(04SS) ချင်းပြည်နယ်၊ ဟားခါးမြို့ရှိ နိုင်ငံကူးလက်မှတ်ထုတ်ပေးသည့် Passport ရုံးတွင် စစ်ကောင်စီတပ်ဖွဲ့နှင့် ဒေသကာကွယ်ရေးတပ်ဖွဲ့ CDF-Hakha အကြား ပစ်ခတ်မှုဖြစ်ပွါးပြီး ဟားခါးမြို့ ပါတ်လမ်းအနီးရှိ ခရိုင် တိုင်းရင်းဆေးရုံ ကွာတာအား ဗုံးထိမှန်ကာ ပျက်စီးခဲ့ကြောင်း ဒေသခံများထံမှ သိရသည်။ ဇွန်လ ၂၇ ရက်ည ၈ နာရီခွဲဝန်းကျင်တွင် ဟားခါးမြို့ Passport ရုံးတွင် လုံခြုံရေးယူနေသည့် စစ်ကောင်စီတပ်ဖွဲ့နှင့် ရဲတပ်ဖွဲ့များအား ဒေသကာကွယ်ရေးတပ်ဖွဲ့ဘက်မှ သွားရောက်ပစ်ခတ်ခဲ့ကာ နှစ်ဖက်တိုက်ပွဲ ၅ မိနစ်ခန့် သာကြာမြင့်ခဲ့ကြောင်း သိရသည်။ CDF-Hakha မှ တာဝန်ရှိသူတစ်ဦးက “Passport ရုံးမှာ ရဲတွေရော စစ်သားတွေရော ပုံမှန်အားဖြင့် ၁၀ ယောက်က ကင်းစောင့်လေ့ရှိတယ်လို့ ကျွန်တော်တို့ သိရတယ်ပေါ့နော်။ ပြီးတော့ passport ရုံးက အကြီးအကဲတေက ပစ္စတောလ်ကိုယ်စီကိုင်ကြတယ် လို့လဲ ကြားတာပေါ့။ ဒါကြောင့် မနေ့ညက အကြာကြီးမဟုတ်ဘူး ၅ မိနစ်လောက်ရှိမယ် ကျွန်တော်တို့ လက်နက်ငယ်တွေနဲ့ သွားပစ်ကြတာပေါ့” ဟု ပြောသည်။ ထိုပစ်ခတ်မှုတွင် စစ်ကောင်စီတပ်ဖွဲ့ဘက်က ထိခိုက်ကျဆုံးမှုရှိမရှိ မသိရသော်လည်း CDF-Hakha တပ်ဖွဲ့ဘက် အထိအခိုက်မရှိ ပြန်လည် ဆုတ်ခွါနိုင်ခဲ့ပြီး စစ်ကောင်စီတပ်ဘက်မှ ကာကွယ်ရေးတပ်ဖွဲ့များ ရှိနိုင်မည်ဟု ထင်သည့် နေရာများသို့ လက်နက်ကြီး ၃ လုံးနှင့် လက်နက်ငယ်များဖြင့်ရမ်းသမ်း ပစ်ခတ်ခဲ့ရာ မြို့ပါတ်လမ်းရှိ ခရိုင်တိုင်းရင်းဆေးကွာတာအား လက်နက်ကြီးကျည်ထိမှန်ကာ အမိုး၊ ပြတင်ပေါက်များ ပျက်ဆီးပြီး အိုးအိမ်ရုံး အကျော်ရှိ ဆောက်လက်စအိမ်တစ်လုံးလည်း သေနတ်ကျည်အများအပြားထိမှန်ကြောင်း သိရသည်။ ယခုတလော ဟားခါးမြို့…
Author: Editor
(05MK) ဆေးခန်းပြရန် ဘာသာစကားအခက်အခဲနှင့် အလှမ်းဝေးသည့်ဒေသတွင် ရောက်ရှိနေသည်ဖြစ်စေ အင်တာနက် (အွန်လိုင်း) ရှိရုံဖြင့် ချင်းဆရာဝန်များနှင့် ဆွေးနွေးတိုင်ပြင်၍ရရှိနိုင်မည့် ချင်းတယ်လီကျန်းမာ အခမဲ့အွန်လိုင်းဆေးခန်းကို Chin Health Organization (CHO) က စတင်ဖွင့်လှစ်လိုက်ပြီဟု သိရသည်။ နိုင်ငံရေး၊ စစ်ရေးအခြေအနေနှင့် တခြားသော အခြေအနေအကြောင်းကြောင်းကြောင့် မိမိနေရပ်မဟုတ်ပဲ တခြားနေရပ် ဒေသအသီးသီးမှာရောက်ရှိနေကြသော ချင်းလူမျိုးများအတွက်၊ အထူးသဖြင့် နေမကောင်း၍ ဆေးခန်းပြသရာမှာ ဒေသ ဘာသာစကား မသိနားမလည်၍ ဆေးခန်းပြသဖို့ အခက်အခဲဖြစ်နေကြသော လူနာများ၊ ဆေးရုံဆေးခန်း သွားရောက်ပြသရန် အလှမ်းဝေးလို့ ဆေးခန်းပြရန် အခက်အခဲရှိနေသော လူနာတွေအတွက် ချင်းတယ်လီကျန်းမာ အခမဲ့အွန်လိုင်းဆေးခန်းကို အဓိကရည်ရွယ်သည်ဟု သိရသည်။ ချင်းတယ်လီကျန်မားမှာ ဆေးခန်းပြမည်ဆိုပါက အရင်ဆုံး မိမိဖုန်းထဲမှာ Telegram application ကို ကြိုတင် Download ထားရန်လိုအပ်ပြီး Messenger မှာ ဘိုကင်တင်ပီး Telegram မှာ ဆေးခန်းပြရမည်ဖြစ်သည်။ နံနက် (၁၀) နာရီမှ ည (၄) နာရီအတွင်း Messenger မှာ ဆေးခန်းပြဖို့ ဘိုကင်ယူနိုင်ပြီး ဘိုကင်ယူပြီးသွားပါက လူနာအမှတ်၊ ပြသရမယ့်အချိန်၊ ပြသရမယ့်ဆေးခန်း Telegram link ကို Messenger ကတဆင့် ပြန်လည်ပို့ပေးမှာဖြစ်သည်ဟု သိရသည်။ ထို့နောက် ဆေးခန်းပြရမယ့်အချိန်မှာ Messenger က ပို့ထားသော Telegram link ကိုနှိပ်ကာ Telegram Message Box ကနေ လူနာအမှတ် ရိုက်ပို့ပေးရမည်ဖြစ်သည်။ ချင်းတယ်လီကျန်းမာဆေးခန်းကို အပတ်စဉ် တနင်္လာမှ…
(03PT) စစ်ကိုင်းတိုင်း ကလေးမြို့ပေါ်ရှိ အရက်ဘီယာဆိုင်များတွင် စစ်ကောင်စီထုတ် ဘီယာများ ရောင်းချမှုရှိနေသောကြောင့် ကလေးမြို့နယ်ပြည်သူ့ရဲတပ်ဖွဲ့က ဖမ်းဆီးအရေးယူမှုများလုပ်ဆောင်ခဲ့သည်ဟု သိရသည်။ ကလေးမြို့ပေါ်ရှိ အရက်ဘီယာဆိုင်များတွင် စစ်ကောင်စီထုတ်ပစ္စည်းများ ရောင်းချနေကြောင်း ပြည်သူများ၏ သတင်း ပေးပို့ချက်အရ အမျိုးသားညီညွတ်ရေးအစိုးရလက်အောက် ကလေးမြို့နယ်ပြည်သူ့ရဲတပ်ဖွဲ့ (Kalay Township Peo ple’s Police) တပ်ဖွဲ့ဝင်များနှင့် ကျေးရွာပြည်သူ့လုံခြုံရေးတပ်ဖွဲ့တို့ပါဝင်သော ပူးပေါင်းအဖွဲ့က ဇွန်လ ၂၄ ရက်နေ့တွင် ကလေးမြို့ပေါ်ရှိ အရက်ဘီယာဆိုင်များကို လိုက်လံစစ်ဆေးမှု လုပ်ဆောင်ခဲ့ကြသည်။ ထိုသို့ ဘီယာဆိုင်များသို့ စစ်ဆေးရှာဖွေရာတွင် ဘီယာဆိုင် ၄ ဆိုင်တို့တွင် စစ်ကောင်စီထုတ် ဒဂုံဘီယာအရက်ဖာ ၆၀ ဖာနှင့် အရက်ဘီယာဖြန့်ဖြူးရာတွင် အသုံးပြုသော ကားနှစ်စီးတို့ကို ဖမ်းဆီးသိမ်းဆည်ခဲ့ပြီး သက်သေခံပစ္စည်များကို အမျိုးသားညီညွတ်ရေးအစိုးရအောက်ရှိ ကလေးမြို့နယ် စည်ပင်ကော်မတီအဖွဲ့ထံ အပ်နှံခဲ့သည်ဟု ကလေးမြို့နယ် ပြည်သူ့ရဲတပ်ဖွဲ့က ထုတ်ပြန်သည်။ ကလေးမြို့နယ်တွင် စစ်ကောင်စီထုတ်ကုန်ပစ္စည်းများအား ရောင်းဝယ်ဖြန့်ဖြူးဖောက်ကားခြင်း မပြုရန်နှင့် ပြုလုပ်ပါက ဥပဒေလုပ်ထုံးလုပ်နည်းများနှင့်အညီ ပြင်းထန်စွာအရေးယူမည်ဟု ကလေးမြို့နယ် ပြည်သူ့အုပ်ချုပ်ရေးအဖွဲ့က တရားဝင်ထုတ်ပြန်ခဲ့ပြီးဖြစ်သည်။ ကလေးမြို့နယ်အတွင်းရှိ လုပ်ငန်းရှင်များအနေဖြင့် ယခင်အစိုးရလက်ထက်တွင် အခွန်ဆောင်ရသောလုပ်ငန်းများလုံး ကလေးမြို့နယ်ပြည်သူ့အုပ်ချုပ်ရေးအဖွဲ့သို့ တရားဝင်အခွန်ထမ်းဆောင်ရန်ကြရန်နှင့် ပျက်ကွက်ပါကလုပ်ထုံးလုပ်နည်း များနှင့်အညီ ထိရောက်စွာအရေးယူသွားမည်ဟု ကလေးမြို့နယ်ပြည်သူ့ရဲတပ်ဖွဲ့၏ ထုတ်ပြန်ချက်တွင်ဖော်ပြထားသည်။ ကလေးမြို့နယ် ပြည်သူ့အုပ်ချုပ်ရေးအဖွဲ့အနေဖြင့် ရရှိလာသော အခွန်ဘဏ္ဍာငွေများကို အမျိုးသားညီညွတ်ရေးအစိုးရ၏ ဘဏ္ဍာရေးမူဝါဒများနှင့်အညီ သုံးစွဲလျက်ရှိပြီး ထိန်းချုပ်နယ်မြေရှိ ပြည်သူများအား ကျန်းမာရေး၊ ပညာရေး၊ တရားဥပဒေစိုးမိုးရေးနှင့် လူသားချင်းစာနာထောက်ထားမှုဆိုင်ရာ ဝန်ဆောင်မှုများ ပေးအပ်နေပြီဖြစ်ကြောင်း ကလေးမြို့နယ် ပြည်သူ့ရဲတပ်ဖွဲ့ ထုတ်ပြန်ချက်တွင် ဖော်ပြထားသည်။
(04SS) စစ်ကိုင်းတိုင်း၊ တမူးမြို့အနီး နဂါးမင်းသမီးတပ်စခန်းတွင် ဇွန်လ ၂၄ ရက်နေ့ မနက် ၅ နာရီကျော်မှ ၁၁ နာရီခွဲအတွင်း တိုက်ပွဲဖြစ်ပွါးခဲ့ရာ စစ်ကောင်စီတပ်ဘက် ၇ ဦးသေဆုံးကာ အများအပြား ဒါဏ်ရာရရှိကြောင်း သိရသည်။ အဆိုပါတိုက်ပွဲတွင် အင်အား ၃၅ ခန့်ရှိသည့် စစ်ကောင်စီတပ်ဖွဲ့များအား Meitei UG, SNA ရှမ်းနီ၊ ပျူစောထီးအပါအဝင် စစ်ကောင်စီတပ်ဖွဲ့များ စစ်ကူအင်အားအလုံးအရင်းဖြင့် လာရောက်တိုက်ခိုက်သောကြောင့် ပြည်သူ့ကာကွယ်ရေးတပ်ဖွဲ့များ တပ်ဆုတ်ခဲ့ရကြောင်း ဇွန်လ ၂၆ ရက်နေ့တွင် PDF-Tamu Battalion 4 က ထုတ်ပြန်သည်။ ၆ နာရီကျော်ကြာ ဖြစ်ပွားသောတိုက်ပွဲတွင် ပြည်သူ့ကာကွယ်ရေးတပ်ဖွဲ့ PDF-Tamu Battalion 4 မှ ရဲဘော် ၁ ဦး ကျဆုံးခဲ့သည်ဟု သိရသည်။
