#Unicode By Benezer – ၂၀၂၀ ခုနှစ်အထွေထွေရွေးကောက်ပွဲဟာ ၂၀၁၅ ခုနှစ်တုန်းကလို အမျိူးသားဒီမိုကရေစီအဖွဲ့ချူပ် (NLD) ပါတီက ချင်းပြည်နယ်မှာ သောင်ပြိုကမ်းပြို အနိုင်ရရှိနိုင်ဖွယ်မရှိတော့ဘဲ ချင်းအမျိူးသားဒီမိုကရေစီအဖွဲ့ချူပ် (CNLD) ပါတီိနဲ့ ဘတပြန်ကျားတပြန် သူနိုင်ကိုယ်နိုင် အကြိတ်အနယ်ယှဉ်ပြိုင်မယ့်ပွဲလို့ ကြိုတင်ခန့်မှန်းခဲ့ကြပေမယ့် မှန်းချက်နဲ့နှမ်းထွက်မကိုက်ဘဲ ၂၀၁၅ ခုနှစ်တုန်းကလို NLD ပါတီ သောင်ပြိုကမ်းပြို အနိုင်ရရှိခဲ့ပြန်ပါတယ်။ ၂၀၁၅ ခုနှစ်အထွေထွေရွေးကောက်ပွဲတုန်းကတော့ ချင်းပါတီဟာ ခုလို (CNLD) ပါတီအနေနဲ့ တစ်စုတစ်စည်းတည်း ပေါင်းစည်းနိုင်ခြင်းမရှိသေးဘဲ ချင်းအမျိူးသားဒီမိုကရက်တစ်ပါတီ (CNDP)၊ ချင်းဒီမိုကရေစီအဖွဲ့ချူပ် (CLD) နဲ့ ချင်းတိုးတက်ရေးပါတီ (CPP) အနေနဲ့ သီးခြားစီ ဝင်ရောက်ယှဉ်ပြိုင်ခဲ့ကြရလို့ ချင်းပြည်သူတွေရဲ့ မဲတွေကွဲသွားပြီး ဆုံးနိမ့်ခဲ့ရတယ်လို့ ဖြေသိမ့်နိုင်ခဲ့ကြတယ်လို့ ဆိုရမှာပါ။ ချင်းနိုင်ငံရေးပါတီတွေဟာ ၂၀၁၅ ရွေးကောက်ပွဲကို သင်ခန်းစာရယူပြီး ချင်းပြည်သူတွေ လိုလားတောင်းတနေတဲ့ ပါတီပေါင်းစည်းရေးကို ၂၀၁၈ ခုနှစ်က အကောင်အထည်ဖော်ဆောင်ပြီး ချင်းအမျိူးသားဒီမိုကရေစီအဖွဲ့ချူပ် (CNLD) ပါတီကို ဖွဲ့စည်းလိုက်ကြပါတယ်။ နိုင်ငံရေးလေ့လာသုံးသပ်သူတွေကလည်း တစ်ပါတီအဖြစ် စုပေါင်းဖွဲ့စည်းလိုက်ကြတဲ့ (CNLD) ပါတီဟာ ၂၀၂၀ ရွေးကောက်ပွဲမှာ (NLD) ပါတီရဲ့ အဓိက ပြိုင်ဖက်ပါတီဖြစ်လာပြီး ချင်းပြည်နယ်မှာ မဲဆန္ဒနယ်မြေထက်ဝက်ကျော်လောက် အနိုင်ရရှိမယ်လို့ ကြိုတင်ခန့်မှန်းခဲ့ကြပေမယ့် ၂၀၂၀ ရွေးကောက်ပွဲ မဲစာရင်းရလဒ်တွေအရ (CNLD) ပါတီဟာ ချင်းပြည်နယ်မှာ မဲဆန္ဒနယ်မြေ တစ်နေရာသာအနိုင်ရရှိခဲ့တာကြောင့် လူအတော်များများကို အံ့အားသင့်စေခဲ့သလို CNLD ပါတီခေါင်းဆောင်တွေကိုယ်တိုင် အံ့သြခဲ့ရပါတယ်။ CNLD ပါတီ၏ အတွင်းရေးမှူးတစ်ဉီးဖြစ်တဲ့ ဆလိုင်းပီပီက “ပထမမျော်လင့်တာကတော့ လွှတ်တော်မှာ အနည်းဆုံး…
Author: Editor
#Unicode နှင်းနှင်း – စစ်ကိုင်းတိုင်းဒေသကြီး၊ ကလေးမြို့တိုင်းရင်းဆေးရုံတွင် ကုသမှုခံယူနေသည့် ကိုဗစ်-၁၉ ပိုးတွေ့လူ နာ (၅) ဦးမှာ ကျန်းမာရေးကောင်းမွန်သည့်အပြင် ဆေးရုံဆင်းခွင့်သတ်မှတ်ချက်အရ ယနေ့နံနက် (၁၀) နာရီအချိန်တွင် ဆေးရုံမှ ဆင်းခွင့်ပြုလိုက်ပြီဖြစ်ကြောင်းသိရသည်။ ကိုဗစ်အတည်ပြုလူနာများကို ဆေးရုံမှဆင်းခွင့်ပြုလိုက်ပြီဆိုသော်လည်း Home Quarantine ဆက်ထားမည်ဟု ကလေးခရိုင်ပြန်ဆက်ဦးစီးမှုး ဦးညီညီဇော်ကပြောသည်။ “ ဒီမနက် (၁၀) နာရီမှာဆေးရုံကနေ ၅ ယောက်ဆင်းသွားပြီ သူတို့ကို Home Quarantine (၇) ရက်ဆ က်ထားမယ် အောင်သစ္စာနယ်မြေ (၃) ကတွေပဲ။ ခုလက်ရှိမှာ (၄၃) ဦးကျန်သေးတယ်။” ဟု ဦးညီညီဇော်ကပြောသည်။ ဆေးရုံကနေဆင်းခွင့်ရသူများမှာ ကလေးမြို့၊အောင်သစ္စာရပ်ကွက်နယ်မြေ (၃) မှနေထိုင်ကြသော အသက် (၇၆) နှစ်အရွယ် ၊အသက် (၁၀) နှစ်အရွယ်၊ အသက် (၈) နှစ်အရွယ်၊အသက် (၂နှစ် ၆လ) အရွယ်အမျိုးသားနှင့် အမျိုးသမီး (၁) တို့ဖြစ်ကြသည်။ ကလေးမြို့တွင် ကိုဗစ်ပိုးတွေ့ရှိမှုမြင့်တက်လာနေပြီး ပြီးခဲ့သည့်နိုဝင်ဘာ ၇ ရက်နေ့တွင် ကလေးမြို့ တပ်ဦးသီတာရပ်ကွက်၊ ချမ်းမြေ့အောင်စည်ရပ်ကွက်နှင့် သဇင်ရပ်ကွက်တို့မှ ကွာရန်တင်းထားရှိသူ (၁၂) ဦးထံတွင် ကိုဗစ်အတည်ပြုလူနာထပ်မံတွေ့ရှိခဲ့ကြောင်းသိရသည်။ အဆိုပါကိုဗစ်ပိုးတွေ့ခဲ့သည့် ၁၂ ဦးမှာ တပ်ဦးသီတာရပ်ကွက် အမှတ် (၃/၄၆) မှ အသက် ၆၃ နှစ်အရွယ်၊ အသက် ၂၄ နှစ်အရွယ်၊ အသက် (၁) နှစ်အရွယ် အမျိုးသမီး၊ တပ်ဦးသီတာရပ်ကွက်အမှတ် (၂/၆၁) မှအသက် ၈၅ နှစ်အရွယ်၊ အသက်…
#Unicode By လားနွန် – ပါတီမဲဆွယ်စည်းရုံးရေးကာလတွင် ပြိုင်ဖက်ပါတီများက ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (USDP) သည် တပ်မတော်ပိုင်သည့်ပါတီဟု မဲဆွယ်ဟောပြောမှုများကြောင့် ရွေးကောက်ပွဲတွင် ရုံးနိမ့်ရခြင်းဖြစ်သည်ဟု ချင်းပြည်နယ် (USDP) ပါတီဥက္ကဌ ဒေါက်တာမှုထန်ကပြောသည်။ “အမှန်က တစ်ဖက်ပါတီက စည်းရုံးရေးစကားပြောရင် ကြံ့ခိုင်ရေးပါတီက တပ်မတော်ပါတီပဲ ခင်ဗျားတို့ မဲပေးတယ်ဆိုရင်လည်း ပေါ်တာပြန်ထမ်းရမယ် စစ်အုပ်ချုပ်ရေးပုံစံဖြင့်အုပ်ချူပ်မယ်ဆိုတဲ့ပုံစံမျိူး သူတို့ပြောတဲ့အခါကျတော့ လူတွေက အဲလိုထင်တာပေါ့နော် အရင်တုန်းက တပ်မတော် အစိုးရခေတ်တုန်းက သူတို့ပေါ်တာထမ်းခဲ့တာတွေဘာတွေ အနှိပ်စက်ခံတာတွေကို ကျနော်တို့ပါတီအပေါ် ပုံချတယ်လေ ပုံချတယ်ဆိုတာလည်းပဲ သူတို့မဲရဖို့အတွက် ကြံဖန်တာပဲ ကျနော်တို့ပါတီတက်တဲ့အခါမှာပဲ ပေါ်တာဆိုတာမရှိတော့ဘူးလေဆိုတော့ ဒါကြီးကိုအခု သူတို့မဲဆွယ်ဖို့သုံးတယ်ဒါပါပဲ အမှန်ကတော့ တပ်မတော်ကို မုန်းလို့ ကျနော်တို့ကိုမုန်းတာပါပဲ” ဟု ချင်းပြည်နယ် ပြည်ထောင်စုကြံ့ခိုင်ရေးနှင့် ဖွွံ့ဖြိုးရေးပါတီ ဥက္ကဌ ဒေါက်တာမှုထန်ကပြောသည်။ ချင်းပြည်နယ်တွင် မဲဆန္ဒနယ်မြေစုုစုပေါင်း (၃၉) နေရာရှိပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) မှ မတူပီပြည်နယ်လွှတ်တော်၊ ဖလမ်းမြို့နယ်မှ ပြည်နယ်လွှတ်တော်နှင့် ဟားခါးမြို့နယ်ရှိ အမျိုးသားလွှတ်တော်စသည့် (၃) နေရာကျန်ထားပြီး (၃၆) နေရာတွင် ဝင်ရောက်ယှဉ်ပြိုင်ခဲ့ရာ မဲဆန္ဒနယ်မြေ တစ်နေရာမှအနိုင်ရရှိခြင်းမရှိခဲ့ပေ။ နိုဝင်ဘာ (၈) ရက်နေ့ ကျင်းပပြုလုပ်သည့် အထွေထွေရွေးကောက်ပွဲမဲစာရင်းရလဒ်အရ ချင်းပြည်နယ်တွင် NLD ပါတီက၊ (၃၆) နေရာ၊ ဇိုမီးဒီမိုကရေစီအဖွဲ့ချူပ် ZCD က (၂) နေရာ၊ ချင်းအမျိုးသားဒီမိုကရေစီအဖွဲ့ချုပ်(CNLD) က (၁) နေရာ ရရှိခဲ့ သည်။ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP) သည် ပြီးခဲ့သည့် ၂၀၁၀ ရွေးကောက်ပွဲတွင် အနိုင်ရရှိကာ…
#Unicode By Benezer – နိုဝင်ဘာလ ၈ ရက်နေ့က ကျင်းပခဲ့သော ၂၀၂၀ အထွေထွေရွေးကောက်ပွဲတွင် မဲဆန္ဒနယ်မြေ ၃၉ နေရာရှိသည့် ချင်းပြည်နယ်တွင် အမျိူးသားဒီမိုကရေစီအဖွဲ့ချူပ် (NLD) ပါတီက မဲဆန္ဒနယ်မြေ ၃၆ နေရာတွင် အနိုင်ရရှိသည်ဟု သိရသည်။ ချင်းပြည်နယ် NLD ဉက္ကဌ ဉီးဇိုဘွေ့က “တော်လှန်ရေးကာလမှာဘဲဖြစ်ဖြစ် အစိုးရတက်လာပြီးနောက်ပိုင်းဘဲဖြစ်ဖြစ် တိုင်းနဲ့ပြည်နယ်မှာ ချင်းပြည်နယ်က စီးပွားရေးပိုင်း ကျန်ရစ်ခဲ့တာကို အခုအတိုင်ပင်ခံ အနေနဲ့ ချင်းပြည်နယ်မှာ ထားတဲ့စေတနာကို ပြည်သူတွေကတုံ့ပြန်တဲ့အတွက် ဒီလောက်ရာခိုင်နှုန်း ရရှိခြင်းဖြစ်ပါတယ်၊ ကျနော်တို့ ပြည်သူတွေရဲ့ ထောက်ခံမှုကိုအလေးထားပြီးတော့ ကိုယ့်ပြည်နယ်ကိုယ့်နိုင်ငံ ဖွံ့ဖြိုးတိုးတက်ရေးနှင့် ဖက်ဒရယ်ပြည်ထောင်စု အကောင်အထည်ဖော်နိုင်ဖို့ကတော့ တာဝန်တွေအများကြီး ပြည်သူတွေက ကျနော်တို့ကို ပေးထားတဲ့အတွက် အလေးထားပြီးလုပ်ဆောင်သွားမှာပါ” ဟုပြောသည်။ NLD ပါတီအနေဖြင့် ချင်းပြည်နယ် ပလက်ဝ၊ မတူပီ၊ မင်းတပ်၊ ကန်ပက်လက်၊ ဖလမ်း၊ ထန်လတန်၊ တီးတိန် စသည့် မြို့နယ် ၇ မြို့နယ်ရှိ မဲဆန္ဒနယ်မြေအားလုံးတွင် အနိုင်ရရှိခဲ့သည့်အပြင် ဟားခါးမြို့နယ်တွင် ၄ နေရာနှင့် တွန်းဇံမြို့နယ်တွင် ၂ နေရာစုစုပေါင်း ၃၆ နေရာအနိုင်ရရှိကာ မဲဆန္ဒနယ်မြေ ၃ နေရာသာ ရှုံးနိမ့်သည်ဟု လက်ရှိရရှိထား သည့် အချက်အလက်အရသိရသည်။ အမျိူးသားဒီမိုကရေစီအဖွဲ့ချူပ် NLD ပါတီရှုံးနိမ့်ခဲ့သည့် မဲဆန္ဒနယ်မြေ ၃ ခုမှာ ဟားခါးမြို့နယ် ပြည်နယ်လွှတ်တော်အမှတ်-၁ တွင် ချင်းအမျိုးသားဒီမိုကရေစီအဖွဲ့ချုပ် (CNLD) မှ Pu Siang Mang၊ တွန်းဇံမြို့နယ် ပြည်သူ့လွှတ်တော်…
#Unicode By လားနွန် – ချင်းဝါရင့်နိုင်ငံရေးသမား ပူးကျင့်ရှင်းထန်ဦးဆောင်တဲ့ Zomi Congress for Democracy (ZCD) ဇိုမီးဒီမိုကရေစီအဖွဲ့ချူပ်အမာခံနယ်မြေဖြစ်တဲ့ ချင်းပြည်နယ်မြောက်ပိုင်း တီးတိန်နှင့်တွန်းဇံမြို့နယ်တွင် အမျိူးသားဒီမိုကရေစီအဖွဲ့ချူပ်(NLD) ပါတီက အပြတ်သတ်အနိုင်ရရှိသွားပြီလို့သိရပါတယ်။ လွှတ်တော်မဲဆန္ဒနယ်မြေ (၅) နေရာရှိတဲ့ တီးတိန်မြို့နယ်မှာ အမျိူးသားဒီမိုကရေစီအဖွဲ့ချူပ် (NLD) ကိုယ်စားလှယ်လောင်းအားလုံးက အနိုင်ရရှိသွားပြီလို့ တီးတိန်မြို့နယ် ပြည်နယ်မဲဆန္ဒနယ်မြေ ၂ တွင် NLD ကိုယ်စားပြုအနေနဲ့ဝင်ရောက်ယှဉ်ပြိုင်ခဲ့တဲ့ ချင်းပြည်နယ် သစ်တောဝန်ကြီး ဦးမာန်ဟင်းဒါလ်ကပြောပါတယ်။ “မဲစာရင်းအရတော့ အများစုရပါတယ် တစ်မြို့နယ်လုံးပေ့ါနော် ရှင်းရှင်းပြောရရင် NLD (၅) နေရာလုံးမှာ အဲလိုအနိုင်ရတယ် အတည်ပြုဖို့ ကော်မရှင်မှာတင်ပြထားတယ်” လို့ ဝန်ကြီးဦးမာန်ဟင်းဒါလ်ကပြောပါတယ်။ တီးတိန်မြို့နယ်မှာ တသီးပုဂ္ဂလကိုယ်စားလှယ်တစ်ဦးအပါအဝင် ချင်းအမျိုးသားဒီမိုကရေစီအဖွဲ့ချုပ်၊ အမျိုးသားဒီမိုကရေစီအဖွဲ့ချူပ်၊ ပြည်ထောင်စုကောင်းကျိုးဆောင်ပါတီ၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ဇိုမီးဒီမိုကရေစီအဖွဲ့ချုပ်ပါတီနှင့် တိုင်းရင်းသားစည်းလုံးညီညွတ်ရေးပါတီ စုစုပေါင်း (၆) ပါတီမှ လွှတ်တော်ကိုယ်စားလှယ် (၂၈) ဦးမှ ယှဉ်ပြိုင်ခဲ့ကြတာဖြစ်ပါတယ်။ အလားတူ တွန်းဇံမြို့နယ်မှာလည်း အမျိူးသားဒီမိုကရေစီအဖွဲ့ချူပ် NLD ပါတီက မဲဆန္ဒနယ်မြေ ၂ နေရာမှာ အနိုင်ရရှိပြီး ZCD ပါတီကိုယ်စားလှယ် လက်ရှိချင်းပြည်နယ်လူမှုရေးဝန်ကြီး ဦးပေါင်လွန်မင့်ထန်နဲ့ ဒေါ်ကျိန်ငိုက်မန်တို့ ၂ ဦး အနိုင်ရရှိခဲ့တယ်လို့သိရပါတယ်။ ZCD ပါတီဟာ ပြီးခဲ့တဲ့ ၂၀၁၅ ရွေးကောက်ပွဲမှာ တီးတိန်နဲ့ တွန်းဇံမြို့နယ်မှာ ၆ နေရာအနိုင်ရရှိခဲ့တာဖြစ်ပြီး ၂၀၂၀ ရွေးကောက်ပွဲမှာ ယခုလိုဆုံးနိမ့်ရတဲ့ကိစ္စနဲ့ပတ်သက်ပြီး ZCD အတွင်းရေးမှူး ဦးဂင့်ကမ်းလျန်က “ZCD ကတော့အခြေအနေမကောင်းဘူး သူတို့ (NLD) ကပိုက်ဆံသုံးတယ်လေ မဲတော့သိပ်မကွာဘူးလေ…
#Unicode ဦးစွာ ကိုဗစ် (၁၉) ရဲ့ ရောဂါလက္ခဏာတွေကို ဦးစွာပြောပြပေးလိုပါတယ်။ လက္ခဏာတွေကတော့ အဖျားရှိလာတာ၊ ချောင်းဆိုးတာ၊ အသက်ရှုမဝတာ၊ အသက်ရှုခက်ခဲတာ၊ အားအင်ကုန်ခမ်းတာတွေဖြစ်ပါတယ်။ တစ်ပတ်အကြာမှာတော့ အားအင်ကုန်ခမ်းပြီး အသက်ရှုကြပ်တာတွေ ဖြစ်လာမှာပါ။ ကိုဗစ် (၁၉) နဲ့ပတ်သက်ပြီး ဘာလက္ခဏာမှမပြပဲလည်း ဖြစ်တတ်တာကိုတော့ သိထားစေလိုပါတယ်။ ကိုဗစ် (၁၉) ကူးစက်ခံရမှုမှာ အဆင့်တွေလိုက်ပြီး လက္ခဏာတွေမတူတာကို သိရပါတယ်။ ရောဂါကူးစက်မှုခံရသူ တစ်ယောက်နဲ့တစ်ယောက်မှာ အဆင့်တွေမတူကြပါဘူး။ အဆင့်ခွဲမယ်ဆို မပြင်းထန်အဆင့်၊ အတန်အသင့်အဆင့်၊ ပြင်းထန်အဆင့်၊ အပြင်းထန်ဆုံးအဆင့်တွေပါ။ မပြင်းထန်တဲ့အဆင့်မှာဆို ပုံမှန်အဖျားတက်သလိုဖြစ်မယ်။ အသက်ရှုလမ်းကြောင်းဆိုင်ရာ ပြသနာတွေဖြစ်မယ်။ ချောင်းခြောက်ဆိုးမယ်။ နာကျင်ကိုက်ခဲမယ်။ ဒါတွေက သာမန်လူတွေမှာလည်း ဖြစ်တတ်ပါတယ်။အတန်အသင့်အဆင့်မှာဆို ချောင်းဆိုးမယ်။ အဖျားက ၁၀ဝ.