(006SV) ချင်းပြည်နယ်မြို့တော် ဟားခါးနှင့် ထန်တလန်မြို့ကြားက အော်တိုတောင်ကုန်းစစ်စခန်း သိမ်းပိုက်နိုင်ရေး ချင်းတော်လှန်ရေးတပ်ပေါင်းစုက ၄ ရက်ကြာ ထိုးစစ်ဆင်တိုက်ခိုက်နေပြီး စစ်ကောင်စီတပ်ဖွဲ့ဝင်များ ထိခိုက်ကျဆုံးမှု များပြားကြောင်း ချင်းအမျိုးသားတပ်ဦး CNF/CNA ပြောရေးဆိုခွင့်ရှိသူ ဆလိုင်းထက်နီက ပြောသည်။ “ကား ၂ စီးနဲ့ စစ်ကူလာတယ်။ ခြေလျင် လာတာတွေလည်း ရှိတယ်။ ဒါပေမယ့် ကျနော်တို့ ဖြတ်တောက် နိုင်ခဲ့တယ်။ သူတို့ဘက်ကတော့ အထိအခိုက်တော့ တော်တော်ရှိမယ်။ ဒီနေ့အထိ ဟားခါးဆေးရုံးရောက်တာ ဒဏ်ရာရစစ်ကောင်စီတပ်ဖွဲ့က ၅၀ နီးပါး ရောက်တယ်လို့ ကြားတယ်။။ ဆေးရုံမှာပဲ ၂ ယောက်သေတယ်လို့ သိရတယ်” ဟု ဆလိုင်းထက်နီက ပြောသည်။ ဇူလိုင်လ ၂၂ ရက်မှစတင်၍ ချင်းပြည်ကောင်စီ၊ ချင်းပြည်အစိုးရတပ်ဖွဲ့များသည် ဟားခါး- ထန်တလန်ကြားရှိ စစ်ကောင်စီတပ်စခန်းများကို ထိုးစစ်ဆင်တိုက်ခိုက်ခဲ့သည်၊ ဇူလိုင် ၂၂ ရက်ကပင် လုံခါရ်တောင်ရှိ စစ်စခန်း ၃ ခုကို သိမ်းပိုက်နိုင်ခဲ့ကြောင်း သိရသည်။ အော်တိုတောင်ကုန်းပေါ်က စစ်ကောင်စီစခန်းကို ဇူလိုက်လ ၂၂ ရက်မှ ယနေ့ ၂၅ ရက်အထိ ချင်းပူးပေါင်းတပ်များက ထိုးစစ်ဆင်တိုက်ခိုက်နေပြီး စစ်ကောင်စီက စစ်အင်အားများ ဖြည့်တင်းနေကြောင်း သိရသည်။ စစ်ကောင်စီသည် ဟားခါးမြို့မှ လက်နက်ကြီးပစ်ကူများ ပေးနေသည့်အပြင် ယမန်နေ့ ဇူလိုင်လ ၂၄ ရက်ကလည်း ဂျက်ဖိုက်တာ ၁ စီးဖြင့် ဗုံးကြဲတိုက်ခိုက်၍ ပစ်ကူပေးခဲ့ကြောင်း၊ ချင်းပူးပေါင်းတပ်များမှ ထိခိုက်ဒဏ်ရာရရှိမှု မရှိခဲ့ကြောင်း ဆလိုင်းထက်နီက ပြောသည်။ ထန်တလန်မြို့ပေါ်တွင်လည်း ဇူလိုင်လ ၂၂ ရက်မှ…
Author: Editor