(03PT) စစ်အာဏာရှင်စနစ်ကို မဆုတ်မနစ် အံတုသွားသော ဆလိုင်းတင်မောင်ဦး၏ သတ္တိသွေးကို မိမိတို့၏ တော်လှန်သော သွေးသားများအဖြစ် အတုယူလေ့ကျင့် တည်ဆောက်သွားကြရန် အမျိုးသားညီညွတ်ရေးအစိုးရ NUG ယာယီသမ္မတ ဒူဝါလရှီးလက ပြောဆိုလိုက်သည်။ ယနေ့ဇွန်လ ၂၆ ရက်နေ့သည် ချင်းတိုင်းရင်းသားကျောင်းသားခေါင်းဆောင်ဆလိုင်းတင်မောင်ဦး ကျဆုံးခြင်း (၄၇) နှစ်ပြည့်မြောက်သည့်နေ့ဖြစ်ပြီး ကြားကာလချင်းအမျိုးသားအတိုင်ပင်ခံကောင်စီ ICNCC ၏ ဦးဆောင်မှုဖြင့် ဆလိုင်း တင်မောင်ဦးကျဆုံးခြင်းအခမ်းအနားကို အွန်လိုင်းမှတဆင့်ကျင်းခဲ့ရာတွင် NUG ယာယီသမ္မတက မိန့်ခွန်းပြောကြားရာတွင် ထိုကဲ့သို့ပြောဆိုခဲ့ခြင်းဖြစ်သည်။ “အသက်နဲ့ ခန္ဓာကို ပဓာနမထားဘဲ စစ်အာဏာရှင်စနစ်ကို မဆုတ်မနစ် အန်တုသွားတဲ့ ဆလိုင်းတင်မောင်ဦးရဲ့ သတ္တိသွေးကို ကျွန်တော်တို့ရဲ့ တော်လှန်သောသွေးသားများအဖြစ် အတုယူ လေ့ကျင့်တည်ဆောက်သွားကြဖို့” ဒူဝါလရှီးလက ပြောဆိုခဲ့သည်။ စစ်အာဏာရှင်စနစ်ကို ဆန့်ကျင်အံတုခဲ့သည့် ကျောင်းသားခေါင်းဆောင် ဆလိုင်းတင်မောင်ဦးသည် ၁၉၇၆ ခုနှစ် ဇွန်လ ၂၆ ရက်နေ့တွင် ရန်ကုန်မြို့ အင်းစိန်အကျဉ်းထောင်တွင် စစ်အာဏာရှင်ဗိုလ်ချုပ်နေဝင်းက တိတ်တဆိတ်ကြိုးပေးကွက် မျက်ခဲ့သည်။ ဆလိုင်းတင်မောင်ဦးသည် မြန်မာ့သမိုင်းတွင် ပထမဦးဆုံး ကြိုးပေးကွက်မျက်ခံရသော ကျောင်းသားခေါင်းဆောင်ဖြစ်ပြီး ကြိုးပေးကွက်မျက်ခံရစဉ်တွင် အသက် ၂၅ နှစ်သာရှိသေးသည်။ ဆလိုင်းတင်မောင်ဦးသည် ၎င်းအားကြိုးပေးသတ်ဖြတ်ရန် ပြင်ဆင်နေသည့် စစ်အာဏာရှင်လက်ပါးစေများကို “စစ်ဖိနပ်အောက်မှာ ငါဘယ်တော့မှ ဒူးမထောက်ဘူး(I will never kneel down under military boots.)” “မင်းတို့ ငါရဲ့ခန္ဓာ ကိုယ်ကိုသတ်လို့ရချင်ရမယ်။ ဒါပေမဲ့ ငါ့ရဲ့ယုံကြည်ချက်နဲ့ ခံယူချက်တွေကိုတော့ ဘယ်တော့မှ သတ်လို့ မရနိုင်ဘူး( You can kill my body but…
(04SS) စစ်ကိုင်းတိုင်း၊ ကလေးမြို့နယ်၊ သာစည်ကျေးရွာကို မီးရှို့ပြီး ပြန်ထွက်လာသော စစ်ကောင်စီတပ်ဖွဲ့ကို ပြည်သူ့ကာကွယ်ရေးပူးပေါင်းတပ်ဖွဲ့က ခြုံခိုတိုက်ခိုက်ခဲ့ရာတွင် စစ်ကောင်စီတပ်ဖွဲ့ဖက်က အနည်းဆုံး ၃ ဦးထိခိုက်ပြီး ပြည်သူ့ကာကွယ်ရေးတပ်ဖွဲ့ဖက်က တစ်ဦး ကျဆုံးခဲ့သည်ဟု သိရသည်။ အင်အား ၂၀ ဝန်းကျင်ခန့်ရှိသော စစ်ကောင်စီတပ်ဖွဲ့သည် ဇွန်လ ၂၅ ရက်နေ့မနက်ပိုင်းတွင် သာစည်ကျေးရွာက