(004SS) ချင်းညီနောင်စစ်ဆင်ရေးအဖြစ် ဖော်ဆောင်နေသော ချင်းပြည်နယ်၊ မြောက်ပိုင်း ဖလမ်းမြို့သိမ်းတိုက်ပွဲတွင် အမျိုးသမီး ရဲဘော် ၂၈ ဦးရှေ့တန်းမှ ပါဝင်တိုက်ပွဲဝင်နေကြောင်း CNO/CNDF Defense Secretary ကပြောသည်။ ချင်းအမျိုးသားကာကွယ်ရေးတပ်ဖွဲ့ CNDF အမျိုးသမီးရဲဘော်များသည် ၎င်းတို့ကျွမ်းကျင်ရာကဏ္ဍ အသီးသီး အလိုက် အမျိုးသားရဲဘော်များနှင့်အတူ ရှေ့တန်းတွင် တာဝန်ထမ်းဆောင်နေကြသည်ဟု CNDF Defense Secretary Mai Olivia Thawng Luai က ပြောသည်။ “အခုမြေပြင်မှာ ဖလမ်းမြို့တိုက်ပွဲမှာဆိုလို့ရှိရင် ရှေ့တန်းမှာ မိန်းခလေး ၂၈ ယောက် တိုက်ပွဲဝင်နေတယ်။ တစ်ချို့က စနိုက်ပါသင်းမှာ၊ တစ်ချို့က ဒရုန်းသင်းမှာ ၊ တစ်ချို့က မေဒစ်သင်း ( Medic team)မှာ၊ တစ်ချို့ကကျတော့ walkie talkieနဲ့ လေကြောင်းက ဘယ်ကိုရောက်နေပါပြီဆိုပြီး တညလုံး communication department က မိန်းခလေးတွေမအိပ်နိုင်ဆုံးဆုပေးရမယ်။ အဲလို အမျိုးသမီးပါဝင်မှုကလဲ အရမ်းအရေးကြီးပါတယ်၊ ကျားမ တန်းတူညီမျှရေးပေါ့နော်” ဟု ယမန်နေ့က အွန်လိုင်းမှပြုလုပ်သော MDF အခြေခံစစ်သင် တန်း ရန်ပုံငွေရှာဖွေပွဲတွင် CNDF Defense Secretary က ပြောသည်။ CNDF တပ်ဖွဲ့အနေဖြင့် သေနတ်ကို ကောင်းမွန်စွာပစ်ခတ်နိုင်ပြီး သင်တန်းများမှ လက်ဖြောင့်ဆု ရထားသော အမျိုးသမီး ရဲဘော်များကို သေနတ်ကိုင်ခွင့်ပြုခြင်းဖြစ်ကြောင်းနှင့် တာဝန်ရှိသူများအနေဖြင့်လည်း စစ်ပညာသင်ယူရန်ရောက်ရှိလာသော အမျိုးသမီးရဲဘော်များအား ၎င်းတို့၏ ဆန္ဒအလျောက် ရှေ့တန်းတွင် တိုက်ပွဲဝင်ခွင့် ပြုပေးသင့်ကြောင်း သူမက ဆက်ပြောသည်။ ဖလမ်းမြို့ကို ၂၀၂၄ ခုနှစ်…
Author: Editor
(006SV) ချင်းတော်လှန်ရေးတပ်ဖွဲ့ ၂ ခုက တီးတိန်မြို့သိမ်း စစ်ဆင်ရေးကို စတင်တော့မည်ဟု ကြေညာသောကြောင့် မြို့ခံပြည်သူ ထက်ဝက်ကျော်သည် နေရပ်စွန့်ခွာ စစ်ဘေးရှောင်ပြီဖြစ်ကြောင်း ချင်းတော်လှန်ရေးတပ်ဖွဲ့နှင့် ဒေသခံများထံမှ သိရသည်။ တီးတိန်မြို့ပေါ်က စစ်ကောင်စီ ခလရ – ၂၆၉ တပ်ရင်းအနီးမှ စကောလမ်းရပ်ကွက်နှင့် အဓိက လမ်းမကြီးဘေးက ဒေသခံပြည်သူများ အားလုံးနီးပါးသည် စစ်ဘေးရှောင်ကြကြောင်း၊ လွန်ခဲ့သော နှစ်ပတ်ခန့်မှစတင်၍ စစ်ဘေးရှောင်ကြရာ မြို့၏ ၆၀ ရာခိုင်နှုန်းသည် နေရပ်စွန့်ခွာ စစ်ဘေးရှောင်ထားပြီဟု သိရသည်။ “မနေ့ကအထိက တော်တော်များများကတော့ စစ်ဘေးရှောင်ကုန်ပြီ။ စကော့လမ်းရပ်ကွက်၊ စစ်တပ်ကုန်းနဲ့ နီးတဲ့ဘက်တွေ ရှောင်ကြတယ်။ စကော့လမ်းရပ်ကွက်ဘက်က အကုန်လုံးနီးပါး ပြောင်းသွားပြီ။ ကျန်တဲ့ဟာတွေက ရှိကြသေးတယ်။ တောင်အောက်မှာတော့ ပြည်သူတွေ နေကြသေးတယ်။ အဓိက လမ်းမကြီးနဲ့ ဝေးတဲ့နေရာမှာတော့ ပြည်သူတွေ နေကြသေးတယ်” ဟု တီးတိန်မြို့ဒေသခံတဦးက ပြောသည်။ တီးတိန်မြို့ပေါ်တွင် လူငယ်၊ လူလတ်ပိုင်းတို့ အများစု ပါဝင်သည့် ၄၀ ရာခိုင်နှုန်းခန့်သော ပြည်သူတို့သည် အိမ်ဖောက်ထွင်း ခိုးယူမှု များပြားနေသောကြောင့် အိမ်စောင့်အဖြစ် ကျန်ရှိနေသေးပြီး တိုက်ပွဲ အပြင်းအထန်ဖြစ်ပွားမှ စစ်ဘေးရှောင်ကြရန် အဆင်သင့်ပြင်ဆင်ထားကြသည်ဟု PDF – Zoland မှ ပြောရေးဆိုခွင့်ရှိသူနှင့် ဒေသခံတချို့က ပြောသည်။ ဒေသခံပြည်သူများသည် အိန္ဒိယ နယ်စပ်ဘက်၊ စစ်ကိုင်းတိုင်း ကလေးဒေသဘက်နှင့် ကျေးရွာဒေသများသို့ စစ်ဘေးရှောင်ကြရသည်ဟု သိရသည်။ “မြို့ရဲ့ ၄၀ ရာခိုင်နှုန်းကတော့ ကျန်သေးမှာပါ။ တီးတိန်မှာက သူခိုးတွေရှိနေလို့ သူတို့ကလည်း ထွက်ဖို့က စိတ်ကူးထားတယ်။…
(006SV) ရခိုင်ပြည်နယ်၊ အမ်းမြို့နယ်ထဲက တိုက်ပွဲများကြောင့် စစ်ကောင်စီတပ်သား ရာချီသည် မကွေးတိုင်းဘက်ကို ထွက်ပြေးလာနေပြီး ၂ ရက်အတွင်း စစ်ကောင်စီတပ်သား ၁၀ ဦးကျော်ကို လက်နက်ခဲယမ်းများနှင့်တကွ ဖမ်းဆီးမိကြောင်း ချင်းကာကွယ်ရေးတပ် – အရှိုထံမှ သိရသည်။ ၂ ရက်အတွင်း စစ်ကောင်စီတပ်သား ၁၂ ဦးကို စစ်သုံ့ပန်းများအဖြစ် ဖမ်းဆီးရမိခဲ့ပြီး လက်နက်ငယ် ၁၅ လက်၊ စိန်ပြောင်း ၁ လက် အပြင် ခဲယမ်းနှင့် စစ်အသုံးအဆောင်ပစ္စည်းများကို သိမ်းဆည်းရမိသည်ဟု ချင်းကာကွယ်ရေးတပ် – အရှိုက ယနေ့ ဇန်နဝါရီလ ၁၆ ရက်မှာ ထုတ်ပြန်သည်။ ဇန်နဝါရီလ ၁၄ ရက်က ရခိုင်ပြည်နယ်၊ အမ်းမြိုု့နယ်၊ တောင်ဇောက်ရွာအနီးတိုက်ပွဲမှ စစ်ကောင်စီ အင်အား ၁၀၀ ခန့်သည် မကွေးတိုင်း၊ ငဖဲမြို့နယ်၊ ရှောက်တောင်ရွာအနီးက ကပစ – ၁၄ ဘက်သို့ ထွက်ပြေးလာရာ ကပစနှင့် မီတာ နှစ်ထောင်ခန့်တွင် တိုက်ပွဲဖြစ်ပွားခဲ့သည်ဟု သိရသည်။ တိုက်ပွဲတွင် စစ်ကောင်စီတပ်သား ၃ ဦး သေဆုံးပြီး ယင်းတိုက်ပွဲမှ ဖွဲ့စည်းပုံ ပျက်ကာ ထွက်ပြေးသော စစ်ကောင်စီတပ်ကို နယ်မြေရှင်းလင်းရေး လုပ်ဆောင်စဉ် တပ်ဖွဲ့ဝင် ၈ ဦးကို ထပ်မံ ဖမ်းဆီးရမိခဲ့သည်ဟု သိရသည်။ ဇန်နဝါရီလ ၁၃ ရက်ကလည်း အမ်းမြို့နယ်၊ ကြက်ရေစမ်းကျေးရွာ အနီးစခန်းမှ ထွက်ပြေးလာသော စစ်ကောင်စီတပ်သား ၅ ဦးကို ငဖဲမြို့နယ်၊ ဂုတ်စည်းရိုးရွာအနီး တားဆီးပိတ်ဆို့စဉ် လက်နက်မချသောကြောင့် ပစ်ခတ်…
(002MG) စစ်ကိုင်းတိုင်း၊ တမူးခရိုင်အတွင်းရှိ တော်လှန်ရေးတပ်ဖွဲ့များထိန်းချုပ်ထားသည့် ခမ်းပတ်မြို့ကို ယနေ့ ဇန်နဝါရီလ (၁၆)ရက်နေ့ ည ၁၀ နာရီဝန်းကျင်တွင် စစ်ကောင်စီတပ်ဖွဲ့က လေကြောင်းဖြင့် သုံးကြိမ် ဗုံးကြဲခဲ့သည်ဟု ဒေသခံများထံမှ သိရသည်။ ကလေးမြို့သို့ ရောက်နေသည့်ခမ်းပတ်ဒေသခံတဦးက “အိမ်ကနေ ဖုန်းဆက်လာကြတာ (၃) ကြိမ် ဗုံးလာကြဲတယ်။ အမှတ် ၁ ရပ်ကွက် အစွန်ပိုင်း ကျီခါးလမ်းဖက်မှာ၊ အသံကတော့ တော်တော်ကျယ်တယ်၊ အဲ့နားမှာရှိသူတွေကတော့ ပုန်းကျင်းထဲဝင်ပုန်းနေရတယ်။ ထိခိုက်တာတော့ ဘာမှမသိရသေးဘူး” ဟု ပြောသည်။ ခမ်းပတ်မြို့ကို စစ်ကောင်စီက မြေပြင်တိုက်ပွဲဖြစ် ပွားခြင်းမရှိဘဲ ဗုံးကြဲတိုက်ခိုက်ခြင်းဖြစ်ပြီး အရပ်သားထိခိုက်မှု တချို့ရှိသည်ဟု သိရသော်လည်း သီးခြားအတည်ပြုနိုင်ခြင်း မရှိသေးပေ။ အိန္ဒိယ-မြန်မာနယ်စပ် ကလေး-တမူးကားလမ်းမပေါ်မှာတည်ရှိသော ခမ်းပတ်မြို့သည် ပြီးခဲ့သည့် ၂၀၂၃ ခုနှစ် နို၀င် ဘာလ ၇ ရက်နေ့တွင် တော်လှန်ရေးပူးပေါင်းတပ်ဖွဲ့များက သိမ်းပိုက်ခဲ့ကြခြင်းဖြစ်သည်။ ချင်းလူမျိုးအများစုနေထိုင်ကြသော ခမ်းပတ်မြို့တွင် ရပ်ကွက်ကြီး (၅) ခုနှင့် လူဦးရေ (၄၀ဝ၀) ဝန်းကျင်ရှိသည်ဟု သိရသည်။ ခမ်းပတ်မြို့တွင် Wifi အင်တာနက်လိုင်းပြတ်တောက်နေသည်မှာ ၁ လနီးပါးရှိပြီဖြစ်ကာ ဆက်သွယ်ရေးဖုန်းလည်းများ လည်း မကြာခဏ ပြတ်တောက်မှုကြုံနေရကြောင်း ဒေသခံများကပြောသည်။
(004SS) အိန္ဒိယနိုင်ငံ၊ အာသံပြည်နယ် Guwahati မြို့မှ မီဇိုရမ်ပြည်နယ် Aizawl မြို့သို့ ပြေးဆွဲနေသည့် ခရီးသည်တင် လိုင်းကားတစ်စီး တိမ်းမှောက်မှုကြောင့် ကားသမားအပါအဝင် ၃ ဦးသေဆုံးပြီး ချင်းအမျိုးသမီးတစ်ဦးထိခိုက်ဒဏ်ရာရရှိခဲ့သည်ဟု သိရသည်။ ယမန်နေ့ ဇန်နဝါရီလ ၁၅ ရက် မနက်ပိုင်း ၆ နာရီတွင် Guwahati မြို့မှ Aizawl ကိုထွက်လာသော အဆိုပါ ကားတစ်စီးသည် Shillong မြို့မရောက်ခင် ၁၀ ကီလိုမီတာခန့်အလိုတွင် တိမ်းမှောက်ခဲ့ခြင်းဖြစ်သည်ဟု သိရသည်။ ကားပေါ်တွင် ချင်းအမျိုးသမီး ၁ ဦးအပါအဝင် အမျိုးသမီး ၃ ဦးနှင့် ယာဉ်မောင်းအမျိုးသားတစ်ဦး စုစုပေါင်း ၄ ဦးသာ စီးနင်းခြင်းဖြစ်ပြီး ကားသမား Nasim နှင့် အသက် ၅၂ အရွယ် Pi Zothanpari ၊ အသက် ၂၃ နှစ်အရွယ် Jenny Lalrin thangi တို့ သေဆုံးကာ ချင်းအမျိုးသမီး Nu Dim Hau Cing မှာ ထိခိုက်ဒါဏ်ရာရရှိခဲ့သည်ဟု သိရသည်။ “အဲဒီကားက လမ်းဘေးကနေ ချောက်ကန်းပါးမှာ ကျသွားတာတဲ့၊ သူတို့ကျတဲ့နေရာက လမ်းကနေ မီတာ ၅၀၀ လောက် နက်မယ်လို့ ပြောကြတယ်၊ အဲမှာ ၂ ယောက် ပွဲချင်းဆုံးသွားတာ၊ တစ်ယောက်က ဆေးရုံရောက်မှ ဆုံးတာ၊ ကျွန်မတို့အသိ အမတစ်ယောက်ကတော့ ဒါဏ်ရာတွေရတယ်” ဟု ဒါဏ်ရာရရှိသူ ချင်းအမျိုးသမီးနှင့် နီးစပ်သူက ပြောသည်။ ဒဏ်ရာရှရိသည့်…
