(006SV) ချင်းလဲန်းကောင်စီ၊ ချင်းပြည်အစိုးရအဖွဲ့နှင့် အမျိုးသားဒီမိုကရေစီအဖွဲ့ချုပ် (NLD)၊ ဗဟိုအလုပ်ကော်မတီ (CWC) ထိပ်ပိုင်း ခေါင်းဆောင်များ တွေ့ဆုံ၍ အတူတကွ ပူးပေါင်းဆောင်ရွက်နိုင်ရေးကိစ္စရပ်များကို ဆွေးနွေးခဲ့ကြောင်း သိရသည်။ ဖေဖော်ဝါရီလ ၁၇ ရက်က ချင်းပြည်(Chinland)အစိုးရအဖွဲ့ဝင်များနှင့် NLD ဗဟိုအလုပ်ကော်မတီအဖွဲ့တို့ အွန်းလိုင်းမှတဆင့် တွေ့ဆုံဆွေးနွေးခြင်းဖြစ်သည်ဟု ချင်းပြည်အစိုးရအဖွဲ့မှ လူမှုဖွံ့ဖြိုးရေးဝန်ကြီးဌာန ဝန်ကြီး ပူးဇာထောင်းက ပြောသည်။ “NLD CWC တာဝန်ရှိ ပုဂ္ဂိုလ်တွေနဲ့ ချင်းပြည်အစိုးရအဖွဲ့တို အဓိက ဆွေးနွေးတာတော့ ထွေထွေထူးထူး ဆွေးနွေး တာကတော့ မရှိသေးဘူး၊၊ ပထမကြိမ်ဆိုတော့ ၊ နောက်ထပ်ဆက်လက် တွေ့ဆုံဖို့နဲ့ NUG ၊ NUCC တာဝန်ရှိတွေနဲ့ တွေ့ဆုံဖို့၊ ချိတ်ဆက် ဆောင်ရွက်ပေးဖို့နဲ့ နောက်ထပ်ဘာတွေ အတူတကွပူးပေါင်းဆောင်ရွက်နိုင်ဖို့ အဓိက ဆွေးနွေးကြပါတယ်” ဟု ဝန်ကြီး ပူးဇာထောင်းက ပြောသည်။ အဆိုပါပထမဆုံးအကြိမ်တွေ့ဆုံမှုတွင် နှစ်ဖက်သဘောတူညီချက်မျိုး ပြုလုပ်ဆောင်ရွက်ခဲ့ခြင်း မရှိသော်လည်း NLD ၏ ပေါ်လစီများ၊ လုပ်ဆောင်ချက်များနှင့် ချင်းလဲန်းကောင်စီ၊ ချင်းပြည်အစိုးရအဖွဲ့၏ လုပ်ငန်းဆောင်ရွက်ချက်များ၊ ဆောင်ရွက်ရန် ရည်မှန်းထားသော လုပ်ငန်းများကို မိတ်ဆက်ရှင်းလင်းခြင်းများလည်း ဆောင်ရွက်ခဲ့ကြသည်ဟု သိရသည်။ “ဒီလို တွေ့ဆုံမှုက NLD ပါတီဆိုတာက ကျနော်တို့ တိုင်းပြည်ရဲ့ အင်အားကြီးပါတီဖြစ်သလို ယခု တော်လှန်ရေးမှာလည်း NLD ပါတီရဲ့ ပါဝင်မှုက အရေးကြီးတဲ့ အခန်းကဏ္ဍတစ်ခုကနေ ပါဝင်နေလို့ပါ။ပြီးရင် NLD ပါတီဆိုတာ ကျနော်တို့ တိုင်းပြည်ရဲ့ ဒီမိုကရေစီ လမ်းပြပါတီလို့ ဆိုရင်လည်း မမှားဘူး ထင်ပါတယ်။ NLD က…
Author: Editor
ဗိုလ်နဂါးနှင့်တပ်ဖွဲ့ဝင်တချို့သည် ရာဇဝတ်ပြစ်မှု ၇ ခု ကျူးလွန်ထားဟု NUG ထုတ်ပြန် (006SV) စစ်ကိုင်းတိုင်း၊ ပုလဲမြို့နယ်အခြေစိုက် ဗမာအမျိုးသားတော်လှန်ရေးတပ်မတော် (BNRA) အဖွဲ့၏ အဖွဲ့ခေါင်းဆောင် နိုင်းလင်း (ခေါ်) ဗိုလ်နဂါးသည် ၎င်း၏ မိသားစုဝင်များနှင့်အတူ လက်နက်ခဲယမ်းများဖြင့် အာဏာသိမ်းစစ်ကော်မရှင်ထံ လက်နက်ချပူးပေါင်းသွားကြောင်း သိရသည်။ ယနေ့ ဖေဖော်ဝါရီလ ၁၈ရက် ညနေ ၄ နာရီ ၅၀ မီနစ်ခန့်တွင် BNRA အဖွဲ့ခေါင်းဆောင် ဗိုလ်နဂါးသည် ၎င်း၏ မိသားစုဝင်များနှင့်အတူ လက်နက်မျိုးစုံ ၆ လက်၊ ဆက်စပ်ပစ္စည်းများနှင့်အတူ စစ်ကိုင်းတိုင်းထဲရှိ စစ်ကော်မရှင် တပ်ထံသို့ ဆက်သွယ်၍ အလင်းဝင်ခြင်းဖြစ်ကြောင်း စစ်ကော်မရှင်က ထုတ်ပြန်သည်။ ဖေဖော်ဝါရီလ ၁၇ ရက်က ပုလဲမြို့နယ်ထဲတွင် BNRA တပ်ဖွဲ့၏ တပ်စခန်းတချို့ကို အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာနလက်အောက်ရှိ တပ်ဖွဲ့များက စီးနင်တိုက်ခိုက်ခဲ့ပြီးနောက် BNRA တပ်ဖွဲ့ ခေါင်းဆောင်သည် စစ်ကော်မရှင်ထံ လက်နက်ချပူးပေါင်းသွားခြင်းဖြစ်သည်။ အမျိုးသားညီညွတ်ရေးအစိုးရ (NUG) ၏ ပြည်ထဲရေးဝန်ကြီးဌာနနှင့် ကာကွယ်ရေးဝန်ကြီးဌာန ပူးပေါင်းတပ်ဖွဲ့များသည် BNRA တပ်ဖွဲ့က ကျူးလွန်ခဲ့သော ရာဇဝတ်မှုများနှင့် ပတ်သက်၍ ဖမ်းဆီးထိန်းသိမ်း စစ်ဆေးနိုင်ရန် ဆောင်ရွက်လျက်ရှိကြောင်း NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က သတင်းမီဒီယာတချို့တွင် ဖြေကြားထားသည်။ ဖေဖော်ဝါရီလ ၁၈ ရက် မနက်ပိုင်းက ပုလဲမြို့အနီးက သေတ္တရာရွာကို ဝင်ရောက်လာသည့် စစ်ကော်မရှင် စစ်ကြောင်းက နယ်မြေရှင်းလင်းရေး ကူညီပေးပြီးနောက် BNRA အဖွဲ့ခေါင်းဆောင် ဗိုလ်နဂါးနှင့် မိသားစုကို စစ်ကော်မရှင်တပ်က…
(006SV) စစ်ကိုင်းတိုင်း၊ တမူးမြို့နယ်ရှိ ကျေးရွာတချို့မှာ အတင်းအဓမ္မ တပ်သားစုဆောင်းခံနေရသည့်အတွက် ဒေသခံပြည်သူ ၂၀၀ ကျော် ကန့်ကွက်ဆန္ဒပြမှုများ ဖြစ်ပွားနေကြောင်း ဒေသခံများထံမှ သိရသည်။ ဖေဖော်ဝါရီလ ၁၅ ရက် ညနေပိုင်းတွင် ဘုတ်ကန်၊ မင်းသမီး၊ ဇီးဖြူကုန်းကျေးရွာများမှ ဒေသခံပြည်သူများသည် ရပ်ရွာများတွင် အဓမ္မစစ်သားစုဆောင်းခံရမှုများအတွက် ဆန္ဒပြခဲ့ကြပြီး ဖေဖော်ဝါရီလ ၁၆ ရက်တွင် မလူ၊ ဇီးဖြူကုန်း၊ အောက်သောင်း၊ ရွာသား၊ မင်းသမီး နှင့် ဘုတ်ကန်ကျေးရွာက ဒေသခံပြည်သူ ၂၅၀ ကျော်သည် အာရှလမ်းမပေါ်ရှိ ဘုတ်ကန်ရွာမှာ စုဝေးကာ ကန့်ကွက် ဆန္ဒပြကြောင်း သိရသည်။ “ဖြစ်လာတဲ့ အကြောင်းရင်းက ပြည်သူတွေ အရမ်းပေါက်ကွဲသွားပြီ။ ဘာလို့လဲဆိုတော့ သူတို့ရဲ့ ယောကျာ်းတွေ ၊ သားတွေ စိတ်ဆန္ဒ သဘောမပါဘဲနဲ့ အတင်းအဓမ္မခေါ်ဆောင်ခံရလို့ ဖြစ်ကုန်တဲ့ ကိစ္စတွေပါ။ ဒီဘက်မှာ တော်တော် ဆိုးပါတယ်။ လူစုဆောင်းတဲ့ ကိစ္စက အတင်းအဓမ္မတွေ လုပ်တယ်။ နောက်ဆုံး ကင်းပုန်းဝှက်ပြီး ဖမ်းတယ်။ ဆိုင်ကယ် ကယ်ရီသမားတွေ တွေ့ရင် ဖမ်းတယ်။ တွေ့တဲ့ လူကို မထင်ရင် မထင်သလို ဖမ်းတဲ့ အဆင့်တွေ ရောက်ကုန်တာ ပေါ့နော်။ အဆိုးဆုံးက လယ်ထဲယာထဲမှာ အလုပ် လုပ်ကိုင်နေတဲ့ ယောကျာ်းသားတွေကို တွေ့တယ်ဆိုရင် ဝိုင်းဖမ်းတယ်။ ထွက်ပြေးရင် သေနတ်ပစ်ဖောက်ပြီး ဖမ်းတဲ့ အဆင့်အထိ ဖြစ်ကုန်ပါတယ်၊၊ အဲဒါကြောင့်လည်း ပြည်သူတွေ လမ်းပေါ် ထွက်လာပါတယ်။ လွတ်လပ်စွာ ဆန္ဒပြကြပါတယ်” ဟု ဒေသခံပြည်သူ တစ်ဦးက…
(006SV) အာဏာသိမ်းစစ်ကော်မရှင်၏ ပြန်လည်ထိုးစစ်ဆင်မှုများ ပိုပြင်းထန်လာနေသည့် ချင်းပြည်နယ်တွင် ယခုနှစ် ၂၀၂၆ အတွက် ချင်းပြည် (Chinland) အစိုးရ၏ ကာကွယ်ရေးအသုံးစရိတ်ကို ၈၀ ရာခိုင်နှုန်းအထိ တိုးမြှင့်သုံးစွဲသွားမည်ဟု ချင်းလဲန်းကောင်စီထံမှ သိရသည်။ “ပြောလို့ ရတာက ကာကွယ်ရေးကိုပဲ အဓိက ဦးစားပေးပြီး သွားရမှာပါ။ ကျန်တဲ့ ဝန်ဆောင်မှုတွေကတော့ ပညာရေးပဲ ဖြစ်ဖြစ်၊ ကျန်းမာရေးပဲဖြစ်ဖြစ် သူဟာနဲ့သူ သွားနေမှာဖြစ်တယ်။ သို့သော် သေချာတာကတော့ ကာကွယ်ရေး ဝန်ကြီးဌာနကနေ ကာကွယ် ရေးကိစ္စကို အဓိက ဦးတည်ပြီးတော့မှ၊ ရတဲ့ ဘဏ္ဍာငွေကလည်း များသောအားဖြင့် အဲဒီမှာပဲ အသုံးပြုလိမ့်မယ်လို့ ယူဆပါတယ်။ ကောင်စီက မူဝါဒက ချမှတ်ပေးတယ်။ လမ်းညွှန်တယ်။ ဦးဆောင်တယ်။ တကယ့်အကောင်အထည်ဖော်တာက အစိုးရပါ။ အကုန် လုံးတော်တော်များများမှာတော့ ကျနော်တို့ မူဝါဒတွေ ချမှတ်ထားပါတယ်။ သို့သော် ကျနော်တို့ ကောင်စီကနေ ထပ်ပြီးတော့မှ သွားရမယ့်နေရာမှာ ကာကွယ်ရေး အသုံးစရိတ်ကို အရင်က ၆၅ ရာခိုင်နှုန်းကနေ ဒီနှစ်တော့ ကာကွယ်ရေးကို ၈၀ ရာခိုင်နှုန်းအထိ တိုးမြှင့်သွားမယ်လို့ ဆွေးနွေးခဲ့ပါတယ်” ဟု ချင်းလဲန်းကောင်စီ ဒုတိယဥက္ကဌ – ၂ Salai Bawi Kung