(002MG) ချင်းပြည်နယ်တောင်ပိုင်း မင်းတပ်မြို့နယ် ကျေးလက်ဒေသများတွင် ကိုယ်ဝန်သည်မိခင်များ ကလေးအသေမွေးဖွားမှုနှုန်း မြင့်တက်နေပြီး လုံလောက်သော ကျန်းမာရေးစောင့်ရှောက်မှုများ လိုအပ်နေကြသည်ဟု မင်းတပ်မြို့နယ် စစ်ဘေးရှောင်စခန်း စီမံခန့်ခွဲမှုကော်မတီထံမှ သိရသည်။ မင်းတပ်မြို့နယ် တိုက်နယ်အမှတ်( ၃) ကျေးရွာများတွင် ပြီးခဲ့သည့်တစ်လအတွင်း ကလေးအသေမွေးဖွားမှု (၅) ဦးအထိရှိခဲ့သည်ဟု မင်းတပ်မြို့နယ် စစ်ဘေးရှောင်စခန်း စီမံခန့်ခွဲမှုကော်မတီတာဝန်ခံ ကိုလောရင့်ကပြောသည်။ “ဟိုအရင်လတုန်းကဆိုရင် တလထဲမှာတင် (၅) ယောက်လောက်ရှိတယ် ကလေးလေးတွေ မွေးကင်းစလေးတွေသေတာ၊ တယောက်ပြီးတယောက်သေတယ် ရောက်လာတယ်သေတယ်၊ ကျနော့အမေရွာကို ခနသွားတယ် အဲ့ရွာမှာလည်း ကိုယ်ဝန်ဆောင် (၄) ဦးရှိတယ် မွေးခါနီးပေါ့၊ အဲ့ (၄) ဦးထဲက မွေးတော့ ကလေး (၂) ဦးကသေသွားတယ်၊ ၂ ယောက်ပဲရှင် တယ်၊ အဲ့လိုမျိုးများတော့ ကျန်းမာရေးဝန်ဆောင်မှုအခုထက်ပိုပြီးရရှိစေချင်တယ်” ဟု ကိုလောရင့်ကပြောသည်။ ကျန်းမာရေးစောင့်ရှောက်မှု လုံလောက်စွာမရှိခြင်း၊ အဟာရချို့တဲ့ ခြင်း၊ ဗဟုသုတအားနည်းခြင်းနှင့် စိုးရိမ်ကြောက်လန့်ခြင်းတို့ကြောင့် ကလေးအသေမွေးဖွားမှုနှုန်းမြင့်တက်လာရခြင်းဖြစ်နိုင်သည်ဟု ၎င်းကဆက်ပြောသည်။ “အဓိကတော့ တအားကြောက်ကြတယ်လေ တိုက်လေယာဉ်က ခနနဝဲတာ ဒီနှစ်ထဲမှာတင်ကို နေ့တိုင်း၊ အပတ်တိုင်း၊ လတိုင်းနီးပါးကို ဝဲတာ အဲ့ဒီကြောက်ရွံ့တာရော၊ အာဟာရမပြည့်ဝတာရော၊ ကျန်းမာရေးအသိပညာမရှိတာ သူတို့ ကိုယ်ဝန်ဆောင်တာဆောင်နေကြတာ ကိုယ်ဝန် ဘယ်နှစ်လရှိပြီလဲဆိုရင်လည်းမသိဘူး ဗိုက်နာလာပြီဆိုမှ ဗိုက်နာ လာပြီပေါ့ ကျန်းမာရေးအသိပညာပေးဖို့လည်း အတော်လေးလိုအပ်တယ်၊ အဓိက ကျန်းမာရေးဝန်ဆောင်မှုတွေကို အခုထက်ပိုပြီးတော့မှ ရရှိစေချင်တယ်” ဟု ကိုလောရင့်ကပြောသည်။ ယခုကဲ့သို့ ကလေးအသေမွေးဖွားမှုနှုန်းမြင့်တက်ခြင်းကြောင့် လောလောဆယ်တွင် ကလေးမယူကြဘဲ သန္ဓေတားဆီးများ ဆောင်ထားစေချင်သည်ဟု ၎င်းကဆက်ပြောသည်။ မင်းတပ်မြို့နယ်တွင် စစ်ဘေးရှောင်ပြည်သူများကျန်းမာရေးစောင့်ရှောက်မှုအတွက် NGO…
Author: Editor
