ချင်းအမျိုးသားတက္ကသိုလ်မှာ တက္ကသိုလ်ကျောင်းသူ/သား ၄၀၀ ကျော်ရှိဟုဆို (006SV) လက်ရှိတော်လှန်ရေးကာလအတွင်း ချင်းလဲန်းကောင်စီ၊ ချင်းပြည်အစိုးရ၊ ပညာရေးဝန်ကြီးဌာနသည် စာသင်ကျောင်း ပေါင်း ၃၇၃ ကျောင်း ဖွင့်လှစ်ထားပြီး ကျောင်းသူကျောင်းသားပေါင်း ၃၅, ၈၉၇ ဦး ပညာသင်ယူလျက်ရှိကြောင်း သိရ သည်။ ၂၀၂၄ ခုနှစ်စတင်၍ တိုက်ပွဲများ ဖြစ်ပွားနေသည့်အကြားတွင် ချင်ပြည်နယ်အနှံ့မှာ စာသင်ကျောင်းများ ပုံမှန်ဖွင့်လှစ် နိုင်ရေးအတွက် ဆောင်ရွက်ခဲ့ပြီး လက်ရှိမှာ ကျေးရွာပေါင်း ၆၆၀ ကျော်ကို လွမ်းခြုံသော စာသင်ကျောင်းများကို ဖွင့်လှစ်ထားခြင်းဖြစ်သည်။ “ပညာရေးဝန်ကြီးဌာနအနေနဲ့ အခြေခံကျောင်းပေါင်း ၃၇၃ ကျောင်းဖွင့်လှစ်နိုင်ခဲ့တယ်။ အခုလည်း လက်ရှိ ဖွင့်နေပါ တယ်။ ကျောင်းသားကျောင်းသူအနေနဲ့ သုံးသောင်းခွဲကျော် ရှိပါတယ်။ ဆရာ၊ ဆရာမက သုံးထောင်ကျော်နဲ့ ဒီကျောင်း တွေကို လည်ပတ်နေတာ ဖြစ်တယ်။ အခုလက်ရှိမှာ ကျမတို့ အစိုးရအဖွဲ့အနေနဲ့က ငွေကြေး အများကြီး ထုတ်ပေးနိုင် တာ မရှိပါဘူး။ ပညာရေးဝန်ဆောင်မှု အားလုံးရဲ့ အများစုက ပြည်သူလူထုရဲ့ အားစိုက်ထုတ်မှုကနေ လာပါတယ်” ဟု ချင်းပြည်အစိုးရအဖွဲ့မှ Dr. Sharon Par က ပြောသည်။ ချင်းပြည်ဖက်ဒရယ် ဒီမိုကရေစီပညာရေးမူဝါဒနှင့် ပညာရေးမဟာဗျူဟာလုပ်ငန်းစဉ် (၂၀၂၅- ၂၀၂၃၀ ကိုလည်း ရေးဆွဲ ထားပြီး ပညာရေးလမ်းညွှန်မူဘောင်အဖြစ် ကျင့်သုံးနေသည်ဟု သိရသည်။ လက်ရှိမှာ ရပ်ရွာအခြေပြု ပြည်သူတရပ်လုံးက စုပေါင်းထည့်ဝင်သော ဘဏ္ဍာငွေများဖြင့် ဆရာ/မ လစာနှင့် အခြေခံ အဆောက်အဦး လိုအပ်ချက်များကို အဓိက ဖြည့်ဆည်းနေရပြီး ပညာရေးမှာ…
Author: Editor
