(05MK) အိန္ဒိယနိုင်ငံ မီဇိုရမ်ပြည်နယ်တောင်ပိုင်း ရှီဟာခရိုင်တွင် ချင်းတော်လှန်ရေးတပ်ဖွဲ့၀င် ၃ ဦးအပါအ၀င် ချင်းလူမျိုး ၄ ဦးကို မြန်မာကျပ်ငွေ သိန်း ၂၀၀ ကျော်နဲ့အတူ ဇူလိုင် ၁၃ ရက်နေ့က ဖမ်းဆီးရမိသည်ဟု အာသံရိုင်ဖယ်တပ်ဖွဲ့က ထုတ်ပြန်သည်။ အာသံရိုင်ဖယ်တပ်နှင့် Tuipang ရဲတပ်ဖွဲ့တို့သည် ကြိုတင်သတင်းရရှိထားချက်အရ ရှီဟာခရိုင် Zawngling ကျေးရွာအနီးတွင် ဇူလိုင် ၁၃ ရက်နေ့က ရှာဖွေစစ်ဆေးရာမှာ ချင်းတော်လှန်ရေးတပ်ဖွဲ့၀င် ၃ ဦးနှင့် အခြားတစ်ယောက် စုစုပေါင်း ၄ ဦးကို ဖမ်းဆီးခဲ့သည် အာသံရိုင်ဖယ်၏ ထုတ်ပြန်ချက်ကို ကိုးကား၍ India Today က ဖော်ြပသည်။ ၎င်းတို့ထံမှ ရူပီးငွေ ၉ သိန်းကျော်နဲ့ညီမျှသော မြန်မာကျပ်ငွေ သိန်း ၂၀၀ ကျော်နဲ့ ဆိုင်ကယ် ၃ စီး၊ စကားပြောစက်တစ်လုံး သိမ်းဆည်းရမိသည်ဟု ဆိုသည်။ အာသံရိုင်ဖယ်တပ်ဖွဲ့၏ ဖော်ြပချက်အရ အဆိုပါငွေကြေးသည် လက်နက်၀ယ်ယူရန်ဖြစ်ပြီး ၎င်းတို့ကို Tuipang ရဲစခန်းတွင် ထိန်းသိမ်းထားကြောင်း သိရသည်။ လွန်ခဲ့သည့် ဇူလိုင်လ ၁၁ ရက်နေ့ကလည်း မီဇိုရမ်ပြည်နယ် ကျန်ဖိုင်းခရိုင် Vaikhawtlang ရွာဟောင်းတွင် အာသံရိုင်ဖယ်နဲ့ ရဲ ပူးပေါင်းတပ်ဖွဲ့က မြန်မာနိုင်ငံသား ၂ ဦးအပါအ၀င် လူ ၄ ဦးထံမှ ဖောက်ခွဲရေးအတွက် အသုံးပြုသော ခဲယမ်းများ ဖမ်းဆီးရမိခဲ့ပြီးဖြစ်သည်။
Author: Editor
(04SS) ချင်းပြည်နယ် တွန်းဇံမြို့ပေါ်ရှိ အထက်တန်းကျောင်းတွင် ကင်းစောင့်သည့် စစ်ကောင်စီတပ်ဖွဲ့နှင့် ချင်းကာကွယ်ရေးတပ်ဖွဲ့အကြား နာရီဝတ်ကျော်ကြာ ပစ်ခတ်မှုဖြစ်ပွါးပြီး စစ်ကောင်စီတပ်သားတစ်ဦး သေဆုံးကြောင်း သိရသည်။ ယနေ့ နံနက်ပိုင်း ၁၀ နာရီ ခွဲ ဝန်းကျင်တွင် တွန်ဇံမြို့ပေါ် အထကကျောင်း၌ ကင်းစောင့်နေသည့် အင်အား ၁၀ ဝန်းကျင်ရှိ စစ်ကောင်စီတပ်သားနဲ့ ရဲများအား CDF-Tonzang မှ သွားရောက်ပစ်ခတ်ခဲ့ခြင်းဖြစ်သည်ဟု ဒေသခံနှင့် နီးစပ်သူတစ်ဦးထံမှ သိရသည်။ “ကျောင်း လုံခြုံရေးအဖွဲ့တွေကို CDF-Tonzang က သွားပစ်တာတဲ့၊ အဲမှာ အပြင်မှာ စစ်သားနဲ့ ရဲ ၅ ယောက် ၇ ယောက်လောက်ရှိတယ်လို့ပြောတယ်။ အဲ့မှာ တိုက်ပွဲဖြစ်တော့ စစ်သား ၁ ယောက်သေတယ် လို့ပြောတယ်။ ပြီးတော့ ဘယ်သူမှအပြင်မထွက်ရဲကြဘူး“ ဟု ၎င်းကပြောသည်။ ထိုသို့ နာရီဝတ်ကျော် ပစ်ခတ်မှုအပြီးတွင် တွန်ဇံမြို့ပေါ်၌ အသွားအလာမရှိ တိတ်ဆိတ်နေကြပြီး ကျောင်းတက်နေသည့် ကျောင်းသူ/ကျောင်းသားများအား ၁၂ ကျော်မှသာ ကျောင်းမှ ပြန်လွှတ်ပေးကြောင်း ဒေသခံများထံမှ သိရသည်။
(06SV) မကွေးတိုင်း၊ ယောနယ်ဘက်က စစ်ကောင်စီစစ်ကြောင်းသည် ချင်းပြည်နယ်၊ မင်းတပ်ဘက်ကို စစ်ကြောင်းထိုးလာနိုင်သောကြောင့် မင်းတပ်-ကံကြီး-ဆော လမ်းမကြီးကို ယနေ့ ဇူလိုင်၁၃ ရက်မှ စတင်၍ ဖြတ်သန်းသွားလာခွင့် ပိတ်လိုက်ကြောင်း ချင်းကာကွယ်ရေးတပ်-မင်းတပ်က ထုတ်ပြန်သည်။ “စစ်ကြောင်းတစ်ကြောင်းက ယောနယ်ဘက်ကနေ ချင်းပြည်နယ်ဘက်ကို သွားလာမှု ရှိနိုင်တယ်ပေါ့။ အဲဒါ ကျနော်တို့နဲ့ အချိန်မရွေး ထိတွေ့မှု ဖြစ်နိုင်တယ်။ ပြည်သူတွေ သွားလာတဲ့အချိန် တိုက်ပွဲဖြစ်ရင် မလိုလာအပ်တဲ့ ထိခိုက်မှုတွေဖြစ်မှာစိုးလို့ ပိတ်လိုက်တဲ့သဘောပါ” လို့ ချင်းကာကွယ်ရေးတပ်-မင်းတပ်မှ ပြောရေးဆိုခွင့်ရှိသူ ဆလိုင်းဟာအွမ်က ပြောသည်။ လတ်တလောစစ်ရေးအခြေအနေအရ မင်းတပ်-ကံကြီး-ဆော လမ်းမကြီးကို ဖြတ်သန်းသွားလာခွင့် ပိတ်ထား၍ ယနေ့မှစတင်ကာ ပြည်သူများ ၎င်းလမ်းကို အသုံးမပြုကြရန်နှင့် ပြန်လည်အသုံးပြုနိုင်မည်ဆိုပါက အသိပေးသွားမည်ဟု သိရသည်။ ဇူလိုင်လ ၉ ရက်မှစတင်၍လည်း စစ်ကောင်စီတပ် ကျောက်ထုတပ်မှ ချင်းဘက် စစ်ကြောင်းထိုးလာပါက အချိန်မရွေး ထိတွေ့တိုက်ပွဲများ ဖြစ်ပွားနိုင်သောကြောင့် ကျောက်ထု-မင်းတပ် လမ်မကြီးကို ရက်အကန့်အသတ်မရှိ သွားလာခွင့် ပိတ်ထားသည်ဟု မင်းတပ်-CDF က ထုတ်ပြန်ထားသည်။ “မင်းတပ်က သွားလို့ ရတဲ့ လမ်းက နှစ်လမ်းရှိတာပေါ့။ အဲဒီလမ်းတွေကလည်း လောလောဆယ် အားလုံးက ယောဘက်က ယောနယ်ဒေသခံကာကွယ်ရေးတပ်တွေကလည်း ပိတ်ထားတယ်။ လောလောဆယ် အကုန်လုံးကို ပိတ်ဆို့မှု လုပ်ပြီးမှ ဒီစစ်ကြောင်း သော်လည်းကောင်း၊ ဒီအတောအတွင်း ထိတွေ့မှုတွေ ရှိနိုင်တယ်ပေါ့နော်” လို့ ဆလိုင်းဟာအွမ်က ပြောသည်။ မင်းတပ်-ကံကြီး-ဆောလမ်းပိုင်းသည် မင်းတပ်မှ ဆင်းလာပါက မကွေးတိုင်းအစပ် ကံကြီးရွာကို ဖြတ်သန်းပြီး ဆောမြို့အရောက်၊ ဘယ်ဘက်ကို ဆက်လက်ထွက်ခွာပါက…
