(006SV) ချင်းပြည်နယ်တောင်ပိုင်း၊ ပလက်ဝမြို့နယ်အတွင်း ကျေးရွာ ၃ ရွာက လူငယ်အမျိုးသား၊ အမျိုးသမီး ၄၀ နီးပါးကို Khumi People Front – KPF (ခူမီးတပ်မတော်)/ Khumi National Congress Party – KNCP ဟူ၍ အသစ်ဖွဲ့စည်း ထားသော ခူမီးလက်နက်ကိုင်အဖွဲ့တစ်ခုက ခေါ်ဆောင်သွားကြောင်း ပလက်ဝဒေသခံတချို့ထံမှ သိရသည်။ ဇွန်လ ၂ ရက် ညဉ့်နက်ချိန်တွင် ပလက်ဝမြို့နယ်၊ ဥဿလင်းချောင်းတစ်လျှောက်မှ သာယာကုန်းကျေးရွာ၊ ကျောက် ပလ္လင်ကျေးရွာ၊ ဆတလိုင်ဝကျေးရွာတို့က အသက်မပြည့်သေးသူများအပါအဝင် လူငယ်အမျိုးသား၊ အမျိုးသမီးများကို ခူမီးတပ်မတော် KPF/ KNCP က ခေါ်ဆောင်သွားခြင်းဖြစ်သည်ဟု သိရသည်။ “၂ ရက်နေ့ သန်းခေါင်ယံမှာ အဲဒီ ရွာ ၃ ရွာကို တစ်အိမ်တက်၊ တစ်အိမ်ဆင်း ဝင်စီးတာပါ။ သူတို့ရဲ့ စစ်မှုထမ်းဖို့အတွက် ခေါ်တာပါ။ စာရင်းတွေ အကုန်ကောက်သွားတယ်။ စာရင်းကောက်သွားတဲ့ လူတွေကိုလည်း နောက်တကြိမ် ပြန်လာ ခေါ်မယ် ပြောတယ်။ သူတို့ ဖွဲ့စည်းတာကလည်း မကြာသေးဘူးဆိုတော့ ဒီလိုတပ်သားစုဆောင်းမှုက ပထမဦးဆုံး လုပ်လာတယ် ထင်တယ်။ အခု ကျန်တဲ့ ကလေးတွေကို ဘယ်မှ ထွက်ခွင့်မပေးဘူး။ သူတို့ ထွက်သွားရင် အိမ်မှာ ကျန်တဲ့ မိဘတွေကို သူတို့ ခေါ်မယ် ပြောပါတယ်။ ပြီးရင် အိမ်ထောင်ရှင်တွေက အစ၊ နာမည်စာရင်းတွေ ယူသွားတာ ရှိတယ်” ဟု ပလက်ဝဒေသခံတစ်ဦးက ပြောသည်။ သာယာကုန်းကျေးရွာမှ ၂၀…
Author: Editor
(004SS) မလေးရှားနိုင်ငံသို့ သွားရောက်ရန် ထိုင်းနိုင်ငံတစ်နေရာတွင် အသက်ရှူကျပ်ကာ ကွယ်လွန်သွားခဲ့သည့် ချင်းလူငယ် Tg. Pau Lam Kim (ခ) Kimno ၏ သူငယ်ချင်း ၃ ဦးသည် ယနေ့တွင် ကလေးမြို့ရှိ မိသားစုများထံသို့ ဘေးကင်းစွာ ပြန်လည်ရောက် ရှိသွားပြီဖြစ်ကြောင်း သိရသည်။ ၎င်းတို့ ၃ ယောက်သည် ယနေ့ဇွန်လ ၅ ရက်နေ့တွင် ကလေးမြို့ လေဆိပ်သို့ ရောက်ရှိလာကြပြီး စိန့်ပီတာ Munlai ရိုမန်ကက်သလစ် အသင်းတော်မှ တာဝန်ရှိသူများနှင့် အသင်းသူ၊ အသင်းသားများက နွေးထွေးစွာဖြင့် သွားရောက် ကြိုဆိုခဲ့ကြောင်း မိသားစုဝင်အမျိုးသမီးတစ်ဦးထံမှ သိရသည်။ “ကလေးမြို့ကို ဒီနေ့ ဘေးကင်းကင်းနဲ့ ပြန်ရောက်ပါပြီ။ ဒီအထိ ဘေးရန်ကင်းကင်းနဲ့ ပို့ဆောင်ပေးတဲ့ ဘုရားသခင်ရဲ့ နာမတော်ကို ချီးမွမ်းပါတယ်။ လေဆိပ်အထိ လာရောက်ကြိုဆိုပေးကြတဲ့ စိန့်ပီတာ Munlai ကက်သလစ်အသင်းတော်ကို လည်း အထူးပဲ ကျေးဇူးတင်ပါတယ်။ ဘုရားသခင်က အားလုံးအပေါ် ကောင်းချီးပေးပါစေ” ဟု မိသားစုဝင်အမျိုးသမီး တစ်ဦးက ဖော်ပြထားသည်။လွန်ခဲ့သော ရက်ပေါင်း ၅၀ ကျော်ခန့်က ကွယ်လွန်သူ Tg. Pau Lam Kim အပါအဝင် သူငယ်ချင်း ၄ ဦးသည် မလေးရှား နိုင်ငံသို့ သွားရောက်ရန် ထိုင်းနိုင်ငံကို ဖြတ်ကျော်လာစဉ် ကားပေါ်၌ လူပြည့်ကျပ်ပြီး အသက်ရှူမဝဖြစ်ကာ Tg. Pau Lam Kim မှာ ဆုန်ကလာခရိုင်အတွင်း သေဆုံးသွားခဲ့ပြီး ကျန်တစ်ဦးမှာ သတိလစ်ခဲ့ရသည်။ သတိလစ်သွားသူအား…
“ဆန်အိုးထဲမှာ ဒီနေ့ချက်ဖို့ ဆန်မရှိဘူး…” မနက်ခင်း နိုးထလာတိုင်း စိတ်ထဲ လေးလံနေသလို အိမ်ရှင်မတစ်ဦးရဲ့ တီးတိုးညည်းညူသံလေးဟာ အိန္ဒိယ-မြန်မာနယ်စပ်က ယာယီတဲအိမ်လေးတစ်ခုထဲကနေ ပျံ့လွင့်လို့လာပါတယ်။ အဲ့လိုညည်းတွားနေသူကတော့ စစ်ကိုင်းတိုင်း၊ ကလေးမြို့နယ်၊ စက္ကန့်ကျေးရွာကနေ စစ်ဘေးတိမ်းရှောင်လာရတဲ့ အသက် ၄၀ ကျော်အရွယ် မိခင် ဒေါ်ကီနူး (အမည်လွှဲ) ပဲ ဖြစ်ပါတယ်။ ချင်းလူမျိုးတွေ အေးအေးချမ်းချမ်း နေထိုင်ခဲ့ကြတဲ့ စက္ကန့်ကျေးရွာလေးဟာ စစ်ကောင်စီတပ်နဲ့ ချင်းကာကွယ်ရေးတပ်ဖွဲ့တွေရဲ့ မြေပြင်တိုက်ပွဲတွေဖြစ်လာခဲ့ပြီးနောက်… ၂၀၂၂ ခုနှစ်မှာတော့ ဒေါ်ကီနူးတို့ မိသားစုဟာလည်း စစ်မီးလျှံတွေကို ကျောခိုင်းပြီး အိန္ဒိယနိုင်ငံ၊ မီဇိုရမ်ပြည်နယ်ဘက်ကို အရဲစွန့် ထွက်ပြေးခဲ့ကြရပါတော့တယ်။ အဲ့ဒီအချိန်ကစလို့ မိသားစုဟာ ဒုက္ခပေါင်းစုံနဲ့ ထိတ်တိုက်ရင်ဆိုင်ခဲ့ရပါတော့တယ်။ မျှော်လင့်ချက် ဝါးထရံအိမ်ကလေးများနှင့် မရေရာသော သုံးပုံတစ်ပုံ မီဇိုရမ်ပြည်နယ်ရဲ့ မြို့တော် အိုက်ဇောလ် (Aizawl) ကနေ ကီလိုမီတာ ၂၀ လောက်ဝေးတဲ့ Tuirial (တွီရီရလ်) ကျေးရွာလေးကို