(002MG) ချင်းပြည်တောင်ပိုင်း မင်းတပ်မြို့ကို စစ်ကောင်စီက လေကြောင်းမှ ဗုံးကြဲတိုက်ခိုက်မှု ဆက်တိုက်ပြုလုပ်နေပြီး ယနေ့ စက်တင်ဘာလ ၁၉ ရက်နေ့ မနက်ပိုင်းမှာလည်း ပေါင် ၅၀၀ ဗုံးဖြင့် ထပ်မံတိုက်ခိုက်ခဲ့သည်ဟု သိရသည်။ ယနေ့မနက်ပိုင်း ၄ နာရီခန့်တွင် စစ်ကောင်စီက ဂျက်ဖိုက်တာ ၂ စီးဖြင့် ပေါင် ၅၀၀ ဗုံးအပါအဝင် ဗုံးအသေးများဖြင့် လေကြောင်း တိုက်ခိုက်မှု ၄ ကြိမ်ပြုလုပ်သွားခဲ့ပြီး ထိခိုက်ပျက်စီးမှုတချို့လည်းရှိခဲ့သည်ဟု မင်းတပ်မြို့ခံများထံမှ သိရသည်။ မင်းတပ်မြို့ခံတဦးက “မနက်က လေးနာရီကျော်မှာ မြို့ပေါ်အနီးအနားမှာ တောက်လျှောက်ပဲ လာကျဲတာ၊ ရပ်ကွက်ထဲတော့ မကျဘူး၊ ထိခိုက်မူက သေချာမဆက်သွယ်တော့ မသိရသေးဘူး၊ လောလောဆယ်တော့ ကိုယ့်ဘာသာ လုံခြုံအောင်ပုန်းနေတာပဲ၊ သူတို့က လေကြောင်းက တည်နေရာသေချာထောက်ပြီးတော့ ချတယ်ဆိုတော့ အပျက်အစီး၊ အထိအခိုက်ရှိမှာပဲ” ဟု ပြောသည်။ စစ်ကောင်စီ၏ လေကြောင်းတိုက်ခိုက်မှုသည် မင်းတပ်မြို့မှ ၂ မိုင်ခန့်အကွာ ဝဥခြံထဲ ကျရောက်ပေါက်ကွဲသွားသည်ဟုသိရပြီး ထိခိုက်ပျက်စီးမှုအခြေအနေအား မသိရကြောင်း ၎င်းကပြောသည်။ ယမန်နေ့စက်တင်ဘာလ ၁၈ ရက်နေ့ ညပိုင်းကလည်း မင်းတပ်မြို့နယ် တိုက်နယ်အမှတ် ၁ ဘက် မိုင် ၄၀ ကျေးရွာအနီးနားတဝိုက်ကို စစ်ကောင်စီက လေကြောင်းတိုက်ခိုက်မှု ၃ ကြိမ်ပြုလုပ်ခဲ့ပြီး စက်တင်ဘာလ ၁၆ ရက်နေ့ကလည်း မင်းတပ်နှင့် ကျောက်ထုအကြား တစ်နေရာကို ပေါင် ၅၀၀ ဗုံးအပါအဝင် ဗုံးအသေးများဖြင့် တိုက်ခိုက်ခဲ့သည်။ မင်းတပ်မြို့နယ်တွင် မြေပြင်တိုက်ပွဲဖြစ်ပွားခြင်းမရှိဘဲ စစ်ကောင်စီက လေကြောင်းတိုက်ခိုက်မှု ဆက်တိုက်ပြုလုပ်နေခြင်းဖြစ်ပြီး ယခုစက်တင်ဘာလအတွင်းမှာ လေကြောင်းတိုက်ခိုက်မှု…
Author: Editor