က ပြောသည်။ ချင်းလဲန်းကောင်စီ အစိုးရအဖွဲ့အနေဖြင့် တခြားပြည်သူ့ဝန်ဆောင်မှုများ ပေးနိုင်ရန် လိုအပ်သော်လည်း နွေဦး တော်လှန်ရေး ၅ နှစ် ရှိလာချိန်တွင် စစ်ကော်မရှင်တပ်များကို ချင်းပြည်နယ်မှာ ကင်းစင်အောင် မတွန်းလှန်နိုင် သေးသည့်အတွက် ကာကွယ်ရေးကဏ္ဍကို ဦးစားပေးရခြင်းဖြစ်သည်ဟု သိရသည်။…
(004SS) အိန္ဒိယနိုင်ငံ၊ နယူးဒေလီမြို့ရှိ ချင်းဒုက္ခသည်အများစုနေထိုင်ရာ Sitapuri (စီသာပူရီး) ရပ်ကွက်တွင် ကလေးငယ်တစ်ဦးကို နေ့ခင်းကြောင်တောင် ဖမ်းဆီးခိုးယူရန် ကြိုးပမ်းသည့် ဖြစ်ရပ်တစ်ခု ယမန်နေ့ ဖေဖော်ဝါရီ ၁၆ ရက် နံနက်ပိုင်းက ဖြစ်ပွါး ခဲ့ကြောင်း သိရသည်။ အဆိုပါဖြစ်စဉ်နှင့် ပတ်သက်၍ စီသာပူရီးရပ်ကွက်တွင် နေထိုင်သည့် ချင်းအမျိုးသားတစ်ဦးက “မနေ့က ကျောင်းတက် ချိန်ပေါ့ ၂ တန်း၊ ၃ တန်းအရွယ်ကလေးလေး သူ့အဘိုးက ကျောင်းသွားဖို့ လိုက်ပို့တာ။ လမ်းမှာ လူဆိုး ၂ ယောက်က သူ့ အဘိုးကိုတွန်းပြီးတော့ ကလေးကိုခိုးဖို့လုပ်နေတာပေါ့နော်။ အဲဒါကို ရပ်ကွက်ထဲကလူတွေက ဝိုင်းဖမ်းကြတာ အဲဒီ ၂ ယောက်ထဲက ၁ ယောက်ကို ဖမ်းမိတယ်၊ ရိုက်နှက်ကြပြီး ရဲဆီအပ်တယ်။ အခုတလော နယူးဒေလီမှာ ကလေးပဲမဟုတ်ဘူး လူကြီးတွေပါ အပျောက်များနေတယ်” ဟု ပြောကြားခဲ့သည်။ နယူးဒေလီရဲတပ်ဖွဲ့ (Delhi Police) ၏ Zipnet (Zonal Integrated Police Network) စနစ်မှ ထုတ်ပြန်ချက်များအရ မြို့တော်အတွင်း လူပျောက်ဆုံးမှုနှုန်းမှာ တစ်နေ့ထက်တစ်နေ့ မြင့်တက်လာနေကြောင်း သိရသည်။ လက်ရှိတွင် နယူးဒေလီမြို့တော်အတွင်း လူပျောက်ဆုံးမှုနှုန်းမြင့်တက်နေပြီး ၂၀၂၆ ခုနှစ်၊ ဇန်နဝါရီလ ၁ ရက်မှ ၁၅ ရက်အထိ (၁၅) ရက်တာကာလအတွင်းမှာပင် လူပေါင်း ၈၀၇ ဦး လူပျောက်တိုင်ကြားထားရကြောင်း၊ ပျောက်ဆုံးသူများအနက် အသက်မပြည့်ကလေးငယ် (Minors) ၁၉၁ ဦးပါဝင်ကြောင်း သိရသည်။ နယူးဒေလီးရဲတပ်ဖွဲ့မှ ၂၃၅…