လှမ်းမျှော်ကြည့်ရင် တောင်စောင်းတွေပေါ်မှာ ဆောက်ထားတဲ့ အမိုးအကာ ဝါးထရံလေးတွေနဲ့ အိမ်ကလေးတွေကို အဝေးကတည်းက မြင်နိုင်ပါတယ်။ ဒါဟာ မီဇိုရမ်ပြည်နယ်ထဲက မြန်မာစစ်ဘေးရှောင်စခန်း မြောက်များစွာထဲက တစ်ခုပါ။ ကျောင်းနေအရွယ် ကလေး ၃ ယောက်ရဲ့ မိခင် ဒေါ်ကီနူးတစ်ယောက် ဒီစခန်းမှာ နေထိုင်လာခဲ့တာ အခုဆို ၄ နှစ်ကျော်သွားပါပြီ။ ရောက်ခါစက အလှူရှင်တွေ၊ အသင်းတော်တွေရဲ့ ပုံမှန်ထောက်ပံ့မှုကြောင့် ဆန်၊ ဆီ၊ ဆား ဖူလုံခဲ့ပေမယ့် အခု ၂၀၂၆ ခုနှစ်မှာတော့ အခြေအနေတွေက တခြားစီ ဖြစ်သွားခဲ့ပါပြီ။မျှော်လင့်ချက်တွေ ရပ်တည်ချက်တွေ…
(002MG)မြန်မာတစ်နိုင်ငံလုံးတွင် ဇွန်လ (၁) ရက်နေ့ကစ၍ စစ်အစိုးရက အခြေခံပ ညာကျောင်းများ ဖွင့်လှစ်ခဲ့ပြီး ချင်းပြည် နယ်တွင်လည်း အခြေခံကျောင်းများစတင်ဖွင့်လှစ်ကာ ကျောင်းအပ်နှံ့သည့်ကျောင်းသူ၊ ကျောင်းသား ဦးရေ ၂၃၀၀၀ ကျော် ရှိသည်ဟု ချင်းပြည်နယ် ပညာရေးဝန်ကြီးဌာနထံမှ သိရသည်။၂၀၂၆- ၂၀၂၇ ပညာသင်နှစ်အတွက် ချင်းပြည်နယ်တွင် အခြေခံပညာရေးကျောင်းများကို ဟားခါး၊ ဖလမ်း၊ တီးတိန်နှင့် တွန်းဇံမြို့နယ်တို့တွင်ဖွင့်လှစ်နိုင်ခဲ့သည်ဟု သိရသည်။တီးတိန်မြို့ ဒေသခံတစ်ဦးက “ကျောင်းတွေ ပြန်ဖွင့်တာက သတင်းကောင်းပါပဲ အစိုးရကို ကြိုက်တာ မကြိုက်တာထက် အဓိက ကလေးတွေ ပုံမှန်ကျောင်းတက်နိုင်ဖို့က တကယ် လိုအပ်တာပါ။ (၅) နှစ် လောက် ကျောင်းမတက်ရဘဲ နောက် ထပ် (၅) နှစ်လောက်ပါ ထပ်ပြီး ကျောင်းမတက်ရတော့ဘူးဆိုရင် (၁) တန်းကနေ (၁၀) တန် အထိ ကျောင်းတက်ရမယ့် အချိန်တွေ ဆုံးရှုံးသွားမယ်” ဟု ပြောသည်။တီးတိန်မြို့နယ်တွင် ဇွန်လ (၂) ရက်နေ့အထိ KG မှ Grade-12 အထိ ကျောင်း သား၊ ကျောင်းသူ(၁၀,၄၅၇) ဦး နှင့် တွန်းဇံ မြို့နယ်တွင် (၁,၇၀၆) ဦး၊ တီးတိန်ခရိုင်အတွင်း စုစုပေါင်း (၁၂,၁၆၃) ဦး ကျောင်းအပ်နှံကာ ပညာသင်ကြားလျက်ရှိ သည်ဟု တီးတိန်ခရိုင်ပညာရေးမှူးရုံး စာရင်းအရ သိရသည်။ဟားခါးမြို့တွင်လည်း ၂၀၂၆ – ၂၀၂၇ ပညာသင်နှစ်အတွက် အခြေခံပညာကျောင်းများ၊ ကိုယ်ပိုင်ကျောင်းများ စတင်ဖွင့် လှစ်နေပြီဖြစ်ဟုသိရသော်လည်း လက်ရှိတွင် ကျောင်းသူ/ ကျောင်းသား ဦးရေစာရင်း အတိအကျမသိရသေးသည့်အပြင်…
