(005MK) မီဇိုရမ်ပြည်နယ်၊ ကျန်ဖိုင်းမြို့ Bethel ရပ်ကွက် မီဇိုးလူငယ်အသင်း YMA က မြန်မာစစ်ဘေးရှောင် ၈ ဦးကို လိမ်လည်လှည့်ဖြားမှုကျူးလွန်သည်ဟုဆိုကာ မီဇိုရမ်ပြည် နယ်ကနေ ထွက်ခွါသွားရန် အသိပေးညွှန်ကြားထားကြောင်းသိရသည်။ ကျန်ဖိုင်းမြို့ Bethel ရပ်ကွက် YMA ၏ ထုတ်ပြန်ချက်အရ အဆိုပါစစ်ဘေးရှောင် စီးပွားရေးသမား ၈ ဦးတို့သည် ကျန်ဖိုင်း၊ အိုင်ဇောလ်နဲ့ အခြားကျေးရွာအသီးသီးတွင် ဒေသခံပြည်သူများကို လိမ်လည်လှည့်ဖြားနေကြသည်ဟု ဖော်ပြထားသည်။ ထို့ကြောင့် ၎င်းတို့ ၈ ဦးကို ဇွန်လ ၂၅ ရက်ညက ခေါ်ယူတွေ့ဆုံခဲ့ကာ ယခုသီတင်းပတ်အတွင်း မီဇိုရမ်ပြည်နယ်ကနေ အပြီးအပိုင်ထွက်ခွာသွားရန် သတိပေး ညွှန်ကြားလိုက်ကြောင်း ထုတ်ပြန်ချက်တွင်ဖော်ပြထားသည်။ အဆိုပါ စစ်ဘေးရှောင် ၈ ဦးသည် Farkawn ကျေးရွာဘက်တွင် ဒေသခံပြည်သူများကို လိမ်လည်လှည့်ဖြားရာမှ တစ်ဆင့် ၎င်းတို့၏ လုပ်ရပ်များကို စတင်သိရှိခဲ့ကြခြင်းဖြစ်သည်ဟု YMA ကဆိုသည်။ သို့သော်လည်း မည်သည့် ပုံစံဖြင့် လိမ်လည်လှည့်ဖြားမှုများဆောင်ရွက်ခဲ့ကြသည်ကိုမူ YMA က အသေးစိတ်ဖော်ပြ ခြင်းမရှိပေ။ ကျန်ဖိုင်း Bethel ရပ်ကွက် YMA ၏ ထုတ်ပြန်ချက်တွင် ယခုကဲ့သို့ လိမ်လည်လှည့်ဖြားပြီး အသက်မွေး ဝမ်းကျောင်းပြု နေထိုင်သူများကို မည်သူတစ်ဦးတစ်ယောက်ကမှ ဧည့်သည်အဖြစ် လက်မခံကြရန်နှင့် မိမိတို့ရပ်ကွက် အတွင်း ပေးမနေ ကြရန်လည်း မေတ္တာရပ်ခံ တိုက်တွန်းထားကြောင်း ဖော်ပြထားသည်။ ယခုကဲ့သို့ မီဇိုရမ်ပြည်နယ်ကနေ ထွက်ခွါသွားရန် အသိပေးညွှန်ကြားခံရသူများမှာ Dalsiamsum (၁၈ နှစ်)၊ Liansiansian (၃၀ နှစ်)၊ Pa…
Author: Editor
(006SV) ဆလိုင်းတင်မောင်ဦး၏ စိတ်ဓါတ်၊ ယုံကြည်ချက်နှင့် ရပ်တည်ချက်များကို ဆုပ်ကိုင်လျက် စစ်အာဏာရှင်စနစ် အပြီးတိုင် ချုပ်ငြိမ်းရေးနှင့် ဖက်ဒရယ် ဒီမိုကရေစီ ပြည်ထောင်စု ပေါ်ထွန်းရေးအတွက် ကျောင်းသားလူငယ်၊ ပြည်သူလူထုနှင့်အတူ ဆက်လက်ရပ်တည် တိုက်ပွဲဝင်သွားမည်ဟု ချင်းကျောင်းသားသမဂ္ဂက ကြေညာသည်။ ယနေ့ ဇွန်လ ၂၆ ရက် ကျောင်းသားခေါင်းဆောင် ဆလိုင်းတင်မောင်ဦးကို စစ်အာဏာရှင်အစိုးရက ကြိုးပေးကွပ်မျက်ခဲ့သည့် နှစ် ၅၀ ပြည့် ရွှေရတုအထိမ်းအမှတ်နေ့တွင် ချင်းကျောင်းသားသမဂ္ဂ (Chin Student’s Union of Myanmar) က ထုတ်ပြန်ခြင်းဖြစ်သည်။ ဆလိုင်းတင်မောင်ဦး ကွပ်မျက်ခံရသည်မှာ နှစ်ပေါင်း ၅၀ ပြည့်မြောက်ပြီဖြစ်သော်လည်း နိုင်ငံသည် စစ်အာဏာရှင် စနစ်အောက်မှ အပြည့်အဝ လွတ်မြောက်နိုင်ခြင်း မရှိသေးကြောင်း ချင်းကျောင်းသားသမဂ္ဂက ဆိုသည်။ “၂၀၂၁ ခုနှစ် စစ်အာဏာသိမ်းမှု နောက်ပိုင်းတွင် ကျောင်းသားများ၊ လူငယ်များနှင့် ပြည်သူလူထုသည် စစ်တပ်၏ အကြမ်းဖက်မှု၊ မတရားဖမ်းဆီးမှု၊ ညှင်းပန်းနှိပ်စက်မှုနှင့် သတ်ဖြတ်မှုများကို ဆက်လက်ရင်ဆိုင်နေကြရသည်” ဟု CSU Myanmar က ထုတ်ပြန်ထားသည်။ စစ်အာဏာရှင်စနစ်ကို ရဲဝံ့စွာ ဆန့်ကျင် တော်လှန်ခဲ့သော ချင်းကျောင်းသား ခေါင်းဆောင်တစ်ဦး ဖြစ်သော ဆလိုင်းတင်မောင်ဦးသည် လွတ်လပ်မှု၊ တရားမျှတမှုနှင့် လူထု၏ အခွင့်အရေးများအတွက် အသက်ပေး တိုက်ပွဲဝင်ခဲ့သည့် အာဇာနည်သူရဲကောင်း ဖြစ်သည်ဟု သိရသည်။ ဆလိုင်းတင်မောင်ဦးသည် ကွပ်မျက်ခံရမည့်အချိန်တွင် “မင်းတို့ ငါ့ခန္ဓာကိုယ်ကို သတ်လို့ရပေမယ့် ငါ့ခံယူချက်နဲ့ စိတ်ဓါတ်ကိုတော့ ဘယ်တော့မှ သတ်လို့ မရဘူး။ မင်းတို့ စစ်ဖိနပ်အောက်မှာ ငါဘယ်တော့မှ…
မိဘများ… မိမိတို့၏ ရင်သွေးငယ်များကို နေ့စဉ် သင်ကြားပေးပါ “မသိရင် မကိုင်နဲ့” ကစားစရာ အရုပ်လိုလို၊ သံတိုသံစလိုလို ထူးဆန်းတဲ့ပစ္စည်းတွေ တွေ့ရင် လုံးဝ (လုံးဝ) လက်နဲ့မထိဖို့ သင်ပေးပါ။ “မသိတဲ့လမ်း မသွားနဲ့” လူသူမရှိတဲ့ တောလမ်း၊ မြက်တောတွေထဲနဲ့ အဆောက်အဦးပျက်တွေထဲကို ဆော့ကစားဖို့ မဝင်ရဘူးလို့ မြစ်တားပါ။ “တွေ့ရင် လူကြီးကိုပြော” မသင်္ကာစရာ ပစ္စည်းတစ်ခုခု မြင်ခဲ့ရင်၊ တွေ့ခဲ့ရင် အဝေးကနေ ချက်ချင်းရှောင်ပြီး မိဘတွေကို လာပြောဖို့ သေချာမှာကြားပါ။ “သင့်ကလေးရဲ့ ဘေးကင်းလုံခြုံရေးသည် မိဘများ၏ သတိပေးစကားပေါ်တွင် မူတည်ပါသည်”
