(004SS) စစ်ကိုင်းတိုင်း ကလေးမြို့၊ အ.ထ.က (၈) ကျောင်းတွင် ပညာသင်ကြားနေသော အသက် ၁၄ နှစ်မှ ၂၁ နှစ်ရှိ ကျောင်းသား ၆ ဦးသည် ဇွန်လ ၁၉ ရက်နေ့ကစ၍ ယနေ့အထိ မိသားစုဝင်များနှင့် အဆက်အသွယ်မရရှိဘဲ ပျောက်ဆုံးနေကြောင်း သိရသည်။ ဇွန်လ ၁၉ ရက်နေ့တွင် ဦးအောင်သိုက် ၏သား မောင်အောင်မြင့်နိုင် (၂၁ နှစ်)၊ မောင်ကောင်းမြင့်နိုင် (၁၇ နှစ်)၊ ဦးကျော်လွင်၏ သား မောင်ကျော်ဇင်ဖြိုး (၁၅ နှစ်)၊ မောင်မားဟုန် (၁၇ နှစ်) နှင့် ဦးစန်းလွင်ဦး၏သား မောင်ဇော်သူလင်း (၁၅ နှစ်) တို့သည် ကျောင်းတက်ရန်သွားခဲ့ကြသော်လည်း ကျောင်းသို့ ရောက်ရှိခြင်းမရှိသကဲ့သို့ အမ်သို့ ပြန်လာခြင်းမရှိဘဲ ပျောက်ဆုံးခဲ့ကြ သည်ဟု သိရသည်။ ဦးငွန်အုပ်ထန်၏သား မောင်ဘွေထချွ (၁၄ နှစ်) မှာမူ ဇွန်လ ၂၀ ရက်နေ့က သူငယ်ချင်း၏ စက်ဘီးဝင်ပေးရန် ကျောင်းစောသွားမည်ဟုဆိုကာ အိမ်မှ ထွက်သွားပြီးနောက် ပျောက်ဆုံးခဲ့ကြောင်း သိရသည်။ မိသားစုဝင်များက ဖုန်းဖြင့်ဆက်သွယ်ခြင်း၊ လိုက်လံရှာဖွေခြင်းများ ပြုလုပ်ခဲ့သော်လည်း ဖုန်းအဆက်အသွယ်မရှိ သည့်အပြင် ယနေ့တိုင်ရှာဖွေတွေ့ရှိခြင်းမရှိသေးကြောင်းသိရသည်။ မောင်ဘွေထချွ၏ အစ်မဖြစ်သူက “ကျွန်မ မောင်လေး မောင်ဘွေထချွက အပြောနည်းပြီး အနေအေးသူလေးပါရှင့် ခုလို ပျောက်သည့်အထဲ ပါသွား တာကြောင်း အမျိုးမျိုးတွေးပြီး စိတ်ပူတယ်ရှင့် ဒီနေ့နဲ့ဆိုရင် (၆)ရက် ရှိပါပြီ ဟိုနားတွေ့တယ် ဒီနား တွေ့မိတယ်နဲ့ အကုန်လုံး ပတ်ရှာနေကြပါတယ်ရှင့်ကူညီကြပါအုံးရှင့်” ဟု…
Author: Editor
(006SV) ဇိုမီးအမျိုးသားပါတီ (Zomi National Party) ကို နိုင်ငံရေးပါတီ တည်ထောင်ခွင့်ပြုလိုက်ပြီး ရက်ပေါင်း ၃၀ အတွင်း နိုင်ငံရေးပါတီအဖြစ် မှတ်ပုံတင် လျှောက်ထားရန် စစ်ကောင်စီ၏ ပြည်ထောင်စု ရွေးကောက်ပွဲ ကော်မရှင်ကထုတ် ပြန်သည်။ နိုင်ငံရေးပါတီများ မှတ်ပုံတင်ခြင်းဥပဒေ၊ နည်းဥပဒေများနှင့် ညီညွတ်ကြောင်း စိစစ်တွေ့ရှိရသဖြင့် ဇိုမီးအမျိုးသား ပါတီကို စစ်ကောင်စီ လက်အောက်ခံ ရွေးကောက်ပွဲကော်မရှင်က ဇွန်လ ၂၄ ရက်က နိုင်ငံရေးပါတီ တည်ထောင်ခွင့် လျှောက်ထားချက်ကို ခွင့်ပြုလိုက်သည်ဟု သိရသည်။ ရန်ကုန်မြို့အတွင်း ပါတီရုံးဖွင့်ထားသည့် ဇိုမီးအမျိုးသားပါတီသည် စစ်ကောင်စီ ရွေးကောက်ပွဲ ကော်မရှင်ထံသို့ ပါတီတည်ထောင်လိုသူ ၁၈ ဦးဖြင့် လျှောက်ထားချက်ကို စိစစ်စစ်ဆေးမှုများ ဆောင်ရွက်ခဲ့ရာ ကိုယ်စားလှယ်တစ်ဦးကို ခွင့်မပြုဘဲ ကျန် ၁၇ ဦးဖြင့် ခွင့်ပြုထားသည်ဟု ဇွန်လ ၂၄ ရက်က ပါတီထံ အကြောင်းကြားစာတွင် ဖော်ပြထားသည်။ ပါတီတည်ထောင်ခွင့် ရရှိသော ဇိုမီးအမျိုးသားပါတီအနေဖြင့် ခွင့်ပြုချက်ရရှိသည့် နေမှစ၍ ရက်ပေါင်း ၃၀ အတွင်း နိုင်ငံရေးပါတီများ မှတ်ပုံတင်ခြင်း နည်းဥပဒေ ၇ နှင့်အညီ ပါတီခေါင်းဆောင် ၁ ဦးနှင့် ဒုတိယ ခေါင်းဆောင် ၁ ဦးတို့ကို ရွေးချယ်၍ ကော်မရှင်ထံသို့ နိုင်ငံရေးပါတီအဖြစ် မှတ်ပုံတင်ပေးပါရန် လျှောက်ထားရမည်ဟု သိရသည်။ ဇိုမီးအမျိုးသားပါတီသည် နိုင်ငံရေးပါတီ တည်ထောင်ခွင့်ကို စစ်ကောင်စီ လက်အောက်ခံ ပြည်ထောင်စု ရွေးကောက်ပွဲ ကော်မရှင်ထံ ဧပြီလ ၃၀ ရက်က လျှောက်ထားသည်ဟု သိရသည်။…
(004SS) အိန္ဒိယနိုင်ငံ၊ နယူးဒေလီမြို့တွင် ခိုလှုံနေထိုင်ကြသော ရိုဟင်ဂျာခရစ်ယာန်ဒုက္ခသည်များ၏ ကိုယ်ရေးအချက် အလက် များကို ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR India) ရုံးက အိန္ဒိယအစိုးရထံ ပေးအပ်ခဲ့ခြင်း ကြောင့် ကြီးမားသော ဘေးအန္တရာယ်နှင့် ရင်ဆိုင်နေကြရပါသည်ဟု India for Myanmar က ယနေ့ထုတ်ပြန်သည်။ ယင်းအခြေအနေကြောင့် အကျိုးဆက်အနေဖြင့် မေလ (၆) ရက်နေ့မှစတင်ကာ အိန္ဒိယနိုင်ငံ၏ FRRO တာဝန်ရှိသူ များနှင့် နယူးဒေလီရဲတပ်ဖွဲ့တို့က ရိုဟင်ဂျာခရစ်ယာန်ဒုက္ခသည်များ၏ နေအိမ်များသို့ အဓမ္မဝင်ရောက်ဖမ်းဆီးမှုများ ပြုလုပ်လျက်ရှိရာ ဒုက္ခသည်အများအပြားမှာ မိမိတို့နေအိမ်သို့မပြန်နိုင်ဘဲ ဘေးလွတ်ရာသို့ ပုန်းအောင်းနေထိုင်နေ ကြရသည့် အလွန်ဆိုးရွားသော အခြေအနေသို့ ရောက်ရှိနေသည်ဟု India for Myanmar က ဆိုသည်။ ထို့အပြင် ရိုဟင်ဂျာခရစ်ယာန် (၁၅) ဦး အပါအဝင် ဒုက္ခသည် (၄၀) ဦးအား မြန်မာနိုင်ငံသို့ အဓမ္မပြန်ပို့ခဲ့ပြီး ယနေ့တိုင် မိသားစုဝင်များနှင့် အဆက်အသွယ်ပြတ်တောက်ကာ အသက်အန္တရာယ် စိုးရိမ်နေရသည်ဟု ဖော်ပြထားသည်။ ဤကဲ့သို့ လူသားမဆန်သော ဖိနှိပ်မှုများကြားမှ ဒုက္ခသည်များနှင့် တစ်သားတည်းရပ်တည်လျက်၊ India for Myanmar အဖွဲ့သည် စာနာမှုပြသသည့်အနေဖြင့် ဒုက္ခရောက်နေသော ရိုဟင်ဂျာခရစ်ယာန် မိသားစု (၃၄) စုအတွက် အိန္ဒိယရူပီး ၅၄၀၀၀ တိတိကို ရိုဟင်ဂျာအသိုင်းအဝိုင်းခေါင်းဆောင်မှတစ်ဆင့် ကူညီထောက်ပံ့ပေးခဲ့သည်ဟု သိရသည်။ လက်ရှိ ရိုဟင်ဂျာဒုက္ခသည်များ ကြုံတွေ့နေရသော အခြေအနေသည် အိန္ဒိယရှိ မြန်မာနိုင်ငံသားအားလုံးအတွက် အချိန်မရွေး ကျရောက်လာနိုင်သည့် အန္တရာယ်ဖြစ်သည်ကို အလေးအနက် သတိပြုစေလိုသည်ဟု…
(006SV) ချင်းပြည်နယ်မြောက်ပိုင်း၊ တီးတိန်မြို့နယ်၊ ခိုင်ကမ်းမြို့ နှင့် သိုင်းငင်းကျေးရွာအနီးဝန်းကျင်ကို စစ်ကောင်စီသည် လေကြောင်းတိုက်ခိုက်မှုများ ၂ ရက်ဆက် ပြုလုပ်ခဲ့ပြီး အရပ်သားပြည်သူ ထိခိုက်သေဆုံးမှုများ ရှိနေသည်ဟု ဒေသခံများထံမှ သိရသည်။ ဇွန်လ ၂၂ ရက် ညနေ ၄ နာရီ ဝန်းကျင်က ခိုင်ကမ်းမြို့က ခိုင်ကမ်းဆင်စခန်းအနီးကို လေကြောင်းမှ ၁ ကြိမ်ဗုံးကြဲတိုက်ခိုက်ခဲ့ရာ အရပ်သား ပြည်သူ ၁ ဦး သေဆုံးပြီး ထိခိုက်ဒဏ်ရာ ရရှိသူ ၁ ဦးလည်း ရှိခဲ့သည်ဟု သိရသည်။ ယမန်နေ့ ဇွန်လ ၂၃ ရက်ကလည်း တီးတိန်မြို့နယ်၊ သိုင်းငင်းရွာနှင့် တီးတိန်မြို့ကြားက အဓိက လမ်းမကြီးပေါ်ရှိ လေထန်ကုန်း ကြားစခန်းကို စစ်ကောင်စီသည် လေကြောင်းတိုက်ခိုက်မှု ၂ ကြိမ် ပြုလုပ်ခဲ့သည်ဟု သိရသည်။“ဟိုတနေ့က ကလေးမြို့ ဒကစကနေ တီးတိန်မြို့ ပတ်လမ်းလို့ ပြောရမလား၊ ဆင်စခန်းကို လေယာဉ်နဲ့ တခါလာပြီး ဗုံးကြဲတယ်။ အပြစ်မဲ့ ပြည်သူ တစ်ဦးတော့ သေဆုံးသွားတယ်။ ပြီးတော့ ကလေးနဲ့ တီးတိန်ကြားမှာ ရှိတဲ့ လေထန်ကုန်ကို လေယာဉ်နဲ့ ဗုံးကြဲတယ်။ အဲဒါ အထိအခိုက်အသေအပျောက်တော့ မကြားရသေးဘူး” ဟု ခိုင်ကမ်းမြို့မှ ဒေသခံတဦးက ပြောသည်။ ခိုင်ကမ်းဆင်စခန်းသည် ခိုင်ကမ်းမြို့အနီးနှင့် တီးတိန်မြို့ကြားတွင် တည်ရှိပြီး ကလေး- တီးတိန်လမ်းကို စစ်ရေးအခြေ အနေကြောင့် သွားလာခွင့် ပိတ်ထားသည့်အတွက် ဒေသခံများက ပတ်လမ်းတခုအနေဖြင့် အသုံးပြုသည်ဟု သိရသည်။ လေထန်ကုန်းသည် ကလေး-တီးတိန် ကားလမ်းမပေါ်က…