(006SV) ချင်းပြည်နယ်တောင်ပိုင်း၊ မင်းတပ်မြို့နယ်၊ ထင်ချောင်းကျေးရွာတွင် အသက် ၁၆ နှစ်အရွယ် ကျောင်းသား ၁ ဦး အပါအဝင် ဒေသခံပြည်သူ ၂ ဦးကို စစ်တပ်စစ်ကြောင်းများက သတ်ဖြတ်ခဲ့ကြောင်း သိရသည်။ ယောဒေသ၊ ကျောက်ထုမြို့အခြေစိုက် အမြောက်တပ်ရင်း ၃၆၈ မှတဆင့် မင်းတပ်မြို့နယ်သို့ စစ်ကြောင်းထိုး ဝင်ရောက်လာသော စစ်ကောင်စီတပ်သည် မေလ ၃၀ ရက်က ထင်ချောင်းကျေးရွာတွင် အသက် ၁၆ နှစ်အရွယ် ၁၀ တန်းကျောင်းသား ၁ ဦးနှင့် အသက် ၆၀ ခန့်အရွယ် အမျိုးသား ၁ ဦးတို့ကို သေနတ်ဖြင့် ပစ်သတ်ဖြတ်ခဲ့သည်ဟု ဒေသတွင်း သတင်းရင်းမြင်တချို့ထံမှ သိရသည်။ “သေနတ်နဲ့ ပစ်သတ်ခံရတာပါ။ ဘယ်အနားကို ဘယ်လိုပစ်တယ်၊၊ ဘယ်နှစ်ချက် ပစ်ထားတယ်ဆိုတာ မမြင်တွေ့ရသေးပါဘူး။ သူတို့ကို ရွာထိပ်မှာ သတ်ဖြတ်ထားတာ တွေ့ရတာပါ။ အလောင်းမရသေးပါဘူး။ စစ်သားတွေ ရှိနေကြတုန်းပါ” ဟု ချင်းတောင် ပိုင်းမှ ဒေသခံတစ်ဦးက ပြောသည်။ ထင်းချောင်းကျေးရွာက ဒေသခံပြည်သူများ၏ နေအိမ် ၁၀ လုံးကျော်ကိုလည်း မီးရှို့ဖျက်စီးထားခြင်းကို တွေ့ရကြောင်း သိရသည်။ ဇွန်လ ၃ ရက် ည ၁၀ နာရီခန့်အချိန်ကလည်း မင်းတပ်မြို့နယ် အရှေ့ခြမ်းနေရာများကို စစ်တပ်သည် ဂျက်ဖိုက်တာ ၂ စီးဖြင့် ဗုံး ၁၀ လုံးခန့် ကြဲချတိုက်ခိုက်ပြီး Y – 12 တစ်စီးဖြင့် ၅ လုံးတွဲ ဗုံးတွေနှင့် ၈ ကြိမ်…
(006SV) ချင်းတော်လှန်ရေးတပ်များ ထိန်းချုပ်ထားသည့် ချင်းတောင်ပိုင်းရှိ မင်းတပ်နှင့် ကန်ပက်လက်မြို့နယ်များကို အာဏာ သိမ်းစစ်တပ်က အင်အား ၂၀၀၀ ဝန်းကျင်ဖြင့် စစ်ကြောင်းထိုးပြီး ထိုးစစ်ဆင် တိုက်ခိုက်နေကြောင်း ချင်းပြည်သူ့အစည်းအရုံး/ ချင်းပြည်သူ့တပ်မတော် (CPU/ CPA) ထံမှ သိရသည်။ မေလလယ်ဝန်းကျင်မှ စတင်၍ အာဏာသိမ်းစစ်တပ်နှင့် ချင်းပြည်သူ့တော်မတော်/မဟာမိတ်ပူးပေါင်း တပ်များအကြား ထိတွေ့တိုက်ပွဲများ အပြင်းအထန်ဖြစ်ပွားနေကြောင်း CPU/ CPA က