ချင်းပြည်နယ် ဟားခါးမြို့နှင့် ထန်တလန်မြို့အကြား သီမစ် (Timit) လွင်ပြင်တွင် စစ်ကောင်စီတပ်ဖွဲ့နှင့် ချင်းကာကွယ်ရေး ပူးပေါင်းတပ်ဖွဲ့တို့အကြား ဖြစ်ပွားသည့် တစ်လတာတိုက်ပွဲတွင် စစ်ကောင်စီဘက်ကတပ်သား ၆၀ ထက်မနည်း သေဆုံးခဲ့သည်ဟု ချင်းအမျိုးသားတပ်ဦး CNF ကပြောဆိုသည်။ စစ်ကောင်စီတပ်ဖွဲ့သည် ထန်တလန်မြို့ ပြန်လည်ထူထောင်ရေး ခေါင်းစဉ်တပ်ပြီး ဟားခါးနှင့် ထန်တလန်အကြားရှိ ပြည်သူလူထုအသုံးမပြုတော့သော သီမစ်ချောင်းတံတားအား ပြင်ဆင်တည်ဆောက်ရန် စစ်ရေးအရ အင်အားဖြည့်တင်းလာခဲ့ပြီး ဇူလိုင် ၃၀ ရက်နေ့က ယင်းဒေသသို့ အင်အား ၈၀ ကျော်ဖြင့် စစ်ကြောင်းထိုးလာခဲ့ရာမှ တိုက်ပွဲစတင်ဖြစ်ပွားခဲ့ခြင်းဖြစ်သည်ဟု သြဂုတ်လ ၃၁ ရက်နေ့စွဲဖြင့် ထုတ်ပြန်သော CNF ၏ ထုတ်ပြန်ချက်တွင် ဖော်ပြသည်။ သီမစ်လွင်ပြင်ဒေသသို့ စစ်ကြောင်းထိုးလာသော စစ်ကောင်စီတပ်ဖွဲ့ကို ချင်းအမျိုးသားတပ်မတော် CNA, Chinland Join Defense Force Committee- Special Force (CJDC), CDF-Thantlang, CDF-Zophei, CDF-Lautu, CDF-Mara နှင့် CDF-Hakha စသည့် ပူးပေါင်းတပ်ဖွဲ့တို့က ပြန်လည်ခုခံတိုက်ခိုက်ခဲ့ကြပြီး ၃၁ ရက်ကျော်ကြာ အပြင်းအထန်တိုက်ပွဲဖြစ်ပွားခဲ့သည်ဟု ယင်းထုတ်ပြန်ချက်က ဆိုသည်။ ဇူလိုင်လ ၃၀ ရက်နေ့ကစ၍ သြဂုတ်လ ၃၁ ရက်နေ့အထိ တစ်လတာတိုက်ပွဲအတွင်း ချင်းပူးပေါင်းကာကွယ်ရေးတပ်ဖွဲ့က စစ်ကောင်စီတပ်သား ၆၀ ထက်မနည်းကို သုတ်သင်ရှင်းလင်းနိုင်ခဲ့ပြီး အများအပြား ဒဏ်ရာရစေနိုင်ခဲ့သည်ဟု CNF က ဆိုသည်။ ချင်းပူးပေါင်းကာကွယ်ရေးတပ်ဖွဲ့ဘက်က CDF-Hakha တပ်ဖွဲ့မှ ရဲဘော်တစ်ဦးသည် တိုင်းပြည်နှင့်လူမျိုးအတွက် အသက်ပေးလှူသွားခဲ့ပြီး ရဲဘော် ၅ ဦးခန့် မစိုးရိမ်ရသည့်ဒဏ်ရာများ…
Author: Editor