တိမ်လွှာတွေဝေဆာပြီး တောင်ဇလပ်ပန်းတွေပွင့်တဲ့လွမ်းမောစရာ ချင်းတောင်တန်းပေါ်မှာ စစ်အာဏာရှင်စနစ်ကို လက်နက်စွဲကိုင် တော်လှန်နေကြတဲ့ ချင်းအမျိုးသမီး ရဲမေတွေရဲ့ဘဝက သာမန်ထက် ပိုပြီးကြမ်းတမ်းသလို စိန်ခေါ်မှုလည်း များလှပါတယ်။ သေနတ်သံတွေကြားထဲ ဖြတ်သန်းနေရတဲ့ မြန်မာ့နွေဦးတော်လှန်ရေးမှာ အမျိုးသမီးတွေရဲ့ အခန်းကဏ္ဍက ရှေ့တန်းကနေ ပါဝင်နေပါတယ်။ စစ်အာဏာသိမ်းပြီးနောက်ပိုင်း နိုင်ငံအနှံ့ ပေါ်ပေါက်လာတဲ့ လက်နက်ကိုင်တော်လှန်မှုတွေနဲ့အတူ ချင်းပြည်နယ်မှာလည်း ချင်းကာကွယ်ရေးတပ်ဖွဲ့ (CDF) တွေနဲ့ ဒေသအလိုက် ကာကွယ်ရေးတပ်ဖွဲ့တွေ ပေါ်ပေါက်လာခဲ့ပါတယ်။ CDF မဟာမိတ်တပ်ဖွဲ့အားလုံး (Chinland Defense Force) နဲ့ ချင်းအမျိုးသားတပ်မတော် (CNA) အပါအဝင် ချင်းတော်လှန်ရေးတပ်ဖွဲ့တစ်ခုလုံးမှာဆိုရင် အမျိုးသမီးရဲဘော်စုစုပေါင်း ထောင်ဂဏန်း (အနည်းဆုံး ၁,၀၀၀ ကျော်ကနေ ၁,၅၀၀ ဝန်းကျင်) ရှိနိုင်ပြီး၊ ချင်းအမျိုးသမီးအများအပြားဟာ စစ်အာဏာရှင်တော်လှန်ရေးထဲကို အုံနဲ့ကျင်းနဲ့ ပါဝင်လာခဲ့ကြပါတယ်။ “ယောက်ျားလေးအလုပ်” ဆိုတဲ့ အတားအဆီးကို ကျော်ဖြတ်လာသူ “သေနတ်ဆိုတာ အမျိုးသားတွေပဲ ကိုင်ရမယ့် လက်နက်” ဆိုတဲ့ ရှေးရိုးစွဲအမြင်တွေက လူ့အဖွဲ့အစည်းအချို့မှာ အမြစ်တွယ်နေဆဲ ဖြစ်ပါတယ်။ အမျိုးသမီးတွေကို နူးညံ့သိမ်မွေ့စွာနဲ့ အိမ်တွင်းမှုကိစ္စတွေမှာပဲ ဘောင်ခတ်ထားချင်တဲ့ သတ်မှတ်ချက်တွေက အခြေအနေအရပ်ရပ်ကြောင့် ပြောင်းလဲလာခဲ့ပြီ ဖြစ်ပါတယ်။ ၂၁ ရာစုခေတ်ကြီးမှာ သေနတ်ဆိုတာ အမျိုးသားတွေချည်းပဲ ကိုင်ရမယ့် လက်နက်မဟုတ်တော့ကြောင်း ချင်းရဲမေတွေက သက်သေပြနေကြပါတယ်။ ဒါပေမဲ့ အဲဒီလို သက်သေပြနိုင်မှု နောက်ကွယ်မှာ မိသားစု အတားအဆီးနဲ့ ရုန်းကန်မှုတွေ အများကြီး ရှိခဲ့ပါတယ်။ မအန်ဇလာဟာ ချင်းပြည်နယ်၊ မတူပီမြို့နယ်က တိုင်းရင်းသူ အမျိုးသမီးငယ်တစ်ဦး ဖြစ်ပါတယ်။ မြန်မာနိုင်ငံမှာ စစ်အာဏာသိမ်းမှု ဖြစ်ပွားပြီးနောက်ပိုင်း စစ်ကောင်စီက…
