မာဂရက် – စစ်ကိုင်းတိုင်း ကလေးမြို့တွင် အာဏာသိမ်းစစ်ကောင်စီဆန့်ကျင်ဆန္ဒဖော်ထုတ်သည့် လူထုစစ်ကြောင်းအား စစ်ကောင်စီ တပ်ဖွဲ့ဝင်များက အကြမ်းဖက်ပစ်ခတ်ဖြိုခွင်းစဉ်တွင် ကျည်ဆံထိမှန်ကာ စစ်ဆေးရုံ၌ ကုသမှုခံယူပြီး ခြေတစ်ဖက်ဖြတ်လို က်ရပြီးနောက် ကလေးမြို့အကျည်းထောင်သို့ ပို့ခံရသည့် အသက် (၂၀) အရွယ် ကို Pau Min Lun သည် ယနေ့ချိန်ထိ မိသားစုဝင်များနှင့် တွေ့ဆုံခွင့်မရသည့်အတွက် စိုးရိမ်ပူပန်နေကြသည်ဟု သိရသည်။
ကို Pau Min Lun သည် ပြီးခဲ့သည့် မတ်လ ၁၇ ရက်နေ့ဖြစ်ပွားခဲ့သည့် တာဟန်းသပိတ်စစ်ကြောင်း ဖြိုခွင်းမှုဖြစ်စဉ်တွင် အာဏာသိမ်း စစ်ကောင်စီများ၏ ပစ်ခတ်မှုကြောင့် ပေါင်တွင်ကျည်ဆံထိမှန်ကာ ကလေးမြို့ ဒေသကွက်ကဲရေးစစ်ဌာန ချုပ်ဝင်းအတွင်း စစ်ဆေးရုံသို့ ဆေးဝါးကုသမှုခံယူ၍ မတ်လ ၁၉ ရက်နေ့တွင် ခြေတဖက်ဖြတ်ခံလိုက်ခြင်းဖြစ်သည်။
ထိုကဲ့သို့ ခြေတစ်ဖက်ဖြတ်ခံရပြီးနောက် ဧပြီလ ၆ ရက်နေ့တွင် ဆေးရုံမှဆင်းသော်လည်း နေအိမ်သို့ပြန်ခွင့်မပြုဘဲ ကလေးမြို့ မြို့မရဲစခန်းတွင် တစ်ညချုပ်ထားပြီးနောက် ဧပြီလ ၇ ရက်နေ့တွင် ကလေးအကျည်းထောင်သို့ ပိ်ု့ဆောင်ခဲ့ခြင်းဖြစ်သည်။
“၇ ရက်နေ့က ထောင်ကိုရောက်သွားတာ အဲ့နောက်ပိုင်းတွေ့လည်း မတွေ့ရတော့ဘူး၊ ဘာမှလည်း မသိရတော့ဘူး၊ သူနဲ့လည်း အဆက်အသွယ်မရဘူး၊ ပစ္စည်းတွေကိုတော့ ခန့်မှန်းပြီးတော့ စားစရာ၊ သောက်စရာတွေတော့ သွားပေးတာ (၃) ခေါက်ရှိပြီ၊ ပစ္စည်းတွေကို ဂိတ်ပေါက်ကနေပေးပြီးတော့ သူတို့က အထဲသွင်းပေးလိုက်တာပဲရှိတယ် ဘာမှပြောခွင့်မရှိဘူး တွေ့လည်းမတွေ့ရဘူး ကျမခံ စားရတယ် အခုထောင်ထဲမှာလည်း ဘယ်လိုနေမလဲ အဆင်ပြေလား မပြေဘူးလားဆိုတာ စိတ်ပူရ တာပေါ့ တွေ့လို့လည်းမရ၊ ပြောလို့လည်းမရဆိုတော့ ဘယ်လိုမှ မတတ်နိုင်ဘူးလေ၊ စားလည်းဒီစိတ်၊ အိပ်လည်း ဒီစိတ်ဖြစ်နေတာ သူတို့ပြောတာတော့ ကျန်းမာရေးက ကောင်းပါတယ်လို့ပြောတာ ကိုယ်လည်းမမြင်ရဘူးဆိုတော့ သူတို့ပြောတာပဲကိုယ်လည်း ယုံရတော့တာပဲ ” ဟု ကို Pau Min Lun ၏ မိခင်ဖြစ်သူ ကပြောသည်။
ကို Pau Min Lun သည် ဒုတိယနှစ် တက္ကသိုလ်ကျောင်းသားဖြစ်ပြီး ကလေးမြို့၊ မွန်းလိုင်ရပ်ကွက်၊ နယ်မြေ (၈) တွင်နေထိုင်သူဖြစ်ပြီး အာဏာသိမ်းစစ်ကောင်စီက ပုဒ်မ ၅၀၅ (က) ဖြင့် အမှုဖွင့်ထားသည်ဟုသိရသည်။