ယနေ့ ဇွန်လ ၄ ရက်မှာ ထုတ်ပြန်သည်။ “လက်ရှိတွင် CPA နှင့် မဟာမိတ်ပူးပေါင်းတပ်ဖွဲ့များက အကြမ်းဖက်စစ်ကော်မရှင်၏ ထိုးစစ်များကို အောင်မြင်စွာ ခုခံဟန့် တားထားပြီး စစ်မြေပြင်တွင် အခြေအနေမကောင်းသော အကြမ်းဖက်စစ်တပ်သည် တိုက်လေယာဉ်၊ Y – ၁၂ လေယာဉ်များဖြင့် အကြိမ်ပေါင်းများစွာ လေကြောင်းတိုက်ခိုက်မှုများ ပြုလုပ်လျက်ရှိသည်” ဟု CPU/ CPA က ဆိုသည်။ လက်ရှိတွင် တိုက်ပွဲနှင့်ပတ်သက်၍ သတင်းမှားများ၊ ကောလာဟလသတင်းများ အွန်းလိုင်ပေါ်ရှိ တရားဝင် မဟုတ်သော ဖေ့ဘွတ်စာမျက်နှာများတွင် ပျံ့နှံ့လျက်ရှိသည်ကို တွေ့ရပြီး ၎င်းတို့သည် အများပြည်သူကို စိုးရိမ်းထိတ်လန့်မှုများ ဖြစ်စေ သည့်အပြင် မလိုလားအပ်သော နောက်ဆက်တွဲဆိုးကျိုးများကိုလည်း ဖြစ်စေသည်ကို တွေ့နေရသည်ဟု CUP က ထုတ်ပြန်သည်။ ပြည်သူများအနေဖြင့် မိမိတို့ သက်ဆိုင်ရာ အဖွဲ့အစည်းမှ တိုက်ပွဲနှင့် စပ်လျဉ်း၍ ထုတ်ပြန်သော တရားဝင် ထုတ်ပြန်ချက်များကိုသာ စောင့်မျှော်နားစွန့်ရန် CPU/ CPA က အသိပေးသည်။ အာဏာသိမ်းစစ်တပ်က ယခုကဲ့သို့ ထိုးစစ်ဆင်ဝင်ရောက်လာမှုကို ခုခံတွန်းလှန်…
ဖြတ်လေးဖြတ် ပြုလုပ်ခံနေရသော ချင်းတောင်ပိုင်းစစ်ဘေးရှောင်ထောင်ချီ အကူအညီ လိုအပ် (006SV) အာဏာသိမ်းစစ်တပ်သည် မင်းတပ်မြို့နယ်ကို ဖြတ်လေးဖြတ် ပြုလုပ်ပြီး ထိုးစစ်ဆင်လာသည့်အတွက် မင်းတပ်မြို့နှင့် ၁၀ မိုင်ခန့်အကွာမှာ တိုက်ပွဲများ ပြင်းထန်စွာ ဖြစ်ပွားနေသည်ဟု မင်းတပ်မြို့နယ် စစ်ဘေးရှောင်စခန်း စီမံခန့်ခွဲမှု ကော်မတီထံမှ သိရသည်။ ချင်းပြည်နယ်တောင်ပိုင်း၊ မင်းတပ်မြို့နယ်ကို စစ်တပ်သည် အင်အားတစ်ထောင်ကျော်ဖြင့် ထိုးစစ်ဆင်နေပြီး တိုက်ပွဲများ ပြင်းထန်စွာ ဖြစ်ပွားနေကြောင်း၊ မေလ ၃၀ ရက်ကလည်း မင်းတပ်မြို့နယ်၊ ထင်ချောင်းရွာကို စစ်တပ်က မီးရှို့ဖျက်စီးခဲ့သည်ဟု ယင်းကော်မတီက ဇွန်လ ၂ ရက်မှာ ထုတ်ပြန်သည်။ မေလ ၂၉ ရက်က ယောဒေသ၊ ကျောက်ထုမှတဆင့် မင်းတပ်မြို့နယ်ထဲကို စစ်ကြောင်းထိုးဝင်လာသော စစ်တပ်နှင့် ချင်းပူးပေါင်း