(005MK) အိန္ဒိယနိုင်ငံ၊ မီဇိုရမ်ပြည်နယ်တွင် AK 47 သေနတ် ၆ လက်နှင့် ကျည်ဆံများ ဖမ်းဆီးရမိခဲ့သည်ဟု မီဇိုရမ်ရဲတပ်ဖွဲ့က ထုတ်ပြန်သည်။ မီဇိုရမ်ပြည်နယ် ရဲတပ်ဖွဲ့ နှင့် Intelligence Agency ပူးပေါင်းတပ်ဖွဲ့သည် မာမစ်ခရိုင် Saithah ကျေးရွာတွင် ဇန်နဝါရီလ ၁၅ ရက်နေ့က AK 47 သေနတ် ၆ နက်၊ ကျည်ဆံတစ်သောင်းကျော်နှင့် ကျည်ဘောက် ၁၃ ခုကို ဖမ်းဆီးရမိခဲ့သည်ဟု ထုတ်ပြန်သည်။ အဆိုပါကိစ္စနှင့်ပတ်သက်၍ လူ ၅ ဦးကိုလည်း ဖမ်းဆီးထိန်းသိမ်းထားပြီး ယင်းအနက် ချင်းအမျိုးသားတပ်ဦး CNF အဖွဲ့ဝင်လည်း ပါဝင်သည်ဟု ရဲတပ်ဖွဲ့၏ ထုတ်ပြန်ချက်တွင်ဖော်ပြထားသည်။ ယင်းကိစ္စနှင့်ပတ်သက်၍ ခိုနူမ်းသုန် အနေဖြင့် သီးခြားအတည်ပြု၍မရသေးပေ။ မီဇိုရမ်ရဲတပ်ဖွဲ့၏ ထုတ်ပြန်ချက်အရ ယခုဖမ်းဆီးရမိသည့် လက်နက်များမှာ ဘင်္ဂလားဒေ့ရှ်နိုင်ငံ စစ်တကောင်း တောင်တန်းဒေသတွင် လှုပ်ရှားနေသော လက်နက်ကိုင်အဖွဲ့တစ်ခုဖြစ်သည့် United People Democratic Font (UPDF – P) အဖွဲ့နှင့် ပတ်သက်ဆက်နွယ်မှုရှိသည်ဟု သိရသည်။ လက်နက်နှင့်အတူ အဖမ်းခံရသူ ၅ ဦးကို West Phaileng ရဲစခန်းတွင် အမှုဖွင့်အရေးယူထားပြီး စုံစမ်းစစ်ဆေးမှုများ ဆက်လက်ပြုလုပ်နေသည်ဟု သိရသည်။
တီးတိန်မြို့နယ်ကို မည်သည့်အဖွဲ့ကိုမျှ ပေးမည်မဟုတ်၍ ဝင်ရောက်လျှင် တိုက်ထုတ်မည်ဟု ZFU/ PDF – Zoland က တုန့်ပြန် (006SV) ချင်းပြည်နယ်မြောက်ပိုင်း တီးတိန်မြို့နယ်ထဲက တီးတိန်မြို့နှင့် ခိုင်ကမ်းမြို့သိမ်းတိုက်ပွဲကို PDA – တီးတိန်နှင့် မဟာမိတ်တပ်များက ဖော်ဆောင်တော့မည်ဖြစ်ပြီး ပြည်သူများ အချိန်မီပြင်ဆင်နိုင်ရန် တီးတိန်မြို့နယ်ကောင်စီက ထုတ်ပြန်သည်။ “တီးတိန်မြို့နယ်အတွင်း ပြည်သူလူထုများ အချိန်မီပြင်ဆင်နိုင်ရန် အသိပေးခြင်း” ဟူ၍ ဇန်နဝါရီလ ၁၄ ရက်က တီးတိန်မြို့နယ်ကောင်စီက ထုတ်ပြန်ကြေညာခြင်းဖြစ်သည်။ တီးတိန်မြို့သိမ်းတိုက်ပွဲကို တီးတိန်မြို့နယ်ကောင်စီ၏ တပ်ဖွဲ့ဖြစ်သော PDA – တီးတိန်က မဟာမိတ်တပ်များနှင့်အတူ ဖော်ဆောင်မည်ဖြစ်ရာ မည်သည့်အဖွဲ့အစည်းကမှ ကန့်ကွက်ခွင့်မရှိကြောင်း တီးတိန်မြို့နယ်ကောင်စီက ဆိုသည်။ ကိုယ့်မြို့ကိုယ်သိမ်းမည်ဖြစ်၍ စစ်ကောင်စီတပ်သားများ ချေမှုန်းကင်းစင်စေလိုသော မည်သည့် တော်လှန်ရေးအဖွဲ့အစည်းမဆို လာရောက်ပူးပေါင်း၊ တိုက်ပွဲဝင်ရန် ဖိတ်ခေါ် အကူအညီတောင်းဆိုထားသည်။ လက်ရှိတွင် ဇိုးမီး (ချင်း) များ အခြေပြုနေထိုင်ရာ တီးတိန်မြို့နှင့် ခိုင်ကမ်းမြို့တွင်သာ စစ်ကောင်စီတပ်များ ကျန်ရှိသေးသဖြင့် အလျင်အမြန် တိုက်ခိုက်သိမ်းယူရေးအတွက် စစ်ရေးမဟာမိတ်များနှင့်အတူ ဆောင်ရွက်သွားမည်ဟု PDA- Tedim ထံမှ သိရသည်။ တီးတိန်မြို့နယ်ကို စစ်ကောင်စီတပ်ဖြစ်စေ၊ ချင်းပြည်အစိုးရ ပူးပေါင်းတပ်ဖြစ်သော CNF အပါအဝင် PDA – တီးတိန်ဖြစ်စေ မည်သည့်အဖွဲ့အစည်းကိုမျှ ပေးအပ်မည်မဟုတ်ဘဲ တားမြစ်ထားမှုကြားက ဝင်ရောက်လာပါက ICNCC၊ ချင်းညီနောင်နှင့် လက်တွဲကာ ပြတ်ပြတ်သားသား တိုက်ထုတ်သွားမည်ဟု PDF – Zoland က ပြန်လည်ထုတ်ပြန်သည်။ “လက်ရှိ ချင်းပြည်အရေးအား ပြည်သူ့သို့ တင်ပြခြင်း”…
စစ်ကိုင်းတိုင်း ကလေးမြို့ အကျဉ်းထောင်ထဲတွင် အကျဉ်းကျခံနေသော အိန္ဒိယနိုင်ငံသားတစ်ချို့သည် လွတ်ရက်စေ့ပြီဖြစ်သော်လည်း ထောင်အာဏာပိုင်များနှင့် အခြားအရာရှိများကို လာဘ်မထိုးနိုင်ခြင်းကြောင့် ယနေ့ချိန်ထိ မလွတ်မြောက်နိုင်ဘဲ အကျဉ်းသားအဖြစ် ဆက်လက်ထိန်းသိမ်းခံနေရသည်ဟု အကျဉ်းထောင်နှင့် နီးစပ်သူများထံမှ သိရသည်။ “သူတို့တွေက သနားစရာတော့ကောင်းတယ်။ ထောင်ဝင်စာပေးမယ့်လူလည်း မရှိဆိုတော့ တချို့ဆိုရင် ၂၀၂၁ ကတည်းက ပြစ်ဒဏ်စေ့သော်လည်း အခုထိ အချုပ်သားအနေနဲ့ထားတယ်။ သူတို့မှာ စားစရာဆိုရင်လည်း အတော်ခက်ခဲနေကြတယ်။ နေရပ်ပြန်ပို့ပေးဖို့ ထောင်ပိုင်ဆီတင်ပြတယ်။ ထောင်ပိုင်ကလည်း မင်းတို့ကို လ.ဝ.က က မပို့ရဲဘူး၊ လမ်းကြောင်းပိတ်တယ်၊ လမ်းကြောင်းမကောင်းဘူး၊ မင်းတို့ကိစ္စက လ.ဝ.က နဲ့ ဆိုင်တယ်၊ အဲ့လိုပဲ လွှဲချနေတာ။ သူတို့တင်ပြတာလည်း မနည်းတော့ဘူး၊ ပြန်ပို့ဖို့ တင်ပြကြတာ တကယ်တော့ ဒီလို လ.ဝ.