CDM လှုပ်ရှားမှုကိုထောက်ခံပြီး ပြည်သူနှင့်အတူ ရပ်တည်သွားမည်ဟု CNF ပြော

0

#Unicode

BY လားနွန် – တပ်မတော်စစ်အာဏာသိမ်းမှုကို ဆန့်ကျင်ကန့်ကွက်သည့်အနေဖြင့် မြန်မာတစ်နိုင်ငံလုံးတွင် ဆင်နွှဲနေသည့် Civil Disobedience Movement (CDM) အပါအဝင် စစ်အာဏာသိမ်းဆန့်ကျင်ရေးလှုပ်ရှားမှုကို ထောက်ခံအားပေးပြီး ပြည်သူလူထုနှင့်အတူ ခိုင်မာစွာရပ်တည်သွားမည်ဟု ချင်းအမျိူးသားတပ်ဦး(CNF) က မနက်ဖြန်ကျရောက်မည့် ၇၃ နှစ်မြောက်ချင်းအမျိူးသားနေ့ ထုတ်ပြန်ကြေညာချက်တွင် ထည့်သွင်းဖော်ပြထားသည်။

ချင်းအမျိူးသားပါတပ်ဦး(CNF) ပြောရေးဆိုခွင့်ရှိသူ ဆလိုင်းထက်နီက “ အခုစစ်တပ်ကနေ အာဏာယူလိုက်တာဟာ တင်းပြည့်ကျပ်ပြည့်မဟုတ်သေးတဲ့ ၇၅ ရာခိုင်နှုန်းသော အရပ်ဘက်အုပ်ချုပ်တဲ့ ဒီမိုကရေစီ နောက်ပြန်လှည့်သွား တယ်လို့ ဆိုရမှာပဲ၊ အဲဒါကို ဝန်ထမ်းတွေအပါအဝင်ပြည်သူလူထုအလွှာပေါင်းစုံကနေ မလိုးလားဘူး နည်းမျိူးစုံနဲ့ဆန္ဒဖော်ထုတ်ကြ တယ်၊ CNF ကလည်း ပြည်သူ့ဆန္ဒနဲ့တထပ်တည်းရှိပါတယ်’’ ဟု ပြောသည်။

ယခုလက်ရှိတွင် ချင်းပြည်နယ်အပါအဝင် မြန်မာတစ်နိုင်ငံလုံးမှာ သမိုင်းဝင်မည့် စစ်အာဏာသိမ်းမှု ဆန့်ကျင်ရေးလူထုလှုပ် ရှားမှုကြီးဖြစ်ပေါ်လျက်ရှိပြီး အဆိုပါလှုပ်ရှားမှုတွင် ပြည်တွင်းပြည်ပရှိ ချင်းအမျိူးသားများ၏ စုပေါင်းဆောင်ရွက်မှုမှာ အားရ ကျေနပ်ဖွယ်ကောင်းလှကြောင်း ချင်းပြည်နှင့် ပြည်ထောင်စုလွပ်လပ်မှုအတွက် တက်ညီလက်ညီစုပေါင်းဆောင်ရွက်ခြင်းကို ချီးကျူးဂုဏ်ပြုသည်ဟု CNF ၏ ကြေညာချက်တွင်ဖော်ပြထားသည်။

ယခုကာလသည် ချင်းလူမျိုးတို့၏ နိုင်ငံရေးလိုလားချက်များဖြစ်သည့် ကိုယ်ပိုင်ပြဌာန်းခွင့် ဖက်ဒရယ်စနစ်နှင့် ဒီမိုကရေစီစနစ်တို့အတွက် နိုင်ငံရေးအဆုံးအဖြတ် ပြုလုပ်မည့် အချိန်ကာလဖြစ်ပြီး ချင်းတို့၏ ကံကြမ္မာကို ချင်းတို့ကိ်ုယ်တိုင် ဆုံးဖြတ်စီမံနိုင်ရေးအတွက် ချင်းအမျိုးသားရေးအသိနှင့် ချင်းမျိုးချစ်စိတ်ဓာတ်ကို အမြင့်ဆုုံးသို့ မြှင့်တင့်ပြီး မိမိတို့၏ စုပေါင်းအင်အားကို ညီညွတ်မှုဖြင့် တည်ဆောက်ကြရမည်ဟု CNF က တိုက်တွန်းထားသည်။

ထို့အပြင် စစ်အာဏာသိမ်းမှုအား ငြိမ်းချမ်းစွာဆန့်ကျင်ဆန္ဒဖော်ထုတ်နေကြသည့်ပြည်သူများအား ခြိမ်းခြောက်ခြင်း၊ အကြမ်းဖက်နှိမ်နှင်းခြင်းမပြုရန် မြန်မာ့တပ်မတော်နှင့် မြန်မာ့ရဲတပ်ဖွဲ့အားအလေးအနက် တောင်းဆိုကြောင်း ၎င်းတို့၏ ကြေညာချက်တွင်ထည့်သွင်းဖော်ပြထားသည်။

