Author: Editor

စစ်ကိုင်းတိုင်း ကလေးမြို့ပေါ်ရှိ ဒေသခံပြည်သူများအနေဖြင့် လျှပ်စစ်မီးအသုံးပြုခ (မီတာ) အခွန်ဆောင်ကြရန် စစ်ကောင်စီတပ်ဖွဲ့က တအိမ်တက်ဆင်း လိုက်လံပြောဆိုနေပြီး အကယ်၍ သတ်မှတ်ချိန်အတွင်း မပေးဆောင်ပါက မီးဖြတ်မည်ကို ခြိမ်းခြောက်မှုလည်းရှိနေသည်ဟု သိရသည်။ ချင်းလူမျိုးအများစုနေထိုင်ကြသည့် ကလေးမြို့အနောက်ဘက် တာဟန်းရပ်ကွက်တွင် လွန်ခဲ့သည့် ၃ ရက်ခန့်ကစ၍ စစ်ကောင်စီတပ်ဖွဲ့များသည် RPG အပါအဝင် လက်နက်အပြည့်အစုံကိုင်ဆောင်ကာ လူနေအိမ်များသို့ဝင်ရောက်ကာ မီတာခပေးဆောင်ကြရန် ပြောဆိုေနသည်ဟု တာဟန်းရပ်ကွက်ဒေသခံတစ်ဦးက ပြောသည်။ “တာဟန်းရပ်ကွက်ဘက်ကို သူတို့တွေလာတာ ၃ ခါလောက်ရှိသွားပြီ၊ စစ်သားတွေလက်နက်အပြည့်အစုံနဲ့ RPG လိုလက်နက်ကြီးလည်းထမ်းလာကြတယ်၊ မီတာဘောက်တပ်ထားတဲ့အိမ်တွေကို တအိမ်ဝင်တအိမ်ထွက်လုပ်နေတယ်၊ အဲဒီမှာ အိမ်ရှင်တွေကို လျှပ်စစ်ရုံးကိုလာပြီး မီတာခပေးဆောင်ကြဖို့ပြောတယ်၊ တချို့အိမ်တွေဆို လာပြီးမပေးဆောင်ရင် မီးဖြတ်မယ်ဆိုပြီးခြိမ်းခြောက်တာတွေရှိတယ်” ဟု တာဟန်းရပ်ကွက်ဒေသခံတစ်ဦးက ပြောသည်။ စစ်ကောင်စီတပ်ဖွဲ့များသည် လက်နက်အပြည့်အစုံဖြင့် လူနေအိမ်များသို့ဝင်ရောက်ကာ ယခုကဲ့သို့ ပြုမူဆောင်ရွက်နေသည့်အတွက် ရပ်ကွက်နေပြည်သူများသည်လည်း စိုးရိမ်ထိပ်လန့်နေကြသည်ဟု သိရသည္။ “ကျမတို့အိမ်ကို သူတို့လာတော့ မီတာစာရွက် ၆ လာတာအတွက်လာပေးတယ်၊ သတ်မှတ်ချိန်အတွင်းမှာ လျှပ်စစ်ရုံးကို အခွန်လာမဆောင်ဘူးဆိုရင် မီးဖြတ်ပစ်မယ်ဆိုပြီးပြောသွားတယ် ကျမတို့လည်း ဘယ်လိုလုပ်ရမလဲမသိဘူးဖြစ်နေတယ်၊ တကယ်မီးဖြတ်ခံရမှာလည်းစိုးရိမ်ရတယ်လေ” ဟု တာဟန်းဒေသခံတစ်ဦးက ပြောသည်။ ကလေးမြို့တွင် လျှပ်စစ်မီး ပုံမှန်မရရှိကြတော့သည်မှာ လနှင့်ချီရှိသွားပြီဖြစ်ကာ နေ့လည်ပိုင်းတွင် ၃ နာရီခန့်သာ လျှပ်စစ်မီးလာလေ့ရှိပြီး ညပိုင်းတွင်လည်း ၃ နာရီကျော်ကျော်ခန့်သာ လာလေ့ရှိတော့သည်ဟု သိရသည်။ ကလေးမြို့တွင် ၂၄ နာရီ တစ်ရက်လျှင်ပျမ်းမျှအားဖြင့် လျှပ်စစ်မီး ၇ နာရီခန့်သာ ရရှိနိုင်ကြသည်ဟု တာဟန်းဒေသခံများက ပြောသည်။