|| ဒေသခံထောင်ချီ အခြေခံစားနပ်ရိက္ခာ၊ အမိုးအကာများ လိုအပ်နေ (006SV) ရခိုင်ပြည်နယ်၊ မင်းပြားမြို့နယ်ထဲတွင် ရေကြီးလျှံမှုကြောင့် ချင်းကျေးရွာ ၁၃ ရွာမှ အိမ်ခြေ ၂၆၀ ဝန်းကျင်းမှာ ရေထဲမျောပါပျက်စီးသွားပြီး ထောင်ချီသည့် ဒေသခံများ အရေးပေါ်အကူအညီလိုအပ်နေကြောင်း ရေဘေးကူညီပေးနေသူများထံမှ သိရသည်။ ရာဂီမုန်တိုင်း အရှိန်ကြောင့် မြန်မာနိုင်ငံတဝန်း မိုးသည်းထန်စွာ ရွာသွန်းပြီး ရေကြီးရေလျှံမှုများဖြစ်ပွားခဲ့ရာ စက်တင်ဘာလ ၁၄ ရက်ခန့်က မင်းပြားမြို့နယ်၊ သရွယ်ချောင်း၏ ရေကြီးရေလျှံမှုကြောင့် ချင်းကျေးရွာ ၁၃ ရွာ ထိခိုက်ပျက်စီးဆုံးမှု များပြားခဲ့ကြောင်း ဒေသခံများက ပြောသည်။ “ရွာ ၁၃ ရွာက အိမ်ခြေပေါင်း ၂၆၀ ဟာ ရေနဲ့မျောပါတယ်။ အကုန်လုံးက ရေနဲ့ ခြံငုတ်တိုင်ကနေနှုတ်ပြီးမှ မျောပါသွားတဲ့ အိမ်ခြေကို ပြောတာပါ။ ရွာမှာ ကျန်ရှိတဲ့ ယိုင်တဲ့အိမ်တွေ၊ အနည်းငယ်ပျက်စီးသွားတဲ့အိမ်တွေကို ပြောတာမဟုတ်ပါဘူး” ဟု ရေးဘေးကူညီနေသူ ဒေသခံတစ်ဦးက ပြောသည်။ ချင်းကျေးရွာ ၁၃ ရွာတွင် အိမ်ခြေပေါင်း ၇၅၇ အိမ် ရှိခဲ့ရာတွင် အိမ်ခြေ ၂၆၀ ခန့်သည် ရေဖြင့်မျောပါပျက်စီးသွားပြီး အိမ်များ ယိုင်လဲပျက်စီးနေသော အိမ်များလည်း ရှိနေသေးကြောင်း သိရသည်။ ရေဖြင့် မျောပါပျက်စီးသွားသော အိမ်များမှာ အိမ်ခြေ ၈၂ အိမ်ရှိသည့် ကိုင်းကြီးရွာတွင် ၁၂ အိမ်၊ အိမ်ခြေ ၁၄၇ အိမ်ရှိသည့် ပြင်းမကျေးရွာ (ရွာကြီး) တွင် ၃၅ အိမ်၊ အိမ်ခြေ ၃၇ အိမ်ရှိသည့် ပြင်းမရွာငယ်တွင် ၉…
(002MG)စစ်ကိုင်းတိုင်း၊ ကလေးမြို့မှ ချင်းတောင်သို့တက်သည့် ခရီးသည်တင်ကားနှင့် ကုန်တင်ကားများကို ဆန်နှင့် ရိက္ခာများသယ်ယူခွင့်ကို စစ်ကောင်စီတပ်က ဆက်လက်ပိတ်ပင်ထားသည်ဟု သိရသည်။ ကလေးမြို့အထွက် တက္ကသိုလ်မုဒ်ဦးအနီးရှိ စစ်ကောင်စီ၏ ၈ မိုင်စစ်ဆေးရေးဂိတ်ကနေ ပြီးခဲ့သည့် ဩဂုတ်လ ၂၀ ရက်နေ့ကစ၍ ယနေ့ချိန်ထိ ကလေးမြို့မှ ချင်းပြည်နယ်မြောက်ပိုင်း ဟားခါး-ဖလမ်း-တီးတိန်-ရိခေါဒါရ်မြို့သို့ ပြေးဆွဲနေသော မော်တော်ယာဉ်များကို ဆန်နှင့် အခြားသောရိက္ခာများ သယ်ယူခွင့်ပိတ်ပင်ထားခြင်းဖြစ်သည်။ ထို့အပြင် ကလေးမြို့အစပ် ချင်းပြည်နယ် ခိုင်ကမ်းမြို့သို့လည်း ဆန်ကို အိတ်လိုက်ဖြင့် သယ်ယူခွင့်ပိတ်ထားသည်ဟု ခိုင်ကမ်းမြို့က အိမ်ရှင်မတစ်ဦးကပြောသည်။ “ပြီးခဲ့တဲ့အပတ်က ကျမဆိုရင် ကလေးမြို့ထဲကနေ ဆန် ၁အိတ်ဝယ်ပြီး