Author: Editor

(005MK) အမေရိကန်ပြည်ထောင်စုအခြေစိုက် Chin Baptist Association North America (CBANA) မှ တာဝန်ရှိ သူ များသည် မီဇိုရမ်ပြည်နယ် ပညာရေးဝန်ကြီး Dr. Vanlalhlana ကို သူ၏ ရုံးခန်းတွင် ယနေ့ဧပြီလ ၂၀ ရက်၌ သွားရောက်တွေ့ဆုံကာ မီဇိုရမ်အစိုးရအနေဖြင့် မြန်မာနိုင်ငံကစစ်ဘေးရှောင်ပြည်သူများအား ကူညီစောင့်ရှောက်မှုအပေါ် ကျေးဇူးတင်သည့်အနေဖြင့် ရူပီးငွေ ၈ သိန်း ၅ သောင်းပေးအပ်ခဲ့သည်ဟု သိရသည်။ မြန်မာ့နိုင်ငံရေးအခြေအနေကြောင့် မြန်မာနိုင်ငံက ချင်းလူမျိုးအမြောက်အများသည် မီဇိုရမ်ပြည်နယ်သို့ မိမိအသက်လုံခြုံ ရေးအတွက် လာရောက်ခိုလုံကြရပြီး ၊ ထိုကဲ့သို့ခိုလုံလာကြသည့်အချိန်တွင် နိုင်ငံ၏တည်ဆဲဥပဒေများအရ အထောက် အထားများလိုအပ်မည်ဖြစ်သော်လည်း မီဇိုရမ်ပြည်နယ်အစိုးရအနေဖြင့် မည်သည့်အထောက်အထားမျှ တောင်းဆို ခြင်း မရှိသည်သာမက နွေးထွေးစွာလက်ခံကြိုဆိုသည့်အပေါ် လှိုက်လှိုက်လှဲလှဲဝမ်းသာကြောင်း ဖော်ပြသည့်အနေဖြင့် ယင်းငွေကြေးများအားပေးအပ်ခြင်းဖြစ်သည်ဟု CBANA ခေါင်းဆောင်များကပြောသည်။ အဆိုပါငွေကြေးများကို မီဇိုရမ်ပြည်နယ်အစိုးရအနေဖြင့် လိုအပ်သည့်နေရာများတွင်အသုံးပြုရန် မီဇိုရမ်ပြည်နယ် ပညာရေးဝန်ကြီးထံ ပေးအပ်ခဲ့ကြခြင်းဖြစ်သည်။ မီဇိုရမ်ပြည်နယ် ပညာရေးဝန်ကြီး Dr.Vanlalhlana ကလည်း မိမိတို့သည် သွေးသားတော်စပ်ကြသည့် ညီအကိုများဖြစ် ကြသည့်အတွက် လူတွေကသတ်မှတ်ထားသော နယ်နိမိတ်မျဉ်းများက ပိုင်ခြားနိုင်မည်မဟုတ်ကြောင်း၊ ယခင်အစိုးရ လက်ထက်ကလည်း ညီရင်းအကိုလိုကောင်းမွန်သောဆက်ဆံမှုရှိခဲ့သည့်အတိုင်း မိမိတို့အစိုးရအနေဖြင့်လည်း ထိုကဲ့သို့ ဆက်လက်ဆောင်ရွက်သွားမည်ဖြစ်ကြောင်း ပြောဆိုခဲ့သည်။ ယခုလက်ရှိမီဇိုရမ်ပြည်နယ်တွင် မြန်မာစစ်ဘေးရှောင် ၃ သောင်းကျော်၊ ဘဂ်လားဒေရှ့်နိုင်ငံက စစ်ဘေးရှောင်တစ်ထောင် ကျော် နှင့် မဏိပူရ်ပြည်နယ်က စစ်ဘေးရှောင် တစ်သောင်းကျော် ခိုလုံလျှက်ရှိကြောင်း မီဇိုရမ်ပြည်နယ်အစိုးရ၏ မှတ် တမ်းအရသိရသည်။

