Author: Editor

(006SV) ကုလသမဂ္ဂ၊ အီးယူ၊ အာဆီယံနှင့်တကွ ပြည်တွင်းပြည်အဖွဲ့အစည်းများအနေဖြင့် ကျန်းမာရေးနှင့် လူသားစာနာကူညီမှု များကို တိုင်းရင်းသားတော်လှန်ရေးအဖွဲ့များထံ တိုက်ရိုက်ပံ့ပိုးပေးရန် အပါအဝင် အချက် ၈ ချက်ကို CNF၊ KNU၊ KNPP နှင့် NUG တို့က ယနေ့ပူးတွဲထုတ်ပြန်၍ တောင်းဆိုလိုက်သည်။ ရေဘေးသင့်ဒေသများ ပြန်လည် ထူထောင်ရေးကို မိမိတို့အဖွဲ့အစည်း အားလုံးက ကျောချင်းကပ်၊ ရင်ချင်းအပ်လျက် အတူတကွ ပူးပေါင်းလုပ်ဆောင်သွားမည်ဖြစ်ကြောင်း NUG အစိုးရနှင့် တိုင်းရင်းသားတော်လှန်ရေးတပ်ဖွဲ့ ၃ ဖွဲ့က စက်တင်ဘာလ ၁၇ ရက်မှာ ထုတ်ပြန်ခြင်းဖြစ်သည်။ ပူးတွဲကြေညာချက်တွင် အရေးပေါ် လူသားချင်းစာနာမှုနှင့် ကျန်းမာရေးအကူအညီများ ရေဘေးသင့်ပြည်သူများကို အညီအမျှ ရရှိရေး ဆောင်ရွက်ပေးခြင်း၊ ဒေသအသီးသီးရှိ လူသားစာနာဝန်ကြီးဌာန တာဝန်ခံများ၊ တိုင်းရင်သား လက်နက်ကိုင် တော်လှန် ရေးအဖွဲ့များ၊ အရပ်ဘက် လူမှုရေးအဖွဲ့အစည်းများသို့ တိုက်ရိုက်ပံ့ပိုးကြရန် တောင်းဆိုထားကြသည်။ လူသားစာနာမှု အကူအညီများကို နိုင်ငံရေးနှင့် စစ်ရေးတွင် အမြတ်ထုတ်ခြင်း မခံရအောင် သတိပြုဆောင်ရွက်ခြင်း၊ ပြန်လည် ထူထောင်ရေးနှင့် တည်ဆောက်ရေး ကိစ္စများကို ရေတိုရေရှည် ပံ့ပိုးကူညီခြင်း၊ မြန်မာပြည်သူများအတွက် နိုင်ငံတကာလှူဒါန်း မှုများ ရရှိစေရေ တိုက်တွန်းနှိုးဆော်ပေးခြင်းတို့လည်း ပူးပေါင်းအဖွဲ့က ထုတ်ပြန်သည်။ ထောက်ပံ့လှူဒါန်းမှုများကို ပွင့်လင်းမြင်သာမှု ရှိစွာ အသိပေးလုပ်ဆောင်ခြင်း၊ ထိခိုက်လွယ်အုပ်စုများ၏ လိုအပ်ချက်များကို ထည့်သွင်းကူညီ ပံ့ပိုးပေးခြင်းနှင့် အလေအလွင့် မရှိဘဲ စီမံခန့်ခွဲပေးခြင်းနှင့် စနစ်တကျ စောင့်ကြည့်ကွပ်ကဲခြင်းတို့လည်း တောင်းချက်တွင် ပါဝင်သည်။ တိုင်ဖွန်းမုန်တိုင်း ရာဂီအရှိန်ကြောင့် ရှမ်း၊ ကရင်နီ၊ ချင်း၊ ကရင်၊…