(005MK) မီဇိုရမ်ပြည်နယ် ကျန်ဖိုင်းမြို့မှာ စစ်ဘေးရှောင်အဖြစ်နေထိုင်သော မြန်မာစစ်ဘေးရှောင် ၂ ဦးသည် မူးယစ်ရမ်းကားပြီး ရပ်ကွက်ထဲမှာ ပြသနာရှာသည့်အတွက် မြန်မာနိုင်ငံသို့ပြန်သွားရန် မီဇိုးလူငယ်အသင်း (YMA) က မောင်းထုတ်လိုက် သည်ဟု သိရသည်။ နယူးကျန်ဖိုင်း ရပ်ကွက်တွင်နေထိုင်သူ Lalhmachhuana နဲ့ Mangkarthanga တို့ ၂ ဦးသည် ဇွန်လ ၂၂ ရက်ညက အရက်မူးပြီး ပြသနာရှာသည့်အပြင် လက်နက်ကိရိယာတစ်ခုခုဖြင့် ခြိမ်းခြောက်မှုများလည်း ပြုလုပ်သည့်အတွက် ဇွန်လ ၂၈ ရက်နေ့မတိုင်ခင် ရပ်ကွက်မှထွက်ခွါ၍ မြန်မာနိုင်ငံသို့ပြန်သွားရန် အသိပေးထားကြောင်း နယူးကျန်ဖိုင်း YMA က ထုတ်ပြန်သည်။ ပြီးခဲ့သည့် ဇွန်လ ၁၅ ရက်နေ့ကလည်း စစ်ဘေးရှောင်တစ်ဦး Pu Vum Deih Lian သည် မူးယစ်ရမ်းကား ပြသနာရှာ လေ့ရှိသည့်အပြင် လက်နက်ကိရိယာတစ်ခုခုဖြင့် ခြိမ်းခြောက်မှုများလည်း ပြုလုပ်လေ့ရှိသည့်အတွက် ဇွန်လ ၁၈ ရက်နေ့မတိုင်ခင် မြန်မာနိုင်ငံသို့ပြန်သွားရန် နယူးကျန်ဖိုင်း YMA က နှင်ထုတ်ခဲ့ပြီးဖြစ်သည်။ အလားတူ မေလတုန်းကလည်း မီဇိုရမ်ပြည်နယ် ကျန်ဖိုင်းခရိုင်တွင် မူးယစ်ဆေးဝါးကြောင့် ဖမ်းဆီးခံရသူ စစ်ဘေးရှောင် ၄ ဦးနှင့် ၎င်းတို့၏ မိသားစုဝင်များအားလုံးကို မီဇိုးလူငယ်အသင်း YMA က ရပ်ကွက်ထဲ နေခွင့်မပြုတော့ဘဲ မြန်မာနိုင်ငံကိုပြန်ရန် နှင်ထုတ်ခဲ့ပြီးဖြစ်သည်။
ချင်းအမျိုးသားတပ်ဦး CNF ဗဟိုကော်မတီဝင် ဗိုလ်မှူးကြီး Biak Ling ကွယ်လွန်မှုအပေါ် ကချင်လွတ်မြောက်ရေးအဖွဲ့ KIO က ဝမ်းနည်းကြောင်း သဝဏ်လွှာပေးပို့ကြောင်း သိရသည်။ မပြီးဆုံးသေးသော တော်လှန်ရေးခရီးစဉ်အတွင်း ဝါရင့်တော်လှန်ရေးခေါင်းဆောင်တစ်ဦးဖြစ်သော ဗိုလ်မှူးကြီး Biak Ling ကွယ်လွန်ခြင်းသည် ချင်းအမျိုးသားတပ်ဦး CNF အတွက် ဆုံးရှုံးမှုကြီးတရပ်ဖြစ်သကဲ့သို့ KIO မှလည်း