(005MK) အိန္ဒိယ-မြန်မာအမှတ် ၂ နယ်စပ်ကုန်သွယ်ရေးစခန်း ရိ-ဇိုခေါထာရ်ကတဆင့် မီဇိုရမ်ပြည်နယ်ဘက်သို့ ယနေ့ဇူလိုင် ၂၅ ရက်ကစ၍ ကုန်ပစ္စည်းတင်သွင်းခွင့် ယာယီပိတ်ထားသည်ဟု သိရသည်။ ရိ-ဇိုခေါထာရ်နယ်စပ်ကုန်သွယ်ရေးလမ်းကြောင်းကတဆင့် ကွမ်းသီးခြောက်များ တရားမဝင်တင်သွင်းနေသည့်ကိစ္စနှင့် ပတ်သက်၍ ဗဟိုစုံစမ်းစစ်ဆေးရေးဗျူရို (Central Bureau Investigation – CBI) အဖွဲ့ ဇိုခေါထာရ်ကျေးရွာသို့ ယနေ့ ရောက်ရှိလာမည့်အတွက် ကုန်ပစ္စည်းအဝင်အားလုံးကို အကောက်ခွန်ဌာနက ပိတ်လိုက်ခြင်းဖြစ်သည်ဟု သိရသည်။ ယနေ့မနက်ပိုင်းကစ၍ နှစ်နိုင်ငံ နယ်စပ်နေပြည်သူများသည် ဟိုဘက်ဒီဘက်အဝင်/အထွက်နှင့် တနိုင်တပိုင် စားသောက် ကုန်များသယ်ယူခွင့်ရသော်လည်း စီးပွားဖြစ်ကုန်ပစ္စည်းများ သယ်ယူပို့ဆောင်၍မရကြောင်း သိရသည်။ ယခုကဲ့သို့ ကုန် ပစ္စည်းများ ယာယီပိတ်ပင်မှုသည် မည်သည့်အချိန်ထိကြာမြင့်မည်ကို ပြောဆိုမရသေးကြောင်း ဒေသတွင်းသတင်းမှာ ဖော်ပြထားသည်။ ရိ-ဇိုခေါထာရ်နယ်စပ်ကုန်သွယ်ရေးလမ်းကြောင်းကတဆင့် မြန်မာဘက်က ကွမ်းသီးခြောက်များ မီဇိုရမ်ပြည်နယ်ကို ဖြတ်၍ အိန္ဒိယပြည်မဘက်သို့ အလုံးအရင်းဖြင့်တရားမဝင်တင်သွင်းမှုရှိနေသည်ဟုတိုင်းကြာချက်အပေါ် ဗဟိုစုံစမ်းစစ်ဆေးရေးဗျူရိုအဖွဲ့က လာရောက်စုံစမ်းခြင်းဖြစ်သည်ဟု သိရသည်။ မြန်မာဘက်က ကွမ်းသီးခြောက်များကို အကောက်ခွန်ဌာနတွင် အခွန်ဆောင်ကာ တရားဝင်လမ်းကြောင်းဖြင့် သယ်ယူခွင့်ရှိသော်လည်း ကွမ်းသီးကုန်သည်အများစုမှာ အခွန်အခနှုန်းထား မြင့်တက်သည့်အတွက် မှောင်ခိုလမ်းကြောင်းဖြင့် သယ်ယူလေ့ရှိကြပြီး မီဇိုရမ်ရဲတပ်ဖွဲ့က နေ့စဉ်နီးပါးဖမ်းဆီးရမိကြောင်း သိရသည်။
(002MG) ချင်းပြည်နယ် ၊မင်းတပ်မြို့ပေါ်၊စံပြရပ်ကွက်တွင် ယနေ့ဇူလိုင်လ (၂၄) ရက် ယနေ့မနက်ပိုင်းက အမျိုးသားတစ်ဦး အိမ်ဝန်းသန့်ရှင်းရေးလုပ်ရာတွင် မြေမြုပ်မိုင်းနင်းမိ၍ ညာဖက်ခြေထောက်ပြတ်သွားခဲ့သည်ဟု သိရသည်။ မင်းတပ်ဒေသခံတဦးက “သူက သူ့အိမ်ပတ်ဝန်းကျင်သန့်ရှင်းရေးလုပ်ရင်းနဲ့ မိုင်းနင်းမိလို့ ခြေထောက် တဖက်ဒဏ်ရာ ဖြစ်သွားတယ်၊ ခြေဖဝါးပြတ်သွားတာပြင်းထန်တာပေါ့ ဒါပေမယ့် ကုသလို့ရနိုင်မယ်လို့ ဆရာဝန်က ပြောတယ်” ဟု ပြောသည်။ အဆိုပါ အမျိုးသားသည် အသက် (၆၃) နှစ်အရွယ် ဦးထန်းလိန်းဖြစ်ကာ လက်ရှိတွင် ၂၇၄ တပ်ကုန်းဆေးရုံတွင် ဆေးကုသမူခံယူနေဆဲဖြစ်သည်ဟု သိရသည်။ အာဏာသိမ်းပြီးနောက်ပိုင်း (၃) နှစ်အတွင်း ချင်းပြည်နယ်တွင် မြေမြုပ်မိုင်းနင်းမိသောကြောင့် ချင်းလူမျိုး (၃၆) ဦးသေဆုံးခဲ့ရသည့်အပြင် (၆၆) ဦးသည်လည်း ထိခိုက်ဒဏ်ရာရရှိခဲ့သည်ဟု ချင်းလူ့အခွင့်အရေးအဖွဲ့ (CHRO) ၏ မှတ်တမ်းအရ သိရသည်။
(005MK) အိန္ဒိယနိုင်ငံ မီဇိုရမ်ပြည်နယ်က သဘာဝဘေးဒဏ်သင့်ပြည်သူများနှင့် စစ်ဘေးရှောင်များအတွက် ဆန်ဝယ်ယူထောက်ပံ့ရန် အိန္ဒိယဗဟိုအစိုးရက ရူပီးသိန်း ၅၀၀ ပေးအပ်လာသည်ဟု သိရသည်။ မီဇိုရမ်ပြည်နယ်အစိုးရ၏ တောင်းဆိုချက်အရ လူဦးရေ ၄ သောင်းခွဲခန့်ရှိသော စစ်ဘေးရှောင်များနှင့် သဘာဝဘေးဒဏ်သင့်ပြည်သူများအတွက် ရိက္ခာဆန်ထောက်ပံ့ရန် ရူပီးသိန်း ၅၀၀ ကို ပြည်နယ်အစိုးရထံ ပေးအပ်ခဲ့သည်ဟု အိန္ဒိယဗဟိုအစိုးရ ပြည်ထဲရေးဝန်ကြီးဌာနက ဇူလိုင်လ ၁၈ ရက်နေ့မှာ ထုတ်ပြန်ခဲ့သည်ဟု သိရသည်။ မီဇိုရမ်ပြည်နယ်သည် အိမ်နီးချင်း မြန်မာ၊ဘဂ်လားဒေရှ့်နှင့် မဏိပူရ်ပြည်နယ်တို့မှ စစ်ဘေးရှောင် ၄ သောင်းခွဲဝန်းကျင်ကို ကြည့်ရှုစောင့်ရှောက်နေရပြီး ဗဟိုအစိုးရအနေဖြင့် အကူအညီများပေးအပ်ရန် မီဇိုရမ်ပြည်နယ်ဝန်ကြီးချုပ်က ဗဟိုအစိုးရထံ အကြိမ်ကြိမ်တောင်းဆိုခဲ့ဖူးသည်။ မြန်မာနိုင်ငံမှာ စစ်အာဏာသိမ်းမှုဖြစ်ပွားသည့် ၂၀၂၁ ခုနှစ်နောက်ပိုင်းကစ၍ စစ်ရေးအခြေအနေကြောင့် မီဇိုရမ်ပြည်သို့ ထွက်ပြေးခိုလုံလာသူ မြန်မာစစ်ဘေးရှောင် ၃၄၀၀၀ ခန့်ရှိသည်ဟု မီဇိုရမ်အစိုးရ၏ စာရင်းအရသိရသည်။ အလားတူ မဏိပူရ်ပြည်နယ်က လူမျိုးရေးပဋိပက္ခကြောင့် ထွက်ပြေးလာသည့် စစ်ဘေးရှောင် တစ်သောင်းကျော်နှင့် ဘဂ်လားဒေရှ့်နိုင်ငံမှ ထွက်ပြေးခိုလုံလာသူ တစ်ထောင်ကျော်ခန့်ရှိသည်ဟု သိရသည်။