ချင်းပြည်နယ် ထန်တလန်မြို့ပေါ်တွင် ခြေကုပ်ယူတပ်စွဲထားသော စစ်ကောင်စီလက်အောက်ခံ ရဲတပ်ဖွဲ့ဝင် ၃ ဦးသည် လက်နက်ခဲယမ်းများနှင့်အတူ ချင်းပြည်အစိုးရတပ်ဖွဲ့ထံ ယနေ့ အလင်းဝင်ရောက်လာကြောင်းသိရသည်။ ထန်တလန်မြို့ပေါ် Lai Villa တည်းခိုခန်းမှာ ခြေကုပ်ယူထားသော စစ်ကောင်စီတပ်ဖွဲ့ဝင် ရဲ ၃ ယောက်သည် ယနေ့ စက်တင်ဘာလ ၁၆ ရက် မွန်းလွဲပိုင်း ၁ နာရီခွဲမှ ၃ နာရီအကြားတွင် သေနတ် ၄ လက်၊ ကျည်ဆံအမြောက်အများနှင့် ချင်းလဲန်းကောင်စီ/ ချင်းပြည်အစိုးရတပ်ဖွဲ့ထံသို့ အလင်းဝင်ရောက်လာခြင်းဖြစ်ကြောင်း ရှေ့တန်းသတင်းရင်းမြစ်များ ထံမှ သိရသည်။ ချင်းပြည်နယ် ထန်တလန်မြို့ပေါ်တွင် ချင်းလဲန်းကောင်စီ/ချင်းပြည်အစိုးရတပ်ဖွဲ့က Tilim Operation 4 စစ်ဆင်ရေးကို ပြီးခဲ့သည့် ဇူလိုင်လ ၂၂ ရက်နေ့ကစ၍ ယနေ့ချိန်ထိ ဖော်ဆောင်နေပြီး ထန်တလန်မြို့ပေါ် တိုက်တာအဆောက်အအုံဟောင်းများတွင် နေရာယူထားကြသော စစ်ကောင်စီတပ်ဖွဲ့များနှင့် နေ့စဉ်တိုက်ပွဲများ အပြင်းအထန် ဖြစ်ပွားလျှက်ရှိ သည်။

(002MG)ချင်းပြည်နယ်တောင်ပိုင်း၊ မင်းတပ်မြို့ပေါ်အနောက်ရပ်ကွက်က လူနေထိုင်ခြင်း မရှိသည့်နေအိမ်များကို စစ်ကောင်စီတပ်က ၂ ရက်ဆက်တိုက် မီးရှိုခဲ့မှုကြောင့် လူနေအိမ် ၁၀ လုံးကျော်ပျက်စီးခဲ့သည်ဟု မင်းတပ်မြို့ခံများထံမှသိရသည်။မင်းတပ်မြို့ခံတစ်ဦးက ”အရင် ၁၄ ရက်နေ့က လောင်တာက လှေ့ကောင်းလမ်းခွဲ၊ မနေ့က ညနေ ၃ နာရီ လောက်မှာ အနောက်ရပ်ကွက်က (၃) လုံးလောင်တယ်။ အိမ်ခြေ (၁၀) လောက်လောင်သွားပြီ။ တခြားကူးစက်မူတော့မရှိဘူး၊ မိုးလည်းရွာတဲ့အတွက်ကြောင့် မနေ့ကလောင်တာကတော့ ကွက်ကြားလောင်တယ်၊ အားလုံးကရှို့မီးတွေပဲ” ဟု ပြောသည်။မင်းတပ်မြို့အနောက်ရပ်ကွက် ခလရ (၂၇၄) တပ်ရင်း ဖက်သွားသော ဘုရင့်နောင်လမ်းခွဲအပေါ်နားတွင်ရှိသည့် ပြည်သူနေအိမ်များကို စက်တင်ဘာလ ၁၅ ရက်နေ့က မီးရှို့ခံရမှုကြောင့် ပျဉ်ထောင်အိမ်၊ တိုက်အိမ်များအပါအဝင် အိမ်ခြေ ၃ လုံး ပျက်စီးခဲ့သည်။ ထိုအိမ်များသည် လူနေထိုင်ခြင်းမရှိသည့်အိမ်များဖြစ်ကြပြီး အိမ်ပိုင်ရှင်များမှာ စစ်ဘေးတိမ်းရှောင်သွားကြသည်မှာ တစ်နှစ်ခန့်ကြာရှိနေပြီဟုသိရသည်။စက်တင်ဘာ ၁၄ ရက်နေ့ ညနေပိုင်းကလည်း ခလရ (၂၇၄) တပ်ရင်းအောက်ဘက်၊ လှေ့ကောင်းလမ်းခွဲတွင်ရှိသည့် နေအိမ် (၅) လုံးနှင့် ထိုနေရာမှ တဖာလုံခန့်အကွာအဝေးတွင်ရှိသည့် နေအိမ် (၃) လုံးတို့ မီးရှို့ခံခဲ့ရသည်ဟု သိရသည်။ ထို့အပြင် ဩဂုတ်လ (၂၂) နေ့ကလည်း မင်းတပ်မြို့ အနောက်ဘက်ရပ်ကွက်ရှိ နေအိမ် (၅) လုံးကို စစ်ကောင်စီတပ်က မီးရှို့ဖျက်ဆီးခဲ့သည်။

(004SS) ချင်းပြည်နယ်တောင်ပိုင်း၊ မတူပီမြို့ပေါ် တွင် စစ်ဘေးရှောင်ရာမှ နေရပ်ကိုပြန်လည်နေထိုင်သော CDM ကျောင်းဆရာမ တစ်ဦးသည် ယနေ့မနက်ပိုင်းတွင် ၎င်း၏နေအိမ်မှာ သေဆုံးလျက်တွေ့ရှိခဲ့ကြသည်ဟု သိရသည်။ သေဆုံးသူမှာ မတူပီမြို့ပေါ်၊ ရှစ်လမ်းဆုံရှိ မန်ဒီးဧည့်ရိပ်သာပိုင်ရှင်၏ သမီး၊ အသက် ၄၆ နှစ်အရွယ် ဒေါ်-တလန်ဒိန်း (Pi Tlang Ding)ဖြစ်ပြီး နေအိမ်တွင်သေဆုံးနေသည်ကို ယနေ့မနက်ပိုင်းက တွေ့ရှိခဲ့ကြသည်ဟု ဒေသခံတစ်ဦးထံမှ သိရသည်။ “ဒီမနက် သွားနှိုးတဲ့အခါမှာ အသက်မရှိတော့ဘူးလို့ ပြောတာပဲ၊ ဒါပေမဲ့ သူ့မှာ ဒါဏ်ရာရရှိတာမျိုးတော့ ဘာမှမတွေ့ဘူးလို့ ပြောတယ်။ သူတို့ အဓိကထင်တာကတော့ သူ့မှာ သွေးတိုးအခံရှိတော့ သွေး‌တိုးကြောင့်ပဲ ‌ဆုံးသွားတာဖြစ်မယ်လို့ပဲ ထင်ကြတယ်” ဟု မတူပီဒေသခံတစ်ဦးကပြောသည်။ မတူပီမြို့ အ.ထ.က (၁) ကျောင်းမှာ အလယ်တန်းပြကျောင်းဆရာမတစ်ဦးဖြစ်သော ဒေါ်-တလန်ဒိန်းသည် ၂၀၂၁ ခုနှစ် စစ်အာဏာသိမ်းမှုဖြစ်ပွားပြီးနောက်မှာ အကြမ်းမဖက်အာဏာဖီဆန်ရေးလှုပ်ရှားမှု CDM တွင်ပါဝင်ခဲ့သူဖြစ်သည်။ မတူပီမြို့သိမ်းတိုက်ပွဲကြောင့် နီးစပ်ရာ ‌ကျေးရွာတွင် စစ်ဘေးတိမ်းရှောင်ခဲ့ပြီးနောက် ယခုနှစ် ဩဂုတ်လကုန်ပိုင်းတွင် မတူပီမြို့သို့ ပြန်လည်နေထိုင်ခဲ့သူဖြစ်သည်ဟု သိရသည်။ မတူပီမြို့ကို ချင်းညီနောင်နှင့် အာရက္ခတပ်တော် AA အပါအဝင် အခြားသော မဟာမိတ်တပ်ဖွဲ့များက ပြီးခဲ့သည့် ဇွန်လ ၂၉ ရက်နေ့က အပြီးသတ် သိမ်းပိုက်ခဲ့ကြသည်။ မတူပီမြို့နယ်တွင် စစ်ကောင်စီကင်းစင်သွားပြီဖြစ်သော်လည်း စစ်ဘေးတိမ်းရှောင်ကြသည့် ဒေသခံပြည်သူအများစုကတော့ နေရပ်မပြန်နိုင်ကြသေးကြောင်း သိရသည်။

(005MK) အိန္ဒိယအစိုးရက ချင်းပြည်နယ် ပလက်ဝနှင့် ရခိုင်ပြည်နယ်စစ်တွေအထိ လျှပ်စစ်မီးပေးရန်ဆန္ဒရှိပြီး မီဇိုရမ်ပြည်နယ်အစိုးရအနေဖြင့် ပူးပေါင်းဆောင်ရွက်ပေးရန် အိန္ဒိယနိုင်ငံခြားရေးဝန်ကြီးဌာန တွဲဖက်အတွင်းရေးမှူး B.Shyam က ပြောဆိုသည်။ မီဇိုရမ်ပြည်နယ်ကိုရောက်ရှိနေသော အိန္ဒိယနိုင်ငံခြားရေးဝန်ကြီးဌာန တွဲဖက်အတွင်းရေးမှူးသည် ယမန်နေ့ စက်တင်ဘာလ ၁၂ ရက်နေ့က မီဇိုရမ်ပြည်နယ်အစိုးရအဖွဲ့ လျှပ်စစ်ဝန်ကြီး Pu F. Rodingliana ကိုသူ၏ ရုံးခန်းတွင်တွေ့ဆုံခဲ့ပြီးနောက် ထိုကဲ့သို့ ပြောဆိုခဲ့ခြင်းဖြစ်သည်။ အိန္ဒိယအစိုးရအနေဖြင့် မြန်မာဘက်ခြမ်း ချင်းပြည်နယ် ပလက်ဝမြို့အထိ လျှပ်စစ်မီးဖြန့်ဝေပြီး ထိုမှတဆင့် ရခိုင်ပြည်နယ် စစ်တွေဆိပ်ကမ်းအထိ လျှပ်စစ်မီးပေးရန် ဆန္ဒရှိပြီး ယင်းအတွက် မီဇိုရမ်အစိုးရအနေဖြင့် ပူးပေါင်းဆောင်ရွက်ပေးရန် ဖိတ်ခေါ်ခဲ့သည်ဟု မီဇိုရမ်အစိုးရအဖွဲ့ သတင်းနှင့်ပြန်ကြားရေးဌာနက ထုတ်ပြန်သည်။ အိန္ဒိယနိုင်ငံခြားရေးဝန်ကြီးဌာန တွဲဖက်အတွင်းရေးမှူးနှင့် မီဇိုရမ်အစိုးရ လျှပ်စစ်ဝန်ကြီးတို့သည် မြန်မာနှင့် ဘဂ်လားဒေရှ့်နိုင်ငံတို့နှင့် ကုန်သွယ်ရေး စနစ်တကျဆောင်ရွက်နိုင်ရေးလည်း ဆွေးနွေးခဲ့ကြသည်ဟု သိရသည်။ ထို့အပြင် ယခုလက်ရှိဖော်ဆောင်နေသော ကုလားတန် ဘက်စုံသယ်ယူပို့ဆောင်ရေးစီမံကိန်းအခြေအနေနှင့် အခက်အခဲ စိန်ခေါ်မှုများ ဖြေရှင်းနိုင်ရေးနည်းလမ်းများကိုလည်း ဆွေးနွေးခဲ့ကြသည်ဟု သိရသည်။

(006SV) ချင်းပြည်နယ်တောင်းပိုင်း၊ ပလက်ဝမြို့နယ်တွင် ၂၄ နာရီအတွင်း မိုးကြီးရေလျှံနိုင်သောကြောင့် ပြည်သူများ သတိပြုနေထိုင်ကြရန် မိုးဇလပညာရှင်များက ပြောသည်။ စက်တင်ဘာလ ၁၃ ရက် နနံက်ပိုင်းမှ စတင်၍ ၂၄ နာရီအတွင်း ပလက်ဝမြို့နယ်တွင် မိုးကြီးရေလျှံနိုင်ကြောင်း Meteorological Centre မှ မိုးဇလကျွမ်းကျင်သူ စုစုစံက ပြောသည်။ လာမည့် ၂၄ နာရီအတွင်း ချင်းပြည်နယ်တောင်ပိုင်းတွင် မိုးရေချိန် ၁၆၅ မီလီမီတာ (၆.