(004SS) ချင်းပြည်နယ် မတူပီမြို့နယ်မှ အိန္ဒိယနိုင်ငံ၊ မီဇိုရမ်ပြည်နယ်သို့ စစ်ဘေးတိမ်းရှောင်နေကြသော ပြည်သူများသည် မိုးကာ၊ ဆေးဝါးနှင့် အခြေခံစားနပ်ရိက္ခာများ အရေးပေါ်အကူအညီလိုအပ်နေကြောင်း Matupi Chin Refugee Committee ထံမှ သိရသည်။ “အိမ်တွေက ဝါးအိမ်၊ တဲအိမ်နဲ့ဆောက်တဲ့အခါကျတော့ အမိုးနဲ့အကာတွေကလဲ မိုးကာပဲဆိုတော့ လေမုန်တိုင်းလာတဲ့အချိန်မှာ မခံနိုင်ဘူးပေါ့နော်၊ တခါလာ ပျက်စီး၊ နှစ်ခါလာလဲ ပိုပြီးပျက်စီးတာပေါ့နော်။ မိုးကာတွေဆိုရင် တစ်နှစ်ပဲခံတယ်၊ မိုးရွာတဲ့အခါကျတော့ မိုးယိုတာတွေ၊ တချို့စခန်းမှာဆိုရင် မြောင်းဘေးမှာ အိမ်တွေဆောက်ထားတာဆိုတော့ မြောင်းရေ တိုက်စားပြီးတော့ အိမ်ပျက်စီးတာတို့၊ ပြိုတာတို့ရှိတယ်၊ အဲဒါတွေ ကျွန်တော်တို့ လက်တွေ့ခံစားနေရပါတယ်” ဟု စစ်ဘေးရှောင်များအရေး ဆောင်ရွက်ပေးနေသော MCRC မှ တာာဝန်ရှိသူက ပြောသည်။ MCRC အနေဖြင့် တတ်နိုင်သလောက် ကူညီထောက်ပံ့မှုများ ပေးအပ်ခဲ့သော်လည်း ဘဏ္ဍာရေးအခြေအနေကြောင့် အပြည့်အဝ ထောက်ပံ့ပေးနိုင်ခြင်းမရှိကြောင်း ၎င်းကဆိုသည်။ လက်ရှိတွင် မတူပီမြို့ပေါ်နှင့် အနီးနားပတ်ဝန်းကျေးရွာများမှ မီဇိုရမ်ပြည်နယ်သို့ စစ်ဘေးရှောင်လာကြသူ အယောက် ၁၂,၀၀၀ ကျော်ရှိကြောင်းသိရပြီး ၎င်းတို့အနက် ၉၀၀၀ ကျော်မှာ စစ်အာဏာသိမ်းပြီးနောက် တိမ်းရှောင်ကြသူများဖြစ်ကာ အယောက် ၂၀၀၀ ကျော်မှာ ပြီးခဲ့သည့်ဇွန်လအတွင်း မတူပီမြို့သိမ်းတိုက်ပွဲကြောင့် စစ်ဘေးတိမ်းရှောင်ခိုလှုံလာကြသူများဟု သိရသည်။ စစ်ဘေးရှောင်ကာလကြာမြင့်လာသည်နှင့်အမျှ ကျန်းမာရေးပိုင်းမှာလည်း အကူအညီများ လိုအပ်လျှက်ရှိသည်ဟု သိရသည်။“မနှစ်တုန်းကဆိုရင် NGO တွေက ဆေးခန်းမှာကြည့်ပေးတာပေါ့နော်။ ဒါပေမဲ့ အခုဆို သူတို့ project ကုန်သွားတာပေါ့နော်။ အခု စစ်ရှောင်တွေက သူတို့ဟာသူတို့ပဲဆေးခန်းသွားပြကြတယ်။ ရှိတဲ့သူဆီမှာချေး၊ မတတ်နိုင်ရင်တော့ မတတ်နိုင်သလို နေရတာပေါ့နော်။ ဒီဘက်မှာကျတော့ ပုဂ္ဂလိက…
(006SV) ချင်းပြည်နယ်မြောက်ပိုင်း၊ တီးတိန်မြို့သိမ်းစစ်ဆင်ရေးကို မကြာမီဖော်ဆောင်တော့မည်ဖြစ်ရာ “နောက်ဆုံးလှိုင်း အိမ်ပြန်လှိုင်း” ရန်ပုံငွေ ကမ်ပိန်း ၇ ညတွင် ဒေါ်လာ ၁ သိန်းကျော်ကို ထောက်ပံ့ကူညီမှု ရရှိထားကြောင်း PDF – Zoland ထံမှ သိရသည်။ “အောက်ချင်းငှက်တွေ သူတို့ အသိုက်၊ သူတို့ ပြန်ဖို့ အချိန်ရောက်ပြီဆိုတဲ့ ခေါင်းစဉ်နဲ့ပေါ့နော်။ ရန်ပုံငွေ ရှာရခြင်းဖြစ်တယ်။ အဲဒီအတွက် ကျနော်တို့ မြို့သိမ်းစစ်ဆင်ရေး လုပ်ဖို့လိုတယ်။ အများပြည်သူတွေအနေနဲ့ အခုကာလမှာ မြို့သိမ်းစစ်ဆင်ရေးက အခြေအနေပေးနေပြီဆိုတော့ တော်လှန်ရေးကို ပြည်သူတွေအနေနဲ့ ထောက်ပံ့ကူညီပေးစေလိုပါတယ်။ များများထောက်ပံ့လေ အမြန်ဆုံး ကိုယ့်အိမ်ကို မြန်မြန်ပြန်နိုင်မှာဖြစ်ပါတယ်” ဟု PDF – Zoland ၊ ပြောရေးဆိုခွင့်ရှိသူ ကိုရောဘတ်က ပြောသည်။ နောက်ဆုံးလှိုင်း အိမ်ပြန်လှိုင်း ရန်ပုံငွေကမ်ပိန်းသည် မြို့သိမ်းစစ်ဆင်ရေးအတွက် စားနပ်ရိက္ခာပိုင်းနှင့် လက်နက်ခဲယမ်းများ ဖြည့်တင်းနိုင်ရေး အဓိက ရည်ရွယ်လုပ်ဆောင်ခြင်းဖြစ်ကြောင်း သိရသည်။ ယင်းကမ်ပိန်းကာလ ၇ ရက်အတွင်း ဒေါ်လာ ၁ သိန်း ၂ သောင်းခန့် ရရှိထားပြီးဖြစ်ကြောင်း၊ ကမ်ပိန်းမှာ နေ့စဉ်ဖော်ဆောင်ခြင်းမျိုးမဟုတ်ပဲ ကမ်ပိန်းရက်များကို ရက်ခြားနား၍ ဖော်ဆောင်ခြင်းဖြစ်ကြောင်း သိရသည်။ မြို့သိမ်းစစ်ဆင်ရေးကို မကြာမီ အကောင်အထည်ဖော်တော့မည်ဟူ၍ ပြောနိုင်သော်လည်း မည်သည့်အချိန်တွင် ဖော်ဆောင်မည်ကို ပြော၍မရသေးကြောင်း PDF – Zoland ပြောရေးဆိုခွင့်ရှိသူက ပြောသည်။ ချင်းညီနောင်အဖွဲ့သည် ၂၀၂၄ ခုနှစ်အတွင်း ချင်းပြည်နယ်ကို စစ်ကောင်စီကင်းစင်ရေး စစ်ရေးရည်မှန်းချက် ချမှတ်ထားကြောင်း ထုတ်ပြန်ထားသည်။ မေလကုန်ပိုင်းက တီးတိန်မြို့ပေါ်ရှိ စစ်ကောင်စီစခန်းများကို…
ဇိုမီးဒီမိုကရေစီအဖွဲ့ချုပ်- ZCD က နိုင်ငံရေးပါတီအဖြစ် မှတ်ပုံတင်ပြန်လည်လျှောက်ထားချက်ကို စစ်ကောင်စီ၏ ပြည်ထောင်စုရွေးကောက်ပွဲကော်မရှင်က ငြင်းပယ်လိုက်သည်ဟု သိရသည်။ နိုင်ငံရေးပါတီများမှတ်ပုံတင်ခြင်းဥပဒေပုဒမ ၆ ပါပြဠာန်းချက်များနှင့် ညီညွတ်ခြင်းမရှိဟုဆိုကာ ပြည်ထောင်စုရွေးကောက်ပွဲကော်မရှင် စုံညီအစည်းအဝေးဆုံးဖြတ်ချက်အရ ငြင်းပယ်လိုက်ခြင်းဖြစ်သည်ဟု ဩဂုတ်လ ၅ ရက်နေ့မှာ ရွေးကောက်ပွဲကော်မရှင်က ထုတ်ပြန်ခဲ့သည်။ စစ်ကောင်စီသည် နိုင်ငံရေးပါတီများ မှတ်ပုံတင်ခြင်းဥပဒေသစ်ကို ၂၀၂၃ ခုနှစ် ဇန်နဝါရီလ ၂၆ ရက်နေ့မှာ ထုတ်ပြန်ပြီး ယခင်ရှိနေသောနိုင်ငံရေးပါတီများကို ပြန်လည်မှတ်ပုံတင်ခိုင်းခဲ့ပြီး ရက်ပေါင်း ၆၀ အတွင်း ပါတီမှတ်ပုံပြန်မတင်သည့် နိုင်ငံရေးပါတီများ အလိုအလျောက်ပျက်ပြယ်မည်ဖြစ်ကြောင်းကြေညာခဲ့သည်။ ZCD ပါတီဟာ ချင်းနိုင်ငံရေးပါတီများထဲမှာ ပထမဦးဆုံး