Author: Editor

#Unicode မာဂရက် – ချင်းပြည်နယ်၊ မတူပီမြို့တွင် မတ်လ (၁၀) ရက် နေ့ညပိုင်း (၉) နာရီအချိန်က ခရစ်ယာန်အမှုတော် ဆောင်တစ်ဦီး အပါအဝင် လူငယ်(၄) ဦးကို စစ်တပ်မှ ဖမ်းဆီးခဲ့ပြီး ယခုအချိန်ထိ ပြန်မလွှတ်ပေးသေးကြောင်းသိရသည်။ မတူပီမြို့မှ လူငယ်တစ်ဦးက “ မနေ့ညက လမ်းသွားလမ်းလာသူတွေကို ပိတ်ပြီးတော့ဖမ်းတာ လူငယ် ပါစတာအပါအဝင် (၄) ယောက်ပေါ့၊ ဖမ်းတော့ ရဲစခန်းမှာ ရဲအင်အားသိပ်မရှိတော့ ဗျုဟာကိုတန်းပါသွားတာပေါ့၊ မပါသွွားခင်မှာလည်းထိုးတယ်၊ ကြိတ်တယ် ရိုက်််နှက်တယ်၊ မနေ့ညကတော့ ကျွန်တော်တို့ ရဲစခန်းထိ သွားပြီးတောင်းတော့လည်းမရှိဘူး၊ ဗျုဟာကလည်းညကြီးဆိုတော့ မလုံခြုံတော့မသွားကြဘူး၊ ဒီမနက်ကို အမျိုးသမီးအဖွဲ့စည်းရော မြို့မိ၊ မြို့ဖရော သွားတောင်းမယ်လို့ပြောတယ်” ဟု ပြောသည်။ မတူပီမြို့မှ ဖမ်းဆီးခံရသူမှာ ကိုစိုင်းနောလာ၊ ဆရာဗျက်ထန်၊ အားငွန်း၊ ဆန်းဒေးဗစ် တို့ဖြစ်ကြပြီး အ သက် ၂၀ နှစ်မှ ၃၅ နှစ်အရွယ်လူငယ်များဖြစ်ကြကာ မိသားစုကိစ္စဖြင့် အပြင်ထွက်သွားလာချိန်တွင် စစ်သားများမှ စန်ဘောင်လမ်းဆုံတွင် တားဆီးပြီး ဖမ်းဆီးခေါ်ဆောင်သွားခြင်းဖြစ်ကြောင်း ၎င်းက ဆက်ပြောသည်။ ယမန်နေ့ နေ့လည်ပိုင်းတွင်လည်း စစ်သားများက သပိတ်တွင်ပါဝင်သည်ဟု သံသယရှိသော လူတစ်ဦး၏ အိမ်ကို အိမ်တံခါးသော့ပျက်စီးပြီး ဝင်ရောက်ရှာဖွေသော်လည်း မတွေ့သဖြင့် ပြန်လည်ထွက်ခွာသွားခဲ့ကြောင်း သိရသည်။ ထို့ပြင် သပိတ်တွင် အသုံးပြုသော မိတ္တူနှင့်ဗီနိုင်းများ ထုတ်ပေးသည်ဟု ယူဆသည့် မိတ္တူဆိုင်များကိုလည်း ဝင်ရောက်ရှာဖွေခဲ့ကြောင်းသိရသည်။ #Zawgyi မာဂရက္ – ခ်င္းျပည္နယ္၊ မတူပီျမဳိ႕တြင္ မတ္လ (၁၀) ရက္ ေန႔ညပုိင္း…

#Unicode ဒီအချက် (၄) ဟာ ကိုယ်ကိုယ်တိုင်နဲ့ တခြားသူအတွက်အကျိုးရှိမှာဖြစ်ပြီး သိပ္ပံသဘောအရ ကောက်နှုတ်တင်ပြလိုက်ရပါတယ်။ (၁) လက်နဲ့ကိုင်မိရင် ကူးစက်နိုင်တယ် ကိုရိုနာဗိုင်းရပ်စ်ဟာ လက်နဲ့ထိတွေ့ရုံနဲ့ မကူးစက်နိုင်ပါဘူ။ အရေပြားရဲ့ ဖွဲ့စည်းပုံကြောင့် အလွယ်တကူမဝင်ရောက်နိုင်ပါဘူး။ ဥပမာ- ကျနော်တို့လက်ကို အနုကြည့်မှန်ပြောင်းနဲ့ ကြည့်မယ်ဆိုရင် အပေါ်ဆုံးအလွှာကို ထူထပ်ခိုင်မာတဲ့ ကော်နီရိုဆိုက်(Corneocyte) လို့ခေါ်တဲ့ အရာတွေနဲ့ ပြုလုပ်ထားပါတယ်။ ဒါကြောင့် ဗိုင်းရပ်စ်ဟာ အပေါ်ဆုံးအလွှာအရေပြားကို ဖြတ်ပြီးမဝင်လာနိုင်ပါဘူး။ နှာခေါင်းအတွင်းပိုင်မှာတော့ ဒီအပေါ်ဆုံးအလွှာမပါတာကြောင့် ဗိုင်းရပ်ဟာ ခန္ဓာကိုယ်ထဲကို အလွယ်တကူးဝင်ရောက်နိုင်ပါတယ်။ (၂) လူလုပ်ထားတဲ့ရောဂါပိုးမွှားလား လူမှုကွန်ရက်တွေပေါ်မှာ ကိုရိုနာဗိုင်းရပ်စ်ဟာ လူလုပ်ထားတဲ့ရောဂါပိုးမွှား ဇီဝလက်နက်ဆိုပြီးရေးသားထားတာတွေတွေ့ရပါတယ်။ မတ်လ (၁၇) ရက်နေ့မှာ အမေရိကန်၊ အင်္ဂလန်နဲ့ သြစတေလျ သိပ္ပံပညာရှင်များက ကိုရိုနာဗိုင်းရပ်စ် အတွင်းမှာရှိတဲ့ ဂျီနှုန်း(Genome) လို့ခေါ်တဲ့မျိုးရိုးဗီဇကို စမ်းသပ်စစ်ဆေးတဲ့အခါ ကိုရိုးနားဗိုင်းရပ်စ်ဟာ သဘာဝကနေဖြစ်ပေါ်လာတဲ့ ဗိုင်းရပ်စ် အသစ်တစ်မျိုးဖြစ်ကြောင်းပေါ်ထွက်လာပါတယ်။ လူတွေဖန်တီးတဲ့ ရောဂါပိုးမွှားမဟုတ်ပါဘူး။ (၃) တုတ်ကွေးနဲ့တူပါသလား တူတဲ့အပိုင်းနဲ့မတူတဲ့အပိုင်းဆိုပြီးနှစ်မျိုးရှိပါတယ်။ တူတဲ့အပိုင်းတွေကတော့ အဖျားတက်မယ်၊ ချောင်းဆိုးမယ်၊ ကိုယ်လက်များကိုက်ခဲမယ်။ မတူတဲ့အပိုင်းကတော့ သေဆုံးမှုနှုန်းဖြစ်ပါတယ်။ တုတ်ကွေးဖြစ်ရင် လူ ၁၀၀၀ မှာ ၁ ယောက်သေဆုံးပါတယ်။ လက်ရှိမှာ ကိုရိုးနာဗိုင်းရပ်စ် ကူးစက်ခံရရင် လူ ၁၀၀၀ မှာ အယောက် ၄၀ သေဆုံးပါတယ်။ ဒါကြောင့် အဆ (၄၀) ကျော်ပိုပြီးသေဆုံးနိုင်ခြေရှိပါတယ်။ နောက်တစ်ခုက ဝမ်းပျက်ဝမ်းလျှောတာဖြစ်ပါတယ်။ ကိုရိုးနာဗိုင်းရပ်စ် ကူစက်တော်တော်များများ ဝမ်းပျက်ဝမ်းလျှောတဲ့ ပြသနာကိုကြုံတွေ့ကြရပါတယ်။ (၄) လူငယ်ဆိုရင်အလွယ်တကူမကူးစက်ဘူး မတ်လ (၃၀) ရက်တေနေ့ နယူးယောက်ကျန်းမာရေးအဖွဲ့ရဲ့ထုတ်ပြန်ချက်အရ…

#Unicode ရစ်ချက် – လက်ရှိနိုင်ငံရေးအခြေအနေကြောင့် မြန်မာနိုင်ငံမှ အိန္ဒိယနိုင်ငံ မီဇိုရမ်ပြည်နယ်ကို ထွက်ပြေးခိုလှုံလာသူများအရေးနှင့် ပတ်သက်၍ အိန္ဒိယဗဟိုအစိုးရ၏ အစီစဉ်အတိုင်း စီမံဆောင်ရွက်ပေးသွားမည်ဟု မီဇိုရမ်ပြည်ထဲရေးဝန်ကြီး Pu Lalchamliana က ပြောသည်။ အဆိုပါကိစ္စကို မတ်လ ၈ ရက်နေ့ မီဇိုရမ်ပြည်နယ် လွတ်တော်အစည်းအဝေးတွင် မီဇိုရမ်ပြည်နယ် ပြည်ထဲရေးဝန်ကြီး Pu Lalchamliana က ယခုလို ပြောကြားခဲ့ခြင်းဖြစ်ကြောင်း ဒေသထုတ်သတင်းစာ The Aizawl Post တွင် ဖော်ပြသည်။ “မြန်မာနိုင်ငံ ပြည်တွင်းစစ်ကြောင့် မီဇိုရမ်ပြည်နယ်ထဲကို ဒုက္ခသည်ဝင်ရောက်လာမှုရှိပြီဖြစ်တယ်။ နိုင်ငံခြားသား (foreigner) အရေးနဲ့ပတ်သက်ပြီး အိန္ဒိယနိုင်ငံ ဗဟိုအစိုးရတာဝန်ဖြစ်တဲ့အတွက် ဗဟိုအစိုးရ စီမံဆောင်ရွက်ချက်ကို စောင့်ဆိုင်းနေဆဲဖြစ်တယ်။ သို့သော် ဗဟိုအစိုးရစီမံဆောင်ရွက်ချက်မကျခင် မီဇိုရမ်ပြည်နယ်ထဲကို ဝင်ရောက်ခိုလှုံ လာသူများကို စနစ်တကျ ကိုယ်ရေးအချက်အလက်များယူပြီးတော့ လိုအပ်သလို ကူညီဆောင်ရွက်သွားမှာဖြစ်တယ်။ အဲလို ဆက်လက်ကူညီဆောင်ရွက်သွားသည့်အရာမှာ ဗဟိုအစိုးရရဲ့ စီမံသည့်အတိုင်း သွားဖို့ဖြစ်တယ်။” Pu Lalchamliana က ဟု ပြောသည်။ မီဇိုရမ်ပြည်နယ်သည် အိန္ဒိယနိုင်ငံ၏ အရှေ့မြောက်ပြည်နယ်တစ်ခုဖြစ်ပြီး မြန်မာနိုင်ငံတွင် စစ်အာဏာရှင်စနစ်ဆန့်ကျင်မှု CDM လှုပ်ရှားမှုတွင်ပူးပေါင်းပါဝင်သည့် ရဲတပ်ဖွဲ့ဝင်များနှင့် တက်ကြွလှုပ်ရှားသူများ ဝင်ရောက်ခိုလုံကြသည့်ပြည်နယ်ဖြစ် သည်။ မီဇိုရမ်ပြည်နယ် ဝန်ကြီးချုပ် Pu Zoramthanga က သူ့ပြည်နယ်အတွင်း နိုင်ငံရေးအခြေအနေကြောင့် ထွက်ပြေးခိုလုံလာ ကြသော မြန်မာနိုင်ငံသားများကို ကြိုဆိုလက်ခံပြီး အကူအညီပေးသွားမည်ဟု ယခုလဆန်းပိုင်းကပြောဆိုခဲ့ပြီးနောက် အိန္ဒိယ ဗဟိုအစိုးရအနေဖြင့် အာဏာသိမ်းစစ်ကောင်စီနှင့် နှစ်နိုင်ငံဆက်ဆံရေးမပျက်ပြားစေလိုသည့်အတွက် ဖိအားပေး လာခြင်းဖြစ်သည်။ ထို့ကြောင့် မီဇိုရမ်ပြည်နယ် နယ်စပ်မြို့များဖြစ်သည့်…

#Unicode Benezer – ချင်းပြည်နယ်တွင် အာဏာသိမ်း စစ်ကောင်စီ၏ လက်အောက်တွင် အလုပ်မလုပ်လိုကြောင်း ဖော်ထုတ်သည့်အနေဖြင့် CDM လှုပ်ရှားမှုတွင်ပါဝင်သည့် ဝန်ထမ်းအင်အားမှာ ၁၄၀၀၀ ကျော်သွားပြီဖြစ်ပြီး ချင်းပြည်နယ်တွင် အစိုးရဝန်ထမ်း စုစုပေါင်း ၂ သောင်းကျော် ရှိသည့်အတွက် ရာခိုင်နှုန်းအားဖြင့် ၇၂ ရာခိုင်နှုန်းကျော်သွားပြီဖြစ်ကြောင်း သိရသည်။ CDM လှုပ်ရှားမှုတွင် ပါဝင်သည့် မြို့နယ်အလိုက် စာရင်းမှာ ကန်ပက်လက်တွင် ရဝဝကျော်၊ ထန်တလန်တွင် ၁၄ဝဝကျော်၊ ဟားခါးတွင် ၂၉၅၄ ဦး၊ မင်းတပ်တွင် ၂ရဝဝကျော်၊ ပလက်ဝတွင် ၁၄၆ဦး၊ တီးတိန်တွင် ၂၃ဝရဦး၊ တွန်းဇံတွင် ၇၇၄ ဦး၊ ဖလမ်းတွင် ၁၉၈ဝဦး၊ မတူပီတွင် ၁၆၃၀ ဦး ရှိပြီး စုစုပေါင်း ၁၄၅၉၁ ဦးရှိနေပြီ ဖြစ်ကြောင်း သိရသည်။ “ကျနော်တို့ ပလက်ဝမှာ CDM ဝင်တဲ့သူက ကျန်းမာရေး၊ ပညာရေး နဲ့ လူမှုဝန်ထမ်းက ဝန်ထမ်းတွေလောက်ဘဲရှိတယ်၊ ပလက်ဝအခြေအနေက ဘေးကြပ်နံကြပ်ဖြစ်တယ်၊ ပလက်ဝမြို့နယ်မှာက သိတဲ့အတိုင်း နယ်မြေအခြေအနေအရ CDM မဝင်ရဲကြဘူး၊ CDM ဝင်တဲ့ အမည်စာရင်းတွေလည်း ကောက်တာတွေရှိနေတော့ အဲဒါကြောင့် CDM စာရင်းက နည်းနေတာဖြစ်ပါတယ်” ဟု ပလက်ဝမြို့နယ် အမျိူးသားလွှတ်တော်ကိုယ်စာလှယ် ဦးဝှေ့တင်းကပြောသည်။ ချင်းပြည်နယ် CDM လှုပ်ရှားမှုတွင် ဝန်ထမ်းအင်အား အလုံးအရင်းဖြင့် ပူးပေါင်းပါဝင်လာသည့်အတွက် ဌာနဆိုင်ရာ အချို့တွင် အထက်အရာရှိများမှ ဖိအားပေး အလုပ်ဆင်းခိုင်းမှုများလည်းရှိနေသော်လည်း အများစုမှာ CDM လှုပ်ရှားမှုတွင် ဆက်လက်ပူးပေါင်းပါဝင်နေကြောင်း သိရသည်။…

#Unicode မာဂရက် – ချင်းပြည်နယ်အတွင်း မြို့နယ် ၉ မြို့နယ်ရှိသည့်အနက် မြို့နယ် (၈) မြို့ နယ်တွင် မြို့နယ်ပြည်သူ့အုပ်ချုပ်ရေးအဖွဲ့များ ဖွဲ့စည်းဆောင်ရွက်ပြီးစီးကြောင်း ချင်းပြည်နယ်၊ လွတ်တော် ကိုယ်စားပြုကော်မတီ (CRCH) က မတ်လ (၉) ရက်နေ့က ထုတ်ပြန် ကြေညာခဲ့သည်။ ချင်းပြည်နယ် မြို့နယ်ပြည်သူ့အုပ်ချုပ်ရေးအဖွဲ့ ဖွဲ့စည်းပြီးစီးသည့်မြို့နယ်များမှာ မင်းတပ်၊ ကန်ပလက်၊ မတူပီ၊ ဖလမ်း၊ ထန်တလန်၊ တွန်းဇံ၊ တီးတိန်း၊ ဟားခါး မြို့တို့ဖြစ်ကြပြီး ချင်းပြည်နယ်တောင်ပိုင်း ပလက်ဝမြို့နယ်တခုသာ ကျန်ရှိနေေ ကြာင်း သိရသည်။ ချင်းပြည်နယ်လွှတ်တော်ကိုယ်စားပြုကော်မတီအဖွဲ့ဝင် မင်းတပ်ပြည်သူ့လွှတ်တော်ကိုယ်စားလှယ် ဦးဟုန်းနိုင်းက “ ကျွန်တော်တို့ မြို့နယ်က အားလုံး ၉ မြို့နယ်ရှိတယ်၊ လောလောဆယ် ဖွဲ့စည်းနိုင်တဲ့မြို့နယ်က (၈) မြို့နယ်ရှိတယ်၊ မဖွဲ့နိုင်တာက ပလက်ဝပဲ၊ ဘာကြောင့် မဖွဲ့နိုင်တာလဲ အကြောင်းပြချက်တွေရှိလိမ့်မယ်ထင်တယ် သူတို့ပဲ အသိဆုံးဖြစ်မယ်၊ ကျွန်တော်တို့ လည်းမသိဘူး၊ ဒီနေ့ဖွဲ့စည်းနိုင်တယ်လို့တော့ ကြားတယ်ဒါပေမယ့် လွတ်တော်ကိုယ်စားလှယ်တွေက ပိုသိလိမ့်မယ်၊” ဟု ပြောသည်။ မြို့နယ်အလိုက် ပြည်သူ့အုပ်ချုပ်ရေးအဖွဲ့များတွင် လွတ်တော်ကိုယ်စားလှယ်များ၊ ရပ်မိ-ရပ်ဖ ကိုယ်စား လှယ်များ၊ CDM တွင်ပါဝင်သော ကိုယ်ထမ်းကိုယ်စားလှယ်များ၊ CDM လူငယ်ကိုယ်စားပြုလူငယ်များ၊ CDM တွင် ဝန်းရံသူများ ပါဝင်ကြောင်းသိရသည်။ မြို့နယ် ပြည်သူ့အုပ်ချုုပ်ရေးအဖွဲ့များအနေဖြင့် ရပ်ကွက်/ကျေးရွာ ပြည်သူ့အုပ်ချုပ်ရေး အဖွဲ့များကို တာဝန်ခံပြီး ပြည်သူ့အုပ်ချုပ်ရေးအဖွဲ့ အချင်းချင်း ချိတ်ဆက်ဆောင်ရွက်သွားကာ ဒေသခံပြည်သူ များ၏ လုံခြုံရေး၊ ရပ်ရွာအေးချမ်းသာယာရေး နှင့် တရားစီရင်ရေးကိစ္စရပ်များအတွက် ချင်းအက်/ ချင်းရိုးရာဓလေ့ထုံးတမ်းများဖြင့်သာ…

