Author: Editor

မြို့နယ်တခုလုံးရှိ တော်လှန်ရေးအဖွဲ့များ စုစည်း၍ မတူပီကောင်စီ ဖော်ဆောင်မည်ဟု Global Matu Supporting Committee ထုတ်ပြန် (006SV) မတူပီမြို့ကို စစ်ကောင်စီ လက်အောက် ပြန်လည်မရောက်ရှိစေရန် အဖက်ဖက်မှ အားသွန်ခွန်စိုက် ကြိုးပမ်းနေပြီး CDF – မတူပီ ကိုလည်း လုံခြုံရေးနှင့် ကာကွယ်ရေးအင်အား တိုးမြှင့်ဆောင်ရွက်နေသည်ဟု သိရသည်။ မတူပီမြို့သိမ်း ၁ နှစ်ပြည့်တွင် မတူပီတော်လှန်ရေးအဖွဲ့ချုပ် (MRO) နှင့် ချင်းကာကွယ်ရေးတပ်ဖွဲ့ (CDF- မတူပီ)တို့က ဇွန်လ ၂၉ ရက်က ထုတ်ပြန်သည်။ မတူပီမြို့ကို စစ်ကောင်စီ လက်အောက် ပြန်လည် မရောက်ရှိစေရန် အဖက်ဖက်မှ အားသွန်ခွန်စိုက် ကြိုးပမ်းနေကြသော တပ်ပေါင်းစုများ၊ ပြည်တွင်းပြည်ပရောက် ပြည်သူများအပေါ် အထူးကျေးဇူးတင်ရှိသည်ဟု MRO/ CDF – မတူပီအဖွဲ့က အသိပေးသည်။ လက်ရှိတွင် MRO/ CDF – မတူပီအနေဖြင့်လည်း လုံခြုံရေးနှင့် ကာကွယ်ရေး အင်အားတိုးမြှင့်ဆောင်ရွက်ခြင်း၊ မြို့ ရွာ ပြန်လည်တည်ဆောက်ခြင်းတို့ကို အင်တိုက်အားတိုက် ဆောင်ရွက်နေသည့်ကာလဖြစ်သည်ဟု သိရသည်။ မြို့သိမ်းတိုက်ပွဲ အောင်မြင်ပြီးနောက်ပိုင်း မြို့ပြန်လည်တည်ဆောက်ရေး၊ မိုင်းရှင်းလင်းရေး၊ ပြည်သူများ ပြန်လည်အခြေချနေထိုင်နိုင်ရေး၊ ပြည်သူများ၏ အခြေခံလိုအပ်ချက်များ ဖြည့်တင်းနိုင်ရေးတို့ကိုလည်း ဆောင်ရွက်နေသည်ဟု သိရသည်။ ချင်းညီနောင်စစ်ဆင်ရေး – မတူပီ အမည်ဖြင့် မတူပီမြို့ရှိ စစ်ကောင်စီအခြေချ စစ်ဗျူဟာ၊ ခလရ – ၁၄၀ နှင့် ခမရ – ၃၀၄ တို့ကို ချင်းညီနောင်နှင့် မဟာမိတ်တပ်ပေါင်းစုက ၂၀၂၄ ခုနှစ်…

(004SS) ဇွန်လ ၂၀ ရက်နေ့မှာ ကျရောက်တဲ့ ကမ္ဘာ့ဒုက္ခသည်များနေ့မှာ နယူးဒေလီမြို့က ချင်းဒုက္ခသည်ကော်မတီ (CRC) ရဲ့ ဦးဆောင်မှုဖြင့် ဒုက္ခသည်အခွင့်အရေးရရှိရေး ဆန္ဒဖော်ထုတ်ပွဲ ပြုလုပ်ခဲ့ကြပါတယ်။ အဲဒီဆန္ဒဖော်ထုတ်မှုမှာ ၂၀၂၁ ခုနှစ် စစ်အာဏာသိမ်းပြီးနောက် အိန္ဒိယနိုင်ငံကို ထွက်ပြေးလာကြတဲ့ မြန်မာနိုင်ငံသားတွေကို ဒုက္ခသည်အဖြစ် အသိအမှတ်ပြုရေးအတွက် ကုလသမဂ္ဂ ဒုက္ခသည်များဆိုင်ရာမဟာမင်းကြီးရုံး UNHCR ထံ အဓိက တောင်းဆိုခဲ့ကြပါတယ်။ နယူးဒေလီမြို့မှာ ခိုလုံနေကြတဲ့ မြန်မာစစ်ဘေးရှောင်အများစုကို