သယ်တာ ၈ မိုင်ဂိတ်ရောက်တော့ စစ်သားတွေက ဆန်အိတ်အပြည့်မသယ်ခိုင်းဘူး၊ အိမ်မှာ ဘယ်နှစ်ယောက်ရှိလဲမေးတယ်၊ လူဦးရေအပေါ်မူတည်ပြီးတော့ သယ်ရတယ်။ အဲ့လိုလုပ်တော့ လိုသလောက် သိုလှောင်ဖို့အထိတောင် အခက်တွေ့လာတယ်” ဟု ခိုင်ကမ်းမြို့ခံက ပြောသည်။လက်ရှိတွင်လည်း ကလေးမြို့မှ ချင်းပြည်နယ်မြောက်ပိုင်းသို့ နေ့စဉ် ခရီးသည်တင်နှင့် ကုန်တင်ကားများ ပုံမှန်ရှိသော်လည်း ဆန်၊ အီလက်ထရောနစ်ပစ္စည်းနှင့် ယောကျာ်းစီးဖိနစ်များ သယ်ယူခွင့်မပြုကြောင်း ကလေး-ရိ ယာဉ်လိုင်းပြေးဆွဲနေသူတစ်ဦးကပြော ည်။”ကားတွေက ပုံမှန်သွားလာလို့ရတယ် တညအိပ်ပါပဲ။ အခုထိ တရားဝင်တော့ ဆန်တွေသယ်လို့ မရသေးဘူး၊ ပြီးရင် ယောကျ်ားဖိနပ်တွေ၊ အီလက်ထရောနစ်ပစ္စည်းတွေ၊ ဆန်တွေ သယ်လို့မရသေးဘူး” ဟု ၎င်းက ပြောသည်။ကလေးမြို့မှ အိန္ဒိယ-မြန်မာနယ်စပ် ရိခေါဒါရ်မြို့အထိ ယာဉ်စီးခမှာ လူတစ်ဦးလျှင် (၂) သိန်းကျပ်ရှိသည်ဟု သိရသည်။ယခုကဲ့သို့ ကလေးမြို့မှ ဆန်များသယ်ယူခွင့် ပိတ်ပင်ထားသည့်အတွက် တီးတိန်မြို့ပေါ်တွင် ကုန်ဈေးနှုန်းများလည်း မြင့်တက်လာနေသည်ဟု တီးတိန်မြို့ဒေသခံက ပြောသည်။တီးတိန်မြို့ခံက…
(005MK) အိန္ဒိယနိုင်ငံအရှေ့မြောက်ဒေသ ချင်းပြည်နယ်နှင့် ထိစပ်နေသော မီဇိုရမ်ပြည်နယ်မှာ HIV ရောဂါပိုးကူးစက်ခံရသူ လူပေါင်း ၃ သောင်းကျော်တွေ့ရှိထား ပြီဟု သိရသည်။ မီဇိုရမ်ပြည်နယ် အိုင်ဇောလ်မြို့တွင် စက်တင်ဘာလ ၁၇ ရက်နေ့က ကျင်းပပြုလုပ်ခဲ့ကြသော Mizoram Legislative Forum on HIV/AIDS အခမ်းအနားတွင် မီဇိုရမ်ပြည်နယ်၏ HIV ရောဂါကူးစက်ပြန့်ပွားမှုအခြေအနေအား ဆွေး နွေးခဲ့ကြရာမှာ ၁၉၉၀ ခုနှစ်မှ ၂၀၂၄ ခုနှစ် ဩဂုတ်လအထိ HIV ပိုးရောဂါကူးစက်ခံရသူ ၃၁၄၆၁ ဦးတွေ့ရှိပြီဖြစ်ကြောင်း သိရသည်။ မီဇိုရမ်ပြည်နယ်အစိုးရအဖွဲ့ သတင်းအချက်အလက်နှင့် ပြည်သူ့ဆက်ဆံရေး ညွှန်ကြားရေးမှူးရုံး၏ ဖော်ပြထားချက်အရ ၁၉၉၀ ခုနှစ်မှ ၂၀၂၄ ဩဂုတ်လအထိ မီဇိုရမ်ပြည်နယ်မှာ HIV ပိုးကူးစက်ခံရသူ ၃၁၄၆၁ ဦးရှိသည့်အနက် ၂၅၄၁ ဦးမှာ ကိုယ်ဝန်သည်မိခင်များထံမှ တွေ့ရှိခြင်းဖြစ်သည်ဟု ဖော်ပြထားသည်။ ယခုလက်ရှိတွင် HIV ပိုးကူးစက်ခံရပြီး ART ဆေးသောက်သုံးမှီဝဲနေသူ ၁၆၆၆၁ ဦးရှိပြီး HIV ရောဂါကြောင့် သေဆုံးသူ ၅၂၇၇ ဦးရှိပြီဟု ဖော်ပြထားသည်။ HIV ပိုးကူးစက်ခံရမှုအများဆုံးမှာ အကာအကွယ်မပါဘဲ လိင်ဆက်ဆံခြင်းမှဖြစ်ပြီး HIV ပိုးတွေ့ရှိမှုအရေအတွက် စုစုပေါင်း၏ ၆၃.၉၃ ရာခိုင်နှုန်းရှိသည်ဟု ဆိုသည်။ ဆေးထိုးအပ်ကတဆင့် ကူးစက်ခံရသူအရေအတွက်သည်လည်း ၃၀.၈၀ ရာခိုင်နှုန်းထိရှိသည်ဟုဖော်ပြထားသည်။ မီဇိုရမ်ပြည်နယ်တွင် HIV ပိုးရှိမရှိ အခမဲ့စစ်ဆေးနိုင်သည့်နေရာ ၃၉ ခုရှိပြီး ရောဂါပိုးကူးစက်ခံရသူများ ကုသသည့် ART Center ၁၄ ခုရှိသည်ဟုသိရသည်။ HIV ပိုးရောဂါသည်များအနက် ART…
(006SV) အပူပိုင်းမုန်တိုင်းငယ်၏ လေပွေလှိုင်းကြောင့် ချင်း အပါအဝင် တိုင်းနှင့်ပြည်နယ် ၁၂ ခုတွင် ယခု စက်တင်ဘာ ၂၁ ရက်မှ ၂၅ ရက်အထိ နေရာအနှံ့အပြား မိုးထစ်ချုန်းရွာနိုင်ပြီး သဘာဝဘေးအန္တရာယ်များ သတိပြုကြရန် စစ်ကောင်စီ မိုးဇလဌာနက အထူးမိုးလေဝသသတင်းအဖြစ် သတိပေးထုတ်ပြန်သည်။ တောင်တရုတ်ပင်လယ်ပြင်မှ အပူပိုင်းမုန်တိုင်းငယ်သည် ပိုမိုအားကောင်းလာပြီး စက်တင်ဘာလ ၂၀ ရက်တွင် ဗီယက်နမ်နိုင်ငံ ကုန်းတွင်းပိုင်းဒေသများကို ဖြတ်၍ စက်တင်ဘာလ ၂၁ ရက်တွင် မြန်မာနိုင်ငံ အရှေ့ပိုင်း ဒေသများကို စတင်ရောက်ရှိလာမည်ဖြစ်ကြောင်း စက်တင်ဘာလ ၁၇ ရက်က ထုတ်ပြန်သည်။ လေပွေလှိုင်း၏ အရှိန်ကြောင့် စက်တင်ဘာလ ၂၁ ရက်မှ ၂၅ရက်အတွင်း နေပြည်တော်၊ မန္တလေး၊ မကွေး၊ ပဲခူး၊ ရန်ကုန်၊ ဧရာဝတီ၊ တနင်္သာရီ၊ ရှမ်း၊ ချင်း၊ ရခိုင်၊ ကရင်နီ၊ ကရင်နဲ့ မွန်ပြည်နယ်တို့တွင် နေရာအနှံ့အပြား မိုးထစ်ချုန်းရွာသွန်းနိုင်ကြောင်း သိရသည်။ အချို့ဒေသများတွင် ဒေသအလိုက် မိုးကြီးခြင်း၊ နေရာကွက်၍ မိုးကြီးခြင်း၊ လေပြင်းတိုက်ခတ်ခြင်းများ ဖြစ်ပေါ်နိုင်ကြောင်း စစ်ကောင်စီ၊ မိုးဇလက ထုတ်ပြန်သည်။ ယင်းအပူပိုင်း မုန်တိုင်းငယ်၏ အကြွင်းအကျန် တိမ်တိုက်နှင့် လေပွေလှိုင်းများသည် မြန်မာနိုင်ငံကို ဖြတ်ကျော်ပြီးနောက် ဘင်္ဂလားပင်လယ်အော်တွင် လေဖိအားနည်း