(005MK) မြန်မာနိုင်ငံဘက်သို့ ကုန်စ္စည်းများပို့ဆောင်သည့် မီဇိုရမ်ပြည်နယ် လောင်တလိုင်မြို့က မီဇိုးအမျိုးသားယာဉ်မောင်း တစ်ဦးသေဆုံးမှုကြောင့် Central Young Lai Association (CYLA) က နယ်စပ်ကုန်သွယ်ရေးလမ်းကြောင်းများကို ယာယီပိတ်ထားလိုက်သည်ဟု သိရသည်။ လောင်တလိုင်မြို့ AOC ရပ်ကွက်မှာနေထိုင်သော အသက် ၃၇ နှစ်အရွယ် Pu Lalremsanga သည် ဖေဖော်ဝါရီ ၁၂ ရက်နေ့ က Pickup ကားတစ်စီးဖြင့် မြန်မာဘက်ခြမ်း ချင်းပြည်နယ် ပလက်ဝမြို့နယ် ရှင်းလက်ဝ (Salachhuah) ကျေးရွာသို့ ကုန်ပစ္စည်းများပို့ဆောင်ခဲ့သည်ဟု သိရသည်။ Pu Lalremsanga သည် ရှင်းလက်ဝကျေးရွာသို့ ဖေဖော်ဝါရီ ၁၂ ရက်ညနေပိုင်းတွင်ရောက်ရှိပြီးနောက် ည ၉ နာရီ ကစ၍ သတင်းအစအနမသိရဘဲ ပျောက်ဆုံးသွားသည်ဟု CYLA က ထုတ်ပြန်သည်။ နောက်တနေ့ ဖေဖော်ဝါရီလ ၁၃ ရက်နေ့တွင် ရှင်းလက်ဝကျေးရွာက ဆိုင်ပိုင်ရှင်တဦးက ပျောက်ဆုံးသွားသူ၏ ယာဥ်မောင်းလိုင်စင်နှင့် ကားသော့ကို ၎င်း၏ညီဖြစ်သူထံလာရောက်ပေးအပ်ခဲ့ပြီး ပျောက်ဆုံးသူနှင့်ပတ်သက်၍ တစုံတရာ မသိရှိကြောင်း ပြောဆိုခဲ့သည်ဟု CYLA ကဆို သည်။ ယင်းနောက် ဖေဖော်ဝါရီ ၁၅ ရက်ညနေပိုင်းတွင် Pu Lalremsanga ရဲ့ရုပ်အလောင်းကို Sala ချောင်းနှင့် ကုလားတန်မြစ်ပေါင်းစုံရာမှာ တွေ့ရှိကြပြီး သေဆုံးရသည့်အကြောင်းရင်းကိုမူ မသိရသေးကြောင်း မီဇိုရမ် သတင်းများတွင် ဖော်ပြသည်။ အဆိုပါကိစ္စနှင့်ပတ်သက်၍ ယင်းဒေသကို ထိန်းချုပ်ထားသော အာရက္ခတပ်တော် AA တာဝန်ရှိသူများကိုလည်း အမှုမှန် စုံစမ်းဖော်ထုတ်ပေးရန် အကြောင်းကြားထားသည်ဟု သိရသည်။ ယခုကဲ့သို့ မီဇိုးယာဉ်မောင်းတစ်ဦး…
ပြစ်မှုကျူးလွန်သည့် လူများကို တိုက်ရိုက် တရားစွဲဆိုခြင်းဖြစ်ပြီး တီမောက မြန်မာ့အရေးကို စွက်ဖက်ခြင်းမဟုတ်၊ ထုတ်ပြန်ချက်သည် စစ်ကော်မရှင်၏ အခြေအမြစ် မရှိသည့် လုပ်ရပ်ဟု CHRO ပြော (006SV) ချင်းလူ့အခွင့်အရေးအဖွဲ့ (CHRO) ၏ မြန်မာစစ်တပ် ထိပ်ပိုင်းစစ်ခေါင်းဆောင် ၁၄ ဦး တရားစွဲဆိုမှုကို တီမော လက်စ်တေ တရားရေးက လက်ခံမှုကြောင့် မြန်မာနိုင်ငံဆိုင်ရာ တီမောလက်စ်တေသံရုံးယာယီတာဝန်ခံကို မြန်မာနိုင်ငံမှ ၇ ရက်အတွင်း ပြန်လည်ထွက်ခွာရန် နှင်ထုတ်ကြောင်း စစ်ကော်မရှင်က ကြေညာသည်။ မြန်မာနိုင်ငံ၏ ပြည်တွင်းရေးကို ဝင်ရောက်စွက်ဖက်သောကြောင့်ဟုဆိုကာ တီမောလက်စ်တေ သံရုံးယာယီတာဝန်ခံကို