ချင်းပြည်နယ် ပလက်ဝမြို့နယ် သံထောင်အခြေစိုက် တပ်မ (၅၅) လက်အောက်ခံ ခလရ (၃) တပ်ရင်းမှ တပ်ကြပ်တစ်ဦးသည် သြဂုတ်လ ၂၉ ရက်နေ့က CDF-Daai တပ်ဖွဲ့ထံသို့ အလင်းဝင်ခဲ့ပြီး လွတ်မြောက်နယ်မြေသို့ ပို့ဆောင်ပေးခဲ့သည်ဟု CDF-Daai က ထုတ်ပြန်သည်။ အဆိုပါတပ်ကြပ်အနေဖြင့် စစ်ခေါင်းဆောင်များမှ မိသားစုနှင့် အဆက်အသွယ်ဖြတ်ထားကာ အသေခံတပ်သားအဖြစ် အသုံးပြုနေမှုကို မလိုလားသည့်အတွက် တပ်ဆုတ်ခွါသည့်လမ်းကြောင်းမှ ထွက်ပြေးလာခဲ့ခြင်းဖြစ်သည်ဟု CDF-Daai က ဆိုသည်။ စစ်ကောင်စီလက်အောက်တွင် တာဝန်ထမ်းဆောင်လိုခြင်းမရှိဘဲ ပြည်သူ့ရင်ခွင်သို့ ခိုလုံလိုသူ ပြည်သူ့တပ်မတော်သားများကို နွေးထွေးစွာ ကြိုဆိုလက်ခံသွားမည်ဟု CDF-Daai က ထုတ်ပြန်ထားသည်။
ချင်းပြည်နယ်၊ ဟားခါးမြို့၊ ပြည်တော်သာရပ်ကွက် ပြည်နယ်လမ်းဦးစီးဌာနဝင်းအတွင်းရှိ ဆောက်လုပ်ရေးဧည့်ရိပ်သာ ယနေ့နံနက်ပိုင်းက မီးလောင်မှုဖြစ်ပွားပြီးနောက် လမ်းဦးစီးဌာနက ဝမ်းထန်များအပါအဝင် လူ ၁၁ ဦးခန့် ပျောက်ဆုံးနေသည်ဟု သိရသည်။ ဆောက်လုပ်ရေးဧည့်ရိပ်သာသည် ယနေ့ နံနက် ၂ နာရီကျော်ကျော်ခန့်ကစ၍ ၃ နာရီခန့်အထိ မီးလောင်ခဲ့ခြင်းဖြစ်ပြီး မီးသတ်ကားများရောက်ရှိလာပြီးနောက် မီးငြိမ်းသတ်ခဲ့ရာ မနက်ပိုင်း ၄ နာရီကျော်ကျော်ခန့်တွင် မီးညွန့်ကျိူးသွားခဲ့သည်ဟု ဟားခါးဒေသခံတစ်ဦးကပြောသည်။ “ဒီမနက် ၂ နာရီ ခွဲလောက်မှာ အိပ်လို့မရတော့ဘူး၊ ဆူညံသံတွေကြားတော့ ထကြည့်တာ အဲနှစ်ထပ်အိမ်က မီးလောင်နေတာ၊ တော်သေးတာက မနက် ၃ နာရီဝန်းကျင်လောက်ဖြစ်မယ်၊ မီးသတ်ကား ၃ စီးကရောက်လာ လို့ မီးငြိမ်းနိုင်ခဲ့တာ၊ အချိန်မီလို့ပေါ့၊ မဟုတ်ရင် ဘေးကဆောက်လုပ်ရေးကွာတာတွေလဲ ဆက်သွားနိုင်တယ်” ဟု ပြည်တော်သာရပ်ကွက်နေ ဒေသခံတစ်ဦးက ပြောသည်။ အဆိုပါဧည့်ရိပ်သာတွင် သီမစ်တံတားတည်ဆောက်ရေးအတွက် ခေတ္တတည်းခိုနေကြသော ဆောက်လုပ်ရေးအင်ဂျင်နီယာများအပါအဝင် အစိုးရဝန်ထမ်းနှင့် လုပ်သား ၁၁ ဦးခန့် မီးလောင်မှုဖြစ်ပွားပြီးနောက် ပျောက်ဆုံးသွားသည်ဟု သိရသည်။ “အဲဒီ ၁၁ ဦးပျောက်တယ်ဆိုတာက သီမစ်ဘက်မှာတံတားဆောက်မယ့်အဖွဲ့တွေလို့ပြောတယ် အင်ဂျင်နီယာတွေရောပါတယ်တဲ့” ဟု