(05MK) မဏိပူရ်ပြည်နယ်တွင်ဖြစ်ပွားနေသော လူများစုကသည်းလူမျိုးနှင့် လူနည်းစုတောင် တန်းသားများ (ချင်း-ကူကီးအနွယ်ဝင်) ကြားဖြစ်ပွားနေသော အဓိကရုဏ်နှင့်ပတ်သက်၍ နှုတ်ဆိတ်နေေသော အိန္ဒိယဝန်ကြီးချုပ် နရင်ဒြာမူဒီ၏ ရုပ်ပုံကို မီဇိုရမ် ပြည်နယ်အခြေစိုက် Zo Reunification Organization (ZoRO) က မီးရှို့ခဲ့ကြသည်။ မီဇိုရမ်ပြည်နယ် အိုင်ဇောလ်မြို့ Directorate Transport Office အနီးတွင် ယနေ့ဇူလိုင်လ ၁၂ ရက် နေ့လည် ၁၂ နာရီတွင် ZoRO အဖွဲ့၏ ဦးဆောင်ဖြင့် ရာနှင့်ချီသော မီဇိုရမ်ပြည်သူများက စုရုံးခဲ့ကြပြီး မဏိပူရ်ပြည်နယ်က လူမျိုးရေးအဓိကရုဏ်းကြောင့် ဒုက္ခအတိရောက်နေကြသော ချင်း-ကူကီးအနွယ်ဝင်များဖက်က ရပ်တည် ကြောင်း ပြသခဲ့ကြသည့်အပြင် အိန္ဒိယဝန်ကြီးချုပ် နဲ့ မဏိပူရ်ပြည်နယ်ဝန်ကြီးချုပ်တို့၏ ဓာတ်ပုံများကို မီးရှို့ခဲ့ကြခြင်းဖြစ်သည်။ ZoRO ဥက္ကဌ Pu R. Sangkawia က “ လူများစုဖြစ်တဲ့ ကသည်းလူမျိုးတွေဟာ သူတို့အစိုးရနဲ့ပူးပေါင်းပြီး လူနည်းစု တောင်တန်သားတွေကို တိုက်ခိုက်တယ်၊ မဏိပူရ်ပြည်နယ်မှာဖြစ်ပွားနေတဲ့ အဓိကရုဏ်းဟာ ၂ လကျော်လာပြီဖြစ်ပေမယ့်လည်း အိန္ဒိယဝန်ကြီးချုပ် နရင်ဒြာမူဒီက ခုချိန်ထိ နှုတ်ဆိတ်နေတာဟာ ဘယ်လိုမှနား လည်လို့မရဘူး၊ အိန္ဒိယ အစိုးရက မိမိတို့တောင်တန်းသား(Zofate) တွေကို သူ့နိုင်ငံသားလို့မသတ်မှတ်ဘူး လားဆိုတာ ကျနော်တို့မေးခွန်းထုတ်ချင်တယ်’’ ဟု ပြောသည်။ မဏိပူရ်ပြည်နယ်တွင်ဖြစ်ပွားနေသော ပဋိပက္ခသည် လူမျိုးရေးသာကတော့ပဲ ဘာသာရေးပဋိပက္ခ အသွင်ဆောင် လာသည်ဟု ZoRO အတွင်းရေးမှူး L. Ramdinliana Renthlei ကပြောသည်။ “ကသည်းတွေက ခရစ်ယာန်ဘုရားကျောင်းတွေကိုအတော်လေးတိုက်ခိုက်တာတွေ့ရတယ်, ဒီပဋိပက္ခဟာ ယုံကြည်သူနဲ့ မယုဲကြည်သူကြားတိုက်ပွဲဖြစ်တယ်” ဟုပြောဆိုသည်။…