၄ ဒီဂရီဖာရင်ဟိုက်ရှိမယ်။ ချမ်းမယ်။ အိပ်ယာထဲကမထချင်ဖြစ်နေမယ်။ပြင်းထန်အဆင့်ကိုရောက်လာတဲ့အခါမှာတော့ အဆုတ်ပါရောင်လာမယ်။အပြင်းထန်ဆုံးအဆင့်မှာတော့ အဆုတ်ပါပျက်ဆီးပြီး အသက်အန္တရယ်ကိုတောင် ထိခိုက်လာနိုင်ပါပြီ။ ဒါတွေကတော့ ကိုဗစ် (၁၉) နဲ့ပတ်သက်ပြီး ခံစားရမယ့် လက္ခဏာတွေပါ။ အကယ်၍ ကိုယ့်မှာသာ အဲ့လက္ခဏာတစ်ခုခုခံစားလာရပြီဆို ဘယ်သူ့ကိုမှမကူးအောင် ကိုယ့်ကိုယ်ကိုယ် တစ်ကိုယ်ရေထိန်းချုပ်ပြီး ကျန်းမာရေးဌာနက ထုတ်ပြန်ထားတဲ့ ညွှန်ကြားချက်အတိုင်း လိုက်နာသင့်ပါတယ်။ ကိုယ့်မှာသာ လက္ခဏာတစ်ခုခုခံစားလာရပြီဆို နီးစပ်ရာဆေးရုံကို ဖုန်းခေါ်လိုက်သင့်ပါတယ်။ မိမိဘယ်သွားခဲ့တယ်၊ ဘာတွေလုပ်ခဲ့တယ်ဆိုတာတွေကို ရိုးသားစွာ ပြောပြလိုက်ဖို့လိုပါတယ်။ သင့်ရဲ့ဧရိယာမှာ မိသားစုဝင်တွေနဲ့ နီးကပ်စွာနေခြင်းမပြုစေပဲ သူတို့ကိုလည်း အခြားအပြင်လူတွေနဲ့ ထိတွေ့ခြင်းမဖြစ်စေအောင် နေထိုင်ခိုင်းသင့်ပါတယ်။ ဒါ့အတူ နှာခေါင်းစည်းတပ်ခြင်း၊ မျက်နှာဖုံးအကာများတပ်ခြင်း၊ နှာချေချောင်းဆိုးလျှင် တစ်သျှူးများဖြင့်အုပ်ပြီး နှာချေခြင်းပြုလုပ်သင့်ပါတယ် မိမိရဲ့ တစ်ကိုယ်ရေစွန့်ပစ်ပစ္စည်းများကို စနစ်တကျစွန့်ပစ်ဖို့ လိုပါတယ်။ တစ်ဖက်ကလည်း ရောဂါအပေါ် လွန်စွာစိတ်ပူခြင်းမဖြစ်ဖို့လိုပါတယ်။…
#Unicode နှင်းနှင်း – ချင်းပြည်နယ်၊မင်းတပ်မြို့တွင်တည်ဆောက်နေသည့်မင်းတပ်ကောလိပ်သည် ၅၀ ရာခိုင်နှုန်းပြီးစီးနေပြီဖြစ်ပြီး လာမည့် ၂၀၂၂ ခုနှစ်၊ နှစ်ကုန်ပိုင်းတွင်ဖွင့်လှစ်သွားနိုင်မည်ဟု ချင်းပြည်နယ်အစိုးရပြောရေးဆိုခွင့်ရှိသူ စည်ပင်ဝန်ကြီး ဦးစိုးထက်ကပြောသည်။ “ဆောက်လုပ်ရေးက ၅၀ ရာခိုင်နှုန်းပြီးပြီလို့သိရတယ်၊ ကျောင်းဆောင်၊ စာသင်အဆောင်တွေလည်း လက်စမသတ်နိုင် သေးဘူးဆိုတော့ ၂၀၂၂ နှစ်ကုန်ပိုင်းလောက်ဆိုရင်ကျောင်းစတက်လို့ရမယ်ထင် တယ်” ဟု ဝန်ကြီး ဦးစိုးထက် ကပြောသည်။ မင်းတပ်ကောလိပ်မှာ ၂၀၁၈-၂၀၁၉ ဘဏ္ဍာရေးနှစ်ပြည်နယ်ငွေလုံးငွေရင်းခွင့်ပြုချက်ရန်ပုံငွေ ကျပ် ၃ ဘီလျံဖြင့် တည်ဆောက်နေပြီး ပင်မစာသင်ဆောင်၊ကျောင်းဆရာ/မ ဆောင်၊ကျောင်းသူ/သားဆောင်များကိုဆောက်လုပ်လျက်ရှိကာ ပထမနှစ်စာသင်ချိန်တွင် ကျောင်းသူ/သားဦးရေ (၁၀၀)ခန့်ပညာသင်ကြားနိုင်မည် ဖြစ်ကြောင်းသိရသည်။ မင်းတပ်မြို့ရှိကောလိပ်တည်ဆောက်မှု ပြီးစီးပါကဒေသခံကျောင်းသူ/ကျောင်းသားများ အနေဖြင့် အခြားမြို့နယ်များ တွင်ခက်ခဲစွာဖြင့် သွားရောက်ပညာသင်ယူရန်မလိုတော့ပဲ မိမိမြို့နယ်တွင် အဆင်ပြေစွာဖြင့် တက္ကသိုလ်တက် ရောက်ပညာသင်ကြားသွားနိုင်ဖြစ်ကြောင်း ဝန်ကြီးဦးစိုးထက်ကပြောသည်။ “ဝိဇ္ဇာသိပ္ပံဘာသာရပ်တော်တော်များကိုတော့သင်မှာပါ၊ ကောလိပ်တခုရဲ့ရှိသင့်တဲ့ဘာသာရပ်များကို သင်ကြားပေးမယ်။အရင်တုန်းက တခြားမြို့နယ်တွေမှာ သွားတက်တော့ခက်ခက်ခဲခဲနဲ့ပညာသင်ရပြီး ငွေကုန်ကြေးကျများတယ်ခုတော့ကိုယ့်ရဲ့ပြည်နယ်မှာတက်ရမယ်။ တောင်ပိုင်းဖြစ်တဲ့ကန်ပလက်၊ မင်းတပ်၊မတူပီ၊ပလက်ဝ၊ ဒီမြို့နယ်တွေအတွက်ပိုပြီးတော့အဆင်ပြေတာပေါ့ ” ဟုဝန်ကြီးကပြောသည်။ ချင်းပြည်နယ်၏ ပထမဆုံးကောလိပ်ဖြစ်သည့် ဟားခါးကောလိပ်ကို ၂၀၁၆ ခုနှစ် နိုဝင်ဘာလတွင် ဖွင့်လှစ်ခဲ့ပြီး ၂၀၂၀ သြဂုတ်လ ၃၁ ရက်နေ့တွင် တက္ကသိုလ်အဆင့်သို့ တိုးမြှင့်ရရှိခဲ့ပြီး ဟားခါးတက္ကသိုလ်မှာ မြန်မာနိုင်ငံ၏ ပထမဆုံး Comprehensive University (ပေါင်းစည်းတက္ကသိုလ်) လည်းဖြစ်ကြောင်းသိရသည်။ #Zawgyi ႏွင္းႏွင္း – ခ်င္းျပည္နယ္၊မင္းတပ္ျမဳိ႕တြင္တည္ေဆာက္ေနသည့္မင္းတပ္ေကာလိပ္သည္ ၅၀ ရာခုိင္ႏႈန္းျပီးစီးေနၿပီျဖစ္ျပီး လာမည့္ ၂၀၂၂ ခုႏွစ္၊ ႏွစ္ကုန္ပုိင္းတြင္ဖြင့္လွစ္သြားႏုိင္မည္ဟု ခ်င္းျပည္နယ္အစုိးရေျပာေရးဆုိခြင့္ရွိသူ စည္ပင္ဝန္ၾကီး ဦးစုိးထက္ ကေျပာသည္။ “ေဆာက္လုပ္ေရးက ၅၀ ရာခုိင္ႏႈန္းျပီးျပီလုိ႔သိရတယ္၊ ေက်ာင္းေဆာင္၊…
#Unicode By Benezer – ဆောင်းရာသီစတင်ဝင်ရောက်လာပြီဖြစ်သည့်အတွက် ချင်းပြည်နယ်တောင်ပိုင်း ပလက်ဝမြို့နယ်အတွင်းရှိ စစ်ဘေးရှောင် စခန်းများတွင် ခိုလုံနေကြရသည့် စစ်ဘေးရှောင်ပြည်သူများသည် အနွေးထည်နှင့်စောင်များလုံလောက်မှုမရှိသဖြင့် အခက်အခဲရှိလာနိုင်သည်ဟု စစ်ဘေးရှောင်ကူညီရေးအဖွဲ့ထံမှသိရသည်။ ချင်းစစ်ဘေးရှောင်ပြည်သူများ အရေးပေါ် ကူညီရေးနှင့် ပြန်လည်ထူထောင်ရေးကော်မတီ (RRCCI) အဖွဲ့မှ မနန်းဝေက “ဒုက္ခသည်စခန်းတွေမှာက ခုကအေးလာပြီ၊ သူတို့ပြောင်းလာတုန်းက မတ်လ နွေဖြစ်တဲ့အတွက် အဝတ်အစားက အဲလောက်မပူရပေမယ့် ခုက အေးလာတဲ့အတွက် အနွေးအထည်က လိုလာတယ်၊ ကလေးတွေကလည်း အနွေး အထည်မရှိဘူးလို့ ဖုန်းဆက်လာကြတယ်၊ အပြင်မှာလည်း လွယ်လွယ်ကူကူ ဝယ်လို့မရဘူး၊ အဓိကတော့ ဆန်တွေကိုဘဲ အဓိက သယ်ယူနေရတဲ့အတွက် အဝတ်အစားတွေပိုင်းက ဉီးစားပေးလို့မရဘူးဖြစ်နေတယ်၊ အဲဒါကြောင့် စစ်ဘေးရှောင် တွေအတွက်ရော ဒေသခံတွေအတွက်ရော စိန်ခေါ်မှုတစ်ခုဖြစ်နေတယ်” ဟု ပြောသည်။ လက်ရှိတွင် ပလက်ဝမြို့နှင့် ရခိုင်ပြည်နယ်ဆက်သွယ်ထားသည့် လမ်းကြောင်းများကို ပိတ်ထားသဖြင့် အရေးတကြီး လိုအပ်သည့် ဆန်များကိုသာ အဓိကထားသယ်ယူနေရပြီး ကျန်သည့်ပစ္စည်းများကို သယ်ယူနိုင်ခြင်း မရှိသလောက် ဖြစ်နေကြောင်း မနန်းဝေကပြောသည်။ ပလက်ဝဒေသရှိ စစ်ဘေးရှောင်အများစုမှာ မြန်မာ့တပ်မတော်နှင့် ရက္ခိုင့်တပ်မတော်နှစ်ဘက်ကြား တိုက်ပွဲပြင်းထန်ခဲ့သည့် မတ်လပိုင်းတွင် စစ်ရှောင်အဖြစ် ရောက်ရှိခဲ့ကြသဖြင့် အများစုမှာ အနွေးအထည်များနှင့် စောင်များ မယူဆောင်ခဲ့ရကြေ ကြာင်း ပလက်ဝမြို့မှစစ်ဘေးရှောင်တစ်ဦးဖြစ်သူ ဦးဂျာလှအောင်ကပြောသည်။ “ဆောင်းရာသီရောက်လာတော့မယ်ဆိုတော့ ဒုက္ခသည်တွေအနေနဲ့ အနွေးအထည်ပိုင်းဘဲဖြစ်ဖြစ်၊ စောင်တွေဘဲဖြစ်ဖြစ်အ ခက်အခဲရှိလာနိုင်တယ်၊ ဘာဖြစ်လို့လဲဆိုရင် ဒီကိုထွက်လာတုန်းက တစ်ချို့ကျတော့ ယူလာတဲ့သူရှိတယ်၊ ဒါပေမယ့် မယူလာတဲ့သူပိုများတယ်၊ ရွာဘက်မှာကလည်း အိမ်တွေလည်း လောင်သွားတာတွေလည်းရှိတော့ ဘာမှသိပ်မယူလိုက်ရ ဘူး၊ ဆောင်းရာသီရောက်ရင်တော့ အနွေးထည်ပိုင်းမှာ အခက်အခဲရှိနိုင်တယ်၊…
#Unicode By လားနွန် – လာမည့် နိုဝင်ဘာလ (၈) ရက်နေ့အထွေထွေရွေးကောက်ပွဲအတွက် ချင်းပြည်နယ်တောင်ပိုင်း ပလက်ဝမြို့နယ်တွင် အသုံးပြုမည့် မဲရုံသုံးပစ္စည်းများကို တပ်မတော်ရဟတ်ယာဉ်ဖြင့် နိုဝင်ဘာ (၃) ရက်နေ့က ပို့ဆောင်ခဲ့ပြီဟု သိရသည်။ ပလက်ဝမြို့နယ်ရှိ ရှင်းလက်ဝကျေးရွာအုပ်စု (၁) စု၊ ဆမီးမြို့ပေါ်ရပ်ကွက် (၃) ခုနှင့် ပလက်ဝမြို့ပေါ်ရပ်ကွက် (၄) ခုအတွ က်အသုံးပြုမည့် မဲရုံသုံးပစ္စည်းများအားလုံးရောက်ရှိသွားပြီဟု ချင်းပြည်နယ်ရွေးကောက်ပွဲကော်မရှင်အတွင်းရေးမှူး ဦးလင်းကျော်ကပြောသည်။ “ကျနော်တို့ လမ်းကြောင်းမှာ မဲရုံသုံးပစ္စည်းတွေက အထိအခိုက်မခံတဲ့ဟာတွေ မဲလက်မှတ်တွေဟာ တစ်ခုခု တစ်စုံတစ်ရာဖြစ်သွားတယ်ဆိုရင်မကောင်းဘူးပေါ့ အဲဒါကြောင့် ရဟတ်ယာဉ်နဲ့ကျတော့ ပိုပြီးတော့လုံခြုံတယ် မြန်တယ် အဲဒါကြောင့် ရဟတ်ယာဉ်နဲ့ပို့တာ၊ လမ်းကြောင်းကတော့ မလုံခြုံလို့တော့ပြောလို့မရဘူး ကျနော်တို့ကတော့ ပိုပြီးစိတ်ချအောင် ရဟတ်ယာဉ်တောင်းပြီးတော့ ရဟတ်ယာဉ်နဲ့ပို့ပေးတာ စစ်တွေကနေပို့တဲ့ပစ္စည်းလည်းရှိတယ်၊ မတူပီကနေပို့တဲ့ပစ္စည်းလည်းရှိတယ်၊ ပလက်ဝမှာရော ဆမီးမှာရော ရှင်းလက်ဝမှာရော အကုန်လုံးပြည့်စုံပြီးတော့ ကြိုတင်မဲပေးလုပ်ငန်းစဉ်တွေလည်း သူတို့စလုပ်နေပြီ” ဟု ဦးလင်းကျော်ကပြောသည်။ ပလက်ဝမြို့နယ်သို့ ပြည်နယ်ရွေးကောက်ပွဲကော်မရှင်မှ ပထမတစ်ကြိမ်က သာမာန်မဲရုံးသုံးပစ္စည်းတွေပို့ဆောင်ခဲ့ပြီး ဒုတိယအကြိမ်မှာ မဲလက်မှတ်နှင့် တတိယကြိမ်တွင် မှင်အိုး၊ နိုင်ငံခြားက ကြိုတင်မဲပေးပြီးသားတို့ကို ပို့ဆောင်ခဲ့သည်ဟု ၎င်းကဆက်ပြောသည်။ ပလက်ဝမြို့နယ်တွင် ကျေးရွာအုပ်စုစုပေါင်း (၁၀၂) အုပ်စုရှိပြီး မဲဆန္ဒနယ်အမှတ် (၁) တွင် (၄၅) အုပ်စု၊ အမှတ် (၂) တွင် (၅၇) အုပ်စုရှိသည်။ သို့သော်လည်း နယ်မြေလုံခြုံရေးအခြေနေကြောင့်ဟုဆိုကာ ကျေးရွာအုပ်စု (၉၄) အုပ်စုမှာ ရွေးကောက်ပွဲကျင်းပမည်မဟုတ်ကြောင်း ပြည်ထောင်စုရွေးကောက်ပွဲကော်မရှင်ကထုတ်ပြန်ထားသည်။ ပြီးခဲ့သည့် အောက်တိုဘာလ ၂၉ ရက်နေ့ကစ၍ နိုဝင်ဘာ (၅)…
