Author: Editor

#Unicode By Benezer – ချင်းပြည်နယ်တောင်ပိုင်း မင်းတပ်ခရိုင်အတွင်းရှိ ရွှေအောင်သာကျေးရွာ၏ မဲဆန္ဒရှင်လူဦးရေစာရင်းအချက်အလက်များ အား မကွေးတိုင်းဒေသကြီး ဂန့်ဂေါ်ခရိုင် ထီးလင်းမြို့နယ်၏အခြေခံမဲဆန္ဒရှင်စာရင်းသို့ လွဲပြောင်းထည့်သွင်းမှုကို လက်မခံ နိုင်ကြောင်း ချင်းအမျိူးသားဒီမိုကရေစီအဖွဲ့ချူပ်(CNLD) ပါတီကပြောဆိုလိုက်သည်။ ရွှေအောင်သာကျေးရွာသည် သမိုင်းအစဉ်အဆက် ချင်းပြည်နယ်နယ်နိမိတ်အစိတ်အပိုင်းဖြစ်ပြီး ၂၀၁၅ ခုနှစ်အထွေထွေ ရွေးကောက်ပွဲအထိ ချင်းပြည်နယ် မင်းတပ်ခရိုင် မင်းတပ်မြို့နယ် မဲဆန္ဒနယ် လှေ့ချမ်းအုပ်စု မဲဆန္ဒရှင်စာရင်းတွင် ထည့်သွင်းမဲပေးခဲ့ခြင်းဖြစ်ရာ NLD အစိုးရသက်တမ်းတွင် ထိုကဲ့သို့ဆောင်ရွက်ခြင်းသည် ချင်းလူမျိူးအတွက်ဆုံးရှုံးနစ်နာမှု ကြီးဖြစ်သောကြောင့် ရွေးကောက်ပွဲကော်မရှင်နှင့် အာဏာပိုင်များက မူလအတိုင်းပြန်လည်ဆောင်ရွက်ပေးရန် အောက်တိုဘာလ ၁၉ ရက်နေ့စွဲဖြင့်ထုတ်ပြန်သော CNLD ပါတီ၏ကြေညာချက်တွင်ဖော်ပြထားသည်။ CNLD ပါတီအထွေထွေအတွင်းရေးမှူး ဆလိုင်းကျဲအိုဘိခ်ထောင်က “ ဒီကိစ္စကို ကျနော်တို့ကတော့ လက်မခံနိုင်ဘူး သမိုင်းအစဉ်ဆက်ကိုပြန်ကြည့်ရင် ဦးသန်းရွှေကလုပ်ထားတဲ့ ၂၀၁၀ ရွေးကောက်ပွဲမှာတောင်မှ ချင်းပြည်နယ်ပဲ၊ ဦးသိန်းစိန်လုပ်ပေးထားတဲ့ ၂၀၁၅ ရွေးကောက်ပွဲမှာလည်းပဲ ချင်းပြည်နယ်ပဲ အခု ၂၀၂၀ ဒေါ်အောင်ဆန်းစုကြည်လုပ်ပေးတဲ့ ရွေးကောက်ပွဲမှာ ဒီလိုဖြစ်သွားတာကတော့ ရည်ရွယ်ချက်ရှိရှိနဲ့လုပ်တာလား၊ အဲလိုဆိုရင်တော့ ချင်းနယ်နိမိတ်အက်ကြောင်းကို သူတို့ဖန်တီးလိုက်ပြီပေါ့ဗျာ’’ ဟု ပြောသည်။ ရွေအောင်သာကျေးရွာသည် လွန်ခဲ့သည့် ၂၀၁၈ ခုနှစ် ဒီဇင်ဘာလ ၃၁ ရက်နေ့စွဲဖြင့် အထွေထွေအုပ်ချူပ်ရေးဦးစီးဌာနမှ ထုတ်ဝေခဲ့သော တိုင်းဒေသကြီး၊ ပြည်နယ်များနှင့် နေပြည်တော်အတွင်းရှိ ခရိုင်၊ မြို့နယ်၊ ရပ်ကွက်နှင့် ကျေးရွာအုပ်စု၊ ကျေးရွာများစာအုပ်အရ မကွေးတိုင်းဒေသကြီး၊ ဂန့်ဂေါခရိုင် ထီးလင်းမြို့နယ် အောင်းကျေးရွာအုပ်စုအတွင်းသို့ ထည့်သွင်း ခံရသည်ဟု သိရသည်။ ယခုကိစ္စနှင့်ပတ်သက်၍ ချင်းပြည်နယ် ရွေးကောက်ပွဲကော်မရှင်အဖွဲ့အတွင်းရေးမှူး ဦးလင်းကျော်က “ကျနော်တို့ ရွေးကောက်ပွဲလုပ်ငန်းစဉ်တွေဆောင်ရွက်တဲ့အခါမှာတော့…

#Unicode By နှင်းနှင်း – ချင်းပြည်နယ်၊ ဟားခါးမြို့တွင်ကိုဗစ်ပိုးတွေ့လူနာများလာပြီး ပြည်သူ့ဆေးရုံတွင်မဆံ့ပါက ဟားခါးမြို့ရှိ တိုင်းရင်းဆေးရုံတွင်ထားရှိနိုင်ရန်အတွက် ကြိုတင်ပြင်ဆင်ထားကြောင်း ချင်းပြည်နယ် ပြည်နယ်ကျန်းမာရေးမှုး ဒေါက်တာအောင်ငွေစံကပြောသည်။ “လောလောဆယ်ဟားခါးပြည်သူ့ဆေးရုံမှာအတွင်းလူနာ ၅ယောက်ရှိနေပြီဆိုတော့ ကိုဗစ်ပိုးတွေ့လူနာများလာရင် ဆေးရုံ ထပ်မံလိုအပ်လာမယ်ဆိုပြီးတော့ ချင်းပြည်နယ်အစိုးရအဖွဲ့နဲ့ ကျွန်တော်တို့တိုင်းရင်းဆေးရုံအဖွဲ့တွေပူးပေါင်းပြီးတော့ တိုင်းရင်းဆေးရုံကိုကြိုတင်ပြီးတော့ လျာထားပါတယ်” ဟု ဒေါက်တာအောင်ငွေစံကပြောသည်။ COVID-19 ရောဂါသည် မြန်မာနိုင်ငံတွင်သာမက ချင်းပြည်နယ်ဒေသအတွင်း ကူးစက်မှုမြင့် တက်လာ သောကြောင့် ကျန်းမာရေးနှင့်အားကစား ဝန်ကြီးဌာနမှ လမ်းညွန်ချက်များ အတိုင်းပြည်သူများ အနေဖြင့် လိုိက်နာကြရန်လိုအပ်သည်ဟု ပြည်နယ်ကျန်းမာရေးမှုးက ဆက်ပြောသည်။ ဟားခါးမြို့နယ်ရှိ မြို့အဝင် အထွက်နေရာများတွင် ကုန်တင်ကားမောင်းသူများအား Rapid Test Kid ဖြင့် ကိုဗစ်-၁၉ ပိုးရှိမရှိ စစ်ဆေးခြင်းအားဆောင်ရွက်နေပြီး အောက်တိုဘာ ၁၉ ရက်နေ့တွင် ဂန့်ဂေါဘက်မှ ပြန်လာသည့် ကုန်တင်ကားမောင်းသူနှင့် ယာဉ်ပိုင်ရှင်ဖြစ်သူတို့အား စစ်ဆေးရာ ယာဉ်ပိုင်ရှင်ဖြစ်သူထံတွင် ကိုဗစ်-၁၉ ရောဂါပိုးတွေ့ရှိခဲ့ကြောင်းသိရသည်။ ထို့ပြင် ဖလမ်းမြို့တွင်လည်း ကွာရင်တင်းဝင်နေသူများအား Rapid Test Kid ဖြင့် စစ်ဆေးရာ လေးဦးထံတွင် ကိုဗစ်ပိုး တွေ့ရှိခဲ့ပြီး ၎င်းတို့မှာ ရွေးကောက်ပွဲဆိုင်ရာ အထူးရဲသင်တန်းတက်နေသည့် တင်တန်းသားတစ်ဦး၊ အိန္ဒိယပြန်နှစ်ဦး နှင့် ချင်းပြည်နယ်ပြင်ပမှ ပြန်လာသည့် ဆရာမ တစ်ဦး တို့ဖြစ်ကြောင်းသိရသည်။ လက်ရှိအချိန်ထိ ချင်းပြည်နယ်တွင် ကိုဗစ်ပိုးဓာတ်ခွဲအတည်ပြုလူနာ (၆၀)ဦးထိရှိသည့်အနက် ၄၂ ဦးဆေးရုံမှဆင်းသွားပြီ ဖြစ်ကာ တစ်ဦးသေဆုံး၍ ယခုလက်ရှိ ၁၇ ဦး ကုသမှုခံယူလျက်ရှိကြောင်းသိရသည်။ #Zawgyi By ႏွင္းႏွင္း – ခ်င္းျပည္နယ္၊…

#Unicode By လားနွန် – နှင်းဆီပါတီခေါ် ညီညွတ်သောဒီမိုကရက်တစ်ပါတီ (UDP) ဥက္ကဌ ဦးကျော်မြင့် အဖမ်းခံရသော်လည်း ချင်းပြည်နယ်အတွင်းရှိ နှင်းဆီပါတီကိုယ်စားလှယ်လောင်းများနှင့် မဲဆွယ်စည်းရုံးရေးလုပ်ငန်းအပေါ် အဟန့် အတားမရှိဘဲ ပါတီဝင်အင်အားတောင်တိုးလာသည်ဟု ချင်းပြည်နယ် ပါတီတာဝန်ခံ ဦးသွမ်ခန်ကပ်ကေ ပြာသည်။ “ အဲဒီကိစ္စနဲ့ပတ်သက်ပြီး ကျနော်တို့အပေါ်ရိုက်ခတ်တာ အဟန့်အတားတွေမရှိပါဘူး၊ သူ့တစ်ဦးတစ်ယောက်ရဲ့ ကိစ္စတွေပဲဖြစ်တော့ ပါတီကိစ္စမဟုတ်တဲ့အတွက်ကြောင့် ကျနော်တို့အနေနဲ့ အဟန့်အတားတာတွေမျိုးမရှိပါဘူး သူ့ကိစ္စကိုတော့ ပါတီဥက္ကကပဲ ဖြေရှင်းပါလိမ့်မယ်၊ ကျနော်တို့ပါတီကိစ္စက အများပိုင်ပါတီဖြစ်နေတဲ့အတွက် ကိ်ုယ့်ရပ်ကွက် ကိုယ့်ဒေသမှာ ကြိုးစားနေကြတဲ့အတွက်ကြောင့် အဟန့်အတားမရှိပဲနဲ့ ပိုတောင်မှ နိုင်ငံရေးစိတ် တက်ကြွပြီးတော့မှ ပါတီအင်အား တိုးလာတာပဲရှိတယ် လျော့တာမရှိဘူး” ဟု ချင်းပြည်နယ်နှင်းဆီပါတီတာဝန်ခံ ဦးသွမ်ခန်ကပ်ကပြောသည်။ UDP ပါတီဥက္ကဌ ဦးကျော်မြင့် (ခေါ်) မိုက်ကယ်ကျော်မြင့် ဟွာဟူသည် ထောင်ပြေးမှုဖြင့် ပြီးခဲ့သည့် စက်တင်ဘာ လ ၂၉ ရက်နေ့က အဖမ်းခံခဲ့ရပြီး ရာဇသတ်ကြီးပုဒ်မ ၂၂၄ ဖြင့် အမှုဖွင့်ခံထားရသူဖြစ်သည်။ ချင်းပြည်နယ်အမျိူးသားလွှတ်တော်အမှတ် (၁၂) မဲဆန္ဒနယ်မြေတွင် နှင်းဆီပါတီကိုယ်စားပြုအနေဖြင့် ဝင်ရောက်ယှ ဉ်ပြိုင်မည့် ဦးကျဲအိုလိန်းကလည်း ပါတီဥက္ကဌအဖမ်းခံရမှုကြောင့် လွှတ်တော်ကိုယ်စားလောင်း တွေအပေါ် ရိုက်ခတ်မှုမရှိကြောင်း ပြောဆိုပါသည်။ “ ကျနော်တို့ပါတီပိုင်းဆိုင်ရာရော၊ ကိုယ်စားလှယ်ပိုင်းမှာဘဲဖြစ်ဖြစ် ထိခိုက်တာ အဟန့်အတားဖြစ်စေတာမျိူး ဘာမှမရှိပါဘူး” ဟု ပြောသည်။ ယခုကဲ့သို့ ပါတီဥက္ကဌအဖမ်းခံရသော်လည်း ပါတီ၏မူဝါဒအတိုင်း ကိုယ့်နည်းကိုယ့်ဟန့်ဖြင့် ပါတီစည်းရုံးရေး များဆက်လက်လုပ်ဆောင်နေသည်ဟု ချင်းပြည်နယ် UDP ပါတီတာဝန်ခံကပြောသည်။ “ ပါတီလုပ်ထုံးလုပ်နည်းအရ ပါတီစည်းရုံးရေးကွင်းဆင်းတာတွေပုံမှန်လုပ်နေပါတယ်၊ ကျနော်တို့ဟာနဲ့ကျနော် တို့ ကိုယ့်ဟာကိုအိတ်စိုက်ပြီးတော့မှ စည်းရုံးကွင်းဆင်းတယ်…

#Unicode CNLD လွှတ်တာ်ကိုယ်စားလှယ်လောင်း ဆလိုင်းမျိူးချစ်နဲ့ အင်တာဗျူး နိုဝင်ဘာလ ၈ ရက်နေ့အထွေထွေရွေးကောက်ပွဲမှာ ချင်းပြည်နယ်တောင်ပိုင်း ကန်ပက်လက်မြို့နယ် အမျိူးသား လွှတ်တော်မဲဆန္ဒနယ်မြေအမှတ်(၅)ကနေ ချင်းအမျိူးသားဒီမိုကရေစီအဖွဲ့ချူပ်(CNLD) ပါတီကိုယ်စားပြုအနေဖြင့် ဝင်ရောက်ယှဉ်ပြိုင်မယ့် လူငယ်လွှတ်တော်ကိုယ်စားလှယ်လောင်း ဆလိုင်းမျိူးချစ်ကို ယခုလိုတွေ့ဆုံမေးမြန်းခဲ့ပါတယ်။ မေး – လူငယ်တစ်ယောက်အနေနဲ့ ၂၀၂၀ ရွေးကောက်ပွဲကို ဘာကြောင့် ဝင်ရောက်ယှဉ်ပြိုင်ရတာလဲ။ ဖြေ – အနာဂတ်ပုံဖော်တဲ့အချိန်မှာ လူကြီးပိုင်းကြီးကပဲ ပုံဖော်ပြီးတော့ ပြောနေတဲ့ဟာတွေက အနာဂတ်မှာ တကယ်တမ်း ကြုံတွေ့ရတဲ့အဆိုးအကောင်းတွေ ကြုံရတဲ့သူဟာ လူငယ်တွေအပါအဝင် ပြည်သူလူထု တစ်ရပ်လုံးဖြစ်ပါတယ်။ အဲလို မျိုးဖြစ်လာတဲ့အခါကျတော့ ကျနော်တို့ အနာဂတ်ကို ပုံဖော်တဲ့အချိန်မှာ ကျနော်တို့လူငယ်တွေလည်း ဘာဖြစ်လို့ ဆုံးဖြတ်ချက် ချပိုင်ခွင့်မရှိရမှာလဲ။ နိုင်ငံရေးသမားတွေကသော်လည်းကောင်း လွှတ်တော်ကသော်လည်းကောင်း သူတို့တစ်ခုခုဆုံးဖြတ်လိုက်တာ၊ ပြဌာန်းလိုက်တဲ့ဟာတွေရဲ့ အကျိုးအဆက်တော်တော် များများဟာ လူငယ်တွေလည်း ခံစားရတာပါပဲ။ အဲဒါကြောင့် ဒီလိုမျိုးဆုံးဖြတ်ပြောဆိုနေကြတဲ့ လွှတ်တော်ထဲမှာ လူငယ်တွေရဲ့ အသံဟာ တိုက်ရိုက် ရောက်ဖို့ အရမ်းအရေးကြီးပါတယ်။ ကျနော်တို့လူငယ်တွေဟာ ဘယ်လိုပဲဖြစ်ဖြစ် ချင်းနိုင်ငံရေးမှာ အပြင်ကနေပဲမဟုတ် လက်တွေ့ ကိုယ်တိုင်ကိုယ်ကျေ ဆာင်ရွက်ဖို့ အရမ်းအရေးကြီးပါတယ်ဆိုတဲ့ဟာ ပြချင်တယ်။ မေး – လွှတ်တော်သုံးရပ်ရှိတဲ့အထဲက အမျိုးသားလွှတ်တော်မှာ ဝင်ပြိုင်ဖို့ဘာကြောင့်ရွေးချယ်ရတာလဲ။ ဖြေ – ပုံမှန်အားဖြင့် ဒီမိုကရေစီတိုင်းပြည်မှာ အထက်လွှတ်တော်ဆိုတဲ့ ဒီအမျိုးသားလွှတ်တော် မြန်မာပြည်မှာတော့ အထက်လွှတ်တော်ပေါ့ဗျာ၊ လူမျိုးနဲ့ ဆိုင်တဲ့အရာတွေ သီးခြားကိုအာဏာပေးပြီးတော့ လူမျိုးတွေနဲ့ သက်ဆိုင်တဲ့လုပ်ပိုင်ခွင့် ပြောဆိုခွင့် ဥပဒေပြုခွင့် ဒီအကြောင်းအရာတွေဟာ အထက်လွှတ်တော်က ပိုပြီးတော့ အာဏာယူရပါတယ်။ ဒါပေမဲ့ ကျနော်တို့ မြန်မာနိုင်ငံမှာတော့ (အထက်လွှတ်တော်)အမျိုးသားနှင့်…

#Unicode မန်မာ့တပ်မတော်နှင့် ရက္ခိိုင့်တပ်တော်(AA) တို့အကြားဖြစ်ပွားနေသော စစ်ရေးပဋိပက္ခကြောင့် နိုဝင်ဘာလ ၈ ရက်နေ့တွင် ကျင်းပပြုလုပ်မည့် အထွေထွေရွေးကောက်ပွဲကို ချင်းပြည်နယ် ပလက်ဝမြို့နယ်တွင် မကျင်းပနိုင်မည်ကို အထူးစိုးရိမ်မိ သည်ဟု ခူမီးချင်းမျိူးနွယ်စုအဖွဲ့အစည်းများက အောက်တိုဘာလ ၁၄ ရက်နေ့စွဲဖြင့် ကြေညာချက်တစ်စောင်ထုတ်ပြန်လိုက် သည်။ ချင်းပြည်နယ်တောင်ပိုင်း ပလက်ဝမြို့နယ်တွင် လွန်ခဲ့သည့် ၂၀၁၅ ခုနှစ်ကစ၍ ယနေ့ချိန်ထိ မြန်မာ့တပ်မတော်နှင့် ရက္ခိုင့်တပ်တော်(AA) အကြား တိုက်ပွဲဖြစ်ပွားလျက်ရှိပြီး ထိုကဲ့သို့ဖြစ်ပွားလျက်ရှိသော လက်နက်ကိုင်ပဋိပက္ခကြောင့် ရွေးကောက်ပွဲအပေါ် ထိခိုက်မှုဖြစ်ပွားမည်ကို အထူးစိုးရိမ်ကြောင်း ပြည်တွင်းပြည်ပအခြေစိုက် ခူမီချင်းမျိူးနွယ်စုအဖွဲ့ အစည်း (၇) ဖွဲ့က ထုတ်ပြန်ကြေညာခဲ့ခြင်းဖြစ်သည်။ ခူမီးချင်းမျိူးနွယ်စုများရေးရာပေါင်းစပ်ညှိနှိုင်းရေးကောင်စီ (KACC) မှပြောရေးဆိုခွင့်ရှိသူ ကိုစောမြက “ကျနော်တို့နယ်မှာ အေအေ တွေလည်းလှုပ်ရှားနေတုန်းဆိုတော့လေ မဲဆွယ်စည်းရုံးရေးတွေလည်းကောင်းကောင်းမလုပ်နိုင်ဘူး၊ ရွေးကောက်ပွဲအသိပညာပေးမှုတွေလည်းကောင်းကောင်းမလုပ်နိုင်ဘူး ရွေးကောက်ပွဲကော်မရှင်တွေရဲ့ လုပ်ငန်းစဉ်တွေမှာ လည်းနှောင့်နှေးတယ်ပေါ့ဗျာ အစိုးရတပ်ဖက်ကလည်း သွားလာဖို့ လုံခြုံရေးအရကန့်သတ်ထားတာတွေရှိတယ် အဲဒါကြောင့်ရွေးကောက်ပွဲမဖြစ်မှာကို ကျနော်တို့အထူးစိုးရိမ်မိတယ်’’ ဟုပြောသည်။ ပလက်ဝမြို့နယ်သည် ချင်းပြည်နယ်တွင် မဲဆန္ဒရှင်အများဆုံးရှိသည့် မြို့နယ်ဖြစ်ပြီး နိုဝင်ဘာလ ၈ ရက်နေ့ရွေးကောက်ပွဲ တွင် မဲဆန္ဒပေးပိုင်ခွင့်ရှိသူ (၆၂၈၄၅) ဦးရှိသည်ဟု ချင်းပြည်နယ် ရွေးကောက်ပွဲကော်မရှင်အဖွဲ့ခွဲရုံးမှ ဒုတိယအကြိမ်မဲ စာရင်းကြေညာချက်အရသိရသည်။ လွှတ်တော် မဲဆန္ဒနယ်မြေ (၅) ခုရှိသည့် ပလက်ဝမြို့နယ်တွင် လာမည့်ရွေးကောက်ပွဲတွင် နိုင်ငံရေးပါတီ (၆) ခုမှ လွှတ်တော်ကိုယ်စားလှယ်လောင်း ၂၄ ဦးဝင်ရောက်ယှဉ်ပြိုင်ကြမည်ဖြစ်သည်။ ရွေးကောက်ပွဲကျင်းပခြင်းသည် ဒီမိုကရေစီရှင်သန်ရေးအတွက် အခရာကျသည့်လုပ်ငန်းစဉ်ဖြစ်သကဲ့သို့ လူထု၏အခွင့်အရေးများကို တောင်းဆိုတင်ပြပေးနိုင်သည့် နိုင်ငံရေးလမ်းစဉ်တစ်ခုဖြစ်သောကြောင့် ရွေးကောက်ပွဲမကျင်းပဖြစ်ပါက ဒေသတွင်းကိုယ်စားပြုမှုပျောက်ဆုံးသွားနိုင်မည့်အရေးကို များစွာစိုးရိမ်မိကြောင်း ၎င်းတို့၏ ထုတ်ပြန်ချက်ထဲတွင်ဖော်ပြထားသည်။ “ တကယ်လို့…

