ဇိုဖေရမ်ကောင်စီ ကျန်းမာရေးဌာန အတွင်းရေးမှူး ကျဆုံး (006SV) ချင်းကာကွယ်ရေးတပ်ဖွဲ့တစ်ခုဖြစ်သော CDF – Zophei ဌာနချုပ်နှင့် အနီးပတ်ဝန်းကျင်ကို အာဏာသိမ်းစစ်တပ်က ဂျက်ဖိုက်တာ ၇ စီးဖြင့် ယနေ့မနက်ပိုင်းတွင် အပြင်းအထန် ဗုံးကြဲတိုက်ခိုက်ခဲ့သည်။ ချင်းပြည်နယ်မြောက်ပိုင်း၊ ထန်တလန်မြို့နယ်အတွင်းရှိ CDF – Zophei ထိန်း ချုပ်ဒေသက ၎င်းတပ်ဖွဲ့၏ ဌာနချုပ်နှင့် အနီးဝန်းကျင်တို့ကို ယနေ့ ဇွန်လ ၁၁ ရက် မနက်ပိုင်းမှာ နေပြည်တော်မှ ဂျက်ဖိုက်တာ ၂ စီး၊ တံတားဦးလေတပ်မှ ဂျက်ဖိုက်တာ ၂ စီး၊ မိတ္ထီလာလေတပ်မှ ဂျက်ဖိုက်တာ ၁ စီး၊ မကွေးလေတပ်မှ ဂျက်ဖိုက်တာ ၂ စီး ၊ စုစုပေါင်း ၇ စီးဖြင့် လေကြောင်းတိုက်ခိုက်မှု အများအပြား ပြုလုပ်သွားခြင်းဖြစ်သည်။ “ဒီနေ့ ဇွန်လ ၁၁ ရက်မှာ CDF – Zophei ဌာနချုပ် နဲ့ ပတ်ဝန်းကျင်အား နေပြည်တော် ၂စီး၊ တံတားဦး ၂စီး၊ မိတ္ထီလာ ၁စီး၊ မကွေး ၂စီး စုစုပေါင်း ဖိုက်တာဂျက် ၇စီးဖြင့် အပြင်းအထန် ဗုံးကြဲခံရတယ်” ဟု ချင်းအမျိုးသားတပ်ဦး CNF/ CNA ပြောရေးဆိုခွင့်ရှိသူ ဆလိုင်းထက်နီက ပြောသည်။ အဆိုပါဗုံးကြဲတိုက်ခိုက်မှုကြောင့် ဇိုဖေရမ်ကောင်စီ၏ ကျန်းမာရေးဌာန အတွင်းရေးမှူးဖြစ်သူ ဆရာမ Van Dawt Chin (ဝါ) ချင်းချင်း (Chin Chin) ကျဆုံးခဲ့သည်ဟု သိရသည်။…
Author: Editor
(004SS) တပ်ဖွဲ့ဝင်ဟောင်းများအပါအဝင် ဇိုလူငယ်များအနေဖြင့် CDF-Tonzang တပ်ဖွဲ့သို့ အမြန်ဆုံးပြန်လည်ပူးပေါင်းပြီး ခွန်အားသစ်ဖြင့် ရှေ့ဆက်ကြရန် CDF-Tonzang ဥက္ကဌ ပူးထန်ဆွမ်းမုန်ကပြောသည်။ တော်လှန်ရေးကာလအတွင်း အခက်အခဲများကြောင့် တပ်မှထွက်ခွါသွားသည်ကို နားလည်ပြီး လူငယ်များအနေဖြင့် အတိတ်က အဖြစ်အပျက်များကိုချန်ထားကာ လက်ရှိအချိန်တွင် အင်အားသစ်ဖြင့် ပြန်လည်ပူးပေါင်းကြရန် CDF-Tonzang ဥက္ကဌ ပူးထန်ဆွမ်းမုန်က ဇွန်လ ၁၀ ရက်နေ့က အသိပေးထုတ်ပြန်လာခြင်းဖြစ်သည်။ “ ကမ္ဘာအရပ်ရပ်ကို ရောက်နေကြတဲ့ ကျွန်တော်တို့ CDF-Tonzang က ရဲဘော်ညီကိုမောင်နှမတွေအားလုံး အမြန်ဆုံး ပြန်လာပြီး ပူးပေါင်းကြဖို့ ဖိတ်ခေါ်ချင်ပါတယ်။ အရင်ကကိစ္စတွေကို ထားခဲ့ပြီး အင်အားသစ်နဲ့ပဲ ရှေ့ဆက် ကြရအောင်” ဟု ထုတ်ပြန်ချက်တွင်ဖော်ပြထားသည်။ တွန်းဇံမြို့ကို ZRA နှင့် စစ်တပ်တို့က သာလွန်အင်အားဖြင့် ထိုးစစ်ဆင်လာသောကြောင့် ခေတ္တလက်လွှတ်လိုက်ရခြင်း သာဖြစ်ပြီး မကြာမီအချိန်အတွင်း တွန်းဇံမြို့ကို မလွဲမသွေ ပြန်လည်သိမ်းပိုက်မယ်လို့လည်းဖော်ပြထားသည်။ ပြည်သူလူထုအနေဖြင့်လည်း အာဏာသိမ်းစစ်တပ်ကို ခုခံတိုက်ခိုက်ရာတွင် အချိန်ကာလတစ်ခု လိုအပ်မည်ဖြစ်သော်လည်း စိတ်ဓာတ်မကျရန်နှင့် တော်လှန်ရေးအပေါ် ယုံကြည်ချက်ထားရှိရန်တိုက်တွန်းထားသည်။ လက်ရှိတွင် တွန်းဇံမြို့သို့ ဒေသအသီးသီးမှ စစ်ဘေးရှောင်ပြည်သူများအချို့ နေရပ်ပြန်ကြသည်ဟု သိရသော်လည်း အများစုမှာမူ နေရပ်မပြန်ရဲကြသေးကြောင်းသိရသည်။ တွန်းဇံမြို့ကို ချင်းလဲန်းကောင်စီပူးပေါင်းတပ်ဖွဲ့က ၂၀၂၄ ခုနှစ် မေလက သိမ်းပိုက် ထိန်းချုပ်ပြီး နယ်မြေခံတပ်ဖွဲ့ဖြစ်သော CDF-Tonzang က ပြည်သူ့အုပ်ချုပ်ရေး ယန္တရားနှင့် ဝန်ဆောင်မှုများကို ၂ နှစ်နီးပါးကြာ အကောင် အထည်ဖော် ဆောင်ရွက် နေစဉ် ZRA – EC နှင့် အာဏာသိမ်းစစ်တပ်တိုက မေလ ၁၉…
အဆိုပါခူမီးလူမျိုးများ ပြန်လည်နှင်ထုတ်ခံရ (006SV) ချင်းပြည်နယ်တောင်ပိုင်း၊ ပလက်ဝမြို့နယ်ရှိ အာရက္ခတပ်တော် ULA/AA ထိန်းချုပ်ထားသည့် ခူမီးကျေးရွာတချို့တွင် တပ်သား စုဆောင်မှု ခံနေရသောကြောင့် ဒေသခံများသည် ဘင်္ဂလားဒေ့ရှ်နိုင်ငံဘက်သို့ ထွက်ပြေးတိမ်းရှောင်ရာ ဘင်္ဂလားဒေ့်ရ်နယ်ခြား စောင့်တပ် (BGB) က ပြန်လည်နှင်ထုတ်ခဲ့ကြောင်း ဒေသတွင်းသတင်းရင်းမြစ်များက ပြောသည်။ ခူမီးချင်းလူမျိုးများ နေထိုင်ကြသည့် ပလက်ဝမြို့နယ်၊ ရှင်မဒိန်းကျေးရွာနှင့် ကူဝကျေးရွာတို့တွင် ULA/AA က တစ်အိမ်၊ တစ်ယောက်နှုန်း စစ်မှုထမ်းရန် ခေါ်ယူသည့်အတွက် အမျိုးသမီး ၂၂ ဦးနှင့် အမျိုးသား ၂၅ ဦး၊ စုစုပေါင်း ဒေသခံ ၄၇ ဦးတို့သည် ဇွန်လ ၄ ရက်က နေရပ်စွ့န်ခွာ ထွက်ပြေးခြင်းဖြစ်ကြောင်း သိရသည်။ နေရပ်စွန့်ခွာသူများထဲတွင် ကလေးငယ် ၁၀ ဦးကျော် ပါဝင်ပြီး တချို့မှာ မိသားစုလိုက် ထွက်လာခြင်းဖြစ်ကာ ဘင်္ဂလားဒေ့ရှ် နိုင်ငံဘက်ရှိ ခူမီးချင်းလူမျိုးများ နေထိုင်သော သန်ချီမြို့နယ်၊ ရေမာခေရီကျေးရွာအုပ်စု၊ ဟွိုင်ကိုခူမီးကျေးရွာသို့ စစ်ဘေးရှောင် ဒုက္ခသည်များအဖြစ် သွားခဲ့ခြင်းဖြစ်သည်ဟု ခူမီးသတင်းရင်းမြစ်များက ပြောသည်။ “ရှင်မဒိန်း၊ ကူဝကျေးရွာမှာ အေအေက တစ်အိမ်တစ်ယောက် စစ်မူးထမ်းခေါ်တော့ အားလုံးထွက်ပြေးကြတာပါ။ ထွက်ပြေး လာသူတွေထဲမှာ ကလေးတွေ ပါတယ်၊၊ အသက်မပြည့်ကလေးတွေပါတယ်၊၊ တချို့က မိသားစုလိုက် ပြေးတယ်” ဟု ခူမီးသတင်းရင်းမြစ်တစ်ဦးက ပြောသည်။ အဆိုပါစစ်ဘေးရှောင်များနှင့် ပတ်သက်၍ ကျေးရွာလူကြီးများက ဘင်္ဂလားဒေ့ရှ်နယ်ခြားစောင့်တပ် (BGB) ကို သတင်းပေးပို့ခဲ့ပြီး စစ်ဆေးမေးမြန်းမှုတချို့ ပြုလုပ်ခြင်းမျိုး ရှိကြောင်း သိရသည်။ “ဘင်္ဂလားဒေ့ရှ်ခူမီးတွေ နေတဲ့ ဆင်ဖာဝကျေးရွာမှာ…
အိန္ဒိယ-မြန်မာနယ်စပ် ကလေး-တမူး ကားလမ်းမပေါ်မှာ တကျော့ပြန်တိုက်ပွဲဖြစ်ပွားလာပြီးနောက် နေရပ်စွန့်ခွါ ထွက်ပြေးတိမ်းရှောင်ကြသည့် ဒေသခံပြည်သူများကို အိန္ဒိယဘက်က အစကနဦးပိုင်းတွင် လက်မခံခဲ့သော်လည်း ထာဒိုလူကြီးများမှ သွားရောက်တောင်းဆိုပြီးနောက် ပြန်လည်လက်ခံလိုက်ပြီဟုသိရသည်။ Thado Inpi Myanmar အဖွဲ့မှ ထာဒိုလူကြီးများသည် ယမန်နေ့က အိန္ဒိယဘက်ခြမ်းမှာရှိသော ထာဒို/ကူကီး လူမျိုး များနေထိုင်သည့်ကျေးရွာလူကြီးများနှင့်တွေ့ဆုံခဲ့သည့်အပြင် အိန္ဒိယစစ်တပ်အကြီးအကဲများနှင့်လည်းတွေ့ဆုံကာ အရေးပေါ်အခြေအနေကြောင့် စစ်ဘေးရှောင်လာကြသူများကို လူသားချင်းစာနာထောက်ထားမှုဖြင့် လက်ခံပေးကြရန် တောင်းဆိုခဲ့ရာမှာ အိန္ဒိယဘက်က သဘောတူလက်ခံခဲ့ကြသည်ဟု Thado Inpi Myanmar အဖွဲ့မှ တာဝန်ခံတစ်ဦးက ပြောသည်။ “အိန္ဒိယကအရင်ကလိုမဟုတ်တော့ဘူး သူတို့ဘက်ကို ဝင်ရောက်မယ့် စစ်ရှောင်တွေကို နယ်စပ်ဖြတ်ကျော်ခွင့် (Border Pass) မရှိရင် လက်မခံဘူး။ ဒါကြောင့်ကျနော်တို့ ထာဒိုခေါင်းဆောင်တွေက အိန္ဒိယမှာရှိတဲ့ ရွာသူကြီးတွေနဲ့သွားတွေ့ တယ်၊ အိန္ဒိယစစ်တပ် တာဝန်ရှိသူတွေနဲ့သွားတွေ့တဲ့အခါကျတော့ စစ်ဘေးရှောင်တွေက Border Pass တွေလည်း မလုပ်အားဘူး ပိုက်ဆံလည်းမရှိဘူး အရေးအပေါ်အခြေအနေနဲ့စစ်ရှောင်တဲ့အခါမျိုးမှာ အိန္ဒိယဘက်က ခွင့်ပြုပေးပါ ဆိုပြီး တောင်းဆိုတော့ သူတို့ကခွင့်ပြုပေးမယ် နားလည်ပေးမယ်ပြောပါတယ်” ဟု Thado Inpi Myanmar တာဝန်ခံ ကပြောသည်။ အိန္ဒိယ-မြန်မာနယ်စပ်ကိုကုန်သွယ်ရေးလမ်းကြောင်းဖြစ်သည့် ကလေး-တမူးကားလမ်းကို