ပါတီမှတ်ပုံတင် ပြန်လည်လျှောက်ထားသည့် ပါတီဖြစ်သည်။ ကျန်ချင်းနိုင်ငံရေးပါတီများဖြစ်ကြသော ချင်းအမျိုးသားဒီမိုကရေစီအဖွဲ့ချုပ် (CNLD)၊ တိုင်းရင်းသားလူမျိုးစုများ ဖွံ့ဖြိုးရေးပါတီ၊ ဇိုတိုင်းရင်းသားဒေသဖွံ့ဖြိုးရေပါတီ၊ ချင်းတိုင်းရင်းသားများပါတီ၊ အရှိုချင်းအမျိုးသားပါတီတို့မှာ စစ်ကောင်စီ ရွေးကောက်ပွဲကော်မရှင်ထံ နိုင်ငံရေးပါတီအဖြစ် ပြန်လည်မှတ်ပုံတင်းခြင်း မရှိခဲ့ကြပေ။ ZCD ပါတီဟာ ZNC ပါတီအမည်ဖြင့် ၁၉၉၀ ရွေးကောက်ပွဲတုန်းက တီးတိန် နှင့် တွန်းဇံမြို့နယ်မှာအနိုင်ရရှိခဲ့ပြီး၊ ၂၀၁၅ ခုနှစ် ရွေးကောက်ပွဲမှာ ချင်းပြည်နယ်တွင် မဲဆန္ဒနယ်မြေ ၆ နေရာ၊ ၂၀၂၀ ခုနှစ်ရွေးကောက်ပွဲမှာ မဲဆန္ဒနယ်မြေ ၂ နေရာ အသီးသီးအနိုင်ရရှိခဲ့သည်။
တနိုင်ငံလုံးရှိ တော်လှန်ရေးအဖွဲ့များနှင့် ချိတ်ဆက်ဆောင်ရွက်သွားမည်ဟု ဆို (006SV) ရှမ်းပြည်နယ်မြောက်ပိုင်း၊ လားရှိုးမြို့နှင့် အရှေ့မြောက်တိုင်းစစ်ဌာနချုပ် (ရမခ) တို့ကို မြောက်ပိုင်းညီနောင်မဟာမိတ် (၃) ဖွဲ့နှင့် မိတ်ဖက်တော်လှန်ရေးအင်အားစုများမှ သိမ်းပိုက်နိုင်ခြင်းကို ချင်းညီနောင်မှ ဝမ်းသာဂုဏ်ယူကြောင်း ဩဂုတ်လ ၅ ရက်က ထုတ်ပြန်သည်။ ကိုယ်ပိုင်ပြဌာန်းခွင့်၊ တရားမျှတမှု၊ အပြန်အလှန်လေးစား တန်ဖိုးထားမှု၊ အမျိုးသားတန်းတူရေးနှင့် ဖက်ဒရယ်ဒီမိုကရေစီပြည်ထောင်စုသစ် တည်ဆောက်ရေးတွင် တနိုင်ငံလုံးရှိ တော်လှန်ရေးအဖွဲ့အစည်းများနှင့် ချိတ်ဆက်ဆောင်ရွက်သွားမည်ဖြစ်ကြောင်း ချင်းညီနောင် (CB) အဖွဲ့က ဂုဏ်ပြုသဝဏ်လွှာပေးပို့ရာတွင် ထုတ်ဖော်ပြောဆိုသည်။ ၂၀၂၄ ခုနှစ်အတွင်း ချင်းပြည်နယ်တွင် စစ်ကောင်စီကင်းစင်ရေး စစ်ရေးရည်မှန်းချက် ချမှတ်ထားပြီး မိမိတို့ ထိန်းချုပ်လှုပ်ရှားနယ်မြေများကို မကြာမီကာလအတွင်း စစ်ကောင်စီ ကင်းစင်နယ်မြေဖြစ်စေရန် မဆုတ်မနစ် ကြိုးပမ်းအားထုတ်လျက်ရှိကြောင်း ချင်းညီနောင်က ထုတ်ပြန်သည်။ အာရက္ခတပ်တော် (AA) ၊ ကိုးကန့်တပ် (MNDAA)၊ တအာင်းတပ် (TNLA) စသည့် ညီနောင်မဟာမိတ် (၃) ဖွဲ့နှင့် အခြားမိတ်ဖက်တော်လှန်ရေးအင်အားစုများက သိမ်းယူထားသည့် မြို့များတွင် အသက်အိုးအိမ်နှင့် အခွင့်အရေးကို ကာကွယ်စောင့်ရှောက်ရန် ဆောင်ရွက်နေမှုကို အားရယုံကြည်ကြောင်း ချင်းညီနောင်က သဝဏ်လွှာပေးပို့ ပြောဆိုသည်။ နယ်မြေတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးတို့ကို အမြန်ဆုံးပြန်လည် တည်ဆောက် နိုင်ပါစေကြောင်း၊ ၁၀၂၇ ဒုတိယလှိုင်း၏ စစ်ရေးအရှိန် အောင်မြင်မှုသည် ရှမ်းပြည်နယ် မြောက်ပိုင်းနှင့် မန္တလေးတိုင်းများအထိ စစ်ရေးအောင် မြင်မှုများအပေါ် ဂုဏ်ယူဝမ်းမြောက်ကြောင်း ချင်းညီနောင်က ပြောသည်။ ဩဂုတ်လ ၃ ရက်က လားရှိးမြို့နှင့် အရှေ့မြောက်တိုင်း စစ်ဌာနချုပ် (ရမခ) တို့ကို မြောက်ပိုင်းညီနောင်မဟာမိတ် (၃)…
(006SV) ချင်းပြည်နယ်အတွင်း လိုအပ်နေသည့် နေရာများတွင် ကျန်းမာရေးစောင့် ရှောက်မှုလွှမ်းခြုံခြင်း ကောင်းမွန်စေရေးအတွက် ချင်းပြည်ကျန်းမာရေး ဝန်ထမ်းအဖြစ် တာဝန်ထမ်းဆောင်နိုင်မည့် သင်တန်းသူ/သားများကို ဖိတ်ခေါ်နေကြောင်း သိရသည်။ ချင်းပြည်အစိုးရ၊ ကျန်းမာရေးနှင့် အားကစားဝန်ကြီးဌာနနှင့် ကြားကာလ မြန်မာသူနာပြုနှင့် ဝမ်းဆွဲအတတ်ပညာသင်တန်းကျောင်းကောင်စီတို့ ပူးပေါင်း၍ သူနာပြုနှင့် ဝမ်းဆွဲအတတ်ပညာ ဒီပလိုမာတန်းကို ၂၀၂၄ ခုနှစ်၊ စက်တင်ဘာလ မှစတင်၍ ၃ နှစ်ကြာ သင်ကြားပေးမည်ဖြစ်သည်။ လျှောက်လွှာတွေကို သက်ဆိုင်ရာ ဒေသန္တာရအုပ်ချုပ်ရေးနှင့် ကျန်းမာရေး ကိုယ်စားလှယ်ထံတွင် ၂၀၂၄ ခုနှစ် စက်တင်ဘာလ ၅ ရက် နောက်ဆုံးထား၍ လျှောက်ထားရမည်ဖြစ်ကြောင်း ချင်းကျန်းမာရေးဝန်ကြီးဌာနက ဩဂုတ်လ ၆ ရက်က သတင်းထုတ်ပြန်သည်။ လျှောက်ထားသူများတွင် ၁၀ တန်းအောင်မြင်ပြီးသူများကိုလည်း ထည့်သွင်းစဉ်းစားသွားမည်ဖြစ်ပြီး ၂၀၂၁ မတိုင်မီ အောင်မြင်သူများနှင့် ၂၀၂၁ နောက်ပိုင်း NUG အစိုးရ၏ တက္ကသိုလ်ဝင်တန်းအောင်မြင်သူများဖြစ်ရမည်ဟု ဆိုသည်။ CDM midwife (ဝမ်းဆွဲဆရာမ/ CDM Midwifery student) များလည်း လျှောက်ထားနိုင်ပြီး CDM midwife ဖြစ်ပါက သက်ဆိုင်ရာ ဒေသန္တာရ အုပ်ချုပ်ရေးနှင့် ကျန်းမာရေးကိုယ်စားလှယ်တို့၏ CDM ဖြစ်ကြောင်း ထောက်ခံစာ တင်ပြနိုင်ရမည်ဟု သိရသည်။ သင်တန်းပြီးမြောက်ပါက ချင်းပြည်တွင် အနည်းဆုံး ၃ နှစ် တာဝန်ထမ်းဆောင်နိုင်သူဖြစ်ရမည်၊ လူဦးရေကန့်သတ်ထားပြီး လူတွေ့စစ်ဆေးခြင်းပြုလုပ်သွားမည်ဟု သိရသည်။ ချင်းပြည်အတွင်း ကြုံတွေ့နေရသော ကျန်းမာရေး လူ့စွမ်းအားအရင်းအမြစ် ရှားပါးခြင်းကို ဖြေရှင်းနိုင်ရေးနှင့် ချင်းပြည်၏ ပိုမိုလိုအပ်သော နေရာအတွက် ကျန်းမာရေးစောင့်ရှောက်မှု လွှမ်းခြုံမှု…