#Unicode By လားနွန် – ၂၀၂၀ ခုနှစ်အထွေထွေရွေးကောက်ပွဲကျင်းပရန် လပိုင်းသာလိုတော့သော်လည်း ချင်းပြည်နယ်တောင်ပိုင်း ပလက်ဝမြို့န ယ်အတွင်းရှိ ဒေသခံပြည်သူများသည် စားနပ်ရိက္ခာပြတ်လပ်မှုဒဏ်ကြောင့် ရွေးကောက်ပွဲအပေါ် စိတ်ဝင်စားမှု နည်းပါးသည်ဟု လေ့လာစောင့်ကြည့်သူများကပြောဆိုကြသည်။ ပလက်ဝမြို့နယ်တိုက်ပွဲရှောင်နှင့်သဘာဝဘေးကူညီရေးအဖွဲ့ဥက္ကဌ ဦးဇာနီက ပလက်ဝမြို့နယ်ပြည်သူများသည် ဝမ်းရေးအတွက် ပူပင်နေကြရပြီး ရွေးကောက်ပွဲထက် ဆန်ရရှိရေးကိုသာ ပိုစိတ်ဝင်စားကြသည်ဟု ပြောသည်။ “ရွေးကောက်ပွဲထက်ပြောရမယ်ဆိုရင် ဆန်တွေပြတ်လပ်နေတဲ့အတွက်ကြောင့် ရွေးကောက်ပွဲထက် စားရေးက ပိုပြီးတော့ အာရုံစိုက်တာလို့ပြောလို့ရပါတယ်၊ အခုဆိုရင်လည်းပဲ ဒီတိုက်ပွဲရှောင်တွေအတွက် ဝန်ကြီးဦးစိုးထက်ကနေပြီးတော့ တပ်မမှာ ချေးဌားပေးထားတဲ့ဆန်က (၃) ရက်စာပဲပေးနိုင်တယ် ဒီနေ့ဆိုကုန်ပြီ၊ ဒီကြားမှာ အခုဆမီးဘက်က ကားအဝင်အထွက်က ဘယ်လိုလဲတော့မသိဘူး လုံခြုံရေးကကျနော်တို့မသိဘူး ဒါနဲ့ပဲ ဆမီးဘက်က ကားအဝင်အထွက်မရှိတဲ့အတွက်ကြောင့် အခုဆန်အခက်အခဲကြုံရတော့ ပြည်သူတွေက ဒီရွေးကောက်ပွဲ မဲဆန္ဒပေးတာထက် ဒီစားဝတ်နေရေးက သူတို့ပိုပြီးတော့ စိတ်ပူတယ်” ဟု ဦးဇာနီကပြောသည်။ တပ်မတော်နှင့် ရက္ခိုင့်တပ်တော်(AA) တို့စစ်မက်ဖြစ်ပွားရာ ချင်းပြည်တောင်ပိုင်း ပလက်ဝမြ်ို့နယ်တွင် လုံခြုံရေးအခြေအေ နကြောင့် ရေလမ်း ကုန်လမ်းများပိတ်ဆို့ကာ ကုန်စည်ဝင်ရောက်မှုမရှိတော့သည့်အတွက် ပလက်ဝမြို့နယ်အတွင်းက ကျေးရွာပေါင်း ၂၀၀ ကျော်ဆန်ပြတ်လပ်မှုဒဏ်ကြုံတွေ့နေကြရခြင်းဖြစ်သည်။ ပလက်ဝဒေသခံပြည်သူများသည် လမ်းပန်းဆက်သွယ်ရေးကန့်သတ်ခြင်း၊ လုံခြုံမှုမရှိခြင်း၊ ကပ်ရောဂါကြောင့် မဲဆွယ်စည်းရုံးရေး အသိပညာပေးမှုအားနည်းခြင်းတို့ကြောင့် ရွေးကောက်ပွဲအပေါ် စိတ်ဝင်စားမှု လျှောနည်းလာပြီး နေ့စဉ်စားဝတ်နေရေးအတွက်ကိုသာ စိတ်ပူနေကြသည်ဟု ပလက်ဝမြို့နယ် ချင်းအမျိူးသမီးအဖွဲ့မှ ဦးဆောင်သူ တစ်ဦးကပြောသည်။ “ ပလက်ဝအတိုင်းအတာမှာတော့ တစ်ချို့က စိတ်ဝင်စားတယ် တစ်ချို့ကတော့ စိတ်မဝင်စားဘူး၊ နိုင်ငံရေးပါတီ တွေကလည်း စည်းရုံးရေးကျယ်ကျယ်ပြန့်ပြန့်လုပ်လို့မရဘူးလေ၊ ကျမတို့အနေနဲ့ လူငယ်တွေကို ရွေးကောက်ပွဲအသိပညာပေးဖို့စီစဉ်တယ်ဒါပေမဲ့ တစ်နေရာ နှစ်နေရာလောက်ပဲလုပ်ပေးနိုင်တယ်၊ ကိုဗစ်ကြောင့်…

