(004SS) စစ်ကောင်စီက အာဏာသိမ်းပြီး ၄ နှစ်အတွင်း ချင်းပြည်နယ်တွင် လေကြောင်းတိုက်ခိုက်မှုပေါင်း ၈၀၀ ကျော်ပြုလုပ်ခဲ့ပြီး အရပ်သားပြည်သူ ၁၁၆ ဦး သေဆုံးကာ၊ ၂၄၂ ဦးဒဏ်ရာရရှိခဲ့သည်ဟု ချင်းလူ့အခွင့်အရေးအဖွဲ့ CHRO ၏ ဇန်နဝါရီလ ၃ ရက်နေ့ ထုတ်ပြန်ချက်အရ သိရသည်။ စစ်အာဏာသိမ်းသည့် ၂၀၂၁ ခုနှစ်မှ ၂၀၂၄ နှစ်ကုန်ပိုင်းအထိ ချင်းပြည်နယ်တွင် လေကြောင်းတိုက်ခိုက်မှု ၈၆၅ ကြိမ်ပြု လုပ်ခဲ့ပြီး ဘာသာရေးအဆောက်အဦး ၂၅ ခု ၊ စာသင်ကျောင်း ၂၂ ခု၊ ကျန်မာရေးအဆောက်အဦး ၈ ခု နှင့် ဘုန်းကြီး ကျောင်း ၇ ကျောင်းအပါအ၀င် ပြည်သူ့အဆောက်အဦးပေါင်း ၄၁၂ ခုလည်း ထိခိုက်ပျက်စီးခဲ့ရသည်ဟု CHRO ကဖော်ပြသည်။ ၂၀၂၁ ခုနှစ်တွင် ချင်းပြည်နယ်အတွင်း လေကြောင်းတိုက်ခိုက်မှုမရှိသော်လည်း၊ ၂၀၂၂ ခုနှစ်တွင် လေကြောင်းတိုက်ခိုက် မှုပေါင်း ၂၂ ကြိမ်၊ ၂၀၂၃ ခုနှစ်တွင် ၂၆၁ ကြိမ် နှင့် ၂၀၂၄ ခုနှစ်တွင် ၅၈၂ ကြိမ်ပြုလုပ်ခဲ့သည်ဟု CHRO ထုတ်ပြန်ချက်အရ သိရသည်။ ပြီးခဲ့သော ၂၀၂၄ ခုနှစ် ဒီဇင်ဘာလ ၁၀ ရက်နေ့တွင် စစ်ကောင်စီက ဟားခါးမြို့နယ်၊ ချွန်ကျုံးရွာကို ဂျက်ဖိုက်တာဖြင့် ၂ ကြိမ်တိုင်တိုင် ဗုံးကြဲတိုက်ခိုက်ခဲ့သောကြောင့် မိသားစုဝင် ၄ ဦး သေဆုံးကာ ၁၀ ဦး ထက်မနည်း ထိခိုက်ဒဏ်ရာရရှိခဲ့ပြီး နေအိမ် ၁၅ လုံးထိခိုက်ပျက်စီးခဲ့သည်။…
Author: Editor
(002MG)ချင်းပြည်နယ်မြောက်ပိုင်း၊ တီးတိန်မြို့ပေါ်တွင် မြို့သိမ်းတိုက်ပွဲဖြစ်လာနိုင်သည့်သတင်းကြောင့် တီးတိန်မြို့ခံပြည်သူ အများစုသည် မိမိပိုင်ဆိုင်ရာပစ္စည်းများကို ကျေးလက်ဒေသများသို့ ကြိုတင်ပြောင်းရွေ့မှုများ ပြုလုပ်နေကြသည်ဟု သိရသည်။တီးတိန်မြို့ခံတဦးက “လူကတော့ ထွက်ပြေးတာမဟုတ်သေးဘူး၊ ပစ္စည်းသယ်ဖို့ခက်တဲ့ဟာတွေကို ရွှေ့တာတွေရှိတယ်။ တချို့က နီးစပ်ရာရွာတွေကို ရွှေ့ကြတယ်၊တချို့က ကလေးမြို့ဖက်ကို ရွှေ့တဲ့သူ တွေရှိတယ်၊ ပထမအခေါက်ကလည်း ဘာမှမသိပဲ၊မပြင်ဆင်ရဘဲ ဖြစ်လာတာဆိုတော့ အခု သူတို့ ပစ္စည်းရွှေ့တယ်ဆိုတာကလည်း ဖြစ်လာခဲ့တဲ့အရင်က ပစ္စည်းမရွှေ့အားမှာစိုးရိမ်စိတ်နဲ့ဆိုပြီးရွှေ့ကြတာ၊ အခုက