(006SV/004SS) ချင်းပြည်နယ်၊ ထန်တလန်မြို့က စစ်ကောင်စီရဲ့ အထိုင်စခန်းကြီးဖြစ်သည့် ၂၆၉ တပ်ကုန်းကို ယနေ့မနက်ပိုင်းတွင် ချင်းပြည်အစိုးရ ပူးပေါင်းတပ်များက အပြီးသိမ်းလိုက်ပြီး စခန်းငယ် ၂ ခုကို ရှင်းလင်းပြီးပါက ထန်တလန်မြို့နယ်တစ်ခုလုံး စစ်ကောင်စီ ကင်းစင်တော့မည်ဖြစ်ကြောင်း သိရသည်။ “ကျနော်တို့ ဒီမနက်ပဲ ထန်တလန်က စစ်ကောင်စီရဲ့ ၂၆၉ အထိုင်တပ်ကုန်းကြီးတစ်ခုလုံးကို အပြီးသိမ်းနိုင်ခဲ့ပြီ။ ဒါပေမယ့် အဲဒီမှာ မြို့ထဲမှာ ရှိတဲ့ ကင်းစခန်းငယ် ၂ ခုကတော့ ကျန်ပါသေးတယ်။ အဲဒါတွေကို ဆက်လက်ပြီး သိမ်းဖို့ လုပ်နေတယ်။ မကြာခင်တော့ အဲဒါတွေလည်း စိုးမိုးထားနိုင်တော့မယ်လို့ ပြောလို့ရတယ်” ဟု ချင်းအမျိုးသားတပ်ဦး CNF/ CNA ပြောရေးဆိုခွင့်ရှိသူ ဆလိုင်းထက်နီက ပြောသည်။ ယနေ့ မနက် ၉ နာရီခန့်တွင် ထန်တလန်မြို့ပေါ်က စစ်ကောစီတပ်ဖွဲ့ အခိုင်အမာချထားသည့် ခြေလျင်တပ်ရင်း ၂၆၉ တပ်ကုန်းကို ချင်းပြည်အစိုးရ ပူးပေါင်းတပ်များက နှစ်ပတ်နီးပါးကြာ တိုက်ခိုက်ပြီးနောက် အပြီးသတ်သိမ်းနိုင်ခဲ့ခြင်းဖြစ်သည်။ မြို့ပေါ်ရှိ ချင်းပြည်သူအားလုံး စွန့်ခွာထားရသည့် ထန်တလန်မြို့ပေါ်တွင် စစ်ကောင်စီသည် ခလရ – ၂၆၉ တပ်ကုန်းတွင် အခိုင်အမာတပ်စွဲပြီး မြို့ပေါ်ရှိ ဗျူဟာအရ အရေးပါသော နေရာ ၇ ခုတွင် စခန်းငယ်များ တည်ဆောက်ကာ တပ်ဖြန့်နေရာယူထားကြောင်း သိရသည်။ “သူတို့တပ်ကုန်းမှာ ကျွန်တော်တို့ အလံကိုလဲ ချိန်နိုင်ခဲ့ပြီ။ လက်နက်တော်တော်များများကိုလဲ သိမ်းနိုင်တယ်။ လက်နက်ကြီး၊ ငယ်၊ ကျည်စသဖြင့်လက်နက်ကတော့ များတယ်။ အခု ကျန်တဲ့ဟာကိုတော့ ခဏနဲ့ အပြီးသိမ်းနိုင်မယ်လို့မျှော်လင့်တယ်” ဟု CDF-Thantlang…
ရေး – ဟန်နရီမင်းချင်းပြည်ရဲ့ လက်ရှိအနေအထားနှင့် အနာဂတ်ကာလမှာ အရေးပါတဲ့အချက်တချို့ကို ရေးသားလိုက်ရပါတယ်။ ကျွန်တော်တစ်ဦးတည်းရဲ့ သဘောထားအမြင်သာဖြစ်ပြီး မည်သူ့ကိုမှ ကိုယ်စားမပြုသလို၊ ချင်းပြည်ရှိ ဘယ်အဖွဲ့အစည်းကိုမှ ဘက်လိုက်ရေးသားမည် မဟုတ်ပါ။ ကျွန်တော်ကိုယ်တိုင်ကလည်း ချင်းပြည်နယ်ပြင်ပက ချင်းလူမျိုးတစ်ဦးသာ ဖြစ်ပါတယ်။ အခုရေးသားတဲ့အချက်တွေ လက်ခံသည်ဖြစ်စေ၊ လက်မခံသည်ဖြစ်စေ ပြဿနာ မဟုတ်ပါဘူး၊ ဒါပေမဲ့ လက်တွေ့ဆန်ပြီး CC ရော၊ ICNCC တို့အတွက်ပါ ချင်းပြည်သစ် တည်ဆောက်တဲ့အခါ အထူးထည့်သွင်း