ကလေးမြို့နယ်တောင်ပိုင်းဒေသကို စစ်ကြောင်းထိုးနေသည့် စစ်ကောင်စီတပ်ဖွဲ့သည် ကျေးရွာမျာကို တရွာပြီးတရွာမီးရှို့ခဲ့ပြီး ယနေ့ မေလ ၁၉ ရက်နေ့ နံနက်ပိုင်း ၃ နာရီခန့်ကလည်း လည်ခြားကျေးရွာကို ထပ်မံမီးရှို့ခဲ့ကြသည်ဟု သိရသည်။ လည်ခြားကျေးရွာသည် လွန်ခဲ့သည့် ၃ ရက်မြောက် မေလ ၁၆ ရက်နေ့က စစ်ကောင်စီတပ်ဖွဲ့က မီးရှိုခဲ့သော ကျေးရွာ ဖြစ်ပြီး ယနေ့နံနက်ပိုင်းတွင် ထပ်မံမီးရှိုခံရခြင်းဖြစ်သည်။ “တိုက်ပွဲလည်းမရှိပါဘူးဗျ တိုက်ပွဲလည်းမရှိဘဲနဲ့ မီးဝင်ရှို့နေတာ မနေ့က နေ့ပိုင်းကျတော့ ကုက္ကိုလ်ရွာကိုရှို့တယ်၊ ပြီးတော့ ဒီနေ့မနက်ကျတော့ လည်ခြားရွာကိုရှို့နေတယ်၊ လည်ခြားက ရှို့ခံရပြီးသား ခုကတော့ အိမ်အပြောင်းရှို့တဲ့အနေအထား ရောက်ပါတယ်” ဟု ကလေးတောင်ပိုင်းစစ်ဘေးရှောင်ကူညီရေးအဖွဲ့ဝင်တစ်ဦးက ပြောသည်။ လည်ခြားကျေးရွာသည် အိမ်ခြေ ၂၀၀ ကျော်ခန့်ရှိသည့်ကျေးရွာဖြစ်ပြီး စစ်ကောင်စီတပ်ဖွဲ့၏ ဒုတိယအကြိမ် မီးရှို့မှုကြောင့် တရွာလုံးပြာကျသည့်အနေအထား ရောက်ရှိသွားပြီဟု သိရသည်။ မေလ ၁၇ ရက်နေ့က ရှားတောကျေးရွာကိုလည်းကောင်း မေလ ၁၈ ရက်နေ့က ကုက္ကိုလ်ကျေးရွာကိုလည်း စစ်ကောင်စီတပ်က ဝင်ရောက်မီးရှို့ခဲ့သည်။ ကလေးတောင်ပိုင်းသို့ စစ်ကြောင်းထိုးနေသည့် စစ်ကောင်စီတပ်ဖွဲ့သည် ယခုရက်ပိုင်းအတွင်း ပြည်သူ့ကာကွယ်ရေးတပ်ဖွဲ့များနှင့် ထိတွေ့တိုက်ခိုက်မှုမရှိသောလည်း ဒေသခံပြည်သူများ ရွာလုံးကျွတ် စစ်ဘေးရှောင်နေကြရသည့်အချိန်တွင် တရွာပြီးတရွာ ဝင်ထွက်ကာ လူနေအိမ်များကို မီးရှိုခဲ့ခြင်းဖြစ်သည်။ ကလေးတောင်ပိုင်းဒေသတွင်တည်ရှိကြသော အရှေစည်း၊ ရှားဖို၊ တင်သား၊ ရှေရှင်၊ လည်ခြား၊ ကုက္ကိုလ်၊ ရှားတော စသည့် ကျေးရွာများအပါအဝင် အနည်းဆုံးကျေးရွာပေါင်း ၁၀ ရွွာကျော်မှ အိမ်ခြေတစ်ထောင်ကျော်ကို စစ်ကောင်စီတပ်ဖွဲ့က မီးရှို့ဖျက်ဆီးခဲ့သည်။ ယခုလက်ရှိတွင် အဆိုပါကျေးရွာများမှ ဒေသခံပြည်သူ လေးသောင်းနီးပါးခန့်သည်လည်း တောထဲတောင်ထဲသို့ စစ်ဘေးတိမ်းရှောင်နေကြရပြီး…