#Zawgyi

BY လားႏြန္ – တပ္မေတာ္စစ္အာဏာသိမ္းမႈကို ဆန္႔က်င္ကန္႔ကြက္သည့္အေနျဖင့္ ျမန္မာတစ္ႏိုင္ငံလံုးတြင္ ဆင္ႏႊဲေနသည့္ Civil Disobedience Movement (CDM) အပါအ၀င္ စစ္အာဏာသိမ္းဆန္႔က်င္ေရးလႈပ္ရွားမႈကို ေထာက္ခံအားေပးၿပီး ျပည္သူလူထုႏွင့္အတူ ခိုင္မာစြာရပ္တည္သြားမည္ဟု ခ်င္းအမ်ဴိးသားတပ္ဦး(CNF) က မနက္ျဖန္က်ေရာက္မည့္ ၇၃ ႏွစ္ေျမာက္ခ်င္းအမ်ဴိးသားေန႔ ထုတ္ျပန္ေၾကညာခ်က္တြင္ ထည့္သြင္းေဖာ္ျပထားသည္။

ခ်င္းအမ်ဴိးသားပါတပ္ဦး(CNF) ေျပာေရးဆိုခြင့္ရွိသူ ဆလိုင္းထက္နီက “ အခုစစ္တပ္ကေန အာဏာယူလိုက္တာဟာ တင္းျပည့္က်ပ္ျပည့္မဟုတ္ေသးတဲ့ ၇၅ ရာခိုင္ႏႈန္းေသာ အရပ္ဘက္အုပ္ခ်ဳပ္တဲ့ ဒီမိုကေရစီ ေနာက္ျပန္လွည့္သြား တယ္လို႔ ဆိုရမွာပဲ၊ အဲဒါကို ၀န္ထမ္းေတြအပါအ၀င္ျပည္သူလူထုအလႊာေပါင္းစံုကေန မလိုးလားဘူး နည္းမ်ဴိးစံုနဲ႔ဆႏၵေဖာ္ထုတ္ၾက တယ္၊ CNF ကလည္း ျပည္သူ႔ဆႏၵနဲ႔တထပ္တည္းရွိပါတယ္’’ ဟု ေျပာသည္။

ယခုလက္ရွိတြင္ ခ်င္းျပည္နယ္အပါအ၀င္ ျမန္မာတစ္ႏိုင္ငံလံုးမွာ သမိုင္း၀င္မည့္ စစ္အာဏာသိမ္းမႈ ဆန္႔က်င္ေရးလူထုလႈပ္ ရွားမႈႀကီးျဖစ္ေပၚလ်က္ရွိၿပီး အဆိုပါလႈပ္ရွားမႈတြင္ ျပည္တြင္းျပည္ပရွိ ခ်င္းအမ်ဴိးသားမ်ား၏ စုေပါင္းေဆာင္ရြက္မႈမွာ အားရ ေက်နပ္ဖြယ္ေကာင္းလွေၾကာင္း ခ်င္းျပည္ႏွင့္ ျပည္ေထာင္စုလြပ္လပ္မႈအတြက္ တက္ညီလက္ညီစုေပါင္းေဆာင္ရြက္ျခင္းကို ခ်ီးက်ဴးဂုဏ္ျပဳသည္ဟု CNF ၏ ေၾကညာခ်က္တြင္ေဖာ္ျပထားသည္။

ယခုကာလသည္ ခ်င္းလူမ်ိဳးတို႔၏ ႏိုင္ငံေရးလိုလားခ်က္မ်ားျဖစ္သည့္ ကိုယ္ပိုင္ျပဌာန္းခြင့္ ဖက္ဒရယ္စနစ္ႏွင့္ ဒီမိုကေရစီစနစ္တို႔အတြက္ ႏိုင္ငံေရးအဆံုးအျဖတ္ ျပဳလုပ္မည့္ အခ်ိန္ကာလျဖစ္ၿပီး ခ်င္းတို႔၏ ကံၾကမၼာကို ခ်င္းတို႔ကိ္ုယ္တိုင္ ဆံုးျဖတ္စီမံႏိုင္ေရးအတြက္ ခ်င္းအမ်ိဳးသားေရးအသိႏွင့္ ခ်င္းမ်ိဳးခ်စ္စိတ္ဓာတ္ကို အျမင့္ဆံုုးသို႔ ႁမွင့္တင့္ၿပီး မိမိတို႔၏ စုေပါင္းအင္အားကို ညီၫြတ္မႈျဖင့္ တည္ေဆာက္ၾကရမည္ဟု CNF က တိုက္တြန္းထားသည္။

ထို႔အျပင္ စစ္အာဏာသိမ္းမႈအား ၿငိမ္းခ်မ္းစြာဆန္႔က်င္ဆႏၵေဖာ္ထုတ္ေနၾကသည့္ျပည္သူမ်ားအား ၿခိမ္းေျခာက္ျခင္း၊ အၾကမ္းဖက္ႏွိမ္ႏွင္းျခင္းမျပဳရန္ ျမန္မာ့တပ္မေတာ္ႏွင့္ ျမန္မာ့ရဲတပ္ဖြဲ႕အားအေလးအနက္ ေတာင္းဆိုေၾကာင္း ၎တို႔၏ ေၾကညာခ်က္တြင္ထည့္သြင္းေဖာ္ျပထားသည္။

Share.

About Author

Leave A Reply