်ရေးတပ်ဖွဲ့ CNO/CNDF တပ်ဖွဲ့သည် ချင်းညီနောင်၏ စစ်ရေးဦးဆောင်မှုနှင့်အတူ ဖလမ်းမြို့ သိမ်းပိုက်နိုင်ရေးအတွက် Mission Jerusalem (MJ) စစ်ဆင်ရေးကို ဖော်ဆောင်နေခြင်းဖြစ်ပြီး တိုက်ပွဲဖြစ်စဉ်နှင့်ပတ်သက်၍ ထုတ်ပြန်ခြင်းမရှိသေးပေ။ အလားတူ ချင်းပြည်တောင်ပိုင်း မင်းတပ်မြို့မှာလည်း ချင်းညီနောင်က မြို့သိမ်းစစ်ဆင်ရေးဖော်ဆောင်နေပြီး နိုဝင်ဘာလ ၉ ရက်နေ့ကစ၍ ယနေ့ချိန်ထိ တိုက်ပွဲများပြင်းထန်နေသည်။ စစ်ကောင်စီဘက်က ထုံစံအတိုင်း လေကြောင်းတိုက်ခိုက်မှုလည်း အပြင်းအထန် ပြုလုပ်နေသည်ဟု သိရသည်။
(005MK) အိန္ဒိယနိုင်ငံ မီဇိုရမ်ပြည်နယ်အခြေစိုက် မီဇိုးကျောင်းသားသမဂ္ဂ(Mizo Student Union) ဥက္ကဌ Samuel Zoram thanpuia သည် ငွေကြေးအလွဲသုံးစားမှု၊ ပြန်ပေးဆွဲမှု နှင့် ခြိမ်းခြောက်ငွေညှစ်မှုဖြင့် ယမန်နေ့က ဖမ်းဆီးခံရသည်ဟု သိရသည်။ Anti-corruption Bureau(ACB) ဟုခေါ်သော အဂတိလိုက်စားမှုတိုက်ဖျက်ရေးဗျူရိုက MSU ဥက္ကဌကို အဂတိလိုက် စားမှုဖြင့် နိုဝင်ဘာလ ၈ ရက်နေ့က ဖမ်းဆီးခဲ့ပြီးနောက်၊ အိုင်ဇောလ်မြို့ရဲတပ်ဖွဲ့ကလည်း ပြန်ပေးဆွဲမှု၊ ခြိမ်းခြောက်၍ ငွေညှစ်မှုဖြင့် ထပ်မံဖမ်းဆီးခဲ့သည်ဟု မီဇိုရမ်နေ့စဉ်ထုတ် Vanglaini သတင်းစာမှာဖော်ပြထားသည်။ Samuel Zoramthanpuia ကို ယမန်နေ့က အိုင်ဇောလ်ခရိုင်တရားရုံးကိုခေါ်သွားပြီးနောက် တရားရုံး၏အမိန့်အရ ဗဟိုထောင်ကိုပို့ဆောင်လိုက်ပြီး၊ တရားစွဲဆိုသည့်အမှုများမှာ အာမခံ၍မရသောအမှု(Non Bailable) ဖြစ်သည်ဟု ဆိုသည်။ အဂတိလိုက်စားမှုတိုက်ဖျက်ရေးဗျူရို (ACB) က မီဇိုးကျောင်းသားသမဂ္ဂဥက္ကဌကို ဖမ်းဆီးသည့်အကြောင်းရင်းမှာ ၂၀၂၂ ခုနှစ်တုန်းက “Project Mizoram (Covid-19 Relief Fund)” အမည်ဖြင့် ကျန်းမာရေးနှင့် မိသားစု လူမှုဖူလုံရေးဌာန(Health and Family Welfare) မှ လက်ခံရရှိသော ရူပီးငွေသိန်း ၅၀ သုံးစွဲမှုဖြစ်သည်ဟု သိရသည်။ နောက်တစ်ခုမှာ ချင်းပြည်နယ်အတွင်းရှိ ချင်းပြည်သူလူထုနှင့် နယ်စပ်ဒေသမှ စစ်ဘေးရှောင်များကျန်းမာရေးစောင့်ရှောက်မှုပေးနေသည့် နယ်စပ်ဆေးရုံမှ Medical Equipment များဝယ်ယူရန်လက်ခံရရှိသောရူပီးငွေ ၁၅ သိန်းကျော်ကို ကြားခံဝယ်ယူပေးရာတွင် Sukarma Healthcare and Medical Devices အား ကျသင့်ငွေမပေးသည့်အတွက် Supplier မှ တရားစွဲသည့်အမှုနှင့်သက်ဆိုင်သည်ဟု သိရသည်။ အဆိုပါငွေကြေးများသုံးစွဲမှုနှင့်ပတ်သက်၍ အလွဲသုံးစားမှုရှိသည်ဟု…