လူနေအိမ်ခြေ ၁၀ လုံးထက်မနည်း မီးရှို့ပြီးနောက် ပြန်လည်ထွက်ခွါလာစဉ်တွင် CDF-KKG, CNDF-Vakok, PDF-Kalay နှင့် ပကဖ စသည့်ပူပေါင်းတပ်ဖွဲ့များက ခြုံခိုတိုက်ခိုက်ခဲ့ခြင်းဖြစ်သည်။ ထိုတိုက်ပွဲတွင် စစ်ကောင်စီတပ်ဘက်က ၃ ဦးထက်မနည်း ထိခိုက်မှုရှိပြီး CNDF က ရဲဘော်တစ်ဦးကျဆုံးကာ ၃ ဦးဒါဏ်ရာရှိကြောင်း သိရသည်။ CDF-KKG သတင်းမှန် ပြန်ကြားရေးတာဝန်ရှိသူတစ်ဦးက “ဇင်းကလင်းကနေထွက်လာတဲ့စကစတွေပေါ့သာစည်ရွာကို မီးရှိုပြီးပြန်ထွက်လာတဲ့ဟာကို ကျွန်တော်တို့ ပူပေါင်းတပ်ဖွဲ့တွေကချောင်းပြီး ပစ်ခတ်ခဲ့တာပေါ့။ ထိခိုက်မှုကတော့ အနည်းဆုံး ၃ ယောက်တော့ရှိနိုင်မယ်ဗျ။ ပစ်ခတ်မှုပြီးမှ ပြန်ဆုတ်ခွါလာတဲ့ချိန်မှာ စကစ ဘက်ကနေ လက်လက်ကြီး တွေနဲ့ပစ်ကူပေးတယ်။ အဲမှာ လက်နက်ကြီးကြောင့် CNDF က ရဲဘော်တစ်ယောက်ကျဆုံးသွားတယ်ပေါ့နော်။ ပြီးတော့ ကျွန်တော်တို့ KKG တပ်ရင်း၂ က ရဲဘော် ၂ ယောက်၊ တပ်ရင်း ၃ က ရဲဘော် ၁ ယောက် ထိခိုက်ထားတယ်ပေါ့နော်” ဟု ပြောသည်။ အဆိုပါတိုက်ပွဲတွင် စစ်ကောင်စီတပ်ဖွဲ့၏ လက်နက်ကြီးကျည်ထိမှန်မှုကြောင့် CNDF-Vakok တပ်ရင်းက ရဲဘော် မင်းခန့်ကျော် (ခေါ်) သားလေးကျဆုံးခဲ့သည်။ စစ်ကောင်စီတပ်ဖွဲ့သည် လွန်ခဲ့သည့် နှစ်ပတ်ခန့်ကစ၍…
(04SS) ချင်းပြည်နယ် တွန်ဇံမြို့နယ်၊ ရှလ်ထောဇန်ရွာမှ မြစိမ်းစံပြ (Singgialzaang) ကျေးရွာသို့ အသုဘကိစ္စဖြင့်သွားရောက်သော ကားတစ်စီး အပြန်လမ်းတွင် မတော်တဆဖြစ်မှုကြောင့် ယာဉ်ပေါ်ပါလာသူ ၇ ဦး သေဆုံးကြောင်း ဒေသခံများထံမှ သိရသည်။ ဇွန်လ ၂၄ ရက်နေ့ နေ့လယ် ၁၂ နာရီဝန်းကျင်တွင် မြစိမ်းစံပြကျေးရွာမှ ရှယ်ထောဇန်သို့ ပြန်လှည့်သည့် ဦးမန်ခဲင်း၏ ကားသည် သစ်သားဖြင့်ဆောက်လုပ်ထားသော ရာဇဂြိုလ်တံတားပေါ်ဖြတ်မောင်းစဉ်မှာ တံတားကျိုးပဲ့ကာ ပြုတ်ကျသွားခဲ့ခြင်းဖြစ်သည်။ “Singgialzaang ကျေးရွာမှာ အသုဘရှိလို့ သူတို့က အမျိုးတွေအဖွဲ့လိုက်သွားကြတာ အပြန်လမ်းမှာ တံတားကျိုးလို့ ကားမတော်တဆပြုတ်ကျတာပေါ့ အဲမှာ ၇ ဦးသေသွားတယ်၊ နောက် ၂ ယောက်ကိုတော့ ရာဇဂြိုလ်ဆေးပေးခန်းမှာ ဆေးကုနေတယ်” ဟု ရှလ်ထောဇန်ဒေသခံနှင့်နီးစပ်သူတစ်ဦးက ဆိုသည်။ ကားမတော်တဆမှုကြောင့် သေဆုံးသူများမှာ ကားပိုင်ရှင် ယာဉ်မောင်း ဦးမန်ခဲင်းအပါအဝင် ကလေးငယ်တစ်ဦးနှင့် အမျိုးသမီးများဖြစ်ကြပြီး ယနေ့ဇွန်လ ၂၅ ရက်နေ့နေ့လည် ၁၂ နာရီတွင် ခရစ်ယာန်ထုံးစံအတိုင်း အသုဘသဂြိုလ်မည်ဟု သိရသည်။ ကား ပြုတ်ကျသည့် သစ်သားဖြင့် ဆောက်လုပ်သောတံတားသည် သစ်သားများ ဆွေးမြေ့ဟောင်းနွမ်းနေပြီဟု သွားလာဖူးသူများ၏ ပြောပြချက်အရသိရသည်။ ရှလ်ထောဇန်ကျေးရွာသည် ရာဇဂြိုလ်မှ ၃ မိုင်ခန့်ကွာဝေးပြီး ကလေးမြို့မှ မိုင် ၂၀ ကျော်ကွာဝေးသည်။
(04SS) စစ်ကိုင်းတိုင်း၊ ကလေးမြို့ပေါ်နဲ့ ကလေးမြို့နယ်အတွင်းရှိ အခွန်မဆောင်သော လုပ်ငန်းရှင်တွေကို ဥပဒေနဲ့အညီ အရေးယူဆောင်ရွက်မှု စတင်နေပြီလို့ ကလေးမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်ပါတယ်။ ကလေးမြို့နယ် ပြည်သူ့အုပ်ချုပ်ရေးအဖွဲ့အနေနဲ့ ပြည်သူလူထုအားဝန်ဆောင်မှုပေးနိုင်ဖို့ အမျိုးသားညီညွှတ်ရေး အစိုးရ ယန္တယားလည်ပတ်နိုင်ဖို့အတွက် ပြည်သူလူထုကိုဝန်မပိစေဘဲ စီးပွါးရေးလုပ်ငန်းရှင်ကြီးတွေ အဓိကထားပြီး အခွန်စနစ် စတင်ဆောင်ရွက်လာခဲ့ကြတာဖြစ်ပါတယ်။ အဲဒီအတွက် မေလ ၂၆ ရက်နေ့ကစပြီး ၁၀ ရက်အတွင်း ပညာပေးကာလအဖြစ် သတ်မှတ်ခဲ့ပြီးနောက် ဇွန်လ ၅ ရက်နေ့မှ စတင်ကာ အရေးယူမှုတွေ စတင်ဆောင်ရွက်ခဲ့တာဖြစ်တယ်လို့ ကလေးမြို့နယ် ပြည်သူ့အုပ်ချုပ်ရေးအဖွဲ့ဝင် တစ်ဦးကေ ပြာပါတယ်။ “အခုဆောင်တဲ့လူလဲ ဆောင်နေကြပြီပေါ့နော်။ အခွန်မဆောင်ထားတဲ့ ဆိုင်က ပစ္စည်းပါလာတယ်ဆိုရင် ကျွန်တော်တို့ ခဏထိန်းသိမ်းထားတယ် အခွန်ဆောင်မလားဆိုပြီးမေးတယ်။ သူတို့ဆောင်မယ်ပြောရင် အခွန်စည်းကမ်းအတိုင်းပဲ ပေးခိုင်းတယ်ပေါ့“ လို့ ကလေးမြို့နယ် ပြည်သူ့အုပ်ချုပ်ရေးအဖွဲ့ဝင်တစ်ဦးက ပြောပါတယ်။ ကလေးမြို့နယ် ပြည်သူ့အုပ်ချုပ်ရေးအဖွဲ့အနေနဲ့ အခွန်ကနေရရှိလာတဲ့ ငွေကြေးတွေကို ကြားကာလ ပညာရေးကဏ္ဍေတွမှာ ပြန်လည်အသုံးပြုသွားမှာဖြစ်ပြီး အလေအလွင့်မရှိအောင် အာမခံထားပါတယ်လို့ သူကဆက်ပြောပါတယ်။ “ဒီတော်လှန်ရေးက အခု အစိုးရပုံစံဖြစ်သွားပြီပေါ့နော် ဒီဖက်မှာ အမျိုးသားညီညွှတ်ရေးအစိုးရပေါ့ တစ်ဖက်မှာ စစ်ကောင်စီအစိုးရပေါ့ ဆိုတော့ ကျွန်တော်တို့ နိုင်ငံတစ်နိုင်ငံရဲ့ အစိုးရဆိုတာ အခွန်ကနေလည်ပါတ်တာပေါ့နော်။ ဆိုတော့ အခုရရှိထားတဲ့ အခွန်တွေကလည်း ထိန်းချုပ်နယ်မြေတွေမှာလုပ်ပေးထားတဲ့ ပညာရေးနယ်ပယ်တွေမှာ အသုံးပြုသွားမှာဖြစ်တယ်ပေါ့နော် အဲအတွက် ပြည်သူတွေအခွန်ဆောင်ထားတာနဲ့ပါတ်သက်ပြီး တစုံတရာ အလေအလွင့်မရှိအောင် ကျွန်တော်တို့ အပြည့်အဝ တာဝန်ယူပေးတယ်ပေါ့နော်။” လို့ သူကဆက်ပြောပါတယ်။ အခွန်ပေးဆောင်ရမယ့် လုပ်ငန်းအမျိုးအစားတွေကို သယံဇာတနဲ့ စည်ပင်ဆိုပြီး နှစ်မျိုးခွဲထားပြီး မြေပြင်နဲ့ အွန်လိုင်းကနေလည်း…
(04SS) ကလေးမြို့တောင်ပိုင်း အရှေ့စံသာကျေးရွာတွင် ယမန်နေ့ညက တိုက်ပွဲဖြစ်ပွါးခြင်းမရှိဘဲ စစ်ကောင်စီတပ်က လက်နက်ကြီးများ ရမ်းသမ်းပစ်ခတ်မှုကြောင့် အသက် ၅ နှစ်အရွယ် ကလေးငယ်တစ်ဦးသေဆုံးကာ မိသားစုဝင် ၃ ဦး ပြင်းထန်ဒဏ်ရာရရှိကြောင်း သိရသည်။ ဇွန်လ ၂၁ ရက် ည ၁၀ နာရီ မိနစ် ၂၀ အချိန်တွင် စစ်ကောင်စီတပ်ဖွဲ့မှ ပစ်ခတ်လိုက်သောလက်နက်ကြီးကျည်သည် အရှေ့စံသာကျေးရွာရှိ နေအိမ်တစ်လုံးပေါ်ကျရောက်ပေါက်ကွဲကာ အိမ်ထဲမှာ အိပျော်နေကြသော မိသားစုဝင်များ ထိမှန်ပြီး အငယ်ဆုံးသားဖြစ်သူ အသက် ၅ နှစ်အရွယ်ကလေးငယ်တစ်ဦး ပွဲချင်းသေဆုံးကာ ကျန်မိသားစုဝင်များမှာ အပြင်းအထန်ဒဏ်ရာရရှိခဲ့သည်ဟု ဒေသခံတစ်ဦးကပြောသည်။ “လက်နက်ကြီး ရမ်းသမ်းပစ်တော့ မိသားစုဝင်တွေ အိပ်ပျော်နေတဲ့ချိန် လက်နက်ကြီးကျတော့ အမေဖြစ်သူဆိုညာ ခြေထောက်ကို ဒူးဆစ်ကနေ ဖြတ်ရတယ်၊ သားတယောက်ဆိုရင် ဦးခေါင်းမှာ ဒါဏ်ရာရထားတယ် စိုးရိမ်ရတဲ့ အနေအထားမှာရှိတယ်၊ ပြီးရင် ၁၂ နှစ်အရွယ်ကလေးကလဲ ထိခိုက်ထားတယ် ဘယ်နေရာထိခိုက်လဲတော့မသိဘူး မစိုးရိမ်ရဘူးလို့ပြောတယ်။ ပြီးတော့ အငယ်ဆုံးသားလေးကျတော့ ခေါင်းတောင်ပါမလာတော့ဘူး တခါတည်း သေသွားတယ်” ဟု ၎င်းကပြောသည်။ ဇွန်လ ၂၁ ရက်နေ့ မနက်ပိုင်းတွင်လည်း စစ်ကောင်စီတပ်ဖွဲ့က လက်နက်ကြီးရမ်းသမ်းပစ်ခတ်မှုကြောင့် ကလေးမြို့ေတာင်ပိုင်း သာစည်ရွာသား အသက် ၂၃ နှစ်အရွယ် လူငယ်တစ်ဦး လက်နက်ကြီးကျည်စ ထိမှန်မှုကြောင့် သေဆုံးခဲ့ပြီးဖြစ်သည်။ ကလေးမြို့ပေါ်တွင် အထိုင်ချထားသော စစ်ကောင်စီတပ်ဖွဲ့များသည် တိုက်ပွဲဖြစ်ပွားခြင်းမရှိပဲ ညတိုင်းလိုလို လက်နက်ကြီး လက်နက်ငယ်များ ရမ်းသမ်းပစ်ခတ်လေ့ရှိပြီး အရပ်သားပြည်သူထိခိုက်မှုလည်း ပိုများလာခဲ့သည်ဟု ဒေသခံများကပြော သည်။ ယခုကဲ့သို့ စစ်ကောင်စီတပ်ဖွဲ့၏ လက်နက်ကြီးရမ်းသမ်းပစ်ခတ်မှုကြောင့် ကလေးမြို့နယ်တွင်…