(006SV) တိုက်ပွဲများ ဖြစ်ပွားနေသည့် ချင်းတောင်ပိုင်း၊ မင်းတပ်နှင့် ကန်ပက်လက်မြို့၏ အရှေ့ခြမ်းနေရာများကို ယနေ့ မနက်ပိုင်းမှာ အာဏာသိမ်းစစ်တပ်က Y- 12 လေယာဉ်နှင့် ဂျက်ဖိုက်တာများ အသုံးပြု၍ ပြင်းပြင်ထန်ထန် ထပ်မံ ဗုံးကြဲတိုက်ခိုက်သွားသည်ဟု သိရသည်။ ယနေ့ ဇွန်လ ၂၅ ရက်၊ နံနက် ၇ နာရီခန့်မှာ ယောဒေသနှင့် မင်းတပ်မြို့ကြားရှိ မြို့အရှေ့ဘက်နေရာကို စစ်တပ်သည် ဂျက်ဖိုက်တာ ၂ စီးဖြင့် ၃ ကြိမ်လေကြောင်းတိုက်ခိုက်ရာ ဗုံး ၆ လုံး ကြဲချခဲ့ကြောင်း၊ နံနက် ၇ နာရီခွဲခန့်မှာလည်း Y – 12 လေယာဉ်ဖြင့် ဗုံး ၃ လုံးတွဲနှင့် ၇ ကြိမ်၊ စုစုပေါင်း ဗုံးအလုံး ၂၀ ကျော် ကြဲချပြီး လေကြောင်းတိုက်ခိုက်သွားကြောင်း သိရသည်။ နံနက် ၇ နာရီ ၂၀ ခန့်မှာလည်း ကန်ပက်လက်မြို့၏ အရှေ့ဘက်ခြမ်း ထိတွေ့တိုက်ပွဲဖြစ်ပွားရာ နေရာများကို ဂျက်ဖိုက်တာ ၁ စီးဖြင့် လေကြောင်းတိုက်ခိုက်သွားသကဲ့သို့ Y – 12 လေယာဉ်ဖြင့်လည်း ၈ ကြိမ်ခန့် လေကြောင်း တိုက်ခိုက်သွားသည်ဟု သိရသည်။ “မင်းတပ်နဲ့ ယောဒေသကြားရှိ ထိတွေ့တိုက်ပွဲ ဖြစ်ပွားတဲ့ နေရာတွေ ဘက်မှာ နေ့တိုင်းအပြန်အလှန် ပစ်ခတ်သံတွေ ကြားနေရဆဲပါ၊၊ ဒီနေ့ လေကြောင်းတိုက်ခိုက်မှုမှာတော့ အရပ်သားပြည်သူတွေ ထိခိုက်မှု ရှိ၊ မရှိ မကြားမိသေးပါဘူး” ဟု ဒေသခံတစ်ဦးက ပြောသည်။ ဇွန်လ…
(006SV) တမူးမြို့တွင် စစ်ဘေးတိမ်းရှောင်နေသည့် ကလေးမြို့နယ်၊ ပြည်တော်သာကျေးရွာမှ ဒေသခံ ချင်းလူမျိုး လင်မယား ၂ ဦး သတ်ဖြတ်ခံရကြောင်း ဒေသခံသတင်းရင်းမြစ်များထံမှ သိရသည်။ ဇွန်လ ၂၂ ရက်က တမူးမြို့တွင် စစ်ဘေးတိမ်းရှောင်နေသော အသက် ၃၀ ကျော်အရွယ်ရှိသည့် ဦးခွိုလ်စိန်မောင် (Khual Sian Muang) နှင့် ဒေါ်ဇမ်ငိုင်နိန် (Zam Ngaih Niang) တို့ ဇနီးမောင်နှံ သတ်ဖြတ်ခံရခြင်းဖြစ်သည်ဟု ပြည်တော်သာကျေးရွာမှ သတင်းရင်းမြစ်တစ်ဦးက ပြောသည်။ “သူတို့ ဇွန်လ ၂၂ ရက်က အသတ်ခံရတယ်လို့ ကြားတယ်။ ဘယ်သူက သတ်တယ်၊၊ ဘယ်လိုဒဏ်ရာတွေနဲ့ဆိုတာတော့ အသေးစိတ် မသိဘူး။ သူတို့က တမူးမြို့ဘက်မှာ နေတာပါ” ဟု ပြည်တော်သာကျေးရွာမှ ဒေသခံတစ်ဦးက ပြောသည်။ တမူးမြို့ဒေသခံတစ်ဦးကတော့ အဆိုပါသတ်ဖြတ်ခံရသူ ဇနီးမောင်နှံ ၂ ဦးသည် ကလေး- တမူး တိုက်ပွဲများ ဖြစ်ပွားနေချိန်အတွင်း အာဏာသိမ်းစစ်တပ်က အကြောင်းမဲ့ သတ်ဖြတ်သွားခြင်းဖြစ်ကြောင်း ပြောသည်။ “တမူးဘက်ကို စစ်ရှောင်ဖို့ သွားရင်း စစ်ကောင်စီတပ်ရဲ့ ဖမ်းစီးသတ်ဖြတ်ခြင်းကို ခံခဲ့ရတာဖြစ်ပါတယ်။ ကလေး-တမူး တိုက်ပွဲ ဖြစ်နေတဲ့ အချိန်မှာ အသတ်ခံရတာပါ။ ဒီတိုင်းပဲ သတ်သွားတာ” ဟု တမူးမြို့ဒေသခံတစ်ဦးက ပြောသည်။ ကလေး – တမူးလမ်းမကြီးကို ပြန်လည်ထိန်းချုပ်နိုင်ရေးအတွက် စစ်တပ်သည် ဇွန်လ ဆန်းမှ စတင်၍ ကလေးမြို့မှ စစ်ကြောင်း တစ်ကြောင်း၊ တမူးမြို့မှ စစ်ကြောင်းတစ်ကြောင်း၊ မော်လိုက်မြို့မှ စစ်ကြောင်းတို့ဖြင့် အင်အားထောင်ချီ အသုံးပြု၍…
ကျူးလွန်သူများအား အရေးယူပေးရန် အိန္ဒိယအာဏာပိုင်များကို India for Myanmar တောင်းဆို အိန္ဒိယနိုင်ငံ၊ အာသံပြည်နယ်ရှိ မာသီယာ (Matia) ထိန်းသိမ်းရေးစခန်းတွင် ထိန်းသိမ်းခံထားရသည့် မြန်မာအမျိုးသမီး များမှာ အကျဉ်းထောင်တာဝန်ရှိသူများနှင့် လုံခြုံရေးတပ်ဖွဲ့ဝင်များ၏ လိင်ပိုင်းဆိုင်ရာ မလျော်ကန်သော စော်ကားမှုများနှင့် လူ့အခွင့်အရေး ချိုးဖောက်မှုများကို ခံနေရကြောင်း India for Myanmar အဖွဲ့က ထုတ်ပြန်သည်။ ပြီးခဲ့သည့် ဇွန်လ ၂၂ ရက်နေ့ နံနက် ၅ နာရီခန့်တွင် မာသီယာထိန်းသိမ်းရေးစခန်း၏ လက်ထောက်ထောင်မှူး Mr. Shantanu Deep ၏ ညွှန်ကြားချက်ဖြင့် Assam Rifles တပ်ဖွဲ့ဝင်များက စခန်းအတွင်းရှိ မြန်မာအမျိုးသမီး (၁၀) ဦးကို သီးခြားခွဲ ထုတ်ကာ တစ်ကိုယ်လုံး ရှာဖွေစစ်ဆေးမှုများ ပြုလုပ်ခဲ့ကြောင်း သိရသည်။ ထိုသို့ စစ်ဆေးရာတွင် အမျိုးသမီးရဲတပ်ဖွဲ့ဝင်များ သို့မဟုတ် အမျိုးသမီးလုံခြုံရေးဝန်ထမ်းများ မပါဝင်ဘဲ အမျိုးသားလုံခြုံ ရေးတပ်ဖွဲ့ဝင်များကသာ ဝင်ရောက်စစ်ဆေးခဲ့ခြင်းဟု ဆိုသည်။ ထို့နောက် အဆိုပါအမျိုးသားတပ်ဖွဲ့ဝင်များက မသင့်လျော်သော ကိုယ်ခန္ဓာအစိတ်အပိုင်းများအား