(005MK) အိန္ဒိယ-မြန်မာ နှစ်နိုင်ငံ နယ်စပ်ဖြတ်ကျော် ဝင်/ထွက်သွားလာခွင့်ကို အာသံရိုင်ဖယ်တပ်ဖွဲ့က ဧပြီလ ၁၉ ရက်နေ့က စတင် ပိတ်ပင်လိုက်ပြီး မြန်မာဘက်ခြမ်းမှ အိန္ဒိယဘက်သို့ မည်သူမျှ ဝင်/ထွက်သွားလာ၍မရတော့ကြောင်း သိရသည်။ ယမန်နေ့ကစ၍ အိန္ဒိယ-မြန်မာအမှတ် ၂ နယ်စပ်ကုန်သွယ်ရေးစခန်းတည်ရှိရာ ရိ-ဇိုခေါထာရ် ချစ်ကြည်ရေးတံတားကို ပိတ်ပင်လိုက်သည့်အပြင် အခြားသော တရားမဝင်လမ်းကြောင်းမှတဆင့် မီဇိုရမ်ပြည်နယ်ဘက်သို့ ဝင်ရောက်နိုင်သော လမ်းကြောင်းအားလုံးကိုလည်း အာသံရိုင်ဖယ်တပ်ဖွဲ့က အစောင့်များချထားကာ ပိတ်ပင်ထားသည်ဟု သိရသည်။ မီဇိုရမ်ပြည်နယ် Serchhip မြို့မှ အာသံရိုင်ဖယ် (Assam Rifle) အရာရှိတစ်ဦး ဇိုခေါထာရ်သို့ ရောက်ရှိလာပြီးနောက် ထိုအမိန့်ကို ထုတ်ပြန်ခြင်းဖြစ်သည်ဟု ဇိုခေါထာရ်ကျေးရွာက မီဇိုးလူငယ်အသင်း (YMA) အတွင်းရေးမှူးကပြောသည်။ “အာသံရိုင်ဖယ် အရာရှိတစ်ဦးရောက်ရှိလာတယ် သူပြောတာက ဗဟိုအစိုးရထံကနေ အမိန့်ကျလာပြီး ခုလို နယ်စပ်ဖြတ်ကျော်သွားလာခွင့်ကိုပိတ်ပင်ရတာလို့ပြောပါတယ်၊ ဒီ ၁၀ ရက်အတွင်းမှာ လူအဝင်/အထွက်လုပ်လို့မရဘူး၊ နေ့စဉ်မဖြစ် မနေလိုအပ်တဲ့ အခြေခံစားသောက်ကုန်တွေကိုတော့ နားလည်မှုနဲ့ရဦးမယ်၊ အရင်တုန်းကလို ဟိုဘက်ဒီဘက် ကြိုက် သလိုဝင်လို့မရတော့ဘူး ကုန်ပစ္စည်းတွေသယ်လို့မရတော့ဘူး၊ နောက်ပိုင်းမှာဘယ်လိုဖြစ်လာမလဲတော့ ကျနော်တို့ လည်းမသိရဘူး၊ ပိုပြီးတင်းကြပ်လာမလားတော့ မပြောတတ်ဘူး” ဟု ၎င်းကပြောသည်။ ယခုလက်ရှိတွင် ချင်းပြည်နယ် ရိခေါဒါရ်မြို့မှ မီဇိုရမ်ပြည်နယ် ဇိုခေါထာရ်ကျေးရွာသို့ နေ့ချင်းပြန် ကျောင်းတက်နေကြ သော ကျောင်းသူ၊ ကျောင်းသားများနှင့် ကျန်းမာရေးဆိုင်ရာအရေးပေါ်အခြေအနေများကိုသာ ခြွင်းချက်အဖြစ် နယ်စပ် ဖြတ်ကျော်ခွင့်ပြုထားသည်ဟု သိရသည်။ ရိ-ဇိုခေါထာရ်ကုန်သွယ်ရေးသည် အိန္ဒိယ-မြန်မာ နှစ်နိုင်ငံနယ်စပ်ကုန်သွယ်ရေးတွင် အဓိကအရေးပါသောစခန်းဖြစ်ပြီး နေ့စဉ်နှင့်အမျှ မြန်မာ-အိန္ဒိယ ထွက်ကုန်ပစ္စည်းများ အပြန်အလှန်သယ်ယူပို့ဆောင်သည့်လမ်းကြောာင်းဖြစ်သည်။ ယခုကဲ့သို့ နယ်စပ်ချစ်ကြည်ရေးတံတားနှင့် အခြားဝင်ပေါက်များအားလုံး…

ရေး – Salai Vakok တောတောင်ထူထပ်၊ လမ်းပန်းဆက်သွယ်ရေးခက်ခဲတဲ့ဒေသကို ဖုန်းလိုင်းနဲ့ အင်တာနက်လိုင်းတွေ ၃ နှစ်ကျော် ဖြတ်တောက်ထားမှုက စစ်ပွဲတွေထဲ ရောက်နေတဲ့ ဒေသခံတွေနဲ့ စစ်ဘေးရှောင်တွေအတွက် ဘယ်လိုလူမှုဒုက္ခတွေနဲ့ ရင်ဆိုင်နေရသလဲဆိုတာ တွေးကြည်ဖူးပါသလား။ ၂၀၂၁ စစ်အာဏာသိမ်းပြီး စစ်ကောင်စီက ဖုန်းလိုင်းနဲ့ အင်တာနက်လိုင်းတွေကို ဖြတ်တောက်ထားမှုကြောင့် ချင်းပြည်နယ်က ပြည်သူလူထုတွေထဲ လူမှုစီးပွားဒုက္ခတွေ တစ်နေ့ထက်တစ်နေ့ ဆိုးဝါးလာနေသူတွေ ဒုနဲ့ဒေး ရှိလာနေပါတယ်။ ချင်းပြည်နယ်မြောက်ပိုင်း ဖလမ်းမြို့နယ်က ဒေသခံ ဆလိုင်းဝီလီယံ (အမည်လွှဲ) ဟာ အင်တာနက်လိုင်းမရရှိတဲ့ အခက်အခဲနဲ့ ရင်ဆိုင်နေရပါတယ်။ မြို့ပေါ်မှာသာ ဖုန်းလိုင်းနဲ့ အင်တာနက်ရနေပြီး 4G အဆင့်တက်နေပေမယ့် ဘာမှ ဖွင့်လို့မရကြပါဘူး။ တချို့က အင်တာနက်လိုင်း ရ, တစ်ရက်၊ မရ, နှစ်ရက် ပုံစံနဲ့မို့ လူမှုရေး၊ စီးပွားရေး၊ ဘာသာရေးစတဲ့ လုပ်ငန်းအသီးသီးမှာ အားလုံးခက်ခဲနေကြတယ်လို့ ဒေသခံတွေက ပြောပါတယ်။ “အခုလက်ရှိတောင် ဖွင့်နေတာ 4G သာတက်နေတာ ဘာမှကြည့်လို့မရဘူး။ ရှိတယ်ဆိုတဲ့သဘော၊ ဖွင့်တယ်ဆိုတဲ့သဘော ဘာမှလုပ်ကိုင်စားလို့ မရဘူး။ ၁၀၀ မှာ ၈၀ ရာခိုင်းနှုန်း ထိခိုက်တယ်” လို့ ဖလမ်းမြို့ခံ ဆလိုင်းဝီလီယံ (အမည်လွှဲ) က ပြောပါတယ်။ ဖလမ်းမြို့ပေါ်က ဒေသခံအနည်းငယ်ကတော့ WiFi နဲ့ အင်တာနက် သုံးနိုင်ကြပါတယ်။ ဒါပေမယ့် လိုင်းမကောင်းကြဘူးလို့ ဆိုပါတယ်။ ဒေသခံတွေဟာ စစ်ကောင်စီရဲ့ အချိန်မရွေး၊ ဖုန်းလိုင်းဖြတ်တောက်မှုကိုလည်း မကြာခဏ ခံရပါတယ်။ ဖလမ်းမှာ ဖုန်းလိုင်းနဲ့ အင်တာနက်လိုင်းတွေ ဖြတ်တောက်ခံလိုက်ရပြီဆိုရင်…

(006SV) ချင်းပြည်နယ်၊ ကန်ပက်လက်မြို့နယ်၊ ကျင်ဒွေးဘက်ကို ဦးတည်လာသော မကွေးဘက်မှ စစ်ကောင်စီ မြေပြင်စစ်ကြောင်းကြောင့် ဒိုလောင်ရွာမှ ဒေသခံပြည်သူအားလုံး စစ်ဘေးရှောင်နေရပြီး အရေးပေါ်အကူအညီများ လိုအပ်နေကြောင်း သတင်းရရှိသည်။ မကွေးတိုင်း၊ ဆောမြို့နယ်၊ လောင်ရှည်ဘက်မှ တက်လာသော စစ်ကောင်စီ မြေပြင်စစ်ကြောင်းကြောင့် ဧပြီလ ၁၈ ရက်တွင် မှန်တောင်ကျေးရွာအုပ်စု၊ ဒိုလောင်ရွာမှ ဒေသခံအားလုံး အိုးအိမ်စွန့်ခွာပြေးရကြောင်း ကန်ပက်လက်မြို့နယ် လူသားစာနာဌာနမှ ပြောရေးဆိုခွင့်ရှိသူက ပြောသည်။ “လောင်ရှည်ဘက်ကနေ မြေပြင်စစ်ကြောင်းတစ်ကြောင်း တက်လာတယ်လို့ သတင်းကြားတယ်။ အဲစစ်ကြောင်းက ဒိုလောင်ရွာဘက်ကနေ ကျင်ဒွေးဘက်ကို သွားချင်တယ်လို့ ခန့်မှန်းရတယ်။ အရင်က အဲလမ်းကြောင်းကနေ သွားဖူးတယ်” ဟု ၎င်းက ပြောသည်။ ဒိုလောင်ရွာတွင် အိမ်ထောင်စု ၂၄ စုခန့် ရှိပြီး ဒေသခံအားလုံးသည် နီးစပ်ရာ ကျေးရွာများနှင့် တောတောင်များတွင် စစ်ဘေးရှောင်နေရကြောင်း သိရသည်။ ဒိုလောင်ရွာမှ စစ်ဘေးရှောင်များသည် ဆန်၊ ဆီ၊ ဆား အပါအဝင် အခြေခံစားနပ်ရိက္ခာများ၊ အမိုးအကာအတွက် တာလပတ်မိုးကာများ လိုအပ်နေကြောင်း သိရသည်။ စစ်ကောင်စီ၏ မြေပြင်စစ်ကြောင်းတွင် အင်အားမည်မျှ ပါဝင်နေသည်ကို လတ်တလောတွင် မသိရသေးပေ။ ဒိုလောင်ကျေးရွာသည် ကန်ပက်လက်မြို့နယ် အစွန်ဆုံးကျေးရွာတစ်ခုဖြစ်ပြီး မကွေးတိုင်း၊ ဆော၊ လောင်ရှည်အစပ်တွင် တည်ရှိကြောင်း သိရသည်။ ကန်ပက်လက်မြို့နယ်၊ ကျင်ဒွေးမြို့တွင် စစ်ကောင်စီတပ်ဖွဲ့နှင့် ချင်းကာကွယ်ရေးပူးပေါင်းတပ်များအကြား တိုက်ပွဲဖြစ်ပွားနေသည်မှာ ၄ လခန့်ကြာမြှင့်နေပြီး တိုက်ပွဲများ ပြင်းထန်နေဆဲဖြစ်ကြောင်း သိရသည်။

(006SV) ချင်းပြည်နယ်၊ ကန်ပက်လက်မြို့နယ်ထဲက ကျေးရွာ ၃ ရွာကို စစ်ကောင်စီက လေယာဉ် ၄ စီးဖြင့် ပေါင် ၅၀၀ ဗုံးများအပါအဝင် လေကြောင်းတိုက်ခိုက်မှု ပြုလုပ်ခဲ့ရာ ကလေးငယ်အပါအဝင် အရပ်သားပြည်သူ ၃ ဦး ထိခိုက်ဒဏ်ရာများရရှိခဲ့ကြောင်း သတင်းရရှိသည်။ ဧပြီလ ၁၇ ရက် နေ့လည် ၂ နာရီခန့်က ကန်ပက်လက်မြို့နယ်၊ အောက်ကန့်အုပ်စု၊ အုံရွာအနီးဝန်းကျင်ကို စစ်ကောင်စီက ရဟတ်ယာဉ်ဖြင့် တပ်ဖွဲ့ဝင်များ ချရန် ပြင်ဆင်နေစဉ် ချင်းကာကွယ်ရေးတပ်ဖွဲ့က ပစ်ခတ်သောကြောင့် ပြန်သွားရကြောင်း ကန်ပက်လက်မြို့နယ်၊ လူသားစာနာဌာနမှ ပြောရေးဆိုခွင့်ရှိသူက ပြောသည်။ ထို့နောက် မကြာမီတွင် စစ်ကောင်စီက လေယာဉ် (၄) စီးဖြင့် အုံရွာနှင့် အနီးဝန်းကျင်က လွီးစုံရွာ၊ ကောက်ဆောင်းရွာတို့ကို ဝဲပတ်၍ ပျံသန်းပြီး အုံရွာကို ပေါင် ၅၀၀ ဗုံး ၂ လုံးဖြင့် တိုက်ခိုက်ခဲ့ကြောင်း၊ လွီးစုံကျေးရွာကို စစ်သေနတ်ကြီးများဖြင့် လှည့်ပတ်ပစ်ခတ်ခဲ့ပြီး ကောက်ဆောင်းကျေးရွားကိုလည်း ဗုံးကြဲတိုက်ခိုက်ခဲ့ကြောင်း သိရသည်။ “အုံတို့ လွီးစုံတို့ ထိပ်ဘက်မှာ ပစ်ကြတယ်ဆိုတော့ ဒီရွာတွေမှာ လူငယ်တွေ ခိုအောင်းနေတယ်လို့ သူတို့က ခန့်မှန်းပြီးတော့ အဆောက်အဦးကြီးတွေကို ပစ်ချသွားတဲ့ သဘောပဲ။ အုံမှာ ပျက်စီးတဲ့ အိမ်တွေကလည်း အိမ်အကြီးကြီးတွေ၊ စာသင်ကျောင်း ဆောင်နဲ့ ဆရာနေအိမ်တွေကလည်း ကြီးတယ်။ အဆောက်အဦးကြီးတွေထဲမှာ လူများများ ရှိလောက်တယ်ဆိုပြီး မှန်းပစ်တယ်လို့ ခန့်မှန်းတယ်” ဟု ကန်ပက်လက်မြို့နယ်၊ လူသားစာနာဌာနမှ ပြောရေးဆိုခွင့်ရှိသူက ပြောသည်။ အုံကျေးရွာတွင် စာသင်ကျောင်းဆောင် ၁…