UNHCR ကဒုက္ခသည်အဖြစ် အသိအမှတ်မပြုတာကြောင့် ဒုက္ခသည်အခွင့်အရေးများ ဆုံးရှုံးနေကြရတယ်လို့ သိရပါတယ်။ နယူးဒေလီမြို့က မြန်မာဒုက္ခသည်တွေရဲ့ အခြေအနေနဲ့ပတ်သက်ပြီး ချင်းဒုက္ခ သည်ကော်မတီ၊ နယူးဒေလီ (CRC) ဥက္ကဋ္ဌ Ma Su Htwe Awng ကို ခိုနူမ်းသုန်သတင်းဌာနက ဆက်သွယ်မေးမြန်းထားပါတယ်။မေး။ ဇွန်လ ၂၀ ရက်နေ့ကကျရောက်တဲ့ ကမ္ဘာ့ဒုက္ခသည်များနေ့မှာ ချင်းဒုက္ခသည်ကော်မတီရဲ့ ဦးဆောင်မှုနဲ့ နယူးဒေလီမှာ ဆန္ဒဖော်ထုတ်ခဲ့ကြတာတွေ့ရပါတယ်။ ဘယ်လိုကြောင့် ခုလိုဆန္ဒဖော်ထုတ်ရတာပါလဲ? ဖြေ။ ဟုတ်ကဲ့၊ ကျွန်မတို့ ကမ္ဘာ့ဒုက္ခသည်များနေ့မှာ ဆန္ဒထုတ်ဖော်ပွဲ ပြုလုပ်လိုက်တာပေါ့နော်၊ ဒုက္ခသည်တွေအားလုံးရဲ့ စိတ်ထဲမှာ ဒီနေ့ဟာ ကိုယ့်နေ့ ဆိုတဲ့ဟာကို ကောင်းကောင်းသိစေချင်တယ်။ နောက်တစ်ခု အရေးကြီးဆုံးအချက်က ပုံမှန် လုပ်တာကတော့ ကမ္ဘာ့ဒုက္ခသည်များနေ့မှာ ဒီလိုပဲ ပျော်ပွဲရွှင်ပွဲလုပ်ပြီး‌တော့ ပြီးသွားလေ့ရှိတယ်။ ဒါပေမဲ့ ဒီနှစ်တော့ ကမ္ဘာ့ဒုက္ခသည်များနေ့ရဲ့ အနှစ်သာရလဲရှိစေချင်တယ်။ ပြီးတော့ ကျွန်မတို့ မြန်မာနိုင်ငံက ၂၀၂၁ အာဏာသိမ်းပြီး နောက်ပိုင်းမှာ ပြည်သူတွေက ကိုယ့်ရဲ့အသက်ဘေးကနေလွတ်ဖို့ ကိုယ်နဲ့ အနီးဆုံးဖြစ်တဲ့ အိန္ဒိယနိုင်ငံမှာ လာရောက် ခိုလုံကြတယ်။…

ချင်းပြည်ကောင်စီ ဒုတိယ ဥက္ကဌ Salai Bawi Kung နှင့် ဆက်သွယ်မေးမြန်းချက (006SV) ချင်းလဲန်းကောင်စီဟာ ချင်းလဲန်းဖွဲ့စည်းပုံအခြေခံဥပဒေ ၂၀၂၃ အရ ချင်းပြည်အစိုးရ၊ လွှတ်တော်၊ တရားစီရင်ရေးစတဲ့ မဏ္ဍိုင် ၃ ရပ်ကို လည်ပတ်နေတာ ၁ နှစ်ခွဲကျော်လာပြီဖြစ်ပါတယ်။ ဒီမဏ္ဍိုင် ၃ ရပ်ရဲ့ အခြေအနေက ဘယ်လောက်အတိုင်းအတာထိ ခရီးရောက်နေပါသလဲ။ မကြာသေးခင်ရက်ပိုင်းကလည်း ချင်းလဲန်းကောင်စီဟာ ချင်းလဲန်းဖွဲ့စည်းပုံအခြေခံဥပဒေ ၂၀၂၃ ရဲ့ အရေးပါတဲ့ ပုဒ်မတချို့ကို ပြုပြင် ပြောင်းလဲပြီး ချင်းတော်လှန် ရေးအင်အားစု ကြားက နှစ်ဖွဲ့ကွဲနေတဲ့ ICNCC/CB တို့နဲ့လည်း ပြန်လည်ပေါင်း စည်းနိုင်ရေးအတွက် ချင်းအမျိုး သားကောင်စီ ဖွဲ့စည်းနိုင်ရေး ခြေလှမ်းစတင်လာနေပါတယ်။ ဒါတွေနဲ့အတူ ချင်းလဲန်းကောင်စီရဲ့ ပလက်ဝအရေးကိစ္စ၊ CDM မူဝါဒအရေးကိစ္စတွေ ပေါ်မှာ ဘယ်လိုသဘောထား