ချင်းပြည်နယ် ဟားခါးမြို့နှင့် ထန်တလန်မြို့နယ်အကြား သီမြစ်လွင်ပြင် အနီးတဝိုက်တွင် စစ်ကောင်စီ တပ်ဖွဲ့နှင့် ချင်းကာကွယ်ရေး ပူးပေါင်းတပ်ဖွဲ့တို့ ဇူလိုင်လဆန်းပိုင်းကစပြီး တကျော့ပြန်တိုက်ပွဲ အပြင်းအထန် ဖြစ်ပွားခဲ့ပါတယ်။ စစ်ကောင်စီတပ်ဖွဲ့ဟာ ထန်တလန်မြို့ကို ပြန်လည်ထိန်းချုပ်နိုင်ဖို့အတွက် ဟားခါးမြို့ကနေ မေလကုန်ပိုင်းကတည်းက စစ်ကြောင်းထိုး ချီတက်လာခဲ့ပြီး ဟားခါး-ထန်တလန်ကြား သီမြစ်လွင်ပြင်၊ လုံခါးတောင် အနီးတဝိုက်မှာ ချင်းကာကွယ်ရေး ပူးပေါင်းတပ်ဖွဲ့တွေနဲ့ တိုက်ပွဲဖြစ်ပွားခဲ့ကြတာ ဖြစ်ပါတယ်။ အဲဒီတိုက်ပွဲမှာ အထိနာနေတဲ့ စစ်ကောင်စီစစ်ကြောင်းဟာ တပ်ပြန်ဆုတ်သွားတယ်လို့လည်း သိရပါတယ်။ လက်ရှိ ချင်းပြည်နယ်အတွင်းက ဟားခါး-ထန်တလန် အပါအဝင် စစ်ရေးအခြေအနေနဲ့ ပတ်သက်ပြီး ချင်းအမျိုးသားတပ်ဦး CNF/CNA ပြောရေးဆိုခွင့်ရှိသူ ဆလိုင်းထက်နီကို ဆက်သွယ် မေးမြန်းထားပါတယ်။ မေး။ ။ ဟားခါး- ထန်တလန်ကြား လက်ရှိတိုက်ပွဲအခြေအနေကို အရင်ဆုံးသိချင်ပါတယ်။ ဖြေ။ ။ လက်ရှိတိုက်ပွဲကတော့ မေလနောက်ဆုံးပတ်ကနေ ထွက်လာတဲ့ စစ်ကောင်စီစစ်ကြောင်းက ဒီခဏ၊ တစ်ပတ်လောက် နားပြီးတော့ ဇူလိုင် ၃ ရက်ကနေ ခုထိတိုက်ပွဲက ပြန်စနေပါတယ်။ ဒီကြားထဲမှာ တိုက်ပွဲက လိုရင်လိုအပ်သလို ဟားခါးမြို့ထဲမှာတော့ ရှိနေတာပေါ့။ အဓိကက အခုတိုက်ပွဲမှာ ဇူလိုင် ၃ ရက်ကနေ ၈ ရက်ကြား တိုက်ပွဲအခြေအနေက ကျနော်တို့ဘက်က ၆ ဦး ဒဏ်ရာ ရရှိတယ်။ သူတို့ဘက်က ၂၀ ကျော်လောက် အထိအခိုက်ရှိတယ်။ အဲလိုအထိအခိုက်ရှိတယ် ပြောတဲ့ နေရာမှာ ၆ လောင်းကတော့ ကျနော်တို့ ကိုယ်တိုင်တွေ့တယ်။ သူတို့ဘက်က ထိခိုက်ဒဏ်ရာရရှိပြီး…
(06SV) ချင်းပြည်နယ်၊ ဟားခါးမြို့နှင့် ထန်တလန်ကြား သီမြစ်လွင်ပြင်အနီးမှာ စစ်ကောင်စီတပ်နဲ့ ချင်းကာကွယ်ရေး ပူးပေါင်းတပ်တွေ တစ်ပတ်နီးပါးကြာ တိုက်ပွဲအပြင်းအထန်ဖြစ်ပွားရာ စစ်ကောင်စီက ၂၀ ခန့် သေဆုံးပြီး ၄၀ ကျော် ထိခိုက်ဒဏ်ရာရရှိကြောင်း ချင်းအမျိုးသားတပ်ဦး (CNF/CNA) ပြောရေးဆိုခွင့်ရှိသူ ဆလိုင်းထက်နီက ပြောသည်။ “အခုတိုက်ပွဲမှာ ဇူလိုင် ၃ ရက်ကနေ ၈ ရက်ကြား တိုက်ပွဲအခြေအနေက ကျနော်တို့ဘက်က ၆ ဦး ဒဏ်ရာရရှိတယ်။ သူတို့ဘက်က ၂၀ ကျော်လောက် အထိအခိုက်ရှိတယ်။ သူတို့ဘက်က ထိခိုက်ဒဏ်ရာရရှိပြီး ဆေးရုံးရောက်တာက ၄၂ ယောက်ရှိတယ်လို့ သိရတယ်။ လက်ရှိမှာက သူတို့က နောက်ဆုံးရောက်ရှိလာတဲ့ စစ်ဆင်ရေးရှိတဲ့ နေရာကနေ ပြန်ဆုတ်သွားတယ်။ ဒါပေမဲ့ ဟားခါးထိ ပြန်သလားတော့ မသိဘူး” လို့ ဆလိုင်းထက်နီက ပြောသည်။ မေလကုန်ပိုင်းမှ စ၍ ဟားခါးမှ ထန်တလန်ဘက်ကို စစ်ကြောင်းထိုးနေသော စစ်ကောင်စီတပ်သည် ဇူလိုင်လဆန်းပိုင်းမှာ စစ်ရေးပြန်လည်လှုပ်ရှားရာမှ နှစ်ဖက်တိုက်ပွဲတွေ ဖြစ်ပွားခဲ့ပြီး စစ်ကောင်စီက လက်နက်ကြီး ပစ်ကူများဖြင့် တိုက်ခိုက်ခြင်း၊ ဂျက်ဖိုက်တာဖြင့် ၃ ကြိမ်လာရောက် ဗုံးကြဲခြင်းပြုလုပ်ခဲ့သည်ဟု သိရသည်။ ဟားခါးမှ ထန်တလန်ဘက်ကို တပ်ရင်း ၅ ရင်းအသုံးပြု၍ စစ်ကြောင်း တစ်ကြောင်းလျှင် အင်အား ၁၅၀ ခန့်ဖြင့် စစ်ကြောင်းနှစ်ကြောင်းခွဲကာ စစ်ကြောင်း ထိုးလာခဲ့ပြီး တိုက်ပွဲများပြင်းထန်ခဲ့ရာ စစ်ကောင်စီက ထိခိုက်ကျဆုံးများပါက ဟားခါးဘက်က စစ်ကူများထပ်ဖြည့်ကာ တိုက်သည်ဟု သိရသည်။ ထိုတိုက်ပွဲများမှ လက်နက် ၄ လက်နှင့် ကျည်ဆန်တစ်ထောင်ကျော်ကို…
ချင်းပြည်နယ် တီးတိန်မြို့နယ် စီးယင်းဒေသအတွင်းရှိ သိုင်းငင်ကျေးရွာက စစ်ကောင်စ တပ်စခန်းကို ချင်းကာကွယ်ရေးပူးပေါင်းတပ်ဖွဲ့က ယနေ့မနက်ပိုင်း ဝင်ရောက်စီးနင်း တိုက်ခိုက်ရာတွင် တိုက်ပွဲအပြင်းအထန် ဖြစ်ပွားခဲ့ကြသည်။ ယနေ့မနက်ပိုင်း ၅ နာရီမှ နေ့လယ်ပိုင်း ၁၂ နာရီအထိ ဖြစ်ပွားသော အဆိုပါတိုက်ပွဲတွင် ချင်းကာကွယ်ရေးတပ်ဖွဲ့ဘက်မှ ရဲဘော် ၄ ဦးကျဆုံးခဲ့ပြီး ၂ ဦး မစိုးရိမ်ရ ဒဏ်ရာရရှိခဲ့သည်ဟု CDM Siyin က ယနေ့ ထုတ်ပြန်သည်။ CDM Siyin ပြောခွင့်ရပုဂ္ဂိုလ်က “ကျွန်တော်တို့ဘက် ရဲဘော် ၄ ဦးကျဆုံးတယ်၊ ၂ ဦးကတော့ မစိုးရိမ်ရ ဒါဏ်ရာရတယ်ပေါ့နော်။ သူတို့ဘက်လဲ အထိအခိုက်များမယ် ၂ ပွင့်ဗိုလ်တစ်ယောက်ဆို သူ့ပစ္စည်းတွေလဲ သိမ်းမိတယ်။သူတို့ဘက် banker ခလုတ်ကျင်း ၂ ခုထဲက ရာထူးကြီးတဲ့သူတွေအချို့အပါအဝင်ပေါ့ အားလုံးပါသွားလောက်တယ်။ banker တကျင်းမှာ ၅ ယောက် လောက်ရှိတယ်ဆိုတော့ သူတို့ဘက် ၅ ယောက်ကနေ ၁၀ယောက် အကြားသေဆုံးနိုင်တယ်။ ထိခိုက်ဒါဏ်ရာကတော့ တော်တော်များမယ်၊ ဘာလို့လဲဆိုတော့ RPG ရော ဗုံးရောနဲ့ ထုထားတာဆိုတော့” ဟု ပြောသည်။ အဆိုပါတိုက်ပွဲတွင် စစ်ကောင်စီဘက်ကလည်း အမြောက်အများ ထိခိုက်သေဆုံးမှုရှိနိုင်ပြီး ၎င်းတို့ထံမှ လက်နက်ခဲယမ်းအမြောက်အများလည်း သိမ်းဆည်းရမိခဲ့သည်ဟု ဆိုသည်။ စစ်ကောင်စီဘက်က ထိခိုက်သေဆုံးမှုများသည့်အတွက် တိုက်လေယာဉ်ဖြင့် ၃ ကြိမ်လာရောက်ဗုံးကြဲတိုက်ခိုက်သည့်အပြင် ကလေးမြို့ကနေလည်း လက်နက်ကြီးများဖြင့် အကြိမ်ပေါင်းများစွာပစ်ခတ်ခဲ့သည်ဟု ဆိုသည်။ “ကျွန်တော်တို့ဘက်က စခန်းထဲဝင်ပြီး ပစ်တယ်။ banker တွေသိမ်းနိုင်တာလဲရှိတယ်။ စခန်းသိမ်းဖို့ရည်ရွယ်ပေမဲ့ ရဲစခန်းဘက်တော့ သိမ်းလိုက်နိုင်တယ်…
(06SV) ချင်းပြည်နယ်၊ ပလက်ဝမြို့နယ်အတွင်း အသက်မပြည့်သော ကလေးငယ်များကို အတင်းအဓမ္မဖမ်းဆီးကာ တပ်ဖွဲ့ဝင်အဖြစ် လက်ခံခြင်းနှင့် သွပ်သွင်းခြင်း လုံးဝပြုလုပ်ခြင်းမရှိသလို ထိုကဲ့သို့လည်းပြုလုပ်မည်မဟုတ်ကြောင်း ချင်းကာကွယ်ရေးတပ်ဖွဲ့-ပလက်ဝက ထုတ်ပြန်သည်။ ယခုရက်ပိုင်းအတွင်း ပလက်ဝမြို့နယ်တွင် အသက်အရွယ်မပြည့်သည့်ကျောင်းသူကျောင်းသားများအား CDF-Paletwa တပ်ဖွဲ့မှ ဖမ်းဆီးခေါ်ဆောင်သွားသည်ဟု ဒေသအခြေစိုက် အွန်လိုင်းမီဒီယာတစ်ခုတွင် ဖော်ပြခဲ့သည့်အပေါ် CDF-Paletwa က ဇူလိုင်လ ၁၀ ရက်နေ့တွင်ကြေညာချက်တစ်စောင်ထုတ်ပြန်ကာ ထိုကဲ့သို့ပြောဆိုလိုက်ခြင်း ဖြစ်သည်။ “ဘယ်သူမှ အတင်းအဓမ္မခေါ်ဆောင်ခြင်းကို သုံးလည်း မသုံးချင်ဘူး။ သုံးလည်း မသုံးသင့်ဘူး။ အခုက ပွင့်လင်းမြင်သာတဲ့ခေတ်၊ ကျနော်တို့က ပွင့်ပွင့်လင်းလင်းနဲ့ အောက်ခြေမှာ လုပ်ခဲ့သည်ရှိသော် အဖွဲ့အစည်းရဲ့ စည်းမျဉ်းစည်းကမ်းအတိုင်း အရေးယူမယ်လို့ ထုတ်ပြန်ပြီးသာဖြစ်သလို၊ အောက်ခြေဝန်ထမ်းတွေကို ဘာဖြစ်ခဲ့သလဲဆိုတာ အစီရင်ခံစာလည်း တက်ခိုင်းဖို့ ရှိပါတယ်” လို့ ချင်းကာကွယ်ရေးတပ်ဖွဲ့ – ပလက်ဝ ဥက္ကဌ ဆလိုင်းမျိုးထိုက်က ပြောသည်။ အဆိုပါရေးသားဖော်ပြချက်သည် CDF-Paletwa တပ်ဖွဲ့အပေါ် ပြည်သူများအနေဖြင့် အထင်အမြင်လွဲမှားစေရန် အတွက်သော် လည်းကောင်း၊ နွေဦးတော်လှန်ရေးကိုသေးသိမ်စေပြီး အာဏာရှင်နှင့်အပေါင်းအပါအလိုတော် များအားရကျေနပ်စေရန်အတွက် သော်လည်းကောင်း ရေးသားဖော်ပြခြင်းသာဖြစ်သည်ဟု CDF-Paletwa ကဆိုသည်။ ဒေသခံပြည်သူများ ငြိုငြင်ပြီး တော်လှန်ရေးကို နားလည်မှု လွှဲမှားစေနိုင်သော ပြုမှုဆောင်ရွက်ချက်များ လုံးဝ ပြုလုပ်မည် မဟုတ် ကြောင်း၊ ကုလသမဂ္ဂ ကလေးသူငယ်အခွင့်အရေး ကွန်ဗင်းရှင် ပြဌာန်းချက်များနှင့်အညီ အသက်မပြည့်သော ကလေးငယ်များကို တပ်ဖွဲ့ဝင်အဖြစ် လက်ခံခြင်းနှင့် အဓမ္မဖမ်းဆီးကာ သွပ်သွင်းခြင်းကို လုံးဝ ပြုလုပ်မည် မဟုတ်ကြောင်း CDF-Paletwa ၏ ထုတ်ပြန်ချက်တွင်ဖော်ပြသည်။ ထိုကဲ့သို့ ချင်းကာကွယ်ရေးတပ်ဖွဲ့- ပလက်ဝမှ…
(04SS) ကလေးမြို့မှ ချင်းတောင်သို့သွားသည့် ကားလမ်းမပေါ်ရှိ သိုင်းငင်ကျေးရွာ အနီးတဝိုက်တွင် စစ်ကောင်စီတပ်နှင့် ချင်းကာကွယ်ရေးတပ်ဖွဲ့တို့အကြား ယနေ့ ဇူလိုင်လ ၁၁ ရက်နေ့ နံနက်အစောပိုင်းတွင် ထိတွေ့တိုက်ပွဲ ဖြစ်ပွါးကြောင်း သိရသည်။ ချင်းပြည်နယ်၊ တီးတိန်မြို့နယ်ရှိ သိုင်းငင်ကျေးရွာတွင်တပ်ဆွဲသည့် စစ်ကောင်စီကင်းစခန်းကို ချင်းကာကွယ်ရေးပူးပေါင်းတပ်တွေက ယနေ့မနက် ၅ နာရီအချိန်တွင် သွားရောက်တိုက်ခိုက်ခဲ့ခြင်းဟု သိရသည်။ ယနေ့ မနက်ပိုင်း ၆ နာရီဝန်းကျင်မှ ၉ နာရီကျော်အထိ စစ်ကောင်စီတပ်က ကလေးမြို့ကနေ လက်နက်ကြီးများ ၁၀ ကြိမ်ထက်မနည်း ဆက်တိုက် လှမ်းပစ်နေကြောင်း လည်း သိရသည်။ ထို့နောက် စစ်ကောင်စီတပ်များသည် စစ်တပ်ကား ၆ စီးဖြင့် ကလေးမြို့မှ ချင်းတောင်သို့ တက်သွားကြသည်ဟု သိရသည်။ ခရီးသွားလူငယ်များအား PDF ဟု စွပ်ဆွဲကာ ဖမ်းဆီးနေသည့် သိုင်းငင်ကျေးရွာ စစ်ကောင်စီကင်းစခန်းအား သွားရောက်ပစ်ခတ်မည်ဟု လွန်ခဲ့သည့် ဇွန်လ ၃၀ ရက်နေ့တွင် CDM-Siyin မှ ထုတ်ပြန်ခဲ့ပြီးဖြစ်သည်။ သိုင်းငင်ကျေးရွာသည် ကလေးမြို့မှ ချင်းတောင် တီးတိန်-ရိခေါဒါရမ်နှင့် ဖလမ်း-ဟားခါးဘက်သို့သွားသည့် လမ်းစုံလမ်းခွတွင်တည်ရှိပြီး ယင်းနေရာတွင် စစ်ကောင်စီတပ်က စခန်းချတပ်စွဲကာ ခရီးသွားပြည်သူများအား စစ်ဆေးဖမ်းဆီးမှုများ မကြာခဏ ပြုလုပ်သည့်အတွက် ယခုကဲ့သို့ ချင်းကာကွယ်ရေးတပ်ဖွဲ့တို့က သွားရောက်ပစ်ခတ်ခြင်းဖြစ်သည်ဟု သိရသည်။ ကလေး-သိုင်းငင်ကြား ပြည်သူများသည် ၎င်းထုတ်ပြန်သည့်နောက် လုံခြံုသည့်နေရာသို့ ပြောင်းရွှေ့နေကြပြီးဖြစ်ကာ စစ်ကောင်စီတပ်က ကလေးမြို့-ချင်းတောင် တီးတိန်၊ ဖလမ်း လမ်းမအား ယာဉ်ထွက်ခွင့် ပိတ်ပင်ထားသည်။
(04SS) ကလေးမြို့ တောင်ဖီလာရပ်ကွက်ရှိ အမှတ် ၁၄ အထက်တန်းကျောင်း အနီးတဝိုက်တွင် လက်နက်ကြီး ကျရောက်ပေါက်ကွဲမှုဖြစ်ပွါးပြီး အမျိုးသမီးတစ်ဦးသေဆုံးကာ ကျောင်းသားတစ်ဦး ထိခိုက်ဒါဏ်ရာရရှိကြောင်း သိရသည်။ ဇူလိုင်လ ၁၁ ရက်နေ့ နံနက်ပိုင်း ၆ နာရီကျော်မှ စတင်ကာ ကလေးမြို့တွင် လက်နက်ကြီးပေါက်ကွဲသံများ ဆက်တိုက်ကြားနေရပြီး နံနက် ၈ နာရီဝန်းကျင်တွင် တောင်ဖီလာရပ်ကွက် အမှတ် ၁၄ ကျောင်းအနီး၌ လက်နက်ကြီး ၂ ကြိမ် ပေါက်ကွဲသောကြောင့် အရပ်သားထိခိုက်မှုရှိသလို ကျောင်းတက်လာသည့် ကျောင်းသူ/ကျောင်းသားများ ပြန်လှည့်ခဲ့ရကြောင်း ကျောင်းသားတစ်ဦးက ပြောသည်။ “ကျောင်းဘေးမှာ ပေါက်ကွဲတာ၊ ဗုံးပေါက်လို့ ကျောင်းက ကလေး ၁ ယောက် နေက်စေ့မှာ ဒါဏ်ရာရတယ်တဲ့။ ပြီးတော့ အဒေါ်ကြီး၁ ယောက်ကလဲ ဒါဏ်ရာရတယ် သွေးအများကြီးထွက်တယ် အသက် အန္ဒရယ်စိုးရိမ်ရတယ်လို့လဲ ပြောကြတယ်။ သူ့ကို ဆေးရုံပို့ဖို့ ဆိုက်တွဲတစ်စင်းနဲ့ ခေါ်သွားကြတယ်။ သားတို့ကိုကျတော့ ဆရာမက အိမ်ပြန်ခိုင်းတယ်” ဟု ၎င်း ကပြောသည်။ ထို့နောက် လက်နက်ကြီးကြောင့် ဒါဏ်ရာရရှိသည့် အမျိုးသမီးအားဆိုက်တွဲဖြင့် နီးစပ်ရာ ဆေးရုံသို့ခေါ်သွားနေစဉ် ဆေးရုံမရောက်မီ အသက်သေဆုံးခဲ့ရကြောင်း ဒေသခံတစ်ဦးထံမှ သိရသည်။ ယခုလက်ရှိ ကလေးမြို့တွင် လက်နက်ကြီးပေါက်ကွဲသံများ ဆက်တိုက်ကြားနေရပြီး မွန်လိုင်ရပ်ကွက် ဗိုလ်ချုပ်လမ်းမပေါ်တွင် စစ်သားများနှင့် ရဲများမှ လမ်းသွားလမ်းလာများအား စစ်ဆေးရေး တင်းကြပ်နေသည်ဟုလည်း သိရသည်။ စစ်ကောင်စီတပ်ဖွဲ့သည် ၂၂၈ တပ်ရင်းမှ လက်နက်ကြီးများ ပစ်ခတ်နေခြင်းဟုသိရပြီး ကြုံသုံးပင်ရပ်ကွက်တွင်လည်း လက်နက်ကြီး ကျရောက် ပေါက်ကွဲကြောင်း သိရသည်။