(005MK) မီဇိုရမ်ပြည်နယ်အတွင်း ဝင်ရောက်ခိုလုံနေကြသော မြန်မာ၊ ဘဂ်လားရှေဒ့်နှင့် မဏိပူရ်ပြည်နယ်က စစ်ဘေးရှောင်များ လိုက်နာရမည့် အချက် ၈ ချက်ကို ဗဟိုမီဇိုးလူငယ်အသင်း (CYMA) က ယနေ့ထုတ်ပြန်လိုက်သည်။ မြန်မာ၊ ဘဂ်လားဒေရှ့်နိုင်ငံနှင့် မဏိပူရ်ပြည်နယ်တို့မှ မိမိအသက်လုံခြုံရေးအတွက် မီဇိုရမ်ပြည်နယ်သို့ ခိုလုံလာကြသော စစ်ဘေးရှောင်များအနေဖြင့် မီဇိုရမ်ပြည်နယ်၌နေထိုင်စဉ်ကာလအတွင်း ပြည်နယ်၏တည်ဆဲဥပဒေနှင့် စည်းမျဉ်း စည်း ကမ်းများကို လိုက်နာရမည်ဖြစ်ပြီး အစိုးရနှင့် ရပ်ရွာပြည်သူများမနှစ်သက်သောပုံစံဖြင့် နေထိုင်ခြင်းမပြုကြရန် CYMA က ပြောသည်။ စစ်ဘေးရှောင်များသည် ဒေသန္တရဥပဒေနှင့် မလျှော်ညီသော ကူးသန်းရောင်းဝယ်ခြင်း၊ မူးယစ်ဆေးဝါးများသုံးစွဲခြင်းနှင့် ရောင်းဝယ်ဖောက်ကားခြင်းများမပြုရန်၊ ဒေသန္တရအစိုးရ၊ ဒေသခံပြည်သူများနှင့်လိုက်‌လျောညီထွေစွာနေထိုင်မှုပြုရန်၊ အစိုးရနှင့် CYMA ၏ အသိမှတ်ပြုခွင့်ပြုချက်ရရှိမှသာ စစ်ဘေးရှောင်များအနေဖြင့် မြေကွက်နှင့် အိုးအိမ်ပိုင်ဆိုင်ခွင့်ရှိသည်ဟု ဖော်ပြထားသည်။ ထို့အပြင် အိမ်၊ ဆိုင်ခန်းငှားရမ်းသည့်နေရာမှာလည်း ကာလပေါက်စေျးထက်ပိုသော စေ◌ျးနှုန်းများဖြင့်ငှါးရမ်းခြင်း မပြုရန်၊ မြန်မာ နှင့် ဘဂ်လာဒေရှ့်နိုင်ငံမှ ခိုလုံလာကြသော စစ်ဘေးရှောင်များသည် အိန္ဒိယနိုင်ငံသားများမဟုတ်ကြသည့် အတွက် အိန္ဒိယနိုင်ငံသားများသာ ပိုင်ဆိုင်ခွင့်ရှိသော Voter ID, Aadhaar Card, Birth Certificate, Tribal Certificate, Residential Certificate, Driving License နှင့် Vehicle Registration စသည့်စာရွက်စာတမ်း သက်သေအထောက်အထားများရရှိရန် ကြိုးပမ်းဆောင်ရွက်မှုမပြုကြရန် တောင်းဆိုထားသည်။ စစ်ဘေးရှောင်များအနေဖြင့် တရားမဝင်ကုန်သွယ်မှုနှင့် မူးယစ်ဆေးဝါးတိုက်ဖျက်ရေးပိုင်းတွင် အစိုးရနှင့် ရပ်ရွာအဖွဲ့ အစည်းများအား အစွမ်းကုန်ပူးပေါင်းဆောင်ရွက်ကြရန်၊ စစ်ဘေးရှောင်များသည် မိမိသဘောဆန္ဒအလျှောက် ရွှေ့ပြောင်းနေထိုင်ခြင်းမပြုရန်လည်း CYMA ကတောင်းဆိုထားသည်။ မီဇိုရမ်ပြည်နယ် ရပ်ကွက်၊ ကျေးရွာအသီးသီးရှိ Sub-YMA…

(006SV) ချင်းပြည်နယ်၊ မင်းတပ်မြို့နယ်၊ တိုက်နယ် ၁၃ ထဲက အောက်ချိုင့်ကျေးရွာကို စစ်ကောင်စီက ဖျက်အားပြင်း ပေါင် ၅၀၀ ဗုံး အပါအဝင် လေကြောင်းတိုက်ခိုက်မှု ပြင်းပြင်းထန်ထန်ပြုလုပ်ပြီး ၂ ပတ်အကြာတွင် ယမန်နေ့က ဂျက်ဖိုက်တာ ၂ စီးဖြင့် ထပ်မံတိုက်ခိုက်ခဲ့ကြောင်း သတင်းရရှိသည်။ ဧပြီလ ၁၇ ရက် ညပိုင်း ၉ နာရီခန့်တွင် တိုက်နယ် ၁၃၊ အောက်ချိုင့်ကျေးရွာအနီးဝန်းကျင်ကို တိုက်ပွဲဖြစ်ပွားခြင်း မရှိဘဲ ဂျက်ဖိုက်တာ ၂ စီးဖြင့် ဗုံးကြဲတိုက်ခိုက်မှု ၄ ကြိမ် ပြုလုပ်သွားခဲ့ကြောင်း မင်းတပ်မြို့ဒေသခံက ပြောသည်။ “ဘယ်လိုကြောင့် တိုက်ခိုက်သလဲတော့ အတိအကျမသိဘူး။ အဲဒီမှာ တိုက်ပွဲလည်း မရှိဘူး။ တိုက်ခိုက်သွားတာက ရွာအနားဝန်းကျင်ကိုပါ။ ရွာထဲကို မကျဘူး” ဟု မင်းတပ်ဒေသခံက ပြောသည်။ ယင်းကြောင့် အရပ်သားပြည်သူများနှင့် အရပ်သားနေအိမ်များ ထိခိုက်ပျက်စီးမှုမရှိကြောင်း သိရသည်။ အောက်ချိုင့်ကျေးရွာသည် ပြီးခဲ့သည့် ဧပြီလ ၂ ရက် မွန်းလွဲ ၃ နာရီခန့်ကလည်း စစ်ကောင်စီက တိုက်လေယာဉ် ၃ စီးဖြင့် ဖျက်အားပြင်း ပေါင် ၅၀၀ ဗုံးများအပါအဝင် ဗုံးကြဲတိုက်ခိုက်မှု ၁၀ ကြိမ်ခန့်ပြုလုပ်ခဲ့ပြီး စက်သေနတ်များဖြင့်ပါ ပစ်ခတ်တိုက်ခိုက်ခဲ့သည်။ ယင်းတိုက်ခိုက်မှုကြောင့် အရပ်သားပြည်သူ ၅ ဦး ထိခိုက်ဒဏ်ရာများရရှိခဲ့ပြီး တစ်ဦးမှာ ခြေတစ်ဖက် ဆုံးရှုံးခဲ့ရကြောင်း၊ စာသင်ကျောင်းအပါအဝင် နေအိမ် ၁၀ လုံး ပျက်စီးခဲ့ပြီး ယင်းတိုက်ခိုက်မှုကြောင့် ရွာပတ်ဝန်းကျင်မှာ တောမီးများ ၂ ရက်ကျော်ကြာ…

(002MG) စစ်ကိုင်းတိုင်း၊ ကလေးမြို့မြောက်ပိုင်း ပျဉ်းခုံကြီးရွာက ခရစ်ယာန် ဘုရားကျောင်း (၅) ကျောင်းအပါအဝင် လူနေအိမ်ရာချီကို စစ်ကောင်စီတပ်ဖွဲ့က မီးရှို့ဖျက်စီးခဲ့သည်ဟု သိရသည်။ ကလေးမြို့မြောက်ပိုင်းဒေသ တာဟန်း-လက်ပံချောင်း ကားလမ်းမပေါ်တွင်တည်ရှိသော ပျဉ်းခုံကြီးရွာကို ဧပြီလ ၁၂ ရက်နှင့် ၁၃ ရက်နေ့မှာ စစ်ကောင်စီတပ်ဖွဲ့က မီးတင်ရှို့ခဲ့ခြင်းဖြစ်ပြီး မီးလောင်ပျက်စီးသည့် အိမ်ခြေအရေအတွက် အတိအကျ မသိရသော်လည်း တရွာလုံးနီးပါး မီးလောင်ပျက်စီးခဲ့သည်ဟု ဒေသခံများထံမှ သိရသည်။ စစ်ကောင်စီတပ်၏ မီးရှို့မှုကြောင့် ပျက်စီးသွားသော ဘုရားကျောင်းများမှာ East Baptist Church၊ West Baptist Church၊ Wesleyan Church၊ Believer