ပြန်လည်ထိန်းချုပ်နိုင်ရေးအတွက် အာဏာသိမ်းစစ်တပ်သည် ပြီးခဲ့သည့်ရက်ပိုင်းက ကလေး နှင့် တမူးမြို့ဘက်မှ နှစ်ဖက်ကြားညှပ်ကာ ထိုးစစ်ဆင်လာပြီး တိုက်ပွဲများဖြစ်ပွားနေခြင်းဖြစ်သည်။ အဆိုပါတိုက်ပွဲများကြောင့် ကလေး-တမူးကားလမ်းမပေါ်က ခမ်းပါတ်မြို့အပါအဝင် ကနန်၊ ဘုက္ကန်၊ နမွန်းထာ စသည့်ကျေးရွာပေါင်း ၂၀ ကျော်ဝန်းကျင်က ဒေသခံပြည်သူများသည် ကလေးမြို့ဘက် နှင့် အိန္ဒိယဘက်ခြမ်းကို စစ်ဘေးရှောင်ခဲ့ကြရသည်။ အိန္ဒိယဘက်ကို ထွက်ပြေးတိမ်းရှောင်သည့် စစ်ဘေးရှောင်များကို…
(006SV) အာဏာသိမ်းစစ်တပ်၏ အင်အားထောင်ချီဖြင့် ထိုးစစ်ဆင်ခံနေရသော မင်းတပ်မြို့ခုခံကာကွယ်စစ်အတွက် ရပ်နီး၊ ရပ်ဝေးမှ ပြည်သူများ၏ အဖက်ဖက်မှ ကူညီပံ့ပိုးမှုများ လိုအပ်နေပါကြောင်း မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ဇွန်လ ၉ ရက်က ကြေညာသည်။ လက်ရှိတွင် အာဏာသိမ်းစစ်တပ်၏ လေကြောင်းအပါအဝင် နည်းလမ်းပေါင်းစုံဖြင့် တိုက်ခိုက်ခံရမှုကြောင့် ဘိုးဘေးများ ခေါင်းချခဲ့ကြသော၊ ညီနောင်သားချင်းများ ချက်မြှုပ်ရာ ဇာတိမြေ မင်းတပ်မြို့နယ်သည် အဖက်အဖက်မှ ဒဏ်ရာပေါင်းစုံနှင့် အနာတရ ဖြစ်နေရသည်ဟု မင်းတပ်ပအဖက ထုတ်ပြန်သည်။ “ထိုသို့ အနာတရဖြစ်နေသော မြို့နယ်လေးအား ကျွန်ပ်တို့၏ သားကောင်းရတနာများမှ အသက်ကို ပဓာန မထားဘဲ ခုခံတိုက်ခိုက်၍ တိုက်ပွဲဝင်နေကြသည်မှာလည်း ရပ်နီး/ဝေးမှ ညီအစ်ကိုမောင်နှမများအားလုံး အသိပင်ဖြစ်ပါလိမ့်မည်။ ထိုသို့ တိုက်ခိုက်ကာကွယ်ကြသော ရဲဘော်လေးများအတွက်လည်း အဖက်ဖက်မှ ကူညီပံ့ပိုးမှုများပေးရန် လိုအပ်နေသည်များကိုလည်း သိရှိကြပေလိမ့်မည်” ဟု မင်းတပ်ပအဖက အသိပေးသည်။ မကွေး၊ ယောဒေသမှတဆင့် ချင်းတောင်ပိုင်းကို အင်အား ၂၀၀၀ ကျော်ဖြင့် ဒရုန်း၊ လေကြောင်းတိုက်ခိုက်မှု ကြီးမားစွာ အသုံးပြု၍ ထိုးစစ်ဆင်နေသော အာဏာသိမ်းစစ်တပ်ကို ရှေ့တန်းတွင် အသက်စွ့န်၍ ကာကွယ်နေရသော ချင်းတော်လှန်ရေး ရဲဘော်များ၏ လိုအပ်ချက်များကို နောက်တန်းမှ မိမိတို့အနေဖြင့် အုပ်တစ်ချုပ်၊ သဲတစ်ပွင့် ပါဝင်ကူညီအားဖြည့်ပေးကြရန် မင်းတပ်ပအဖက အထူးမေတ္တာရပ်ခံနေသည်။ လက်ရှိ တိုက်ပွဲကာလအတွင်း