Author: Editor

စစ်ကိုင်းတိုင်း၊ တမူးမြို့နယ်တွင် ရွာလုံးကျွတ်နီးပါး မီးရှို့ခံခဲ့ရသည့် ထန်းတပင်ကျေးရွာက ဒေသခံများသည် ယနေ့ချိန်ထိ နေရပ်မပြန်နိုင်ကြသေးဘဲ အန္ဒိယ- မြန်မာနယ်စပ်ဘက်တွင် တဲထိုးနေထိုင်ကြရသည်ဟု ဒေသခံ များက ပြောသည်။ ထန်းတပင်ကျေးရွာခံ အမျိုးသမီးတစ်ဦးက “ပြန်မယ့်နေရာမှ မရှိတာ၊ အိမ်မှ မရှိကြတော့တာ၊ တဲထိုးပြီး နေကြတယ်။ သွပ်ပြားတွေ မီးလောင်တဲ့ မကောင်းတဲ့ဟာတွေလည်း သွားယူကြပြီး နယ်စပ်တွေမှာနေကြတာ၊ ရွာထဲဝင်ရင်လည်း ဘာမှနေလို့မရတာ ဘယ်မှာသွားနေမလဲ အိမ်တွေကနည်းနည်းပဲကျန်တာ” ဟု ပြောသည်။ လက်ရှိချိန်တွင်လည်း တမူးမြို့နယ်ဘက်တွင် စစ်ရေးအခြေအနေ မတည်ငြိမ်သေးတာကြောင့် ပြည်သူများ စိုးရိမ် ကြောက်ရွံပြီး နေရပ်ပြန်၍ နေအိမ်များ ပြုပြင်ခြင်းများ လုပ်ဆောင်ရန် ခက်ခဲနေသဖြင့် အိန္ဒိယ-မြန်မာ နယ်စပ်ဘက်တွင် အဆင်ပြေသလို နေထိုင်ကြရသည်ဟု ၎င်းက ဆက်ပြောသည်။ ရွာခံတချို့မှာလည်း တမူးမြို့ပေါ်နှင့် တခြားကျေးရွာရှိ ဆွေမျိုးများထံ ခိုလှုံနေကြရသည်ဟု သိရသည်။ ချင်းလူမျိုးအများစုနေထိုင်သည့် ထန်းတပင်ကျေးရွာသည် ကလေး-တမူး ကားလမ်းမပေါ်တွင်တည်ရှိပြီး ပြီးခဲ့သည့် ဒီဇင်ဘာလ ၃ ရက်နေ့က စစ်ကောင်စီတပ်ဖွဲ့များ ရောက်ရှိလာပြီး ပြည်သူအားလုံးကို ဘောလုံးကွင်းထဲသို့ ခေါ်ဆောင်ကာ နေအိမ်များကို မီးရှို့ခဲ့ခြင်းဖြစ်ကြောင်း ဒေသခံများက ပြောသည်။ ထန်းတပင်ကျေးရွာခံ ပြည်သူများသည် အဝတ်တထည်ကိုယ်တခုဖြင့် တမူးမြို့ပေါ်နှင့် နီးစပ်ရာ တောတောင်တွေထဲ ထွက်ပြေးခဲ့ကြရပြီး အဝတ်အထည်၊ တာလပတ်မိုးကာ၊ ဆန်၊ ဆီ၊ ဆား အပါအဝင် ဆေးဝါးများ အကူအညီ လိုအပ်နေသည်ဟု စစ်ရှောင်သူများထံမှ သိရသည်။ ပြီးခဲ့သည့် ဒီဇင်ဘာလ ၃ ရက်နေ့နှင့် ၄ ရက်နေ့က အိမ်ခြေ ၃၀၀…