၅ လက်မခန့်) နှင့် မိုးသည်းထန်စွာ ရွာသွန်းနိုင်ကြောင်း မိုးဇလကျွမ်းကျင်သူ ဦးဝင်းနိုင်က ပြောသည်။ “ဒီလေဖိအားနည်းရပ်ဝန်းဖြစ်ပေါ်လာတဲ့အရှိန်ကြောင့် ဒီနေ့နံနက် ၁၀ နာရီမှ စက်တင်ဘာ ၁၄ ရက် နံနက် ၁၀ နာရီအထိ – ၂၄ နာရီအတွင်း ရခိုင်ပြည်နယ်မြောက်ပိုင်း၊ ချင်းပြည်နယ်တောင်ပိုင်း၊ စစ်ကိုင်းတိုင် အထက်ပိုင်း ဒေသ တချိုတွေမှာ သာ မိုးများနိုင်ပါမယ်။ ၂၄ နာရီအတွင်း မိုးရေချိန် ၁၆၅ မီလီမီတာ (၆.၅ လက်မခန့်) ရွာသွန်းနိုင်ပါမယ်” ဟု ဦးဝင်းနိုင်က ပြောသည်။ ၂၄ နာရီအတွင်း မိုးရေချိန် ၃၀ မီလီမီတာအထက် ရွာနေပါက မိုးများသည်ဟု သတ်မှတ်နိုင်ကြောင်း သိရသည်။ မိုးသည်ထန်းစွာ ရွာသွန်းမှု အခြေအနေများပြားသည့် ချင်းပြည်တောပိုင်းနှင့် ရခိုင်ပြည်နယ် မြောက်ပိုင်း နေသူများမှာ စိုးရိမ်စရာအခြေအနေတွင် ရှိနေသေးကြောင်း၊ ရခိုင်ပြည်နယ်မြောက်ပိုင်းမှ မြစ်ချောင်း ရေများ တက်လာနိုင်ပြီး တောင်ပြိုခြင်း၊ မြေပြိုခြင်းများ ဖြစ်လာနိုင်ကြောင်း မိုးဇလကျွမ်းကျင်သူများက ပြောသည်။ ချင်းပြည်နယ်နှင့်…

(004SS) ချင်းပြည်နယ်၊ မြို့တော် ဟားခါးမြို့တွင် စစ်ကောင်စီတပ်နှင့် ချင်းတော်လှန်ရေးတပ်ဖွဲ့များအကြား ယနေ့မနက်ပိုင်းက ပစ်ခတ်မှုဖြစ်ပွားခဲ့ပြီး နေအိမ်ထဲအိပ်နေသော အမျိုးသားတစ်ဦး ကျည်ထိမှန်သေဆုံးခဲ့သည်ဟု သိရသည်။ ယနေ့မနက်အစောပိုင်း ၃ နာရီဝန်းကျင်တွင် ဟားခါးမြို့ ချင်းဦးစီးရပ်ကွက်ရှိ ပြည်နယ်အစိုးရရုံးအနီးမှာ ပစ်ခတ်မှု ဆက်တိုက်ဖြစ်ပွားခဲ့ပြီး မနက် ၅ နာရီခန့်တွင် ပစ်ခတ်မှုရပ်သွားကြောင်း သိရသည်။ ထိုပစ်ခတ်မှုကြောင့် မြန်မာ့စီးပွားရေးဘဏ်ရုံးအနီးရှိ သက်ကြီးပိုင်း အမျိုးသားတစ်ဦးသည် နေအိမ်ထဲအိပ်နေစဉ် ကျည်ဆံထိမှန်ပြီး သေဆုံးသွားခဲ့ခြင်းဖြစ်သည်ဟု ဟားခါးမြို့ဒေသခံတစ်ဦးကပြောသည်။ “သေဆုံးတဲ့သူက အိပ်နေတဲ့ချိန် သေနတ်မှန်တာ ‌ခေါင်းတည့်တည့်မှာထိတယ်လို့ပြောတယ်၊ ကျွန်တော့်အမျိုးသမီးက အခု အသုဘသွားနေတာ” ဟု ဟားခါးမြို့ ဒေသခံအမျိုးသားတစ်ဦးက ပြောသည်။ သေဆုံးသူမှာ ချင်းဦးစီးရပ်ကွက် မြန်မာ့စီးပွားရေးဘဏ်အနောက်ဘက်တွင်နေထိုင်သော အသက် ၆၀ ဝန်းကျင်အရွယ်ခန့်ရှိသည့် Pu Ngun Thio ဟု သိရသည်။ ဟားခါးမြို့ ရုန်းတောင်မှာ အခြေစိုက်တပ်စွဲထားသော စစ်ကောင်စီတပ်ဖွဲ့များသည် ထိုကဲ့သို့ ပစ်ခတ်မှုဖြစ်ပွားနေစဉ်တွင် လက်နက်ကြီးများဖြင့် အချက်ပေါင်းများစွာ ရမ်းသမ်းပစ်ခတ်ခဲ့သည်ဟု သိရသည်။ “ဒီမနက်အစောကြီးပဲ ပစ်ကြတာ၊ သေနတ်သံ၊ ဒရုန်းသံတွေနဲ့ ဗုံးသံကတော့ ဆက်တိုက်ပဲကြားနေရတယ်၊ အရမ်းကျယ်တယ်၊ ကျွန်မတို့အိမ်တောင်တုန်တယ်၊ ဒါပေမဲ့ အခုထိသိရသလောက်တော့ နေအိမ်ကျည်ထိတာရှိတယ်၊ လုံးလုံး ပျက်ဆီးသွားတာတော့ မရှိဘူး” ဟု ဟားခါးမြို့ဒေသခံအမျိုးသမီးတစ်ဦးက ပြောသည်။ ပစ်ခတ်မှု ဖြစ်ပွားရသည့် အကြောင်းစုံအား သိရှိနိုင်ရန် CDF-Hakha တာဝန်ရှိသူများထံ တယ်လီဖုန်းဖြင့် ဆက်သွယ်ခဲ့သော်လည်း ဆက်သွယ်၍မရသေးပေ။ ပစ်ခတ်မှု ဖြစ်ပွားပြီးနောက် လက်ရှိ ဟားခါးမြို့ပေါ်တွင် လမ်းသွားလမ်းလာနည်းပါးပြီး တိတ်ဆိတ်နေကြကြောင်း ဒေသခံများထံမှ သိရသည်။

(005MK) မီဇိုရမ်ပြည်နယ် ဇိုခေါထာရ်ကျေးရွာက လူငယ် ၂ ဦး ဖမ်းဆီးထိန်းသိမ်းခံရမှုနှင့်ပတ်သက်၍ CDF-Hualngoram နှင့် ဇိုခေါထာရ်ရပ်ရွာလူထုကိုယ်စားလှယ်တို့ မျက်နာချင်းဆိုင်ဆွေးနွေးကာ နှစ်ဦးနှစ်ဖက် သဘောတူနာလည်းကြေအေးခဲ့ကြပြီဟု သိရသည်။ ပြီးခဲ့သည့် ဩဂုတ်လ ၃၁ ရက်နေ့က ချင်းပြည်နယ် ဟွာလ်ငိုရမ်ဒေသ ရိခေါဒါရ်မြို့မှာ CDF-Hualngoram တပ်သားတဦးကို ကိုယ်ထိလက်ရောက် စော်ကားခဲ့သည့်အတွက် ဇိုခေါထာရ်ကျေးရွာက လူငယ် ၂ ဦးကို စစ်ဆေးမေးမြန်းရန် ထိန်းသိမ်းကြသည်။ ယင်းဖြစ်စဉ်အပေါ် နှစ်ဖက်တာဝန်ရှိသူများ စက်တင်ဘာလ ၁၁ ရက်နေ့က မျက်နှာချင်းဆိုင် တွေ့ဆုံခဲ့ကြပြီး နှစ်ဦးနှစ်ဖက် သဘောတူကြေအေးခဲ့သည့်အတွက် အလွန်ပင်ဝမ်းမြောက်ကြသည်ဟု ပူးတွဲကြေညာချက် ထုတ်ပြန်ခဲ့ကြသည်။ ယင်းပူးတွဲကြေညာချက်ကို ဇိုခေါထာရ်ရပ်ရွာကိုယ်စား ကျေးရွာအုပ်ချုပ်ရေးအဖွဲ့၊ မီဇိုးလူငယ်အသင်း (YMA)၊ MHIP နှင့် CDF-Hualngoram ဘက်မှ ဦးဆောင်သူ ၄ ဦးတို့က လက်မှတ်ရေးထိုးခဲ့ကြသည်။ မိမိတို့သည် နယ်နိမိတ်စည်းခြားထားသော်လည်း စားဝတ်နေရေးနှင့် လူမှုအဖွဲ့အစည်းအရ အပြန်အလှန် အမှီသဟဲပြုရသည်ဖြစ်သောကြောင့် ကွဲမရ၊ ခွဲမရဖြစ်ကြောင်းကို နားလည်လက်ခံကြသည်ဟုဆိုသည်။ ဇိုခေါထာရ် နှင့် ရိခေါဒါရ် ဒေသ ၂ ခုသည် အုပ်စိုးသည့်အစိုးရမတူသော်ငြား လည်း သွေးချင်းညီအစ်ကိုများ ဖြစ်သည် နှင့်အညီ မိမိတို့ဘိုးဘွားအစဉ်အဆက် ကတည်းက သာရေး၊ နာရေးကိစ္စရပ်များတွင် တစည်းတလုံး ပူးပေါင်းလုပ်‌ေဆာင်ခဲ့ကြသည့် ဓလေ့ကောင်းကို စောင့်ထိမ်းလျှက်ရှိကြပြီး ယင်းဆက်ဆံရေးကို ဆက်လက်ထိန်းသိမ်းမည်ဖြစ်ကာ ဆက်ဆံရေးပျက်ပြားစေသည့် မဟုတ်မမှန်သတင်းများ Social Media ပေါ်မတင်ကြရန် ပြည်သူများကို ပန်ကြားအပ်သည်ဟု ကြေညာချက်တွင် ဖော်ပြထားသည်။ နယ်နိမိတ်ပိုင်းခြားထားသော်ငြားလည်း ရပ်ကွက်တခုတည်းအလား ကူးလူးသွားလာကြသည့်အတွက် တဖက်ဖက်တွင် ပြသနာတစ်စုံတရာ…

(004SS) အိန္ဒိယဗဟိုအစိုးရ၊ ပြည်ပရေးရာဝန်ကြီးဌာန၏ တွဲဖက်အတွင်းရေးမှူး B Shyam နှင့် ဗဟိုလိုင်လူငယ်အဖွဲ့ (CYLA)တို့ယနေ့ တွေ့ဆုံခဲ့ကြပြီး အိန္ဒိယအစိုးရ၏ နယ်စပ်ခြံစည်း ရိုးခတ်မည့် အစီအစဉ်အား CYLA က သဘောတူကြောင်းသိရသည်။ အိန္ဒိယ ပြည်ပရေးရာဝန်ကြီးဌာန တွဲဖက်အတွင်းရေးမှူး B Shyam နှင့် ဗဟိုလိုင်လူငယ်အဖွဲ့ (CYLA) ခေါင်းဆောင်များသည် ယနေ့စက်တင်ဘာလ ၁၂ ရက်နေ့တွင် အိုင်ဇောလ်မြို့ State Guest House ၌ တွေ့ဆုံခဲ့ကြပြီး ကုလာတန်းဘက်စုံသယ်ယူပို့ ဆောင်ရေး စီမံကိန်းနှင့် ဇိုးရင့်ပွီ နယ်စပ်ကုန်သွယ်ရေးအခြေအနေများ ဆွေးနွေးခဲ့ကြသည်ဟု သိရသည်။ CYLA ခေါင်းဆောင်များက အိန္ဒိယ၏အရှေ့မျှော်ဝါဒ India Act East Policy ကို ထောက်ခံကြောင်းနှင့် အိန္ဒိယအစိုးရ၏ နယ်စပ်ခြံစည်းရိုးခတ်မည့် အစီအစဉ်သည်လည်း အရေးကြီးပြီး CYLA အနေဖြင့် ထောက်ခံကြောင်း ပြောဆိုခဲ့ကြသည်ဟု The Lawngtlai Post က ဖော်ပြသည်။ ထို့နောက် လက်ရှိ ကုန်သွယ်ရေးအခြေအနေကို အိန္ဒိယအစိုးရက ပိုမိုအရေးစိုက်လုပ်ဆောင်နိုင်ရန် လိုလားကြောင်းနှင့် လူဝင်မှုကြီးကြပ်ရေးဂိတ်ထားရှိရန်၊ နယ်စပ်ကုန်သွယ်ရေးဂိတ် Border Commercial Haat ထားရှိမည့်အစီစဉ်များကို လည်း