#Unicode လားနွန် – ချင်းပြည်နယ် ဟားခါးမြို့ အခြေစိုက် The Hakha Times သတင်းဌာန၏ နေ့စဉ်ထုတ်ပုံနှိပ်သတင်းစာထုတ်ဝေမှုကို ရက်အကန့်အသတ်မရှိ ရပ်ဆိုင်းထားလိုက်ပြီဟု ယနေ့မတ်လ ၉ ရက်နေ့တွင် ယင်းသတင်းဌာနက ထုတ်ပြန်ကြေညာ လိုက်သည်။ ဟားခါးတိုင်းမ် အယ်ဒီတာချုပ် ကိုပါပွီးက “ ကျနော်တို့ ဟားခါးက မီဒီယာ အထူးသဖြင့် ကျနော်တို့ Hakha Times လို့ ပြောတာထက် ကျနော်ကိုယ်တိုုင်လည်း ပြီးခဲ့တဲ့ အပတ်တုန်းက ဖမ်းထားတဲ့ထဲမှာပါတယ်လေ အဲဒါကြောင့် အခြေအနေက လောလောဆယ်မကောင်းလို့ပေါ့နော် အစိုးရဆိုတာထက် စစ်တပ်နဲ့ ရဲတို့ အခြေအနေပြန်ကောင်းလာရင်တော့ ကျနော်တို့ပြန်ထုတ်မှာပါ အကန့်အသတ်မရှိပိတ်ထားတာပါ” ဟု ပြောသည်။ ဟားခါးတိုင်းမ်၏ အယ်ဒီတာချူပ်ကိုပါပွီးသည် ပြီးခဲ့သည့်ဖေဖော်ဝါရီလ ၂၇ ရက်နေ့က ဟားခါးမြို့ရှိ စစ်အာဏာရှင်ဆ န့်ကျင်ဆန္ဒပြမှုတွင် သတင်းရယူနေစဉ်အဖမ်းခံခဲ့ရပြီး ဖေဖော်ဝါရီလ ၂၈ ရက်နေ့တွင် ပြန်လည်လွတ်မြောက်ခဲ့သည်။ ယခုဟားခါးတိုင်းမ်နေ့စဉ်ထုတ်သတင်းစာယာယီရပ်ဆိုင်းမှုမှာ စစ်ကောင်စီဘက်မှ တစ်စုံတစ်ရာလာရောက်ဖိအားပေး ရပ်ဆိုင်းခိုင်းခြင်းမျိူးမဟုတ်ပဲ လက်ရှိနိုင်ငံရေးအခြေအနေကြောင့် ၎င်းတို့ကိုယ်တိုင်ယာယီရပ်ဆိုင်းထားခြင်းဖြစ်သည်ဟု ကိုပါပွီးကပြောသည်။ သို့သော်လည်း အွန်လိုင်းစာမျက်နှာ(Facebook, Website) တို့မှတဆင့် နေ့စဉ်နှင့်အမျှ ဆက်လက်၍ သတင်းထုတ်လွှင့် သွားမည်ဟု သိရသည်။ ဟားခါးတိုင်းမ်နေ့စဉ်ထုတ်သတင်းစာကို လိုင်(ချင်း)ဘာသာစကားဖြင့်အင်္ဂါနေ့မှ စနေနေ့အထိ တစ်ပတ်လျှင် ၅ ရက်ထုတ် ဝေလေ့ရှိသည်။ #Zawgyi လားႏြန္ – ခ်င္းျပည္နယ္ ဟားခါးၿမိဳ႕ အေျခစိုက္ The Hakha Times သတင္းဌာန၏ ေန႔စဥ္ထုတ္ပံုႏွိပ္သတင္းစာထုတ္ေ၀မႈကို ရက္အကန္႔အသတ္မရွိ ရပ္ဆိုင္းထားလိုက္ၿပီဟု ယေန႔မတ္လ ၉ ရက္ေန႔တြင္ ယင္းသတင္းဌာနက…

#Unicode မာဂရက် – ချင်းပြည်နယ်၊ တီးတိန်မြို့ ပြည်သူ့ဆေးရုံဝင်းအတွင်း တပ်မတော်သားများက တာဝန်အရ ဟုဆိုကာ ဝင်ရောက်နေရာယူထားပြီး တီးတိန်မြို့ရှိ လူငယ်များကလည်း အခြေအနေစောင့်ကြည့်နေကြသည်ဟု သိရသည်။ တီးတိန်မြို့ ဒေသခံတစ်ဦးက “ ကျွန်တော်တို့ ကြားသလောက်တော့ မနေ့ကလည်း ဆေးရုံမှာအိပ်သ လိုကြားတယ် သူတို့ဘယ်ချိန်အိပ်လဲဆိုတာမသိဘူး လူငယ်တွေလည်းကင်းလှည့်တဲ့အချိန်မှာ မရှိသေး တားလား၊ မတွေ့သေးတာလားမသိဘူး ဒီမနက်ကြတော့ နှစ်ခါ သုံးခါလောက်လာတယ်လို့ သတင်း ကြားလို့စိတ်ပူပြီး လာကြည့်တာ တပ်က ၄ ယောက် ၅ ယောက်လားမသိ လက်နက်အပြည့်အစုံနဲ့ တာဝန်အရဆိုပြီး