တရားဝင်ထုတ်ပြန်တာမျိုးတော့ မဟုတ်ဘူး သူတို့ရဲ့ ဆိုရှယ်မီဒီယာမှာ လေးလံတဲ့ပစ္စည်းတွေကို စသယ်လို့ရပြီ လူကတော့ ထွက်ပြေးဖို့မလိုသေးဘူး ပုံစံမျိုး တင်တာမျိုး တွေရှိတော့။ အဲ့လိုဆိုတော့ လူတွေကတော့ ပစ္စည်းစပြီးတော့ ရွှေ့ကြတာပေါ့ မြို့နေလူထုကတော့ ရှောင်တာမျိုး မဟုတ်သေးပါဘူး” ဟုပြောသည်။တီးတိန်မြို့ပေါ်က တပ်ကုန်း၊ ရဲစခန်း နှင့် နီးစပ်သည့် ရပ်ကွက်များနှင့် မြို့မရပ်ကွက်လမ်းမကြီး တလျှောက်တွင် နေထိုင် ကြသည့် ပြည်သူများသည် ကလေးမြို့အပါအဝင် မြို့နှင့်အလှမ်းဝေးသော ကျေးရွာတို့တွင် ပြောင်းရွှေ့နိုင်သော ပစ္စည်းများကို ပြောင်းရွှေ့ကြသည်ဟု ၎င်းကပြောသည်။တီးတိန်မြို့က အမျိုးသမီးတဦးက “အခုတော်တော်များများက သူတို့ရဲ့ တန်ဖိုးရှိတဲ့ ပစ္စည်းတွေကို ပို့တာများကြတယ်၊ ဈေးဆိုင်ကြီးတွေဆိုရင်လည်း သူတို့ပစ္စည်းတွေကို ပို့နေကြတာမြင်နေရပြီ ဒီနေ့ဆိုရင်လည်း သယ်နေကြတော့တာပဲ။ ကျမရဲ့ ပစ္စည်းအချို့လည်း ကြိုပြီးတော့ ကလေးဖက်ကို ပို့မလို့ စီစဉ်မှုတွေ လုပ်နေတယ်” ဟု ပြောသည်။ပြီးခဲ့သည့် ၂၀၂၄ ခုနှစ် မေလကုန်ပိုင်းက တီးတိန်မြို့ပေါ်တွင် ချင်းညီနောင်အဖွဲ့က စစ်ဆင်ရေးဖော်ဆောင်ခဲ့ပြီး စစ်ကောင်စီတပ်ဖွဲ့နှင့် ချင်းညီနောင်တပ်ဖွဲ့တို့အကြား တိုက်ပွဲ အပြင်းအထန်ဖြစ်ပွားခဲ့သည်။အဆိုပါ တိုက်ပွဲအတွင်း စစ်ကောင်စီက လူနေအိမ်များကို (၄) ကြိမ်မီးရှို့ခဲ့ပြီး…
(004SS) မကွေးတိုင်း၊ ငဖဲမြို့နယ် ညောင်ကိုင်းကျေးရွာအနီးတွင် အင်အား ၅၀ ခန့်ရှိ စစ်ကောင်စီတပ်ဖွဲ့နှင့် CDF- ASho ပူးပေါင်းတပ်ဖွဲ့တို့အကြား တိုက်ပွဲဖြစ်ပွားပြီး စစ်ကောင်စီဘက် ၁ ဦးသေဆုံးကာ ၆ ဦး ဒဏ်ရာရရှိခဲ့ကြောင်း Chin Defense Force – Asho က ယမန်နေ့ ဇန်နဝါရီလ ၅ ရက်နေ့တွင် ထုတ်ပြန်သည်။ ဇန်နဝါရီလ ၃ ရက်နေ့ မနက်ပိုင်း ၇ နာရီခွဲအချိန်တွင် ငဖဲမြို့နယ်၊ အမှတ် (၁၄) ကာကွယ်ရေးပစ္စည်းစက်ရုံမှ ပဒါန်း-ငဖဲ-စေတုတ္တရာ ကားလမ်းအတိုင်း စေတုတ္တရာမြို့နယ်ဘက်သို့ ထွက်ခွာလာသည့် အင်အား ၅၀ ခန့်ပါ စစ်ကောင်စီ ကား ၂ စီးကို မင်းဘူးခရိုင်အမှတ် (၈) တပ်ရင်း၊ ငဖဲမြို့နယ် ပြည်သူ့ကာကွယ်ရေးအဖွဲ့ (ပကဖ) နှင့် CDF – Asho ပူးပေါင်းတပ်ဖွဲ့က ကြားဖြတ်တိုက်ခိုက်ခဲ့ခြင်းဖြစ်ကာ မိနစ် ၂၀ ခန့်ကြာ နှစ်ဘက်တိုက်ပွဲ ဖြစ်ပွားခဲ့ခြင်းဟု သိရသည်။ ထို့အပြင် ဇန်နဝါရီလ ၃ ရက်နှင့် ၄ ရက်နေ့ ၂ ရက်အတွင်း၊ ရခိုင်ပြည်နယ် အမ်းမြို့နယ်ဘက်မှ ထွက်ပြေးလွတ်မြောက်လာသော စစ်ကောင်စီတပ်သားများအား CDF – Asho တပ်ဖွဲ့က ပိတ်ဆို့တားဆီးနိုင်ခဲ့ပြီး စစ်သုံ့ပန်း ၁၁ ဦးကိုလည်း ဖမ်းဆီးရမိခဲ့ကြောင်း ၎င်းတို့ ထုတ်ပြန်ချက်အရ သိရသည်။ အဆိုပါ စစ်သုံ့ပန်း ၁၁ ဦးမှာ အမ်းမြို့နယ် ဆင်ခုံတိုင်ကျေးရွာနှင့် တောင်ဇောက်ကျေးရွာအနီးရှိ စခန်းများမှ…
(002MG)စစ်ကိုင်းတိုင်း၊ ကလေးမြို့နယ်၊ လက်ပံချောင်းကျေးရွာတွင် ဇန်နဝါရီ (၅) ရက်နေ့ မနက် (၈) နာရီအချိန်တွင် စစ်ကောင်စီတပ်က လက်နက်ကြီးပစ်ခတ်မူကြောင့် ချင်းအမျိုးသမီးတဦး သေဆုံးပြီး အမျိုးသားတဦး ထိခိုက်ဒဏ်ရာရရှိခဲ့သည်ဟု သိရသည်။“မနေ့တုန်းက လက်ပံချောင်းမှာ လက်နက်ကြီးက (၃) ချက် ကျတယ် ဒုတိယအချက်မှာ သူ့အိမ်နားမှာကျတော့ သူ့ခေါင်းမှာထိတာ နှစ်လက်မလောက်ရှိမယ် ပေါက်သွားတာ ဦးနှောက်ကိုပါပေါ်သွားတာ။ မြို့ပေါ်ကိုလည်း ချိတ်တယ်၊ လမ်းကလည်း မနေ့က ဆည်ကြီးတံတားကို လုံးဝပိတ်ထားတယ် မြို့ပေါ်ကိုလည်း ပို့လို့မရဘူး ဒီမှာက ရှိတဲ့ဟာနဲ့ ဝိုင်းလုပ်ပေးရင်းနဲ့ သွေးတွေလည်း ဖြည့်ပေမယ့် လုပ်ရင်းနဲ့ ဆုံးသွားတာပါ” ဟု ကူညီဆောင်ရွက်ပေးနေသူ လက်ပံချောင်းဒေသခံတစ်ဦးက ပြောသည်။လက်နက်ကြီးကြောင့် သေဆုံးသူမှာ လက်ပံချောင်းကျေးရွာ ဘီ ရပ်ကွက်မှာနေထိုင်သူ အသက် (၄၇) နှစ်အရွယ် ဒေါ်ဇမ်ဘွဲ့ဆုန်ဖြစ်ပြီး အိမ်နီးနားချင်းဖြစ်သည့် အသက် (၄၀) နှစ်အရွယ် အမျိုးသားတဦးသည်လည်း မျက်နှာရှပ်ထိ ဒဏ်ရာရရှိခဲ့သည်ဟု သိရသည်။စစ်ကောင်စီသည် စခန်းကြီးကျေးရွာအနီး တိုင်းဗဟို အမှတ် (၁၀) တပ်ကနေ မြေပြင်တိုက်ပွဲဖြစ်ပွားခြင်းမရှိဘဲ လက်ပံချောင်းကျေးရွာဘက်သို့ လက်နက်ကြီးဖြင့် ၃ ကြိမ် ပစ်ခတ်ခဲ့ရာမှာ ကျေးရွာအတွင်း ကျရောက်ပေါက်ကွဲခဲ့ခြင်းဖြစ်သည်ဟု သိရသည်။ကလေးမြို့မှ ၁၀ မိုင်ခန့်ကွာဝေးသော လက်ပံချောင်းကျေးရွာသည် အိမ်ခြေ (၂,၀၀၀) ကျော်ရှိပြီး ချင်းလူမျိုးများနေထိုင်သည့် ရွာကြီးတစ်ရွာဖြစ်သည်။ ပြီးခဲ့သည့် ၂၀၂၄ ခုနှစ် နိုဝင်ဘာလ ၂၆ ရက်နေ့မပိုင်းကလည်း တိုက်ပွဲဖြစ်ပွားခြင်းမရှိဘဲ စစ်ကောင်စီက လက်နက်ကြီး ရမ်းသမ်းပစ်ခတ်မှုကြောင့် လက်ပံချောင်းကျေးရွာက အရပ်သားပြည်သူ ၄ ဦး သေဆုံးခဲ့ရပြီးဖြစ်သည်။
(006SV) မကြာခင်ရက်ပိုင်းအတွင်းမှာပဲ ၂၀၂၄ ခုနှစ်လည်း ကုန်ဆုံးတော့မှာဖြစ်ပါတယ်။ မြန်မာနိုင်ငံမှာ စစ်အာဏာသိမ်းမှုကြောင့် ပေါ် ပေါက်လာတဲ့ မြန်မာ့နွေဦးတော်လှန်ရေးကလည်း ၄ နှစ် ပြည့်လာတော့မှာဖြစ်ပါတယ်။ လက်ရှိ စစ်ရေးအနေအထားမှာတော့ စစ်ကောင်စီဘက်က အရှေ့မြောက်တိုင်းစစ်ဌာနချုပ်နဲ့ အနောက်ပိုင်းတိုင်း စစ်ဌာနချုပ်တို့အပြင် နယ်မြေအမြောက်အများကို ဆုံးရှုံးထားရသလို လေကြောင်းတိုက်ခိုက်မှုကိုသာ အဓိက အားထားနေရတဲ့ အနေအထားမှာ ရှိနေတယ်လို့ ဆိုရမှာပါ။ ဒီလိုအခြေအနေမျိုးမှာ စစ်ကောင်စီကတော့ လူ့အခွင့်အရေးချိုးဖောက်မှုတွေကို ရပ်တန့်မသွားဘဲ အရပ်သားသတ်ဖြတ်မှုတွေ၊ လူနေအိမ်၊ ဘာသာရေးအဆောက်အအုံ မီးရှို့ဖျက်ဆီးမှုတွေကို ဆက်လက်ကျူးလွန်နေတယ်လို့ ချင်းလူ့အခွင့်အရေးအဖွဲ့ CHRO က Salai Mang Hre Lian ပြောပါ တယ်။ Salai Mang Hre Lian ဟာ ပြီးခဲ့တဲ့ ဒီဇင်ဘာလ ၁၀ ရက်နေ့က အမေရိကန်အစိုးရ နိုင်ငံခြားရေးဝန်ကြီးဌာနကနေ ချီးမြှင့်တဲ့ ၂၀၂၄ ခုနှစ်အတွက် လူ့အခွင့်အရေးကာကွယ်သူဆု ရရှိထားသူဖြစ်ပါတယ်။ လက်ရှိ မြန်မာနိုင်ငံရဲ့ လူ့အခွင့်အရေးအခြေအနေနဲ့ပတ်သက်ပြီး ခိုနူမ်းသုန်သတင်းဌာနက ဆက်သွယ်မေးမြန်းထားပါတယ်။ မေး – စစ်အာဏာသိမ်း ၄ နှစ်နီးပါးအတွင်း စစ်ကောင်စီရဲ့ လူ့အခွင့်အရေးချိုးဖောက်မှုတွေက ဘယ်လိုရှိနေပါသလဲ။ ဖြေ – စစ်အာဏာသိမ်းပြီးနောက် အခုဆိုရင် ၄ နှစ်ထဲ ဝင်လာပြီပေါ့နော်။ အာဏာစသိမ်းကတည်းကနေ စစ်ကောင်စီက လူ့အခွင့်အရေးအချိုးဖောက်မှုကို ပြောင်ပြောင်တင်းတင်းလုပ်ဆောင်တယ်။ လုပ်ဆောင်တဲ့ နေရာမှာ တနှစ်ထက် တနှစ် ပိုပြီးတော့ ရက်စက်လာတာကို တွေ့ရတယ်။ တတိယနှစ်ပိုင်းမှာဆိုရင် စစ်ကောင်စီအနေနဲ့ မြေပြင် စစ်ဆင်ရေးတွေ မလုပ်နိုင်တော့ဘူး။ သူတို့ စစ်တွေရှုံးနိမ့်လာတယ်ပေါ့နော်။ စစ်ရှုံးလာပေမယ့်လည်း…