အာဏာသိမ်းစစ်ခေါင်းဆောင်ဗိုလ်မှှုးကြီး မင်းအောင်လှိုင်က တိုင်းရင်းသားလက်နက်ကိုင်အဖွဲ့တွေနဲ့ တွေ့ဆုံဆွေးနွေးဖို့ ဧပြီလ ၂၂ ရက်နေ့က ရုပ်သံမိန့်ခွန်းကနေ ဖိတ်ခေါ်လိုက်ပါတယ်။ မေလ ၉ ရက်နေ့မှာတော့ စစ်ကောင်စီရဲ့ငြိမ်းချမ်းရေး ဆွေးနွေးပွဲတက်ကြမယ့် တိုင်းရင်းသားလက်နက်ကိုင်အဖွဲ့အစည်း (၁၀) ဖွဲ့ရဲ့စာရင်းလည်း ထွက်ပေါ်လာခဲ့ပါတယ်။ စစ်ကောင်စီရဲ့ ငြိမ်းချမ်းရေးဖိတ်ခေါ်ချက်ကနေ ဘယ်လိုရလဒ်မျိုးတွေထွက်ပေါ်လာနိုင်ပါသလဲ။ လက်ရှိနိုင်ငံရေး စစ်ရေးပဋိပက္ခအခြေအနေတွေကို ဖြေရှင်းနိုင်ပါ့မလား။ ဒီကိစ္စအပေါ် ချင်းနိုင်ငံရေးလေ့လာ သုံးသပ်သူတစ်ဦးလည်းဖြစ် လက်ရှိချင်းအမျိုးသားဒီမိုရေစီအဖွဲ့ချုပ်ရဲ့ အတွင်းရေးမှူး ဆလိုင်းကျဲအိုဘိခ်ထောင်ကို ဆက်သွယ်မေးမြန်း ထားပါတယ်။ မေး- ဗိုလ်ချုပ်ကြီးမင်းအောင်လှိုင်က တိုင်းရင်းသားလက်နက်ကိုင်အဖွဲ့အစည်းတွေကို ငြိမ်းချမ်းရေးဆွေးနွေးဖို့ ကမ်းလှမ်းထားမှုအပေါ် ဘယ်လို မြင်လဲဆိုတာ အရင်ဆုံးပြောပြပေးပါ။ ဖြေ- ကျွန်တော်တို့ကတော့ ဒါကိုလက်မခံသင့်ဘူးပေါ့နော်။ မတက်ရောက်သင့်ဘူးလို့ပဲ တိုင်းရင်းသားလက်နက် ကိုင်ခေါင်းဆောင်တွေကိုလည်းပဲ ဒီလိုပဲ တိုက်တွန်းချင်တယ်ပေါ့။ ဘာကြောင့်လည်းဆိုတော့ အဲ့ဒီ မင်း အောင်လှိုင်ရဲ့ ရည်ရွယ်ချက်ကိုက ငြိမ်းချမ်းရေးကို အမှန်တကယ် တိုင်းပြည်ရဲ့ နိုင်ငံရေးပြဿနာ၊ တိုင်းရင်းသားတွေရဲ့ ပြဿနာကို ဖြေရှင်းချင်လို့ ကမ်းလှမ်းတဲ့ဟာလည်း မဟုတ်ဘူး။ သူရဲ့ရည်ရွယ်ချက်ကတည်းကိုက ကျွန်တော်တို့ ဒီလိုချင်တဲ့ဟာကို ရရှိဖို့မဟုတ်ဘူးလေ။ နောက်တခုက အဲ့ဒီလမ်းကြောင်းကိုကလည်းပဲ အဓိကကတော့ သူတို့ကတော့ တဖွဲ့ထဲနဲ့ပဲ လိုက်ကြည့်မယ်ဆိုကတည်းကိုက အရင်တုန်းက ၁၉၉၀ ဝန်းကျင်တုန်းက သူတို့စစ်အစိုးရက လုပ်တဲ့အဖွဲ့အစည်းရဲ့ အကျိုးစီးပွားရေးအပိုင်းကိုပဲ ညှိနှှိုင်းပြီးတော့ အဲ့လိုပဲ ငြိမ်းချမ်းရေးလုပ်တဲ့ပုံစံမျိုးကိုပဲ ရည်ရွယ်ထားတာကိုး။အခု ကျွန်တော်တို့ရဲ့ လက်ရှိ တိုက်ပွဲ ဝင်နေတဲ့၊ အထူးသဖြင့် နွေဦးတော်လှန်ရေးနဲ့ သွားမဲ့နိုင်ငံတော်ကြီးကို အသစ်တဖန် ပြန်လည်တည် ဆောက်ရေး ကိစ္စနဲ့ တိုင်းရင်းသားတွေရဲ့ ကို်ယ်ပိုင် ပြဌာန်းခွင့်နဲ့ တိုင်းရင်းတွေရဲ့ ကိုယ့်ပြည်ထောင်တည် ဆောက်ရေးကလည်း ဒီလမ်းကြောင်းနဲ့…