တန်ဖိုးရှိသော ခေါင်းဆောင်တပ်မှူးတစ်ဦး ဆုံးရှုံးရခြင်းအဖြစ် အလေးအနက်ခံယူပြီး ဦးညွှတ်ဂုဏ်ပြုကြောင်း ယနေ့ဇွန်လ ၂၃ ရက်နေ့တွင် KIO ဗဟိုကော်မတီက ပေးပို့သော သဝဏ်လွှာတွင်ဖော်ပြထား သည်။ ဗိုလ်မှူးကြီး Biak Ling သည် အရေးကြီးသောတော်လှန်ရေးတာဝန်များကို ဦးထိပ်ထား ကာ ကိုယ်ကျိုးစွန့်အနစ်နာခံ ကြိုးစားသွားခဲ့ခြင်းအပေါ် KIO ဗဟိုကော်မတီနှင့်တကွ KIO တပ်ဖွဲ့ဝင်များက လေးစားဂုဏ်ယူ ဂါရဝပြုအပ်ကြောင်း ဖော်ပြသည်။ အသက် ၆၂ နှစ်အရွယ်ရှိသော ဗိုလ်မှူးကြီး Biak Liang ကွယ်လွန်သွားမှုအပေါ် KIO ဗဟိုကော်မတီအနေဖြင့် ဝမ်းနည်းကြေကွဲနှမြောတသဖြစ်ရပြီး ကျစ်ရစ်သူမိသားစုဝင်များနှင့် ချင်းအမျိုးသားတပ်ဦး CNF မှ တပ်ဗိုလ်တပ်မှူးများ၊ တပ်ဖွဲ့ဝင်များနှင့်အတူ ထပ်တူထပ်မျှခံစားရကြောင်း KIO က ဆိုသည်။ ဗိုလ်မှူးကြီး Biak Ling သည် ချင်းအမျိုးသားတပ်ဦး CNF/CNA စတင်တည်ထောင်ချိန်ကစ၍ ပါဝင်ခဲ့သူတစ်ဦး ဖြစ်ပြီး ကချင်လွတ်လပ်ရေးအဖွဲ့ KIO/KIA တပ်ဖွဲ့ထံ စစ်သင်တန်းတက်ရောက်ကာ ချင်းအမျိုးသားတပ်ဦး CNF/CNA တွင် တိုင်းပြည်နှင့်လူမျိုးအတွက် ကွယ်လွန်ချိန်အထိ တာဝန်ထမ်းဆောင်ခဲ့သူဖြစ်သည်။ ဗိုလ်မှူးကြီး Biak Ling သည် ကျန်းမာရေးအခြေအနေကြောင့် မီဇိုရမ်ပြည်နယ်…
(005MK) မီဇိုရမ်ပြည်နယ်တွင် ဝင်ရောက်ခိုလုံနေကြသော မြန်မာနိုင်ငံက စစ်ဘေးရှောင်များ၏ ဇီဝသွင်ပြင်အချက်အလက် မှတ်တမ်းကောက်ယူမည့်အစီစဉ်ကို မကြာခင် စတင်နိုင်ဖွယ်ရှိသည်ဟု သိရသည်။ မီဇိုရမ်ပြည်နယ် ပြည်ထဲရေးဝန်ကြီးဌာန၏ ပြောဆိုချက်အရ ဗဟိုအစိုးရဘက်က National Informatics Centre (NIC) မှ ကျွမ်းကျင်ပညာရှင်များသည် မီဇိုရမ်ပြည်နယ်သို့လာရောက်ပြီး ဇီဝသွင်ပြင်အချက်အလက်ကောက်ယူကြမည့် ဌာနဆိုင်ရာတာဝန်ရှိသူများကို ဇွန်လ ၂၀ ရက်နေ့က သင်တန်းပို့ချခဲ့သည်ဟု All India Radio News ကဖော်ပြပါသည်။ မီဇိုရမ်ပြည်အတွင်း ခရိုင်အသီးသီးရှိ စစ်ဘေးရှောင်များ၏ ဇီဝအချက်အလက်များကို Biometric Enrolment မည်ကဲ့ သို့ဆောင်ရွက်ရမည်ကို သင်တန်းပို့ချခဲ့သည်ဟု