Church နှင့် Church Of the Rock ဘုရားကျောင်းတို့ဖြစ်သည်။ စစ်ကောင်စီတပ်ဖွဲ့သည့် ကလေးမြို့မြောက်ပိုင်းဒေသကို ဧပြီလဆန်းပိုင်းက စစ်ကြောင်းထိုးဝင်ရောက်ပြီး ပြည်သူ့ကာကွယ်ရေးတပ်ဖွဲ့များနှင့် ထိတွေ့တိုက်ပွဲများ အပြင်းအထန် ဖြစ်ပွားခဲ့သည်။ ယခုတွင်လည်း စစ်ကောင်စီတပ်ဖွဲ့သည် ဆည်ကြီးကျေးရွာအဝင်တွင် တပ်စွဲနေဆဲဖြစ်ပြီး တာဟန်း-လက်ပံချောင်း ကားလမ်းပေါ်က ကျေးရွာများသည် ရွာလုံးကျွတ် စစ်ဘေးရှောင်နေကြရဆဲဖြစ်သည်။ ကလေးမြို့မှ ၇ မိုင်ခန့်ကွာဝေးသော ပျဉ်းခုံကြီးရွာတွင် အိမ်ခြေ ၅၀၀ ဝန်းကျင်ခန့်ရှိပြီး ချင်းလူမျိုးများနေထိုင်သည့် ကျေးရွာဖြစ်သည်။ ပြီးခဲ့သည့်မတ်လ ၁၉ ရက်နေ့တုန်းကလည်း ကလေးမြို့ တာဟန်းရပ်ကွက်အနီး ပျဉ်းခုံလေးကျေးရွာကို စစ်ကောင်စီက မီးရှို့ခဲ့ပြီး လူနေအိမ်ခြေ ၂၀၀ ကျော် ပျက်စီးခဲ့ပြီးဖြစ်သည်။

(005MK) မီဇိုရမ်ပြည်နယ်တောင်ပိုင်း လောင်တလိုင်ခရိုင်ကိုဖြတ်၍ မြန်မာနိုင်ငံဘက်သို့ လောင်စာဆီနှင့် အခြေခံစားသောက်ကုန်များ သယ်ယူခွင့်ကို ယနေ့ ဧပြီလ ၁၆ ရက်နေ့ကစ၍ အကန့်သတ်မရှိ ပိတ်ပင်လိုက်ကြောင်း Central Young Lai Asso ciation (CYLA) က ကြေညာချက်ထုတ်ပြန်သည်။ ယခုရက်ပိုင်းအတွင်း လောင်တလိုင်ခရိုင်ကိုဖြတ်၍ မြန်မာနိုင်ငံ ရခိုင်ပြည်နယ်ဘက်သို့ ဓာတ်ဆီ၊ ဒီဇယ်ဆီနှင့် အမျိုးမျိုးသော အခြေခံစားသောက်ကုန်များ အလုံးအရင်းဖြင့် တင်သွင်းလေ့ရှိကြသည်ဟု လောင်တလိုင်ခရိုင်အခြေစိုက် ဗဟိုလိုင်း လူငယ်များအသင်း (CYLA) Kumpuan ကော်မတီက ဆိုသည်။ ယင်းကိစ္စကို CYLA Kumpuan ကော်မတီက စနစ်တကျ စုံစမ်းလေ့လာကြည့်ရာမှာ မိမိတို့ဒေသတွင် ယခုလက်ရှိ မြန်မာ၊ မဏိပူရ်နှင့် ဘဂ်လားဒေရှ့်နိုင်ငံတို့မှ စစ်ဘေးရှောင်အမြောက်အများ ခိုလုံနေမှုကြောင့် နေ့စဉ်သုံးအခြေခံစားသောက်ကုန်များ လိုအပ်ချက်မြင့်မားနေသည့်အချိန်မှာ မိမိတို့ဒေသမှ ယခုကဲ့သို့ အခြေခံစားသောက်ကုန်များ အလုံးအရင်းဖြင့် သယ်ယူပို့ဆောင်နေမှုသည် ဒေသခံပြည်သူများအတွက် အခက်အခဲဖြစ်လာစေသည်ဟု ဆိုသည်။ ထို့အပြင် ယခင်ဖြစ်စဉ်များအရ ပြန်ကြည့်ပါက မြန်မာဘက်သို့ကုန်ပစ္စည်းများ သယ်ယူပို့ဆောင်ပေးသော ကားပိုင်ရှင်နှင့် ကားသမားများအတွက် လုံခြုံရေးဆိုင်ရာ စိုးရိမ်ဖွယ်များရှိသည်ကို တွေ့ရှိရသည်ဟု