၂၀၂၄ ခုနှစ်တွင် ချင်းအင်အားစုများ ရင်ဆိုင်ဖြတ်ကျော်ရမည့် စိန်ခေါ်မှုများနှင့် လက်ရှိ ချင်းပြည် နိုင်ငံရေး အခင်းအကျင်းနှင့်ပတ်သတ်ပြီး ချင်းလဲန်းကောင်စီ တွဲဖက်အတွင်းရေးမှူး – ၁၊ CNF-CAN ၏ ပြောရေးဆိုခွင့်ရှိသူ ဆလိုင်းထက်နီနှင့် ဆက်သွယ်မေးမြန်းချက်။ ခုခံတော်လှန်စစ်အားကောင်းသည့် ချင်းပြည်နယ်တွင် ချင်းအမျိုးသားတပ်ဦး-CNF နှင့် ချင်းတော်လှန်ရေး အင်အားစုများသည် ၂၀၂၃ ခုနှစ် စစ်ရေးကဏ္ဏတွင် “၁၀၂၇ စစ်ဆင်ရေး” အရှိန်အဟုန်ဖြင့် ချင်းတောင်တွင် ခုခံစစ်မှ ထိုးစစ်အသွင်ကို ချေးမှုန်းစစ်အထိ ပြောင်းလဲနိုင်ခဲ့ပြီး မြို့နှင့် စစ်စခန်းတချို့ကို သိမ်းနိုင်ခဲ့သည်။ နိုင်ငံရေးကဏ္ဏတွင် ချင်းလဲန်းဖွဲ့စည်းပုံအခြေခံဥပဒေ၊ ချင်းလဲန်းကောင်စီတို့ကို့ အတည်ပြုဖွဲ့စည်းနိုင်ခဲ့ပြီး အုပ်ချုပ်ရေးယန္တရား၏ အခြေခံအုပ်မြစ်များကို ချမှတ်နိုင်သည်အထိ အောင်မြင်မှုများ ရှိခဲ့သည်။ ယခု ၂၀၂၄ ခုနှစ်သည် ချင်းလူမျိုးများ ကိုယ်တိုင်ပြဌာန်း၍ ချင်းပြည်နယ်တွင် ချင်းလူမျိုးများက ကိုယ်ပိုင်အုပ်ချုပ်ရေးကို စတင်တော့မည် ဖြစ်သည်။ ၂၀၂၄ ခုနှစ်တွင် ချင်းအင်အားစုများ ရင်ဆိုင်ဖြတ်ကျော်ရမည့် စိန်ခေါ်မှုများနှင့် လက်ရှိ ချင်းပြည် နိုင်ငံရေးအခင်းအကျင်း၊ သဘောထားကွဲလွဲမှုများအကြောင်းနှင့် ပတ်သတ်ပြီး ချင်းလဲန်းကောင်စီ တွဲဖက်အတွင်းရေးမှူး – ၁ ၊ CNF-CNA မှ ပြောရေးဆိုခွင့်ရှိသူ ဆလိုင်းထက်နီကို ဆက်သွယ်မေးမြန်းထားသည်။ မေး။ ။ ၂၀၂၃ ခုနှစ်မှာ CNF-CNA နဲ့ ချင်းတော်လှန်ရေး အင်အားစုတွေက ဘယ်လိုမျိုးအောင်မြင်မူတွေရခဲ့ပါလဲ။ ပြီးတော့ သတ်မှတ်ထားတဲ့ စစ်ရေးနဲ့ နိုင်ငံရေးရည်မှန်းချက်တွေကို ဘယ်လောက်အတိုင်းအတာအထိ ပြည့်မှီစွာ အကောင်ထည်ဖော်နိုင်ခဲ့ပါလဲ။ ဖြေ။ ။ ၂၀၂၃ ကတော့ ကျွန်တော်တို့အနေနဲ့ စစ်ကောင်စီကနေ အမြဲတမ်း…