ဖော်ပြသည်။ ယခုကိစ္စနဲ့ပတ်သက်၍ မီဇိုရမ်ပြည်ထဲ ရေးဝန်ကြီးဌာနနှင့် အိန္ဒိယဗဟိုအစိုးရ ပြည်ထဲရေးဝန်ကြီးဌာနက တာဝန်ရှိသူ များသည် ပြီးခဲ့သည့် မေလ ၁၆ ရက်နေ့က အွန်လိုင်းကတဆင့် တွေ့ဆုံဆွေးနွေးခဲ့ကြပြီးဖြစ်သည်။ ထိုကဲ့သို့တွေ့ဆုံကြပြီးနောက် National Informatics Centre(NIC) ကျွမ်းကျင်ပညာရှင်များက ဇီဝသွင်ပြင်အချက် အလက်ကောက်ယူရာတွင် အသုံးပြုမည့် Biometric Enrolment Portal ကိုလည်း တစ်လအတွင်း အပြီးသတ်ပြင်ဆင်ခဲ့ကြသည်ဟု သိရသည်။ အိန္ဒိယဗဟိုအစိုးရသည် မြန်မာစစ်ဘေးရှောင်များအား ဇီဝသွင်ပြင်အချက် အလက်ကောက်ယူရေးကို ယခင် မီဇိုရမ်အစိုးရလက်ထက်ကတည်းက လုပ်ဆောင်ရန် စီစဉ်ခဲ့သော်လည်း ပူးဇိုးရမ်းထန်းငါဦးဆောင်တဲ့ Mizo National Front (MNF) အစိုးရက ကန့်ကွက်ခဲ့သည်။ မီဇိုရမ်ပြည်နယ်တွင် ဝန်ကြီးချုပ် ပူးလာလ်ဒိုအောမ်မာ ဦးဆောင်သော Zoram People Movement (ZPM) အစိုးရ တက်လာသည့်နောက်ပိုင်းတွင် ထိုအစီစဉ်ကို ပြန်လည်စတင်ရန်ဆောင်ရွက်ခဲ့ပြီး ဇီဝသွင်ပြင် အချက်အလက်များကောက်ရန် အသုံးပြုမည့်…
(004SS) ယနေ့ ဇွန်လ ၂၀ ရက်နေ့တွင် ကျရောက်သော ကမ္ဘာ့ဒုက္ခသည်များနေ့တွင် နယူးဒေလီမြို့ရှိ မြန်မာနိုင်ငံသားများက ၎င်းတို့၏ ရသင့်ရထိုက်သော ဒုက္ခသည်အခွင့်အရေးများကို တောင်းဆိုကာ ဆန္ဒဖော်ထုတ်ခဲ့ကြသည်။ မြန်မာနိုင်ငံမှာ စစ်တပ်အာဏာသိမ်းပြီးနောက် လူ့အသက်၊ အိုးအိမ်စည်းစိမ်များ ပျက်ဆီးဆုံးရှုံးခဲ့ရပြီးမှ အသက်ဘေး အန္တရာယ်မှ လုံခြုံမှုရရှိရေးအတွက် UNHCR ထံ ခိုလုံလာကြသော်လည်း ဒုက္ခသည်အဖြစ် သတ်မှတ်မခံရသည့်အပေါ် ဆန္ဒထုတ်ဖော်ရခြင်းဖြစ်သည်ဟု ချင်းဒုက္ခသည်ကော်မတီ CRC ဥက္ကဌ ဆရာမ စုထွေးအောင်ကပြောသည်။ “ကျွန်မတို့ ၂၀၂၁ အာဏာသိမ်းပြီးနောက်ပိုင်းမှာ လူတွေရဲ့ အသက် အိုးအိမ်စည်းစိမ်ဥစ္စာတွေ ပျက်ဆီးဆုံးရှုံးကြရတယ်။ ဒါကြောင့်ပဲ ကျွန်မတို့ အသက်ရှင်ဖို့အတွက်နဲ့ ရေခြားမြေခြားမှာ ဒုက္ခပေါင်းစုံရင်ဆိုင်ပြီး လာနေကြရတာဖြစ်ပါတယ်။ ဒါပေမဲ့ ၂၀၂၁ နောက်ပိုင်းရောက်လာတဲ့ သူတွေကို