စဉ်းရမယ့်အချက်တွေပဲ ဖြစ်ပါတယ်။ ၁။ ချဉ်းကပ်မှုအသစ်အား လက်ခံနိုင်မှု။ စည်းလုံးညီညွတ်မှုက မိသားစု၊ ရပ်ရွာမှသည် မြို့နယ်၊ ပြည်နယ်၊ နိုင်ငံနှင့် ကမ္ဘာတစ် ဝှမ်းလုံးအဆင့်မှာ အရေးပါတဲ့ အချက်တစ်ခုပဲ ဖြစ်ပါတယ်။ ယခင်ခေတ်ကာလများနဲ့မတူတဲ့ ချင်းပြည်သစ် (the New Chinland) တည်ဆောက်ဖို့အတွက် ချင်းပြည်ရှိ မြို့နယ် ပေါင်းစုံမှ ချင်းလူမျိုးပေါင်းစုံအနေဖြင့် မတူညီတဲ့ ခံယူချက်နှင့် ရှုထောင့်ပေါင်းစုံ၊ နောက်ခံသမိုင်း အနေအထားနဲ့ ကိုက်ညီအောင် ကြိုးစားကြတာချည်းပဲ ဖြစ်ပါတယ်။ ဒါက ယခင် ကတည်းက ရှိနေခဲ့ပေမဲ့ ၂၀၂၁ ခုနှစ်၊ ဖေဖေါ်ဝါရီလ (၁) ရက်နေ့ နောက်ပိုင်းမှ တစ်ဟုန်ထိုး အကောင် အထည် ဖော်ဆောင်လာခဲ့ကြတာလို့ ပြောရရင် မှားမယ်မထင်ဘူး။ ဒါပေမဲ့ လက်ရှိချင်းပြည်မှာ မြို့နယ် တစ်ခုတည်းမှာ အနည်းဆုံး အစုအဖွဲ့ပေါင်း ၄-၅ ခု အထိရှိနေတာဟာ အားနည်းချက်ကို ဖြစ်စေပါတယ်။ ကွဲပြားမှုပေါင်းစုံရှိနေသော်လည်းပဲ စည်းလုံးညီညွတ်မှုရှိနေပါတယ် (Unity in Diversity) ဆိုတဲ့…
ချင်းအမျိုးသားတပ်ဦး CNF က ချင်းပြည်နယ်အတွင်း တိုက်ပွဲများဖော်ဆောင်နေသောကြောင့် မြို့ရွာများ ထိခိုက်ပျက်စီးခဲ့ရသည်ဟု အာဏာသိမ်းစစ်ခေါင်းဆောင်က စွပ်စွဲပြောဆိုလိုက်သည်။ ရှမ်းပြည်နယ်မြောက်ပိုင်း လားရှိုးမြို့က အရှေ့မြောက် တိုင်းစစ်ဌာနချုပ် (ရမခ) ကို ကိုးကန့်တပ်ဖွဲ့နှင့် မဟာမိတ်တပ်များက သိမ်းပိုက်လိုက်ပြီးနောက် စစ်ခေါင်းဆောင် ဗိုလ်ချုပ်မှူးကြီးမင်းအောင်က တိုင်းပြည်လုံခြုံရေးအခြေအနေနှင့်ပတ်သက်၍ ဩဂုတ်လ ၅ ရက် ယနေ့ည မိန့်ခွန်းပြောကြားရာတွင် ထည့်သွင်းပြောဆိုခဲ့ခြင်းဖြစ်သည်။ “CNF ဟာဆိုရင်လည်း PDF အမည်ခံအကြမ်းဖက်အဖွဲ့တွေနဲ့ပူးပေါင်းပြီးတော့ ချင်းပြည်နယ်အတွင်းမှာ တိုက်ပွဲများ ဖော်ဆောင်လာတဲ့အတွက် ချင်းပြည်နယ်အတွင်းမှာရှိတဲ့ တည်ငြိမ်အေးချမ်းစွာလုပ်ကိုင် စားသောက်နေကြတဲ့ တိုင်း ရင်းသားပြည်သူလူထုရဲ့ လူမှုစီးပွားဘဝများထိခိုက်နစ်နာပျက်စီးခဲ့ရပြီး ဖလမ်း၊ မတူပီ၊ လိုင်လင်းပီ၊ မင်းတပ်၊ ထန်တလန်စတဲ့ မြို့ရွာများထိခိုက်ပျက်စီးခဲ့ရာတာတွေလည်း တွေ့မြင့်ခဲ့ရပါတယ်” ဟု စစ်ခေါင်းဆောင်က ပြောသည်။ လက်ရှိ နိုင်ငံအတွင်း ဖြစ်ပေါ်နေသော စစ်ပွဲများ မတည်ငြိမ်မှုများသည် တိုင်းရင်းသားလက်နက်ကိုင်အဖွဲ့အစည်းများနှင့် PDF တပ်ဖွဲ့များ၊ ပြည်ပအဖွဲ့အစည်းများကြောင်ဖြစ်သည်ဟု စစ်ခေါင်းဆောင်က ပြစ်တင်ပြောကြားခဲ့ပြီး နယ်မြေတည်ငြိမ်အေးချမ်းမှု ပြန်လည်ရှိစေရန် ကြိုးပမ်းဆောင်ရွက်သွားမည်ဟုလည်း ပြောဆိုခဲ့သည်။