(006SV) ချင်းပြည်နယ်မြောက်ပိုင်း တွန်းဇံမြို့နယ်တွင် ချင်းတော်လှန်ရေးတပ်ဖွဲ့ CDF – တွန်းဇံ၏ ရာဇဝတ်မှု ကျူးလွန်ခြင်းများကို ဖြေရှင်းနိုင်ရန် ချင်းလဲန်းကောင်စီ (CC) ထံ တိုင်ကြားသွားမည်ဖြစ်ကြောင်း People Defense Army – PDA က ပြောသည်။ တွန်းဇံမြို့တွင် လူမျိုးနွယ်စုများကို ခွဲခြားဆက်ဆံခြင်း၊ ဖမ်းဆီးခြိမ်းခြောက်ခြင်း၊ ငွေနှင့် အလဲအလှယ်လုပ်ခြင်း၊ အိမ်များကို ချိတ်ပိတ်ခြင်း၊ တော်လှန်ရေးသပိတ်ခေါင်းဆောင်များကို ပစ်မှတ်ထားပြီး ခြိမ်းခြောက်ခြင်းများကို CDF – တွန်းဇံက ကျူးလွန်နေသောကြောင့် ချင်းလဲန်းကောင်စီထံ တိုင်ကြားသွားမည်ဟု PDA ဥက္ကဌက ပြောသည်။ “CC (ချင်းလဲန်းကောင်စီ) ကိုတော့ နှုတ်နဲ့ ပြောထားပြီး။ စာနဲ့တင်ပြဖို့ရှိတယ်။ CC ကို တင်ပြဖို့ လုပ်ထားတဲ့ဟာမှာတော့ အသေးစိတ်အချက်အလက်တွေ ရေးထားတယ်။ ဒီမှာ ဖြစ်စေချင်တာက (နေအိမ်) သိမ်းတယ်ဆိုရင်လည်း သက်သေအခိုင်အလုံနဲ့ ဖြစ်စေချင်တယ်။ ZRA ကို ထောက်ပံ့လို့ သိမ်းတယ်ဆိုတာနဲ့ မဖြစ်သင့်ဘူး။ ဒါက ကိုယ်နဲ့ မတူ၊ ကိုယ့်ရန်သူဆိုပြီး လုပ်တာက မကောင်းဘူး။ သက်သေ မခိုင်လုံဘူးလို့ မြင်တယ်။ ဆိုလိုတာက သိမ်းတယ်ဆိုရင်လည်း သိမ်းပါ။ သက်သေခိုင်ခိုင်လုံလုံနဲ့ တရားဥပဒကျကျ သိမ်းဖို့ ဖြစ်စေချင်တယ်” ဟု PDA ဥက္ကဌက ပြောသည်။ CDF – တွန်းဇံ၏ ရာဇဝတ်မှုများ ကျူးလွန်ခြင်းအပေါ် အပြင်းအထန် ကန့်ကွက်ရှုံချပြီး ခွဲခြားဆက်ဆံခြင်းခံနေရသော ပြည်သူများ၊ မျိုးနွယ်စုများနှင့်အတူ ရပ်တည်ကြောင်း PDA က ဇူလိုင်လ ၂၀ ရက်က…
(005MK) စစ်ကိုင်းတိုင်း ကလေးမြို့မြောက်ပိုင်း ပျဉ်းတောဦး (Tuingo) ကျေးရွာတွင် ယနေ့ညနေပိုင်းမှာ စစ်ကောင်စီကပစ်ခတ်သော လက်နက်ကြီးကျည်ကျရောက်ပေါက်ကွဲကာ အရပ်သားတစ်ဦးသေဆုံးကာ ၂ ဦး ထိခိုက်ဒဏ်ရာရရှိခဲ့ကြောင်း သိရသည်။ ယနေ့ ဇူလိုင် ၂၃ ရက် ညနေပိုင်း ၅ နာရီခန့်တွင် ပျဉ်းတောဦးကျေးရွာထဲ ၂ နေရာတွင် လက်နက်ကြီးကျည် ကျရောက်ပေါက်ကွဲခဲ့ပြီး ပထမအကြိမ်မှာ ခြံဝန်းထဲ ကျရောက်ပေါက်ကွဲကာ အမျိုးသမီး ၂ ဦး ထိခိုက်ဒဏ်ရာရရှိခဲ့သည်။ ဒုတိယအကြိမ်မှာ နေအိမ်တလုံးပေါ် ကျရောက်ပေါက်ကွဲကာ အသက် ၁၅ နှစ်ဝန်းကျင်ခန့်အရွယ်ရှိသော လူငယ်တစ်ဦး သေဆုံးခဲ့သည်ဟု သိရသည်။ ပျဉ်းတောဦးကျေးရွာသည် ကလေးမြို့မှ ၁၂ မိုင်ခန့်ကွာဝေးပြီး ချင်းလူမျိုးများနေထိုင်သည့် ကျေးရွာဖြစ်သည်။ ယခုလဆန်းဇူလိုင် ၉ ရက်နှင့် ၁၁ ရက်နေ့တုန်းကလည်း ပျဉ်းတောဦးကျေးရွာအနီး လက်ပံချောင်းကျေးရွာတွင် စစ်ကောင်စီတပ်က ပစ်ခတ်သော လက်နက်ကြီး ကျရောက်ပေါက်ကွဲမှုကြောင့် ကလေးငယ် ၆ ဦးနှင့် အမျိုးသား ၂ ဦး ထိခိုက်ဒဏ်ရာရရှိခဲ့သည်။
(006SV) ချင်းပြည်နယ်၊ မရာဒေသ၊ လိုင်လင်းပီမြို့ကို မရာပဋိညာဉ်ပြဌာန်းချက်နှင့်အညီ မြို့ခံလူထုနှင့် ပူးပေါင်းပြီး မြို့စီမံအုပ်ချုပ်ရေးလုပ်ငန်းများ အမြန်ဆုံး အကောင်အထည်ဖော်ဆောင်ရွက်သွားမည်ဟု မရာလဲန်းကာကွယ်ရေးတပ်ဖွဲ့ MDF/ MTC က ပြောသည်။ လိုင်လင်းပီမြို့ကို မရာပဋိညာဉ်အခန်း ၆၊ ကြားကာလအုပ်ချုပ်ရေး၊ ပုဒ်မ ၄၃ ပါ ပြဌာန်းချက်နှင့်အညီ ပြည်သူ လူထုနှင့်ပူးပေါင်း၍ လိုင်လင်းပီမြို့ စီမံအုပ်ချုပ်ရေးကော်မတီကို အမြန်ဆုံးဖွဲ့စည်းကာ မြို့အုပ်ချုပ်ရေးလုပ်ငန်းများ ဆောင်ရွက်သွားမည် ဖြစ် ကြောင်း ဇူလိုင်လ ၂၂ ရက်က MDF က ထုတ်ပြန်လိုက်ခြင်းဖြစ်သည်။ “လိုင်လင်းပီမြို့ အုပ်ချုပ်ရေး ပုံစံကို Mara charter မှာ ဖော်ပြထားတဲ့ အတိုင်းပဲ မြို့နေလူထုတွေနဲ့ ပူးပေါင်း အကောင်ထည်ဖော်လုပ်ဆောင်သွားပါမယ်။ အရင်က မြို့အုပ်ချုပ်ရေး လုပ်ငန်းတွေ ဆောင်ရွက်ထားမှု မရှိသေးတော့ အခုမှ စတင်ဆောင်ရွက်တဲ့သဘောပါ” ဟု MDF အတွင်းရေးမှူး ကိုဓူဝံက ပြောသည်။ မတူပီမြို့နယ် လိုင်းလင်ပီမြို့သည် ချင်းလဲန်းကောင်စီအဖွဲ့ဝင် ချင်းတော်လှန် ရေးတပ်ပေါင်းစုတို့က ပြီးခဲ့သည့်နှစ်ကုန်ပိုင်းက တိုက်ခိုက်သိမ်းပိုက်ခဲ့ကြပြီး