ချင်းပြည်နယ်ဖလမ်းမြို့ကနေ ဟားခါးမြို့ကို ရိက္ခာပို့သွားတဲ့ စစ်ကောင်စီယာဉ်တန်း အစီး ၂၀ ကျော်နဲ့ တင့်ကား ၂ စီးကို ချင်းပူးပေါင်းကာကွယ် ရေးတပ်ဖွဲ့တွေက ဖေဖော်ဝါရီ ၂၈ ကစလို့ ၄ ရက်အတွင်း မိုင်းဆွဲတိုက်ခိုက်ခဲ့ရာမှာ စစ်ကောင်စီဖက်က ၆၀ ကျော်သေဆုံးခဲ့တယ်လို့ CNDF က ယမန်နေ့ မတ်လ ၄ ရက်က ထုတ်ပြန်လိုက်ပါတယ်။ ချင်းပူးပေါင်း ကာကွယ်ရေး တပ်ဖွဲ့တွေထဲမှာတော့ ချင်းအမျိုးသား တပ်မတော် CNA၊ ချင်းအမျိုးသား ကာကွယ်ရေး တပ်ဖွဲ့ CNDF နဲ့ ချင်း ကာကွယ်ရေးတပ်ဖွဲ့ CDF တို့ ပါဝင်ကြပါတယ်။ လုံရန်း နဲ့ တားလ်ကျေးရွာအကြား က မိုင်းဆွဲတိုက်ခိုက်မှုမှာ စစ်ကောင်စီဘက်က ၁၁ ဦးသေဆုံး ကာ တားရ်ကျေးရွာနဲ့ တလန်ဇာရ် ကျေးရွာအကြား တိုက်ခိုက်မှုမှာ ၃၀ ဦးခန့် နဲ့ ရမ်ထလို နဲ့ ဒုတ်ထစ်ကျေးရွာ အကြား မိုင်းဆွဲ တိုက်ခိုက်မှုမှာ ၂၀ ကျော် စုစုပေါင်း စစ်ကောင်စီ တပ်သား အယောက် ၆၀ ကျော် သေဆုံးခဲ့တယ်လို့ CNDF ရဲ့ပြောရေးဆိုခွင့်ရှိသူက ပြောပါတယ်။ “၂၈ ရက်နေ့မှာ မနက်ပိုင်းတစ်ခါပစ်တယ် ၃ ယောက်လောက်ကျတယ် ညနေပိုင်းမှာ တစ်ခါထပ်ပစ်တော့ ၈ ယောက်ဆို တော့ ၂၈ ရက်နေ့မှာတင် ၁၁ ယောက် ဖြစ်သွားတယ်တစ်နေ့တည်းပေါ့နော ၂ ရက်နေ့ကျတော့ မိုင်းဆွဲတာ ၃၀ နီးပါးကျ တာပေါ့ သူတို့ဘက်က…
Author: Editor
ချင်းပြည်နယ် ဖလမ်းမြို့ကနေ ဟားခါးမြို့ကို စစ်ကြောင်းချီလာတဲ့ စစ်ကောင်စီတပ်နဲ့ ချင်းဒေသကာကွယ်ရေးပူးပေါင်း တပ်ဖွဲ့တို့ ၃ ရက်ဆက် တိုက်ပွဲဖြစ်ပွားကာ စစ်ကောင်စီဘက်က ထိခိုက်သေဆုံးမှုရှိသလို ချင်းအမျိုးသားတပ်မတော် CNA တပ်ဖွဲ့မှ ရဲဘော် ၂ ဦးကျဆုံးခဲ့တယ်လို့သိရပါတယ်။ အင်အား ၂၀၀ ဝန်းကျင်လောက်ရှိပြီး တင့်ကား ၂ စီးအပါအဝင် စစ်ကားအစီး ၂၀ ကျော်နဲ့ ဖလမ်းကနေ ဟားခါးမြို့ကို စစ်ကြောင်းချီတက်လာတဲ့ စစ်ကောင်စီတပ်ဖွဲ့ကို ဖေဖော်ဝါရီလ ၂၈ ရက်နေ့ကစလို့ ချင်းအမျိုးသားတပ်မတော် CNA နဲ့ CDF/CNDF ပူးပေါင်းတပ်ဖွဲ့တွေက ကြားဖြတ်တိုက်ခိုက်ခဲ့ကြတာဖြစ်ပါတယ်။ ယမန်နေ့ မတ်လ ၂ ရက်မှာတော့ ဖလမ်း-ဟားခါးကားလမ်းမပေါ်မှာရှိတဲ့ ဒုတ်ထစ် နဲ့ ရမ်ထလိုကျေးရွာအကြားမှာ တိုက်ပွဲ ပြင်းထန်ခဲ့ပြီး စစ်ကောင်စီဘက်က သေဆုံးမှုတွေရှိသလို ချင်းအမျိုးသားတပ်မတော် CNA တပ်ဖွဲ့က ရဲဘော် ၂ ဦး ကျဆုံးခဲ့ တယ်လို့ CNDF ပြောရေးဆိုခွင့်ရှိသူကပြောပါတယ်။ “တိုက်ပွဲကတော့ပြင်းထန်တယ်၊ မနေ့ကတော့ တနေ ကုန်လိုလိုပါပဲပစ်နေကြတာက သူတို့ဘက်ကတော့ လက်နက်ကြီး တွေနဲ့ သိတဲ့တိုင်းပဲ ရမ်းသမ်းပစ်တာတွေ တော်တော် များတဲ့အတွက် ကျနော်တို့ဘက်ကတော့ ပစ်လိုက်ဆုတ်လိုက် ပစ်လိုက်နားလိုက်ပေ့ါနော မနေ့ကတော့ CNA က နှစ် ယောက်ပေါ့နော အနောက်ဘက်ကနေ ပစ်ခံရတဲ့ပုံစံမျိုး အနောက်ဘက်ကနေ ဝိုက်လာတဲ့အခြေအနေမှာ ကြားတဲမှာ ပစ်ခံထိတာနဲ့တူတယ်’’ လို့သူကပြောပါတယ်။ မတ်လ ၂ ရက်နေ့တိ်ုက်ပွဲမှာ ကျဆုံးသွားတဲ့ CNA ရဲဘော် ၂ ဦးကတော့ ဆလိုင်းဇာနှင်း နဲ့ ဆလိုင်း ဗန်ဘွေဘိခ်တို့ဖြစ်ပါ…
အိန္ဒိယနိုင်ငံ မီဇိုရမ်ပြည်နယ်အတွင်း ထွက်ပြေးတိမ်းရှောင်လာကြသော မြန်မာနိုင်ငံက စစ်ဘေးရှောင်ပြည်သူများ အခက်အခဲမရှိနေထိုင်ရေးအတွက် အစိုးရအနေဖြင့် ဆက်လက်ကူညီဆောင်ရွက်ပေးသွားမည်ဟု မီဇိုရမ်ပြည်နယ် ဝန်ကြီးချုပ် ပူးဇိုးရမ်းထန်းငါက ပြောသည်။ မီဇိုရမ်ပြည်နယ်တွင် ယခုကျင်းပလျှက်ရှိသော လွတ်တော်အစည်းအဝေး Assembly session တွင် အတိုက်ခံ INC ပါတီလွတ်တော်ကိုယ်စာလှယ် Lalrindika Ralte က မြန်မာစစ်ဘေးရှောင်အခြေအနေနှင့်ပတ်သက်၍ မေးမြန်းခဲ့ရာတွင် မီဇိုရမ်ပြည်နယ်ဝန်ကြီးချုပ်က ထိုကဲ့သို့ ဖြေဆိုခဲ့ခြင်းဖြစ်သည်။ “စစ်ဘေးရှောင်တွေ အခက်အခဲမရှိ၊ စိုးရိမ်ပူပန်မှုမရှိဘဲ နေထိုင်နေနိုင်ရေးအတွက် ဆက်လက် ဆောင်ရွက်သွား မယ်၊ စားနပ်ရိက္ခာအတွက်သော်လည်းကောင်း အခြားသော လိုအပ်ချက်တွေကိုလည်း ဆက်လက်လုပ်ဆောင်သွားမှာဖြစ်တယ်၊ အိန္ဒိယဗဟိုအစိုးရကိုလည်း အကူအညီထပ်တောင်ခံထားပြီး ကူညီထောက်ပံ့ပေးမယ်လို့လည်း မျော်လင့်ရပါတယ်” ဟု ပူးဇိုးရမ်းထန်းငါက ပြောသည်။ မီဇိုရမ်ပြည်နယ်တွင် စစ်ဘေးရှောင်ဦးရေ တနေ့ထက်တနေ့ထိုးလာနေပြီး အထူးသဖြင့် ချင်းပြည်နယ်တွင် စစ်ကောင်စီတပ် က