(006SV) အာဏာသိမ်းစစ်တပ်က ချင်းပြည်တောင်ပိုင်းကို ထိုးစစ်ဆင်တိုက်ခိုက်ရန် ပြင်ဆင်ဆောင်ရွက်နေစဉ် နိုင်ငံတကာရောက် ချင်းပြည်သူများအနေဖြင့် ချင်းပြည်အရေးပေါ်ကာကွယ်ရေး ရန်ပုံငွေ ထည့်ဝင်ကြရန် ချင်းပြည်သူ့အစည်းအရုံး/ ချင်းပြည် သူ့တပ်မတော် (CPU/ CPA) က တိုက်တွန်းနှိုးဆော်နေသည်။ ချင်းပြည်သူ့အစည်းအရုံး ဗဟိုကော်မတီနှင့် နိုင်ငံတကာ ထောက်ပို့အဖွဲ့အစည်းများသည် မေလ ၃ ရက်က ကျင်းပပြုလုပ်သော အစည်းအဝေးဆုံးဖြတ်ချက်အရ ချင်းပြည်အရေးပေါ် ကာကွယ်ရေး ရန်ပုံငွေ ထည့်ဝင်ကြရန် နိုင်ငံတကာချင်းအသိုင်းအဝိုင်းထံ တောင်းဆိုစာများ ထွက်ပေါ်လာခြင်းဖြစ်သည်။ စင်ကာပူနိုင်ငံရှိ ချင်းပြည်သူများနှင့် ချင်းတော်လှန်ရေး ညီအစ်ကိုမောင်နှများထံသို့လည်း တစ်ဦးချင်းအနေဖြင့် စင်္ကာပူဒေါ်လာ ၁၀၀ စီ ထည့်ဝင်၍ မိမိတို့၏ ဘိုးဘွားပိုင် အမိမြေကို ကာကွယ်ရာမှာ မြေပြင်ရှိ တော်လှန်ရေး ရဲဘော်ရဲဘက်များနှင့် တသားတည်း ရပ်တည်၍ ပူးပေါင်းပါဝင်ကြရန် မေလ ၁၁ ရက်မှာ CPU/ CPA က ကြေညာချက်ထုတ်၍ တိုက်တွန်းသည်။ အရှေ့အလယ်ပိုင်းနိုင်ငံများရှိ ချင်းတော်လှန်ရေး ညီအစ်ကိုမောင်နှမများ၊ ချင်းပြည်သူများနှင့် ချင်းပြည်သူ့အစည်းအရုံး ကိုယ်စားလှယ်များတို့သည် မေလ ၁၀ ရက်က တွေ့ဆုံ၍ ချင်းပြည်အရေးပေါ် ကာကွယ်ရေး ရန်ပုံငွေအတွက် ထည့်ဝင်ကြရန် မေလ ၁၈ ရက်မှာ ကြေညာချက်ထုတ်၍ တောင်းဆိုသည်။ အရှေ့အလယ်ပိုင်းဒေသ (Middle East) ရောက် ပြည်သူများအနေဖြင့် တစ်ဦးချင်း မြန်မာငွေ ကျပ်သုံးသိန်းစီ ထည့်ဝင်၍ မိမိတို့၏ ဘိုးဘွားပိုင် အမိမြေကို ကာကွယ်ရာမှာ ပူးပေါင်းပါဝင်ကြရန် ချင်းပြည်သူ့အစည်းအရုံးက တိုက်တွန်းသည်။ ချင်းတောင်ပိုင်းအစပ်ဒေသရှိ မကွေး၊ ဆောမြို့တွင် စစ်တပ်သည် အင်အားထောင်ဂဏန်းဖြင့်…
Author: Editor
(006SV) ချင်းပြည်နယ်မြောက်ပိုင်း၊ တွန်းဇံမြို့ကို အာဏာသိမ်းစစ်တပ်နှင့် ZRA – EC ပူးပေါင်းတပ်များ၏ တိုက်ခိုက်မှုများကြောင့် ယနေ့တွင် တွန်းဇံမြို့ကို ချင်းပူးပေါင်းတပ်များသည် ယာယီလက်လွှတ်ခဲ့ရကြောင်း သိရသည်။ တွန်းဇံမြို့ကို ပြန်လည်း ရရှိနိုင်ရေးအတွက် စစ်ကောင်စီတပ်နှင့် ၎င်း၏လက်ပါးစေ ZRA—EC ပူးပေါင်းတပ်သည် တီးတိန်မြို့နှင့် ကျီခါးမြို့ဘက်သို့မှ နှစ်ဖက်ညှပ်၍ အင်အားရာချီ အသုံးပြု၍ ဒရုန်း၊ လေကြောင်းပစ်ကူများ အဆမတန် အသုံးပြုကာ ထိုးစစ်ဆင် တိုက်ခိုက်ခဲ့ခြင်းဖြစ်သည်ဟု ဒေသတွင်း စစ်ရေးသတင်းရင်းမြစ်က ပြောသည်။ “တွန်းဇံကို လေကြောင်းပစ်ကူ၊ ဒရုန်းတွေနဲ့ အပြင်းအထန်တိုက်တယ်၊ မြေပြင်မှာလည်း အပြင်းအထန်တိုက်ပွဲဖြစ်ပြီး ဒီနေ့ ညနေပိုင်းမှာတော့ ချင်းပူးပေါင်းတပ်တွေ တပ်ဆုတ်ပေးလိုက်ရပါတယ်” ဟု ၎င်းက ပြောသည်။ ချင်းပြည်နယ်မြောက်ပိုင်းက စစ်ရေးအချက်အချာကျသော ဖလမ်းမြို့ကို စစ်ကောင်စီတပ်က ပြန်လည်းသိမ်းပိုက်ပြီး တစ်လနီးပါး အကြာတွင် တွန်းဇံမြို့ကို ချင်းတော်လှန်ရေးတပ်များက ထပ်မံ ဆုံးရှုံးရခြင်းဖြစ်သည်ဟု သိရသည်။ စစ်ကောင်စီတပ်နှင့် ZRA ပူးပေါင်းတပ်များသည် တီးတိန်မြို့နှင့် ကျီခါးမြို့တို့တွင် စစ်ရေးစုဖွဲ့ပြင်ဆင်ပြီးနောက် မေလ ၁၁ ရက်က စတင်စစ်ကြောင်းထိုးလာခဲ့ကြောင်း၊ မေလ ၁၃ ရက်မှစတင်၍ ဒရုန်းနှင့် အပြန်အလှန်ပစ်ခတ်မှုများ စတင်ဖြစ်ပွားခဲ့သည်ဟု သိရသည်။ ယင်းသို့ ထိတွေ့တိုက်ပွဲများ စတင်ဖြစ်ပွားပြီးနောက် မေလ ၁၇ ရက်မှ စတင်၍ နှစ်ဖက်တပ်များအကြား အပြင်းအထန် တိုက်ပွဲများ ဖြစ်ပွားခဲ့ပြီး ယနေ့ မေလ ၁၉ ရက် ညနေပိုင်းမှာ ချင်းပူးပေါင်းတပ်သည် မြို့ကို သိမ်းပိုက်ထိန်းချုပ်ထားရာမှ ဆုတ်ခွာပေးခဲ့ရ သည်ဟု သိရသည်။ စစ်ကောင်စီတပ်အင်အား…
ချင်းပြည်နယ် ၊ ဟားခါးမြို့နယ်တွင် စစ်ရေးလှုပ်ရှားနေသော CDF-Hakha တပ်ဖွဲ့ အရာရှိအချင်းချင်းအငြင်းပွားရာမှ ပစ်ခတ်မှုဖြစ်ပွား၍ ဒုတိယဥက္ကဌဟောင်း Salai Sang Ling ကျဆုံးသွားသည်ဟု သိရသည်။ မေလ ၁၅ ရက်နေ့က CDF ဟားခါး၏ အထွေထွေအတွင်းရေးမှူး Salai Za Cung Lian နှင့် ဒုဥက္ကဋ္ဌ (ဟောင်း) Salai Sang Ling တို့အကြား အငြင်းပွားရာကနေ အတွင်းရေးမှူးက သေနတ်နှင့်ပစ်ခတ်ကာ ကျဆုံးခဲ့ခြင်းဖြစ်သည်ဟု CDF-Hakha နှင့်နီးစပ်သူတစ်ဦးကပြောသည်။ “သူတို့ဘာကြောင့် အငြင်းပွားရတယ်ဆိုတော့ အတိအကျမသိရဘူး၊ အတွင်းရေးမှူးက သေနတ်နဲ့ပစ်လို့ ကျဆုံးသွားတာပါ၊ အပြန်အလှန်ပစ်ခတ်မှုမျိုးတော့မဟုတ်ဘူး” ဟု CDF-Hakha နှင့်နီးစပ်သူတစ်ဦးကပြောသည်။ ဖြစ်စဉ်အသေးစိတ်အခြေအနေကို မသိရသေးဘဲ၊ အဆိုပါကိစ္စနှင့်ပတ်သက်၍ CDF-Hakha ဘက်မှလည်း တစ်စုံတစ်ရာ အသိပေးထုတ်ပြန်ခြင်းမရှိသေးပေ။ Salai Sang Ling သည် မြို့ပြအင်ဂျင်နီယာကျောင်းသားတစ်ဦးဖြစ်ပြီး စစ်အာဏာသိမ်းမှုနောက်ပိုင်း ဟားခါးမြို့ လူထုသပိတ်များတွင် ဦးဆောင်ပါဝင်ခဲ့သူဟုသိရသည်။ ထို့နောက် CDF-Hakha ကိုစတင်ဖွဲ့စည်းချိန်ကတည်းက ပါဝင်ပြီး ဒုတိယဥက္ကဌတာဝန်အထိထမ်းဆောင်ခဲ့သည်ဟု သိရသည်။ Salai Sang Ling သည် ချင်းပြည်နယ်က စစ်ဆင်ရေးအများအပြားတွင် ရှေ့တန်းမှဦးဆောင်တိုက်ပွဲဝင်ခဲ့သူဖြစ်ပြီး CDF-Hakha အတွက် အဓိကအားထားရသူဖြစ်ကြောင်းသိရသည်။ ပုံစာ – ကျဆုံးသွားသော Salai Sang Ling
(006SV) ဖလမ်းမြို့ကို စစ်တပ်က ပြန်လည်သိမ်းပိုက်ပြီးနောက် ဖလမ်း- ဟားခါး လမ်းပိုင်း ထိန်းချုပ်နိုင်ရေးအတွက် ဖလမ်းနှင့် ဟားခါး မြို့ တို့မှ နှစ်ဖက်ညှပ်စစ်ကြောင်းထိုးလာနေသော စစ်တပ်ကို ချင်းပူးပေါင်းတပ်က တိုက်ခိုက်ရာ ဗျူဟာမှူးအပါအဝင် အရာရှိ ၄ ဦး ထိခိုက်ဒဏ်ရာများ ရရှိပြီး ၄ ဦး သေဆုံးကြောင်း သိရသည်။ ဖလမ်းမြို့မှ အင်အား ၅၀၀ ခန့်ဖြင့် ဟားခါးမြို့သို့ ဦးတည်စစ်ကြောင်းထိုးလာနေသော အာဏာသိမ်းစစ်တပ်သည် ချွန်ကျုံး ကျေးရွာ ကို ရောက်ရှိနေစဉ် ဟားခါးအခြေစိုက်၊ ဗျူဟားမှူး ပါဝင်သော စစ်တပ်စစ်ကြောင်းက ချွန်ကျုံးရွာဘက်ကို ထိုးစစ်ဆင်လာချိန်မှာ ဒရုန်း၊ လက်နက်ကြီး များဖြင့် ယမန်နေ့ မေလ ၁၄ ရက်က တိုက်ခိုက်ခဲ့သည်ဟု CDF – ဟားခါးဥက္ကဌက ပြောသည်။ ယင်းတိုက်ခိုက်မှုတွင် ဟားခါးမြို့ ခလရ ၂၆၆ တပ်ရင်းက စစ်တပ်၏ ဗျူဟားမှူး အပါအဝင် အရာရှိ ၄ ဦး ထိခိုက်ဒဏ်ရာများ ရရှိပြီး တပ်ဖွဲ့ဝင် ၄ ဦး ထိခိုက်သေဆုံးခြင်းဖြစ်သည်။ “မနေ့က ၁၀ နာရီကျော်ကျော်လောက်မှာ ချွန်ကျုံးရွာကို စစ်ခွေးတွေ ဝင်တယ်။ အဲဒါ ဟားခါးဘက်ကနေ ကြိုတဲ့ စစ်ကြောင်းလည်း ရှိတယ်။ ဗျူဟာမှူး ဦးဆောင်ပြီးတော့ လာတယ်။ အဲဒါကို ကျနော်တို့က ဒရုန်းနဲ့ လက်နက်ကြီးနဲ့ တိုက်ခိုက်တော့ သူတို့ အရာရှိကြီး တွေ နေရာကို သွားကျတယ်။ အဲဒါနဲ့ ဗျူဟာမှူးလည်း ဒဏ်ရာ ရတယ်။…