ချင်းအမျိုးသားတပ်မတော် CNF/CNA နှင့် CDF – Mara ပူးပေါင်းတပ်တို့က ထိန်းချုပ်ထားခဲ့ကြသည်။ ထိုကဲ့သို့ထိန်းချုပ်ပြီး ၈ လနီးပါးအကြားတွင် မရာလဲန်းကာကွယ်ရေးတပ်ဖွဲ့ (MDF/ MTC) က အာရက္ခတပ်တော် (ULA/AA) အကူအညီဖြင့် ဇူလိုင်လ ၁၆ ရက်နေ့မှာ ပြန်လည်ထိန်းချုပ်ကာ မြို့စီမံအုပ်ချုပ်ရေး လုပ်ငန်းများကို အကောင်အထည်ဖော်ဆောင်ရန် ပြင်ဆင်လာခြင်းဖြစ်သည်။ တစ်ဖက်တွင် လိုင်လင်းပီမြို့မှာ CDF – Mara အဖွဲ့၏…
(006SV) ချင်းပြည်နယ်မြို့တော် ဟားခါးမြို့နှင့် ထန်တလန်မြို့ကြားက စစ်ကောင်စီတပ်စခန်းများကို ချင်းပြည်အစိုးရ ပူးပေါင်း များက ထိုးစစ်ဆင်တိုက်ခိုက်ရာ စစ်စခန်း ၃ ခုကို အပြီးသတ် သိမ်းပိုက်ထားပြီး စစ်စခန်း ၁ ခုကို ဆက်လက် တိုက်ခိုက် နေဆဲ ဖြစ်ကြောင်း ချင်းအမျိုးသားတပ်ဦး CNF/CNA ပြောရေးဆိုခွင့်ရှိသူ ဆလိုင်းထက်နီက ပြောသည်။ “ဟားခါးနဲ့ ထန်တလန်ကြားမှာ စစ်ကောင်စီက တည်ထားတဲ့ တပ်စခန်းငယ်တွေကို ကျနော်တို့ ရှင်းလင်းမှုတွေ လုပ်တာဖြစ်တယ်။ အဲဒီမှာ စခန်းငယ် ၃ ခုက အားလုံး သိမ်းပြီးပြီ။ နောက်တစ်ခုက နည်းနည်းအချက်အချာ ကျတဲ့ စခန်းက အခုက ပစ်ခတ်တိုက်ခိုက်မှုတွေ ရှိနေသေးတယ်” ဟု ဆလိုင်းထက်နီက ပြောသည်။ ဇူလိုင်လ ၂၂ ရက် မနက်ပိုင်းမှ စတင်၍ ဟားခါးမြို့နှင့် ထန်တလန်မြို့ကြားက စစ်ကောင်စီ စစ်စခန်းများကို ချင်းပြည်ကောင်စီ၊ ချင်းပြည်အစိုးရတပ်ဖွဲ့များက တိုက်ခိုက်ခဲ့ခြင်းဖြစ်ကြောင်း သိရသည်။ လက်ရှိတွင် စစ်ကောင်စီတပ်ဖွဲ့သည် ဟားခါးမြို့ဘက်က လက်နက်ကြီးများဖြင့် ပစ်ကူပေးနေပြီး တိုက်ပွဲများ ဆက်လက် ဖြစ်ပွားနေသည့် အော်တိုတောင်ကုန်းပေါ်က အထိုင်ချတပ်စခန်းသို့ စစ်ကူပေးပို့မှုများ ပြုလုပ်နေကြောင်း CNF/CNA မှ ပြောရေးဆိုခွင့်ရှိသူ ဆလိုင်းထက်နီက ပြောသည်။ လက်ရှိ စစ်ဆင်ရေးသည် ဟားခါးမြို့ စစ်ကောင်စီတပ်နှင့် ထန်တလန်မြို့က စစ်ကောင်စီတပ်များအကြား မချိတ်ဆက်နိုင်စေရန် ဖြတ်တောက်ပစ်နိုင်ရန်ဖြစ်ကြောင်း သိရသည်။ “ကျနော်တို့က အဓိက ချင်းပြည်ကနေ စစ်ကောင်စီ ကင်းစင်ရေးက အဓိက လိုအပ်ချက်ပေါ့။ အဲဒီမှာ စစ်ရေးအရ နေရာဒေသအရ ဗျူဟာအရ…