စစ်ဆင်ရေးအကြီးအကျယ်ဆောင်ရွက်နေခြင်းကြောင့် ချင်းတောင်တန်းမှ ပြည်သူများသည် မီဇိုရမ်ပြည်နယ်ဘက်သို့ ပိုမိုဝင်ရောက်လာနေပြီး ယခုလက်ရှိ မီဇိုရမ်ပြည်နယ်အစိုးရ၏ စာရင်းမှတ်တမ်းအရ စစ်ဘေးရှောင်ဦးရေ ၂၄၂၈၉ ဦးရှိ သည်ဟု မီဇိုရမ်ဝန်ကြီးချုပ်က လွှတ်တော်အစည်းအဝေးတွင်ပြောဆိုသည်။ မြန်မာစစ်ဘေးရှောင်များသည် ပြည်နယ်၏မြို့တော် အိုင်ဇောလ်မြို့အပါအဝင် ခရိုင် ၁၁ ခုရှိ စစ်ဘေးရှောင်စခန်းများတွင် ဖြန့်ကျက်နေထိုင်ကြပြီး လူသားချင်းစာနာမှုဆိုင်ရာ အကူအညီများကို ပြည်နယ်အစိုးရ၊ အစိုးရမဟုတ်သည့်အဖွဲ့အစည်း (NGO) များ၊ ဘာသာရေးအသင်းအဖွဲ့အစည်းများက ကူညီပေးလျှက်ရှိသည်ဟု ၎င်းကဆက်ပြောသည်။ “စစ်ဘေးရှောင်ဦးရေတိုးလာတယ်၊ ချင်းပြည်နယ်ကနေ လာတဲ့သူများတယ်၊ မီဇိုရမ်အစိုးရ၊ အသင်းတော်၊ NGO, ကျောင်း သားသမဂ္ဂနဲ့ ပြည်သူလူထုတွေက ကူညီဆောင်ရွက်ပေးနေကြပါတယ်၊ စစ်ဘေးရှောင် များကလည်း ကျေးဇူးတင်ကြောင်း ထပ်ခါတလည်းလည်း ပြောဆိုကြတယ်”…
ချင်းပြည်နယ် ဖလမ်းမြို့ကနေ ဟားခါးမြို့ကို စစ်ကား ၂၀ ကျော်နဲ့ စစ်ကြောင်းချီလာတဲ့ စစ်ကောင်စီတပ်ဖွဲ့က Dokthek ကျေးရွာက နေအိမ်တွေကို ယနေ့ညနေပိုင်းက မီးတင်ရှို့ခဲ့ကြတယ်လို့ သိရပါတယ်။ စစ်ကောင်စီတပ်နှင့် ချင်းအမျိုး သားတပ်မတော်(CNA)၊ ချင်းပြည်သူ့ကာကွယ်ရေးပူးပေါင်းတပ်ဖွဲ့တို့ဟာ ယနေ့နံနက်ပိုင်းက ဖလမ်း-ဟားခါးလမ်းပေါ်က Ramthlo နဲ့ Dokthek ကျေးရွာအကြားမှာ တိုက်ပွဲပြင်းပြင်းထန်ထန်ဖြစ်ပွားခဲ့ကြပြီး ညနေပိုင်းမှာ Dokthek ကျေးရွာက နေအိမ်တွေကို စစ်ကောင်စီက မီးရှို့ခဲ့တာလို့သိရပါတယ်။ အဲဒီမီးလောင်မှုကြောင့် လူနေအိမ်ခြေဘယ်လောက်လောင်ကျွမ်းပျက်စီးသွားတယ်ဆိုတာတော့ မသိရသေးပါဘူး။ စစ်ကောင်စီတပ်နဲ့ ချင်းကာကွယ်ရေးပူးပေါင်းတပ်ဖွဲ့တွေဟာ မတ်လ ၁ ရက်နေ့ကစပြီး ဖလမ်းမြို့နယ် Taal ကျေးရွာမှာ တိုက်ပွဲစတင်ဖြစ်ပွားခဲ့ပြီး ယနေ့မတ်လ ၂ ရက်နေ့မှာလည်းဆက်လက်ဖြစ်ပွားကာ နှစ်ဖက်ထိခိုက်သေဆုံးမှုတွေရှိတယ်လို့ သိရပါတယ်။