ရပ်ဝန်းအဖြစ်သို့ ပြန်လည် အစပျိုးအားကောင်းလာနိုင်ကြောင်းသိရသည်။ မိုးသည်းထန်စွာ ရွာသွန်းခြင်းနှင့်အတူ လေပြင်းတိုက်ခတ်ခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်း စသည့် သဘာဝဘေးအန္တရာယ်များ ဖြစ်ပေါ်နိုင်ကြောင်း၊ ကုန်းမြင့်ဒေသအနီး နေထိုင်သူများအနေဖြင့် မြေပြိုမှုအန္တရာယ်နှင့် မြစ်၊ ချောင်းငယ်များအနီး နေထိုင်ကြသူများအနေဖြင့်…
(004 SS) ချင်းပြည်နယ် ထန်တလန်မြို့ပေါ်က စစ်ကောင်စီ အမာခံတပ်စွဲထားသော Lai Villa တည်းခိုခန်းကို ချင်းလဲန်းကောင်စီ/ ချင်းပြည်အစိုးရတပ်ဖွဲ့က ယမန်နေ့ညနေပိုင်းက အပြီးသတ် သိမ်းပိုက်လိုက်သည်ဟု သိရသည်။ ထန်တလန်မြို့ထဲ ဒုတိယအမြင့်ဆုံးတောင်ကုန်းနေရာမှာတည်ရှိသော Lai Villa တည်းခိုခန်းမှာ စစ်ကောင်စီတပ်ဖွဲ့များသည် အခိုင်အမာခြေကုပ်ယူတပ်စွဲထားကြပြီး ချင်းပြည်အစိုးရတပ်ဖွဲ့က ဒရုန်း၊ လက်နက်ကြီးများဖြင့် အပြင်းအထန် ထိုးစစ်ဆင်တိုက်ခိုက်ခဲ့ပြီးနောက် စက်တင်ဘာလ ၁၇ ရက်နေ့ညနေပိုင်းမှာ အပြီးသတ်သိမ်းပိုက်ခဲ့ကြခြင်းဖြစ်သည်ဟု ချင်းအမျိုးသားတပ်ဦး CNF ပြောရေးဆိုခွင့်ရှိသူ ဆလိုင်းထက်နီကပြောသည်။ “စက်တင်ဘာလ ၁၆ ရက်မှာ စစ်ခွေး ၃ ယောက် လက်နက် ၄ လက်နဲ့ ကျနော်တို့ဆီပူးပေါင်းလာတယ် အဲဒီပြီးခါမှ မနေ့ ကကျနော်တို့ကသွားချဉ်းကပ်ပြီးတော့ ဒရုန်တွေနဲ့ဗုံးကြဲတော့ သူတို့ဆုပ်သွားတယ် ကျနော်တို့ သေနတ် ၅ လက် လောက်ပြန်ရတယ် အခုလိုင်ဗီလာက ကျနော်တို့ကစိုးမိုးထားတယ်” ဟု ဆလိုင်းထက်နီကပြောသည်။ လိုင်ဗီလာတည်းခိုခန်းရှိသည်နေရာသည် ထန်တလန်မြို့ထဲက စစ်ကောင်စီတပ်စခန်း ၂၆၉ တပ်ကုန်းပြီးရင် ဒုတိယ အမြင့်ဆုံး တောင်ကုန်ဖြစ်ပြီး စစ်ရေးဗျူဟာအရ အချက်အချာကျသည့် နေရာဖြစ်ကြောင်းသိရသည်။ လိုင်ဗီလာကို မသိမ်းပိုက်ခင်တရက်အလို စက်တင်ဘာလ ၁၆ ရက်နေ့က စစ်ကောင်စီတပ်သား ၃ ယောက်သည် လက်နက် ၄ လက်၊ ခဲယမ်းများနှင့် အတူ ချင်းပြည်အစိုးရတပ်ဖွဲ့ထံ အလင်းဝင်ရောက်ခဲ့ကြသည်။ ချင်းလဲန်းကောင်စီ/ချင်းပြည်အစိုးရတပ်ဖွဲ့အနေဖြင့် ထန်တလန်မြို့သိမ်းပိုက်နိုင်ရေး Tilim Operation-4 စစ်ဆင်ရေး ကို ဇူလိုင်လ ၂၂ ရက်နေ့ကစတင်ခဲ့ပြီး ထန်တလန်မြို့ပေါ်က ခလရ ၂၆၉ တပ်ကုန်းအပါအဝင် ဟားခါး- ထန်တလန်…