(002MG) စစ်ကိုင်းတိုင်း၊ ကလေးမြို့၊ တာဟန်းရပ်ကွက်တွင် ဖွင့်လှစ်ထားသည့် နှစ်ပေါင်း ၄၀ နီးပါး သက်တမ်း ရှိ သော ဝယ်စလီ ပုဂ္ဂလိက (Wesley Hospital) ဆေးရုံကြီးအား ပိုမိုကျယ်ဝန်းသည့် နေရာသစ်သို့ ဩဂုတ်လ ၂၉ ရက်နေ့မှစတင်ကာ ပြောင်းရွှေ့ဖွင့်လှစ်ပြီး ယနေ့မှစတင်ကာ လူနာများအား ပုံမှန်အတိုင်း ဆေးကုသမှုပေးနေပြီဖြစ်ကြောင်း သိရသည်။ ဝယ်စလီပုဂ္ဂလိက ဆေးရုံမှ တာဝန်ရှိသူ တစ်ဦးက “အဟောင်းမှာဘယ်သူမှ မရှိတော့ဘူး။ အကုန်လုံး ပြောင်းပြီး သွားပြီ။ စနေနေ့ကပြောင်းတာ။ ဒီနေ့ကနေစပြီးတော့မှ ပြင်ပလူနာတွေလည်း အသစ်မှာပဲ စဖွင့်ပြီ။ အခုဆေးရုံက ပုံမှန်အတိုင်းအကုန် ခွဲစိတ်မှုကအစလုပ်လို့ရပြီ။ကျောက်ကပ်ဆေးတာ၊ ကင်ဆာ ကုတာရယ်၊ အမျိုးသမီးတွေအတွက် ရင်သားကင်ဆာအတွက်လည်း ကုသလို့ရပြီ။ အခုဆေးရုံက ၆ ထပ် လုပ်ဖို့စဉ်းစားထားတယ်။ ဒါပေမယ့် အခု လောလောဆယ်တော့ ၅ ထပ်အထိပဲ ဖွင့်သေးတာပေါ့။” ဟု ပြောသည်။ ဆေးရုံဟောင်းတွင် တက်ရောက်ကုသနေကြသည့်လူနာများအား ပြောင်းရွှေ့ရာတွင်လည်း ကလေးမြို့ရှိ လူမှုကူညီရေး အသင်းများဖြစ်သည့် မေတ္တာထွဋ်ခေါင်၊ ကာယကံမေတ္တာ၊ ပုညကုသလ၊ တာဟန်းဇိုမီး လူ ငယ်၊ မြို့လှ၊ အင်ဒိုင်းကုန်း နှင့် Wesley အသင်းတော်မှ လူငယ်တို့သည် ဝိုင်းဝန်းကူညီ ရွှေ့ပြောင်း ပေးခဲ့ကြသည်ဟုသိရသည်။ မေတ္တာထွဋ်ခေါင် လူမှုကူညီရေးအသင်းက Yar Zar Aung “ဝယ်စလီဆေးရုံကြီး နေရာသစ်ကို ပြောင်းရွှေ့ပြီမို့ သက်တမ်းတစ်လျှောက်လုံးသုံးလာခဲ့တဲ့ ဆေးရုံ(ဟောင်း) မှာ လက်ရှိတက် ရောက်နေ ကုသနေကြတဲ့လူ နာ တွေကို နေရာအသစ်ကို ပြောင်းရွှေ့…
(006SV) ကရင်နီအမျိုးသားတော်လှန်ရေး ခေါင်းဆောင်တစ်ဦးဖြစ်သော ဦးအောင်ဆန်းမြင့် ကွယ်လွန်သွားခြင်းသည် တိုင်းရင်း သားလူမျိုးများအတွက် ကိုယ်ပိုင်ပြဌာန်းခွင့် အာမခံချက်ရှိသော ဖက်ဒရယ်ဒီမိုကရေစီ ပြည်ထောင်စုတည် ဆောက်ရေး မှာ ကြီးမားသော ဆုံးရှုံးမှုတရပ်ဖြစ်သည်ဟု ချင်းပြည်ကောင်စီက ထုတ်ပြန်သည်။ ဦးအောင်ဆန်းမြင့် ကွယ်လွန်ခြင်းအပေါ် ဝမ်းနည်းကြောင်း သဝဏ်လွှာကို ချင်းပြည် (Chinland) ကောင်စီက ဩဂုတ်လ ၃၁ ရက်က ပေးပို့ရာတွင် အသိပေးထုတ်ပြန်လာခြင်းဖြစ်သည်။ လက်ရှိ နွေဦးတော်လှန်ရေးကာလအတွင်း ဦးအောင်ဆန်းမြင့်သည် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေး ဦးဆောင်ကောင်စီ (SCEF) ၏ အတွင်းရေးမှူးအဖွဲ့ဝင်၊ တိုင်းရင်းသားလူမျိုးများ ကောင်စီ၏ Coordinator ၊ ကရင်နီပြည် အတိုင်ပင်ခံ ကောင်စီ (KSCC) ၏ ဥက္ကဌ၊ ကရင်နီအမျိုးသားတိုးတက်ရေးပါတီ (KNPP) ၏ အထွေထွေအတွင်းရေးမှူး စသည့် ကြီးလေးသော တော်လှန်ရေးတာဝန်များကို ထမ်းဆောင်နေချိန်မှာ ကွယ်လွန်ခြင်းဖြစ်သည်။ ဦးအောင်ဆန်းမြင့်၏ တော်လှန်ရေးတာဝန်ကျေပွန်မှု၊ အနစ်နာခံ ပေးဆပ်မှုများအပေါ် ဦးညွှန်ဂါရဝ ပြုပါသည်ဟု ချင်ပြည်ကောင်စီက ဆိုသည်။ ကရင်နီလူမျိုးများ၏ နိုင်ငံရေး ရည်မှန်းချက်နှင့် လွတ်လပ်မှု၊ တန်းတူညီမျှမှုနှင့် တရားမျှတမှု ရှိပြီး တိုင်းရင်းသားများ ကိုယ်ပိုင်ပြဌာန်းခွင့်ရှိသော ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးအတွက် ဆုံးရှုံးမှု ကြီးမားသည်ဟု သိရသည်။ ဦးအောင်ဆန်းမြင့် ကွယ်လွန်ခြင်းသည် ပြည်သူ့တော်လှန်ရေးအတွက် အစားထိုးမရသော ဆုံးရှုံးမှုတရပ်ဖြစ်သည်ဟု ချင်းအမျိုးသားတပ်ဦး (CNF) ကလည်း ယနေ့ ဩဂုတ်လ ၃၁ ရက်မှာ ထုတ်ပြန်သည်။ “သူ၏ ဘဝတလျှောက်လုံး ကရင်နီပြည်၏ နိုင်ငံရေး၊ တော်လှန်ရေး၊ အုပ်ချုပ်ရေး၊ တရားစီရင်ရေးကဏ္ဍများတွင်…
စစ်တပ်က ဂျက်ဖိုက်တာ ၂ စီးဖြင့် ပေါင် ၅၀၀ ဗုံးများ အသုံးပြု၍ ဗုံကြဲ ဟုဆို (006SV) ချင်းပြည်နယ်၊ မင်းတပ်မြို့နယ်၊ တိုက်နယ်အမှတ် ၂ ထဲက ကျေးရွာတစ်ရွာကို အာဏာသိမ်းစစ်တပ်က ဂျက်ဖိုက်တာ ၂ စီးဖြင့် ပေါင် ၅၀၀ ဗုံးများ အသုံးပြု၍ ဗုံးကြဲတိုက်ခိုက်ခဲ့ရာ ကလေးငယ် ၂ ဦးအပါအဝင် ၈ ဦး သေဆုံးပြီး ၁၀ ဦးကျော် ထိခိုက်ဒဏ်ရာ ရရှိသည်ဟု သိရသည်။ ဩဂုတ်လ ၃၀ ရက် ညနေ ၅ နာရီခန့်တွင် တိုက်နယ်အမှတ် ၂ ထဲမှ ကျေးရွာတစ်ရွာ၏ နေရာ ၂ ခုကို စစ်တပ်က ဂျက်ဖိုက်တာ ၂ စီးဖြင့် ပေါင် ၅၀၀ ဗုံးဟူ၍ ယူဆရသော ဗုံး ၄ လုံး အသုံးပြုပြီး ၂ ကြိမ် လေကြောင်းတိုက်ခိုက်မှု ပြုလုပ်သွားသည်ဟု မင်းတပ်ဒေသခံတချို့ထံမှ သိရသည်။ လေကြောင်းတိုက်ခိုက်ခံရမှုကြောင့် KG မူလတန်းတက်ရောက်နေသော ကလေးငယ်၁ ဦး၊ ၉ တန်း တက်ရောက်နေသော ကလေးငယ် ၁ ဦးနှင့် သက်ကြီးရွယ်အိုများအပါအဝင် ကျား ၄ဦး၊ မ ၄ ဦး စုစုပေါင်း ၈ ဦးသေဆုံးခဲ့ကြောင်း၊ ဒေသခံအရပ်သားပြည်သူ ၁၀ ဦးကျော်လည်း ထိခိုက်ဒဏ်ရာများ ရရှိခဲ့သည်ဟု သိရသည်။ ထိခိုက်သေဆုံး ဒဏ်ရာရရှိသူများထဲတွင် အဆိုပါကျေးရွာတွင် စစ်ဘေးရှောင်နေကြသော စစ်ဘေးရှောင် ပြည်သူများ…
(004SS) ချင်းပြည်နယ်၊ ဖလမ်းမြို့နယ်၊ CDF-Hualngoram ထိန်းချုပ်နယ်မြေအတွင်း တော်လှန်ရေးလုပ်ငန်းများ အင်တိုက် အားတိုက် ဆက်လက်ဆောင်ရွက်နိုင်ရန်အတွက် မြေပြင်ရှိ တော်လှန်ရေးရဲဘော်များအား တစ်လလျှင် ၅ သိန်းကျပ်နှုန်းဖြင့် ပုံမှန်ထောက်ပံ့ပေးလျက်ရှိနေကြောင်း CDF-Hualngoram ထံမှ သိရသည်။ ယင်းသို့ ထောက်ပံ့ပေးနိုင်သည်မှာ ၅ လခန့်ရှိပြီဟု သိရပြီး Hualngoram ဒေသရှိ ကျေးရွာပေါင်း ၅၆ ရွာအနက် ကျေးရွာ ၄၀ ဝန်းကျင်မှ ပြည်သူများထံ လစဉ်ကောက်ခံရရှိငွေဖြင့် ထောက်ပံ့ပေးနိုင်ခြင်းဟု CDF-Hualngoram ကာကွယ်ရေး အတွင်းရေးမှူးက ပြောသည်။ “ဒါက ကျွန်တော်တို့ HPO/CDF-Hualngoram ကနေ အတင်းအဓမ္မနဲ့ ကောက်ခံတာမဟုတ်ပဲနဲ့ တော်လှန်ရေးလုပ်ငန်းတွေ ဆက်လက်ဆောင်ရွက်နိုင်ဖို့ ကျွန်တော်တို့ရဲ့ Hualngoram ဒေသရှိ ကျေးရွာ အုပ်ချုပ်ရေးတာဝန်ခံတွေအားလုံးပါဝင်တဲ့ Annual Conference ကနေ ဆုံးဖြတ်ပြီး လာရောက်ထည့်သွင်းကြတာပါ။ ဒီလို ပြည်သူတွေက ထည့်ဝင်တဲ့ ငွေတွေနဲ့ ရဲဘော်တွေကို တလ ၅ သိန်းထောက်ပံ့ကြေး ပေးနိုင်ခဲ့တာဖြစ်ပါတယ်။ ပြည်သူအများစုကလည်း ဒီကိစ္စအပေါ် စောဒက တက်တာ မရှိပါဘူး။ သူတို့ရဲ့ တစ်လအတွင်းမှာ တစ်ရက်လုပ်အားခလေးနဲ့ တော်လှန်ရေး လုပ်နေတဲ့ ရဲဘော်တွေကို ထောက်ပံ့ရင်း တော်လှန်ရေးပိုမိုအားကောင်းစေရန် အားပေးချင်တဲ့ ရည်ရွယ်ချက်နဲ့ ထည့်ဝင်ကြတာပါ” ဟု ၎င်းက ပြောသည်။ ယခုကဲ့သို့ လစဉ်ထောက်ပံ့ပေးနိုင်မှုကြောင့် ၄ နှစ်မှ ၅ နှစ်နီးပါး ဝင်ငွေမရှိဘဲ တော်လှန်ရေးတွင် ပေးဆပ်ပါဝင်နေသည့် ရဲဘော်များနှင့် ၎င်းတို့၏ အိမ်ထောင်၊ ကလေးများအပါအဝင် မိသားစု စားဝတ်နေရေးအတွက် ကြီးမားသော…
(006SV) ချင်းပြည်နယ်၊ ဟားခါးမြို့အနီးရှိ ချွန်ကျုံးကျေးရွာမှ ချင်းခရစ်ယာန်သင်းအုပ်ဆရာ သိက္ခာတော်ရ Reverend William နှင့် ဒေသခံရွာသား Pu Nam Ceu တို့ကို အာဏာသိမ်းစစ်တပ်က တရားလက်လွတ်သတ်ဖြတ်ခဲ့ခြင်းကို အရေးယူ ပေးရန် အမေရိကန်အစိုးရနှင့် နိုင်ငံတကာအသိုင်းအဝိုင်းထံ Burma Research Institute (BRI) အဖွဲ့က တောင်းဆို သည်။ ချွန်ကျုံးကျေးရွာ နှစ်ခြင်းအသင်းတော်မှ သင်းအုပ်ဆရာတော်ကြီးနှင့် ဒေသခံရွာသား ၁ ဦးတို့သည် ၂၀၂၆ ခုနှစ်၊ ဇွန်လ ၄ ရက်တွင် စစ်တပ်က ဥပဒေကြောင်းအရ တရားမျှတစွာ စစ်ဆေးစီရင်ခြင်း မလုပ်ဆောင်ဘဲ တရားဥပဒေမဲ့ သတ်ဖြတ်ခဲ့သည်ဟု BRI အဖွဲ့က ဩဂုတ်လ ၂၇ ရက်မှာ ထုတ်ပြန်သည်။ ၂၀၂၆ ခုနှစ် မေလ ၁၆ ရက်က သင်းအုပ်ဆရာတော်နှင့် ဒေသခံရွာသား ၁ ဦးတို့ကို ချွန်ကျုံးကျေးရွာ၏ တစ်မိုင်ခန့် အကွာရှိ တောင်ယာတဲ တစ်ခုတွင် ပဲခူးအခြေစိုက် ခြေမြန်တပ်မ ၇၇ က ဖမ်းဆီးခဲ့ပြီး တစ်လဝန်းကျင်အကြာမှာ သတ်ဖြတ်မှုဖြစ်သည်ဟု သိရသည်။ “သူမိသားစု၊ သူ့အသင်းတော်ဝင်တွေနဲ့ ကမ္ဘာတဝန်းက ချင်းညီအစ်ကို မောင်နှမတွေအားလုံးနဲ့အတူ ကျနော်တို့ ထပ်တူထပ်မျှ ဝမ်းနည်းကြေကွဲရပါတယ်။ ဒီဟာက ဥပဒေကြောင်းအရ တရားမျှတစွာ စစ်ဆေးစီးရင်ခြင်း၊ တရားခွင်မှာ စစ်ဆေးခြင်း မရှိဘဲ တရားလက်လွတ် သတ်ဖြတ်မှု ဖြစ်ပါတယ်။ ဒီသတ်ဖြတ်မှုကို ကျူးလွန်တဲ့ တာဝန်ရှိသူတွေကို အပြစ်ပေး အရေးယူနိုင်ဖို့ နိုင်ငံတကာနဲ့ အထူးသဖြင့် အမေရိကန်ပြည်ထောင်စု အစိုးရတို့ကို့…