ဖေဖော်ဝါရီလ ၁၃ ရက်က တွေ့ဆုံ၍ ဖေဖော်ဝါရီလ ၂၀ ရက် မတိုင်မီ မြန်မာမှ အပြီးအပိုင် ထွက်ခွာရန် ပြောကြားခဲ့သည်ဟု စစ်ကော်မရှင်၏ နိုင်ငံခြားရေးဝန်ကြီးဌာနက ဖေဖော်ဝါရီလ ၁၅ ရက်မှာ ထုတ်ပြန်သည်။ တီမောလက်စ်တေအနေဖြင့် စစ်ကော်မရှင်အပေါ် ထားရှိသော ရပ်တည်ချက်များ ပြောင်းလဲခြင်း မရှိသေးပါက ပိုမိုပြင်းထန်သော အစီအမံများ ထပ်မံချမှတ်ဆောင်ရွက်သွားမည်ဟု စစ်ကော်မရှင်၏ ထုတ်ပြန်ချက်မှာ ဖော်ပြသည်။ စစ်ခေါင်းဆောင် မင်းအောင်လှိုင်အပါအဝင် ထိပ်ပိုင်း စစ်ခေါင်းဆောင် ၁၄ ဦးကို တရားစွဲဆိုသည့် ချင်းလူ့အခွင့် အရေးအဖွဲ့ (CHRO) ကို ဇန်နဝါရီလ ၁၄ ရက်က တီမောသမ္မတက လက်ခံတွေ့ဆုံပြီးနောက် စစ်ကော်မရှင်သည် တရားစွဲဆိုမှု အခြေအနေကို နီးကပ်စွာ ဆက်လက်လေ့လာစောင့်ကြည့်နေသည်ဟု သိရသည်။ ပြစ်မှုကျူးလွန်သည့် လူပုဂ္ဂိလ်များကို တိုက်ရိုက် တရားစွဲဆိုခြင်းဖြစ်ပြီး တီမောက မြန်မာ့အရေးကို စွက်ဖက်ခြင်း…
(004SS) ချင်းပြည်နယ်၊ တီးတိန်မြို့နယ်၊ Tungzang နယ်မြေ၊ ကျီသွီးချောင်း (Citui lui) အနီးတွင် အမှတ်တရအုတ်ဂူစိုက်ထူပွဲ အခမ်းအနားမှ ပြန်လာသည့် ခရီးသည်တင် ကားတစ်စီး ယမန်နေ့က မီးလောင်မှုဖြစ်ပွားခဲ့ကြောင်း သိရသည်။ ဖြစ်စဉ်မှာ ဖေဖော်ဝါရီလ ၁၅ ရက်နေ့၊ ညနေပိုင်း ၃ နာရီဝန်းကျင်တွင်ဖြစ်ပွါးခဲ့ခြင်းဖြစ်ပြီး တီးတိန်မြို့မှ လလ်တာ (Lalta) / ဖီလ်နပ် (Philnak) ကျေးရွာဘက်သို့ ဆွန်းသဲ (Suante) မျိုးနွယ်စုဝင် ပြင်သစ်ရောက် ပူ ဂင်ခိုင်နှင့် ၎င်း၏မိသားစုဝင် ၂ ဦးတို့ အတွက် အမှတ်တရ အုတ်ဂူစိုက်ထူခြင်း အခမ်းအနားသို့ သွားရောက်ခဲ့သည့် ခရီးသည်တင်ကား အခမ်း အနားအပြီး တီးတိန်မြို့သို့ ပြန်လာစဉ် ကျီသွီးချောင်းအနီးရှိ ဦးဂိုဆွန်း၏ ယာခင်းအနီး၌ မီးလောင်မှု ဖြစ်ပွားခဲ့ခြင်း ဖြစ်သည်။ “Tungzang နယ်၊ ကျီသွီချောင်း အနီးမှာ ကားတစ်စီးသွားနေရင်းတန်းလန်းမီးထလောင်ပါတယ်။ Tungzang လူငယ် တွေကို အကြောင်းလာကြားတော့ ချက်ချင်းလိုက်သွားပါတယ်။ ကားကတော့ တစ်စီးလုံးပျက်စီးသွားတယ် ဘာမှ ရစရာမရှိတော့ဘူး။ လူတွေကတော့ ၁၀ ယောက်ဝန်းကျင်စီးလာတာပါ။ သူတို့ကတော့ဘာမှမဖြစ်ဘူး” ဟု Tungzang လူငယ်တစ်ဦးကပြောသည်။ မီးလောင်မှုဖြစ်ပွားချိန်တွင် ကားပေါ်၌ ခရီးသည် (၁၀) ဦးခန့် လိုက်ပါလာသော်လည်း ထိခိုက်ဒဏ်ရာရသူ မရှိခဲ့ဘဲ ဘေးကင်းစွာ လွတ်မြောက်ခဲ့ကြသည်။ Tungzang ကျေးရွာရှိ လူငယ်များကလည်း ထိုသို့ အခက်အခဲဖြစ်နေသော ခရီးသည်များကို တီးတိန်မြို့သို့ ပြန်လည် ရောက်ရှိနိုင်ရန်အတွက် တာဝန်ယူ ပို့ဆောင်ပေးခဲ့ကြကြောင်း သိရသည်။ အဆိုပါ…
(005MK) မီဇိုရမ်ပြည်နယ်က ယာဉ်မောင်းတစ်ဦး မြန်မာဘက်သို့ ကုန်ပစ္စည်းသွားပို့ရာတွင် သေဆုံးခဲ့သည့်ဖြစ်စဉ်နှင့် ပတ်သက်၍ လုံခြုံရေးအခြေအနေကြောင့် အိန္ဒိယ-မြန်မာနယ်စပ် ကုန်သွယ်ရေးကို ၂ လပိတ်ထားလိုက်သည်ဟု လောင်တလိုင်ခရိုင် တရားသူကြီးက အမိန့်ထုတ်ပြန်လိုက်သည်။ လောင်တလိုင်ခရိုင်နှင့် ထိစပ်နေသော အိန္ဒိယ-မြန်မာနယ်စပ်ကုန်သွယ်ရေးလမ်းကြောင်းအားလုံးကို ယနေ့ ဖေဖော်ဝါရီ ၁၆ ရက်နေ့ကစ၍ နောက်ထပ်အမိန့်ထုတ်ပြန်မှုမရှိမချင်း ၂ လပိတ်ထားမည်ဟု လောင်တလိုင် ခရိုင် တရားသူကြီး DONNY LALRUATSANGA ကအမိန့်ထုတ်ပြန်သည်။ နိုင်ငံခြားသားများအားလုံး ခွင့်ပြုချက်မရှိဘဲ နယ်စပ်ဖြတ်ကျော်၍ မည်သူမျှ ဝင်ရောက်ခွင့်မပြုကြောင်း ထုတ်ပြန်ချက်တွင်ဖော်ပြသည်။ ထို့အပြင် နယ်စပ်ဖြတ်ကျော်၍ ခရီးသွားလာခြင်းနှင့် မည်သည့်ကုန်ပစ္စည်းမှ သယ်ယူ တင်သွင်းခွင့် မပြု ကြောင်း၊ ယင်းပိတ်ပင်မှုသည် လောင်တလိုင်ခရိုင်အတွင်းရှိ ယာဉ်များအပြင် အခြားခရိုင်များက ယာဉ်များလည်း အကျုံးဝင် သည်ဟု ဆိုသည်။ လောင်တလိုင်မြို့ AOC ရပ်ကွက်မှာနေထိုင်သော အသက် ၃၇ နှစ်အရွယ် Pu Lalremsanga သည် ဖေဖော်ဝါရီ ၁၂ ရက်နေ့ က Pickup ကားတစ်စီးဖြင့် မြန်မာဘက်ခြမ်း ချင်းပြည်နယ် ပလက်ဝမြို့နယ် ရှင်းလက်ဝ (Salachhuah) ကျေးရွာသို့ ကုန်ပစ္စည်းများပို့ဆောင်ရာမှာ ပျောက်ဆုံးသွားပြီးနောက် ဖေဖော်ဝါရီ ၁၅ ရက်နေ့မှာ အလောင်းကို တွေ့ရှိ ခဲ့ကြသည်။ Pu Lalremsanga သေဆုံးသည့်နေရာသည် အာရက္ခတပ်တော် AA ထိန်းချုပ်ထားသည့် ရှင်းလက်ဝဒေသမှာဖြစ်ပြီး၊ ရှင်းလက်ဝသည် မီဇိုရမ်ပြည်နယ်တောင်ပိုင်း လောင်တလိုင်မှတဆင့် ချင်းပြည်နယ် ပလက်ဝမြို့နှင့်ရခိုင်ပြည် နယ်သို့ ကုန်ပစ္စည်းများပို့ဆောင်ရာ အဓိကနေရာဖြစ်သည်။ အဆိုပါဖြစ်စဉ်နှင့်ပတ်သက်၍လည်း လောင်တလိုင်ခရိုင်အခြေစိုက် ဗဟိုလိုင်းလူငယ်များအသင်း…