က လွှဲချတဲ့တဖက်မှာ ငွေကြေးတတ်နိုင်တဲ့ သူ (၅) ယောက်လောက်ကပဲ ထောင်ပိုင်နှင့် အခြားအရာရှိတွေကို လာဘ်ထိုးပြီး အချိုဆိုရင် သိန်း (၂၀) သိန်း (၃၀) ပေးပြီး၊ လမ်းစရိတ် ကိုယ့်ဟာကိုယ်စိုက်ပြီး လွတ်တဲ့သူလည်းရှိတယ်၊ ဒါကြောင့် လာဘ်မထိုးနိုင်ရင်တော့ လွတ်ရက်စေ့လည်း မလွတ်တော့ဘူး” ဟု အကျဉ်းထောင်နှင့် နီးစပ်သူတဦးက ပြောသည်။ ကလေးအကျဉ်းထောင်တွင် ဖမ်းဆီးထိန်းသိမ်းခံနေရသည့် နိုင်ငံခြား အကျဉ်းသား၊ အကျဉ်းသူများကို အကျဉ်းထောင်တွင် အလွယ်ခေါ် လ.ဝ.က အကျဉ်းသားများဟု နာမည်တပ် ခေါ်ဆိုလေ့ရှိပြီး ပြစ်ဒဏ်လွတ်ရက်စေ့ပြီဖြစ်သော်လည်း အချုပ်သားအနေဖြင့် ဆက်လက်ထားရှိခြင်းကြောင့် စားဝတ်နေရေး အခက်အခဲကြောင့် အာဟာရချို့တဲ့ကာ ကျန်းမာ ရေး ထိခိုက်သေဆုံးမှုတွေလည်းရှိသည်ဟု ဆက်ပြောသည်။ “သူတို့အစားအသောက် ခက်ခဲလွန်းတော့ ထောင်ပိုင်ကြီးဆီတင်ပြကြတယ်၊…
(005MK) အိန္ဒိယဗဟိုအစိုးရက အိန္ဒိယ-မြန်မာ နယ်စပ်အကြား လွတ်လပ်စွာဖြတ်သန်းသွားလာခွင့် FMR စနစ် ဖျက်သိမ်းပြီး နယ်စပ်ဖြတ်ကျော် ဝင်/ထွက်သွားလာခွင့် ကန့်သတ်မှုကို ပြန်လည်ဖြေလျှော့ပေးရန် ZORO အဖွဲ့က ယနေ့ ထပ်မံတောင်းဆိုလိုက်သည်။ မီဇိုရမ်ပြည်နယ်က အရပ်ဖက်အဖွဲ့အစည်းတစ်ခုဖြစ်သည့် Zo Reunification Organization (ZORO) က ယနေ့ ဇန်နဝါရီလ ၁၄ ရက်နေ့တွင် အိုင်ဇောလ်မြို့ Press Club မှာ သတင်းစာရှင်လင်းပွဲကျင်းပပြီး ထပ်မံတောင်းဆိုလိုက်ခြင်း ဖြစ်သည်။ “ဌာနေတိုင်းရင်းသားလူမျိုးများ၏ အခွင့်အရေးများဆိုင်ရာ ကုလသမဂ္ဂ ကြေညာစာတမ်း (UNDRIP) ကြေညာစာတမ်းက မိမိတို့ကိုပေးထားတဲ့ အခွင့်အရေးတွေကို အိန္ဒိယဗဟိုအစိုးရက ရိုက်ချိုးနေတာဖြစ်တာ၊ မိမိတို့ဌာနေတိုင်းရင်းသားတွေအပေါ် ကျူးလွန်တဲ့ အိန္ဒိယအစိုးရရဲ့လုပ်ရပ်အပေါ် အလွန်စိတ်မကောင်းဖြစ်ရပါတယ်၊ လွတ်လပ်စွာ နယ်စပ်ဖြတ် ကျော်သွားလာခွင့်စနစ် FMR ကို ပြန်လည်အသက်သွင်းပြီး နယ်စပ်ဖြတ်ကျော်တဲ့အခါ Border Pass (နယ်စပ်ဖြတ် ကျော်ခွင့်ကဒ်) မဖြစ်မနေ ယူရမယ်ဆိုတဲ့ အမိန့်ကို