UNHCR က ဒုက္ခသည်အဖြစ် လုံးဝမသတ်မှတ်ထားပါဘူး။ ဒီထဲမှာ ကျွန်မ အပါအဝင်ဖြစ်ပါတယ်။ ဆိုတော့ ဒီနေ့ ကျွန်မတို့တောင်းဆိုချင်တဲ့ အချက်က တစ်ချက်တည်းပဲ ဖြစ်ပါတယ်။ အဲဒါက ဒီမှာရောက်တဲ့ မြန်မာနိုင်ငံသားအားလုံးကို ဒုက္ခသည်အဖြစ် UNHCR က သတ်မှတ်ပေးဖို့ အားလုံး တစ်ညီ တစ်ညွှတ်တည်း တောင်းဆိုသွားမှာ ဖြစ်ပါတယ်။ UNHCR ရှိလို့သာ ကျွန်မတို့ ဒီကို ရောက်လာတာဖြစ်ပါတယ်။ သူတို့သာ Protection မပေးဘူးဆိုရင် ကျွန်မတို့က ဒီမှာ ဘာလုံခြုံမှုမှ ရှိမှာမဟုတ်ပါဘူး” ဟု ဆရာမ စုထွေးအောင်က ပြောသည်။ ယနေ့ဆန္ဒထုတ်ဖော်ပွဲ ချင်းဒုက္ခသည်ကော်မတီ – နယူးဒေလီ (CRC) က ဦးဆောင်ပြုလုပ်ခြင်းဖြစ်ပြီး နယူးဒေလီမြို့၊ ဂျန်တားမန်တား…
(005MK) မီဇိုရမ်ပြည်နယ်က မြန်မာစစ်ဘေးရှောင်ဦးဆောင်သူများကို ဗဟိုမီဇိုးလူငယ်အသင်း (CYMA) က ယနေ့ခေါ်ယူတွေ့ဆုံ ပြီး စစ်ရှောင်အခြေအနေနှင့်ပတ် သက်၍ ဆွေးနွေးပြောဆိုခဲ့ကြသည်ဟု သိရသည်။ ပြည်နယ်၏ မြို့တော် အိုင်ဇောလ်မြို့ Central YMA ရုံးခန်းမတွင် ယနေ့မွန်းလွဲပိုင်း ၂ နာရီမှာ တွေ့ဆုံခဲ့ကြပြီး စစ်ဘေး ရှောင်များအတွက် သိသင့်သိထိုက်သောအကြောင်းအရာများကို ပြောဆိုခဲ့ကြသည်ဟု မီဇိုရမ်ဒေသတွင်းသတင်း မှာဖော်ပြထားသည်။ ယခုလက်ရှိ မီဇိုရမ်ပြည်နယ်တွင် မြန်မာနိုင်ငံက စစ်ဘေးရှောင်လူဦးရေ ၂၇၇၅၁ ဦးရှိပြီး ရပ်ကွက်၊ ကျေးရွာ အလိုက် ထုတ်ပြန်သော စည်းကမ်းသတ်မှတ်ချက်များ နှင့် အစိုးရကထုတ်ပြန်သော အမိန့်များကိုလည်း စစ်ဘေးရှောင်များ အနေဖြင့် လေးစားလိုက်နာပေးကြရန် CYMA အတွင်းရေးမှူး Prof. Malsawmliana က ပြောဆိုခဲ့သည်။ မူးယစ်ဆေးဝါးရောင်းဝယ်ဖောက်ကားမှု နှင့် ဒုစရိုက်လုပ်ငန်းများတွင်ပါဝင်ပတ်သက်သော စစ်ဘေးရှောင်များအား သက်ညှာခြင်းရှိမည်မဟုတ်ကြောင်း၊ ဥပဒေကြောင်းအရ ထိုက်သင့်သောပြစ်ဒဏ်များကျခံစေရန် အရေးယူဆောင်ရွက် သွားမည်ဟု CYMA အတွင်းရေးမှူးကသတိပေးသည်။ ထို့အပြင် အိန္ဒိယနိုင်ငံသားများသာ ပိုင်ဆိုင်ခွင့်ရှိသော Adhaar Card, EPIC, Driving Licence စသည့် နိုင်ငံသား