ဖလမ်းမြို့ကို ချင်းပူးပေါင်းတပ်က ထိန်းချုပ်ထား၊ ခလရ – ၂၆၈ ဌာနချုပ်ကို သိမ်းရန် အပြင်းအထန် ထိုးစစ်ဆင်နေ (006SV) ချင်းညီနောင်ဖွဲ့စည်း တည်ထောင်ပြီး တစ်နှစ်အတွင်း မြို့သိမ်း၊ စခန်းသိမ်းတိုက်ပွဲများတွင် ချင်းကာကွယ်ရေး တပ်ဖွဲ့များမှ ရဲဘော် ၁၀၀ ဝန်းကျင် ကျဆုံးပြီး ၄၀၀ ဝန်းကျင် ထိခိုက်ဒဏ်ရာများ ရရှိခဲ့သည်ဟု ချင်းညီနောင်အဖွဲ့၏ စစ်ရေးဥက္ကဌဖြစ်သူက ပြောသည်။ ယနေ့ ဒီဇင်ဘာလ ၃၀ ရက်တွင် ပြုလုပ်သော ချင်းညီနောင် (CB) ဖွဲ့စည်း တည်ထောင်ခြင်း တနှစ်ပြည့် အခမ်းအနားတွင် ထိုသို့ပြောကြားခြင်းဖြစ်သည်။ “မဟာမိတ်တပ်ဖွဲ့တွေရဲ့ အသက်တွေလည်း အများကြီး ပေးဆပ်ခဲ့ရသလို ကျနော်တို့ ချင်းညီနောင် အဖွဲ့ ၆ ဖွဲ့ရဲ့ ရဲဘော် ၁၀၀ ဝန်းကျင်လောက် ကျဆုံးပြီးတော့ ရဲဘော် ၄၀၀ ဝန်းကျင်းလောက် ထိခိုက်ဒဏ်ရာ ရရှိခဲ့တာတွေ ရှိပါတယ်။ ဒါက ချင်းညီနောင် စစ်ဆင်ရေး သက်တမ်းအတွင်းမှာ ပြောတာ ဖြစ်ပါတယ်။ ဒါဟာ ကျနော်တို့ရဲ့ ကျသွားတဲ့ သူရဲကောင်းတွေပေါ့။ သွေးတွေရဲ့ ရေးထားတဲ့ တော်လှန်ရေး ၊ ချင်းညီနောင် စစ်ဆင်ရေး ဖြစ်ပါတယ်။ ဒီလို အသက်ပေးဆပ်တဲ့ လူတွေ၊ ခန္ဓာကိုယ်ပေးဆပ်သွားတဲ့ လူတွေ ကြောင့်ပဲ ၊ သူရဲကောင်းတွေကြောင့်ပဲ အခုလို အောင်မြင်နေတဲ့ စစ်ဆင်ရေးတွေကို ဖော်ဆောင်နိုင်ခဲ့တာဖြစ်ပါတယ်” ဟု ချင်းညီနောင် စစ်ရေးဥက္ကဌအဖြစ် တာဝန်ယူထားသူ၊ CDF မင်းတပ် စစ်ဦးစီးချုပ် ထန်ချွန်ဖေက ပြောသည်။ ချင်းညီနောင် စစ်ဆင်ရေးအဖြစ်…
စစ်ဆင်ရေးကာလအတွင်း နိုင်ငံရေးအကျဉ်းသား ၁၃ ဦးကိုလည်း ကယ်ထုတ်နိုင်ခဲ့ ချင်းပြည်တောင်ပိုင်း မင်းတပ်မြို့က စစ်ကောင်စီ၏ နောက်ဆုံးလက်ကျန် ခြေလျင်တပ်ရင်း အမှတ် – ၂၇၄ ကို အပြီးတိုင် တိုက်ခိုက်သိမ်းပိုက်ပြီးနောက် မင်းတပ်မြို့နယ်သည် စစ်ကောင်စီကင်းစင်သည့် မြို့နယ်တစ်ခုဖြစ်လာပြီဟု ချင်းညီနောင်အဖွဲ့က ယနေ့ ဒီဇင်ဘာလ ၂၂ ရက်နေ့တွင် ထုတ်ပြန်ကြေညာသည်။ ချင်းညီနောင်စစ်ဆင်ရေးအဖြစ် မင်းတပ်မြို့သိမ်းစစ်ဆင်ရေးကို နိုဝင်ဘာလ ၉ ရက်နေ့က စတင်ခဲ့ကြပြီး ဒီဇင်ဘာလ ၂၁ ရက်နေ့တွင် မင်းတပ်မြို့က စစ်ကောင်စီနောက်ဆုံးလက်ကျန်စခန်း ခလရ ၂၇၄ ကို အပြီးတိုင် တိုက်ခိုက်သိမ်းခဲ့ကြသည်ဟု သိရသည်။ မင်းတပ်မြို့သိမ်းစစ်ဆင်ရေးကို ချင်းညီနောင်နှင့် မဟာမိတ်တပ်ဖွဲ့များဖြစ်ကြသော Yaw Defense Force (YDF)၊ Yaw Army (YA) နှင့် ပြည်သူ့ကာကွယ်ရေးတပ်မတော်၊ မုံရွာခရိုင်တပ်ရင်း (၃) တို့မှာ ဟန်ချက်ညီညီဆင်နွဲခဲ့ကြပြီး မဆုတ်မနစ်သော စိတ်ဓာတ်တို့ဖြင့် တိုက်ပွဲဝင်နိုင်ခဲ့ကြသောကြောင့် မင်းတပ်မြို့အခြေစိုက် ခြေလျင်တပ်ရင်း ၂၇၄ ကို သိမ်းပိုက် နိုင်ခဲ့ခြင်းဖြစ်သည်ဟု ချင်းညီနောင်က ဆိုသည်။ မြို့သိမ်းစစ်ဆင်ရေးတွင် အာရက္ခတပ်တော် AA ၏ စစ်လက်နက်၊ ခဲယမ်း၊ စစ်ကူများအပြင် စစ်ရေးဆိုင်ရာအကြံညဏ်များနှင့် လိုအပ်သောအကူအညီများကို ပံ့ပိုးခဲ့မှုကြောင့် မင်းတပ်မြို့နယ်တစ်ခုလုံးအား အလုံးစုံထိန်းချုပ်ထားနိုင်ခဲ့ပြီး မင်းတပ်မြို့နယ်သည်လည်း စစ်ကောင်စီကင်းစင်သော မြို့နယ်တစ်ခုဖြစ်လာခဲ့ပြီဟု ချင်းညီနောင်က ဆိုသည်။ မင်းတပ်မြို့သိမ်းစစ်ဆင်ရေးတွင် စစ်ကောင်စီက ၂၀၂၁ ခုနှစ်အာဏာသိမ်းပြီးနောက် မတရားဖမ်းဆီးအကျဉ်းချထားသည့် နိုင်ငံရေးအကျဉ်းသား ၁၃ ဦးကိုလည်း အောင်မြင်စွာကယ်ထုတ်ပေးနိုင်ခဲ့တယ်လို့ ချင်းညီနောင်၏ ကြေညာချက်တွင် ဖော်ပြထားသည်။ ချင်းညီနောင်စစ်ဆင်ရေး (Operation…
(006SV) ချင်းပြည်နယ် တောင်ပိုင်း၊ ကန်ပက်လက်မြို့ကို ချင်းတော်လှန်ရေးအင်အားစုများက သိမ်းပိုက်ထိန်းချုပ်လိုက်ပြီ ဖြစ်ကြောင်း ချင်းညီနောင်အဖွဲ့နှင့် ကန်ပက်လက်ကောင်စီထံမှ သိရသည်။ ကန်ပက်လက်မြို့ပေါ်တွင် တပ်စွဲထားသည့် စစ်ကောင်စီနှင့် ရဲတပ်ဖွဲ့သည် ပြည်သူများ၏ ညှိနှိုင်းပေးမှုကြောင့် ဒီဇင်ဘာလ ၂၁ ရက် ည ၁၂ နာရီခန့်တွင် ကန်ပက်လက်မြို့ကို စွန့်စွာသွားသည်ဟု ကန်ပက်လက်ကောင်စီ နှင့် CDF – ကန်ပက်လက်တပ်ရင်း – ၇ တို့က သတင်းထုတ်ပြန်သည်။ ကန်ပက်လက်မြို့ကို ကန်ပက်လက်ပြည်သူများမှ ပြန်လည်ထိန်းချုပ်ပြီးဖြစ်ကြောင်း၊ ပြည်သူများ ပူးပေါင်းပါဝင်မှု အကျိုးသည် ယနေ့ ဒီဇင်ဘာလ ၂၂ ရက်တွင် သက်သေထူခဲ့ပြီဖြစ်ကြောင်း ကန်ပက်လက်ကောင်စီ၊ သတင်းနှင့် ပြန်ကြားရေးအဖွဲ့က ဆိုသည်။ ချင်းညီနောင် စစ်ဆင်ရေးအဖြစ် ကန်ပက်လက်မြို့ကို ချင်းညီနောင်နှင့် မဟာမိတ်အဖွဲ့များက ဝင်တိုက်ရန် ဆောင်ရွက်နေစဉ် စစ်ကောင်စီ တပ်ဖွဲ့ဝင်များက စခန်းစွန့်ခွာထွက်ပြေးသွားခြင်းဖြစ်သည်ဟု ချင်းညီနောင်အဖွဲ့ကလည်း ပြောသည်။“ကျနော်တို့ ကန်ပက်လက်ကို တိုက်ဖို့ ချဥ်းကပ်ထားပြီး၊ ပြင်ဆင်တာတော့ကြာပြီ။ ဒီဇင်ဘာ ၂၁ ရက်ညမှာ ဝင်တိုက်ဖို့ လုပ်နေတုန်းမှာ စကစတွေ စွန့်ခွာထွက်ပြေးသွားတာပါ။ အခုပြေးသွားတဲ့ စကစတွေနောက်လိုက် နေပါတယ်။ ကျနော်တို့ တရားဝင် သတင်းမထုတ်ပြန်သေးပါဘူးခင်ဗျ။ မကြာခင် တရားဝင် ထုတ်ပြန်ဖို့ ရှိပါတယ်” ဟု ချင်းညီနောင် ပြောရေးဆိုခွင့်ရှိသူ ကိုယောမာန်က ပြောသည်။ ကန်ပက်လက်မြို့နယ်ထဲက ကျင်ဒွေးမြို့သိမ်းစစ်ဆင်ရေး ၁ နှစ်ပြည့်ချိန်တွင် ကန်ပက်လက်မြို့သိမ်း စစ်ဆင်ရေးကို ယနေ့ ဒီဇင်ဘာလ ၂၂ ရက်မှာ စတင်ပြီဖြစ်ကြောင်း ပြည်သူလူထုကို ချင်းညီနောင်အဖွဲ့က အသိပေးထုန်ပြန်ထားသည်။…
(006SV) ချင်းပြည်နယ်တောင်ပိုင်း၊ မင်းတပ်မြို့ကို ထိန်းချုပ်ထားသော စစ်ကောင်စီ၏ ခလရ – ၂၇၄ တပ်ရင်းကို ချင်းညီနောင် ပူးပေါင်းတပ်များက သိမ်းနိုင်ပြီဖြစ်ကြောင်း ဒေသခံတချို့ထံမှ သိရသည်။ မင်းတပ်မြို့သိမ်းတိုက်ပွဲကို ချင်းညီနောင် စစ်ဆင်ရေးအဖြစ် ချင်းညီနောင်နှင့် မဟာမိတ်အဖွဲ့များက ဖော်ဆောင်လျက်ရှိရာ တိုက်ပွဲရက်ပေါင်း ၄၃ ရက်မြောက်ဖြစ်သည့် ဒီဇင်ဘာလ ၂၁ ရက် မနက်ပိုင်းတွင် ခလရ – ၂၇၄ ကို သိမ်းနိုင်ခြင်းဖြစ်ကြောင်း သိရသည်။ မင်းတပ်မြို့နယ်အတွင်းရှိ ဒေသခံပြည်သူများနှင့် မကွေးတိုင်းယောနယ်မှ ဒေသခံပြည်သူများအနေဖြင့် စစ်ကောင်စီတပ်ဖွဲ့ဝင်များ ထွက်ပြေးနေသောကြောင့် လူစိမ်းများတွေ့ပါက နီးစပ်ရာအဖွဲ့အစည်းများထံ ဆက်သွယ်ပေးကြရန်နှင့် သတိပြုနေထိုင်ကြရန် လိုအပ်သည်ဟု သိရသည်။ ယနေ့ မနက် ၁၁ နာရီခန့်တွင် မင်းတပ်မြို့ပေါ်ကို စစ်ကောင်စီသည် Y – 12 ဗုံးကြဲလေယာဉ်ဖြင့် ၁၀ လုံးတွဲ၊ ၅ လုံးတွဲ၊ ၃ လုံးတွဲ ဗုံးသီးများအသုံးပြု၍ တနာရီခန့် တိုက်ခိုက်သွားကြောင်း၊ နံနက် ၂ နာရီခွဲကလည်း ပေါင် ၅၀၀ ဗုံးဖြင့် ကြဲချတိုက်ခိုက်သည်ဟု မင်းတပ်မြို့ခံတစ်ဦးထံမှ သိရသည်။ မင်းတပ်မြို့ပေါ်ရှိ စံမင်းသီရိ စေတီကုန်း၊ ဝန်ထမ်းအိမ်ရာ လိုင်းခန်း (စံပြရပ်ကွက်)၊ ခရိုင်ဆောက်လုပ်ရေး ဝန်း၊ တာဝါတိုင်ကုန်း၊ ဟိုတပ် (မင်းတပ်) မြလေးပွင့်စေတီကုန်း၊ ၄ မိုင်းကုန်းကို သိမ်းပိုက်ကာ မင်းတပ်မြို့နေရာအများစုကို သိမ်းပိုက်ထိန်းချုပ်ထားသည်ဟု ချင်းညီနောင်အဖွဲ့က ယမန်နေ့က ထုတ်ပြန်သည်။ ဒီဇင်ဘာလ ၁၅ ရက်က မင်းတပ်ခရိုင်/မြို့နယ် ရဲတပ်ဖွဲ့ဝန်းမှ စစ်ကောင်စီတပ်ဖွဲ့ဝင်နှင့် ရဲတပ်ဖွဲ့ဝင်…
(005MK) မီဇိုးလူငယ်အသင်း Central Young Mizo Association (CYMA) က မြန်မာနှင့် မဏိပူရ်ပြည်နယ်က စစ်ဘေးရှောင်များအတွက် ခရစ္စမတ်လက်ဆောင်အဖြစ် ရူပီးငွေ ၄ သိန်းခန့်တန်ဖိုးရှိသော အခြေခံစားနပ်ရိက္ခာများကို ယနေ့ ပေးအပ်ခဲ့သည်ဟု သိရသည်။ မီဇိုရမ်ပြည်နယ် အိုင်ဇောလ်မြို့အခြေစိုက် မီဇိုးလူငယ်အသင်း CYMA က အိုင်ဇောလ်ခရိုင်အတွင်းမှာရှိသော မြန်မာစစ်ဘေးရှောင်စခန်း ၆ ခုနှင့် မဏိပူရ်ပြည်နယ်က စစ်ဘေးရှောင်စခန်းနှစ်ခု စုစုပေါင်း ၈ ခုအတွက် အခြေခံစားနပ်ရိက္ခာများကို ယနေ့ ဒီဇင်ဘာလ ၂၁ ရက်နေ့တွင် အသီးသီးထောက်ပံ့ပေးအပ်ခဲ့သည်ဟု သိရသည်။ မြန်မာနိုင်ငံက စစ်ဘေးရှောင်များနေထိုင်ကြသော Tuiral Camp၊ Sihhmui Camp 1, Camp 2, Sairang Camp, Leitan Camp, YHAI Camp နှင့် မဏိပူရ်ပြည်နယ်မှ စစ်ဘေးရှောင်လာသူများနေထိုင်ကြသော BSUP Edenthar Camp, RAY Camp တို့ကို ခရစ္စမတ်လက်ဆောင်အဖြစ် ထောက်ပံ့ပေးအပ်ခဲ့ခြင်းဖြစ်သည်။ စစ်ဘေးရှောင်စခန်း ၈ ခုအတွက် ဆန်အိတ် ၁၂၅ အိတ်၊ ဆီ ၄၅ ဖာ၊ ပဲ ၁၆ အိတ်၊ အသားတု ၂၂ အိတ်ဖြင့် လူဦးရေ အနည်းအများပေါ်မူတည်ပြီး ခွဲဝေပေးအပ်ခဲ့သည်ဟု သိရသည်။ မီဇိုးလူငယ်အသင်း CYMA သည် မီဇိုရမ်ပြည်တွင် ဩဇာတက္ကမအကြီးဆုံးသော အရပ်ဖက်အဖွဲ့အစည်းဖြစ်ပြီး စစ်ဘေးရှောင်များအား အဓိကကူညီထောက်ပံ့နေသည့်အပြင် ခရစ္စမတ်ကာလတွင်လည်း ယခုကဲ့သို့ ခရစ္စမတ်လက်ဆောင်အဖြစ် ကူညီထောက်ပံ့လေ့ရှိသည်။