CYLA က ပြောသည်။ ထို့ကြောင့် ယနေ့ ဧပြီလ ၁၆ ရက်ကစ၍ နောက်ထပ် အသိပေးထုတ်ပြန်ချက် မရှိမခြင်း လောင်တလိုင်ခရိုင်ပြင်ပမှဖြစ်စေ၊ ခရိုင်အတွင်းမှဖြစ်‌စေ လောင်တလိုင်ခရိုင်ကိုဖြတ်၍ မြန်မာနိုင်ငံဘက်သို့ ကုန်ပစ္စည်းများ သယ်ယူပို့ဆောင်မှုကို ရပ်တန့်ကြရန် CYLA က တောင်းဆိုထားခြင်းဖြစ်သည်။ ရခိုင်ပြည်နယ်တွင် စစ်ကောင်စီတပ်ဖွဲ့နှင့် အာရက္ခတပ်တော် AA တို့အကြား တိုက်ပွဲကြောင့် ချင်းပြည်နယ် ပလက်၀မြို့နယ်နှင့်…

(002MG) ချင်းပြည်နယ် ပလက်၀မြို့နယ်တွင် အာရက္ခတပ်တော် (AA) က ၎င်းတို့၏ ထောက်ခံစာပါမှသာ ဒေသခံပြည်သူများကို ဝင်/ထွက်သွားလာခွင့်ပြုသည်ဟု သိရသည်။ ပလက်၀မြို့နယ်အတွင်းရှိ ပြည်သူများအနေဖြင့် ပလက်၀မြို့မှ အခြားဒေသများသို့ ခရီးသွားလိုလျှင်သော်လည်းကောင်း၊ အခြားဒေသများမှ ပလက်၀မြို့ပေါ်သို့ ဝင်ရောက်လိုလျှင်သော်လည်းကောင်း အာရက္ခတပ်တော် (AA) ၏ ထောက်ခံစာပါမှသာ ဝင်/ထွက်သွားလာခွင့်ပြုသည်ဟု ပလက်၀ဒေသခံများထံမှ သိရသည်။ “သူတို့က ပလက်ဝမှာ အထွက်လဲ ထောက်ခံစာယူရတယ်၊ ဘယ်သူပဲဖြစ်ဖြစ် အဝင်လဲ ထောက်ခံစာပါမှ လက်ခံတယ်။ ပလက်ဝ မြို့ထဲမှာ AA ဂိတ်တွေ၊ တံတားဂိတ်တွေမှာ ဆမီးကနေဖြစ်ဖြစ် ကျောက်တော်ကနေဖြစ်ဖြစ် ထောက်ခံစာပါမှ လက်ခံတယ်။ ဒါမှမဟုတ်ရင် ဝင်လို့မရဘူး၊ ဆမီးကနေ ပလက်ဝကိုသွားမယ်ဆိုရင်တော့ ဆမီးမြို့က AA အုပ်ချုပ်ရေး အပိုင်းရဲ့ ထောက်ခံစာယူရတယ်၊ မပါရင်တော့ ပြန်ခေါက်ခိုင်းတယ်” ဟု လုံခြုံရေးအရ အမည်မဖော်လိုသူ ပလက်ဝ ဒေသခံတစ်ဦးကပြောသည်။ အာရက္ခတပ်တော် (AA) သည် ၁၀၂၇ စစ်ဆင်ရေးနှင့်အတူ ချင်းပြည်နယ် ပလက်၀မြို့နယ်ကို ၂၀၂၃ ခုနှစ် နို၀င်ဘာ ၁၃ ရက်နေ့က စတင်ထိုးစစ်ဆင်တိုက်ခိုက်ခဲ့ပြီးနောက် ၂၀၂၄ ခုနှစ် ဇန်နဝါရီ ၁၄ ရက်နေ့တွင် ပလက်၀မြို့နယ်တစ်ခုလုံး သိမ်းပိုက်နိုင်ခဲ့သည်။ ထို့ကဲ့သို့ ပလက်၀မြို့ကို သိမ်းပိုက်ထိန်းချုပ်ပြီးနောက်ပိုင်းတွင် အာရက္ခတပ်တော် (AA) က ပလက်၀မြို့နယ်တွင် အုပ်ချုပ်ရေးလုပ်ငန်းစဉ်များအကောင်အထည်ဖော်ဆောင်လာခဲ့ခြင်းဖြစ်သည်။ ပလက်၀မြို့ပေါ်တွင် နေထိုင်ကြသော ဒေသခံပြည်သူများအနေဖြင့် ကျေးလက်ဒေသနှင့် နယ်စပ်ဘက်ကို ခရီးသွားလိုပါက မြို့ပေါ်ရှိ AA မှခန့်အပ်ထားသော အုပ်ချုပ်ရေးမှူးများထံသို့ ကျပ်ငွေ ၁၀၀၀ ဖြင့်…