ရှိသလဲဆိုတာကို ချင်းလဲန်းကောင်စီ၊ ဒုတိယဥက္ကဌ Salai Bawi Kung ကို ဆက်သွယ်မေးမြန်းထားပါတယ်။ မေး – တော်လှန်ရေး ၄ နှစ်ကျော်ကာလနဲ့ ချင်းပြည်ကောင်စီ ဖွဲ့စည်း ထူထောင်ပြီး တနှစ်ကျော်အကြာမှာ ချင်းပြည်ကောင်စီဟာ လက်ရှိမှာ ဘာတွေ ဆောင်ရွက်နေပါသလဲခင်ဗျာ။ ဖြေ – ချင်းပြည်ကောင်စီက ချင်းလဲန်းဖွဲ့စည်းပုံအခြေခံဥပဒေ ၂၀၂၃ အရ ကောင်စီက မူဝါဒ ချမှတ်တယ်။ အစိုးရက အုပ်ချုပ်ရေးကို အကောင်အထည်ဖော်တယ်။ တရားလွှတ်တော်ချုပ်က တရားစီရင်ရေးကို ဆောင်ရွက်တယ်။ လွှတ်တော်ကတော့ ဥပဒေ ပြုတယ်။ ကျနော်တို့ ကောင်စီက မူဝါဒနဲ့ လမ်းညွှန်ချက်ပေးတယ်။ မဏ္ဍိုင်ကြီး…

(002MG)စစ်ကိုင်းတိုင်း ကလေးမြို့မှာ စစ်ကောင်စီက စစ်မှုထမ်းရန်အတွက် လူငယ်များ ဖမ်းဆီးမှုဆက်ရှိနေပြီး ယခင်ထက် အဖမ်းအဆီးပိုကြမ်းလာသည့်အပြင် ငွေကြေးဖြင့် ပြန်ရွေးယူ၍မရတော့ကြောင်း သိရသည်။ ယခု ဇွန်လဆန်းပိုင်း ဒေါ်အောင်ဆန်းဆုကြည်မွေးနေ့မတိုင်ခင် ရက်ပိုင်းကတည်းက ကလေးမြို့ပေါ်တွင် အဖမ်းအဆီးပိုများခဲ့ပြီး တစ်ပတ်တစ်ပတ်ကို လူငယ်အယောက် ၃၀ ဝန်းကျင်ခန့် ဖမ်းဆီးခံရနေရသည်ဟု ကလေးမြို့က စစ်ကောင်စီအခြေအနေကို လေ့လာစောင့်ကြည့်နေသူတစ်ဦးက ပြောသည်။”ဒေါ်အောင်ဆန်းစုကြည်မွေးနေ့ မတိုင်ခင်ကတည်းက အဲ့နောက်ပိုင်းကနေ အဖမ်းအဆီးက တော်တော်ကြမ်းနေတာ။ ခြင်းလုံးဝိုင်းတွေလည်း ဝင်ဆွဲတယ် အဲ့လိုမျိုး တအား အဖမ်းအဆီးကတော့ ပိုကြမ်းတာပေါ့။ တပတ်အတွင်းမှာ (၃၀၊ ၄၀) လောက်ရှိတယ်။ သိတာတွေရော၊ မသိတာတွေလည်းရှိတယ်။ အဓိက, ကတော့ ရဲတွေလိုက်ဖမ်းတာ အိမ်စီးကားတွေနဲ့ လှည့်နေတာ ကား (၃၊ ၄) စီးလောက်နဲ့။ စုပေါင်းရုံးလို့ခေါ် တဲ့ အရှေ့ရဲစခန်းရုံးကို ပို့တယ်။ နောက် သူတို့ရဲ့စစ်တပ်စစ်ဆေးရုံ ကုတင် (၁၀၀) မှာ ဆေးစစ်ချက်တွေယူတယ်၊ မိသားစုဝင်ကနေ ပြန်ပြောပြတာက ဆေးကျအောင်လုပ်ပေးလို့ရတယ်၊ သိန်း (၂၀) ပေးရမယ်လို့ပြောတယ်။ ဒါတောင်မှ ဆေးစစ်ချက်ပဲရှိသေးတယ်။ ဆေးကျရင် ပြန်ရွေးရဖို့နဲ့ တခြားဟာတွေနဲ့ဆိုရင် ဆယ်ယောက်မှာ တစ်ယောက်လောက်တောင် ပြန်ရွေးရဖို့က မလွယ်ဘူး။ တချို့ဆိုရင် လေယာဉ်အခေါက်နဲ့ကြုံရင် တခါတည်းတန်းပို့ပစ်တာ၊ စစ်ကိုင်းတို့၊ တခြားမြို့တွေကို ပို့ပစ်တာ” ဟု ၎င်းကပြောသည်။ စစ်ကောင်စီတပ်ဖွဲ့ဝင်များသည် အိမ်စီးကားများဖြင့် ကလေးမြို့ရပ်ကွက်တွေထဲ လှည့်လည်ပြီး ကားဂိတ်၊ အလုပ်ရုံ၊ အရက်ဆိုင်၊ စားသောက်ဆိုင်များအထိ ဝင်ရောက်ဖမ်းဆီးမှုရှိသည်ဟု သိရသည်။ မေလကုန်ပိုင်းကလည်း တာဟန်းရပ်ကွက်တွင် နေထိုင်သူ လူလတ်ပိုင်းအမျိုးသားတဦးသည် အလုပ်ပြန်ချိန် စစ်ကောင်စီတပ်ဖွဲ့က…

ဆလိုင်းတင်မောင်ဦးသည် ၁၉၅၁ ခုနှစ်၊ ဇွန်လ (၁၁) ရက်နေ့တွင် ချင်းတိုင်းရင်း သားများဖြစ်ကြ‌သော အဖ ဦးလှဒင် (သံတွဲ-ရခိုင်ပြည်နယ်ဇာတိ) နှင့် အမိ ဒေါ်နှင်းမြိုင် (တောင်ကုတ်-ရခိုင်ပြည်နယ်ဇာတိ) တို့မှ တောင်ငူမြို့‌တွင်မွေးဖွား သော သား/သမီးများအနက် အကြီးဆုံး‌သားဖြစ်သည်။ ဆလိုင်းတင်မောင်ဦးသည် ငယ်စဉ်ကတည်းကပင် ရန်ကုန်မြို့ ဗိုလ်တထောင်မြို့နယ်တွင် အဒေါ်နှင့်အတူ နေထိုင်ကြီးပြင်လာခဲ့သူသည်။ ဆလိုင်းတင်မောင်ဦးသည် ၁၉၆၂ ခုနှစ် စစ်အာဏာသိမ်းချိန်တွင် အသက် (၁၁) နှစ်အရွယ်ရှိပြီဖြစ်ပြီး ၁၉၆၇ ခုနှစ် အသက် (၁၆) နှစ်တွင် အခြေခံပညာအထက်တန်းကျောင်းကို အောင်မြင်ခဲ့သည်။ ဆလိုင်းတင်မောင်ဦးသည် အားကစားရေးရာ၌ ထူးချွန်သည်သာမက အနုပညာ၌လည်း တယောကို ကောင်းစွာတီးတတ်သူတစ်ဦးဖြစ်သည်။ နိုင်ငံရေးလှုပ်ရှားမှုများ ဆလိုင်းတင်မောင်ဦးသည် ၁၉၆၉ ခုနစ် အသက် (၁၈) နှစ်တက္ကသိုလ် ကျောင်းသားဘဝ၊ နိုင်ငံရေးလှုပ်ရှားမှုများ၌ ဦးဆောင်ပါဝင်ခဲ့သူဖြစ်သည်။ ဆလိုင်းတင်မောင်ဦး၏ နိုင်ငံရေးလှုပ်ရှားမှုများမှာ ၁၉၆၉ ခုနှစ် ၅ ကြိမ်မြောက် အရှေ့တောင်အာရှကျွန်းဆွယ် အားကစားပွဲ‌ ကျောင်းသားလှုရှားမှု၊ ၁၉၇၀ ခုနှစ် ရန်ကုန်တက္ကသိုလ် ရွေရတုအရေး အခင်း ကျောင်းသားလှုပ်ရှားမှု၊ ၁၉၇၂ ခုနစ် ကျောင်းသား/အလုပ်သမားအရေးအခင်းလှုရှားမှု၊ ၁၉၇၂ ခုနှစ် အလုပ် သမားအရေးအခင်းလှုပ်ရှားမှု၊ ၁၉၇၃ ခုနစ် ဦးသန့်အရေးအခင်းလှုပ်ရှားမှု၊ ၁၉၇၆ ခုနှစ် မှိုင်းရာပြည့်အရေး အခင်း လှုပ်ရှားမှုများတွင် ရှေ့တန်းမှ ရွပ်ရွပ်ချွန်ချွန် တိုက်ပွဲဝင်ခဲ့သူဖြစ်သည်။ ၁၉၇၂ ရန်ကုန်တက္ကသိုလ် ရွေရတုအရေးအခင်း၊ ကျောင်းသားလှုပ်ရှားမှုတွင်လည်း တတ်ကြွစွာပါဝင်ခဲ့သည်။ ထိုလှုပ် ရှားမှုကြောင့် အဖမ်းခံခဲ့ရပြီး အင်းစိန်ထောင်တွင် ချုပ်နှောင်ခြင်းခံခဲ့ရသည်။ သို့ရာတွင်…