ကိုင်တွယ်ထိတွေ့မှုများ ရှိခဲ့သည့်အပြင်၊ ၎င်းကဲ့သို့သော စစ်ဆေးမှုမျိုးကို နေ့စဉ် သို့မဟုတ် အပတ်စဉ် ဆက်လက်လုပ်ဆောင်သွားမည်ဟု ခြိမ်းခြောက်ပြောဆိုမှုများပါရှိခဲ့ကြောင်း ထိန်းသိမ်းခံထားရသူများ၏ ပြောကြားချက်ကို ကိုးကား၍ India for Myanmar က ဖော်ပြထားသည်။ ဤလုပ်ရပ်သည် အမျိုးသမီးများကို အခြားအမျိုးသမီးတစ်ဦးကသာ သိက္ခာရှိစွာ ရှာဖွေစစ်ဆေးရမည်ဟု ပြဋ္ဌာန်းထားသည့် အိန္ဒိယပြည်တွင်းဥပဒေ ၂၀၂၃ ခုနှစ်၊ ဘာရတီယ နာဂရစ် ဆူရတ်ရှာ ဆန်ဟီတာ (BNSS)…
နေရပ်ပြန်လာကြသည့် စစ်ဘေးရှောင်ပြည်သူများနှင့် မိမိနေအိမ်တွင် ပစ္စည်းပြန်လည်ယူဆောင်မည့်သူများအတွက် မြေမြှုပ်မိုင်းနှင့် စစ်လက်ကျန်ပစ္စည်းများအန္တရာယ်မှာ အလွန်စိုးရိမ်ရသည့် အခြေအနေဖြစ်သည် ။ နေရပ်ပြန်ပြည်သူများအတွက် မိုင်းအန္တရာယ် ကာကွယ်ရေး လမ်းညွှန် ၁။ အိမ်တွင်းသို့ မဝင်မီ သတိထားရန် ၂။ ပစ္စည်းများ ပြန်လည်ယူဆောင်ရာတွင် ရှောင်ရန်များ ၃။ နေရပ်ပြန်ရာတွင် လိုက်နာရမည့် ဆောင်ရန်များ
(006SV) ကလေး- တမူးလမ်းမပေါ်ရှိ ခမ်းပတ်မြို့နှင့် ကနန်ကျေးရွာတို့ကို အာဏာသိမ်းစစ်တပ်က ၃ ရက်ဆက် လေကြောင်း တိုက် ခိုက်မှုများအတွင်း ဒေသခံပြည်သူ ၁ ဦး သေဆုံးပြီး နေအိမ်အဆောက်အဦးများ ထိခိုက်ပျက်စီးမှုရှိကြောင်း သိရသည်။ ဇွန်လ ၂၂ ရက် နေ့လည် ၁ နာရီခန့်တွင် စစ်တပ်က မြို့ဧရိယာအများစုကို သိမ်းပိုက်ထားသော ခမ်းပတ်မြို့အနီးက ကနန် ကျေးရွာ၏ ရပ်ကွက် A နှင့် ရပ်ကွက် C ထဲကို လေကြောင်းတိုက်ခိုက်မှု ပြုလုပ်ခဲ့ရာ ရပ်ကွက် C ထဲက ချင်းလူမျိုး၊ အသက် ၃၆ နှစ်အရွယ် LaIpanmawia သေဆုံးခဲ့သည်ဟု သိရသည်။ ယင်းလေကြောင်းတိုက်ခိုက်မှုအတွင်း နေအိမ်အဆောက်အဦးများ ထိခိုက်ပျက်စီးမှု များပြားသကဲ့သို့ အိမ်မွေး တိရစ္ဆာန်များလည်း ထိခိုက်သေဆုံးမှု ရှိခဲ့ကြောင်း၊ အရေအတွက် အတိအကျကို မသိရှိသေးကြောင်း ဒေသတွင်း သတင်းရင်းမြစ်တချို့ထံမှ သိရသည်။ “ဇွန် ၂၂မှာ ဂျက်ဖိုက်တာ ၂စီးနဲ့ တစ်ကြိမ် လာကျဲသွားတယ်။ ၂ လုံးက ခမ်းပတ်မှာ ချသွားတယ်။ နောက်ထပ်နှစ်လုံးက ကနန် ကျေးရွာမှာ ဗုံးကြဲချသွားလို့ အမျိုးသား တစ်ယောက် သေဆုံးသွားခဲ့တာ ဖြစ်တယ်။ နေအိမ် ပျက်စီးမှုတွေ ကလည်း အတော်များပါတယ်။ အိမ်မွေးတိရစ္ဆာန်တွေလည်း သေတာ၊ ထိခိုက်မိတာ များတယ်။ အတိအကျတော့ မသိရသေးပါဘူး” ဟု ဒေသခံ တစ်ဦးက ပြောသည်။ ဇွန်လ ၂၂ ရက်က ခမ်းပတ်မြို့ကို လေကြောင်းဗုံးကြဲခံရမှုနှင့်ပတ်သက်၍ အသေးစိတ်အခြေအနေကို…
အရပ်သားအဆောက်အဦးများကို အဓိက ဗုံးကြဲခြင်းဖြစ်ဟုဆို (006SV) အာဏာသိမ်းစစ်တပ်သည် ချင်းပြည်နယ်တောင်ပိုင်း၊ မင်းတပ်မြို့နယ်ကို ၂ လကျော်အတွင်း လေကြောင်းတိုက်ခိုက်မှု အကြိမ်ရေ ၄၄၀ ပြုလုပ်ခဲ့ပြီး တိုက်ခိုက်မှု အများစုသည် အရပ်သားအဆောက်အဦးများကို ဗုံးကြဲခြင်းဖြစ်ကြောင်း ချင်းလူ့အခွင့်အရေးအဖွဲ့ (CHRO) ထံမှ သိရသည်။ ဧပြီလ ၁၁ ရက်မှ ဇွန်လ ၂၂ ရက်အထိ မင်းတပ်မြို့နှင့် အနီးဝန်းကျင်ဒေသကို စစ်တပ်က လေကြောင်းတိုက်ခိုက်မှု ၄၄၀ ကြိမ် ပြုလုပ်ခဲ့ပြီး တစ်ရက်တည်းမှာပင် ဗုံးကြဲမှု ၉၁ ကြိမ်ခန့်ရှိခဲ့သည်ဟု CHRO က ဇွန်လ ၂၂ ရက်မှာ ထုတ်ပြန်သည်။ လေကြောင်းတိုက်ခိုက်မှု၏ ၄၅ ရာခိုင်နှုန်းသည် ၄ ရက်အတွင်း ဖြစ်ပွားခြင်းဖြစ်ပြီး ၂ လကျော်အတွင်း လေကြောင်း စစ်ဆင်မှု ၁၆၈ ကြိမ် ရှိခဲ့သည်ဟု သိရသည်။ လေကြောင်းတိုက်ခိုက်မှု အများစုသည် Y – 12 လေယာဉ်များကို အသုံးပြုပြီး ပစ်မှတ်များကို တိတိကျကျ သတ်မှတ်မှု မရှိဘဲ မင်းတပ်မြို့နှင့် ပတ်ဝန်းကျင်ရှိ အရပ်သား အဆောက်အဦးများကို ဗုံးကြဲတိုက်ခိုက်ခြင်းဖြစ်သည်ဟု CHRO ထံမှ သိရသည်။ မင်းတပ်နှင့် ကန်ပက်လက်မြို့များကို စစ်တပ်က အင်အားအလုံးအရင်းဖြင့် မေလလယ်ခန့်မှ စတင်၍ ထိုးစစ်ဆင် တိုက်ခိုက်နေရာ ချင်းပူးပေါင်းတပ်နှင့် တိုက်ပွဲများ ဖြစ်ပွားနေပြီး ဒေသခံပြည်သူများ စစ်ဘေးရှောင် နေရချိန်မှာ ကျန်ရှိနေသော နေအိမ် အဆောက်အဦးများကို စစ်တပ်က ဗုံးကြဲတိုက်ခိုက်မှုများ ပြုလုပ်နေသည်ဟု သိရသည်။ လူသူကင်းမဲ့နေသော မြို့ရွာများ၊…