#Unicode By လားနွန် – ရွေးကောက်ပွဲကျင်းပရန် ရက်ပိုင်းသာလိုတော့သည့်အချိန်တွင် စစ်ကိုင်းတိုင်းဒေသကြီး ချင်းလူမျိူးတိုင်းရင်းသားရေးရာ ဝန်ကြီးနေရာအတွက် ဝင်ရောက်ယှဉ်ပြိုင်ကြမည့် လွှတ်တော်ကိုယ်စားလှယ်လောင်းနှစ်ဦးအကြား တိုင်တန်းမှုဖြစ်ပွားခဲ့ပြီး နိုဝင်ဘာလ ၄ ရက်နေ့က ကလေးမြို့နယ်ရွေးကောက်ပွဲကော်မရှင်အဖွဲ့က ဖြေရှင်းညှိနှိုင်းပေးခဲ့ရသည်ဟု သိရသည်။ ချင်းအမျိူးသားဒီမိုကရေစီအဖွဲ့ချူပ် (CNLD) ပါတီ၏ ချင်းလူမျိူးတိုင်းရင်းသားရေးရာကိုယ်စားလှယ်လောင်း ဦးဆန်ထောင်း ထန်က မဲဆွယ်စည်းရုံးရေးဆင်းသည့်အချိန်တွင် တစ်သီးပုဂ္ဂလကိုယ်စားလှယ်လောင်း ဦးလာထန်ကြွမ်းသည် အသက် ၃၅ နှစ်မပြည့်သေးသည့်အတွက် ချင်းရေးရာဝန်ကြီးမဖြစ်နိုင်ကြောင်း လူထုအနေဖြင့် မဲပေးလျင်လည်း အရာရောက်မည်မ ဟုတ်ကြောင်း ပြောဆိုမှုများရှိသည့်အတွက် ကလေးမြို့နယ်ရွေးကောက်ပွဲ ကော်မရှင်အဖွဲ့ထံသို့ ဦးလားထန်ကြွမ်းက တိုင်ကြားခဲ့ခြင်းဖြစ်သည်။ ယင်းကိစ္စနှင့်ပတ်သက်၍ ဦးလားထန်ကြွမ်းက “ ကျနော်တို့က ဘာကြောင့် တိုင်ကြားတာလည်းဆိုတော့ ကျနော်ရဲ့ အသက်ကိစ္စနဲ့ပတ်သက်ပြီးတော့ အပြင်မှာ အရမ်းပြန့်နေတယ် လားထန်ကြွမ်းက အသက်သုံးဆယ့်ငါးနှစ်မပြည့်လို့ ရွေးကောက်ပွဲမှာ မဲထည့်လို့ နိုင်ခဲ့ရင်လည်း မင်းတို့မဲက အလားကားဖြစ်မယ် ဆိုတဲ့သတင်းအရမ်းပြန့်နေတဲ့အခါကျတော့ အဲဒီသတင်းကိုလိုက်လံစုံစမ်းမေးမြန်းတဲ့အခါမှာ ကိုယ်စားလှယ်လောင်းကိုယ်တိုင်(ဦးဆန်ထောင်းထန်)က အမေးအဖြေ ကဏ္ဍမှာ ကျနော်နာမည်ကိုခေါ်ပြီးတော့ လားထန်ကြွမ်းက အသက်မပြည့်ဘူးဆိုတော့ ဘယ်လိုဖြစ်မလဲပြောတဲ့အခါမှာ သူဝန်ကြီးဖြစ်မှာမဟုတ်ဘူး စသဖြင့် အဓိပ္ပာယ်နှစ်ခွ သုံးခွမျိုးရှိတဲ့စကားနဲ့ပြောတော့ မဲဆန္ဒရှင်ပြည်သူတွေရဲ့စိတ်ထဲမှာ သို့လောသို့လောစိတ်မျိုးဖြစ်လာတဲ့အခါကျတော့ ကျနော်တို့ကို စိစပ်ညှိုနှိုင်းပေးနိုင်တဲ့ ကော်မရှင်ဆီမှာ ပထမဆုံးအနေနဲ့ သတင်းပေးရတဲ့သဘော ကျနော်တို့ကို ညှိုနှိုင်းပေးပါ ပြောလိုက်တဲ့သဘောမျိုးပါ” ဟုပြောသည်။ ဦးလားထန်ကြွမ်းသည် ၂၀၂၀ အထွေထွေရွေးကောက်ပွဲတွင် စစ်ကိုင်းတိုင်းဒေသကြီး ချင်းလူမျိူးတိုင်းရင်းသားရေးရာ ဝန်ကြီးအတွက် တစ်သီးပုဂ္ဂလအနေဖြင့် ဝင်ရောက်ယှဉ်ပြိုင်မှာဖြစ်ပြီး ယခုလက်ရှိတွင် အသက် ၃၄ နှစ်ရှိသည်ဟု သိရသည်။ အဆိုပါကိစ္စနှင့် ပတ်သက်ပြီး CNLD ပါတီ ကိုယ်စားလှယ်လောင်း ဦးဆန်ထောင်းထန်…