ချင်းပြည်နယ် ထန်တလန်မြို့မှာ စစ်ကောင်စီတပ်ဖွဲ့တွေက ဖေဖော်ဝါရီလ ၂၅ နဲ့ ၂၇ ရက်နေ့တုန်းက လူနေအိမ်တွေကို ထပ်မံမီးရှို့ပြီး အိမ်ခြေ ၁၀၁ အိမ်လောင်ကျွမ်းပြာကျခဲ့တယ်လို့ Thantlang Placement Affairs Committee က ယနေ့ထုတ်ပြန်လိုက်ပါတယ်။ စစ်ကောင်စီတပ်ဖွဲ့တွေဟာ ဖေဖော်ဝါရီ ၂၅ ရက်နေ့မှာ ထန်တလန်မြို့ပေါ်က ဇုန်မွန်၊ စျေး၊ ဘုရားကျောင်း နဲ့ TABC ရပ်ကွက်က လူနေအိမ်ခြေ ၉၃ အိမ်မီးရခဲ့ပြီး ဖေဖော်ဝါရီလ ၂၇ ရက်နေ့မှာ ကျောင်းရပ်ကွက်က လူနေအိမ် ၈ အိမ် မီးရှို့ခဲ့ကြတာဖြစ်ပါတယ်။ ထန်တလန်မြို့ပေါ်မှာ စစ်ကောင်စီတပ်ဖွဲ့က ပြီးခဲ့တဲ့ ၂၀၂၁ ခုနှစ် စက်တင်ဘာလ ၉ ရက်ကနေ ၂၀၂၂ ခုနှစ် ဖေဖော်ဝါရီလ ၂၇ ရက်နေ့အထိ ၂၆ ကြိ်မ် မီးရှို့ခဲ့ပြီး ဘုရားကျောင်း ၈ ကျောင်းအပါအဝင် လူနေအိမ်ခြေ တစ်ထောင်ကျော်လောင်ကျွမ်း ပြာကျခဲ့ရပြီးဖြစ်ပါတယ်။
အိန္ဒိယ-မြန်မာနယ်စပ် အမှတ် (၂) နယ်စပ်ကုန်သွယ်ရေးစခန်းအခြေစိုက်ရာ ဖလမ်းမြို့နယ်၊ ရိခေါ်ဒါရ်မြို့အမှတ် (၂) ရပ်ကွက် (တီအိုချောင်း) တောင်ကုန်းပေါ်မှာ အင်အား ၄၀ လောက်ရှိတဲ့ စစ်ကောင်စီတပ်ဖွဲ့တွေ ဖေဖော်ဝါရီလ ၂၇ ရက်နေ့ကစပြီး စခန်းချနေရာယူထား တယ်လို့ ဒေသခံတွေထံကနေသိရပါတယ်။ “အမှတ် ၂ ရက်ကွက်အပေါ်တောင်ကုန်းမှာ ချတာပေါ့ Duty လုပ်တာပေါ့ လူအင်အားက ၄၀ လောက်ရှိတယ်၊ တီးတိန်-ဟိုင်မွလ်-ကလေးလမ်းကို CDF/PDF က အနှောက်ယှက်ပေးတယ်လို့သတင်းကြားလို့တဲ့ ပိုက်ဆံတွေကောက်တယ် အဲလို လုပ်တယ်ဆိုပြီးမှ အပေါ်ကအမိန့်လာတယ်တဲ့ လိုင်းပေါ်မှာတက်တက်နေတော့ အထက်ကနေ နေခိုင်းတယ်လို့ပြောတာပဲ’’ လို့ အမည်မဖော်လိုတဲ့ဒေသခံတစ်ဦးကပြောပါတယ်။ စစ်ကောင်စီခန့် ချင်းပြည်နယ်ဝန်ကြီးချုပ် ဦးငွန်ဆန်းအောင်က ရိခေါဒါရ်မြို့မှာ လုံခြုံရေးတပ်ဖွဲ့တွေထပ်မံချပေးဖို့ အာဏာ သိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ထံတင်ပြခဲ့တယ်လို့သတင်းထွက်ပေါ်ပြီး သိပ်မကြာခင်မှာပဲ ခုလို စစ်ကောင်စီတပ်ဖွဲ့ စခန်းချနေရာယူလာတာဖြစ်ပါတယ်။ ရိခေါဒါရ်မြို့ဟာ အိန္ဒိယ-မြန်မာနယ်စပ်ကုန်သွယ်ရေးရဲ့ အဓိကအချက်အချာကျတဲ့မြို့ဖြစ်ပြီး