(006SV) စစ်ကိုင်းတိုင်းဖက်ဒရယ်ယူနစ်အတွင်း လိုက်နာကျင့်သုံးမည့် “ကြားကာလ ဖွဲ့စည်းပုံအခြေခံဥပဒေ” ကို စစ်ကိုင်းတိုင်း ဖက်ဒရယ်ယူနစ်လွှတ်တော်က အတည်ပြုပြဌာန်းလိုက်နိုင်ခြင်းကို အထူးဝမ်းမြောက်ဂုဏ်ယူကြောင်း ချင်းပြည် (Chinland) လွှတ်တော်က သဝဏ်လွှာပေးပို့သည်။ အခက်အခဲပေါင်းစုံ ရင်ဆိုင်ကြုံတွေ့နေရသည့် ကြားမှပင် စစ်ကိုင်းတိုင်းဖက်ဒရယ်ယူနစ် လွတ်တော်က “ကြားကာလ ဖွဲ့စည်းပုံ အခြေခံဥပဒေ” တတိယမူကြမ်းကို ပဥ္စမပုံမှန်အစည်းအဝေးတွင် အတည်ပြုနိုင်သည့်အတွက် ချင်းပြည်လွှတ်တော်က ဇွန်လ ၂၆ ရက်တွင် သဝဏ်လွှာပေးပို့ရာတွင် ပြောဆိုထားသည်။ စစ်ကိုင်းဖက်ဒရယ်ယူနစ်အတွင်း နေထိုင်ကြသော ပြည်သူလူထုသည် စစ်အာဏာရှင် တော်လှန်ရေးကာလအတွင်း အသက် အိုးအိမ်စည်းစမ် ဥစ္စာများ ထိခိုက်ပျက်စီး ဆုံးရှုံးမှု ကြီးမာစွာ ပေးဆပ်ပြီး တွေ့ကြုံရင်ဆိုင်နေကြသဖြင့် ထပ်တူခံစားရကြောင်း ချင်းပြည်လွှတ်တော်က ဆိုသည်။ စစ်ကိုင်းတိုင်းဖက်ဒရယ်ယူနစ် လွှတ်တော်၊ ပဥ္စမပုံမှန် အစည်းအဝေးသို့ တက်ရောက်ခဲ့ကြသော လွှတ်တော် ကိုယ်စားလှယ်များ၊ လွှတ်တော်မှ ဖိတ်ကြားထားသော ဧည့်သည်တော်များနှင့် စစ်ကိုင်းဖက်ဒရယ်ယူနစ်အတွင်း မှီတင်း နေထိုင်ကြသည့် ပြည်သူတစ်ရပ်လုံး ကိုယ်ရောစိတ်ပါ ကျန်းမာ ချမ်းသာပါစေကြောင်း သဝဏ်လွှာတွင် ဖော်ပြထားသည်။ စစ်ကိုင်းတိုင်းဖက်ဒရယ်ယူနစ်၏ ကြားကာလဖွဲ့စည်းပုံ အခြေခံဥပဒေကို စစ်ကိုင်းတိုင်းဖက်ဒရယ် ယူနစ်လွှတ်တော်က ဇွန်လ ၂၅ ရက် အတည်ပြုပြဌာန်းနိုင်ခဲ့သည်။ စစ်ကိုင်းတိုင်းဖက်ဒရယ် ယူနစ်အတွင်းရှိ ပြည်သူ့အကျိုးစီးပွားကို ရှေ့ရှုဖော်ဆောင်နိုင်မည့် လိုအပ်လျက်ရှိသော ဥပဒေပြုရေး၊ အုပ်ချုပ်ရေး၊ တရားစီရင်ရေး မဏ္ဍိုင်ကြီးများကို ပီပြင်စွာ ပေါ်ပေါ်လာစေရန် ရည်ရွယ် ဆောင်ရွက်သည်ဟု သိရသည်။ ယင်းအခြေခံဥပဒေပါ ပြဌာန်းများမှတစ်ဆင့် ကြားကာလပဋိပက္ခများ ပြေလျော့အောင် ကြိုးပမ်းနိုင်လိမ့်မည်ဟု ယုံကြည်ပြီး အနာဂါတ်တွင်လည်း ချောမွေ့သော အသွင်ကူးပြောင်းရေးတစ်ရပ် ပေါ်ပေါက်လာစေရန်အတွက် ကြားကာလအခြေခံဥပဒေကို…