တပ်တို့သည် မေလ ၃၀ ရက်ကတည်းက စတင်၍ ထိတွေ့တိုက်ပွဲများ ဖြစ်ပွားနေသည်ဟု ဒေသခံတချို့က ပြောသည်။ မင်းတပ်အပါအဝင် ချင်းတောင်ပိုင်းမြို့များသည် ဖြတ်လေးဖြတ်ကို ထပ်မံ ရင်ဆိုင်နေရပြီး လူသားချင်းစာနာမှု အကူအညီများ အရေးပေါ် လိုအပ်နေကြောင်း၊ တိုက်ပွဲများ အပြင်းအထန်ဖြစ်ပွားနေမှုမှာလည်း ရေရှည်ထပ်မံ စစ်ဘေးရှောင်ရမည့် အနေ အထားဖြစ်ကြောင်း ဒေသခံတချို့နှင့် မင်းတပ်စစ်ရှောင်ကော်မတီထံမှ သိရသည်။ “နှစ်ရှည်လများမှာ အကြိမ်ကြိမ်စစ်ဘေးရှောင်ခဲ့ကြရပြီး ယခုအကြိမ်လည်း အချိန်အတော်ကြာ ထပ်ရှောင်ရအုံးမည်၊ ယခုတစ်ကြိမ် ကျွန်တော်တို့ ဘယ်လောက်ထိ တောင့်ခံသွားနိုင်မလဲ ဆိုတာကိုတော့ အကူအညီတွေအပေါ်အများကြီး မူတည်နေပါသည်” ဟု မင်းတပ်မြို့နယ် စစ်ဘေးရှောင်စခန်း စီမံခန့်ခွဲမှု ကော်မတီက ထုတ်ပြန်သည်။ လက်ရှိတွင် မင်းတပ်မြို့နယ်မှာ စစ်ဘေးရှောင်စာရင်းများကို ကောက်ယူနေဆဲဖြစ်ပြီး…
ကန်ပက်လက်မြို့ဘက်ကိုလည်း စစ်တပ်မှ စစ်ကူအင်အားရာချီ ထပ်မံပို့ဆောင် (006SV) ချင်းပြည်နယ်တောင်ပိုင်း၊ မင်းတပ်မြို့နယ်ကို စစ်ကြောင်းထိုး ဝင်ရောက်လာနေပြီဖြစ်သော အာဏာသိမ်းစစ်တပ်သည် ယနေ့ နံနက်ပိုင်းတွင် မင်းတပ်မြို့နယ် တစ်နေရာကို ဂျက်ဖိုက်တာ ၂ စီးဖြင့် ဗုံး ၈ လုံး ကြဲချတိုက်ခိုက်သွားကြောင်း သိရသည်။ ယနေ့ ဇွန်လ ၂ ရက် နံနက် ၆ နာရီမှ ၆ နာရီခွဲခန့်အတွင်း မင်းတပ်မြို့နယ် တစ်နေရာကို ဂျက်ဖိုက်တာ ၂ စီးဖြင့် ၄ ကြိမ် ဗုံးကြဲတိုက်ခိုက်ရာ တစ်ကြိမ်ကို ဗုံး ၂ လုံးစီဖြင့် ဗုံး ၈ လုံး ကြဲချတိုက်ခိုက်သွားသည်ဟု ဒေသတွင်း သတင်းရင်း မြစ်တချို့ထံမှ သိရသည်။ ယင်းလေကြောင်းတိုက်ခိုက်မှုကြောင့် ဒေသခံပြည်သူများ၊ နေအိမ်အဆောက်အဦးများ ထိခိုက်ပျက်စီးမှု အခြေအနေများနှင့် ပတ်သက်၍ အသေးစိတ် မသိရသေးကြောင်း ဒေသခံတချို့ထံမှ သိရသည်။ မေလ ၂၉ ရက်မှ စတင်၍ ဆော၊ ကျောက်ထုမှတဆင့် မင်းတပ်မြို့နယ်ထဲကို အင်အားရာဂဏန်းဖြင့် စစ်ကြောင်းထိုး ဝင်ရောက်လာနေသော စစ်တပ်နှင့် ချင်းပူးပေါင်းတပ်များအကြား ထိတွေ့တိုက်ပွဲများလည်း ဖြစ်ပွားခဲ့သည်ဟု သိရသည်။ ထိတွေ့တိုက်ပွဲများသည် မင်းတပ်မြို့နယ်ထဲကို စတင်စစ်ကြောင်းထိုးကတည်းက ဖြစ်ပွားနေခဲ့ခြင်းဖြစ်ပြီး နှစ်ဖက်ထိခိုက်ကျဆုံးမှု အခြေအနေများကိုလည်း မသိရှိရကြောင်း ၊ စစ်တပ်သည် အထိနာဖွယ် ရှိနိုင်ကြောင်း ဒေသခံများနှင့် စစ်ရေးလေ့လာသုံးသပ်သူ များက ပြောသည်။ “ထင်ချောင်းက မင်းတပ်မြို့နယ်၊ ကျောက်စစ် သစ်တောကြိုးဝိုင်း အစွန်ဆုံးမှာ ရှိတာပေါ့။ ဒါပေမယ့် သူတို့ အဲဒီဘက်ကနေ…
(005MK) အိန္ဒိယ-မြန်မာနယ်စပ်အမှတ် ၂ ကုန်သွယ်ရေးလမ်းမကြီးဖြစ်သော ရိခေါဒါရ်-လိုင်းတွီကားလမ်းကို ပုံမှန်အတိုင်းပြန် လည်အသုံးပြု၍ရပြီဟု CDF-Hualngoram က ယနေ့ထုတ်ပြန်သည်။ ရိခေါဒါရ်-လိုင်းတွီကားလမ်းပိုင်းကို မေလ ၂၁ ရက်န့မှ ဇွန်လ ၁ ရက်နေ့အထိ ဒေသတွင်း လုံခြုံရေးလုပ်ငန်းများ ဆောင် ရွက်ရန် နံနက် ၆ နာရီမှ ၁၀ နာရီ၊ ညနေ ၅ နာရီမှ ၉ နာရီအတွင်းသာ ဖြတ်သန်းသွားလာခွင့်ကန့်သတ်ထားရာမှ ယနေ့မှ စ၍ ပုံမှန်အတိုင်း မနက် ၆ နာရီမှ ညနေ ၇ နာရီအထိ ပြန်လည် အသုံးပြုနိုင်ပြီဖြစ်ကြောင်း ထုတ်ပြန်ချက်တွင် ဖော်ပြထားသည်။ လုံခြုံရေးလိုအပ်ချက်အရ ကားလမ်းဖြတ်သန်းသွားလာခွင့် ကန့်သတ်ထားချိန်တွင် လေးစားလိုက်နာပေးကြသော မိဘ ပြည်သူများကို ကျေးဇူးတင်ရှိကြောင်း ဖော်ပြထားသည်။ ရိခေါဒါရ်မြို့ကို ၂၀၂၃ ခုနှစ် နိုဝင်ဘာ ၁၃ ရက်နေ့မှာ ချင်းလဲန်းကောင်စီပူးပေါင်းတပ်ဖွဲ့များက သိမ်းပိုက်ခဲ့ပြီး နယ်မြေခံ တပ်ဖွဲ့ဖြစ်သော CDF-Hualngoram တပ်ဖွဲ့က ထိန်းချုပ်ကာ အုပ်ချုပ်ရေးလုပ်ငန်းများလည်ပတ်လျှက်ရှိသည်။ မီဇိုရမ်ပြည်နယ်နှင့် နယ်နိမိတ်ချင်းထိစပ်ပြီး စီးပွားရေးအချက်အချာကျသော ရိခေါဒါရ်မြို့သည် အိန္ဒိယ-မြန်မာ နယ်စပ်ကုန်သွယ်ရေးတွင် အရေးပါသောမြို့ဖြစ်သည်။ အာဏာသိမ်းစစ်တပ်က ချင်းပြည်နယ်မြောက်ပိုင်းက ဖလမ်း နှင့် တွန်းဇံမြို့တို့ကို ထိုးစစ်ဆင်သိမ်းပိုက်ပြီးနောက်မှာ ရိခေါဒါရ်မြို့ဘက်ကို ထိုးစစ်ဆင်လာနိုင်ဖွယ်ရှိကြောင်း သတင်းများထွက်ပေါ်လျှက်ရှိပြီး ဒေသခံပြည်သူတချို့ကတော့ မီဇိုရမ်ပြည်နယ်ဘက်ကို ကြိုတင်တိမ်းရှောင်မှုများလည်းရှိနေသည်။