ရိ ကုန်သွယ်ရေးစခန်းနဲ့ နှစ်မိုင်လောက်အကွာမှာ CDF တပ်ဖွဲ့တွေက ကုန်ပစ္စည်းတွေစစ်ဆေးတာ၊ အခွန်ကောက်ခံမှုတွေလုပ်ဆောင်နေ တာကြောင့် စစ်ကောင်စီပုံရိပ်ကျဆင်းစေပြီး လုံခြုံရေးတပ်ဖွဲ့တွေပြန်ထားသင့်တယ်ဆိုပြီး ဦးငွန်ဆန်းအောင်က ဖေဖော်ဝါရီလ ၁၃ ရက်နေ့က နေပြည်တော်မှာပြုလုပ်တဲ့ စစ်ကောင်စီဥက္ကဌနဲ့ တိုင်း၊ပြည်နယ်ဝန်ကြီးချုပ်တွေ အစည်း အဝေးမှာ တင်ပြခဲ့တာလို့သိရပါတယ်။ စစ်ကောင်စီတပ်ဖွဲ့ဟာ ယခင်ကတော့ ရိခေါဒါရ်မြို့အမှတ် (၁) ရပ်ကွက်တောင်ကုန်းပေါ်မှာသာ စခန်းချနေထိုင်ကြပေမယ့် ခုအခါမှာတော့ အမှတ် (၂) ရက်ကွက်တောင်ကုန်းပေါ် ကလေး-တီးတိန်-ရိ ကုန်သွယ်ရေးလမ်းကို အပေါ်စီးကနေ အကုန်မြင်နိုင်တဲ့ ဗျူဟာကျတဲ့နေရာမှာ ခြေကုတ်ယူလာတာဖြစ်ပါတယ်။ အခုလို စစ်ကောင်စီတပ်သားတွေ တောင်ကုန်းပေါ်မှာ နေရာယူလာတာကြောင့် ကလေးမြို့ဘက်ကနေ တက်လာတဲ့…
ဒီသတင်းအမှားကို “ ဖေဖော်ဝါရီ ၂၇ရက်နေ့မှာ အသီးရွက်တင်ဆောင်တဲ့ ကားအတွင်း ပုန်းခိုဝှက်ပြီး ထွက်ပြေးလာခြင်းဖြစ်ကြောင်းသိရတယ်။ ဖမ်းဆီးမိတဲ့ မြန်မာ PDF များကို မဲဆောက်မြို့ရဲစခန်းအချုပ်ကို ခေါ်ဆောင်သွားကြောင်းသိရတယ်။” လို့ မာနခဲလေး ချစ်တဲ့မောင် အကောင့်ကနေ ရေးသားဖော်ပြထားတာဖြစ်ပါတယ်။ မာနခဲလေး ချစ်တဲ့မောင် အကောင့်ကနေ ရေးသားဖော်ပြထားတဲ့ မဲဆောက်မှာ အသီးရွက်ကားနဲ့ထွက်ပြေးတဲ့ ၁၅ဦး ဖမ်းဆီးခံရဆိုတဲ့သတင်းဟာအမှားဖြစ်ပါတယ်။ မာနခဲလေး ချစ်တဲ့မောင် အကောင့်ကနေ ရေးသားဖော်ပြထားသလို ဖမ်းဆီးခံရသူတွေဟာ PDF များမဟုတ်ပါဘူး၊ ထိုင်းနိုင်ငံကိုအလုပ်သွားလုပ်လိုတဲ့ မြန်မာနိုင်ငံသားများဖြစ်ပါတယ်။ ဖမ်ဆီးခံ မြန်မာနိုင်ငံသားများမှာ အမျိုးသား ၆ဦး၊ အမျိုးသမီး ၆ဦးနဲ့ ကလေးငယ်များအပါအဝင် စုစုပေါင်း ၁၅ဦး ဖမ်းဆီးခံခဲ့ရတာဖြစ်ပြီး ထိုင်နိုင်ငံထဲဝင်ရောက်နိုင်ဖို့အတွက် ပွဲစားခ တစ်ယောက်ကို ဘတ် ၂၀,၀၀၀ စီပေးခဲ့ရတာဖြစ်ပါတယ်။ ဖေဖော်ဝါရီလ ၂၅ ရက်နဲ့ ၂၆ ရက်အတွင်း မြန်မာနိုင်ငံရဲ့ နိုင်ငံရေးမတည်ငြိမ်မှုများကြောင့် ထိုင်းဘက်ကို တရားမဝင်နယ်စပ်ကို