|| အာဏသိမ်း ၄ နှစ်နီးပါးခန့်တွင် ဆန်ဈေးမှာ ၆ ဆနီးပါးနှင့် တခြားကုန်စည်ဈေးနှုန်းမှာ ၄ ဆ ခုန်တက်သွား (006SV) စစ်ကောင်စီ၏ ကန့်သတ်ပိတ်ဆို့မှုနှင့် လမ်းပန်းဆက်သွယ်ရေးခက်ခဲမှုကြောင့် ချင်းပြည်နယ်၏ ဒေသတချို့တွင် ကြက်ဥ ၁ လုံးကို ၁၀၀၀ ကျပ်ခန့်ဖြင့် ဈေးပေါက်နေပြီး စစ်အာဏာသိမ်းပြီး ၄ နှစ်နီးပါးအကြာတွင် ဆန်ဈေးမှာ ၆ ဆနီးပါးနှင့် အခြေခံစားသောက် ကုန်ဈေးနှုန်းမှာ ၄ ဆနီးပါး တက်သွားကြောင်း သိရသည်။ ချင်းပြည်နယ် ထန်တလန်မြို့နယ်က ကျေးရွာတချို့တွင် ကြက်ဥ ၁ လုံးကို တစ်ထောင်ကျပ်၊ ဆန်တစ်အိတ်လျှင် ၂ သိန်းကျပ်အထိရှိနေကြောင်း ဒေသခံများနှင့် ကုန်စုံဆိုင်ပိုင်ရှင်တချို့ထံမှ စုံစမ်းသိရှိရသည်။ “ကော်ဖိမက် တစ်ထုတ် ၆၀၀ ကျပ်၊ အထုတ်ကြီး တစ်ထုတ်က တစ်သောင်း ၈ ထောင်ကျပ်။ ကြက်ဥ တစ်လုံးကို တစ်ထောင်ကျပ်။ ပြီးခဲ့တဲ့ ဩဂုတ်လတုန်းက အရင်က တစ်လုံးကို ငါးရာ။ လေးလုံးကို နှစ်ထောင်ပါ။ ၃ လုံးကိုနှစ်ထောင်ရှိပါတယ်။ ဟားခါးကနေ ပစ္စည်းမှာတယ်ဆိုရင် လွယ်လွယ်နဲ့ သွားလာလို့ မရဘူး။ အခုက ထန်တလန်က စစ်တိုက်နေတော့ တခြားနေရာကနေ ပတ်သွားရ တယ်။ အခုတလောက မိုးတအား ရွာတော့ လမ်းတွေ တအားကြမ်းတယ်” ဟု ထန်တလန်မြို့နယ် ကျေးရွာတစ်ရွာမှ ကုန်စုံဆိုင်ရှင်တစ်ဦးက ပြောသည်။ အာဏာမသိမ်းမီက ချင်ပြည်နယ်တွင် ကာနန်ဧရာမင်း ဆန်တစ်အိတ်လျှင် ၃၅၀၀၀ ကျပ်ရှိခဲ့ရာ လက်ရှိတွင် ကျပ် ၂ သိန်း…
(005MK) မီဇိုရမ်ပြည်နယ် အိုင်ဇောလ်မြို့တွင် မှုခင်းစုံစမ်းစစ်ဆေးရေးအထူးဌာနခွဲ (CID-SB) အဖွဲ့က ယမန်နေ့ညက မြန်မာနိုင်ငံသား ၂ ဦးထံမှ ဘိန်းဖြူနှင့် စိတ်ကြွဆေးအများအပြား ဖမ်းဆီးရမိခဲ့သည်ဟု သိရသည်။ မီဇိုရမ်ရဲတပ်ဖွဲ့၏ ထုတ်ပြန်ချက်အရ CID-SB အဖွဲ့က ကြိုတင်သတင်းရရှိထားချက်အရ စက်တင်ဘာလ ၁၆ ရက်ည ၁၀ နာရီခန့်တွင် အိုင်ဇောလ်မြို့အနီး Hualngohmun နေရာတွင် အိမ်စီးကား ၂ စီးကို