(002MG) ချင်းပြည်နယ်တောင်ပိုင်း၊ မတူပီမြို့တွင် ဆန်ပြတ်လပ်မှုကြောင့် ဒေသခံပြည်သူများ စားဝတ်နေရေးအတွက် အလွန်ခက်ခဲမှုနှင့် ရင်ဆိုင်နေကြရသည်ဟု မတူပီမြို့ ဒေသခံများထံမှ သိရသည်။ မတူပီမြို့ခံတစ်ဦးက “အခုမတူပီက စားဝတ်နေရေးက တော်တော်ဆိုးတယ်၊ စားစရာလုံးဝမရှိဘူး အဲ့ဒီအခြေနေရှိ တယ်။ သူတို့က ဖြတ်(၄) ဖြတ်နဲ့လုပ်တာဆိုတော့ ဖုန်းလိုင်းက ဆက်လို့ရတယ်ဆိုပေမယ့်တခြား ဆန်၊ ဆီ၊ဆား၊ ငပိတွေကတော့ လုံးဝမရောက်လာနိုင်ဘူး” ဟု ပြောသည်။ ယခုလက်ရှိ မတူပီမြို့ပေါ်တွင် ဆန်တအိတ်ကျပ် တစ်သိန်းရှစ်သောင်းခန့်ရှိနေပြီး ၀ယ်ယူရန်ပင်မရှိသလောက် ရှားပါးပြတ်လပ်နေပြီဟု ဒေသခံကပြောသည်။ မတူပီမြို့ပေါ်တွင် လွန်ခဲ့သည့် ၃ လခန့်ကတည်းက စစ်ကောင်စီက ကုန်တင်ကားအ၀◌င်အထွက်ပိတ်ပင်ခဲ့ခြင်းဖြစ်သည်။ မတူပီမြို့မိမြို့ဖများက စစ်ကောင်စီတပ်ဖွဲ့ထံ ကုန်တင်ကားများ၀◌င်ထွက်သွားလာခွင့်ပြုရန် သွားရောက် တောင်းဆိုကာ ခွင့်ပြုသော်လည်း ဒေသကာကွယ်ရေးတပ်ဖွဲ့ဘက်က မင်းတပ်-မတူပီလမ်းပိုင်းတွင် ပိတ်ထားသည့်အတွက် ဆန်သည် ကားများ မရောက်လာနိုင်သောကြောင့် အလွန်ခက်ခဲနေကြသည်ဟု မတူပီမြို့ခံတစ်ဦးကပြောသည်။ မတူပီမြို့က မြို့မိမြို့ဖနှင့် နီးစပ်သည့် ပြည်သူတစ်ဦးက ”စစ်ကောင်စီထံ အကူအညီတောင်းပြီး ချောချော ချုချုသွားဖို့ ဝင်ထွက်သွားလို့ရအောင်အကူအညီတောင်းထားတယ်။ အခုက လူငယ် CDF တွေက မင်းတပ်ဘက်ကနေ ဆန်သယ်တဲ့ ကားတွေကို (၈၄) မိုင်မှာ အကုန်လုံးချခိုင်းတယ်” ဟု ပြောသည်။ အဆိုပါကိစ္စနှင့်ပတ်သက်၍ ဒေသကာကွယ်ရေးတပ်ဖွဲ့ဖြစ်သည့် CDF-Matupi ကို ဆက်သွယ်ရန်ကြိုးစားသော်လည်း ဆက်သွယ်၍မရခဲ့ပေ။ လက်ရှိတွင် မတူပီမြို့ပြည်သူများသည် ပြည်မဖက်မှ ဝင်လာသည့်ကုန်ကားများမရှိသောကြောင့် မြို့အနီးအနား ကျေးရွာ ဖက်မှ ဝင်လာသည့် တောင်ယာဆန်များကို ဝယ်ယူကြပြီး ယခင် ဆန်(၁)ပုံးတွင် ငွေကျပ် ၄၀၀၀၀ ခန့်ရှိသော်လည်း ယခုတွင်ငွေကျပ် ၇၀,၀၀၀…