မင်းတပ်မြို့နှင့် မင်းတပ်မြို့နယ်အရှေ့ခြမ်းနေရာများ၊ ချင်းတောင်ပိုင်းမြို့များကို စစ်တပ်က လေကြောင်းတိုက်ခိုက်မှုများ နေ့စဉ်နီးပါးပြုလုပ်နေပြီး ပြည်သူတချို့ ထိခိုက်သေဆုံးမှု ရှိနေသကဲ့သို့ နေအိမ်အဆောက်အဦးများ ထိခိုက်ပျက်စီးမှု အများအပြား ရှိနေကြောင်း ဒေသခံတချို့ထံမှ သိရသည်။ ချင်းလူမျိုးတို့…
လူသတ် ခုန်ပျံ/ ကြွမိုင်းနှင့် ရှေ့ထွက်/ ဦးတည်မိုင်း တွေ ဘယ်လိုအလုပ်လုပ်သလဲ? ကြိုတင် သိရှိနားလည်ခြင်းအားဖြင့် ဘယ်လို ကာကွယ်မလဲ? လူသတ် ခုန်ပျံ/ကြွမိုင်း • ဒီမိုင်းက နင်းမိတဲ့အခါ ဒါမှမဟုတ် တိုက်ကြိုးကို ထိမိတဲ့အခါ မိုင်းကိုယ်ထည်က ၁ မီတာအမြင့်လောက်ထိ လေပေါ် မြောက်တက်လာပါတယ်။ အဲဒီလို လေပေါ်မြောက်တက်လာပြီးမှ ပေါက်ကွဲတာဖြစ်ပါတယ်။ • ဘာကြောင့် ပိုအန္တရာယ်ရှိသလဲ ဆိုရင် သူက မြေပြင်ပေါ်မှာ ပေါက်ကွဲတာမဟုတ်ဘဲ လေထဲမှာ ပေါက်ကွဲတာဖြစ်တဲ့အတွက် အစအနတွေဟာ မြေကြီးထဲ နစ်ဝင်မသွားဘဲ လူ့ခန္ဓာကိုယ်ရဲ့ အရေးကြီးတဲ့ အစိတ်အပိုင်းတွေ (ဦးခေါင်း၊ ရင်ဘတ်၊ ဝမ်းဗိုက်) ရှိရာ အမြင့်ကို တိုက်ရိုက်လွင့်စင်လာပါတယ်။ ဒါကြောင့် ခြေထောက်ပြတ်ရုံတင်မကဘဲ တခြားခန္ဓာကိုယ်ထိပါ ထိခိုက်နိုင်သလို အသက်သေဆုံးစေဖို့အထိ ရည်ရွယ်တာဖြစ်ပါတယ်။ • အသွင်အပြင်နှင့် အမှတ်အသား တွေကတော့ များသောအားဖြင့် သံဗူးပုံစံ (ဆလင်ဒါပုံစံ) ရှိပြီး သံနဲ့ ပြုလုပ်ထားပါတယ်။ မြေကြီးပေါ်မှာ “ဦးမှို” လို့ခေါ်တဲ့ သံချောင်းလေးတွေ ဒါမှမဟုတ် အာရုံခံတံလေးတွေ ပြူထွက်နေတာကိုပဲ မြင်ရတတ်ပါတယ်။ မြေကြီး ဒါမှမဟုတ် သစ်ရွက်ခြောက်တွေကြားထဲက သံစူးလေးတွေ ပြူထွက်နေရင် ဒါဟာ ကြွမိုင်းဖြစ်နိုင်ပါတယ်။ လူသတ် ရှေ့ထွက်/ဦးတည်မိုင်း • ရှေ့ထွက် ဒါမှမဟုတ် ဦးတည်မိုင်းပါ။ တခြားမိုင်းတွေက ဘေးပတ်ပတ်လည်ကို ပေါက်ကွဲပေမယ့် ဒီမိုင်းကတော့ သတ်မှတ်ထားတဲ့ လမ်းကြောင်းအတိုင်း ရှေ့တည့်တည့်ကိုပဲ ဦးတည်ပေါက်ကွဲအောင် ပြုလုပ်ထားတာဖြစ်ပါတယ်။ သူ့ကို အများဆုံး တွေ့မြင်ရတတ်တဲ့ နေရာတွေကတော့ မြေကြီးပေါ်မှာ ဒေါက်တိုင်လေးတွေနဲ့…
(005MK) အိန္ဒိယဗဟိုအစိုးရသည် မီဇိုရမ်ပြည်နယ်ရှိ စစ်ဘေးရှောင်ဒုက္ခသည် (၄) သောင်းနီးပါးအတွက် ဒုတိယအကြိမ်မြောက် အဖြစ် ရူပီး ၅ ကုဋေ တန်ဖိုးရှိ ဆန်များကို အခမဲ့ ထပ်မံဖြန့်ဝေပေးရန် စီစဉ်ဆောင်ရွက်လျက်ရှိကြောင်းသိရသည်။ မီဇိုရမ်ပြည်ထဲရေးဌာနမှ ရရှိသော သတင်းအချက်အလက်များအရ မကြာသေးမီက အဆိုပါဆန်ဖြန့်ဖြူးရေးကိစ္စကို အပြီးသတ် ဆောင်ရွက်နိုင်ခဲ့ကြသည်ဟု All India Radio News ကဖော်ပြသည်။ အဆိုပါဆန်များသည် စားသုံးသူရေးရာ၊ အစားအစာနှင့် အများပြည်သူသို့ ဖြန့်ဖြူးရေးဝန်ကြီးဌာန (MCAF&PD) မှ အိန္ဒိယစားနပ်ရိက္ခာကော်ပိုရေးရှင်း (FCI) မှတစ်ဆင့် မီဇိုရမ်ပြည်နယ် အစားအစာ၊ အရပ်ဘက်ထောက်ပံ့ရေးနှင့် စားသုံးသူရေးရာ (FCS&CA) ဌာနထံသို့ ရောက်ရှိလာပြီးဟုသိရသည်။ ဆန်ဝယ်ယူမှု ကုန်ကျစရိတ်ဖြစ်သော ရူပီးငွေ ၅ ကုဋေကို အိန္ဒိယပြည်ထဲရေးဝန်ကြီးဌာန (MHA) က ကျခံမှာဖြစ်ပြီး လက်ရှိတွင် ဆန်များကို ဖြန့်ဖြူးပေးနိုင်ရန်အတွက် ခရိုင်အသီးသီးရှိ ဂိုဒေါင်များတွင် ထားရှိရန် စီစဉ်ထားကြသည်။ ဆန်များကို ယခုလ ၃၀ ရက်နေ့မတိုင်ခင် အားလုံးဖြန့်ဖြူးပေးရန် စီစဉ်ထားကြသည်ဟု သိရသည်။ ဆန်စုစုပေါင်း ပမာဏမှာ မက်ထရစ်တန် ၁,၂၉၁ တန်ကျော် ရှိပြီး ခရိုင်တစ်ခုချင်းစီရှိ စစ်ဘေးရှောင်လူဦးရေအပေါ် မူတည်၍ ခွဲဝေဖြန့်ဖြူးပေးသွားမည်ဖြစ်သည်။ အိန္ဒိယဗဟိုအစိုးရသည် လွန်ခဲ့သော ၂၀၂၄ ခုနှစ်ကလည်း မီဇိုရမ်ပြည်နယ်ရှိ စစ်ဘေးရှောင်များအတွက် ရူပီး ၅ ကုဋေ တန်ဖိုးရှိ ဆန်များကို အခမဲ့ ဖြန့်ဖြူးပေးခဲ့ပြီးဖြစ်သည်။ ပြည်ထဲရေးဌာန၏ မှတ်တမ်းများအရ မီဇိုရမ်ပြည်နယ်တွင် ယခုလက်ရှိ မြန်မာနိုင်ငံမှ စစ်ဘေးရှောင် ၂၉,၇၀၂ ဦး၊ ဘင်္ဂလားဒေ့ရှ်နိုင်ငံမှ…
သတိရှိရှိ သွားလာပါ၊ ဘေးအန္တရာယ် ကင်းအောင်နေပါ၊ ဖုံးကွယ်ထားသော မြေမြုပ်မိုင်းအန္တရယ်များကို သတိပြုပါ။ လူသတ်နင်းမိုင်းနှင့် အစအနထွက်မိုင်း (တိုက်မိုင်း၊ ကြိုးမိုင်း) တို့၏ ကွာခြားချက်ကို သိရှိနားလည်ခြင်းဖြင့် မိမိကိုယ်ကိုနှင့် ကိုယ့်ပတ်ဝန်းကျင်ရှိသူများ၏ အသက်ကို ကယ်တင်နိုင်ပါတယ်။ လူသတ် နင်းမိုင်းနှင့် ဖြာထွက်/ အစအနထွက်မိုင်းအကြောင်း သိရှိနားလည်ပြီး အသက်အန္တရာယ်ကို ရှောင်ရှားကြစို့။ လူသတ်နင်းမိုင်း • မြေကြီးအောက်မှာ မြှုပ်ထားတတ်ပြီး နင်းမိတဲ့အချိန်မှာ အပေါ်ကို တိုက်ရိုက်ပေါက်ကွဲတဲ့ မိုင်းဖြစ်ပါတယ်။• ဒီမိုင်းတွေဟာ ဖိအားပေးမှ ပေါက်ကွဲတဲ့ အမျိုးအစားဖြစ်ပါတယ်။ ပုံမှန်အားဖြင့် နင်းမိတဲ့အခါ ပေါက်ကွဲတတ်ပါတယ်။ မြေမျက်နှာပြင်အောက် (၁) လက်မကနေ (၂) လက်မအကွာမှာ မြှုပ်ထားတတ်တာကြောင့် သာမန်မျက်စိနဲ့ မမြင်နိုင်ပါဘူး။• ပေါက်ကွဲမှု သဘောသဘာဝ အားဖြင့် ပေါက်ကွဲအားဟာ အပေါ်တည့်တည့်ကို ဦးတည်ပါတယ်။ ခြေထောက်နဲ့ မိုင်း တိုက်ရိုက်ထိကပ်နေတာကြောင့် ခြေဖဝါး ဒါမှမဟုတ် ခြေထောက်ကို ပြတ်ထွက်သွားစေဖို့ ရည်ရွယ်ပြီး ပြုလုပ်ထားတာဖြစ်ပါတယ်။• သတိထားရမည့် အသွင်အပြင် ကတော့ ဒီမိုင်းတွေဟာ သေးငယ်ပြီး သာမာန်မျက်စိဖြင့်သော်လည်ကောင်း၊ မိုင်းရှာစက်ဖြင့်သော်လည်ကောင်း ရှာလို့မရအောင် ပြုလုပ်ထားတာ များပါတယ်။ ပုံသဏ္ဍာန်ကတော့ ငါးသေတ္တာဘူးအသေး၊ ဖိနပ်တိုက်ဆေးဘူးအရွယ်အစားလိုမျိုး ရှိတတ်ပါတယ်။ မြေကြီး ဒါမှမဟုတ် မြက်ခင်းတွေနဲ့ ရောနှောနေအောင် ဝေခွဲရခက်တဲ့အရောင်နဲ့ လူအများသိချင်သည့်အရောင်များဖြင့်လည်း အသုံးပြုတတ်ပါတယ်။ ဉပမာ – အစိမ်းရောင်၊ အညိုရောင်နဲ့ အမည်းရောင်တွေကို အသုံးများပါတယ်။ လူသတ် ဖြာထွက်/အစအနမိုင်း • ဖြာထွက် ဒါမှမဟုတ် အစအနထွက်မိုင်းပါ။ ပေါက်ကွဲတဲ့အခါ အထဲမှာ လူကိုထိခိုက်စေဖို့ထည့်ထားတဲ့ သံတိုသံစတွေက…
(006SV) ချင်းတောင်ပိုင်း၊ မင်းတပ်နှင့် ကန်ပက်လက်မြို့များကို အာဏာသိမ်းစစ်တပ်က အပြင်းအထန်ထိုးစစ်ဆင် တိုက်ခိုက်နေစဉ် ယခုရက်ပိုင်းအတွင်း မင်းတပ်မြို့ကို လေကြောင်းဗုံးကြဲမှု ပိုမိုပြင်းထန်စွာ ပြုလုပ်လာနေပြီး နေအိမ်အဆောက်အဦး ထိခိုက်ပျက်စီးမှု အများအပြား ရှိနေကြောင်း သိရသည်။ ယနေ့ဇွန်လ ၈ ရက် မနက်ပိုင်းမှာပင် မင်းတပ်မြို့နယ်ထဲကို လေကြောင်းတိုက်ခိုက်မှုအများအပြား ပြုလုပ်ခဲ့ပြီး နံနက် ၁၀ နာရီခွဲခန့်မှ ၁၁ နာရီ ၁၅ မီနစ်အထိ မင်းတပ်မြို့အရှေ့ခြမ်းနေရာများကို ဂျက်ဖိုက်တာ ၂ စီးဖြင့် ၃ ကြိမ် လေကြောင်းတိုက်ခိုက်ရာ ဗုံး ၆ လုံး အသုံးပြုခဲ့သည်ဟု မင်းတပ်မြို့ဒေသခံထံမှ သိရသည်။ ယင်းအချိန်မှာပင် Y- 12 ဗုံးကြဲလေယာဉ်ဖြင့် ဗုံးများကို ၄ လုံးတစ်တွဲ၊ ၅ လုံးတစ်တွဲနှင့် ၉ ကြိမ် ဗုံးကြဲတိုက်ခိုက်ခဲ့ပြီး ဗုံးအလုံးပေါင်း ၄၀ ကျော်အထိ အသုံးပြုကြောင်း