ချင်းပြည်နယ်၊ မတူပီမြို့နယ် အိုင်ဒပ်တောင်ကြောမှ စစ်ဘေးရှောင်နေကြသည့် ပြည်သူများ သည် စားနပ်ရိက္ခာနှင့် ဆေးဝါးများလုံလောက်မှုမရှိခြင်းကြောင့် အခက်အခဲများကြုံနေကြပြီး ကူညီထော က်ပံ့မှုလို အပ်နေကြသည်ဟု အိုင်ဒပ်နယ်မြေမှ စစ်ဘေးရှောင်ကူညီပေးနေသူ တစ်ဦးက ပြောသည်။ “သူတို့အတွက်လိုအပ်ချက်က စားနပ်ရိက္ခာရယ်၊ ဆေးဝါးရယ်၊ ပြီးတော့ ဆေးဝါးကျွမ်းကျင်တဲ့ဆရာ၊မ တွေကို လိုချင်တယ်။ ပြီးတော့ အဓိက မိုးကာရယ်၊ စောင်၊ဖြစ်နိုင်ရင်တော့ ခြင်ထောင်ကအစလိုချင်တယ် အခုက မိုးရာသီ ဆိုတော့။ ပထမစစ်ကြောင်းတုန်းက ထွက်ပြေးတာရော၊ အခုရောဆိုတော့ ဘယ်သူကမှ ဘာပစ္စည်း တစ်ခုမှ တောတောင်ထဲကို မသယ်နိုင်တော့ဘူး စစ်သားတွေက အကုန်လုံး ခိုးသွားကြပြီ ကျွန်တော်တို့မှာ ခက်ခက်ခဲခဲ တအားဖြစ်နေတယ်” ဟု အိုင်ဒပ်နယ်မြေမှ စစ်ဘေးရှောင်ကူညီပေးနေသူတစ်ဦးက ပြောသည်။ ပြီးခဲ့သည့်နှစ် အောက်တိုဘာလက စတင်ပြီး CDF-Matupi နှင့် စစ်ကောင်စီတပ်များအကြားဖြစ်ပွားနေသည့် တိုက်ပွဲများကြောင့် မင်းတပ်-မတူပီလမ်းတစ်လျှောက် နှင့် အိုင်ဒပ်တောင်ကြောတွင်ရှိသော ကျေးရွာနေပြည်သူ များ တောထဲတောင်ထဲ စစ်ဘေးတိမ်းရှောင်နေကြရခြင်းဖြစ်သည်။ စစ်ဘေးရှောင်ပြည်သူများသည် စစ်ရှောင်နေရင်း ဆေးဝါးမလုံလောက်မှုကြောင့် ၈ နှစ်အရွ ယ်ကလေးတစ်ဦး အပါအဝင် ပြည်သူ ၆ ဦးအထိသေဆုံးမှုလည်းယခင်ကရှိခဲ့ပြီး လက်ရှိတွင် စစ်ဘေးရှောင်ပြည်သူများသည် နေထိုင် စားသောက်ရေးအတွက် အခက်ခဲဆုံးအခြေအနေရောက်နေကြသည်ဟု အိုင်ဒပ်နယ်မြေမှ စစ်ဘေးရှောင်ကူညီပေးနေသူ တစ်ဦး က ဆက်ပြောသည်။ “အခုလောလောဆယ် စစ်ဘေးရှောင်တွေက စားရေးသောက်ရေးက အဆင်ပြေတဲ့အနေအထားက လုံးဝမ ရှိဘူး။ အခုချိန်ထိ ရန်ပုံငွေလည်းမရှိဘူးဆိုတော့ ထောက်ပံ့လို့မရဘူး။ တစ်ယောက်နဲ့တယောက်ရှိတာလေးနဲ့ မျှပြီးစားသောက်နေကြရတာ သူတို့စားသောက်ဖို့က ဒီတပတ်အတွက်က နည်းနည်းရှိရင်ရှိမှာ နောက်လာမည့် အပတ်ဆိုရင်တော့ လုံးဝမစဉ်းစားနိုင်ဘူး”…

ချင်းပြည်နယ်၊ ဖလမ်းမြို့နယ်နှင့် စစ်ကိုင်းတိုင်း ကလေးမြို့နယ်အတွင်း စစ်ကောင်စီတပ်ဖွဲ့နှင့်ဖြစ်ပွားသည့် နှစ်လတာတိုက်ပွဲတွင် စစ်ကောင်စီတပ်သား ၁၀၅ ဦးသေဆုံးပြီး ဒဏ်ရာရရှိသူ အများအပြားရှိခဲ့သည်ဟု ချင်းအမျိုးသားကာကွယ်ရေးတပ်ဖွဲ့ CNO/CNDF က ထုတ်ပြန်သည်။ CNO/CNDF မှ ပြောရေးဆိုခွင့်ရှိသူ ဆလိုင်းကျုံးငိုင်က “နှစ်လတာ ခြုံကြည့်မယ်ဆိုရင် မတ်နဲ့ဧပြီကြတော့ ကလေးဖက်မှာ ဖြစ်တာများမယ်၊ နောက်ပြီးတော့ ရိခေါ ဒါရ်မှာ ဖြစ်တာများတယ်။ မတ်လတုန်းကတော့ အခုပြန်နေတဲ့ယာဉ်တန်းတက်လာတဲ့အချိန်မှာ တားလ်ရွာကြားမှာ စဖြစ်တာ။ စစ်ကောင်စီဖက်ကသေတာ တစ်ရာ့ငါးဦးနဲ့ ဒဏ်ရာရတဲ့သူကများတယ် တိကျယူလို့မရတော့။ ကျွန်တော်တို့ CNDF ဖက်က တိုက်ပွဲမှာ ကျတဲ့သူနဲ့ သူတို့ဖမ်းဆီးပြီး သတ်ဖြတ်တဲ့သူရော ၆ ဦးရှိတယ်။” ဟု ပြောသည်။ CNDF တပ်ဖွဲ့နှင့် စစ်ကောင်စီတပ်သည် ပြီးခဲ့သည့် မတ်လနှင့် ဧပြီလအတွင်း ဖလမ်းမြို့နယ်နှင့် ကလေးမြို့ နယ်တွင် တိုက်ပွဲပေါင်း ၁၃ ကြိမ်ဖြစ်ပွားခဲ့သည်။ အဆိုပါတိုက်ပွဲအတွင်း CNDF ဘက်မှ ၆ ဦးကျဆုံးခဲ့ပြီး ၄ ဦး ဒဏ်ရာရရှိခဲ့သည်ဟု သိရသည်။ နှစ်ဘက်တိုက်ပွဲဖြစ်ပွားခဲ့သည့် နေရာများမှာ ဖလမ်းမြို့နယ် တားလ်၊ ထလန်ဇာရ်၊ ရမ်ထလို၊ ဒေါက်ထက်၊ ရိခေါ်ဒါရ်ဒေသများနှင့် ကလေးမြို့နယ် ရန်ကြီးအောင်၊ နတ်ချောင်၊ နတ်မြောင်း၊ အောင်ချမ်းသာ၊ တောင်သာနှင့် ဟားခါးလေးကျေးရွာများတွင် ဖြစ်ပွားခဲ့သည်။

ကလေးမြို့တွင် ယမန်နေ့ (မေလ ၁၀ ရက်) ည ၈ နာရီအချိန်တွင် စစ်ကောင်စီတပ်ဖွဲ့များ တပ်စွဲထားသည့် နေရာ (၃) နေရာတွင် CNDF နှင့် ပူးပေါင်းတပ်ဖွဲများမှ အလှစ်ငိုက် ဝင်ရောက်တိုက်ခိုက်ခဲရာမှာ စစ်ကောင်စီတပ်သား ၇ ဦးသေဆုံးပြီး ၅ ဦး ဒဏ်ရာရရှိခဲ့သည်ဟု CNO/CNDF သတင်းပြန်ကြားရေးနှင့် ပြည်သူ့ဆက်ဆံရေးဌာန ထုတ်ပြန်သည်။ စစ်ကောင်စီတပ်ဖွဲ့များ တပ်စွဲထားသည့် ကလေးမြို့၊ တောင်ဖီလာရပ်ကွက် လေးထပ်ဆောင်ဝန်ထမ်းအိမ်ယာ၊ စမ်းမြို့ရပ်ကွက်တွင်ရှိသော မူးယစ်ရုံးနှင့် တာဟန်းရပ်ကွက် နေကြာတိုက်အနီး ကင်းစောင့်နေသော စစ်ကောင်စီတပ်များကို ဒေသကာကွယ်ရေး ပူးပေါင်းတပ်ဖွဲ့များဖြစ်သည့် CNDF/PDF-KaLay/CSS/GRF မှ တိုက်ခိုက်ခဲ့ခြင်းဖြစ်သည်။ တောင်ဖီလာရပ်ကွက် လေးထပ်ဆောင် ဝန်ထမ်းအိမ်ယာပစ်ခတ်မှုတွင် စစ်ကောင်စီတပ်သား ၆ ယောက်ခန့်သေဆုံးကာ စန်းမြို့ရပ်ကွက် မူးယစ်ရုံးပစ်ခတ်မှုတွင် စစ်ကောင်စီတပ်သား ၁ ဦးသေဆုံးခဲ့သည့်အပြင် စစ်ကောင်စီတပ်သား ၅ ဦးဒဏ်ရာရရှိခဲ့ပြီး ပူးပေါင်းကာကွယ်ရေးတပ်ဖွဲ့ဘက်မှ အထိခိုက်မရှိဘဲ အောင်မြင်စွာ ဆုတ်ခွာနိုင်ခဲ့ကြသည်ဟု CNO/CNDF က ထုတ်ပြန်သည်။ ယမန်နေ့ည ပစ်ခတ်မှုတွင် စစ်ကောင်စီတပ်ဖွဲ့က လက်နက်ကြီးပစ်ခတ်မှုကြောင့် တာဟန်းရပ်ကွက် စျေးအနီး KT ထမင်းဆိုင်အိမ်အပေါ်သို့ လက်နက်ကြီးကျည် ကျရောက်ပေါက်ကွဲကာ အိမ်ရှင်အမျိုးသမီးနှင့် သမီးငယ်တို့ ဒဏ်ရာရရှိခဲ့သည်။

ကလေးမြို့ တာဟန်းရပ်ကွက် (တာဟန်းစျေးအနီး) KT ထမင်းဆိုင်အိမ်ပေါ်သို့ ယမန်နေ့ည ၁၀ နာရီခွဲဝန်းကျင်ခန့်က စစ်ကောင်စီတပ်မှ ပစ်ခတ်လိုက်သော လက်နက်ကြီးကျည် ကျရောက်ပေါက်ကွဲခဲ့ကြောင်း သိရသည်။ အဆိုပါ လက်နက်ကြီးကျည် ကျရောက်ပေါက်ကွဲမှုကြောင့် အိမ်ခေါင်မိုးနှင့် အပေါ်ထပ် ပျက်စီးသွားခဲ့ပြီး အိမ်ရှင်အမျိုးသမီးနှင့် သမီးငယ်တို့၏ လက်မောင်းတွင် ဒဏ်ရာအနည်းငယ်ရရှိကြပြီး စိုးရိမ်စရာမရှိကြောင်း သိရသည်။ “အိမ်ရှင်တွေက အိမ်အပေါ်ထပ်မှာအိပ်ကျတာ၊ သူတို့အိပ်တဲ့ကုတင်အနီး အိမ်ခေါင်မိုးပေါ်မှာ လက်နက်ကြီးက ကျလာတာ၊ အိမ်ပေါ်ထပ်ကတော့ တော်တော်လေးပျက်စီးသွားတယ်၊ ဘုရားကယ်လို့ပေါ့ လူမေသေတာ” ဟု တာဟန်းဒေသခံတစ်ဦးက ပြောသည်။ ယမန်နေ့ည (မေလ ၁၀ ရက်) ၈ နာရီကျော်ကျော်ခန့်ကစ၍ ကလေးမြို့ စန်းမြို့၊ တာဟန်း၊ တောင်ဖီလာ စသည့်ရပ်ကွက်များတွင် သေနတ်ပစ်ခတ်သံများ ထွက်ပေါ်ခဲ့ပြီးနောက် ၁၀ နာရီခွဲဝန်းကျင်ခန့်တွင် လက်နက်ကြီး ကျရောက်ပေါက်ကွဲခဲ့ခြင်းဖြစ်သည်။ ပြီးခဲ့သည့် ဧပြီလ ၁၂ ရက်နေ့ကလည်း တာဟန်းရပ်ကွက် နယ်မြေ ၁၂ The Methodist (Mission Veng) ဘုရားကျောင်းအနီး လူနေအိမ်မျက်နှာစာတွင် စစ်ကောင်စီတပ်မှ ပစ်ခတ်သော လက်နက်ကြီးကျည် ကျရောက်ပေါက်ကွဲခဲ့သည်။

စစ်ကောင်စီ၏ အကြီးအကဲ ဗိုလ်ချုပ်ကြီးမင်းအောင်လှိုင် ဖိတ်ခေါ်သည့် ငြိမ်းချမ်းရေးဆွေးနွေးပွဲနှင့်ပက်သက်ပြီး တိုင်းရင်းသားလက်နက်ကိုင်တပ်ဖွဲ့ (၃) ဖွဲဖြစ်သော ကရင်အမျိုးသားအစည်းအရုံး (KNU/KNLA) ကရင်နီအမျိုးသားတိုးတက်ရေးပါတီ (KNPP/KA) နှင့် ချင်းအမျိုးသားတပ်ဦး (CNF/CNA) တို့မှ ယမန်နေ့ မတ်လ ၉ ရက်နေ့တွင် ကြေညာချက်ထုတ်ပြန်ခဲ့သည်။ အဆိုပါ ထုတ်ပြန်ချက်ထဲတွင် လက်ရှိထိုးစစ်ဆင်နေမှုများကို အမြန်ဆုံးရပ်ပြီး ပါဝင်သင့်သူများအားလုံး ပါဝင်သည့် အဓိပ္ပာယ်ပြည့်ဝသော တွေ့ဆုံဆွေးနွေးမှုကို ဖော်ဆောင်ရန်အပြင် နိုင်ငံတကာလူမှုအဖွဲ့အစည်းများမှ စစ်ဘေးသင့်ပြည်သူများကို လွတ်လပ်စွာကူညီထောက်ပံ့မှု ဆောလျင်စွာ ဖိတ်ခေါ်ခွင့်ပြုသွားရန် ဖော်ပြထားသည်။ ၎င်းအပြင် ပြည်ထောင်စုပြဿနာကို နိုင်ငံရေးတွေ့ဆုံဆွေးနွေးမှုနှင့် အဖြေရှာရေးမှာ တိုင်းရင်းသားလက်နက်ကိုင်တော်လှန်ရေးအဖွဲ့များမှ အစဉ်တစိုက် တောင်းဆိုခဲ့သည့် တောင်းဆိုချက်ဖြစ်ကြောင်း ထုတ်ပြန်ချက်တွင် ပါရှိသည်။ စစ်ကောင်စီ၏ အကြီးအကဲ ဗိုလ်ချုပ်ကြီးမင်းအောင်လှိုင်မှ တိုင်းရင်းသားခုခံတော်လှန်ရေး အဖွဲ့အစည်းတို့၏ ခေါင်းဆောင်များနှင့် ငြိမ်းချမ်းရေးတွေ့ဆုံဆွေးနွေးရန် ပြီးခဲ့သည့် ဧပြီ ၂၂ ရက်နေ့တွင် ရုပ်မြင်သံကြားမှတဆင့် ထုတ်လွင့်ပြောကြားခဲ့ခြင်းဖြစ်သည်။

စစ်ကိုင်းတိုင်း၊ ကလေးမြို့နယ်တောင်ပိုင်းရှိ စစ်ဘေးရှောင်ပြည်သူများသည် လတ်တလော မေလအတွင်း မိုးရွာတွင်းမှု များလာနေသောကြောင့် တာလပတ် (မိုးကာ) နှင့် ဆေးဝါးများ အရေးပေါ်အကူအညီ လိုအပ်နေသည်ဟု ကလေးမြို့နယ် တောင်ပင်း စစ်ဘေးရှောင်ကူညီပေးသူများထံမှ သိရသည်။ လက်ရှိ စစ်ဘေးရှောင်စခန်းနှင့် စစ်ဘေးရှောင်များ၏ အခြေအနေနှင့်ပတ်သက်ပြီး ကလေးမြို့နယ် တောင်ပင်း စစ်ဘေးရှောင်ကူညီပေးသူတစ်ဦးက ယခုလိုပြောသည်။ “စစ်ကြောင်းက ရုတ်တရက်ကြီး စစ်ကြောင်းထိုးလာတဲ့ အနေအထားဆိုတော့ ပြည်သူတွေက ရုတ်တရက်ကြီး တိမ်းရှောင်ရတဲ့အနေအထားမှာ ပစ္စည်းတွေ၊ အဝတ်အစားတွေ ယူဆောင်သွားခြင်းမရှိတဲ့အပြင် ခုကျတော့ အိမ်တွေ မီးရှို့ခံရတော့ အိုးမဲ့အိမ်မဲ့တွေ ဖြစ်ကုန်ကျတော့ မိုးကာအဓိကလိုအပ်တယ် နေဖို့ထိုင်ဖို့ကိုက တောင်ထဲ တောင်ထဲမှာ ဒီတိုင်းကြီးပဲ နေကြရတာဆိုတော့ အခုဆိုရင် ရာသီဥတု အကူးအပြောင်းမှာ မိုးကလည်း ကျလာတဲ့အနေအထားမှာ အဖျားအနာတို့ ထူလာတော့ ဆေးဝါ၊ မိုးကာ အဓိက လိုအပ်တယ်” ပြီးခဲ့သည့် ဧပြီလ ၂၇ ရက်နေ့တွင် အရှေ့စည်းကျေးရွာဘက်သို့ စစ်ကြောင်းထိုးလာသည့် စစ်ကောင်စီတပ်ကို ပြည်သူ့ကာကွယ်ရေး ပူးပေါင်းတပ်ဖွဲ့မှ ဖြတ်တောက်တိုက်ခိုက်ခဲ့ရာ တိုက်ပွဲပြင်းထန်ခဲ့ပြီး အရှေ့စည်းကျေးရွာအပါအဝင် အနီးပတ်ဝန်းကျင်ရှိ ပြည်သူများ စစ်ဘေးတိမ်းရှောင်ခဲ့ကြခြင်းဖြစ်သည်။ လက်ရှိအချိန်တွင် တိုက်ပွဲကြောင့် စစ်ဘေးတိမ်းရှောင်နေရသည့် ပြည်သူများမှာ ရွာသို့မပြန်နိုင်သေးဘဲ မြစ်သာမြစ် အရှေ့ဘက်ကမ်းရှိ တောတောင်များတွင် တဲထိုးနေထိုင်လျက်ရှိကာ ကျန်းမာရေးကိစ္စအပါအဝင် စားနပ်ရိက္ခာထောက်ပံ့မှုများ လိုအပ်နေသေးကြောင်း ၎င်းက ဆက်ပြောသည်။ “မြစ်အရှေ့ဖက်ကမ်းမှာ တိိမ်းရှောင်ရတဲ့အနေအထားဆိုတော့ အရမ်းခက်ခဲနေတယ်။ မလောက်မငှနဲ့စား သောက်ကြရတယ် တော်တော်လေးကို အခြေအနေဆိုးနေတယ်အခုအနေအထားက။ တတ်နိုင်သလောက်ကူ ညီပေးပေမယ့် အလှူရှင်တွေရော အလှူအားနည်းသေးတယ်လို့ပြောလို့ရသေးတယ်။ တော်တော်လေး များဖြစ်ထားတာဆိုတော့ ထိရောက်တဲ့ကူညီပေးမှုမပြုလုပ်နိုင်သေးဘူး”…

ချင်းပြည်နယ်တောင်ပိုင်း မတူပီမြို့တွင် စစ်ကောင်စီတပ်က အမျိုးသမီး ၆ ဦးအပါအဝင် ပြည်သူ ၇ ဦးကို ဖမ်းဆီးကာ စစ်ဗျူဟာစခန်းသို့ ခေါ်ဆောင်ပြီး လူမဆန်စွာ ညှင်းပမ်းနှိပ်စက်နေသည် CDF-Matupi က ထုတ်ပြန်သည်။ ပြီးခဲ့သည့် ဧပြီလ ၂၁ ရက်နေ့က မတူပီမြို့အခြေစိုက် စကစ စစ်ဗျူဟာစခန်းမှ တပ်သား ၂ ဦး သေနတ် ၃ လက်နှင့် CDF-Matupi တပ်ဖွဲ့ထံသို့ CDM ပြုလုပ်အလင်းဝင်သည့်ကိစ္စနှင့်ပတ်သက်၍ မတူပီမြို့ပေါ်နေ အမျိုးသမီး ၆ ဦးအပါအဝင် စုစုပေါင်းပြည်သူ ၇ ဦးကို စစ်ကောင်စီတပ်ဖွဲ့က ဖမ်းဆီးခဲ့ခြင်းဖြစ်သည်။ “CDM ကိစ္စနဲ့ပတ်သက်ပြီး စွပ်စွဲပြီးဖမ်းတယ်လို့သိရတယ် သူတို့အကို စစ်ဗျူဟာကုန်းမှာထိန်းသိမ်းထားတယ်လို့ သိရပါတယ်’’ ဟု CDF-Matupi ပြန်ကြားရေးတာဝန်ခံကပြောသည်။ ဖမ်းဆီးခံရသော ပြည်သူ ၇ ဦးကို စစ်ကောင်စီတပ်ဖွဲဲ့က လူမဆန်စွာဖမ်းဆီးညှင်းပန်းနှိပ်စက်မှုကြောင့် အမျိုးသမီးတစ်ဦး မှာ ဆေးရုံတွင် ကုသမှုခံယူရသည့်အဆင့်ထိ အခြေအနေဆိုးခဲ့သည်ဟု သိရသည်။ မတူပီမြို့အခြေစိုက် စစ်ကောင်စီ စစ်ဗျူဟာစခန်းမှ တပ်သား ချစ်ကိုကို (တ/၃၈၇၆၈) နှင့် မုံရွာအခြေစိုက် ထပရ ၉၂၉ မှ တပ်သား ဖြိုးမင်း (တ/၅၂၅၇၃၇) တို့ ၂ ဦးသည် သေနတ်အမျိုးအစား BA-72,MA-2,MA-3 စုစုပေါင်း (၃) လက်နှင့်အတူ CDF- Matupi ထံသို့ CDM ပြုလုပ်အလင်းဝင်ခဲ့ကြခြင်းဖြစ်သည်။ စစ်ကောင်စီတပ်ဖွဲ့သည် ၎င်းတို့၏ လက်နက် ၃ လက်ပြန်လည်ရရှိရေးအတွက် ပြည်သူများကိုဓားစာခံအဖြစ်အသုံးချ ဖမ်ဆီးခြင်း၊ နှိပ်စက်ခြင်းနှင့် အသက်အန္တရာယ်ခြိမ်းခြောက်မှုအပေါ်…