ဟားခါးမြို့ခံတစ်ဦးကပြောသည်။ အဆိုပါ ပုဂ္ဂိုလ် ၁၁ ဦးသည် မည်ကဲ့သို့ပျောက်ဆုံးသွားသည်ကိုမူ မသိရသော်လည်း ဖမ်းဆီးခံရခြင်းဖြစ်နိုင်သည်ဟု ယူဆနေကြသည်။ စစ်ကောင်စီသည် ဟားခါးနှင့် ထန်တလန်မြို့အကြား ပျက်စီးနေသော သီမစ်တံတားကို ပြန်လည်ပြုပြင်ရန်ကြိုးစားနေပြီး ယင်းဒေသတွင် ဇူလိုင်လ ၃၀ ရက်ကတည်းက ချင်းအမျိုးသားကာကွယ်ရေးပူးပေါင်းတပ်ဖွဲ့များနှင့် တိုက်ပွဲဖြစ်ပွားနေ ကြသည်။ စစ်ကောင်စီသည် ထန်တလန်မြို့ပြန်လည်ထူထောင်ရေးဆိုသည့်အကြောင်းပြချက်ဖြင့် သီမစ်တံတားကို ပြုပြင်နိုင်ပါက ထန်တလန်မြို့နယ်ထဲသို့ စစ်ကူနှင့်…
ချင်းပြည်နယ် ကန်ပက်လက်မြို့တွင် ခရစ်ယာန်ဂိုဏ်းပေါင်းစုံ၏ဦးဆောင်မှုဖြင့် ယနေ့သြဂုတ်လ ၃၁ ရက်နေ့တွင် သင်္ချိူင်း သန့်ရှင်းရေးလုပ်ရန်သွားကြသော ပြည်သူများကို စစ်ကောင်စီတပ်ဖွဲ့ကအကြောင်းမဲ့ပစ်ခတ်ခဲ့ရာတွင် ပြည်သူတစ်ဦး ဒဏ်ရာရရှိခဲ့သည်ဟု သိရသည်။ ကန်ပက်လက်မြို့ အ.ထ.က ကျောင်းဝန်းအတွင်း စခန်းချတပ်စွဲထားသော စစ်ကောင်စီတပ်ဖွဲ့၏ အကြောင်းမဲ့ပစ်ခတ်မှုကြောင့် သင်္ချိူင်းသန့်ရှင်းရေးလုပ်ရန်သွားကြသော ပြည်သူများထဲမှ တစ်ဦး၏ ညာဘက်ရင်အုံတွင် ကျည်ဆံထိမှန်ဒဏ်ရာရရှိခဲ့ပြီး အသက်အန္တရာယ်တော့မစိုးရိမ်ရကြောင်း CDF-Kanpetlet ကထုတ်ပြန်သည်။ စစ်ကောင်စီတပ်ဖွဲ့အနေနဲ့ ယခုကဲ့သို့ အပြစ်မဲ့ပြည်သူများအား အကြောင်းမဲ့ပစ်မှတ်ထား ပစ်ခတ်မှုများဆက်လက်လုပ် ဆောင်နေပါက ပြင်းထန်စွာတုံ့ပြန်အရေးယူသွားမည်ဟု CDF-Kanpetlet က ထုတ်ပြန်ထားသည်။
ချင်းပြည်နယ် ဟားခါးမြို့ ပြည်တော်သာရပ်ကွက်တွင်ရှိသော ဆောက်လုပ်ရေးရိပ်သာ ၂ ထပ်တိုက်တစ်လုံးသည် ယနေ့နံနက်ပိုင်း ၂ နာရီကျော်ကျော်ခန့်က မီးလောင်းမှုဖြစ်ပွားခဲ့သည်ဟု သိရသည်။ ဆောက်လုပ်ရေးရိပ်သာသည် ဟားခါးမြို့ ဝမ္မသူးမောင်အားကစားကွင်းအပေါ်နားတွင်တည်ရှိပြီး ယနေ့နံနက်ပိုင်း ၂ နာရီကျော်ကျော်ခန့်မှစ၍ ၃ နာရီခန့်အထိ မီးလောင်ပျက်စီးသွားသည်ဟု ဟားခါးမြို့ခံ တစ်ဦးကပြောသည်။ ဖုန်းအားသွင်းရာမှ အပူလွန်ကဲမှုကြောင့် မီးစတင်လောင်ကျွမ်း ခြင်းဖြစ်သည်ဟု သိရသော်လည်း သီးခြား အတည်ပြုနိုင်ခြင်းမရှိပေ။ ယင်းဆောက်လုပ်ရေးရိပ်သာတွင် သီမစ်တံတားတည်ဆောက်ရန် တည်းခိုနေသူအချိူ့လည်းရှိသည်ဟုသိရပြီး မီးလောင်မှုကြောင့် လူတချိူ့ပျောက်ဆုံးနေသည်ဟုလည်း သိရသည်။
ချင်းပြည်နယ် ဟားခါးမြို့ ၆ လမ်းဆုံ ဟားခါး ထာရ်ရပ်ကွက်ဘက်တွင် ယနေ့နံနက်ပိုင်းက စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့များ တိုက်ပွဲဖြစ်ပွားကာ စစ်ကောင်စီတပ်ဖွဲ့ ၏ လက်နက်ကြီး ရမ်းသမ်းပစ်ခတ်မှုကြောင့် အရပ်သားပြည်သူ ၄ ဦး ထိခိုက်ဒဏ်ရာရရှိခဲ့သည်ဟု သိရသည်။ ယနေ့ နံနက်ပိုင်း ၆ နာရီခန့်ကစ၍ ဟားခါးထာရ်ရပ်ကွက်ဘက်တွင် နှစ်နာရီကျော်ခန့် အပြန်အလှန်ပစ်ခတ်မှုဖြစ်ပွားခဲ့ပြီးနောက် စစ်ကောင်စီဘက်က လက်နက်ကြီးများဖြင့် ရမ်းသမ်းပစ်ခတ်ခဲ့ခြင်းကြောင့် နေအိမ်တစ်လုံးပေါ်ကျရောက်ပေါက်ကွဲကာ နေအိမ်အတွင်း ထမင်းစားနေကြသော ပြည်သူ ၄ ဦး ထိခိုက်ဒဏ်ရာရရှိခဲ့ခြင်းဖြစ်သည်ဟု ဟားခါးမြို့ခံတစ်ဦးက ပြောသည်။ “ဒီမနက်မှာ ဟားခါးထာရ်ရပ်ကွက် ၆ လမ်းဆုံမှာ လူငယ်တွေနင့် စစ်ကောင်စီဘက် အပြန်လှန်ပစ်ခတ်ကြတယ်၊ နည်းနည်းတော့ကြာတယ်။ သူတို့ပစ်ခတ်တာကတော့ စကစဘက်ကလည်းလက်နက်ကြီးတွေနဲ့ သူတို့ထင်ရာဆိုင်းပစ်ခတ်တာပေါ့” ဟု ဟားခါးဒေသခံတစ်ဦးက ပြောသည်။ ထိခိုက်ဒဏ်ရာရရှိသူများကို ဟားခါးမြို့ ပြည်သူ့ဆေးရုံသို့ပို့ဆောင်ကာ ကုသမှုခံယူလျှက်ရှိကြသည်ဟု သိရသည်။ ဟားခါးမြို့တွင် စစ်ကောင်စီတပ်ဖွဲ့က လက်နက်ကြီရမ်းသမ်းပစ်ခတ်မှုများ မကြာခဏ ဖြစ်ပွားလေ့ရှိပြီး သြဂုတ်လ ၁၀ ရက်နေ့ကလည်း အသက် ၆၀ အရွယ် အမျိုးသမီးတစ်ဦးအား ထိမှန်သေဆုံးသွားခဲ့သည်။
မီဇိုရမ်ပြည်နယ် အထူးမှုခင်းစုံစမ်းရေးဌာနခွဲ (CID) မှ အိုင်ဇောလ်မြို့ ITI ရပ်ကွပ်ရှိ ကမ္ဘာ့ဘဏ်လမ်းတွင် သတင်းအရ စစ်ဆေးမှုများလုပ်ရာမှာ မြန်မာနိုင်ငံ အမျိုးသားတစ်ဦးထံမှ စိတ်ကြွဆေးပြားအလုံး ၂၀,ဝ၀ဝ ကျော်ကို သြဂုတ်လ ၂၉ ရက် ညနေပိုင်းတွင် ဖမ်းဆီးရမိကြောင်း မီဇိုရမ် ရဲတပ်ဖွဲ့၏ ထုတ်ပြန်ချက်အရ သိရသည်။ ထိုဆေးပြားများသယ်ဆောင်သူမှာ စစ်ကိုင်းတိုင်း ကလေးမြို့ တာဟန် F-ရပ်ကွက်တွင်နေထိုင်သူ အသက် ၃၀ အရွယ် မာလ်ဆောမ်ဒေါင်းငါ (Malsawmdonga) ဖြစ်ပြီး မီဇိုပြည်နယ် အိုင်ဇောမြို့ (Hunthar) ရပ်ကွပ်တွင်နေကြောင်း သိရသည်။ ၎င်းဆေးပြား၏တန်ဖိုးမှာ နိုင်ငံတကာဈေးကွပ်အရ ရူပီး သိန်း ၆၀ဝ ကျော်တန်ဖိုးရှိကြောင်း သိရသည်။ ထိုထိန်းသိမ်းရမိသော မူးယစ်ဆေးများကို မီဇိုရမ်အထူးမူးယစ်ဆေးတားမြစ်ရေးအဖွဲထံ လွဲအပ်ပြီး ဥပဒေအရ အရေးယူသွားမည်ဖြစ်ကြောင်း ထုတ်ပြန်သည်။
စစ်ကိုင်းတိုင်းဒေသကြီး ကလေးမြို့တွင် တိရိစ္ဆန်ဆရာဝန် ဒေါက်တာမြင့်ဝင်းအား အမည်မသိလူတစ်စုက သြဂုတ်လ ၂၇ ရက်နေ့က သေနတ်နှင့်ပစ်ခတ်မှုကြောင့် သေဆုံးသွားသည်ဟု သိရသည်။ ဒေါက်တာမြင့်ဝင်းသည် ကလေးခရိုင် မွေးမြူရေးနှင့်ကုသရေးဦးစီးဌာနက ဒုတိယညွှန်မှူးဖြစ်ပြီး ၎င်းမှာ ရုံးဝန်းအတွင်း မိသားစုလိုက် နေထိုင်သူဖြစ်ကာ ဩဂုတ်လ ၂၇ ရက်က တိရစ္ဆာန်ဆေးကုပြီး အပြန်မှာ အသတ်ခံရခြင်းဖြစ်သည်ဟု ကလေးဒေသခံများထံမှ သိရသည်။ ဒေါက်တာမြင့်ဝင်း ကုပေးခဲ့ဖူးသော တိရိစ္ဆန်ပိုင်ရှင်တစ်ဦးက “ဆရာဆုံးသွားတယ်ကြားတော့ စိတ်မကောင်းဘူး။ သူက သဘောကောင်းတယ်။ ကျွန်မခွေးကလေး နေမကောင်းဖြစ်တော့ သူဆီပြဖြစ်တာ။ ဟိုတခေါက်တုန်းကဆို အိမ်ထိ လာရောက်ကြည့်ပေးသေးတာ” ဟု ပြောသည်။ ဒေါက်တာမြင့်ဝင်းသည် အလုပ်ကိစ္စမှအပ အပြင်ကိုထွက်လေ့မရှိဘဲ မိသားစုနှင့် ရုံးဝန်းထဲတွင်သာ နေထိုင်သူဖြစ်ပြီး ပစ်သတ်ခံရတာနဲ့ပတ်သက်၍ မည်သည့်အဖွဲ့၏ လက်ချက်ဖြစ်သည်ကိုမူ သီးခြားအတည်ပြုနိုင်ခြင်းမရှိပေ။ သူ၏ ရုပ်အလောင်းကို ယမန်နေ့က သင်္ဂြိုလ်ခဲ့ကြသည်ဟု သိရသည်။