(004SS) ချင်းပြည်နယ်၊ တွန်းဇံမြို့နယ် Nakzang ကျေးရွာရှိ ZRA-EC ၏ စခန်းတစ်ခုကို ယနေ့ သြဂုတ်လ ၂၈ ရက်နေ့တွင် CDF-တွန်းဇံတပ်ဖွဲ့က ဝင်ရောက်စီးနင်းတိုက်ခိုက်သိမ်းပိုက်ခဲ့ကြောင်းသိရသည်။ စခန်းစီးနင်းမှုအတွင်း ZRA တပ်ဖွဲ့ဝင်များ၏ ကျည်ဘောက်များ အပါအဝင် စစ်အသုံးအဆောင် ပစ္စည်းအများအပြားကို သိမ်းဆည်းရမိခဲ့ပြီး ZRA တပ်ဖွဲ့ဝင်များမှာ စခန်းကို စွန့်ခွါ ထွက်ပြေးသွား ကြကြောင်း CDF- တွန်းဇံက ယနေ့တွင် သတင်းထုတ်ပြန်ထားသည်။ တိုက်ပွဲအတွင်း CDF တွန်းဇံ တပ်ဖွဲ့ဝင်များ ဘက်မှ အထိအခိုက်မရှိဘဲ မိခင်စခန်းသို့ ဘေးကင်းစွာ ပြန်လည်ရောက်ရှိခဲ့ကြ ကြောင်း သိရသည်။ ယခင်က စစ်ဘေးရှောင် ပြည်သူတစ်ဦးဖြစ်သူ ဂဲလ်မွာလ်ကျေးရွာသား ဦးထန်လမ်းခုပ် ကို CDF တွန်းဇံ တပ်ဖွဲ့ဝင်များနှင့် ဆက်စပ်သည်ဟု စွပ်စွဲကာ ZRA-EC က ညှဉ်းပန်းနှိပ်စက် သတ်ဖြတ်ခဲ့သည့်အပြင် ZRA တပ်ဖွဲ့သည် စစ်ကောင်စီ တပ်များနှင့် ပူးပေါင်းကာ ဒေသခံ ပြည်သူများကို ဒုက္ခပေးနေသည့်အတွက် တုံ့ပြန်တိုက်ခိုက်ခြင်းဖြစ်သည်ဟု ဆိုသည်။ နောက်နောင်တွင်လည်း Chinland Council (CC) နှင့် အခြားသောမဟာမိတ်တပ်ဖွဲ့များနှင့် ပူးပေါင်းကာ တွန်းဇံမြို့နယ်အား ပြန်လည်စိုးမိုး သိမ်းပိုက်နိုင်ရေး ဆက်လက်တိုက်ပွဲဝင်သွားမည်ဟု CDF တွန်းဇံ ကပြောသည်။ Nakzang စခန်း သိမ်းပိုက်ခံလိုက်ရသည်ဆိုသည့် သတင်းနှင့် ပတ်သက်၍ ZRA -EC အနေဖြင့် Nakzang စခန်းကို CDF-Tonzang က လာရောက် တိုက်ခိုက်သော်လည်း လက်လွှတ်ဆုံးရှုံးခဲ့ရခြင်းမရှိဘဲ ဆက်လက် ထိန်းချုပ်စိုးမိုးထားဆဲ ဖြစ်ကြောင်း…
(006SV) ချင်းလဲန်းကောင်စီ၊ ချင်းပြည်အစိုးရက ဒေသန္တရအစိုးရများကို မြို့နယ်နှင့် ဒေသ ၁၉ ခုတွင် ရှေးယခင်အဆက်ဆက် ကတည်းကတည်ရှိနေသည့် မျိုးနွယ်စု နှင့် ဒေသကို အခြေခံ ဖွဲ့စည်းထားသည်ဟု သိရသည်။ ချင်းပြည် (Chinland) တည်ဆောက်ခြင်း၊ ချင်းပြည်သူတို့၏ ကိုယ်ပိုင် အုပ်ချုပ်ခွင့်ကို ကျင့်သုံးပြီး ၂ နှစ်ခွဲကာလ အတွင်း အုပ်ချုပ်ရေးဖော်ဆောင်မှု