(006SV) ချင်းပြည်နယ်တောင်ပိုင်း၊ မင်းတပ်မြို့နယ်တွင် ကျင့်သုံးမည့် သစ်တောမူဝါဒ (မူကြမ်း) ကို ရေးဆွဲနေပြီး မူဝါဒ အချောသတ် အတည်ပြုနိုင်ရေးအတွက် မင်းတပ်မြို့နယ်မှ ပြည်သူများအနေဖြင့် အကြံပြုချက်များ ပေးပို့နိုင်ရန် မင်တပ်မြို့နယ် ပြည်သူ့အုပ်ချုပ်ရေးအဖွဲ့က ဇွန်လ ၂၆ ရက်က ထုတ်ပြန်သည်။ ဇွန်လ ၁၃ ရက် မင်းတပ်မြို့နယ်ပြည်သူ့အုပ်ချုပ်ရေးအစည်းအဝေးတွင် မင်းတပ်- ပအဖ၊ သစ်တောဌာန ကိုယ်စား တက်ရောက်လာသော တွဲဖက်တာဝန်ခံက သစ်တောဌာနအနေဖြင့် ဌာန၏ လက်ရှိ လုပ်ကိုင်ဆောင်ရွက်နေမှုကို ဆွေးနွေးတင်ပြပြီး သစ်တောဌာန၏ သစ်တောမူဝါဒ (မူကြမ်း)ကို ချပြသည်ဟု သိရသည်။ သစ်တောမူဝါဒ (မူကြမ်း) ကို မြို့နယ်ပြည်သူ့အုပ်ချုပ်ရေးအဖွဲ့ဝင်များ၊ တပ်ဖွဲ့/ ဌာန ဆိုင်ရာအကြီးအကဲများနှင့် မြို့/တိုက်နယ် အုပ်ချုပ်ရေးမှူးများက ယင်းအစည်းအဝေးတွင် ဝိုင်းဝန်းဆွေးနွေး၊ ဖြည့်စွက်အတည်ပြုထားသည်ဟု သိရသည်။ အစည်းအဝေးက အတည်ပြုလိုက်သော သစ်တောမူဝါဒ (မူကြမ်း) ကို သစ်တောဌာနအနေဖြင့် မြို့/ တိုက်နယ်အဆင့်အထိ အဆင့်ဆင့် နယ်ဆင်းဟောပြော၊ ချပြဆွေးနွေးပြီး ပြည်သူလူထု၏ အကြံပြုချက်များ ရယူမှတ်သားပြီး မြို့နယ်ပြည်သူ့အုပ်ချုပ်ရေးအစည်းအဝေးတွင် အတည်ပြုမည်ဟု သိရသည်။ မင်းတပ်မြို့နယ်အတွင်းရှိ ပြည်သူများအနေဖြင့် သစ်တောမူဝါဒ (မူကြမ်း) ကို ဖတ်ရှုပြီး မင်းတပ်- ပအဖရုံးသို့ဖြစ်စေ၊ မင်းတပ်-ပအဖ ၏ ဆိုရှယ်မီဒီယာစာမျက်နှာသို့ ဖြစ်စေ ဆွေးနွေးအကြံပြုချက်များ ပေးပို့နိုင်သည်ဟု မင်းတပ်ပအဖအဖွဲ့က အသိပေးကြေညာထားသည်။ မြို့နယ်ပြည်သူ့အုပ်ချုပ်ရေး အစည်းအဝေးတွင် မြို့နယ်အုပ်ချုပ်ရေးမှူးများနှင့်တကွ သက်ဆိုင်ရာမြို့နယ် ပြည်သူ့အုပ်ချုပ်ရေးရုံးအဖွဲ့ဝင်များ၊ တပ်ဖွဲ့/ ဌာနဆိုင်ရာ အကြီးအကဲများနှင့် မြို့/တိုက်နယ်အုပ်ချုပ်ရေးမှူးများ တက်ရောက်သည်ဟု သိရသည်။

(004SS) ချင်းပြည်နယ်အပါအဝင် မြန်မာနိုင်ငံအတွင်း မိုးသည်းထန်စွာရွာသွန်းမှုကြောင့် တစ်လကျော်ကြာ ပြိုကျပျက်စီး‌နေသော တီးတိန်မြို့နယ်အတွင်းရှိ ကျေးရွာချင်းဆက်လမ်းများကို ပြုပြင်လျက်ရှိ‌နေသည်ဟု ZFU/ PDF – Zoland ထံမှ သိရသည်။ အိန္ဒိယ-မြန်မာနယ်စပ်မှ တီးတိန်မြို့နယ်ဘက် ဆက်သွယ်ရာလမ်းများဖြစ်သော Lentlang-Tuitawh၊ Suangzang-Kaptel၊ Kaptel-Saizang၊ Saizang-Tedim၊ Saizang-Vangteh နှင့် Vangteh-Phunum လမ်းပိုင်းများကိုလည်းကောင်း၊ တီးတိန် မြို့နယ်နှင့် စစ်ကိုင်းတိုင်း ကလေးမြို့ဘက်ဆက်သွယ်ရာ လက်ရှိအသုံးပြုနေသော Pimpih လမ်းပိုင်း Tuivial-Tuisau လမ်း ကြားရှိ ပြိုကျပျက်ဆီးမှုများကို ဒေသခံများနှင့် ညှိနှိုင်းကာ ပြုပြင်နေခြင်းဟု သိရသည်။ “ကားလမ်းကြတော့ တစ်ချို့နေရာမှာဆိုရင် လမ်းပါပြိုတဲ့နေရာရှိတယ်။ နောက်တစ်ချို့နေရာတွေက တောင်ကျရေ အရမ်းများနေလို့ ပျက်စီးတာတွေရှိတယ်။ ကျွန်တော်တို့ ပြင်ပြီးသား လမ်းတွေကတော့ ကားတွေ သွားလို့ရပြီ။ တစ်ချို့ မပြီးသေတဲ့ နေရာတွေကျတော့ လမ်းပြိုတော့မပြိုဘူး၊ ဒါပေမဲ့ အရမ်းချော်တယ်။ ကားတွေ ရုန်းလို့မရဘူး။ ပျက်စီး တာတော့ တစ်လကျော်နေပြီ ပြင်တာက နှစ်ပါတ်ရှိပါပြီ” ဟု ZFU/PDF- Zoland မှ တာဝန်ရှိသူ Ko Tony က ပြောသည်။ ပြည်သူများအနေဖြင့် အဆင်ပြေချောမွေ့စွာ ကျေးရွာအချာင်းချင်း ချိတ်ဆက်သွားလာနိုင်‌ရေးအတွက် ပျက်စီးနေသော လမ်းပိုင်းများကို JCB စက်များငှားရမ်းကာ ပြုပြင်နေသည်ဟု သိရသည်။ ကျေးရွာလမ်းများ ပျက်စီးနေမှုကြောင့် ကုန်စျေးနှုန်းများ တက်လာခြင်း၊ သာရေး-နာရေးကိစ္စ သွားလာရေး၊ တရွာနှင့်တရွာ ဆက်သွယ်သွားလာရေးပင် ပြတ်တောက်နေခဲ့သည်ဟု သိရသည်။ လက်ရှိတွင် ချင်းပြည်နယ်အပါအဝင် မြန်မာနိုင်ငံအတွင်းရှိ ပြည်သူများ စီးပွားရေးအခက်အခဲကြုံတွေ့နေရသည့်…

(005MK) မီဇိုရမ်ပြည်နယ် ဝန်ကြီးချုပ် ပူးလာလ်ဒိုအောမ်မာက မြန်မာစစ်ဘေးရှောင်များထဲက ဥပဒေချိုးဖောက်သူများကို ပြင်းထန်စွာ အရေးသွားမည်ဟု ပြောဆိုလိုက်သည်။ ယနေ့ဇွန်လ ၂၆ ရက်နေ့တွင် မီဇိုရမ်ပြည်နယ်သို့ရောက်ရှိလာသော အိန္ဒိယနိုင်ငံခြားရေးဝန်ကြီးဌာန၊ တွဲဖက် အတွင်းရေးမှူး Surinder Bhagat နှင့် သူ၏ ရုံးခန်းတွင် တွေ့ဆုံစဉ်မှာ မြန်မာစစ်ဘေးရှောင်အရေးနှင့်ပတ်သက်၍ ထိုကဲ့သို့ ပြောဆိုခဲ့ခြင်းဖြစ်သည်။ “မြန်မာစစ်ဘေးရှောင်တွေထဲမှာ ကောင်းကောင်းမွန်မွန်နဲ့လာရောက်ခိုလုံသူတွေလည်းရှိသလို တဖက်မှာလည်း သူတို့နိုင်ငံရေးအခြေအနေကိုအကြောင်းပြပြီး နယ်စပ်ဖြတ်ကျော် ဝင်ထွက်သွားလာပြီး မီဇိုရမ်ပြည်နယ်ရဲ့ တည်ဆဲ ဥပဒေတွေကို