ဒီမှာလာနေတယ်၊ ကျွန်တော်တို့ လူငယ်တွေက သဘောမကျဘူး ဆေးရုံဝင်းထဲမှာ လက်နက်ကိုင်ဆောင်တာ မကောင်းဘူးလေ၊ လောလောဆယ် တပ်ကလည်း ဒီတိုင်းနေတယ်၊ အနားမှာလည်း လူငယ်တွေကစောင့်နေတယ် အခြေအနေကတော့ ဒီအတိုင်းပဲ၊ ပုံစံကြည့်ရတာ တပ်ကလည်း သူတို့တာဝန်အရဆိုပြီး မပြန်ချင်တဲ့ပုံစံပဲ၊ ကျွန်တော်တို့ တီးတိန်ကလည်း အေးချမ်း နေတဲ့အချိန်မှာ ဆေးရုံဝင်းထဲထိလာတာဆိုတော့ လူငယ်တွေစိတ်ပူတာပေါ့ တခြား မြို့တွေလို ဆေးရုံထဲမှာ လာတပ်ဆွဲရင် ပြဿနာပဲ” ဟု ပြောသည်။ ချင်းပြည်နယ်တောင်ပိုင်း မင်းတပ်မြို့ ခရိုင်ပြည်သူ့ဆေးရုံဝင်းတွင်လည်း ယနေ့မွန်းလွဲပိုင်းက တပ်မတော်က တပ်စွဲရန် ရောက်ရှိလာသော်လည်း ပြည်သူလူထုက ဆန္ဒပြမောင်းထုတ်ကြသည့်အတွက် ပြန်လည်ထွက်သွားခဲ့ကြသည်။ #Zawgyi မာဂရက္ – ခ်င္းျပည္နယ္၊ တီးတိန္ျမဳိ႕ ျပည္သူ႔ေဆးရုံဝင္းအတြင္း တပ္မေတာ္သားမ်ားက တာဝန္အရ ဟုဆုိကာ ၀င္ေရာက္ေနရာယူထားၿပီး တီးတိန္ျမဳိ႕ရွိ လူငယ္မ်ားကလည္း အေျခအေနေစာင့္ၾကည့္ေနၾကသည္ဟု သိရသည္။ တီးတိန္ျမဳိ႕ ေဒသခံတစ္ဦးက “ ကြ်န္ေတာ္တုိ႔ ၾကားသေလာက္ေတာ့…

#Unicode ရစ်ချက် – စစ်အာဏာရှင်စနစ်​အောက်တွင် အလုပ်မလုပ်လိုတော့သည့် အတွက် CDM ဝင်ကာ အိန္ဒိယနိုင်ငံ မီဇိုရမ်ပြည်နယ် ကို ထွက်ပြေးခိုလှုံနေသော မြန်မာရဲတပ်ဖွဲ့ဝင် (၈) ဦးကို ပြန်လည်လွဲပြောင်းပေးဖို့ မီဇိုရမ်အစိုးရကို ချင်းပြည်နယ် ဖလမ်းမြို့နယ် အုပ်ချုပ်ရေးမှူးက တောင်ဆိုခဲ့ကြောင်း သိရသည်။ နှစ်နိုင်ငံကြား ချစ်ကြည်ရင်းနှီးတဲ့ ဆက်ဆံရေးကို ထိန်းသိမ်းတဲ့အနေနဲ့ အိန္ဒိယနယ်မြေထဲမှာရောက်နေတဲ့ မြန်မာရဲတပ်ဖွဲ့ဝင် (၈) ဦးကို မြန်မာနိုင်ငံဘက် ပြန်လည်လွှဲပြောင်းပေးဖို့ မြန်မာစစ်ဘက်အုပ်ချုပ်ရေးကောင်စီ ချင်းပြည်နယ်၊ ဖလမ်းခရိုင် အုပ်ချုပ်ရေးမှူး ​စောထွန်းဝင်းက မီဇိုရမ်ပြည်နယ် ကျန်ဖိုင်းခရိုင်အုပ်ချုပ်ရေးမှူးထံ မတ်လ ၅ ရက်​နေ ့က စာရေးသားပေးပို့တောင်းဆိုခဲ့ခြင်းဖြစ်သည်။ အဆိုပါကိစ္စနဲ့ပတ်သက်ပြီး မီဇိုရမ်ပြည်နယ်ကို ထွက်ပြေးခိုလှုံနေကြသော မြန်မာရဲတပ်ဖွဲ့ဝင် (၈) ဦးကို မြန်မာနိုင်ငံ ဘက် လွှဲပြောင်းပေးမှာမဟုတ်ဘူးလို့ မီဇိုရမ်ပြည်ထဲရေးဝန်ကြီး Pu Lalchamliana က ပြောဆိုခဲ့ကြောင်း မီဇိုးကျောင်းသားသမဂ္ဂအဖွဲ့ ဥက္ကဌ Pu B.Vanlaltana က ပြောသည်။ “ဒီကိစ္စကိုကြားကြားချင်းဘဲ ကျနော်တို့ ပြည်ထဲရေးဝန်ကြီးကို သွားတွေ့တယ်။ အခြေအနေကောင်းတယ်။ ပြည်ထဲရေးဝန်ကြီးက မဖမ်းဘူး၊ ပြန်မလွှဲဘူးလို့ပြောတယ်။ ပြည်ထဲရေးဝန်ကြီးတစ်ဦးအနေနဲ့ မဟုတ်တာတော့ မပြောလောက်ဘူး။ မီဇိုးကျောင်းသားသမဂ္ဂအဖွဲ့အနေနဲ့ ဒီကိစ္စနဲ့ပတ်သက်ပြီး ဗဟိုအစိုးရနဲ့သွားရောက်ဆွေးနွေးဖို့ ပြည်မကိုသွားဖို့ရှိတယ်” လို့ ပြောသည်။ ဆက်လက်၍ မီဇိုးကျောင်းသားသမဂ္ဂအဖွဲ့ ဥက္ကဌ Pu B.Vanlaltana က လက်ရှိမြန်မာနိုင်ငံတွင် ဖြစ်ပွားနေတဲ့ ပြည်တွင်းစစ်ကြောင့် အခက်အခဲဖြစ်နေကြတဲ့ ဇိုး(ချင်း)မျိုးနွယ်စုများကို ဇိုးရမ်းပြည်သူများအနေဖြင့် လက်ပိုက်ကြည့် မနေဘဲ မီဇိုရမ်တွင် ထွက်ပြေးခိုလှုံလာကြသော စစ်ဘေးဒုက္ခသည်များကို နွေးထွေးစွာလက်ခံကူညီပေးသွားကြဖို့ မီဇိုရမ်ပြည်သူများကို…

#Unicode ရစ်ချက် – မြန်မာနိုင်ငံအတွင်း ဖြစ်ပွားနေသောနိုင်ငံရေးအခြေအနေကြောင့် မီဇိုရမ်ပြည်နယ်ကို စစ်ဘေးဒုက္ခသည်အဖြစ် ထွက်ပြေးလာသူများကို မိမိနိုင်ငံ၊ တိုင်ပြည်သို့ မပြန်နိုင်သေးသရွေ့ ကူညီဆောင်ရွက်ပေးသွားမည်ဟု မီဇိုရမ်ပြည်နယ် ဝန်ကြီးချုပ် ပူးဇိုးရမ်းထန်းငါက ပြောသည်။ အဆိုပါကိစ္စကို မတ်လ ၅ ရက်နေ့က မီဇိုရမ်ပြည်နယ် မြို့တော်အိုက်ဇောလ် Vanapa ခန်းမတွင် ကျင်းပသည့် မီဇိုးလူမျိုးများ၏ အကြီးမားဆုံးသော ပွဲတစ်ခုဖြစ်သည့် Chapchar Kut 2021 ပွဲကျင်းပရာတွင် မီဇိုရမ်ပြည်နယ် ဝန်ကြီးချုပ်က သူ၏မိန့်ခွန်းတွင် ယခုလို ပြောဆိုခဲ့ခြင်းဖြစ်သည်။ “လက်ရှိမြန်မာနိုင်ငံမှာ အခက်အခဲပြဿနာတွေအများကြီးရှိတယ်။ စစ်အစိုးရရဲ့အုပ်ချုပ်မှုအောက်မှာ များစွာသော အခက်အခဲတွေနဲ့ တွေ့ကြုံနေကြရတယ်။ များစွာသောမြန်မာပြည်သားလည်း မီဇိုရမ်ပြည်နယ်ကို Refugee အဖြစ် ထွက်ပြေးလာကြတာကိုလည်း ကျနော်တို့ သိတယ်။ ခုလိုထွက်ပြေးလာတဲ့သူတွေအနေနဲ့ကလည်း မဖြစ်မနေ ထွက်ပြေးရတဲ့ အနေအထားဖြစ်တဲ့အတွက် ဘာမှမစိုးရိမ်ဖို့၊ မိမိတို့နိုင်ငံကို မပြန်နိုင်သေးသရွေ ့မီဇိုရမ် အစိုးရအနေနဲ့ ကူညီဆောင်ရွက်ပေးသွားမယ်” ဟု ဝန်ကြီးချုပ်က ပြောသည်။ မီဇိုရမ်အစိုးရအနေဖြင့် မီဇိုရမ်ပြည်နယ်ကို ထွက်ပြေးလာကြသော စစ်ဘေးဒုက္ခသည်များ၏ စားဝတ်နေရေးအတွက်ကို လည်း ငွေရေးကြေး ရာထားပြီဖြစ်ကြောင်း မီဇိုရမ်ပြည်နယ်ဝန်ကြီးချုပ်က ယခုလို ဆက်ပြောပါသည်။ “ခုချိန်မှာ မီဇိုရမ်ကို ထွက်ပြေးလာကြတဲ့ Refugee အနေနဲ့ စားရေးသောက်ရေး အခက်အခဲရှိနိုင်တယ်။ အဲဒီအတွက် မီဇိုရမ် အစိုးရက သူတို့ စားရေးသောက်ရေးအတွက် ငွေရေးကြေးကိုလည်း ရာထားပြီဖြစ်တယ်” ဟု ပြောသည်။ မြန်မာနိုင်ငံတွင် တပ်မတော်က စစ်အာဏာသိမ်းယူလိုက်ပြီးနောက် နိုင်ငံရေးအခြေအနေမတည်ငြိမ်မှုများကြောင့် နယ်စပ်မှတဆင့် အိန္ဒိယနိုင်ငံ မီဇိုရမ်ပြည်နယ်သို့ မြန်မာနိုင်ငံသားများ ထွက်ပြေးတိမ်းရှောင်သူများရှိပါက မီဇိုရမ် အစိုးရအနေဖြင့်…

#Unicode By မာဂရက် – ချင်းပြည်နယ်စီမံအုပ်ချုပ်ရေးကောင်စီတွင်အဖွဲ့ဝင်အဖြစ်ပါဝင်ရန် စစ်ကောင်စီ၏ ကမ်းလှမ်းမှုကို လက်ခံလိုက်ရခြင်းမှာ ပလက်ဝဒေသအရေးကို ထောက်ရှု၍ မိသားစု၊ ရပ်မိရပ်ဖများနှင့်တိုင်ပင်ကာ လက်ခံခဲ့ခြင်းဖြစ်သည်ဟု ချင်းပြည်နယ် သစ်တောဝန်ကြီးဟောင်းဦးကျော်ငြိမ်းကပြောသည်။ “ ပလက်ဝက ချင်းပြည်နယ်မှာ အစွန်ဆုံးမှာကျတယ်၊ ရောဂါကတမျိုး၊ အခုအရေးခင်းကတမျိုး၊ တိုက်ပွဲက တမျိုးရှိတယ်လေ၊ ဒေသမှာ တိုက်ပွဲရှောင် ဒုက္ခသည်တွေလည်းရှိတော့ ဒီအရေးကို ကျွန် တော်တို့ ချင်းပြည်နယ်မှာ လိုအပ်တဲ့ အကူူအညီကို ရလိုရညှားဆိုပြီးတော့ ကျွန်တော့်ကို ကမ်းလှမ်းတဲ့အခါမှာ အားလုံးကို မိဘနဲ့ ကျွန်တော်တို့ဒေသမှာရှိတဲ့ ရပ်မိရပ်ဖ၊ လူကြီးတွေနဲ့ တိုင်ပင်တယ်၊ တာဝန်ယူပေးပါဆိုပြီး လူထုကလည်း တောင်းဆိုတယ်ကျွန်တော့်ကို၊ ဒေသခံလူထုရဲ့ သဘောဆန္ဒအရ ကျွန်တော်ကလည်း အကောင်းဆုံးလုပ်မယ်ဆိုတဲ့ ရည်မှန်းချက်နဲ့ ကျွန်တော်လုပ်ခဲ့တာပါ။” ဟု ဦးကျော်ငြိမ်းက ပြောသည်။ ပလက်ဝဒေသခံတစ်ဦးလည်းဖြစ်သည့် ဦးကျော်ငြိမ်းသည် ယခင်ဦးသိန်းစိန်အစိုးရလက်ထက်က ချင်းပြည်နယ် သစ်တောနှင့် သတ္တုရေးရာဝန်ကြီးဖြစ်ခဲ့ပြီး ၂၀၂၀ ရွေးကောက်ပွဲတွင် ပလက်ဝမြို့နယ် ပြည်သူ့လွတ်တော် နေရာတွင် CNLD ကိုယ်စားပြုအနေဖြင့် ဝင်ရောက်ယှဉ်ပြိုင်ကာရှုံးနိမ့်ခဲ့သူဖြစ်သည်။ သူသည် ချင်းအမျိုးသားဒီမိုကရေစီအဖွဲ့ချုပ် CNLD ပါတီ၏ ဒုတိယ ဥက္ကဌ-၄ တာဝန်ထမ်းဆောင်နေသူဖြစ်ပြီး ဖေဖော် ဝါရီလ ၁၆ ရက်နေ့က ပါတီဒုတိယဥက္ကဌတာဝန်နှင့် ပါတီဝင် အဖြစ်မှ နှုတ်ထွက်ခဲ့သည်။ ဦးကျော်ငြိမ်းသည် ချင်းပြည်နယ်စံမံအုပ်ချုပ်ရေးကောင်စီတွင် သစ်တော၊ စိုက်ပျိုးမွေးမြူရေး၊ ပညာရေး၊ ကျန်းမာရေး၊ လျှပ်စစ်စွမ်းအင်၊ ဟိုတယ်နှင့် ခရီးသွားလုပ်ငန်းစသည့်ဌာနများကို အဓိကတာဝန်ယူကိုင်တွယ်သွားမည်ဟုသိရသည်။ ချင်းပြည်နယ်တောင်ပိုင်း ပလက်ဝမြို့နယ်သည် တပ်မတော်နှင့် ရက္ခိုင့်တပ်တော် (AA) အကြား စစ်ရေးပဋိပက္ခဖြစ်ပွားရာ ဒေသဖြစ်ပြီး…