အမျိုးသားကာကွယ်ရေးနှင့် လုံခြုံရေးကောင်စီဆိုင်ရာကိစ္စရပ်များကို လိုအပ်သလို ဆက်လက်ဆောင်ရွက်နိုင်ရန် အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က ယနေ့ ဇူလိုင် ၂၂ ရက်နေ့တွင် ယာယီသမ္မတရာထူးကို လွဲပြောင်းရယူလိုက်သည်ဟု စစ်ကောင်စီက သတင်းထုတ်ပြန်သည်။ ယာယီသမ္မတ ဦးမြင့်ဆွေသည် လက်ရှိကျန်းမာရေးအခြေအနေအရ ဆေးခွင့်ယူ၍ ဆေးကုသမှုခံနေရသည့်အချိန် တာဝန်ဝတ္တရားများ ဆောင်ရွက်ရန် ပျက်ကွက်နေစဉ်နှင့် ယာယီသမ္မတတာဝန် လစ်ဟင်းနေစဉ် ကာလတို့တွင် ယာယီသမ္မတတာဝန်ဝတ္တရားများကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌထံသို့ လွှဲအပ်ဆောင်ရွက်စေမည်ဖြစ်ကြောင်း ယာယီသမ္မတရုံးမှ နိုင်ငံတော်စီမံအုပ်ချုပ်ရေးကောင်စီရုံးသို့ အကြောင်းကြားစာပေးပို့လာခဲ့ကြောင်း သိရသည်။ ထိုသို့ အကြောင်းကြားစာပေးပို့ပြီးနောက် ယနေ့ ဇူလိုင်လ ၂၂ ရက် နံနက် ၁၁ နာရီခွဲတွင် အမျိုးသားကာကွယ်ရေးနှင့် လုံခြုံရေးကောင်စီဆိုင်ရာ ကိစ္စရပ်များ ဆက်လက်ဆောင်ရွက်နိုင်ရန်အလို့ငှာ ယာယီသမ္မတတာဝန်ဝတ္တရားများကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ အာဏာသိမ်းစစ်ခေါင်းဆောင်ထံသို့ လွှဲပြောင်းအပ်နှံခြင်းအား လက်မှတ်ရေးထိုးဆောင်ရွက်ခဲ့ကြောင်း စစ်ကောင်စီက ထုတ်ပြန်သည်။ ယာယီသမ္မတ ဦးမြင့်ဆွေသည် ကျန်းမာရေးအခြေအနေမကောင်းသည့် အတွက် ဆေးကုသမှုခံယူခဲ့ကြောင်း ဇူလိုင် ၁၈ ရက်က စစ်ကောင်စီက ထုတ်ပြန်ခဲ့သည်။ အာဏာသိမ်းစစ်ခေါင်းဆောင်သည် ၂၀၀၈ ဖွဲ့စည်းပုံအခြေခံဥပဒေကို ဆန့်ကျင်ပြီး အရေးပေါ်ကာလကို ၆ လတစ်ကြိမ် သက်တမ်းတိုးလာခဲ့ရာမှာ ဇူလိုင်လ ၃၁ ရက်ဆို သက်တမ်းကုန်ဆုံးတော့မည်ဖြစ်သည်။ အရေးပေါ်ကာလ သက်တမ်းပြည့်ရန် နီးကပ်လာသည့်အချိန်တွင် ကျန်းမာရေးမကောင်းသည့် ယာယီသမ္မတ ဦးမြင့်ဆွေနေရာကို ဗိုလ်ချုပ်မှူးကြီးမင်းအောင်လှိုင်က လွှဲပြောင်းရယူလိုက်ခြင်းဖြစ်သည်။