(006SV) ချင်းပြည်နယ်မြောက်ပိုင်၊ ဖလမ်းမြို့နယ်ထဲကို စစ်ကြောင်းထိုးလာနေသော စစ်ကော်မရှင်တပ်များကို WITCH အမျိုးသမီးတပ်ဖွဲ့က ချင်းကာကွယ်ရေးတပ်ဖွဲ့များနှင့် ပူးပေါင်းပြီး ချင်းတောင်တန်းဒေသကို ကာကွယ်ရန် FPV ဒရုန်းများ အသုံးပြု၍ အကြိမ်ပေါင်းများစွာ ထိထိရောက်ရောက် တိုက်ခိုက်နေသည်ဟု သိရသည်။ ပြီးခဲ့သည့် ရက်ပိုင်းများတွင် ချင်းတောင်ပေါ်သို့ စစ်ကော်မရှင်တပ်များက ပြုလုပ်လာသော ထိုးစစ်များကို တုံ့ပြန်နိုင်ရန်အတွက် AIF – Myanmar အဖွဲ့သည် FPV ဒရုန်းအစီအစဉ်ကို တိုးချဲ့၍ အဆင့်မြင့်တင်မှုများ ပြုလုပ်သည်ဟု AIF Myanmar အဖွဲ့က ယမန်နေ့ ဖေဖော်ဝါရီလ ၁၂ ရက်က ထုတ်ပြန်ထားသည်။ စစ်ကြောင်းထိုးလာနေသော စစ်ကော်မရှင်တပ်များကို FPV ဒရုန်းစစ်ဆင်ရေးဖြင့် အကြိမ်ပေါင်းများစွာ ထိရောက်စွာ တိုက်ခိုက်နိုင်ခဲ့ကြောင်း AIF – Myanmar က ရုပ်သံဖိုင်များ ကိုးကား၍ ထုတ်ပြန်သည်။ အဆိုပါ စစ်ဆင်ရေးများကို AIF ၏ သီးသန့်အမျိုးသမီးအဖွဲ့ဖြစ်သည့် WITCH အဖွဲ့က ချင်းကာကွယ်ရေး တပ်ဖွဲ့များနှင့် ပူးပေါင်းဆောင်ရွက်နေခြင်းဖြစ်ပြီး စစ်ကော်မရှင်တပ်ဖွဲ့များကို အပြင်းအထန် အထိနာစေလျက်ရှိသည်ဟု သိရသည်။ စစ်ကော်မရှင်တပ်များ၏ ထိုးစစ်ဆင်လာမှုများကို ဟန့်တားနိုင်ရန်အတွက် ချင်းကာကွယ်ရေးတပ်ဖွဲ့များသည် လက်တွဲ၍ တွန်းလှန်လျက်ရှိကြောင်း သိရသည်။ ရှေတန်းစစ်မျက်နှာပြင်သို့ ဒရုန်းများ ပိုမိုပေးပို့နိုင်ရန်အတွက် AIF နှင့် WITCH အဖွဲ့ထံသို့ ကူညီထောက်ပံ့မှုများ ပြုလုပ်ပေးရန်လည်း မေတ္တာရပ်ခံတောင်းဆိုထားသည်။ စစ်ကော်မရှင်တပ်၏ ဆက်သွယ်ရေးလှိုင်းဖြတ်စက် (Jammer) များကို ကျော်ဖြတ်ပြီး စစ်ကော်မရှင်တပ်များကို နည်းပညာအဆင့်မြင့်ထားသော အသေခံဒရုန်များဖြင့် တိုက်ခိုက်နိုင်ခဲ့ကြောင်း ဖက်ဆစ်ဆန့်ကျင်ရေး နိုင်ငံတကာတပ်ဦး AIF Myanmar…