အထောက်အထားများအား ပိုင်ဆိုင်ရန်ကြိုးစားဆောင်ရွက်မှုများမပြုလုပ်ကြရန်လည်း မှာကြားခဲ့ပြီး၊ အစိုးရက ထုတ်ပေးသော စစ်ဘေးရှောင်သက်သေခံ ယာယီကတ်ပြားများကိုလည်း အကုန်ပြုလုပ်ကြရန် ပြောဆိုခဲ့သည်။ စစ်ဘေးရှောင်များသည် မိမိတို့၏ ညီအကိုများဖြစ်ကြသည့်နည်းတူ အခက် အခဲနှင့် အကူအညီများလိုအပ်သည့် အခါမျိုးတွင် CYMA က ဆက်လက်ကူညီထောက်ပံ့ပေးမည်ဖြစ်ကြောင်း၊ စစ်ဘေးရှောင်များအား လစ်လျူရှုထားမည်မဟုတ်ကြောင်းလည်း အတွင်းရေးမှူးကပြောဆိုသည်။ ယနေ့တွေ့ဆုံမှုတွင် မီဇိုရမ်ပြည်နယ် စစ်ဘေးရှောင်စခန်းအသီးသီးက တာဝန်ရှိသူများ၊ စစ်ဘေးရှောင်ကူညီရေးအဖွဲ့မှ တာဝန်ရှိသူများ၊…
ကောင်စီမှာ ဒေသနှင့် မြို့နယ်ကိုယ်စားလှယ်ပါဝင်မှုလည်း အပြောင်းအလဲပြုလုပ် (006SV) ချင်းတော်လှန်ရေးအင်အားစုများ စည်းလုံးညီညွတ်ရေးကို လိုချင်သည့်အတွက် ချင်းပြည်မှာ အမြင့်ဆုံး နိုင်ငံရေးဦးဆောင်အဖွဲ့ဖြစ်သည့် ချင်းပြည်ကောင်စီတွင် ချင်းအမျိုးသားတပ်ဦး CNF က ကိုယ်စားလှယ် ပါဝင်မှုကို ထက်ဝက်နီးပါး လျော့ချပေးသည်ဟု သိရသည်။ ဇွန်လ ၁၀ ရက်နှင့် ၁၁ ရက်မှာ ချင်းလုံမြို့တွင် ချင်းပြည်ကောင်စီ ဦးဆောင်အဖွဲ့၏ အစည်းအဝေးတွင် အစုအဖွဲ့ ၃ ခုမှ ကိုယ်စား လှယ်များ တက်ရောက်ပြီး ချင်းပြည်ဖွဲ့စည်းပုံ အခြေခံဥပဒေ (၂၀၂၃) ကို ပြင်ဆင်ဖြည့်စွက်မှုများ ပြုလုပ်၍ ဆောင်ရွက်နိုင်ခြင်း ဖြစ်သည်။ “ပုဒ်မ ၂၆ က အရင်တုန်းက ကြည့်မယ်ဆိုရင် အစမှာ ဦးရေကို ၁၄၀ နဲ့ ကန့်သတ်လိုက်တယ်။ ကောင်စီဝင် ဦးရေ အားလုံးကို ၁၄၀ နဲ့ ကန့်သတ်လိုက်ပြီးတော့မှ လွှတ်တော်အမတ်တွေကို ၂၇ ယောက်၊ CNF EAO လည်း ၂၇ ယောက် ၊ မြို့နယ်နဲ့ဒေသ ၈၆ ဆိုပြီး ကိန်းကို အရှင်မထားပဲနဲ့ အသေထားလိုက်တာပေါ့နော်။ အဲတော့ ဒီနေရာမှာ CNF EAO တွေရဲ့ ပါဝင်မှုက များလွန်အားကြီးတယ် ဆိုပြီး ပြောကြတယ်။ ဆိုတော့ အဲဒါကို လူပြောများလာတဲ့အခါကြတော့ ဒါဆိုရင် ပြင်ရမယ်ဆိုပြီးမှ EAO ဖြစ်တဲ့ CNF ကို ကျနော်တို့က ကောင်းကောင်း ပြောတယ်။ ဘာပဲ ဖြစ်ဖြစ် ၁၅ ဦးအထိ လျော့ချလိုက်တာ…