(02HH) မိုခါဆိုင်ကလုန်းမုန်တိုင်းတိုက်ခတ်ခဲ့ပြီးနောက်ပိုင်းတွင် ချင်းပြည်နယ်တောင်ပိုင်း၊ ပလက်ဝမြို့နှင့် ဆမီးမြို့တို့တွင် ဆန်အပါအဝင် အခြေခံစားသုံးကုန်များ သိသိသာသာ ဈေးနှုန်းမြင့်တက်နေဆဲဖြစ်သည်ဟု သိရသည်။ မေလ ၁၄ ရက်နေ့က ရခိုင်ပြည်နယ်ကိုဗဟိုပြုတိုက်ခတ်ခဲ့သော အင်အားပြင်းမိုခါဆိုင်ကလုန်းမုန်တိုင်းကြောင့် ရခိုင်ပြည်နယ်မှ ဆန်ဂိုဒေါင်အပါအဝင် ဆန်စက်များလည်း ပျက်ဆီးဆုံးရှုံးမှုရှိခဲ့ပြီးနောက် အခြေခံစားသောက်ကုန်အတွက် ရခိုင်ပြည်နယ်ကို အဓိကအားထားနေရသော ပလက်ဝနှင့် ဆမီးမြို့တို့မှာလည်း ဆန်ဈေးနှုန်းများ မြင့်တက်နေသည်ဟု ပလက်ဝမြို့နယ် ပြည်သူ့အုပ်ချုပ်ရေးအဖွဲ့ဝင်တဦးက ပြောသည်။ “အဓိက မိုခါရဲ့နောက်ဆက်တွဲပေါ့ အများအားဖြင့် ဆမီးနဲ့ ပလက်ဝမြို့က ရခိုင်က ဆီ၊ဆန်၊ဆားမှအစ မှီခိုရတဲ့ အနေအထားဆိုတော့ အရင်က ရိုးရိုးဆန်ကြမ်းကိုတောင် လေးသောင်းတန်ကို အခု ရှစ်သောင်းလောက်ဝယ်ရတယ်၊ ပေါ်ဆန်းအကြမ်းတောင် ၁သိန်းခွဲလောက်ဝယ်ရတယ်။ တမြို့နယ်လုံးခြုံပြောရမယ်ဆိုရင် ဆန်ဈေးက အသကုန်တက်တဲ့ အတွက်ကြောင့် ပြည်သူတွေအားလုံးလိုလိုက အခက်အခဲ ရောက်နေ ကြတယ်။” ဟု ပလက်ဝမြို့နယ် ပြည်သူ့အုပ်ချုပ်ရေးအဖွဲ့ဝင်က ပြောသည်။ ပလက်ဝမြို့နှင့် ဆမီးမြို့ပေါ်တွင်နေထိုင်ကြသည့် ပြည်သူများသည် တောင်ယာစပါးများကို ကြိုတင်ဝယ်ယူစုဆောင်းခဲ့ကြရပြီး မိုခါမုန်တိုင်းမဖြစ်ပွားချိန်တွင် ပေါ်ဆန်းဂျိုး ဆန်တအိတ်လျှင် (၆၀၀၀၀) ကျပ်ဖြင့် ရှိခဲ့သော်လည်း လက်ရှိတွင် ငွေကျပ် ၁ သိန်းကျော်ဖြင့် ဝယ်ယူစားသုံးနေကြရသည်ဟု သိရသည်။ ပလက်ဝမြို့ခံတစ်ဦးက “မိုခါမုန်တိုင်းမဖြစ်ခင်မှာ ၇ သောင်း ၈ သောင်းရှိတဲ့ဟာကို အခု ကျွန်တို့ တကယ်ဝယ်စားနေတာက ၁ သိန်းနဲ့ ၄ ထောင်လောက်နဲ့ ဝယ်စားနေတယ်” ဟု ပြောသည်။ ယခုလက်ရှိတွင်လည်း အလုပ်ရှားပါးခြင်း၊ ဝင်ငွေနည်းပါးခြင်းတု့ိဖြစ်သည့်အပြင် မိုခါမုန်းတိုင်းဖြစ်ပွားပြီးနောက်ပိုင်း ဆန်ဈေးများ တက်လာသောအချိန်တွင် အခြေခံလက်လုပ်လက်စား ပြည်သူများအတွက် နေ့စဉ်စားဝတ်နေေရးမှာ ပိုမိုခက်ခဲမူများ…