(002MG) ချင်းကာကွယ်ရေးတပ်ဖွဲ့ CDF-Hakha က ချင်းပြည်နယ် ဟားခါး မြို့မရဲစခန်းကို ဝင်စီးပြီး ကယ်ထုတ်သွားသည့် အကျဉ်းသား ၆၀ ကျော်ထဲတွင် စစ်ခုံရုံးက ထောင်ဒဏ်တစ်သက် ပြစ်ဒဏ်ချမှတ်ခဲ့သော အမျိုးသမီးတစ်ဦးနှင့် CDF တပ်ဖွဲ့ဝင် (၁၃) ဦး ပါဝင်သည်ဟု သိရသည်။ ဟားခါးမြို့ ဝမ္မသူးမောင်းအားကစားကွင်းအထက်နားရှိ နိုင်ငံရေးနှင့်ပတ်သက်ဆက်နွယ်သော ပုဒ်မများဖြင့် ဖမ်းဆီးချုပ်နှောင်ခံရသူများထားရှိသည့် မြို့မရဲစခန်းကို ဇူလိုင်လ ၂၀ ရက် မနက် ၅ နာရီခန့်တွင် CDF-Hakha တပ်ဖွဲ့က ဝင်ရောက်စီးနင်းကာ အကျဉ်းသား ၆၂ ဦး (အမျိုးသမီး ၁၃ ဦးနှင့် အမျိုးသား ၄၉ ဦး) ကို ကယ်ထုတ်ခဲ့ကြသည်။ CDF-Hakha တပ်ဖွဲ့မှ ကယ်ထုတ်သွားသော အကျဉ်းသားအများစုမှာ နိုင်ငံရေးနှင့် ပတ်သက်ဆက်နွယ်သောပုဒ်မဖြင့် ဖမ်းဆီးခံရသော နိုင်ငံရေးအကျဉ်းသားများဖြစ်ကြပြီး ထိုအထဲမှာ စစ်ခုံရုံးက ထောင်ဒဏ်တသက်ချမှတ်ခဲ့သော ချင်းအမျိုးသမီး မဗျက်မွှေဆုန်နှင့် CDF တပ်ဖွဲ့ဝင် ၁၃ ဦးပါဝင်သည်ဟု CDF-Hakha ဥက္ကဌက ပြောသည်။ “မြို့သိမ်းစစ်ဆင်ရေး အကြိမ်ပေါင်း (၁၀၀) ကျော်လုပ်ခဲ့ပြီးပြီ စစ်ကောင်စီအင်အားနည်းအောင် ဆောင်ရွက်မယ်၊ ပြီးရင် အင်အားနည်းလာရင် ဟားခါးသိမ်းမယ်၊ နောက်ဆုံးက ဟားခါးမြို့သိမ်းစစ်ဆင်ရေးလုပ်ဖို့ အကောင်ထည်ဖော်နေတုန်းပေါ့ အဲ့ထဲက မြို့မရဲစခန်းသိမ်းပိုက်ရေးက တခုပါ။ အခု အကျဉ်းသားတွေအားလုံး ထွက်လာနိုင်ခဲ့တယ်၊ အခုတော့ သူတို့အားလုံး လုံခြုံတဲ့နေရာအကုန်ရောက်ပြီ၊ သူတို့ သွားချင်တဲ့နေရာကိုပေါ့” ဟု CDF-Hakha ဥက္ကဌက ပြောသည်။ မဗျက်မွှေဆုန်သည် CDF တပ်ဖွဲများအား ငွေကြေးထောက်ပံ့သည်ဟုဆိုကာ စစ်ကောင်စီက…