FactCheck ဒီသတင်းအမှားကို ယိမ်းနွဲ့ပါးနဲ့ အရူးလွယ်အိတ်ဆိုတဲ့ Facebook အကောင့်ကနေ “အိန္ဒိယနိုင်ငံအစိုးရမှလည်း အကြမ်းဖက် အဖျက်သမား ပြည်ပြေးများကို ဖမ်းဆီးပေးနေပြီဖြစ်သောကြောင့် ပြေးစရာမြေသာရှာကြပေတော့” လို့ ရေးသားဖော်ပြထားတာဖြစ်ပါတယ်။ ဒီဖမ်းဆီးမှုကို သေချာစုံစမ်းတဲ့အခါမှာ အိန္ဒိယနိုင်ငံ မဏိပူရ်ပြည်နယ် ချူရာချန်ပူရ်ခရိုင်ထဲမှာ ယက္ကန်းလုပ်ငန်းလုပ်ကိုင်နေကြတဲ့ မြန်မာနိုင်ငံသားတွေကို မဏိပူရ်ပြည်နယ် ရဲတပ်ဖွဲ့က ဖမ်းဆီးခဲ့တာဖြစ်ပါတယ်။ ဓာတ်ပုံထဲမှာ ပါရှိတဲ့သူတွေဟာ သာမန်ယက္ကန်းသမားတွေသာဖြစ်ကြပြီး အကြမ်းဖက်သမားတွေ မဟုတ်ကြပါဘူး။ မဏိပူရ်ပြည်နယ်ထဲမှာတော့ ယခုလို ယက္ကန်းသမားတွေ ဖမ်းဆီးချုပ်နှောင်မှုတွေကတော့ မကြာခဏ ဖြစ်ပွားလေ့ရှိတယ်လို့ အဲဒီမှာရှိတဲ့ ယက္ကန်းသမားတွေက ပြောပါတယ်။ မြန်မာနိုင်ငံမှာ ၂၀၂၁ ခုနှစ် ဖေဖော်ဝါရီ ၁ ရက်နေ့ စစ်အာဏာသိမ်းမှုဖြစ်ပွားပြီးနောက် မြန်မာနိုင်ငံသားတွေဟာ စစ်ကောင်စီရဲ့ဘေးရန်ကနေလွတ်မြောက်ဖို့ အိန္ဒိယနိုင်ငံအရှေ့မြောက်ဒေသ မီဇိုရမ်ပြည်နယ်ကို အများစု ထွက်ပြေးတိမ်းရှောင်ခဲ့ကြတာဖြစ်ပါတယ်။ အိန္ဒိယနိုင်ငံဟာ ဒုက္ခသည်ဆိုင်ရာ သဘောတူညီချက်ကို လက်မှတ်ရေးထိုးထားခြင်းမရှိတာကြောင့် မီဇိုရမ်ပြည်နယ်ကို ထွက်ပြေးခိုလှုံကြတဲ့ မြန်မာနိုင်ငံက စစ်ဘေးရှောင်ပြည်သူတွေကို နေရပ်ပြန်ပို့ဖို့ မီဇိုရမ်ပြည်နယ်အစိုးရကို အိန္ဒိယဗဟိုအစိုးရက ဖိအားပေးတာမျိုးရှိခဲ့ပါတယ်။ ဒါပေမဲ့ မီဇိုရမ်ပြည်နယ်ဝန်ကြီးချုပ် ပူးဇိုးရမ်းထန်ငါက သူ့ပြည်နယ်အတွင်း ထွက်ပြေးခိုလှုံလာကြတဲ့ မြန်မာနိုင်ငံက စစ်ဘေးရှောင်ပြည်သူတွေကို ပြန်လည်ပို့ဆောင်မှာမဟုတ်ဘူးလို့ အိန္ဒိယဗဟိုအစိုးရကို တုံ့ပြန်ခဲ့ပြီး ဒီနေ့အချိန်ထိ လက်ခံကြိုဆိုပြီး စစ်ဘေးရှောင်စခန်းတွေဖွင့်လှစ်ကာ ပြုစုစောင့်ရှောက်ထားတာဖြစ်ပါတယ်။ ယိမ်းနွဲ့ပါးနဲ့ အရူးလွယ်အိတ်ဆိုတဲ့ Facebook အကောင့်ကနေ ဖော်ပြထားသလို အိန္ဒိယနိုင်ငံအစိုးရမှလည်း