ပြန်လည်ဖြေလျှော့ပေးဖို့ တောင်းဆိုပါတယ်၊ ဒီကိစ္စနဲ့ဖြေရှင်းမပေးဘူးဆိုရင် ရတဲ့နည်းနဲ့ အဆုံးတိုင် ဆက်လက်တောင်းဆိုသွားမယ်” ဟု ZORO အဖွဲ့က ဆိုသည်။ အိန္ဒိယ ဗဟိုအစိုးရသည် အိန္ဒိယ-မြန်မာ နယ်စပ်တွင် နှစ်နိုင်ငံပြည်သူများ ဝင်ထွက်သွားလာနိုင်မည့် စစ်ဆေးရေးဂိတ် ၁၈ ခုထားရှိရန် စီစည်ထားပြီး နှစ်နိုင်ငံပြည်သူများသည် ဆွေမျိုးတွေ့ဆုံခြင်း၊ ခရီးသွားခြင်း၊ ကုန်သွယ်ခြင်း၊ အားကစား၊ ကျန်းမာရေး၊ အစည်းအဝေး၊ ယဉ်ကျေးမှုဖလှယ်ခြင်း စသည့် ကဏ္ဍများအတွက် Border Pass များရယူကာ ဖြတ်သန်း သွားလာခွင့်ရှိမည်ဖြစ်သည်ဟု သိရသည်။ Border Pass…
(002MG)ချင်းပြည်နယ်တောင်ပိုင်း၊ ပလက်ဝမြို့နယ် ကြားကာလခူမီးချင်းမျိုးနွယ်စုများရေးရာ အတိုင်ပင်ခံကောင်စီ (IKACC) ၏ ဒုတိယဥက္ကဋ္ဌ ဦးအိုက်ထွန်း (Lui Thawn La) သည် ယနေ့ ဇန်နဝါရီလ (၁၄) မနက်ပိုင်းတွင် ကွယ်လွန်သွားသည်ဟု သိရသည်။ဦးအိုက်ထွန်းသည် အမေရိကန်ပြည်ထောင်စု အင်ဒီယားနားပိုးလစ်မြို့က နေအိမ်တွင် ကွယ်လွန်သွားခြင်းဖြစ်ပြီး ကွယ်လွန်ချိန်တွင် အသက် ၄၉ နှစ်ရှိကာ ဇနီးနှင့်အတူ သားနှစ်ဦး၊ သမီးနှစ်ဦး ကျန်ရစ်ခဲ့သည်ဟု သိရသည်။ ပလက်ဝမြို့နယ် ကြားကာလ ခူမီးချင်းမျိုးနွယ်စုများရေးရာ အတိုင်ပင်ခံကောင်စီ (IKACC) ၏ ထုတ်ပြန်ချက်ထဲတွင် ဒုတိယ ဥက္ကဋ္ဌ ဦးအိုက်ထွန်း (Lui Thanwn La) ကွယ်လွန်ခြင်းကြောင့် ကျန်ရစ်သူ မိသားစုနှင့် ထပ်တူဝမ်းနည်းရပါကြောင်း ဖော်ပြထားသည်။အတိုင်ပင်ခံကောင်စီ (IKACC) ၏ ဒုတိယဥက္ကဋ္ဌ ဦးအိုက်ထွန်း(Lui Thanwn La) သည် IKACC ၏ ဒုတိယ ဥက္ကဋ္ဌအဖြစ် တာဝန်ထမ်းဆောင်ခဲ့သည့်အပြင် အခြားလူမှုအဖွဲ့အစည်းများတွင်လည်း ပါဝင် ဆောင်ရွက်နေသူဖြစ်ကြောင်း သိရှိရသည်။ကြားကာလခူမီးချင်းမျိုးနွယ်စုများရေးရာ အတိုင်ပင်ခံကောင်စီ သည် ၂၀၂၁ ခုနှစ် စစ်အာဏာသိမ်း ပြီးနောက်ပိုင်း တော်လှန်ရေးကာလအတွင်း ချင်းပြည်နယ်၊ ပလက်ဝမြို့နယ်၏ နိုင်ငံရေးဦး ဆောင်အဖွဲ့အစည်းဖြစ်သည်။