အစီရင်ခံစာနှင့်ပတ်သက်၍ ယနေ့ ဩဂုတ်လ ၂၈ ရက်မှာ အွန်းလိုင်းမှတဆင့် ကျင်းပသော သတင်းစာရှင်းလင်းပွဲတွင် ချင်းလဲန်းကောင်စီတာဝန်ရှိသူများက ယင်းသို့ ပြောခြင်းဖြစ်သည်။ “ယခင် ၂၀၂၁ အာဏာမသိမ်းမှီ ကာလက တည်ရှိခဲ့သော အုပ်ချုပ်ရေးနယ်နိမိတ်များကို အခြေမခံဘဲ ရှေးယခင် အဆက်ဆက်ကတည်းက တည်ရှိရှင်သန်နေခဲ့သော ဒေသနှင့် မျိုးနွယ်စု နယ်နိမိတ်များကို အခြေခံ၍ ဖွဲ့စည်း ထားသည်” ဟု ချင်းပြည်ကောင်စီ အတွင်းရေးမှူး Salai Kep Chin Thang က ပြောသည်။ မြို့နယ်နှင့် ဒေသ အစိုးရများသည် ကိုယ်ပိုင်ဖွဲ့စည်းပုံ အခြေခံဥပဒေ ရေးဆွဲပြဌာန်းခွင့် ရှိပြီး ကိုယ်ပိုင်အုပ်ချုပ်ရေး အသီးသီးကို ဖော်ဆောင်ကြကာ မြို့နယ်နှင့် ဒေသများက စုပေါင်း၍ အောက်မှ အထက်သို့ ချဉ်းကပ်မှု ပုံစံဖြင့် ချင်းပြည်ကောင်စီကို အတူတကွ ဖွဲ့စည်း တည်ဆောက်သည်ဟု သိရသည်။ ချင်းပြည်ကောင်စီရှိ မြို့နယ်နှင့် ဒေသန္တရအစိုးရများမှာ Hakha Central Council ၊ Hualngoram Peoples Organization ၊ Kanpetlet Council ၊ Lautu…
(006SV) Myanmar League တွင် ကစားနေသော Chinland FC အသင်းမှ ချင်းဘောလုံးသမားတစ်ဦးသည် ရန်ကုန်မြို့က အိမ်အပြန် လမ်းတွင် ပျောက်ဆုံးသွားမှုမှာ တစ်ပတ်ခန့် ရှိနေပြီဖြစ်ကြောင်း Chinland FC ထံမှ သိရသည်။ ဩဂုတ်လ ၂၂ ရက်က ရန်ကုန်မြို့အတွင်း ဖူဆယ်ပွဲ ကြည့်ပြီး လိုင်းကားဖြင့် ပြန်လာစဉ် ဒဂုံမြို့သစ်မြောက်ပိုင်း၊ ၇/၈ လမ်းဆုံတွင် ဆင်းခဲ့ကာ တက္ကစီဖြင့် အဆောင်သို့ ပြန်ရန် ပြင်ဆင်သည့်အထိ အဆက်အသွယ် ရရှိခဲ့သည်ဟု Chinland FC က ဒီနေ့ ဩဂုတ်လ ၂၇ ရက်မှာ ကြေညာသည်။ ပျောက်ဆုံးသူမှာ Myanmar League တွင် Chinland FC ဘောလုံးအသင်းအတွက် ကျောနံပါတ် ၅ ဝတ်ဆင် ကစားနေသူ ၊ မတူပီမြို့နယ်သား အသက် ၂၂ အရွယ် Pa Lung ဖြစ်သည်ဟု သိရသည်။ အဆိုပါနေ့မှ ယနေ့ ဩဂုတ်လ ၂၇ ရက်အထိ အဆက်အသွယ် မရရှိတော့ဘဲ ပျောက်ဆုံးနေဆဲဖြစ်ကြောင်း၊ အသင်းအနေဖြင့် ရှာဖွေလျက်ရှိပြီး သက်ဆိုင်ရာဌာနများသို့ အကြောင်းကြားခြင်း၊ လူပျောက်အမှုဖွင့်ခြင်းတို့ ပြုလုပ်ထားသည်ဟု သိရသည်။ MFF ၊ MNL တာဝန်ရှိသူများနှင့်လည်း လိုအပ်သော အရာများကို Chinland FC က လုပ်ဆောင်နေပြီး Pa Lung ကို မည်သည့် နေရာတွင် တွေ့ရှိသူ၊ သူနှင့်ပတ်သက်သော သတင်းအချက်အလက် တစ်စုံတစ်ရာ သိရှိသူများ…
(006SV) ချင်းပြည်နယ်၊ ပလက်ဝမြို့နယ်၊ မီးဇာကျေးရွာနှင့် အနီးဝန်းကျင်ကို အာဏာသိမ်းစစ်တပ်က ဂျက်ဖိုက်တာအုပ်စုဖြင့် ဗုံးကြဲ တိုက်ခိုက်သွားသည်ဟု ဒေသခံတချို့ထံမှ သိရသည်။ ဩဂုတ်လ ၂၆ ရက် ညနေ ၄ နာရီကျော်ခန့်က ပလက်ဝမြို့နယ်၊ ကုလာတန်မြစ်ကမ်းဘေးရှိ မီးဇာ ကျေးရွာနှင့် အနီးဝန်းကျင်ကို ဂျက်ဖိုက်တာ ၅ စီးဖြင့် အုပ်စုလိုက် ဗုံးကြဲတိုက်ခိုက်သွားသည်ဟု သိရသည်။ “လောလောဆယ် ကြားသိရတာက အရပ်သားပြည်သူ အထိအခိုက်မရှိဘူးဆိုတာရယ်၊ ဗုံးကြဲတဲ့ နေရာလည်း AA ဂိတ်နဲ့ ဗျုဟာကုန်းလို့ သိရတယ်၊၊ ရွာနဲ့ နဲနဲဝေးတယ်၊၊ ဒါပေမဲ့ ဗုံးအပိုင်းအစတွေက ရွာထဲရောက်နိုင်တဲ့ အနေအထားပါ” ဟု ပလက်ဝဒေသခံတစ်ဦးက ပြောသည်။ စစ်တပ်က ဂျက်ဖိုက်တာများဖြင့် လေကြောင်းတိုက်ခိုက်မှု ပြုလုပ်ပြီးနောက် Y – 12 လေယာဉ် ၂ စီးဖြင့်လည်း ပျံဝဲနေမှုများ ပြုလုပ်ခဲ့သည်ဟု သိရသည်။ ပလက်ဝမြို့နယ်အခြေစိုက် သတင်းဌာနတချို့တွင် မီးဇာကျေးရွာအနီးကို ဂျက်ဖိုက်တာ အုပ်စုဖြင့် ဗုံးကြဲတိုက်ခိုက်မှုကြောင့် လူသေဆုံး ထိခိုက်မှုနှင့် အပျက်အစီးများ ရှိနေသည်ဟု ရေးသားကြသော်လည်း ခိုနူမ်းသုန်သတင်းအနေဖြင့် သီးခြားအတည်ပြုနိုင်ခြင်း မရှိသေးပါ။ မီးဇာကျေးရွာနှင့် အနီးဝန်းကျင်ကို ဂျက်ဖိုက်တာ ၅ စီးဖြင့် ဗုံးအလုံး ၅၀ ခန့် ကြဲချတိုက်ခိုက်ခဲ့ရာ မီးဇာရွာမှ အိမ်ပေါ်ကို ဗုံးကျ၍ သားအမိ ၂ ဦး သေဆုံးပြီး ၆ ဦးထက်မနည်း ထိခိုက်ဒဏ်ရာ ရရှိသည်ဟု ဒေသခံအခြေစိုက် ULA/ AA နှင့် နီးစပ်သော Paletwa…