#Unicode By နှင်းနှင်း – ချင်းပြည်နယ် ကန်ပက်လက်မြို့တွင် ရဲတပ်ဖွဲ့ဝင်တစ်ဦးမှ အသက်မပြည့်သေးသူ အမျိုးသမီးငယ်တစ်ဦးအား မုဒိမ်းမှုကျူး လွန်ခဲ့သည့်အပေါ် ဥပဒေအတိုင်းအရေးယူဆောင်ရွက်ပေးရန် ကန်ပက်လက်အရပ်ဘက်အဖွဲ့အစည်းများက အောက်တိုဘာ ၁၄ရက်နေ့က ကြေညာချက်တစ်စောင်ထုတ်ပြန်ကာ တောင်းဆိုလိုက်သည်။ ဖြစ်စဉ်မှာ ကန်ပလက်မြို့၊ အမှတ် (၁) မြို့မရပ်ကွက်နေ အသက်(၁၇) နှစ်အရွယ်အမျိုးသမီးတစ်ဦးအား ကန်ပလက်မြို့ ၊ မြို့မရဲစခန်းမှ ရဲတပ်ဖွဲ့ဝင်တစ်ဦးမှ ပြီးခဲ့သည့် စက်တင်ဘာ(၁၃)ရက်နေ့က အလိုမတူပဲအဓမ္မပြုကျင့်ခဲ့ပြီး အမှုဖွင့်တိုင်ကြား ခဲ့သော်လည်း ချက်ခြင်းလက်မခံခဲ့ကြောင်း ယင်းအမှုကိုလိုက်ပါဆောင်ရွက်ပေးနေသော ခေါ်နူးစုမ်ကျေးလက်ဒေသ လူမှုဖွံ့ဖြိုးရေးအဖွဲ့ (KRDO) မှ ဦးကီးဘူကပြောသည်။ “ အဓိကဒီသက်ငယ်မုဒိမ်းမှုကို အမှုဖွင့်ပေမယ့် အမှုကိုတော်တော်နဲ့မဖွင့်ပေးဘူး ၊ နောက်တခုက သူတို့ပိုက်ဆံနဲ့ကျေးအေး ဖို့ကြိုးစားတယ်၊ ပြစ်မှုကျုးလွန်တဲ့သူကရဲဆိုတော့ ရဲတွေအနေနဲ့ဒီဟာကိုသေ ချာဥပဒေအတိုင်း ကိုယ်တွယ်မှုအားနည်း တယ်လို့ ကျွန်တော်တို့မြင်တယ်” ဟု ဦးကီးဘူကပြောသည်။ ရဲတပ်ဖွဲ့ဝင်တစ်ဦးသည် ပြည်သူများ၏ လုံခြုံရေးကို စောင့်ရှောက်ရမည့်အစား လူသားမဆန်စွာ အသက်မပြည့်သေးသည့် ကလေးသူငယ်အား မုဒိမ်းမှုကျူးလွန်ခြင်းသည် ကန်ပက်လက်မြို့နယ်အတွင်း တရားဥပေဒေစိုးမိုးရေးနှင့် ပြည်သူလူထု၏ လုံခြုံရေးကို အလွန်စိုးရိမ်မိကြောင်း ကန်ပက်လက်အရပ်ဘက်အဖွဲ့အစည်းများ၏ ထုတ်ပြန်ချက်ထဲတွင်ဖော်ပြထားသည်။ ဦးကီးဘူက “သူက ရဲတပ်ဖွဲ့အနေနဲ့ပထမ ကျေအေးပါ့မယ်လို့သွားပြောတယ်ပေါ့နော်၊ ကလေးမရဲ့ဆွေးမျိုးတော်စပ်တဲ့သူ က လက်မခံပဲ ပထမ ၃သိန်းပေးတယ် လို့ပြောတယ်၊အဲ့မှာသူအလုပ်လုပ်တဲ့ဆိုင်က ၃သိန်းနဲ့ဘယ်ရမလဲ ဆိုတော့ ၅သိ်န်းတိုးပေးတယ်၊ လကုုုုန်မှပေးမယ်၊ လကုန်တဲ့အခါကြတော့လည်း ၅သိန်းကိုမပေးဘူး ၊မုဒိမ်းမှုဆိုတဲ့သက်သေ အထောက်အထားတွေရှာလို့မရတော့တဲ့ချိန်မှာ ပေးလည်းမပေးဘူး တိုင်ရင်လည်းဘာမှထူးမှာမဟုတ်ဘူးဆိုပြီးရဲတွေက အဲ့လိုလုပ်လိုက်တယ်” ဟုပြောသည်။ ယခုကဲ့သို့ မုဒိမ်းမှုကျူးလွန်သူနှင့် ငွေကြေးအသုံးပြုပြီး အမှုကိုဖုံးဖိရန် ကြိုးပမ်းသူများအား ထိရောက်စွာ အရေးယူပေးရန်နှင့်…

#Unicode By နှင်းနှင်း – ချင်းပြည်နယ်၊ ဖလမ်းမြို့အနီးတွင် တည်ဆောက်လျှက်ရှိသော ဆူရ်ဘုန်လေယာဉ်ကွင်း တည်ဆောက်မှု ရာနှုန်းပြည့် ပြီးစီးပြီဖြစ်၍ ပထမဆုံးအကြိမ် လေယာဉ်ဆင်းစမ်းသတ်မှုကို အောက်တိုဘာ နောက်ဆုံးပတ်တွင်ဆောင်ရွက်သွားမည်ဟု ချင်းပြည်နယ်အစိုးရပြောရေးဆိုခွင့်ရှိသူ စည်ပင်ဝန်ကြီး ဦးစိုးထက်ကပြောသည်။ “ဆူရ်ဘုန်လေယာဉ်ကွင်းက ဖွင့်ဖို့ဆိုတာမဟုတ်သေးဘူး ၊အဓိက ကတော့ တကယ်ကိုမြေပြင်ကိုဆင်း မယ်၊ အရင်တခေါက်ကျွန်တော်တို့စမ်းသပ်တာက