(005MK) မီဇိုရမ်ပြည်နယ် အိုင်ဇောလ်မြို့တွင် ဝန်ကြီးချုပ် ပူးပါထန်းဦးဆောင်သော ချင်းပြည်အစိုးရနှင့် Zo Reunification Organization (ZORO) အဖွဲ့တို့ ချင်းအရေးနှင့်ပတ်သက်၍ ယနေ့ တွေ့ဆုံဆွေးနွေးခဲ့ကြသည်ဟု သိရသည်။ အိုင်ဇောလ်မြို့ Treasury Square အနီး ZORO ရုံးချုပ်မှာ ယနေ့ဩဂုတ်လ ၅ ရက်နေ့ မနက် ၁၀ နာရီခွဲတွင် တွေ့ဆုံခဲ့ကြခြင်းဖြစ်ပြီး လက်ရှိ ချင်းပြည်အတွင်း တော်လှန်ရေးတပ်ဖွဲ့အချင်းချင်းကြား ဖြစ်ပွားနေသော ပဋိပက္ခအခြေအနေများကို ဆွေးနွေးခဲ့ကြသည်ဟု ZORO က ထုတ်ပြန်သည်။ ချင်းပြည်နယ်ထဲမှာ ချင်းလဲန်းကောင်စီ/ချင်းပြည်အစိုးရအဖွဲ့ နှင့် ချင်းညီနောင်တပ်ဖွဲ့တို့အကြား သဘောထားကွဲလွဲ မှုကြောင့် အပြန်အလှန်ပစ်ခတ်မှုဖြစ်ပွားခဲ့မှုအပေါ် မလိုလားကြောင်း၊ မိမိတို့သည် ညီအကိုများ ဖြစ်ကြကာ အငြင်းပွားမှုများဖြစ်ပွားမနေသင့်ဘဲ စည်းလုံးညီညွတ်စွာအတူနေထိုင်ရမည့်သူများဖြစ်ကြပြီး ယင်းအတွက် ငြိမ်းချမ်းရေးအကျိုးဆောင်ရွက်ပေးနေကြောင်း ZORO က ဆိုသည်။ “ကျနော်တို့တွေဟာ ညီအကိုတွေဖြစ်တယ်၊ ပိုင်းခြားလို့မရဘူး၊ အချင်းချင်းတိုက်ပွဲလည်းဖြစ်လို့မရဘူးဆိုတဲ့အချက်မှာ လေးလေးနက်နက်နားလည်ထားဖို့လိုပါတယ်၊ ဆင်းသက်လာရာတူညီတဲ့ ညီအကိုတွေဖြစ်တဲ့အတွက် ဘုရားသခင်ကလည်း တနေ့နေ့တချိန်ချိန်မှာ ပြန်လည်စုစည်းပေးမယ်လို့လည်း ယုံကြည်တယ်၊ ဒါကြောင့် ညီအကိုချင်းတိုက်ပွဲဖြစ်တာ မကောင်းဘူး သင့်မြတ်ကြဖို့လိုအပ်ပါတယ်” ဟု ZORO ဥက္ကဌ Pu R. Sangkawia ကပြောသည်။ ချင်းပြည်အစိုးရ ဦးဆောင်သူများကလည်း ယခုကဲ့သို့ ZORO အနေဖြင့် ချင်းအရေးနှင့်ပတ်သက်၍ စီစဉ်ဆောင်ရွက်မှုအပေါ် ဝမ်းသာကြိုဆိုကြောင်း ချင်းလဲန်းကောင်စီ/ချင်းပြည်အစိုးရအနေဖြင့် ညီအကိုများနှင့် စားပွဲဝိုင်းပေါ်မှာ စကားပြောဆိုရန် အမြဲလိုလားကြောင်း ငြိမ်းချမ်းစွာအတူယှဉ်တွဲနေထိုင်ရေးသည် မိမိတို့၏ဆန္ဒဖြစ်ကြောင်း ပြန်လည်ပြောဆိုခဲ့သည်ဟု ZORO ၏ ထုတ်ပြန်ချက်တွင် ဖော်ပြထားသည်။ ZORO အနေဖြင့် ချင်းလဲန်းကောင်စီ/ချင်းပြည်အစိုးရနှင့်…