(006SV) ချင်းပြည်နယ်တောင်ပိုင်း ပလက်ဝမြို့တွင် စစ်ကောင်စီတပ်နှင့် ရက္ခိုင်တပ်တော် AA တို့ ယမန်နေ့က တစ်နေ့လုံး တိုက်ပွဲ အပြင်းအထန်ဖြစ်ပွားခဲ့ပြီး စစ်ကောင်စီတပ်ဖွဲ့ ရုပ်အလောင်းအများအပြားနှင့် လက်နက်ခဲယမ်းများစွာကို ထပ်မံသိမ်းဆည်းရမိသည်ဟု ရက္ခိုင်တပ်တော်က သတင်းထုတ်ပြန်သည်။ ပလက်ဝမြို့နယ်ကို စစ်ကောင်စီကင်းစင်သည့် နယ်မြေဖြစ်လာရန် ကျန်ရှိနေသော စစ်ကောင်စီတပ် စခန်းများကို အပြီးသတ် သိမ်းပိုက်ရယူနိုင်ရေး ဆက်လက်တိုက်ခိုက်လျက်ရှိသည်ဟု ရက္ခိုင်တပ်တော်က ဇန်နဝါရီလ ၉ ရက်က သတင်းထုတ်ပြန်သည်။ စစ်ကောင်စီကလည်း လက်နက်ကြီးပစ်ကူ၊ ဂျက်တိုက်လေယာဉ်များဖြင့် အပြင်းအထန် ခုခံတိုက်ခိုက်လျက်ရှိသည်ဟု သိရသည်။ ပလက်ဝမြို့ပေါ်နှင့် မြို့ပတ်ဝန်းကျင်တွင် စစ်ကောင်စီတပ်နှင့် ရက္ခိုင်တပ်တော်တို့ တိုက်ပွဲများ ဆက်လက်ပြင်းထန်နေခဲ့ပြီး လက်နက်ခဲယမ်းအများအပြားကို ဆက်လက်သိမ်းဆည်းရမိနေသည်ဟု သိရသည်။ ထို့အပြင် ချင်းပြည်နယ်၊ ပလက်ဝနှင့် ရခိုင်ပြည်နယ်၊ ကျောက်တော်အစပ်တွင် ရှိနေသည့် စစ်ကောင်စီ၏ မီးဝဗျူဟာကိုလည်း အပြီးသတ်သိမ်းပိုက်နိုင်ရန် တစ်ပြိုက်နက်တည်း ထိုးစစ်ဆင်တိုက်ခိုက်လျက်ရှိသည်ဟု ရက္ခိုင်တပ်တော်က ဆိုသည်။ ဇန်နဝါရီလ ၉ ရက်က ပလက်ဝမြို့တိုက်ပွဲများတွင် အထိနာသော စစ်ကောင်စီတပ်သည် ပလက်ဝမြို့တစ်ဝိုက်ကို လေကြောင်းတိုက်ခိုက်မှုများ ပြုလုပ်ခဲ့ရာတွင် မီးဝကျေးရွာမှ သက်ကြီးပိုင်းအမျိုးသမီး (၁) ဦး သေဆုံးပြီး နေအိမ်တစ်လုံး မီးလောင်ပျက်စီးခဲ့သည်ဟု သိရသည်။ ရက္ခိုင်တပ်တော် AA သည် ပလက်ဝမြို့နယ်တွင် ခလရ – ၂၈၉ ပလက်ဝဗျူဟာကုန်းအပါအဝင် ခြေလျင်နှင့် ခြေမြန်တပ်ရင်း ၈ ခုကို ဇန်နဝါရီလ ၁ ရက်မှ စတင်ပြီး ထိုးစစ်ဆင် တိုက်ခိုက်နေသည်။ ပလက်ဝမြို့နယ်အတွင်းက စစ်ကောင်စီ ရဲစခန်း၊ စစ်စခန်းများနှင့် ဗျူဟာကုန်းများ စုစုပေါင်း…