ဒီကွင်းရဲ့အနေအထားကို လေယာဉ်ပေါ်ကနေ ပတ်ပြီးတော့ ကွင်းရဲ့အနေအထား၊ဝင်လမ်း၊ထွက်လမ်းတွေကိုကြည့်တာ ၊ မြေပြင်ကိုလက် တွေ့မဆင်းဘူး၊ ဒီတစ်ခေါက်တော့ လေယာဉ်မောင်းနဲ့ လေယာဉ်မှုးတွေအပါ ဒီကွင်းမှာဆင်းဖို့ပြင်ဆင်ထားတယ်၊ ရာသီဥတုကောင်းရင် အောက်တိုဘာ ၂ရရက်နေ့ကိုမှန်း ထားကြတယ်” ဟု စည်ပင်ဝန်းကြီး ဦးစိုးထက်ကပြောသည်။ ဆူရ်ဘုန်လေယာဉ်ကွင်းရှိ တပ်ဆင်ထားသည့် စက်ကိရိယာများအားစမ်းသပ်သည့်အနေဖြင့် မြန်မာ့လေကြောင်းလိုင်းမှ BEEK -2900 လေယာဉ်အမျိုးအစားလေယာဉ်ဖြင့် မြေပြင်သို့မဆင်းသပ်ဘဲ လေယာဉ်ပေါ်မှ စမ်းသပ်စစ်ဆေးခြင်းအား ပြီးခဲ့သည့် ဇွန်လ၂၅ရက်နေ့က ပြုလုပ်ခဲ့ပြီး ယခုအကြိမ်မှာ လေယာဉ်မြေပြင်သို့ ဆင်းသက်စမ်းသတ်မည်ဖြစ်သည်။ ချင်းပြည်နယ်ရှိ ဆူရ်ဘုန်လေယာဉ်ကွင်းသည် ဖွင့်လှစ်နိုင်သည့်အတိုင်းအတာရှိပြီဖြစ်သော်လည်း လက်ရှိ ကိုဗစ်-၁၉ ဖြစ်ပွားနေသည့် ကာလဖြစ်သဖြင့် လူစု၊လူဝေးများလုပ်ခွင့်မရခြင်းကြောင့် ဖွင့်ပွဲလုပ်ရန်မှာ အခက်အခဲရှိနေပြီး ကျင်းပဖို့ အစီအစဉ်မရှိသေးကြောင်း ဦးစိုးထက်မှပြောသည်။ စည်ပင်ဝန်းကြီး ဦးစိုးထက်က“ကျွန်တော်တို့က ဖြစ်နိုင်ရင် အကြီးအကဲတွေ ၊သမ္မတတွေ၊ဒုတိယသမ္မတ၊ အတိုင်ပင်ခံနဲ့ ခမ်းခမ်းနားနားနဲ့ ကျင်းပဖို့ ကျွန်တော်တို့ပြည်နယ်လူထုတွေက မျှော်လင့်တာပေါ့ ၊ ခုက ကိုဗစ်ကာလမှာလူ၃၀၊ ၅ဝလောက်နဲ့ စုပြီးမှဖွင့်တာလောက်ပဲပြည်သူလူထုကလည်းမလုပ်ချင်ဘူး ၊ ကျွန်တော် တို့ပြည်သူ လူထုကလည်း ဒီကိုဗစ်အလွန်ကာလပဲဖြစ်ဖြစ် ဒီလိုသင့်တင့်လျှောက်ပတ်တဲ့အချိန်၊လူ ကြီး တွေအားတဲ့အချိန်နှင့်လူကြီးတွေရဲ့ဆန္ဒတွေနဲ့အဲ့လိုမျိုးနဲ့သိုက်သိုက်ဝန်းဝန်းနဲ့လုပ်ချင်ကြတာ၊ ဒါပေမယ့် လေယာဉ် ပထမဆုံး ဆင်းသက်မယ့်နေ့မှာ အကျဉ်းရုံးလေး…

#Unicode By ႏွင္းႏွင္း – ခ်င္းျပည္နယ္တြင္ ကိုဗစ္-၁၉ေရာဂါျဖစ္ပြားမႈႏႈန္းျမႇင့္တက္လာပါက ၿမိဳ႕တိုင္းတြင္ လူအေယာက္ (၁၀၀)ခန္႔ Facility Quarantine ဝင္ႏုိင္ရန္အတြက္ ႀကိဳတင္စီစဥ္ထားေၾကာင္း ခ်င္းျပည္နယ္အစုိးရ ေျပာေရးဆိုခြင့္ရွိသူ စည္ပင္ဝန္ႀကီး ဦးစုိးထက္က ေျပာသည္။ “အနည္းဆုံး ျမဳိ႕တစ္ၿမဳိ႕ကုိ လူ ၁၀၀ ေလာက္ FQ ဝင္လုိ႔ရေအာင္ အကုန္စီစဥ္ထားပါတယ္ ။ ကြ်န္ေတာ္တုိ႔ ျမဳိ႕ဝင္ျမဳိ႕ထြက္ကုိ အဖြဲ႔နဲ႔ PPE ဝတ္စုံဝတ္ျပီးေတာ့ ကြ်န္ေတာ္တုိ႔ျမဳိ႕ဝင္ျမဳိ႕ထြက္ေတြ ကုိလည္းတင္းတင္းၾကပ္ၾကပ္လုပ္ေနတယ္” ဟု ၀န္ႀကီးဦးစုိးထက္ေျပာသည္။ ခ်င္းျပည္နယ္၊ ဟားခါးျမဳိ႕ကုိဝင္ထြက္သြားလာသည့္ ယာဥ္ေမာင္းႏွင့္ ယာဥ္ေနာက္လုိက္မ်ားကုိ ကုိဗစ္ေရာဂါပုိးရွိ မရွိအျမန္သိရွိႏုိင္ရန္ Rapid Test kits မ်ားျဖင့္ ေအာက္တိုဘာ ၉ ရက္ေန႔မွ စတင္ကာ စစ္ေဆးေနၿပီး ေအာက္တိုဘာ ၁၃ရက္ တစ္ရက္တည္းတြင္ ကိုဗစ္ကူးစက္ခံထားရသူ ၄ဦးေတြ႕ရွိခဲ့ေၾကာင္းသိရသည္။ ဦးစုိးထက္က “ဟာခါးအဝင္မွာ လုပ္တယ္ မနက္ ၈နာရီေန ၁၀ေလာက္ထိ ကြ်မ္းက်င္တဲ့ဆရာဝန္၊ သူနာျပဳေတြနဲ႔ အတူလုပ္ေပးတယ္၊ ညေနဆုိရင္ ၂နာရီကေန ၄နာရီထိ လုပ္တယ္၊ အဓိကကေတာ့ ဟားခါးမွာ ပဲလုပ္ႏုိင္ေသးတယ္ ၊ က်န္တဲ့ျမဳိ႕ေတြမွာလည္းလုပ္ခုိင္းထားတယ္ ၊ခရုိင္ျမဳိ႕ေတြမွာ လုပ္ခုိင္းတယ္ ၊ မင္းတပ္၊ တီးတိန္တုိ႔မွာလည္းလုပ္ခုိင္းတယ္” ဟု ေျပာသည္။ ကိုဗစ္-၁၉ ေရာဂါပိုး ရွိမရွိ အျမန္စစ္ေဆးေပးႏိုင္သည့္ Rapid Test kits မ်ားကို ျပည္ေထာင္စုအစိုးရမွ ဦးစားေပးအေနျဖင့္ က်န္းမာေရးဝန္ထမ္းမ်ားႏွင့္ ကုန္တင္ကားေမာင္းသူမ်ားအား စစ္ေဆးရန္ ခ်ေပးထားၿပီး လိုအပ္သည့္ပမာဏအား စာရင္းျဖင့္ တင္ရေၾကာင္း ၀န္ႀကီးကဆက္ေျပာသည္။ ခ်င္းျပည္နယ္တြင္…

#Unicode By လားနွန် – ဆန်ပြုတ်လပ်မှုနှင့် ရင်ဆိုင်နေရသည့် ချင်းပြည်နယ် တောင်ပိုင်း ပလက်ဝမြို့နယ်အတွက် ဆန်အိတ် ၁၇၀၀ နှင့် လူသုံးကုန်ပစ္စည်း၊ ဆောက်လုပ်ရေးပစ္စည်းများကို တပ်လုံခြုံရေးနှင့် ချင်းပြည်နယ်အစိုးရအဖွဲ့က ဆမီးမြို့မှ ပလက်ဝမြို့သို့ ယမန်နေ့က ပို့ဆောင်ပေးလိုက်ပြီဟု ချင်းပြည်နယ်အစိုးရအဖွဲ့ပြောခွင့်ရပုဂ္ဂိုလ် စည်ပင်ဝန်ကြီး ဦးစိုးထက်ကေ ပြာသည်။ “အခု ဆန်အိတ် (၁၇၀၀) ဆမီးကနေပြီးတော့ ဆန်ပဲတင်တဲ့ ကား (၁၂) စီး နောက်ပြီးတော့ အခြားလူသုံးကုန်ပစ္စည်း စားစရာတွေ တည်ဆောက်ရေးလုပ်ငန်း ဘီလပ်မြေ သံချောင်းအပါ အဲဒါနဲ့ ကားအစီး (၂၉) စီးနဲ့ မနေ့က ဆမီးကနေ ပလက်ဝကိုသွားပြီ လမ်းမှာ အိပ်တယ် ဒီနေ့တော့ ရောက်လိုက်မယ်ထင်တယ် တပ်ကနေ လုံခြုံရေးအပြည့်အဝယူပေးထားပါတယ် ပလက်ဝစားရေးရိက္ခာမပြတ်လပ်ဖို့အတွက် ကျနော်တို့ ပြည်သူလူထုလှူဒါန်းတဲ့ ပိုက်ဆံတွေနဲ့ ဆန်တွေ ပခုက္ကူကဝယ်တယ် ပြီးတော့ တောက်လျှောက်ပို့နေတာ နောက်ပြည်ထောင်စု လူကယ်ပြန်ကနေပြီးဝယ်ထားတဲ့ ဆန်တွေ ကျနော်တို့ ကလေးကနေဆက်တိုက်လည်း ပို့နေတယ် ဒါပေမဲ့ လက်ရှိမှ ကျနော်တို့ လမ်းပန်းဆက်သွယ်ရေးဆိုးရွားတဲ့အတွက် ကားကြီးတွေကသွားလို့မရဘူး ကျနော်တို့ ခြောက်ဘီးတွေနဲ့ပဲ သွားခိုင်းတယ် ၁၀ တန်လောက်ပဲသယ်ခိုင်းတယ် ဆန်ဆက်တိုက်မပြတ်အောင် ကြိုးစားပြီးလုပ်ဆောင်နေပါတယ်” ဟု ဝန်ကြီး ဦးစိုးထက်ကပြောသည်။ တပ်မတော်နှင့် ရက္ခိုင့်တပ်တော်(AA) တိုက်ပွဲကြောင့် ပလက်ဝ၏ အဓိကစားသုံးကုန်ပစ္စည်းသယ်ဆောင်နေသည့် ရခိုင်ပြည်နယ်ကျောက်တော်လမ်းများ ရေလမ်းကုန်းလမ်းများ ပိတ်ပင်ထားသည်မှာ တစ်နှစ်နီးပါးဖြစ်နေပြီဖြစ်သည့် အတွက်ကြောင့် စားသောက်ကုန်ပစ္စည်းကုန်စျေးနှုန်းများ မြင့်တက်မှုနှင့် စားသောက်ရန် ဆန်ပြတ်လပ်မှုများနှင့် ကြုံတွေ့နေကြရခြင်းဖြစ်သည်။ ပလက်ဝမြို့ဒေသခံအမျိူးသမီးတစ်ဦးက “ အခုစစ်ဘေးရှောင်တွေကို တစ်ယောက်ကို ဟိုတစ်ရက်ကတော့…