အကြမ်းဖက် အဖျက်သမား ပြည်ပြေးများကို ဖမ်းဆီးပေးနေတာမဟုတ်ပါဘူး။ စာဖတ်ပြည်သူများအနေဖြင့် Facebook အကောင့်တွေကနေတင်တဲ့ သတင်းအားလုံးကို မယုံကြည်သင့်ပါဘူး။ ယုံကြည်စိတ်ချထိုက်တဲ့ သတင်းဌာမှတင်တဲ့ သတင်းများနဲ့ သက်ဆိုင်ရာ ပြည်သူ့ကာကွယ်ရေးတပ်ဖွဲ့တွေမှ ထုတ်ပြန်ထားတဲ့ သတင်းထုတ်ပြန်ချက်တွေကို စောင့်ကြည့်ဖတ်ရှူပြီး…
FactCheck ဒီသတင်းအမှားကို ယိမ်းနွဲ့ပါး နဲ့ အရူးလွယ်အိတ် ဆိုတဲ့ Facebook အကောင့်ကနေ “အိန္ဒိယနိုင်ငံ၊ မီဇိုရမ်းပြည်နယ်၊ အိုင်ဇောလ်မြို့ကနေထွက်လာတဲ့ ကားတစ်စီးကို လခရတပ်ဖွဲ့ဝင်များက ရပ်တန့်စစ်ဆေးရာ မီဇိုရမ်းပြည်နယ်သားယာဉ်မောင်းအပါအဝင် ထန်တလန်မြို့နယ်နဲ့ ဟားခါးမြို့နယ်က အကြမ်းဖက်နှစ်ဉီး Galatine ဖောက်ခွဲရေးသုံးကိရိယာ – ၇၈၀၀ ခု၊ Detonator ၄၀၆၃ ခု၊ ဖျူးကြိုး ၇၀၀ တို့ကို သိမ်းဆီးရမိတယ်လို့” ရေးသားဖော်ပြထားတာဖြစ်ပါတယ်။ အိန္ဒိယနိုင်ငံ၊ Serchhip ခရိုင်ရဲတပ်ဖွဲတွေက “အိန္ဒိယနိုင်ငံ၊ မီဇိုရမ်ပြည်နယ်၊ အိုင်ဇောလ်မြိုကနေထွက်လာတဲ့ ကားတစ်စီးပေါ်မှာ သြဂုတ် ၁၀ ရက် နေ့လည် ၁ နာရီခွဲတွင် ရပ်တန့်စစ်ဆေးရာ ဖောက်ခွဲရေးပစ္စည်း အများအပြား ဖမ်းဆီးရမိတယ်လို ရဲတပ်ဖွဲက ထုတ်ပြန်ထားတာဖြစ်ပါတယ်။” ယိမ်းနွဲ့ပါးနဲ့ အရူးလွယ်အိတ်ဆိုတဲ့ Facebook အကောင့်ကနေ ဖော်ပြထားသလို မြန်မာနိုင်ငံ ခရိုင်ရဲတပ်ဖွဲ့ဝင်တွေက ဖမ်းမိတာမဟုတ်ပါဘူး။ ပြီးတော့ ဖမ်းဆီးခံရတဲ့သူတွေဟာ အကြမ်းဖက်သမားများဖြစ်တယ်လို့ အိန္ဒိယရဲတပ်ဖွဲ့များရဲ့ ထုတ်ပြန်ချက်ထဲမှာ ဖော်ပြထားတာမျိုး မရှိပါဘူး။ စာဖတ်ပြည်သူများအနေဖြင့် Facebook အကောင့်တွေကနေတင်တဲ့ သတင်းအားလုံးကို မယုံကြည်သင့်ပါဘူး။ ယုံကြည်စိတ်ချထိုက်တဲ့ သတင်းဌာမှတင်တဲ့ သတင်းများနဲ့ သက်ဆိုင်ရာ ပြည်သူ့ကာကွယ်ရေးတပ်ဖွဲ့တွေမှ ထုတ်ပြန်ထားတဲ့ သတင်းထုတ်ပြန်ချက်တွေကို စောင့်ကြည့်ဖတ်ရှူပြီး သတင်းအမှား/အမှန် စိစစ်သင့်ပါတယ်။