(006SV) စစ်ကောင်စီက မတရားဖမ်းဆီးထားသော သတင်းသမား ၅၀ ကျော် အားလုံးကို ခြွင်းချက် မရှိ အမြန်ဆုံးပြန်လွှတ်ပေးရန် လွတ်လပ်သော မြန်မာသတင်းမီဒီယာကောင်စီ (IPCM) က ယနေ့မှာ တောင်းဆိုလိုက်သည်။ ပြီးခဲ့သည့် ဇန်နဝါရီလ ၄ ရက် လွတ်လပ်ရေးနေ့တွင် စစ်ကောင်စီသည် တစ်နိုင်ငံလုံးရှိ အကျဉ်းသား/သူ ၉၆၀၀ ကျော်ကို ပြစ်ဒဏ်လွတ်ငြိမ်းခွင့် ပြုရာတွင် သတင်းမီဒီယာသမားများဖြစ်သော ကိုကောင်းဆက်လင်း (MPA)၊ ကိုထွန်းသန်းအောင်နှင့် ကိုတိုးအောင် (မဲခေါင်သတင်းဌာန၊ သတင်းထောက်ဟောင်း) တို့ သုံးဦး ပါဝင်ခဲ့သည်။ စစ်အာဏာသိမ်းချိန်မှ ယနေ့အထိ စစ်ကောင်စီဖမ်းဆီးခဲ့သော သတင်းသမား ၁၇၀ ဦး ရှိသည့်အနက် ၁၁၈ ဦးမှာ ပြန်လည်လွတ်မြောက်လာခဲ့ပြီး သတင်းသမား ၅၂ ဦးမှာ အကျဉ်းထောင်အသီးသီးတွင် ထောင်ဒဏ်ကျခံနေရဆဲဖြစ်သည်ဟု IPCM ဇန်နဝါရီလ ၁၀ ရက်မှာ ထုတ်ပြန်သည်။ သတင်းသမားများသည် တည်ဆဲဥပဒေများ၊ နိုင်ငံတကာဥပဒေများ၊ သတင်းမီဒီယာကျင့်ဝတ်နှင့်အညီ ပြည်သူတို့ သတင်းရယူသိရှိပိုင်ခွင့်ကို တရားဝင် လုပ်ဆောင်ပေးခြင်းသာဖြစ်သည်ဟု IPCM က ဆိုသည်။ လွတ်လပ်စွာ သတင်းရယူတင်ဆက်ခြင်းကို ဟန့်တားမှုဖြစ်စေသည့် မည်သည့် တားဆီးနှောက်ယှက်မှု၊ ဖမ်းဆီးထောင်ချမှုများ အားလုံးကို IPCM က ပြင်းထန်စွာရှုံ့ချသည်ဟု ထုတ်ပြန်သည်။ ဖမ်းဆီးခံသတင်းသမားများ အမြန်ဆုံးလွတ်မြောက်ရေးနှင့် တရားဝင် မီဒီယာလုပ်ငန်းများ ဘေးကင်းလုံခြုံစွာ လုပ်ဆောင်နိုင်ရေးတို့ကို အဓိက ဦးစားပေးလုပ်ငန်းစဉ်အဖြစ် ဆက်လက်ဆောင်ရွက်သွားမည်ဟု IPCM က ထုတ်ပြန်သည်။ လွတ်လပ်သော မြန်မာသတင်းမီဒီယာကောင်စီ (Independent Press Council Myanmar-IPCM) ကို ပြည်တွင်း/ပြည်ပရှိ…

(005MK) အိန္ဒိယဗဟိုအစိုးရက အိန္ဒိယ-မြန်မာနှစ်နိုင်ငံကြား လွတ်လပ်စွာဖြတ်သန်းသွားလာခွင့် Free Movement Regime (FMR) ကို ဖျက်သိမ်းကာ နယ်စပ်ခြံစည်းရိုးခတ်မည့် အစီစဉ်ကို မီဇိုရမ်ပြည်နယ်က အင်အားအကြီးဆုံးသော အရပ်ဘက်အဖွဲ့အစည်း Central Young Mizo Association (CYMA) က ကန့်ကွက်ပြီး မဖျက်သိမ်းရေးအတွက် တတ်နိုင်သည့်ဘက်မှ ဆောင်ရွက်သွားမည်ဟု ဆိုသည်။ အဆိုပါကိစ္စနှင့်ပတ်သက်၍ Central Young Mizo Association (CYMA) Executive Committee အဖွဲ့တို့ ဇန်န၀◌ါရီလ ၈ ရက်နေ့က တွေ့ဆုံဆွေးနွေးခဲ့ကြပြီး အိန္ဒိယဗဟိုအစိုးရ၏ Free Movement Regime (FMR) ဖျက်သိမ်းမည့် အစီစဉ်သည် နှစ်နိုင်ငံကြားရှိ ဇိုး (ချင်း) မျိုးနွယ်စုများအကြား စည်းလုံးညီညွတ်မှုထိခိုက်စေလာနိုင်သည့်အတွက် ၎င်းတို့အနေဖြင့် မလိုလားကြောင်း ပြောဆိုခဲ့ကြခြင်းဖြစ်သည်။ “ဒီ FMR ပြုလုပ်ရတဲ့ရည်ရွယ်ချက်ကိုက နှစ်နိုင်ငံတဖက်စီမှာ နေထိုင်ကြတဲ့ လူမျိုးတူ၊ မျိုးနွယ်စုတူ၊ ညီကိုမောင်နှမ မိသားစု၀င်တွေ လွယ်လင့်တကူ ကူးလူးဆက်ဆံနိုင်ဖို့၊ လူမှုစီးပွားရေးပိုင်းမှာလည်း လွယ်ကူစွာနဲ့ အပြန်အလှန် အမှီသဟဲပြုနိုင်ဖို့ပဲဖြစ်ပါတယ်။ ဒါကြောင့် မိမိတို့ မီဇိုးလူမျိုးတွေအနေနဲ့ မြန်မာဘက်ခြမ်းမှာရှိတဲ့ မိမိတို့ညီအကိုတွေနဲ့ ကူးလူးဆက်ဆံရေး စည်းလုံးညီညွတ်ရေးအတွက် အင်မတန်မှ အရေးကြီးပါတယ်’’ ဟု CYMA က ပြောဆိုသည်။ ထို့ကြောင့် မိမိတို့ လူမျိုးများအတွက် အလွန်အရေးပါသော FMR ကို အိန္ဒိယအစိုးရက ဖျက်သိမ်းရန် လုပ်ဆောင်လာခြင်း သည် မိမိတို့လူမျိုးများအကြား စည်းလုံးညီညွတ်မှုကို ထိခိုက်စေနိုင်သောကြောင့် မဖျက်သိမ်းနိုင်ရေးအတွက် တတ်နိုင်သည့်နည်းလမ်းကတဆင့် ဆောင်ရွက်သွားမည့်အပြင် ယင်းကိစ္စအပေါ် မီဇိုရမ်ပြည်နယ်အစိုးရ၏…

(005MK) အိန္ဒိယ-မြန်မာနယ်စပ် မီဇိုရမ်ပြည်နယ် ကျန်ဖိုင်းခရိုင် ဇိုခေါထာရ်တွင် ဇန်န၀◌ါရီလ ၈ ရက်ညက မြန်မာနိုင်ငံသား ၃ ဦးထံမှ ဘိန်းဖြူ ဂရမ် ၅၀၀ ကျော် ဖမ်းဆီးရမိသည်ဟု သိရသည်။ မီဇိုရမ်ပြည်နယ် မူးယစ်ဆေး၀◌ါးတိုက်ဖျက်ရေးဌာနနှင့် ဇိုခေါထာအကောက်ခွန်ဌာနမှ တာ၀န်ရှိသူများက ကျန်ဖိုင်းခရိုင် ဇိုခေါထာရ်ကျေးရွာ world bank လမ်းတွင် ဇန်န၀◌ါရီလ ၈ ရက် ညနေပိုင်း ၆ နာရီခွဲခန့်မှာ ဆပ်ပြာဖူးခွံထဲ ထည့်ထားသော ဘိန်းဖြူများကို ဖမ်းဆီးရမိခြင်းဖြစ်သည်။ ဘိန်းဖြူနှင့်အတူ အဖမ်းခံရသူ ၃ ဦးမှာ အသက် ၃၁ နှစ်အရွယ် ကိုသူ၊ အသက် ၃၁ နှစ်အရွယ် Lalhruaitluanga နှင့် အသက် ၂၁ နှစ်အရွယ် Zachinmawi တို့ဖြစ်ကြပြီး မွန်းလိုင်၊ Hmawngkawn နှင့် Zokhawmawi တွင် နေထိုင်သူများဖြစ်ကြသည်ဟု မီဇိုရမ်ဒေသတွင်းသတင်း Bengvarna က ဖော်ပြသည်။ ၎င်းတို့အားလုံးကို The Narcotic Drug & Psychotropic Substances Act, 1985 ပုဒ်မဖြင့် တရားစွဲဆိုကာ ပြစ်မှုထင်ရှားပါက ထောင်ဒါဏ် ၁၀ နှစ်မှ ၂၀ နှစ်အထိနှင့် ငွေဒဏ် ရူပီး တစ်သိန်းမှ ၂ သိန်းအထိ ပြစ်ဒဏ်ချမှတ်ခံရနိုင်သည်ဟု ဆိုသည်။

(002MG) ချင်းပြည်နယ်၊ တီးတိန်မြို့အခြေစိုက် ခလရ-၂၆၉ တပ်ရင်းမှ စစ်ကောင်စီတပ်သား (၃) ဦးသည် လက်နက်ခဲယမ်းနှင့်အတူ PDF-Zoland ထံသို့ အလင်းဝင်ခဲ့သည်ဟု PDF-Zoland က ထုတ်ပြန်ပါသည်။ အဆိုပါစစ်ကောင်စီတပ်သား (၃) ဦးတို့သည် ဇန်နဝါရီလ (၆) ရက်နေ့က အလင်းဝင်လာခြင်းဖြစ်ကြပြီး MA-3 သေနတ် (၃) လက်၊ ကျဥ်ဘောက်(၁၂) ခု၊အီနာဂါ ဗုံးသီး (၈) လုံး၊ ၄၀မမ ဗုံးသီး (၉) လုံး၊ ကျည်ဆံအများအပြား နှင့် စစ်သုံးဆောင် ပစ္စည်းများဖြင့်ဝင်လာကြသည်။ အလားတူ ဒီဇင်ဘာလ ၂၇ ရက်နေ့ကလည်း တီးတိန်မြို့အခြေစိုက် ခလရ-၂၆၉ မှ ဒု-တပ်ကြပ် ဝေလင်းသည် စစ်ကိုင်းတိုင်းဒေသကြီးတောင်ပိုင်း၊ ယင်းမာပင်ခရိုင်၊ ပုလဲမြို့နယ် ပြည်သူ့အုပ်ချုပ်ရေးအဖွဲ့ထံသို့ MA- 3 သေနတ် ၁ လက်၊ ကျည်ဘောက် ၅ ခု၊ ကျည်ဆံ (၁၅၀) တောင့်၊ ၄၀ မမ ဗုံးသီး (၁၀) လုံး၊ လက်ပစ်ဗုံး (၁) နှင့်အတူ အလင်းဝင်ခဲ့သည်ဟု သိရသည်။

(006SV) စစ်ကိုင်းတိုင်း၊ တမူးမြို့နယ်၊ ကနန်ကျေးရွာကို စစ်ကောင်စီက လေကြောင်းမှ ဗုံးကြဲတိုက်ခိုက်မှုမှာ သေဆုံးသွားသူ အရပ်သား ပြည်သူ ၁၇ ဦးထဲတွင် ကလေးငယ် ၉ ဦးအထိ ပါဝင်နေသည်ဟု အမျိုးသားညီညွတ်ရေးအစိုးရက သတင်းထုတ်ပြန်သည်။ ဇန်နဝါရီလ ၇ ရက် မနက် ၁၀ နာရီခန့်မှာ တမူးမြို့နယ်၊ ခမ်းပတ်မြို့အနီး ကလေး-တမူးကားလမ်းမပေါ်ရှိ ကနန်ကျေးရွာ၏ စာသင်ကျောင်းနှင့် ဘုရားကျောင်းအနီးကို ဘုရားကျောင်းတက်ချိန် လူစည်ကားနေချိန်မှာ စစ်ကောင်စီက လေကြောင်းမှ ဖျက်အားပြင်း ဗုံးများကို ၂ ကြိမ် ကြဲချတိုက်ခိုက်ခဲ့ခြင်းဖြစ်သည်။ အသက် ၅ နှစ်မှ ၁၇ နှစ်အရွယ် ကလေးသူငယ် ၉ ဦး အပါအဝင် အရပ်သားပြည်သူ ၁၇ ဦး သေဆုံးပြီး ထိခိုက်ဒဏ်ရာများ ရရှိသူ ၁၉ ဦး ရှိသည်ဟု အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက ယနေ့ သတင်းထုတ်ပြန်သည်။ အသက် ၅ နှစ်မှ ၁၇ နှစ်အကြား သေဆုံးသူ ကလေးငယ်များမှာ မောင်စတီဗင် (၅နှစ်) ၊ မောင်မျိုးသူရလင်း (၆နှစ်)၊ မောင်လား ထန်လျံ (၇နှစ်)၊ မောင်ကပ်ရှန်ခိုင် (၇နှစ်)၊ မထျန်နေမော (၁၁နှစ်)၊ မနွှမ်းနိမ်းမော (၁၃နှစ်)၊ မထင်နှဲမ် (၁၄နှစ်)၊ မောင်လားနွံ မောယာ (၁၆နှစ်) နှင့် မောင်အုပ်ထန်လျံ (၁၇နှစ်)တို့ ဖြစ်သည်။ ကျန်အရပ်သားများမှာ ဒေါ်ဟွတ်ဖဲန် (၇၀နှစ်)၊ ဦးဆ‌ေလာမ် (၂၉နှစ်)၊ ဦးဘွလ်ခမ်း (၆၂နှစ်)၊ ဦးထန်သင်ဆောမ် (၆၂နှစ်)၊…

(004SS) ချင်းပြည်နယ်မြို့တော် ဟားခါးတွင် ဒေသခံလူငယ်တစ်ဦး မြေ‌မြုပ်မိုင်းနင်းမိသောကြောင့် ခြေထောက်တစ်ဖက် ဆုံးရှုံးခဲ့ရသည်ဟု ဒေသခံများထံမှ သိရသည်။ ဇန်နဝါရီလ ၆ ရက်နေ့ မွန်းလွဲ ၂ နာရီ ဝန်းကျင်ခန့်တွင် အသက် ၁၉ နှစ်အရွယ် ၎င်းအမျိုးသားသည် ဟားခါးမြို့သစ်ရပ်ကွက် Viewpoint 2 အနီးတွင် မြေမြုပ်မိုင်းနင်းမိခြင်းဖြစ်သည်။ ၎င်းသည် အသက်အန္တရာယ်မစိုးရိမ်ရသော်လည်း ဒါဏ်ရာပြင်းထန်သောကြောင့် ခြေထောက်တစ်ဖက်ဖြတ်လိုက်ရသည်ဟု ဒေသခံတစ်ဦးက ပြောသည်။ လွန်ခဲ့သည့် တစ်ပါတ်ခန့်ကလည်း ဟားခါးထာရ်ရပ်ကွက်တွင် လူငယ် တစ်ဦးသည် မြေမြုပ်မိုင်းနှင်းမိ၍ ပြင်းထန်ဒါဏ်ရာ ရရှိခဲ့ပြီးဖြစ်သည်။ စစ်တပ်အာဏာသိမ်းပြီးနောက် စစ်ကောင်စီတပ်ဖွဲ့များသည် ဟားခါးထာရ်ရပ်ကွက်နှင့် အနီးတစ်ဝိုက်တွင် နေရာယူတပ်ဆွဲ လေ့ရှိပြီး ၎င်းနေရာမှ လက်နက်ကြီးများ ပစ်ခတ်လေ့ရှိကြောင်း သိရသည်။