ရပ်တန့်စစ်ဆေးရာတွင် ဘိန်းဖြူနှင့် စိတ်ကြွဆေးများကို ဖမ်းဆီးခဲ့ခြင်းဖြစ်သည်ဟု သိရသည်။ အဆိုပါကား ၂ စီးကို ရှာဖွေစစ်ဆေးရာတွင် ကားတံခါးထဲမှာ ဝှက်ထားသော ဘိန်းဖြူ ၈၁၄ ဂရမ် (ဆပ်ပြာဖူး ၆၈ ဖူး) နှင့် စိတ်ကြွဆေးပြား ကီလိုဂရမ် ၄၀ (အထုတ်ပေါင်း ၄၀) ကို ဖမ်းဆီးရမိခဲ့သည်ဟု သိရသည်။ အဆိုပါ မူးယစ်းဆေးဝါးများနှင့်အတူ ယာဉ်မောင်း ၂ ဦးဖြစ်သည့် ချင်းပြည်နယ် ရိခေါဒါရ်မြို့ အမှတ် ၂ ရပ်ကွက် (Tiau-Khawmawi) တွင် နေထိုင်ကြသော အသက် ၂၆ နှစ်အရွယ် Lalthansiama နှင့် အသက် ၂၃ နှစ်အရွယ် Zoremmawia တို့ကိုလည်း ဖမ်းဆီးခဲ့သည်ဟု ဖော်ပြထားသည်။ နောက်ထပ်ကားတစ်စီးကိုလည်း ရပ်တန့်စစ်ဆေးရန်လုပ်နေစဉ်မှာ မောင်းပြေးသွားသည့်အတွက် လိုက်လံရှာဖွေကြရာမှာ ယနေ့မနက်ပိုင်း ၁ နာရီခန့်တွင် Zuangtui ရပ်ကွက်တွင် ဖမ်းမိပြီး ရှာဖွေစစ်ဆေးရာမှာ ဘိန်းဖြူ ၂.၂၈၄ ကီလိုဂရမ် (ဆပ်ပြာဖူး ၁၉၆ ဖူး) ကို ထပ်မံဖမ်းဆီးရမိခဲ့သည်ဟု…
(002MG) ချင်းပြည်နယ်၊ မင်းတပ်မြို့ နှင့် မကွေးတိုင်း ကျောက်ထုမြို့ကြားတနေရာကို စစ်ကောင်စီက စက်တင်ဘာ ၁၆ ရက် ည ၇ နာရီဝန်းကျင်တွင် လေကြောင်းဖြင့်ဗုံးကြဲတိုက်ခိုက်မှုပြုလုပ်ခဲ့သည်ဟု သိရသည်။ စစ်ကောင်စီက ဂျက်ဖိုက်တာ ၂ စီးဖြင့် ပေါင်း ၅၀၀ ဗုံးနှင့် ဗုံးအသေးများအသုံးပြုကာ လေကြောင်းတိုက်ခိုက်သွား ခြင်းဖြစ်ပြီး ထိခိုက်ပျက်စီးမှုအခြေအနေမသိရှိရကြောင်း မင်းတပ်မြို့ခံတဦးကပြောသည်။ “မနေ့ညကတော့ လာတယ်မင်းတပ်မြို့ထဲတော့မဟုတ်ဘူး၊ မင်းတပ်နဲ့ကျောက်ထုကြား အရှေ့ဖက်မြို့ပြင်မှာ၊ ထိခိုက်ပျက်စီးမှုတော့ မသိရသေးဘူး” ဟု မင်းတပ်မြို့ခံက ပြောသည်။ ယနေ့ မွန်းလွဲပိုင်း ၂ နာရီဝန်းကျင်တွင်လည်း မင်းတပ်မြို့အနောက်ဘက်၊ ဘုရင့်နောင်လမ်းခွဲဖက်တွင် CDF- မင်းတပ်နှင့် စစ်ကောင်စီတပ်ဖွဲ့တို့ နာရီဝက်အကြာ ပစ်ခတ်မှုရှိခဲ့ပြီး ဖြစ်စဉ်အသေးစိတ်အခြေအနေတော့ မသိရှိကြောင်း မင်းတပ်မြို့ခံတစ်ဦးကပြောသည်။
(005MK) အိန္ဒိယ-မြန်မာအမှတ် ၂ နယ်စပ်ကုန်သွယ်ရေးကို အိန္ဒိယဗဟိုအစိုးရက ဖွင့်မပေးသေးသည့်အတွက် ယနေ့ချိန်ထိ မြန်မာဘက်က ကုန်ပစ္စည်းများ မီဇိုရမ်ပြည်နယ်ဘက်သို့ သယ်ယူပို့ဆောင်၍မရသေးကြောင်း သိရသည်။ အိန္ဒိယ-မြန်မာနယ်စပ် ရိ-ဇိုခေါထာရ် နယ်စပ်ကုန်သွယ်ရေးလမ်းကြောင်းကတဆင့် မြန်မာဘက်က ကွမ်းသီးခြောက်များ မီဇိုရမ်ပြည်နယ်ဘက်ကို တရားမဝင် ကူးသန်းရောင်းဝယ်မှုရှိသည်ဟုဆိုကာ ဗဟိုစုံစမ်းစစ်ဆေးရေးအဖွဲ့ CBI က သွားရောက်စုံစမ်းမည်ဆိုသော အကြောင်းပြချက်ဖြင့် ပြီးခဲ့သည့် ဇူလိုင်လ ၂၅ ရက်နေ့ကတည်းက နယ်စပ်ကုန်သွယ်ရေးကို အိန္ဒိယဘက်က ပိတ်ထားခဲ့ခြင်းဖြစ်သည်။ ဗဟိုစုံစမ်းစစ်ရေးအဖွဲ့ CBI တာဝန်ရှိသူများ ပြီးခဲ့သည့် ဩဂုတ်လဆန်းပိုင်းက နယ်စပ်ကုန်သွယ်ရေးအခြေစိုက်ရာ ဇိုခေါထာရ်ကျေးရွာနှင့် ကျန်ဖိုင်းမြို့သို့ ကွင်းဆင်းလေ့လာခဲ့ပြီးနောက် ပြန်သွားကြပြီဖြစ်သော်လည်း နယ်စပ်ကုန်သွယ်ရေးမှာ ယနေ့ချိန်ထိ ဆက်လက်ပိတ်ပင်ထားသည့်အတွက် နယ်စပ်နေပြည်သူများ အခက်အခဲများနှင့် ရင်ဆိုင်ကြုံတွေ့နေရသည်ဟု ဇိုခေါထာရ် ကျေးရွာအုပ်ချုပ်ရေးမှူး ပူးလာလ်မွန်ပွီးယာက ပြောဆိုကြောင်း All India Radio News က ဖော်ပြသည်။ အဆိုပါကိစ္စနှင့်ပတ်သက်၍ ဒေသတွင်းလွှတ်တော်အမတ် Lt. Col. Lalhmingthanga ထံတင်ပြခဲ့ကြပြီး လွှတ်တော်အမတ်ကလည်း နယ်စပ်ကုန်သွယ်ရေးကို ယခင်ကလို ပြန်လည်ဖွင့်ပေးရန် အကောက်ခွန်ဦးစီးဌာန နှင့် အာသံရိုင်ဖယ်တပ်ဖွဲ့ထံ တင်ပြတောင်းဆိုပေးခဲ့သော်လည်း လက်မခံခဲ့ကြကြောင်း ဇိုခေါထာရ် ကျေးရွာအုပ်ချုပ်ရေးမှူးက ပြောသည်။ ထိုကဲ့သို့အခြေအနေကြောင့် မြန်မာကုန်ပစ္စည်းများ မီဇိုရမ်ပြည်နယ်ဘက်သို့ အဝင်မရှိတော့သည့်အတွက် ဇိုခေါထာရ် ကျေးရွာနှင့် အနီးတဝိုက်ကကျေးရွာအတော်များများမှာလည်း ကုန်ပစ္စည်းများ ပြတ်လပ်လုနီးပါးဖြစ်နေပြီး ရှိသည့်ပစ္စည်းများကလည်း ဈေးနှုန်းမြင့်တက်နေသည်ဟုသိရသည်။ ထို့အပြင် နယ်စပ်ကုန်သွယ်ရေးကို အမှီပြုပြီး ကုန်တင်ကုန်ချအဖြစ် အသက် မွေးဝမ်းကျောင်းပြုနေကြသော ဒေသခံ အယောက် ၅၀၀ ဝန်းကျင်မှာလည်း အလုပ်လက်မဲ့ဖြစ်ကုန်ကြ၍ စားဝတ်နေရေးပိုင်းမှာ အခက်အခဲဖြစ်နေကြသည်ဟု…