မင်းတပ်မြို့ဒေသခံ ကိုဟာကလေးထံမှ သိရသည်။ ယနေ့ မနက် ၇ နာရီခွဲခန့်ကလည်း မင်းတပ်မြို့အရှေ့ခြမ်း တစ်နေရာကို ဂျက်ဖိုက်တာ ၂ စီးမှ ၃ ကြိမ် လေကြောင်းတိုက်ခိုက်ရာ ဗုံး ၆ လုံး အသုံးပြုခဲ့ကြောင်း သိရသည်။ ယမန်နေ့ ဇွန်လ ၇ ရက်၊ နံနက် ၁ နာရီခန့်မှာလည်း မင်းတပ်မြို့ပေါ်ကို စစ်တပ်က ဂျက်ဖိုက်တာ ၂ စီးဖြင့် ပေါင် ၅၀၀ ဗုံး ၂ လုံး ကြဲချတိုက်ခိုက်ခဲ့ပြီး မြို့ပေါ်နေအိမ် ၁၀…
(004SS) ချင်းပြည်နယ်၊ ထန်တလန်မြို့နယ်တွင် အကြွေးကိစ္စဖြင့်တိုင်ကြားခံရမှုကြောင့် CDF-Thantlang က ဖမ်းဆီးထိန်း သိမ်းထားသည့် ၎င်းတို့တပ်ဖွဲ့ဝင်ဟောင်း ကိုထောင်ကျင်းသည် အချုပ်ခန်းထဲတွင် သံသယဖြစ်ဖွယ်သေဆုံးမှုဖြစ်ပွားခဲ့သည်ဟု စုံစမ်း သိ ရှိရသည်။ ထန်တလန်မြို့နယ် ထိန်ဟွာလ်းရွာသား အသက် ၃၈ နှစ်အရွယ် ကိုထောင်ကျင်းသည် ဇွန်လ ၁ ရက်နေ့ ည ၁၁ နာရီခန့်တွင် ၎င်းတို့ရွာရှိ အသိအိမ်တွင် အလည် ရောက်နေစဉ် CDF-Thantlang ရဲတပ်ဖွဲ့ဝင်များက ဆိုင်ကယ်ဖြင့် လာရောက်ဖမ်းဆီးခေါ်ဆောင်သွားပြီး နောက်တစ်နေ့ ဇွန်လ ၂ ရက်နေ့ မနက် ၇ နာရီတွင် အချုပ်ခန်းအတွင်း၌ ကြိုးဆွဲချအနေအထားဖြင့် သေဆုံးနေသည်ကို တွေ့ရှိခဲ့ရသည်ဟုသိရသည်။ “ထောင်ကျင်းကို ခေါ်သွားကြပြီးစခန်းရောက်တော့ စစ်ဆေးမေးမြန်တယ်၊ ခါးအောက်ပိုင်း တုတ်နဲ့ရိုက်စစ်ခဲ့တယ်လို့ ပြောပါတယ်။ အဲလိုနဲ့ညအိပ်ကြပြီးတော့ နောက်နေ့ မနက် ၇ နာရီမှာ ကြိုးဆွဲချသွားတယ်ဆိုပြီး အကြောင်းကြားလာပါ တယ်။ CDF ဘက်ပြေပုံအရ ခါးပတ်ကြိုးနဲ့ ကိုယ့်ကိုယ်ကိုယ်ဆွဲချတာလို့ ပြောတယ်။ ကျွန်တော်တို့ ရောက်သွားတော့လည်း ကြိုးဆွဲချလျက်အခြေအနေကို ကိုယ်တိုင်မမြင်ရပါဘူး။ ကုတင်ပေါ် ပက်လက်တင်ထားတဲ့ အလောင်းကိုပဲ လွှဲပေးပါတယ်။ သူတို့ ဓါတ်ပုံရိုက်ထားလို့ ပြပေးပါတယ်။ ပုံမှာ ဒူးကွေးလျက် ကြမ်းပြင်မထိယုံ ခြေမလွတ်တဲ့ အနေအထား ဖြစ်နေပါတယ်။ သူ့ရဲ့ နှာခေါင်း၊ ပါးစပ်၊ ရင်ဘတ်နဲ့ ပေါင်တွေမှာပါ သွေးတွေ ပေကျံနေတာပါ။ နောက် ကြိုးဆွဲချတဲ့ကြမ်းပြင်မှာလဲ သွေးတွေ ကျန်နေခဲ့ပါတယ်။ ကျွန်တော်တို့အဖြစ်မှန်ကိုမသိရပါဘူး ဒါပေမဲ့ အားလုံးက ပြင်းပြင်းထန်ထန် ရိုက်နှက်စစ်ဆေးရာကနေ သေဆုံးတာလားလို့ ယူဆနေပါတယ်။…