(006SV) ကုလားတန်မြစ်ကြောင်း ဘက်စုံသုံး သယ်ယူပို့ဆောင်ရေးစီမံကိန်း (KMMTTP) နှင့် အိန္ဒိယ – မြန်မာ – ထိုင်း သုံးနိုင်ငံ အဝေးပြေးလမ်းမစီမံကိန်းတို့ကို အပြီးသတ်နိုင်ရေးအတွက် အိန္ဒိယနိုင်ငံဝန်ကြီးချုပ် မိုဒီက အာဏာသိမ်း စစ်ခေါင်း ဆောင် မင်းအောင်လှိုင်ကို တိုက်တွန်းခဲ့ကြောင်း သိရသည်။ မေလ ၃၀ ရက်မှ ဇွန်လ ၃ ရက်အထိ အိန္ဒိယနိုင်ငံသို့ အာဏာသိမ်းစစ်ခေါင်းဆောင် မင်းအောင်လှိုင်အပါအဝင် စစ်အုပ်စုထိပ်ပိုင်းခေါင်းဆောင်တို့ ရောက်ရှိချိန်တွင် အိန္ဒိယနိုင်ငံ ဝန်ကြီးချုပ်က ပြောခဲ့ခြင်းဖြစ်ကြောင်း စစ်အုပ်စု သတင်းစာများတွင် ဖော်ပြထားသည်။ အိန္ဒိယဝန်ကြီးချုပ်က လမ်းပန်းဆက်သွယ်ရေး ပိုမိုကောင်းမွန်လာပါက ဒေသတွင်းမှာ အပြန်အလှန်အကျိုးရှိစေမည့် စီးပွားရေး ချိတ်ဆက်နိုင်မည်ဖြစ်ကြောင်း၊ ယင်းစီမံကိန်းများကို အပြီးသတ်နိုင်ရေးအတွက် နီးကပ်စွာ ပူးပေါင်း ဆောင်ရွက်မှုကို သဘောတူညီခဲ့ကြောင်း စစ်တပ်သတင်းစာများတွင် ဝါဒဖြန့်ထားသည်။ အိန္ဒိယနိုင်ငံ၏ ထောက်ပံ့ကူညီမှုဖြင့် တည်ဆောက်နေသည့် ကုလားတန် ဘက်စုံသယ်ယူပို့ဆောင်ရေးစီမံကိန်းသည် စစ်တွေဆိပ်ကမ်းမှ ပလက်ဝမြို့ဆိပ်ကမ်းကို ဖြတ်၍ အိန္ဒိယနိုင်ငံ၊ မီဇိုရမ်ပြည်နယ်ကို ဆက်သွယ်သည့် မဟာဗျူ ဟာအရ အရေးကြီးသော စီမံကိန်းတစ်ခုဖြစ်သည်ဟု သိရသည်။ စစ်တွေရေနက်ဆိပ်ကမ်းနှင့် ပလက်ဝကုန်တင်ဆိပ်ကမ်း တည်ဆောက်မှု ပြီးစီးသော်လည်း လက်ရှိမှာ ပလက်ဝမြို့တွင် အကောင်အထည်ဖော်မည့် စီမံကိန်းတချို့နှင့် ပလက်ဝမှ အိန္ဒိယနယ်စပ်အထိ ဆက်သွယ်မည့် အဝေးပြေးကား လမ်းစီမံကိန်းမှာ တိုက်ပွဲများကြောင့် မပြီးသေးကြောင်း သိရသည်။ လက်ရှိမှာ ပလက်ဝမြို့နယ်နှင့် စီံမံကိန်းနယ်မြေအများစုကို ULA/ AA နှင့် ချင်းတော်လှန်ရေးတပ်ဖွဲ့များက ထိန်းချုပ် ထားသည်ဟု သိရသည်။ ၂၀၀၈ ခုနှစ်က သဘောတူစာချုပ် ချုပ်ဆိုပြီး…