ချိုးဖောက်နေသူတွေလည်းရှိပါတယ်၊ ဒီလိုဥပဒေချိုးဖောက်နေသူတွေအပေါ်မှာ ပြင်းထန်စွာအရေးယူ သွားဖို့ရှိပါတယ်” ဟု မီဇိုရမ်ဝန်ကြီးချုပ်ကပြောသည်။ မြန်မာနိုင်ငံမှ နယ်စပ်ဖြတ်ကျော်၍ မီဇိုရမ်ပြည်နယ်သို့ ဝင်ရောက်လာသူများကိုလည်း သူတို့ နေထိုင်စဉ် ကာလအတွင်း ၎င်းတို့၏ မြန်မာမှတ်ပုံတင်များအား သိမ်းဆည်းခြင်းများ လုပ်ဆောင်သင့်သည်ဟု ဝန်ကြီးချုပ်က ဆက်ပြောသည်။ထို့အပြင် မီဇိုရမ်ပြည်နယ်အတွင်း ဝင်ရောက်ခိုလုံနေကြသော မြန်မာစစ်ဘေးရှောင်များ၏ ဇီဝအချက်အလက်များကို လည်း လာမည့်ဇူလိုင်လတွင် စတင်ကောက်ယူသွားမည်ဟုပြောဆိုခဲ့သည်။ ယခုလက်ရှိ မီဇိုရမ်ပြည်နယ်တွင် မြန်မာနိုင်ငံမှ စစ်ဘေးရှောင်လာကြသူ သုံးသောင်းကျော်ရှိသည်ဟုသိရသည်။

အမည်စာရင်း ပေးသွင်းပြီးသူများအနက် အမျိုးသမီး ၃၀ ရာခိုင်နှုန်းပါဝင် (004SS) ချင်းပြည်နယ်မြောက်ပိုင်း တီးတိန်မြို့နယ်ထဲ စစ်ရေးလှုပ်ရှားနေသော PDF-Zoland က အခြေခံစစ်ပညာသင်တန်း အပတ်စဉ် (၁၇) အတွက် တက်ရောက်မည့် သင်တန်းသားများ လက်ခံနေပြီး တက်ရောက်ရန် အမည်စာရင်းပေးသွင်းပြီးသူထဲတွင် အမျိုးသမီး ၃၀ ရာခိုင်နှုန်း ပါဝင်‌ကြောင်း PDF-Zoland တာဝန်ရှိသူများထံမှ သိရသည်။ PDF-Zoland ၏ အပါတ်စဉ် (၁၆) အခြေခံစစ်ပညာသင်တန်းကို အောင်မြင်စွာ ပြီးဆုံးကြောင်း ဇွန်လ ၁၄ ရက်နေ့တွင် ထုတ်ပြန်ခဲ့ပြီးနောက် အပတ်စဉ် (၁၇) အတွက် ပြည်ချစ်လူငယ်များ စစ်ကောင်စီကို တွန်းလှန်ရန် စာရင်းပေးသွင်းနိုင်ပြီဟု ဇွန်လ ၂၃ ရက်နေ့တွင် ထပ်မံကြေညာခဲ့ခြင်း ဖြစ်သည်။ “အခုက ကျွန်တော်တို့ PDF-Zoland ရဲ့ အခြေခံစပညာသင်တန်း အပါတ်စဉ် ၁၇ ကို မကြာမီစတင်တော့မှာ။ စာရင်းပေး သွင်းတဲ့သူကျတော့ အယောက် ၅၀ ကျော်နေပြီ၊ သို့သော် သင်တန်းတော့မစသေးဘူး။ နောက် အမျိုးသမီးကတော့ ၃၀ % လောက်ပါတယ်။ အာဏာရှင်စနစ် အမြစ်ပြတ်အောင် တိုက်ထုတ်ချင်တဲ့ မည်သူမဆို ကျွန်တော်တို့ကို လာ join ပါ အမြဲတမ်းကြိုဆိုနေတယ်” ဟု ZFU/PDF-Zoland မှ တာဝန်ရှိသူ Ko Tony ပြောသည်။ သင်တန်းတွင် စစ်ရေးစစ်ရာ၊ လက်နက် အသုံးပြုနည်း၊ အမိန့်နာခံမှု၊ PDF-Zoland ၏ ပေါ်လစီများ၊ ကိုယ်ခန္ဓာ ကြံ့ခိုင်မှု စသည်များကို သင်ကြားပို့ချပေးကာ သင်တန်း…