(004SS) ချင်းပြည်နယ်၊ တီးတိန်မြို့ရှိ ချယ်ရီတည်းခိုခန်းပိုင်ရှင် ဦးထန်ခန်းဒါလ်သည် ဖမ်းဆီးထိန်းသိမ်းခြင်းခံရစဉ်အတွင်း ရောဂါ အခံဖြင့် သေဆုံးခဲ့သည်ဟု ZFU/PDF Zoland က ထုတ်ပြန်ခဲ့သော်လည်း ရုပ်အလောင်းတွင် နှိပ်စက်ခံထားရသည့် ဒဏ်ရာ များတွေ့ရှိရမှုအပေါ် ဒေသခံများအကြား ဝေဖန်မှုများ မြင့်တက်နေသည်။ ဦးထန်ခန်းဒါလ်သည် စစ်ကော်မရှင် (စကမ) နှင့် ဆက်သွယ်သတင်းပေးသည်ဟုဆိုကာ မေလ ၁၁ ရက်နေ့က ZFU/PDF Zoland လက်အောက်ခံ People’s Police Force- Zoland က ဖမ်းဆီးခဲ့ခြင်းဖြစ်သည်။ ထိုသို့ ဖမ်းဆီးထိန်းသိမ်းခံထားရစဉ်အတွင်း ဦးထန်ခန်းဒါလ်သည် ၎င်း၏ ရောဂါအခံများဖြစ်သည့် ဆီးချိုရောဂါ/ သွေးချို ရောဂါနှင့် သွေးတိုးရောဂါ တို့ကြောင့် မေလ ၁၃ ရက်နေ့မှာ ဦးနှောက်သွေးကြောပေါက်ပြီး ကွယ်လွန်ခဲ့သည်ဟု ZFU/PDF Zoland က ထုတ်ပြန်ခဲ့သည်။ သို့သော်လည်း ယနေ့ မေလ ၁၅ ရက်နေ့တွင် လူမှုကွန်ရက်ပေါ်၌ ပျံ့နှံ့လာသည့် ဓာတ်ပုံမှတ်တမ်းများအရ ဦးထန်ခန်းဒါလ်၏ မျက်နှာ၊ နား၊ ရင်ဘတ်၊ လက်မောင်း၊ လက်ကောက်ဝတ်၊ ဒူးနှင့် ခြေသလုံး နေရာများတွင် ရိုက်နှက်ဒဏ်ရာများ၊ ပွန်းပဲ့ ဒဏ်ရာများနှင့် ညိုမဲစွဲဒါဏ်ရာများ ထင်ထင်ရှားရှား တွေ့မြင်နေရသည်။ ထိုအထောက်အထားများကြောင့် ဦးထန်ခန်းဒါလ်သည် ထိန်းသိမ်းခံထားရစဉ်အတွင်း ညှဉ်းပန်းနှိပ်စက်ခံခဲ့ရသည်ဟု ပြောဆိုမှုများ ရှိနေသည်။ အဆိုပါဖြစ်စဉ်နှင့် ပတ်သက်၍ တော်လှန်ရေးတပ်ဖွဲ့များအနေဖြင့် ဒလန်ဟု သံသယရှိ၍ ဖမ်းဆီးခြင်းကို လက်ခံနိုင် သော် လည်း အသက်သေဆုံးသည်အထိ ပြုလုပ်ခြင်းကိုမူ လက်မခံနိုင်ကြောင်း တီးတိန်မြို့က ဒေသခံလူငယ်တစ်ဦးကပြောသည်။ “ဦးဒါလ်…
(006SV) ဟားခါးမြို့မှာ လူထုထံ ငွေညစ်တောင်းခံခြင်း၊ နေအိမ်များ ဖောက်ထွင်းဓါးပြတိုက်ခြင်း စသည့် လုပ်ရပ်များ ကျူးလွန်နေသော အာဏာသိမ်းစစ်တပ်၏ ပြည်သူ့စစ်အဖွဲ့ဝင်တစ်ဦးကို ဖမ်းဆီးရမိကြောင်း CDF – ဟားခါးထံမှ သိရသည်။ ချင်းပြည်နယ် စစ်အစိုးရ ရုံးစိုက်ရာ ဟားခါးမြို့အတွင်း ဒေသခံပြည်သူများထံ ငွေညစ်တောင်းခြင်း၊ နေအိမ်များကို ဖောက်ထွင်း ဓါးပြတိုက်ခြင်း စသည့် ပြည်သူ့လုံခြုံရေး ထိခိုက်စေသော လုပ်ရပ်များကို ကျူးလွန်နေသော စစ်တပ်၏ ပြည်သူ့စစ်အဖွဲ့ဝင် တစ်ဦးကို မေလ ၁၃ ရက်က ဟားခါးမြို့အတွင်း ဖမ်းဆီးထိန်းသိမ်းနိုင်ခဲ့သည်ဟု CDF – ဟားခါးက ယနေ့မှာ ထုတ်ပြန်သည်။ လက်ရှိမှာ စစ်ရေးအခြေအနေများကြောင့် ဟားခါးမြို့အနီးဝန်းကျင်ရှိ တောတောင်များ၊ စစ်ရေးလှုပ်ရှားမှု ဖြစ်ပွားနိုင်သော နေရာများနှင့် လူသွားလာမှု နည်းပါးသော ဒေသ၊ နေရာများကို ဒေသခံပြည်သူများအနေဖြင့် လုံခြုံရေးအရ မလိုအပ်ဘဲ သွားလာခြင်း မပြုကြရန်လည်း CDF – ဟားခါးက အသိပေးသည်။ ဒေသခံပြည်သူများ၏ အသက်အိုးအိမ် လုံခြုံရေးကို ဦးစားပေး ဆောင်ရွက်ရှိပြီး ပြည်သူအပေါ် အန္တရာယ်ပြု လုပ်များကိုလည်း ဆက်လက်ထိရောက်စွာ အရေးယူဆောင်ရွက်သွားမည်ဟု CDF – ဟားခါးထံမှ သိရသည်။ ပြည်သူများအနေဖြင့် သံသယဖြစ်ဖွယ် လှုပ်ရှားမှုများ တွေ့ရှိပါက နီးစပ်ရာ တာဝန်ရှိသူများထံ အချိန်မီသတင်း ပေးပို့၊ ပူးပေါင်းဆောင်ရွက်ကြရန်လည်း တိုက်တွန်းကြောင်း ထုတ်ပြန်ထားသည်။
မေလလယ်မှ ဇွန်လအထိ သားငှက်တိရစ္ဆာများကို သတ်ဖြတ်၊ အမဲလိုက်ခြင်း ကန့်သတ်ထား (006SV) ချင်းပြည်နယ်၊ မရာနယ်မြေက ကျေးရွာနှင့်ဒေသအတွင်းမှာ စိုက်ပျိုးရေးသုံး အဆိပ်ပါဓါတုဆေးဝါးများ အသုံးပြုခြင်း၊ ရောင်းဝယ်ခြင်းတို့ကို မေလ ၁၃ ရက်မှစတင်၍ လုံးဝ တားမြစ်လိုက်ကြောင်း မရာနယ်မြေ အုပ်ချုပ်ရေးကောင်စီက ယမန်နေ့က ကြေညာသည်။ မရာနယ်မြေအတွင်း ဒေသခံပြည်သူများ၏ ကျန်းမာရေး၊ သဘာဝပတ်ဝန်းကျင်နှင့် ရေမြေသယံဇာတများ ကာကွယ်ထိန်းသိမ်းနိုင်ရန်အတွက် ပိုးသတ်ဆေး၊ ပေါင်းသတ်ဆေးနှင့် အဆိပ်ဓါတုဆေးဝါးများ ရောင်းချခြင်း၊ သိုလှောင်ခြင်း၊ သယ်ယူပို့ဆောင်ခြင်းနှင့် အသုံးပြုခြင်းတို့ကို လုံးဝ တားမြစ်သည့် အမိန့် ထုတ်ပြန်လိုက်ခြင်းဖြစ်သည်။ တားမြစ်ချက်ကို သိရှိလိုက်နာကြရန်နှင့် ဖောက်ဖျက်ကျူးလွန်သူ မည်သူမဆို သက်ဆိုင်ရာ ဒေသန္တရ အုပ်ချုပ်ရေးအဖွဲ့က စည်းမျဉ်းစည်းကမ်းများနှင့်အညီ ထိရောက်စွာ အရေးယူသွားမည်ဟု အသိပေးထားသည်။ ဒေသခံပြည်သူများအနေဖြင့်လည်း စိုက်ပျိုးရေး ဓါတုဆေးဝါး တားမြစ်ချက်များကို ပူးပေါင်းကူညီ၍ လိုက်နာဆောင်ရွက်ပေးကြပါရန် မရာနယ်မြေအုပ်ချုပ်ရေးကောင်စီက မေတ္တာရပ်ခံသည်။ မရာနယ်မြေမှာ ပိုးသတ်ဆေး၊ ပေါင်းသတ်ဆေးနှင့် အဆိပ်ပါ ဓါတုဆေးဝါးများ အသုံးပြုမှုကြောင့် ဒေသခံလူထု၏ ကျန်းမာရေး ထိခိုက်မှု၊ မြေဆီလွှာ ပျက်စီးမှု၊ သောက်သုံးရေး အဆိပ်သင့်မှု၊ မွေးမြူရေး တိရစ္ဆာန်များ သေဆုံးမှုနှင့် သဘာဝပတ်ဝန်းကျင် ပျက်စီးမှုများ ဖြစ်ပေါ်လာနေကြောင်း တွေ့ရှိရသည်ဟု ကြေညာချက်မှာ ဖော်ပြထားသည်။ အဆိုပါ ဓါတုဆေးဝါးများသည် ကလေးသူငယ်များ၊ ကိုယ်ဝန်ဆောင် မိခင်များနှင့် သက်ကြီးရွယ်အိုများ၏ ကျန်းမာရေးအပေါ် ဆိုးရွားသော ထိခိုက်မှုများ ဖြစ်ပေါ်စေနိုင်သည့်အပြင် ရေရှည်မှာ ဒေသခံလူထု၏ အသက်အန္တရာယ်ကိုပါ ခြိမ်းခြောက်လာနိုင်သည်ဟု ဆိုသည်။ ဧပြီလ ၁၀ ရက်မှ ဇွန်လကုန်အထိလည်း…
(005MK) ချင်းပြည်နယ် ဖလမ်းမြို့ကို စစ်တပ်က ပြန်လည်သိမ်းပိုက်ပြီးနောက် အိန္ဒိယ-မြန်မာနယ်စပ်အမှတ် ၂ ကုန်သွယ်ရေး စခန်းတည်ရှိရာ ရိခေါဒါရ်မြို့ဘက်ကို ဆက်လက်ထိုးစစ်ဆင်လာမည်ဆိုသည့်သတင်းကြောင့် မီဇိုရမ်ပြည်နယ်ဘက်သို့ စစ်ဘေးရှောင် ၈၀၀ ကျော်ထပ်မံဝင်ရောက်လာကြောင်းသိရသည်။ ရိခေါဒါရ်မြို့နှင့် အနီးတဝိုက်ကကျေးရွာများမှ ဒေသခံပြည်သူ ၈၂၀ ဝန်းကျင်သည် မီဇိုရမ်ပြည်နယ် ဇိုခေါထာရ်ကျေးရွာ ဘက်သို့ မေလ ၁၂ ရက် နှင့် ၁၃ ရက်နေ့များတွင် အသီးသီးဝင်ရောက်လာကြသည်ဟု မီဇိုရမ်ဒေသတွင်းသတင်းမှာ ဖော် ပြသည်။ မီဇိုရမ်ပြည်နယ်သို့ ဝင်ရောက်လာကြသော မြန်မာနိုင်ငံကစစ်ဘေးရှောင်များကို နယ်စပ်မှာရှိနေသော အာသံရိုင်ဖယ် နှင့် မီဇိုရမ်ရဲတပ်ဖွဲ့တို့က သေချာစာရင်းပြုစုကာ လက်ခံကြိုဆိုခဲ့သည်ဟုသိရသည်။ စစ်ဘေးရှောင်အများစုသည် ၎င်းတို့၏ မိသားစုဝင်၊ ဆွေမျိုးများထံ ခေတ္တခိုလုံနေကြပြီး တချို့မှာလည်း အိမ်ငှါးလိုက် ရှာကာ နေထိုင်သူများလည်းရှိသည်ဟု သိရသည်။ ယခုလက်ရှိ ဇိုခေါထာရ်ကျေးရွာမှာ ယခင်ကတည်းက နေထိုင်သူ မြန်မာစစ်ရှောင် ၇,၀၀၀ ခန့်ရှိပြီး