ဖြတ်ကျော်ဝင်ရောက်လာတဲ့ မြန်မာအလုပ်သမား အမျိုးသား ၅၂ဦး၊ အမျိုးသမီး ၁၇ဦး၊ စုစုပေါင်း ၆၉ ဦးကို ထိုင်းနိုင်ငံ ကန်ချနဘူရီခရိုင်မှာ ဖမ်းဆီးရမိခဲ့တာပဲဖြစ်ပါတယ်။ မဲဆောက်မှာ အသီးအရွက်ကားတွင်းလိုက်ပါလာတဲ့ မြန်မာများဖမ်းဆီးခံရတဲ့သတင်းအမှန်ကို သတင်းဌာနကြီးများဖြစ်တဲ့ DVB မှာလည်းဝင်ရောက်ရှာဖွေဖတ်ရှုနိုင်ပါတယ်။ နိုင်ငံမတည်မှုများကြာက စာဖတ်သူများအနေနဲ့ သတင်းတု၊ သတင်းအမှားများကို သတိထားစေလိုပါတယ်။
“ဒေါက်တိုင်တွေဖြိုတယ်ဆိုပြီး ဝန်းထမ်းတွေလိုက်သတ်နေကြတာ လက်နက်မရှိတဲ့လူဆို အမျိုးသမီးလည်းမရှောင် ဘုန်းကြီးလည်းမရှောင် အဘိုးကြီးလည်းမရှောင် ဒလန်အမည်တပ် အနီမဟုတ်ရင် အကုန်သတ်နေကြပြီလို့” Ever Green Account မှ We Love Khit Bone Ka Group မှာရေးသားဖော်ပြထားတာဖြစ်ပါတယ်။ အဲ့ကိစ္စနဲ့ပတ်သက်ပြီး စစ်အာဏာရှင်စနစ်ကို တော်လှန်နေတဲ့ ချင်းဒေသကာကွယ်ရေးအဖွဲ့-ကလေး-ကဘော်-ဂန့်ဂေါ် (CDF-KKG) ရဲ့တာဝန်ရှိသူက “ကျနော်ဘက်က မှတ်ချက်ပေးချင်တာကတော့ ကျနော်တို့ဘက်က အဲ့သလိုမျိုးမရှိဘူး၊ အဲ့သတင်းမှာဖော်ပြထားသလိုမျိုးလည်း ကျနော်တို့မလုပ်ကြပါဘူး၊ ဒါမျိုးကိစ္စတွေမရှိပါဘူး၊ စကစထောက်ခံတဲ့ဘက်ကနေမှ ပုံရိပ်တွေကို ဂုဏ်သိက္ခာကျဆင်းအောင် သတင်းအတုဖြန့်ချိတာပဲဖြစ်ပါလိမ်မယ်။” လို့ပြောပါတယ်။ ဆက်လက်ပြီးသတင်းအမှားမှာ ထပ်မံဖော်ပြထားတာက “အနီချင်းလည်းမတည့်ရင်သတ် ပြည်သူတွေအကုန် PDF တွေကို ကြောက်လန့်တကြားနေနေကြရပြီ။ သူတို့မုန်းပါတယ်ဆိုတဲ့ လက်နက်နဲ့အားနည်းတဲ့သူတွေကိုအနိုင်ကျင့်သတ်ဖြတ်တာကို သူတို့ကိုယ်တိုင်ပျော်ပျော်ပြီးလုပ်နေကြပြီ” လို့ရေးသားဖော်ပြထားပါတယ်။ ထိုရေးသာဖော်ပြချက်နဲ့ပတ်သက်ပြီး ချင်းဒေသကာကွယ်ရေးအဖွဲ့-ကလေး-ကဘော်-ဂန့်ဂေါ် (CDF-KKG) ရဲ့တာဝန်ရှိသူက “ ကျနော်တို့အဓိကတော့ အကြမ်းဖက် စစ်အာဏာရှင်ကို တိုက်ခိုက်တော်လှန်တာဖြစ်တယ် သူ့ရဲ့ဒေါက်တိုင်တွေကို ရိုက်ချိုးတာြဖစ်ပါတယ်။ တစ်ဦးတစ်ယောက်ချင်စီကိုတော့ ပစ်မှတ်ထားပြီးဖြေရှင်တာတော့ မပြုလုပ်ပါဘူး…. ဘယ်တော်လှန်ရေးအဖွဲ့မှလည်းပြုလုပ်မှာမဟုတ်ဘူး။” လို့ပြောဆိုထားပါတယ်။ နိုင်ငံရေးမတည်ငြိမ်းမှုများကြားမှား သတင်းတုသတင်းအမှားများစွာဟာ နေ့တိုင်းလိုလို ဆိုရှယ်မီဒီပေါ်မှာပျံနှံ့လျက်ရှိပါတယ်။ လူမျိုးရေး၊ ဘာသားရေး၊ နိုင်ငံရေးနဲ့ပတ်သက်တဲ့ သတင်းတုများ၊ အမုန်းစကားများကို အထူးသတိပြုသင့်ပါတယ်။ စာဖတ်သူများအနေနဲ့ ယုံကြည်စိတ်ချထိုက်တဲ့ သတင်းဌာနမှ သတင်းတွေကိုသာဖတ်ရှုကြဖို့တိုက်တွန်းလိုက်ပါတယ်။
ဒီသတင်းအမှားကို Fifty Two News အကောင့်မှာ “ဖေဖော်ဝါရီ ၂၄ ရက်နေ့ နေ့လည် ၁၁ နာရီခန့်မှာ စစ်ကိုင်းတိုင်းဒေသကြီး၊ သံဖိုရွာအနီးမှာ လုံခြုံရေးအဖွဲ့များ နယ်မြေရှင်းလင်းစဉ် PDF အကြမ်းဖက်စခန်း ၁ ခုကို ကျား ၁ လောင်း၊ လက်လုပ်သေနတ် ၁ လက်၊ လက်လုပ်မိုင်း ၇ လုံး၊ မှန်ပြောင်း ၁ လက်၊ ၁၂ ဗို့ကျည် ၃၄ တောင့်၊ လူနေတဲ ၂၃ လုံး၊ ယူနီဖောင်း ၂ စုံ၊ ယမ်းကြိုး/ ယမ်းမှုန့်များ၊ ဆက်စပ်ပစ္စည်းများနဲ့အတူ သိမ်းဆည်းရမိကြောင်း သိရှိရပါတယ်” လို့ရေးသားဖော်ပြထားတာဖြစ်ပါတယ်။ ဒီသတင်းနဲ့ပတ်သက်ပြီး ချင်းဒေသကာကွယ်ရေးတပ်ဖွဲ့ – ကလေး-ကဘော်-ဂန့်ဂေါ (CDF-KKG) ဘက်ကိုဆက်သွယ်မေးမြန်တဲ့အခါသတင်းအမှားဖြစ်ကြောင်းအခုလိုပြောပါတယ်။ “ကျနော်တို့ရရှိတဲ့ သတင်းအချက်လက်တွေအရ ပြည်သူတွေနေထိုင်တဲ့ စစ်ဘေးရှောင်စခန်း ပြည်သူတွေ နေထိုင်တဲ့နေရာတစ်ခုပဲခင်ဗျ…PDF စခန်းတော့မဟုတ်ဘူး… ရရှိတဲ့ သတင်းအချက်တွေအရ စခန်းသိမ်းမိ တယ်ဆိုတာကတော့ သတင်းအမှားပါ” ဒီအကြောင်းနဲ့ပတ်သက်ပြီး သံဖိုရွာသားတစ်ဦးကလည်း “အဲ့ဒီစစ်ရှောင်စခန်းမှာ ရွာသားတွေနေတာ တစ်နှစ်နီးပါးရှိပါပြီ၊ စစ်ကောင်စီဘက်က PDF စခန်းလို့ ဝါဒဖြန့်ပြီးရေးတယ်။ ဒါပေမယ့် အဲ့ဒါက ရွားသားတွေစစ်ရှောင်နေတဲ့နေရာပါ” လို့ သတင်းတစ်ခုမှာ ပြောထားပါတယ်။ စစ်ကောင်စီများက PDF စခန်းလို့ဆိုကာ လက်နက်ကြီးများနဲ့ပစ်ခတ်သိမ်းယူခဲ့တဲ့ စစ်ရှောင်စခန်းဟာ ကလေးမြို့နယ် သံဖိုရွာအနောက်ဘက် ချင်းတောင်ခြေရင်းမှာတည်ရှိတာဖြစ်ပါတယ်။ ထိုပစ်ခတ်မှုများကြောင့် စစ်ရှောင်းစခန်းမှာရှိတဲ့ အမျိုးသားတစ်ဦးဟာ လက်နက်ကြီးကြောင့် ဦးခေါင်းမှာ ပြင်းထန်ဒဏ်ရာရှိခဲ့တာပဲဖြစ်ပါတယ်။ Fifty Two News သတင်းအမှားမှာဖော်ပြထားသလို PDF စခန်းမဟုတ်ပါဘူး။…