အမြန်ဆုံးအကောင်အထည်ဖော်ဆောင်ရွက်ပေးစေလိုကြောင်း တင်ပြခဲ့ကြသည်ဟု သိရသည်။ ထို့အပြင် ကုလားတန်ဘက်စုံသယ်ယူပို့ဆောင်ရေးစီမံကိန်း၊ လောင်တလိုင်နှင့် ဇိုးရင့်ပွီကြား ကားလမ်းပျက်စီးမှုအခြေအနေ နှင့် ထိုဒေသရှိ နစ်နာကြေးမရရှိကြသေးသောမြေပိုင်ရှင်များအား လျော်ကြေးရရှိနိုင်ရန် တောင်းဆိုခဲ့ကြသည်။ B Shyam ကလည်း CYLA ၏ တင်ပြဆွေးနွေးချက်များသည် အရေးကြီးကြောင်းပြောဆိုခဲ့ပြီး အဆိုပါ‌တင်ပြဆွေးနွေး ချက်များအား အကောင်အထည်ဖော်ဆောင်ရွက်သွားမည့်အကြောင်း၊…

(004SS) ချင်းပြည်နယ် ဟားခါးမြို့က ဒုရဲအုပ်တစ်ဦးသည် လက်နက်နှင့်အတူ အလင်း ဝင်လာ ကြောင်း CDF-Hakha က ယနေ့ စက်တင်ဘာလ ၁၂ ရက်နေ့တွင် သတင်းထုတ်ပြန်သည်။ အဆိုပါအလင်းဝင်လာသူ ရဲအရာရှိသည် စစ်ကောင်စီလက်အောက်တွင် တာဝန်ထမ်းဆောင်လိုခြင်းမရှိ တော့ဘဲ ပြည်သူ နှင့်အတူ တော်လှန်ရေးတွင် ပါဝင်မည်ဟုဆိုကာ ယနေ့ စက်တင်ဘာလ ၁၂ ရက်နေ့တွင် CDF- Hakha ထံ အလင်းဝင်လာခြင်းဖြစ်သည်ဟု သိရသည်။ လက်နက်နှင့်အတူ အလင်းဝင်လာရဲအရာရှိကို CDF-Hakha မှ ဝမ်းအမြာက်စွာ ကြိုဆိုကြောင်း၊ ဆုငွေ ချီးမြှင့်ပြီးနောက် လုံခြုံ‌သောနေရာရောက်သည်အထိ တာဝန်ယူမည်ဖြစ်ကြောင်း ထုတ်ပြန်သည်။ စစ်အာဏာရှင်လက်အောက်တွင် တာဝန်ထမ်းဆောင်လိုခြင်းမရှိတော့ဘဲ ပြည်သူနှင့်အတူ ရပ်တည်ကာ တော်လှန်ရေးတွင် ပါဝင်ချင်သော မည်သူမဆို အလင်းဝင်လိုပါက CDF- Hakha ထံ အချိန်မရွေးဆက်သွယ်နိုင်ကြောင်းနှင့် လုံခြုံသောနေရာရောက်သည်အထိ တာဝန်ယူပေးမည်ဖြစ်ကြောင်း CDF-Hakha က အသိပေးထားသည်။ စက်တင်ဘာလဆန်းပိုင်း ၂ ရက်နေ့တွင် ရဲတပ်သား ၁ ဦး နှင့် ၄ ရက်နေ့တွင် ရဲသား ၂ ဦး စုစုပေါင်း ရဲတပ်သား ၃ ဦး သည်လည်း စစ်ကောင်စီလက်အောက်တွင် တာဝန်ထမ်းဆောင်လိုခြင်းမရှိ‌ေတာ့ဘဲ ပြည်သူနှင့်အတူ တော်လှန်ရေးတွင် ပါဝင်မည်ဟုဆိုကာ လက်နက်နှင့်အတူ CDF – Hakha ထံ အလင်းဝင်ခဲ့ပြီးဖြစ်သည်။ ထို့အပြင် ဩဂုတ်လ ၂၄ ရက်နေ့ကလည်း ‌ဟားခါးမြို့ ခြောက်လမ်းဆုံတွင် တာဝန်ထမ်းဆောင်ခဲ့သော ရဲတပ်သားတစ်ဦး CDF-Hakah ထံ လက်နက်နှင့်အတူ…