ယခုအသစ်ဝင် ရောက်လာသူအများစုနှင့် မိသားစုတော်စပ်သူများဖြစ်ကြသည့်အတွက် သီးခြားနေရာထိုင်ခင်းအတွက်စီစဉ်ပေးရန် မလိုအပ်သေးကြောင်း ဇိုခေါထာရ်ကျေးရွာ YMA တာဝန်ရှိသူများကပြောသည်။ စစ်ဘေးရှောင်များသည် ယခင်လို အစုလိုက်ဖြင့်အများအပြားဝင်ရောက်လာခြင်းမဟုတ်သေးသည့်အတွက် လော လောဆယ်တွင် အခက်အခဲမရှိသေးသော်လည်း ချင်းပြည်နယ်ဘက်တွင် ယခုထက်တိုက်ပွဲများပိုမိုပြင်းထန်လာပါက စစ်ဘေးရှောင်များ အစုလိုက်အပြုံလိုက်ဝင်ရောက်လာနိုင်သောကြောင့် နေရာထိုင်ခင်းအတွက် ခန်းမ၊ အဆောက်အအုံ များကိုမူ ကြိုတင်ပြင်ဆင်ထားသည်ဟု ဇိုခေါထာရ် YMA ကပြောသည်။ အာဏာသိမ်းစစ်တပ်သည် ပြီးခဲ့သည့်ဧပြီလ ၂၅ ရက်နေ့မှာ ဖလမ်းမြို့ကို သိမ်းပိုက်ပြီးနောက် ဖလမ်း-ဟားခါးလမ်းဘက်ကို ဆက်လက်ထိုးစစ်ဆင်ခဲ့သည်။ ထို့အပြင် တီးတိန်မြို့မှတဆင့် တွန်းဇံမြို့ကိုလည်း စစ်တပ်နှင့် ZRA ပူးပေါင်းတပ်များက ထိုးစစ်ဆင်လျက်ရှိသည်။…
(002MG) စစ်ကိုင်းတိုင်း၊ ကလေးမြို့မှာ ဒုအရာခံဗိုလ်တစ်ဦး နှင့် တပ်သားတစ်ဦးကို ကလေးမြို့ပြပျောက်ကျားစီမံချက်- UG အဖွဲ့က ပစ်ခတ်လင်းရှင်းခဲ့သည်ဟုသိရသည်။ မေလ ၁၂ ရက်နေ့က ကလေးမြို့ စက်မူဇုန် လိူင်သာယာရပ်ကွက် (နယ်မြေ/၆) တွင် ကလေးမြို့ မြို့ပြ ပျောက်ကျား စီမံချက်- UG တပ်ဖွဲ့က နယ်မြေ လုံခြုံရေး ဆောင်ရွက်နေစဥ်မှာ နောက်ကနေလိုက်ပါလာသော ဆိုင်ကယ်တစ်စီးဖြင့် လူနှစ်ဦးကို စစ်ဆေးရာမှာ ၈ မိုင် ကလေးတက္ကသိုလ်ကျောင်းဝန်းတွင် တပ်စွဲထားသည့် စစ်တပ်မှ ဒုအရာခံဗိုလ် အောင်ကျော်ဇော နှင့် တပ်သား၁ ဦး ဖြစ်ကြောင်း သိရှိရပြီး ဖမ်းဆီးခေါ်ဆောင်ရန် အခြေအနေအရ မဖြစ်နိုင်သော ကြောင့် နှစ်ဦးစလုံးကို နေရာမှာပင် ပစ်ခတ်ရှင်းလင်းခဲ့သည်ဟု ကလေးမြို့ပျောက်ကျားစီမံချက်- UG က ယနေ့မှာ သတင်းထုတ်ပြန်သည်။ အဆိုပါ ဒုအရာခံဗိုလ် အောင်ကျော်ဇော နှင့် တပ်သား (၁) ဦးတို့မှာ ကလေးမြို့ ဒေသကွက်ကဲမှုစစ်ဌာနချုပ် – ဒကစ ထောက်ပို့တပ်မှဖြစ်ပြီး ကလေးတက္ကသိုလ်စစ်ဆေးရေးဂိတ်တွင် ခရီးသွားပြည်သူများထံမှ ငွေညစ်ခြင်း၊ လူငယ်များ အား ပေါ်တာစွဲဖမ်းဆီး ငွေညစ်ရာတွင် နာမည်ဆိုးများဖြင့် ကျော်ကြားနေသူများ ဖြစ်သည်ဟုဆိုသည်။ ကလေးမြို့တွင်းနေမိဘပြည် သူများအ နေဖြင့် စစ်ကော်မရှင်တပ်ထိုင်ထားသည့်နေရာများ၊ စစ်ဆေးရေး ပြုလုပ်နေ သည့်နေရာများတွင် မလိုအပ်ဘဲ အသွားအလာ မပြုလုပ်ကြရန် နှင့် အချိန်မရွှေး ပစ်ခတ်မူများဖြစ်ပွား နိုင်သောကြောင့် ကလေးမြို့ UG တပ်ဖွဲ့က အသိပေးသည်။