NGO United For Democratic Myanmar အဖွဲ့က တွဲဖက်အတွင်းရေးမှူး ကိုရစ်ချက်နဲ့ ဆက်သွယ်မေးမြန်းချက် ချင်းပြည်နယ်နှင့် နယ်နိမိတ်ချင်းထိစပ်နေတဲ့ အိန္ဒိယနိုင်ငံအရှေ့မြောက်ဒေသ မီဇိုရမ်ပြည်နယ်မှာ မြန်မာနိုင်ငံကနေ ထွက်ပြေးတိမ်းရှောင်နေတဲ့ စစ်ဘေးရှောင် ၃ သောင်းကျော်လောက်ရှိသွားပြီလို့သိရပါတယ်။ မီဇိုရမ်ပြည်နယ်အတွင်းမှာရှိ နေကြတဲ့ စစ်ဘေးရှောင်ပြည်သူတွေကို မီဇိုရမ်ပြည်နယ်အစိုးရ Refugee ID Card တွေစတင်လုပ်ဆောင်ပေးနေပါတယ်။ ဘာကြောင့် ခုလိုစစ်ဘေးရှာင်တွေကို Refugee ID Card လုပ်ဆောင်ပေးရတာပါလဲ။ ဘယ်အကျိူးခံစားခွင့် ရှိလာနိုင်လဲ။ စစ်ဘေးရှောင်တွေအတွက်ဘယ်လိုအကျိူးဆက်တွေဖြစ်လာနိုင်သလဲ။ ဒီကိစ္စနဲ့ပတ်သက်ပြီး မီဇိုရမ်ပြည်နယ် အခြေစိုက် စစ်ဘေးရှောင်ကူညီရေးအဖွဲ့တစ်ခုဖြစ်တဲ့ NGO United For Democratic Myanmar အဖွဲ့က တွဲဖက်အတွင်းရေးမှူး ကိုရစ်ချက်ကို Khonumthung ကဆက်သွယ်မေးမြန်းထားပါတယ်။ မေး – မီဇိုရမ်ပြည်နယ်မှာရောက်ရှိနေကြတဲ့ စစ်ဘေးရှောင်တွေကို မီဇိုရမ်အစိုးရအနေနဲ့ Refugee ID Card ကို ဘာရည်ရွယ်ချက်နဲ့ လုပ်ပေးရတာလဲ။ ဖြေ – နံပါတ် (၁) အချက်အနေနဲ့ မီဇိုရမ်အစိုးရက မီဇိုရမ်ပြည်နယ်အတွင်းမှာ စစ်ဘေးရှောင် ဘယ်လောက်ရှိသလဲ ဆိုတာ မှတ်သားထားချင်သဘောဖြစ်တယ်။ နောက်တစ်ချက်ကတော့ သူတို့ရဲ့ လုံခြုံရေးအတွက်လည်းဖြစ်တယ်။ လုံခြုံရေးဆိုတဲ့နေရာမှာ မီဇိုရမ်ပြည်နယ်မှာ နေထိုင်တဲ့အတောအတွင်း တနေရာကနေတနေရာ ပြောင်းရွေ့တာဘဲ ဖြစ်ဖြစ်၊ မီဇိုရမ်ပြည်နယ်အတွင်း ခရီးသွားလာတဲ့အခါမှာဘဲဖြစ်ဖြစ် အဆင်ပြေနိုင်ဖို့အတွက် အဓိက ရည်ရွယ်ပြီး Refugee ID Card ကို လုပ်ပေးရခြင်းဖြစ်ပါတယ်။ မေး – ဒီ Refugee ID Card လုပ်ပေးခြင်းအားဖြင့် စစ်ဘေးရှောင်တွေအတွက် ဘယ်လိုအကျိုးခံစားခွင်တွေ ရှိလာနိုင်လဲ။…