(005MK) အိန္ဒိယနိုင်ငံ မဏိပူရ်ပြည်နယ် ကန်ပေါ့ပီ (Kangpokpi) ခရိုင်တွင် ချင်းအနွယ် ကူကီးခရစ်ယာန်ဘာသာရေးခေါင်းဆောင် ၃ ဦး သတ်ဖြတ်ခံရမှုအပေါ် မီဇိုရမ်ပြည်နယဝန်ကြီးချုပ်နှင့် မီဇိုရမ်ပြည်နယ် အသင်းတော်များကောင်စီက ပြင်းထန်စွာရှုတ်ချသည်။ မီဇိုရမ်ပြည်နယ် ဝန်ကြီးချုပ် ပူးလာလ်ဒိုအောမ်မာက “ ကူကီး (Kuki) ခရစ်ယာန်အသင်းတော် ခေါင်းဆောင်တွေ ရက်ရက်စက်စက် သတ်ဖြတ်ခံရမှုအပေါ် အလွန်အမင်း စိတ်မကောင်းဖြစ်ရသလို တုန်လှုပ်ချောက်ချားမိပါတယ်။ဒီလို ရွံရှာဖွယ်ကောင်းတဲ့ အကြမ်းဖက်မှုမျိုးဟာ လုံးဝ လက်ခံနိုင်စရာမရှိသလို ပြင်းပြင်းထန်ထန် ကန့်ကွက်ရှုတ်ချရမယ့် လုပ်ရပ်ဖြစ်ပါတယ်။ ကျန်ရစ်သူ မိသားစုဝင်၊ အသင်းတော်တွေနဲ့အတူ ထပ်တူထပ်မျှ ဝမ်းနည်းကြေကွဲရတယ်” ဟု ပြောသည်။ မီဇိုရမ်ပြည်နယ်က အသင်းတော်များကောင်စီ( Council of Churches in Mizoram-CCM) ကလည်း အဆိုပါဖြစ်ရပ် အပေါ် မိသားစုဝင်များနှင့်အတူ ထပ်တူဝမ်းနည်းကြေကွဲကြောင်း အကြမ်းဖက်သည့်လုပ်ရပ်အပေါ် ပြင်းထန်စွာ ရှုတ်ချသည်ဟု သတင်းထုတ်ပြန်သည်။ အဆိုပါဖြစ်ရပ်သည် ဒေသတွင်းမှာနေထိုင်ကြသော လူမျိုးအားလုံးအတွက် စိုးရိမ်ထိတ်လန့်မှု၊ နာကျင်ခံစားမှုဖြစ် စေပြီး၊ အရှေ့မြောက်ဒေသက ယုံကြည်သူခရစ်ယာန်ဘာသာဝင်များကလည်း ဝမ်းနည်းပူဆွေးနေကြသည်ဟု (Council of Churches in Mizoram-CCM) ကပြောသည်။ မဏိပူရ်ပြည်နယ်တွင် ရေရှည်တည်တံ့သော ငြိမ်းချမ်းမှုပြန်လည်ရရှိစေရေးအတွက် ခရစ်ယာန်ဘာသာဝင်များအားလုံး အနေဖြင့် ဆုတောင်းပေးကြရန်လည်း CCM ကတိုက်တွန်းသည်။ မဏီပူရ်ပြည်နယ်တွင် ယမန်နေ့ မေလ ၁၃ ရက်နေ့က Thadou Baptist Association (TBA) နှင့် United Baptist Council (UBC) တို့မှ ဘာသာရေးခေါင်းဆောင်များသည် ချူရာချန်ပူ (Churachandpur) မြို့မှ…